33	GEN 2:2	God nitu uduudu dewamone diasan ita walama 7 bedewe bubualen.
34	GEN 2:3	God walama 7 eusane kakaisane awoasane itun, ipawa walama sawo me nolawa dewasane diasana bubuawalen.
95	GEN 4:15	Tane Iawe God me sipoasane wanase, “E mai epeubolepi, dia. Apana mida e epeepibolepia me ando sipoa matangela walama 7 ita osoweosowe debamaia wadepi.” Ita Iawe God me osowe pusi itun, apana pusi sa ewapue ita epu mai bosapu, dia.
104	GEN 4:24	Ita apana mida Kein bosapia me matangelawa debama 7 wadepi. Tane mida ne kadina sipoasapia me matangelawa 7 ampiboe 77 wadepi, sa ipa matangela debamaia osoweosowe wadepi.”
162	GEN 7:2	Tane pue eubu mona 7 ita iwoa 7 otamoe aimoa. Tane pue isiu da mai eubu mona dea ita iwoa dea otamoe aimoa.
163	GEN 7:3	Do nene daitada mona 7 ita iwoa 7 aimoa. Ipawa pue daitada ita nene iono lalala inawaa tawo osowe waimompa.
164	GEN 7:4	Walama 7 dialepio ne unu tawo ema osowe wapaaubepo wampo walama 40 ita tadina 40 dialepi. Ita nitu uduudu inawaa tawo osowe dewamona kadimopatuapi.”
170	GEN 7:10	Ita walama 7 dialeno aupe abaia segalene tawo osowe wisen.
171	GEN 7:11	Noa enawa 600 wadeno uaboa natawa walama 17 bedewe esa tawo bedewe segalene odene wisen. Tane do uboo unu duwa moawa wadaaubalen.
188	GEN 8:4	Ita uaboa 7 bedewe walama 17 wadedio waa wadi Ararat osowe ependoden.
194	GEN 8:10	Me wandio walama 7 dialeno osowe nene bunebune wadene itunieno alen.
196	GEN 8:12	Tane walama 7 da dialeno me nene bunebune osowe wanaubeno alen. Ita nene sa mai leulepe mampe wisepona, dia.
198	GEN 8:14	Tane uaboa natawa bedewe walama 27 wadedio esa uduudu makolene diaidalen.
303	GEN 12:4	Tane walama sawo Abram enawa 75 waden. Iawe God me diena rua me manainapa Sarai ita me wamba otopa Lot do bola debama Aran ene antoiena. Mo a baiwa nitu uduudu mo mampoa, pue ita do mo nolau dewala apanawa Aran bedewe waimoia do bola Kanaan bedewe anton. Ita mo Kanaan bolawa enentudenawo wimone,
814	GEN 29:18	Tane Iakob Reitel nuausano nuawa me mampe omeno baiwa me Leiban diene wanase, “Ne e baia ena 7 nolanteapa malesawa ando e anoa kerauwa Reitel neaa.”
816	GEN 29:20	Ita Iakob Reitel naisepia baiwa nolalena enawa ipa 7 dialen. Tane ena sa 7 me nolalena dauwa etaetawa abo walama natadea bedewe nolalepona rua, ipawa me Reitel nuawadawadaidasan.
817	GEN 29:21	Tauma Iakob Reitel naisepia baiwa ena 7 bedewe nolalene ompa osowe wisene ita Leiban mampe wane wanase, “E waana rua ne nolana dewasane diasana, tauma ne anoa neawo naisepa.”
821	GEN 29:25	Ita tadinaida Iakob enenwisene Lea ewene nuawa kadiidaleno wanase, “Leiban e dima baiwa epe dewaiten, ne ena 7 bedewe nola pokawaa dewasana Reitel baiwa. Tane e dima baiwa laga inainamba ema dewasaana ne mainawo?”
823	GEN 29:27	Tane e kerauda os onioniaitaa nainai odawantitana wikiwa ema dialepio aupe Reitel do eneepa. Tane sa ipa e bauta sauaitaa ena 7 osowe wane ne baina nolaita.”
