215	GEN 9:9	Asisuitana! Ande ne sauana badowa itudina e ita e bedeawoa muntompa mampo
475	GEN 19:17	Ita mo banlamone bola sa adiwe nomone diamone waienase, “Salawo weuwane aitane inaitana! Tane aitonune mai leusaewaitana ba into waina ideita wadiwa wilena boitana sawa.”
844	GEN 30:13	Tane Lea wanase, “Ne nuaeunten! Ioto uduudu ne mainawo wapuase, nuaeu.” Sa baiwa me oto ebowa Asea wane itun.
1262	GEN 42:9	Tane me tatatawa auenmona insene ita diamone wanase, “E ipa iwu apanawa! Mape wilene no bolamba ewaitusailana, awopawa dainea obasa winedia bedewe odane kadinena baiwa.”
1263	GEN 42:10	Tane mo me sipoasane waienase, “Dia, debamamba! No e nolaa dewalala os, nana gimarawa winen.”
1387	GEN 45:28	Sa baiwa Iakob wanase, “Gagalo ema ipa ulaipa! Ne otona Iosep ipa inawaa wande. Ne anteape me ibuwa ewape muriwa bonteapa.”
1390	GEN 46:3	Ita God wanase, “Ne ipa God, e mamaa Godiwa! Isibt bedewe awa mai saitaa, ipawa ne e dewaepo bola sa bedewe dana uarantopu.
1436	GEN 47:15	Bola Isibt ita Kanaan apanawa maneu dialeno baiwa Isibt apanawa uduudu wimone Iosep diane waienase, “No ewaneiana ba, dia! No bontata baiwantitana ita mane do mainimbo dianton. E nana nenawo nata.”
1476	GEN 49:2	Ne obaina, winlene asisuneana! Ne Iakob e mamala asisuneana.
1594	EXO 3:14	Tane God Moses diene wanase, “Ne ipa ne! Ita e Israel apanawa diamoe waase, ‘Me ebowa ipa “Ne ipa ne waaubanen e manlawo.”
1848	EXO 12:31	Tadina sa deawa bedewe warere Moses Aron nata apamone diamone wanase, “Tauwadea nolene aitana, e ita e apanala Israelwa do! Ne bolana ema enaiane aitane Iawe God wadaposisana eba inseilana rua.
1901	EXO 14:11	Ita mo Moses mampe momoduntone waienase, “Isibt bedewe bo nagawa dia, ba? Sa baiwa no banlane mape sala makowa bedewe winene bontata baiwaitiana! Dima no mainimbo dewasaana?
1903	EXO 14:13	Tane Moses mo diamone wanase, “Mai saitana! Badowa enana, ande Iawe God e inalepia emalawo ewana. Tane Isibt apanawa ema tauma ewamoilana ando mai osowe ewamona, dia.
1932	EXO 15:11	Iawe God, god isiwa e rua waimoi, ba? Diaida! E dea os ipa ulaipa kakaiwaida, mukaa debamaidalen no saantitana, e ginasa pokawaa dewalala wainiana.
2470	EXO 32:31	Ita Moses leulene Iawe God mampe alene diene wanase, “Apana ema kadi rebarebaida dewasaiena! Mo gold otene dewasaieno kokoitau kau segaleno muba godiu wanasane wadaposisaie.
2503	EXO 34:6	Moses enedio danaweinta me wisene aleidie mukaleidie wadiase, “Ne ipa Iawe God! Ne ipa Iawe God! Ne ipa nuana obasa ita nuapare Godiwa, nuana aiaisiwa wainedina ita nuawadawadana apanana baibu ipa debamaia. Ne dima wadina ruaida dewasadina.
2507	EXO 34:10	Ita Iawe God me sipoasane wanase, “E asisunea! Ne sauana badowa e Israel apanawa manlawo itudina. E ando ginasa pokawaau ewamona, mai mapo apana da mampo ba bola da bedewe dewamopono ewapona e ewana. Ipawa ne dewa ema e baila dewamopo apana isiwa ewapue santopu.”
