59	GEN 3:3	Tane God wanase, ‘Irai bedewe ia sawanoido enedia ipawa mai wadane nana ba ibuwa wadane etana, dia. Naita epe dewaitana e ando boitana.’”
439	GEN 18:14	Iawe God mampe mai dewa da saiwa wineipona, dia. Ne dieene wanase, ‘Ande winena rua deawa imonepi enawa bedewe leunteape manawo wineapo manainaa oto mona gamosapi.’”
566	GEN 22:18	Ita e nosinosia bedeuwoe apana uduudu tawo oso waimoia sau euda osouwo itupa, ipawa e ne aiana ruawaitena baiwa.’”
941	GEN 32:13	Ita do e ne sauanee waanase, ‘Ne ando e dewaepo eboa debamalepi ita do dana dewasapo owa nelawa mai wisiantopua rua segalepi.’”
947	GEN 32:19	Ita me epe waitaralempo diane wanase, ‘Pue ema uduudu ipa e nolaa dewalala Iakob mebaawa ita me nuaeuwa amonawa waubalen me debamawa Esau baiwa. Tane me no wambo odedia wisepi.’”
1370	GEN 45:11	Tane ena 5 da nainimbanepe winedia bedewe, ne e onialepe nana mampe saulepino Gosen bedewe wanlempa. Naita ne nana mai enalepaa, e ita apana duawo waimoia tane do e nolaa dewalala nana abolawaitane nuapareitana.’”
1456	GEN 48:4	dianene wanase, ‘Ne e dewaepo obana uarantopu, do dewaepo nosinosia uarantopue uwa daitada segantopu ita do bola ema e nosinosia wanamopo bolauidawanalepio wankasantopu.’”
1472	GEN 48:20	Ita walama sawo me sau euda mo osouwo itune wanase, “Ando Israel apanawa sau euda itutuwa baiwa e ebola wampe wampaase, ‘No rauparintitana God sauwa euda e osoawo itupi, Eparaim ita Manase osouwo ituna rua.’” Me epe wane ita Eparaim ebowa bautasane wan ita muriwa Manase ebowa wan.
1512	GEN 50:5	‘Ne mamana dianeno mampe sauanten, me wanase, “Ne bonteapa baiwantedina ita bonteapo etena wade leuite aite Kanaan bolawa bedewe bo nagawa ne imaasana bedewe dobosanea.” Sa baiwa me ne waaubanepio anteape mamana dobontape leuntape wimpa.’”
1595	EXO 3:15	Tane do God Moses mampe wane wanase, “E aite Israel apanawa ema epe diamoa, ‘Iawe God, e nosinosila Godiu, sa ipa Abraam, Aisak, ita Iakob Godiu, me ne waaubanen e manlawo. Ne ebona, Ne ipa ne ebona winakasalala; ando ita ando apana muntompa ne ebona epe wampa.’”
1809	EXO 11:2	Sa baiwa tauma nolene aitane Israel apanawa diamone wanase, ‘E uduudu nolene Isibtiwa mida tanlawo waimoia mampo aitane diamono etepu benawa gold ita silwa mampe dewamoia iririwaitano enalepu.’”
1814	EXO 11:7	Tane Israel apanawa mampo mai kadiwa da segalepi, dia. Ita eueuwa elo mai Israel apanawa ba pueu raumopi, dia. Ita ema mampe e Isibt apanawa ateitana, ne Iawe God, Israel apanawa e manlawo empuiamone nambemona.’”
1834	EXO 12:17	Ita bured tabataba odawa dewasanune, insena ambi walama ema bedewe ne e apanala ita danla banlamono Isibt ene nomoiena. Ita e nosinosila ando ita ando muntompaa walama ema wisempo odawa dewasampe akasantompa.’”
1844	EXO 12:27	E mo sipoamone wanase, ‘Ema ipa Pasowa pulowa, Iawe God ebowa wadaposiwa baiwa. Mapo tadina sawo Isibt bedewe Iawe God no dumba eniene alen. Ita Isibt apanawa dubu bedewe obampu tautuwa mona bomon, tane no obainimba emon. Sa baiwa no epe dewantitana.’” Ita Israelwa uduudu dunentone Iawe God wadaposisaiena.
1960	EXO 16:12	“Ne Israel apanawa momoduntoio etamona. Ema epe diamoa, ‘Rawilempo e moia nana tane tadinaida nuala menasadia rua bured nana. Ema epeinta e ateitana ne ipa Iawe e Godila.’”