824	GEN 29:28	Ita Iakob Leiban aiawa ruawalene wana ena 7 da osowe wampie nolalepi. Ita me Lea naisene nata waimoio wiki dea dialeno aupe Leiban wana rua Reitel do waneno naisen.
826	GEN 29:30	Tauma Iakob Reitel do itusan ita me nuawadawadawa Reitel baiwa debamaidalen tane Lea mampe nuawadawadawa keraulen. Ita Iakob ena 7 da osowe waine Leiban baiwa nolalen.
1086	GEN 37:2	Tane Iakob obampa do gagalou ema epe. Iosep ipa oto emademba enawa 17 wadedio me tatatawa do pue sipsip ita gote oniamoie. Tane seda sa ipa me mamba manamanainapa Bila ita Silpa obaampu. Ita Iosep aleidie mamba mampe wisedie mo emalawoasaia umanawa mamba benemasade.
1198	GEN 41:2	ita walama sawo kau uduudu 7 etepu potopotowa ewaewau eubu esa bedewee wimone ina esa tampe inintoia namoie.
1199	GEN 41:3	Ema aupe kau 7 da ewaewau oaoarauida etepu nepunepua esa Nael bedewee wimone esa tampe kau eubu bauta wimoiena do eneie.
1200	GEN 41:4	Ita kau ewaewau oaoarau etepu nepunepua enane kau 7 ewaewau eubu etepu potopotowa namonatuwaiena. Ita warere auenleidia ene enenwisen.
1201	GEN 41:5	Tane me osowe itulene auemba natawa ewena ema epe: Wit ipawa uduudu 7 iawa dea osowe naunautetela ewaewau eubu wineie.
1202	GEN 41:6	Ita ema aupe wit iawa osowe ipawa 7 da inintone wimoiena lanunu epeno ipau rorontone kapisantona ewamon.
1214	GEN 41:18	ita esa sa bedewee kau uduudu 7 etepu potopotowa eubu wimone esa waiwe ina namoie.
1215	GEN 41:19	Tane ema aupe ewedino kau uduudu 7 da oaoarau etepu nepunepua esa bedewee wimoiena. Kau inainambu ema ruau ne mai Isibt bolawa bedewe ewamopona, ewamona.
1216	GEN 41:20	Ita kau oaoarau etepu nepunepua enanawimone ita kau etepu potopotowa uduudu 7 esa bedewee bauta wimoiena namonatuwaiena.
1218	GEN 41:22	Tane osowe ituntene auen da ewana. Ita auen sa bedewe wit iawa dea osowe naumona ipawa uduudu 7 menawane wineio ewamona.
1219	GEN 41:23	Ita ema aupe wit iawa da osowe ipawa naumona uduudu 7 wineio lanunu wisene suno ipawa da kapisanton ita isiwa kerakera teamon.
1220	GEN 41:24	Tane wit ipawa 7 kapisantona enane wit naumonadewae menawaie wineia namonatuwaiena. Ita ne auen ema ewane ipawa atenteapona baiwa wene ita apana debamau diamono wimoiena. Ita ne auena mo diamono etane ipawa mai waeuwaneapona, dia.”
1222	GEN 41:26	Kau potopotowa eubu 7 ewamoana sa ipa ena 7 ita wit ipawa eubu 7 sa ipa ena 7. Auen sa nata ipau ipa deawa.
1223	GEN 41:27	Tane kau etepu nepunepua ewaewau oaoarau 7 kau eubu wauwo wimoiena sa ipa ena 7 umanawa wade. Tane wit ipawa 7 lanunu epeno tonantona sa ipa ena 7 bedewe omana debamawa segalepia umanawa wade.
1225	GEN 41:29	Ena 7 bedewe maura debama Isibt tawowa uduudu bedewe segalepi.
1226	GEN 41:30	Tane ema aupe ena 7 da bedewe omana debamaia segalepi. Ita Isibt bedewe maura debama segalena apana nuauawawalepi. Ita omana debama segalepie bola uduudu kadisapituwapi.