5038	DEU 4:32	Walama sawo e Isibtiwa wanilano Iawe e Godila banlaleno nolelana ita me mukawa mampe ginasa pokawaau ita dewa debamau e emalawo dewamodie. Me adilawolene Isibt apanawa onau enene poka debama wanamon. Ita e me dewaleno apanawaida wanaiten, ita wadi Sainai iwe dobina bedewe ia debamaia idie bumedia bedewe me gagaloleidio etalana tane inawaa wainilana. Dewa inainambu ema rua mapo da epe segalen, ba? Dia! Tauma insaisala leusano tawo uduudu bedewe inseno alepi, bumpeido God apana dewasanawo dima segantona ita do muriwa e muitena insamona. Mai god da dewa inainambu ema rua dewamopona, dia.
5236	DEU 11:26	Israel apanawa, asisuitana! E menaledia Iawe God sau euda osolawo itupi ba saua kadiwa osolawosapi?
7225	1SA 1:11	Me raupariwa bedewe saua ema epe wan, “O Iawe God Mukamukaua, ne ipa e nolaa dewalala iwa! Ne nuabolana ewee mai nuaawawane enea, insanea. Naita e oto mona ne neaa, oto sa ne leusape eneepo me inawawa uduudu bedewe e os nolaa dewasampe wankasalepi. Ita do me uawa imba mai topu, dia.”
7231	1SA 1:17	Eli sipoasane wanase, “Wanwan obasa euda manawo winepio do noe aitaa! Dima umanawa iririwaitena Israelwa Godiu eneepituwapi.”
7240	1SA 1:26	Ita me inawa wanase, “O debamana! Ne ulaipaida wadina, ne ipa sa bauta Iawe God mampe rauparintedino ewaneana.
7575	1SA 15:13	Samuel alene Sol donsano ita me diene wanase, “Samuel, Iawe God sauwa euda e manawo! Ne Iawe God anaanawa ruawanten.”
7584	1SA 15:22	Tane Samuel wanase, “Nitu dainea Iawe God nuawa eusade: pue puloitile suilana ita do pulo isiwa dewamoilana mampe, ba me aiawa etane ruawaitana mampe? Asisuitana! Iawe God aiawa etane ita ruawaitana sa ipa eudida mai pulo ituitana rua, tane no Iawe God mampeidontata sa ipa euda mai pue pulontoia rua.
7609	1SA 16:12	Sa baiwa Iese apana isiwa waaubamono anton me banlepua baiwa. Tane Dawid me muwa ipa euda do apana sanaa emademba emawa ewaewa eudida. Dawid wiseno Iawe God Samuel diene wanase, “Me ipa sa! Tauma aite mena me osowe memea.”
8296	2SA 12:7	Tane Natan Dawid mampe wanase, “Apana ipa e! Iawe Israelwa Godiu ema epe wan, ‘Ne e sonabaeno Israelwa warereu segaiten. Sol e boepia mukawa bedewe wainiano ne inaena.
8831	1KI 3:12	sa baiwa e dima iririwa waana ne eneepaa rua! Ne e insaisa euda ita aten e eneepa rua, mai mida da mapo epe wanapona ita mai mida da ando epe wanapa, dia.
9015	1KI 8:27	Iawe God tawo ema osowe e wana rua, ba? Uba ema mai debamalepona e wadeepitudepi! Sa baiwa wadapos duwa ne wadana bedewe e mai wana rua, dia.
9168	1KI 12:14	Ita me apana sanaa wasaubu gagalowa asiasi apana diamone wanase, “Ne apana badowaia, mai mamana rua! Ne mamana sai debama enalen tane ne e sai debamawaida enalepa! Me tai mampe epaledie tane ne tai gedaragedaraua mampe epalepa!”
9170	1KI 12:16	Israelwa uduudu warere mo gagalou etaeta dabualeno ewane me diane waienase, “No ipa mai Iese otopa Dawid bedewea! No mai me damba wainipona! Israelwa, eno nuba bolambobolambo ana, Dawid bedewea Reobeam meba apanawa oniamopi!” Ita mo epe wane ene antoiena.
9333	1KI 17:13	Tane Elaia me diene wanase, “Mai inguguraitaa! Iawe Israelwa Godiu wadiase, ‘Parawa onta bedewe ita do mena dugi bedewe wineia mai diantopu, dia, ideita Iawe God walama ituna osowe unu wapie irai butamopio inintopu!’ Sa baiwa ne dima waana rua duwa aite dewasaa ita ne baina bauta parawa kerauda nuite wade winea. Ita moawa winompa nuitaa e otoa nata baila.’”