1964	EXO 16:16	Iawe God ema epe wade, ‘Apana deadea meba nanawa napia ruawalepie nana sa auwepi. Ita apana du dea bedewe waimoia muba baibu posa deadea aimopu.’”
1971	EXO 16:23	Ita me mo diamone wanase, “Ema ipa Iawe God anaanawa, ‘Imonepi ipa e bubuaitana walamawa. Walama sa Iawe God einpue nambesane kakaisan me meba baiwa. Ande e nanala susuwa menalepia sumona tane nuwa menalepia nuitana. Ita nanala kampa winakasalepia eno winompo ideita walama puwapi.’”
1977	EXO 16:29	E insene ateitana Sabat walamawa ipa Iawe God amonawa e baila. Sa baiwa me walama 6 osowe walama nata bedewe nana nane waina ruawa enalen. Sabat walamawa sawo e duwa dainaitane wanlempa, walama 7 osowe mai nolene nana banuwa aitana, dia.’”
2452	EXO 32:13	Insea e nolaa dewalala Abraam, Aisak ita Iakob mampo eba eboawo badowa sauaitene waanase, ‘Ne e nosinosia dewamopo uaraia kipora uba tampe wineia rua segantopu. Ita nosinosia bola ema uduudu sauamona wadapu ita mubaauwanalepie winakasalepi.’”
2466	EXO 32:27	Ita Moses mo diamone wanase, “Iawe Israelwa Godiu ema epe wan, ‘E uduudu isimala moamoaua otamone bola wainila bedewe aitane bola sa uduudu bedewe sosolaida, baida sosola ita sosola tanlawoa uduudu bomonatuwapi.’”
2754	LEV 1:8	Tane e pue noe bedewa otawiaite mitaa. Ita moia wawa do moia uduudu noia kepakepau, uwawa ita menawa pirisi wanamowo otepue wata osowe ia bedewe sumopu. Ita pulo sa uduudu mo suiena ipa amona eudida bonabonaua Iawe God mampe.’”
3276	LEV 18:24	E mai dewa inainambu ema ruau dewamone miramiraitana, dia. Apana bola Kanaan bedewe wanwanlala dewa inainamba ema dewamoia mampe ne emanawo kadintone miramiraidanton. Sa baiwa ne mo tanamopo nomopue antopuo aupo e odane waina.’”
3300	LEV 19:18	E mai soa manawo kadiwa dewasapio sipoasaa ba nuawo ituwo wimompa, dia. Tane sosoa nuawadawadamona eba nuawadawadaitiana rua. Ne ipa Iawe God aiana ruawaitana.’”
3325	LEV 20:6	Iawe God Moses mampe wane wanase, “E Israel apanawa diamoe waase, ‘Apana da menasadia dewa da ipawa atenlepona me ne mainawo iririlepi. Tane mai apana mo mida bolala mampo gagalontoia mampo aitane gagalo ipawa ateitana baiwa iriritano dialepu. Naita mida epe dewalempa ne me mampe adina itupa ita mai ne apanana bedeuwolepi, dia.’”
3469	LEV 24:22	Ne ipa Iawe e Godila, sa baiwa anaana ema ipa e uduudu baila, mo Israelwa ita bola da apanawa wimone e do wainilana do baila.’”
3851	NUM 6:27	Mo ne ebonawo Israel apanawa osouwo sau euda itumpo, ne do saisaisape sau euda mo osouwo itupa.’”
4382	NUM 22:6	mo apana mukamukaua mai no ruamba, dia, sa baiwa e wine ne adinawoite mo osouwo saua kadiwa wae wadabuamoa. Ita ne mo nanaumope aimopa ita tanamopo bolana epue antopu. Ne ateina e apana osowe sau euda waiana sau euda me mampeleide, tane saua kadiwa waiana me osowe kadiwa ituiana.’”
4818	NUM 33:56	Naita e apana bola sa bedewe waimoia mai tanamono antopua, ne insedina Kanaan apanawa matangelamopono poka etapona tane e Israelwa poka osolawosapo etana.’”
4859	NUM 35:12	Tane apana bolena gombawa biwa menamompo apana sa sawe bola sonabala bedewe alena, mo mai tauwadea sipoasapue me bosapu, dia. Tane bauta me kotu apanawa danawe enepie ita apana uduudu emauwo kotulepi.’”
6491	JOS 24:13	E Ioadan elee bautala Kanaan bedewe odalano ne tawo irai dola enalena, sape e mai iraitapona, dia. Ita do bola debamau enaleno bedewe tauma wainilana, bola sa e mai witalawo dewasapona, dia. Ita do e wain ita olib iawa mai aimopona ipawa naumoio naile wainilana.’”