1232	GEN 41:36	Tane omana debama segalempo, ena 7 bedewe Isibt apanawa nana sa saumopi. Ita epe segalepio apana mai omana bowantopu, dia.”
1243	GEN 41:47	Tane ena 7 bedewe Isibt tawowa bedewe maura debamaia segalen.
1244	GEN 41:48	Ena sa 7 bedewe Iosep apana diamono maura sa uwauwantone auweiena Isibt bolawa debama deadea bedewe adibantoiena. Ita bola debama deadea bedewe nana sa irai bedewe uwauwantoia maida auwene adibantoiena.
1249	GEN 41:53	Tane Isibtiwa ena 7 bedewe maura debamawa mampo segalena tauma dialen.
1250	GEN 41:54	Ita ena 7 da bedewe Iosep wana rua omana debamaia bola daitada bedewe ualen. Tane Isibt bolawa os bedewe nana winedie.
1413	GEN 46:26	Tane apana mida Iakob do Isibt bedewe antoiena atatawa do wisiau 66 waden, tane mai me obampa manamanainapu wisiamopona, dia. Ita Iosep obampa nata Isibtiwa muntoiena mo ipa Iakob atatawa wisiawa odene awodealene 70 waden.
1449	GEN 47:28	Iakob Isibt tawowa bedewe wandio enawa 17 dialen. Tane waina enawa awodealena ipa 147 waden.
1510	GEN 50:3	Tane me boleno mo wimone etepa badolepia baiwa simbiasaie bunamantoio walama 40 dialen. Ema aupe Isibt apanawa kakontoio walama 70 dialen.
1517	GEN 50:10	Ita mo antone esa Ioadan tampe bola debama Atad bedewe nana wit ipawa ita sewa empuiasaiawo wimoiena. Ita sape mo nuapare kakowa debamaia waie. Tane Iosep nuaparepare dewawa rua dewasadie mamba kewa wadio walama 7 dianton.
1538	EXO 1:5	Tane Iosep ipa Isibt bedewe wandie. Ita Iakob obampa ita atatawa do wisiau uduudu ipa 70 waden.
1832	EXO 12:15	‘E bured mai ist dola nanuno walama 7 dialepi. Tane oda ualempo walama sa dea bedewe ist uduudu e manlawo duwa wineia otamone aubamona. Oda ema ualempo mai mida bured ist bedewe itune dewasaiena napi, ideita walama 7 diantopu. Tane apana mida walama 7 sa bedewe bured ist dola napia me Israel apanawa mampo wapuaubepuo emopie aidalepi.
1948	EXO 15:27	Ema aupe mo bola Elim bedewe wimoiena. Bola sa bedewe maneu uduudu 12 ita notonkela iawa uduudu 70 eneie. Mo sape saradountone waimoie.
1974	EXO 16:26	Walama 6 bedewe e nanala auwenuna tane walama 7 sa ipa Sabat walamawa, walama sawo e mai nana da donsana, dia.”
1975	EXO 16:27	Tane walama 7 osowe apana isiwa nomone antone nana auwepona baiwa banuntoie tane mai da donsapona, dia.
1977	EXO 16:29	E insene ateitana Sabat walamawa ipa Iawe God amonawa e baila. Sa baiwa me walama 6 osowe walama nata bedewe nana nane waina ruawa enalen. Sabat walamawa sawo e duwa dainaitane wanlempa, walama 7 osowe mai nolene nana banuwa aitana, dia.’”
1978	EXO 16:30	Sa baiwa walama 7 osowe apana mai nana auwepona.
2062	EXO 20:10	tane walama 7 ipa Sabat walamawa, ita walama sa einapune Iawe e Godila baina ena. Walama sa bedewe mai mida da nolawa dewasapi, dia, mai e, mai obanla ba mida nolala dewalala, ba puela, ba apana da nambea wimone e bolalawo waimoia nolantopu, dia.