9371	1KI 18:27	Ita enautaleidio Elaia mo wasimone wanase, “Mukaitane rauparitana! Me ulaipa godida! Me dauwa insaisawa uaraleide ba nambe alen ba awa da alen. Ba naita me ituleidia wanamesano enepiwisepi!”
9383	1KI 18:39	Tane apana dewa ema ewane, mo nambu dogo osowe udanadoe ke wane waienase, “Iawe God, me ipa God! Iawe God, me ipa God!”
9567	2KI 2:12	Elaisa dewa ema ewene mukalene wanase, “Ne mamana! Ne mamana! Ne Israelwa turakau oas mampe teiteinala apanawa do ewamodina!” Sape me Elaia mai osowe ewapona. Me nuaparewa eueuwa dewasane garawa onapea sioleno kepawa nata seganton.
9666	2KI 5:15	Ita Naeman apanawa uduudu do leuntone God perowetawa Elaisa mampe anton. Naeman Elaisa danawe enene mukalene wanase, “Tauma ne atenten Israelwa Godiu tawo uduudu osowe me os God wande! Sa baiwa ne nolaa dewalala menanedia amonana ema e wadaa.”
12899	JOB 2:4	Ita Seitan Iawe God sipoasane wanase, “Iob meba etepa insaisawa os insedie wande! Tane apana nituwa uduudu nanalepiaubepie inawawa inasapi.
12912	JOB 3:4	Walama sa iwinlepona! God iono mai banusapi, ita sapa mai osowe me sapasapi.
12914	JOB 3:6	Iwin debama tadina sa wadepidodepi! Tadina sa mai nuaeulepi ena sa bedewe walama isiwa ruau; ita mo mai walama sa wisiantopu ena sa bedewe.
13930	JOB 42:4	E ne dianee waanase, ‘E asisuneano gagalonteapa! Ne waitaraepo ita e sipoanea.’
13947	PSA 1:4	Tane apana kadi dewalala mampo mai epe segaleipona! Mo ina tonapa rua lanunu wisedie suaubamode.
14309	PSA 27:7	Iawe God, manawo rauparintepino etanea, nuaparenaite saunea!
14311	PSA 27:9	Ne ipa e nolaa dewalala, mai nuaa kadilepio adia ne mainawo itua, e mai weregaitaa! E ne inaneana, e walama uduudu ne sauneie, sa baiwa tauma mai nebaida enea! Mai eneaiaa!
14314	PSA 27:12	Emalawoa apanawa sa ne lagana wai, mo ne kadineapua menamode, sa baiwa e mai mo emowo ne wadaneapu!
14411	PSA 34:4	Iawe God wadaposisata, no awodea me ebowa debamasata!
14736	PSA 51:13	Ne mai waaubaneawo eepe anteapa! E Aleua Kakaiwa bedenawo mai wadaaubea!
14948	PSA 67:4	Uwa daitada apanawa God wadaposiepu, apana uduudu e wadaposiepu!
14950	PSA 67:6	Uwa daitada apanawa God wadaposiepu apana uduudu e wadaposiepu!
15456	PSA 90:13	Iawe God, insaisaa leusae nuaparembaitaa! Mai kaino nuaa kadilempa no mainimbo!
15458	PSA 90:15	E sai debama ena uara bedewe nenaana, tane tauma deawaa dewasae walama dauma bedewe nuaeu nenona! Poka eteitana wadaaubea, ita wanwan euda ena uara bedewe wanta.
15527	PSA 95:7	Me ipa no Godimba, no ipa me apanawaida, oniadewasanede, gamowa rua onianedio wainitana. Ande e me aiawa etanadewaitana!
15528	PSA 95:8	Me wadiase, “E mai nosinosila sala makowa bedewe bola Meriba ita Masa bedewe wimone nuau anatene badosaiena ruauitana!
15575	PSA 100:1	Apana uduudu tawo osowe wanwanlala, mukaitane Iawe God mampe sasaitana!
15579	PSA 100:5	ipawa Iawe God me ipa eudida. Me nuawadawadawa apana baibu ipa winakasalala! Me saualena rua, mo mampo euda dewawa mai eipona.