7287	1SA 3:9	Sa baiwa me Samuel diene wanase, “Leuite aite ituita. Naita me osowe e apaepia e ema epe waa, ‘Debamana, gagaloitaa. Ne e nolaa dewalala asisuedina.’” Ita Samuel ene leulene alene itulen.
7422	1SA 10:2	Ita ande ne enee aitona, e apana nata Reitel dobontona bolawa tampe dommoa bola debama Selsa bedewe, Beniamin bolawa alene enentudenawo. Mo e manawo wapuase, ‘Donki sa e banumoilana dommoiena. Tauma e mamaa pue sa mai insamoipona, dia. Me ipa e insaedie ita wadiase, “Ne otona naepe donsapa.’”
7565	1SA 15:3	E aitane Amalek apanawa do onaitana ita nitu uduudu mo mampoa kadimonatuapi, mai nitu da ena. Tane apana mona, ioto, seda debamau ita gegelau ita do mo pueu kau, sipsip, kamel ita donki uduudu bomonatuwapi.’”
8137	2SA 5:2	Mapoido Sol ipa no wareremba, tane e Dawid dea osi Israelwa sorodiau uwau apanawa wainie mo banlamoiano nomoie ona awa antoie. Iawe God e dieene wanase, ‘E ne apanana Israelwa oniadewasamona, ambi gamo oniadewasala apanawa sipsipwa oniadewasamodia rua.’”
8188	2SA 7:5	“Aite ne nolana dewalala Dawid diee waase, ‘Iawe ema epe wade: Mai e ne duna wadawo bedewe wampa, dia.’”
8199	2SA 7:16	E dana ando mai enepiitudepi ita do e dana bedewe mo ando warerekasantopu.’”
8301	2SA 12:12	E dewa ema werego dewasaana mai apana atentopona tane ne dewa ema sabamo walamo dewasapa ita Israel apanau uduudu emawo ewapu.’”
8842	1KI 3:23	Sape warere wanase, “Ema epe, i bautaa wadia da, ‘Oto bobopa ipa e manawoa, oto inawaa ipa ne otona.’ Ita i wawea wadiase, ‘Dia! Oto inawaa wandia ipa ne mainawoa ita oto bolena sa ipa e manawoa.’”
9146	1KI 11:35	Ita me Israelwa Solomon otopa mukawa atowe waimoia otaubamopie dan uduudu 10 eneepo oniamoa.’”
9165	1KI 12:11	Ne mamana sai debama enaleno awanelana tane ne sai osowesape enalepa. Me tai mampe epalen, tane ne tai gedaragedaraua mampe epalepa.’”
9333	1KI 17:13	Tane Elaia me diene wanase, “Mai inguguraitaa! Iawe Israelwa Godiu wadiase, ‘Parawa onta bedewe ita do mena dugi bedewe wineia mai diantopu, dia, ideita Iawe God walama ituna osowe unu wapie irai butamopio inintopu!’ Sa baiwa ne dima waana rua duwa aite dewasaa ita ne baina bauta parawa kerauda nuite wade winea. Ita moawa winompa nuitaa e otoa nata baila.’”
9664	2KI 5:13	Naeman nolawa dewalala wimone me diane waienase, “Debamamba, e peroweta nola da debama dewasapona baiwa dieeipono dewasapona. Sa baiwa e peroweta dima dieena rua dewasaa, ‘Aite duadite euitaa.’”
10169	2KI 22:20	Sa baiwa ne e eepo bo obasa euwa boitawo apana dobosaepu. E mai poka saiwa bola ema bedewe itupa baiwantedina ewaa, dia.’” Sa baiwa mo benema peroweta iwoa diamono etane leuntone warere Iosia mampe antone benemasaiena.
15531	PSA 95:11	Sa baiwa nuana kadileno badowa diamone wanase, ‘Ne bubua bolawa mo baibu imaasanawo mai odapu, dia.’”
21399	EZK 34:17	Tane ne Warere Iawe God, sipsipna baila ema epe wadina, ‘Gamo onionia apanawa sipsip ita gote empuempumodia rua ne e kadiwa dewalala ita euda dewalala do kotulepe empuempulepo nambenambeitana.’”
21455	EZK 36:27	Ne aleuna e bedelawo itupo ita ne waeuwana wiwirawaitonuna ita anaanana deaitopa ruawaitonuna.’”
21472	EZK 37:6	Ne e otalepe endoendolepo badoitano ita nipala dewamope ita etela teamopa. Ne e nonau enalepo ita inaitana ita ema bedewe e ateitana ne ipa Iawe God.’”