2063	EXO 20:11	Ipawa walama 6 bedewe Iawe God uba, tawo, owa ita nitu uduudu bedewe wineia dewamontuwan ita walama 7 bedewe nolawa bubuawalen. Sa baiwa ne Iawe God sau euda Sabat walamawa osowesana ita kakaisane neba baina einapune awowasana.
2194	EXO 24:16	Ita Iawe God sapawa debamaia wadi Sainai osowe ien. Tane giou wadi sa bodene winedio walama 6 dialen. Ita walama 7 bedewe God giou sawanaida bedewe Moses apasana mampe wimpi.
5114	DEU 7:1	Moses Israel apanawa diamone wanase, “Iawe e Godila banlalepie alepie bola enalepio bedewe waina. E sape odonuno me dan uawa uduudu 7 tanamopio nambe antoputuwapi. Uwa sa ipa Itaiwa, Gigasiwa, Amoriwa, Kanaanwa, Perisiwa, Iwaiwa ita Sebusiwa. Dan uwa ema ipa apana debamau ita pokawaauida mai e ruala.
7247	1SA 2:5	Tane apana nana maurantoie naio pokamodio waimoia mo tauma nana baiwa nolantopu, tane mo mida omana tomodia tauma nana mauraleidio naie waimoi, ita i aipoiwa tauma obampa uduudu 7 gamomon. Tane i obampa uara gamomona tauma meba osi wande.
7428	1SA 10:8	Tauma e bautaite iee aitaa bola debama Gilgal bedewe ita e bola sa bedewe wanempo walama 7 dialepi. Ita ne sape wineape dima dieepo rua dewasa. Ne pue pulontompe sumpa pulowa ita wanwan euda pulowa dewasapa Iawe God mampe, sa ipa no me do deantena pulowa.”
7607	1SA 16:10	Sa baiwa Iese obampa uduudu 7 diamono Samuel mampe anton. Tane me Iese diene wanase, “Iawe God e obana ema mai da sonabepona, dia.”
8307	2SA 12:18	Walama 7 dialeno aupe oto bolen. Dawid nolawa dewalala oto bolena umanawa wapona santon. Ita mo waienase, “Oto wandia walamawe me mampe no gagalontitano mai etaneipe, dia. Tauma oto bolena umanawa ambi wate diata? Meba kadi donsapio!”
8783	1KI 2:10	Warere Dawid Israel apanawa oniamodie, me bauta bola debama Ibron bedewe waina enawa 7 ita Ierusalem bedewe waina enawa 33. Tane me oniamodia enawa awodealena 40 waden. Me wandie boleno mo me nosinosiwa wineiawo bola ebowa Dawid bolawa Ierusalem bedewe dobontoiena.
9114	1KI 11:3	Warere Solomon manamanainapa uduudu 700 mo ipa warere anoanopu. Ita do nolawa iotopa 300 mo ipa me manamanainapa. Ioto ema me nuawa teineieno Iawe God nuawadawadasadia en.
9387	1KI 18:43	Ita me nolawa dewalala mampe wanase, “E aie owa deneuwe ewawo.” Ita nola dewalala alene ewene leulene wisene Elaia diene wanase, “Ne antene mai dima da ewapona.” Elaia nolawa dewalala dieno walama 7 osoweosowe alene ewen.
9388	1KI 18:44	Ita walama 7 bedewe nola dewalala wanase, “Ne giou keraudida apana witapa rua owa bedewe odedio ewana.” Sa baiwa Elaia wanase, “E aite Eiab diaa, e unu bodeepia sawa turakaa pue teiteinalala osowe odee wane duawo aitaa.”
9408	1KI 19:18	Tane Israel apanawa 7,000 mo mida mai Baal wadaposisapona ba kokoitauwa isuruwasapona, mo os waimompa.”
9661	2KI 5:10	Tane Elaisa gagalowa benemala wanaubeno Naeman mampe alen diepi wapiase, “E esa Ioadan bedewe aite walama 7 duaditaa. Ita e etea inalepio euitaa.”