16324	PSA 139:17	God e insaisaa uduudu ne mai atentapatuwapia rua, ipawa e insaisaa uarakadinton!
16325	PSA 139:18	Ne mai wisiamopa rua ipawa e insaisaa ipa uaraia, nela wisiasiawaia rua! Ne itu bedewe enapawineapa, e ne tainawo onianeiana!
16326	PSA 139:19	God, ne menaidanedia e apana kadi dewasaia bomoa! Ne mainawo wita kadilala tanamowo nambe antopu.
17385	PRO 31:31	E i sa wiwirawaitana! Me witape nolaleidie dewa debamau pokawaau dewamodia baiwa apana uara danauwo me asowa wapue ita ebowa ituposisapu.
17387	ECC 1:2	Waeuwa Apanawa wadiase, “Nitu uduudu diapanau, diapanauida, ipusiawaia! Ulaipa di diapanauida!”
17812	ISA 5:3	Tauma ne nuawadawada sona wane wanase, “E mida Ierusalem ita Iuda bedewe wainilana, ne ita wain aina iraiwa maininene ewanene wano etapo irai ainaa kadilen ba ne ainakadisana!
17847	ISA 6:8	Ema aupe ne etedino Tatamba wane wanase, “No gagalomba benemala apanawa dainea wataaubeto alepi apana ema mampo? Mida no baimba alepi?” Me epe wadio ne sipoasane wanaase, “Ne ema ambi! Ne waaubaneawo anteapa!”
17865	ISA 7:13	Tane Aisaia wanase, “E warere Dawid nosinosiwa asisuneanuno gagalonteapa! E God aiawa mai eteipe ruawaitipona mampe apana nuamba surakausailana mai pokaleipona baiwa, God do nuawa surakausailana, ba?
18394	ISA 35:4	Apana mida santoia diamoe waase, “Badowa enana ita mai saitana! Ewanee, e Godila iede me emalawoa apanawa matangelamopie kadimopi, me wisepie mo matangelamopie ita e inalepi.”
18493	ISA 40:3	Asisuitana! Apana dea mukama benemaleidie wadi wadiase, “Sala makowa bedewe Iawe God wimpia baiwa inta eusana, dewa uduudu inta enabodamodia otawiaitane nambemona.
19024	JER 1:9	Ita Iawe God witapa aubene ne moana wadene dianene wanase, “Ne aiana e moawo itudina!
19032	JER 1:17	Iawe God ne dianene wanase, “E imaitaa! Enawie gagalo uduudu ne dieepo rua wae diamoa. E mai mo sauitaa, naita e mo sauitaa ne e dewaepo saidaitaa mo mampo!
19500	JER 20:9	Walama isiwa ne neba wadinase, ‘Tauma ne mai osowe Iawe God gagalowa wapa, dia, me gagalowa da mai moanawo nosepi, kakai.’ Tane e aiaa bedenawo winedie, ia debama idia rua idie iidanede! Ne menanedia e aiaa anatepo bedenawo winakasalepi, tane mai epe dewasapa rua, dia.
19504	JER 20:13	E sasaitane Iawe God wadaposisana! Kadi dewalala apana nuaparelala osouwo sai itui, tane Iawe God apana nuaparelala sa, mo mukau atowe waimoia otaubamodie inamode.
19554	JER 23:1	Iawe God wadiase, “Nuapare debama ne apanana uwaula apanawa mampo wisepi! Mo ipa sipsip onionia apanawa kadiwa rua sipsip kadimoie ita tanamoio bola daitada bedewe deantoi.”
19767	JER 31:7	Ema ipa Iawe God gagalowa wadi wadiase, “E Israelwa baibu sasaitane nuaeuitana mo ipa eboeboua, e Israelwa nuaeuitane ka wana! Sasaitane ka wane wadapositane wanase, ‘O Iawe God, e apanaa inamoa Israelwa inawaa waimoi, mai bontopatuwapona!’
22606	JON 1:6	Waa dodomanasadia apanawa iene alene Iona ewene diene wanase, “No uduudu kadi donsata baiwantitana e dima itudewadewaitiana! Enawie e godia mampe rauparita naita me no etanepie nuaparembalepie saunepio mai bontata!”