21475	EZK 37:9	Iawe God ne dianene wanase, “E apanaida, ne aiana mampe nonau diee waase, ‘Warere Iawe God wadi wadiase: Nonau inta daitada bedewe wine ete ema bolala wineia bedewoitawo osowe inantopu.’”
23244	MAT 2:6	‘Bola Beteliem, Iudia bolawa uduudu bedeuwo e debamawaida. E bedeawoe warere mulepie waimpa, ita me ne apanana Israelwa onioniau apanawa wanalepie oniamompa.’”
23282	MAT 4:4	Tane Iesu leusane wanase, “Buka bedewe girumalene ema epe wade, ‘Apana mai bured os tounawe wampua rua, dia! Tane inawaa waimompaa baiwa apana ideita God aiawa dima uduudu me moawe wadio nosedia tounawe waimompa.’”
23284	MAT 4:6	Ita Seitan Iesu diene wanase, “Naita e God Otopaida mape eneianawoe eba aubaubaite iee aitaa! E mai kadiwa da donsaa, dia, ipawa buka bedewe girumalene ema epe wade, ‘God enseliwa e umanaa diamopio e oniadewasa- empo kadiwa mai donsaa, dia. Naita bagora da e manawolempa God enseliwa e waa seu osowe epamoa sawa awanaepue antopu.’”
23638	MAT 13:30	Eno, wit ita bodu do awodea inintompa ideita totowa walamawa wisepio ne totola apanawa diamopo mo bauta bodu topuiantopue tauboiamopue ia bedewe sumopu, ema aupe wit auwepue otepue adibanawo teamopu.’”
23711	MAT 15:9	Mo ne di wadaposinei, mo apanaida anaanau waeuwantoia abo God anaanawa rua.’”
23838	MAT 19:7	Mape mo Iesu waitarasane waienase, “Tane dima baiwa Moses epe girumalene wanase, ‘Apana manainapa epia menasampa me manainapa epia gagalowa girumalepie sowa wanepie wapiaubepio alepi bolawe.’”
23900	MAT 21:5	“Ierusalem apanawa ema epe benemamoa, ‘Ewana, e warerela manlawo iede! Me etepa molaaisiwa donki osowe waine aleide, me donki sanaa osowe waine iede.’”
23911	MAT 21:16	Ita mo Iesu diane waienase, “Seda dima waia e eteiana, ba dia?” Iesu sipoamone wanase, “Oa, ne etedina! Tane e buka bedewe ema wisiaitene ateiten, ba dia, naepe wadi wadiase: ‘E seda kerakera ita otooto gegelau dewamoano e eboa wadaposisai.’”
23954	MAT 22:13	Me dainakasaleno warere nolawa dewalala diamone wanase, ‘Apana ema wadane witapa ita wawa do taumone dubawa iwinla bedewe aubeno alepi. Sape me ke wampe poka etaidasampe asipa adompa.’”
24026	MAT 23:39	Ne epe dialedina, ipawa ne e elepo mai ewaneana ideita walama wisempo e wane wanase, ‘Euda me mampe, mida Tatamba God ebowe iedia.’”
24107	MAT 25:30	Tauma nolakadikadilala sa wadapuaubepuo alepi dubawa iwinla bedewe. Sape me ke wampe poka etaidasampe asipa adompa.’”
24141	MAT 26:18	Iesu sipoamone wanase, “Aitane Ierusalem bedewe apana ne atentena donsane diane wanase, ‘Debamamba ema epe wade: Ne walamanaida tauma maidalen. Ne menanedia wanawo alala do e duawo Pasowa nanawa nata.’”
24184	MAT 26:61	benemasikintone waienase, “Apana ema epe wane wanase, ‘Ne God duwa kadisapa ita walama natadea bedewe ne osowe wadapa.’”
24404	MRK 4:12	Dima peroweta Aisaia mapo wana ipawanaleide, me wane wanase, ‘Mo dewa ewompa, tane mai atendewantopu, do gagalo etompe tane mai insepue atentopu, dia. Naita dima eweipe ita eteipe atentoipono mo insaisau leusape God mampentopono kadiu insadabuamopona.’”
24661	MRK 10:4	Ita mo sipoasane waienase, “No Moses anaanawa nenena ema epe wade, ‘Apana manainapa epia menasampa me manainapa epia gagalowa girumalepie sowa wanepie wapiaubepio alepi bolawe.’”