9665	2KI 5:14	Ita Naeman alene Ioadan esawa bedewe iena walama 7 God perowetawa wana rua ita etepa uduudu eulen, oto gegela etepa rua.
12019	2CH 36:21	Sa baiwa Iawe God benemawa ulaipalen peroweta Ierimaia wana rua. Sabat walamawe bubuantoia rua tawo sa di winedie bubualeidio ena 70 dialen.
12103	EZR 3:1	Walama sa uaboa 7 wadeno Israel apanawa muba bolauwobolauwo waimoia ene wimone Ierusalemwa awodeantone waimoie.
12499	NEH 8:2	Sa baiwa uaboa 7 wadeno walama dea ualeno pirisi Esra anaana bukawa wadene apana uduudu mona ita ioto ita seda eiau gagalo etapue atentopua mampo wisen.
12875	JOB 1:2	Me obampa mona 7 ita anoanopa natadea gamomon.
12876	JOB 1:3	Ita me sipsipwa uduudu 7,000, kamelwa 3,000, kauwa 1,000 ita donkiwa iwoa 500. Ita do me nolawa apanawa uaraia. Tane me ipa maura apanawa mai apana isiwa bola sa omo wisedia deneuwe waimoia ruau.
12908	JOB 2:13	Ita mo Iob do dogo osowe waimoio walama 7 ita tadina 7 dianton. Iob poka debamaia etedie, sa baiwa mo ewane gagalo wasasia daina waimoie.
13934	JOB 42:8	Sa baiwa e kau mona 7 ita sipsip mona 7 otamone ne nolana dewalala Iob mampe aitane pulo itune suna eba baila. Me e baila rauparilepi, ita dima ne dewasapa iririwaneampo e baila dewasapa. Ita ne mai e kadila dewasalana ruaidanteape matangelalepa. E ne umanana mai ulaipa wapona ne nolana dewalala Iob dewaleidia rua.”
13939	JOB 42:13	Ita do me obampa mona uduudu 7 ita anoanopa natadea wanen.
15453	PSA 90:10	No wantaa enawa ipa 70, tane apana isiwa mukantopua wampuo enau 80 wadepi; no wainite sai uara donsaitana, mai wainipono daumaleipona ita bontitana.
16709	PRO 9:1	Aten Insaisawa Euwa meba duwa waden; meba unsia 7 dewasan.
23603	MAT 12:45	Tane me menasadia aleu kadiu 7 da kadiuida, mai me meba rua, do sape wampu. Me au aleidie banlamodio wimoie du sawo waimoie du apanawa dewasaio wanwamba kadiidaleide, mai bauta aleu kadiwa dea os me duwa bedewe wandie nolaleidia rua. Tane epe rua deawaa walama ande apanawa mampo segalepi.”
23736	MAT 15:34	Iesu waitaramone wanase, “E manlawo bured uduudu ambi winei?” Mo sipoasane waienase, “No mainimbo bured 7 ita bouri kerakera nata os winei.”
23738	MAT 15:36	Tauma me bured 7 ita bouri do otene God auwasano dialeno ampuialene me wawe alala wanamon, mo apana mampo amonantopuo napua baiwa.
23739	MAT 15:37	Mo uduudu nana sa nane pokamon. Tane wawe alala nana moawa eiena posawa 7 aimoieno nope wimon.
23751	MAT 16:10	Tane do walamaipa ne bured 7 otene apana 4000 wanamono naiena e nana sa moawa posawa uduudu ambi nopemolana?
23817	MAT 18:21	Mape Pita Iesu mampelene waitarasane wanase, “Tatamba, sumanai sona mainawo kadi dewasapia walama uduudu ambi ne me kadiwa insepadabuasapa? Walama uduudu 7 ide, ba?”
23818	MAT 18:22	Iesu sipoasane wanase, “Mai walama 7 os, dia! Walama 7 ita osoweosowe soa kadiwa inseadabuasaa, tane mai ea, walama uduudu kadiwa insenadabuasana!