23077	ZEC 9:9	Iawe God wadiase, “E bola debama Saion apanawa nuaeuidaitana! E Ierusalem apanawa nuaeu kawa wana! Ewane e warerela manlawo iede, me dewawa ipa dodomana ita ona nanausana apanawa. Me etepa molaisiwa donki osowe waine iede; Oa, me donki sanaa osowe waine iede.
23233	MAT 1:20	Me nainai eewa insaisawaleidio Tatamba enseliwa auwen bedewe mampe segalene diene wanase, “Iosep, Dawid atanosiwa, Meri naisea, mai inguguraite ea! Me Aleu kakaiwa mukawa mampe bulen.
23246	MAT 2:8	Mo me waitarawa sipoasaieno eteno dialeno Beteliemwa waaubamodie diamone wanase, “E Beteliemwa aitane oto banuitana! E banusanune donsana tauwadea os gagalo wanaaubeno mainawo wimpio ne do sape anteape oto auwadewadewasape ionosapa.”
23268	MAT 3:7	Parisi ita Sadusi apanawa uara Ion mampe babatutu baiwa wimono ewamone nuawa kadileno diamone wanase, “E mota obampaida wainilana! E inseilana babatutuitano God nuasigasigawa mai e osolawo iepie kadilepi, ba? Mida epe dialeno rua mainawo ieilana?
23270	MAT 3:9	E inseile sumanaitile wailanase, ‘Abraam no mamambaida. No me bedewea wainitana baiwa God mai matangelanepie kadinepi, dia.’ E mai epe insenakadisana! E mai Abraam obampaida wanaitape wanleipona, dia! E mamalaida Abraam wailana, tane me dewawaida mai wadapona! Ne dialedina God muka wadena e dabualepie seu sa wineio eweilana mampe Abraam nosinosiwaida da dewamopio segantopue waimompa.
23282	MAT 4:4	Tane Iesu leusane wanase, “Buka bedewe girumalene ema epe wade, ‘Apana mai bured os tounawe wampua rua, dia! Tane inawaa waimompaa baiwa apana ideita God aiawa dima uduudu me moawe wadio nosedia tounawe waimompa.’”
23284	MAT 4:6	Ita Seitan Iesu diene wanase, “Naita e God Otopaida mape eneianawoe eba aubaubaite iee aitaa! E mai kadiwa da donsaa, dia, ipawa buka bedewe girumalene ema epe wade, ‘God enseliwa e umanaa diamopio e oniadewasa- empo kadiwa mai donsaa, dia. Naita bagora da e manawolempa God enseliwa e waa seu osowe epamoa sawa awanaepue antopu.’”
23288	MAT 4:10	Tane Iesu wabodasane diene wanase, “Seitan, nambe aitaa! Buka bedewe girumalene ema epe wade, ‘E Tataa God os mampe insaisaa itune wadaposi- sane simbiasane wanempa, mai mida da, dia!’”
23293	MAT 4:15	“Sebulun ita Napitali, e doa Galili tampe Ioadan esawa waiwa dawo wineilana. E ipa bola debamau Galili bedewe naepe Iuswa ita uwa daitada apanawa do waimoia. E Galili apanawa ne asisuneana!
23323	MAT 5:20	Ne epe dialedina, ipawa e Parisi ita anaana waeuwalala dewau rua dewaitana e mai God gonaawa bedewe odana rua, dia! Tane e God insaisawa rua dodomana os dewasanune Parisi dewau ainaboe e God gonaawa bedewe odana.”
23332	MAT 5:29	Naita e emaa on deneuwe winedia e banlaepio kadi dewasaa, emaa sa enasopoe aubewo alepi! E emaa dea os do God gonaawa bedewe odaa, sa ide. Tane mai ide e emaa nata do bola kadiwa bedewe aubaepu.
23337	MAT 5:34	Tane ne tauma ema epe dialedina: Mai insaisa da baiwa kangoraitaa, diaida! Mai uba ebowa wae mampe soa kangorasaa, dia, ipawa uba ipa God kolaiwatawa!
23342	MAT 5:39	Tane ne tauma ema epe dialedina: Apana mida e manawo kadiwa dewasapia mai kadiwa mampe sipoasaa, dia! Tane ema epe dewaitaa: Apana mida sainaa epedie wadiase, ‘E ipasiawaia,’ me ewo sainaa da do epepi.