23969	MAT 22:28	I sa apana 7 naimono bontoiena. Sa baiwa no waeuwanewo atentata apana bolala bo bedewe enapuwimopue waimompo i sa apana dainea manainapaida wanalepi?”
24574	MRK 8:5	Mape Iesu mo waitaramone wanase, “E manlawo bured ambi os winei?” Mo me sipoasane waienase, “No mainimbo bured 7 os winei.”
24575	MRK 8:6	Tane Iesu apana auauwalala uaraia diamona dogo osowe aisintopue wampu. Ita me bured 7 wineia otene God auwasane ampuialene me wawe alala wanamon apana sa uaraia wanamopuo napua baiwa. Ita wawe alala Iesu diamona rua bured sa nanantone apana wanamoiena.
24577	MRK 8:8	Ita mo nana sa nanantoieno apana uduudu nane pokamon. Tane apana sape auweiena uaraia, 4000 rua. Mo nana nane pokamono moawa eiena wawe alala nana sa auwene posawa 7 bedewe aimoieno nope wimon. Mo nana diasaieno Iesu apana waaubamono bolauwo antoio
24589	MRK 8:20	Tane Iesu osowe waitaramone wanase, “Walamaipa ne bured 7 ampuiamone apana 4000 wanamono nane pokamon ita e nana moawa eiena posawa ambi aimolano nope wimon?” Ita mo me sipoasane waienase, “Walama sawo no nana eiena posawa 7 aimotano nope wimon.”
24765	MRK 12:23	I sa apana 7 naimono bontoiena. Sa baiwa no waeuwanewo atentata apana bolala bo bedewe enapuwimopue waimompo i sa apana dainea manainapaida wanalepi?”
24824	MRK 14:1	Pirisi debamau ita anaana waeuwalala auweie gagalontoie inta na inta Iesu wadapuitue kotusapue bosapu. Ita mo gagalontoie insaisau deasane waienase, “Walama nata dialepio aupe Pasowa odawa nata. Ita ema aupeaupe no bured sasanasiawaia odantonte nanto walama 7 dialepi.
24951	MRK 16:9	Sandewa tadinaida Iesu bo bedewe enenwisene bauta Meri mampe sabamoleno ewen. Meri ema ipa aleu kadiu 7 bedewentone waimoio Iesu tanamono nomoiena iwa.
25078	LUK 2:36	Tane walama sawo peroweta iwa da ebowa Anna God duwa bedewe wandie. Me Penuel anoopa, Asea damba bedewe mulena. Me mapo nainailena enawa 7 dialen, ita badawa boleno aupe obulene wandie gulauidalen, ita enawa 84 waden. Anna God duwa mai walama da epona, dia, me tadina ita walama ruawaleidie sape os wandie God ebowa wadaposisadie idi mampe rauparileidie.
25315	LUK 8:1	Ema aupe Iesu bola debamau ita kerakera bedeuwointa alene Gagalo euda God gonaawa umanawa benemaleidi leidie. Me wawe alala 12 ita ioto isiwa mida kerontona ita isiwa mida bedeuwo aleu kadiu waimoio inamona me do antoiena. Tane ioto sa ebou ema epe: Meri, me ebowa da Magdalin, me bedewe aleu kadiu 7 waimoia Iesu tanamono nomona iwa.
25433	LUK 10:1	Ema aupe Tatamba Iesu warorosaia apanawa 72 da sonabamone diamona natanata os bola debamau ita kerakera bedeuwointa antopue nolantopuo, muriwa me meba wisepie mo wau aupawainta nolalepie alepi.
25449	LUK 10:17	Iesu warorowa 72 sonabamona gagalo diadewasamono dialeno waaubamono nola awa antoiena. Mo nolantoie laie nolau diasane nuaeu debamaia do leuntone Iesu mampe wimone diane waienase, “Tatamba, no antene nolantite dewa pokawaau dewamoite, e eboawo aleu kadiu tanamoitano aiamba ruawantoie apana emoio inantoi.”