23343	MAT 5:40	Tane apana mida gara osowe kotuepia gara sa ita gara sanaa do wade wanaa, mai wadaitudepi!
23349	MAT 5:46	Naita e takis manewa tamalala dewantoia ruau apana nuawadawadaleia os nuawadawadamonuna, e inseilana God mampe e unela wadana, ba? Diaida!
23350	MAT 5:47	Naita e sumanaisiawaia apanawa dewantoia ruau e sosolaida os auwadewasamonune manlawomonuna, e inseilana God mampe e unela wadana, ba? Diaida!
23352	MAT 6:1	“Ewanadewaitana, God sumanaiwaitilana nolawa mai sabamo apana uduudu ewalepua baiwa dewasana, diaida. E naita sabamo dewasana, e Mamala uboo wandia mai unela da enalepi, dia!
23354	MAT 6:3	Tane e nuaparelala saumonune nitu da wanawanau menalempa niabointa wanamona, mai mida da atenlepi, dia!
23356	MAT 6:5	E rauparitonune mai apana lagawaauida ruauitana! Mo dewau ipa ema epe: Mo apana uduudu ewamompaa baiwa gagalo duwa bedewe do intanowainta sabamo rauparintoi. Ne ulaipa dialedina, mo apana mampo asowawa debamawa wadane waimoi, sa ipa mo uneu, ita God mampe mo mai uneu da winedia wadapu, dia!
23357	MAT 6:6	E mai mo dewau ruauitana, diaida! E raupari baiwaitonune dula bedewe odane aitane du moawa guduitane ita e eba niaboa waine Mamala God ewasiawaia mampe rauparitana. Ita e Mamala dima niaboa dewasailano ewedituwadia unela enalepi, mai dia.
23359	MAT 6:8	E mai mo dewantoia ruauitane osoweosowe dima menaledia God dionuna, dia! E dima uduudu menaledia iririwaitapona Mamala atemba os wande, mai dia.
23366	MAT 6:15	Tane naita sosola kadiu mai insenadabuasana, deawaa e Mamala e kadila mai insempadabuasampa, dia!
23375	MAT 6:24	“Nola dewalala dea mai apana debamau nata nolau dewasapia rua, diaida! Me apana debama dea nibuasapie ita da nuawadawadasapi, me da baiwaidalepie nolawalepi, tane apana debama da nolawa dewawa dabualepi. Deawaa, e mai God simbiasanune bedewe mane nuawadawadawa taudolepio awodea nolau dewasana rua, diaida!
23377	MAT 6:26	E nene ewamone insena, mo mai lawuru naumba aimoipona ba uwauwantoipe auweipe adibantoipona, dia. E Mamala uboo wandia oniamodie nana wanamode. Tane God emawe e ipa debamawaida, mai nene ruau!
23378	MAT 6:27	E inseilana nuala pola wampo bedewe e inawala kerauda os daumalepona rua, ba? Diaida!
23379	MAT 6:28	Dima baiwa gara mampe nuala pola wade? Dobina beraniwa inintoia ewamone insena: Mo mai muba garau dewamoipona, dia!
23381	MAT 6:30	E sumanaila God mampe ipa keraulen! Beran uduudu ande inintoia ita imonepi ia bedewe imopituwapi, tane God dewamodio ewaewau euleide. Deawaa, me ideita e garala enalempa, ipawa e debamawaida God emawe, mai beran ruau!
23385	MAT 6:34	Sa baiwa dima imonepi menalempaa baiwa mai ande nuala pola wapi! Ande nuabolawa mai imonepi nuabolawa dosana, dia!”
23390	MAT 7:5	E lagawaaida wainiana! Bauta eba emaawo e enedia boaube euitee, tauma aite soa emawe popokau wineia suwiaitaa.
23396	MAT 7:11	E kadi dewalala wainilana, tane amona dewawa ateitene obanla iririleia amona euda ruawaitile wanamoilana. E kadi dewalala amonala eulen ita inseilana Mamala uboo wanwanlala amona dewawa atensasia wande, ba? Sa dia, me amona mambaida wande, mai e ruala. Sa baiwa mida God iririsaia me ideita amona euda wanamopi, mai dia!