24676	MRK 10:19	E anaana wineia ateitena ruauitona, sa ipa: ‘Mai soa da bosaa, mai ninaitaa, mai poitaa, mai kutuntaa, mai lagaitaa, mamaa ita inaa do oniadewasamone aiau ruauitona.’”
24712	MRK 11:3	Naita apana da donki lotonuno ewalepie waitaralepie wapiase, ‘E donki ambi dewasana baiwa lotoilana?’ Me diane wanase, ‘Tatamba menasadia baiwa donki ema lotoite wadeitana. Nola kerauda dialepio leusapio wimpi.’”
24753	MRK 12:11	Tane ema ipa Tatamba God insaisawa rua dewasano segalen, mai di segalepona, dia. Ita insaisa sa me dewasana ewaewawa eudidalen no mainimbo.’”
24881	MRK 14:58	“No eteitano me wanase, ‘Ne God duwa apana wadeiena kadisapatue tane walama natadea bedewe ne God duwa da mai apana witapo dewalala wadapatuwapio segalepi.’”
24949	MRK 16:7	E tauwadea aitane me wawe alala ita sou Pita do diamone wanase, ‘Iesu Galiliwa bautalene aleide e wawe aitane sape donsana, me dialena rua.’”
25100	LUK 3:6	Ita God e inalepio bola uduudu wanwanlala ewapu.’”
25136	LUK 4:4	Tane Iesu Seitan aiawa sipoa wabodasane wanase, “Buka bedewe girumalene ema epe wade, ‘Apana mai bured os tounawe wampua rua, dia.’”
25143	LUK 4:11	Naita bagora da e manawolempa God enseliwa e waa seu osowe epamoa sawa awanaepue antopu.’”
25144	LUK 4:12	Tane Iesu Seitan sipoasane wanase, “Buka bedewe do ema epe wadi wadiase, ‘E Tataa God mai rubu osowe itue me mukawa ba ginasawa ewaa baiwaite diaa, diaida.’”
25306	LUK 7:42	Mo mane sipoasapua walamawa wiseno mo mampo mane dialen, mai mane leusapona rua, dia. Tane mo ingugurantoie santoie waimoio mane onionialala apanawa diamone wanase, ‘Sa ide ena, ne insedinadabuasadina, ando mai umanawa wapaama, dia.’” Mape Iesu Saimon waitarasane wanase, “E ambi inseiana, mo nata mane wadeiena bedeuwo mida nuaeuidalepie sipoawa nuawadawada debamawa dewasapi mane onionialala apanawa mampe?”
25324	LUK 8:10	Ita Iesu mo diamone wanase, “God gonaawa benemawa ipawaida wadenitudena e os manlawo sabamoleidio eteile wainilana. Tane mo isiwa mampo God gonaawa umanawa mai sabamo waipe diamoipona, dia, mo mampo ne gagalo babawa os mampe gagalontedino etei. Sa ipa peroweta Aisaia bauta wana rua segaleide. Peroweta bukawa bedewe ema epe wadi wadiase, ‘Mo dewa ewompa, tane mai ewompe atendewantompa, dia, do gagalo etompe, tane atensasia di waimompa.’”
25459	LUK 10:27	Anaana waeuwalala leusane Iesu diene wanase, “Buka bedewe girumalena wadi wadiase, ‘E Tataa God nuaa uduudu, insaisaa uduudu, mukaa uduudu, ita do atena uduudu mampe nuawadawadasane wanempa.’ Ita do wadi wadiase, ‘Sosoa nuawadawadamona eba nuawadawadaitiana rua.’”
25467	LUK 10:35	Imonemba me bubua duwa oniedia apanawa manewa wanene diene wanase, ‘Mane ema mampe apana ema oniadewasasane wanempa. Naita mane sa eneena dialepia e sausano waimpa, ne leuntape wineape e malesaepa.’”
25478	LUK 11:4	No kadiwamba inseadabuasaa, ipawa mida no kadineia kadiu inseitadabuasaitana. Rubu mainimbolempaa intawa e enabodasano wainenta.’”
25596	LUK 13:9	Naita ena sa bedewe naupia no nuaeuntata, tane dia, sa ipa totaiata.’”
25619	LUK 13:32	Iesu aia ema etene sipoamone wanase, “E aitane, Erod mida elo ruawaleidia diane wanase, ‘Ande ita imonepi ne nolanteape aleu kadiu apana bedeuwoleidia tanamopino nambentompa ita do kerolala inamopine wainepina. Ema aupe walama natadeawo ne walamana winedia osowe wineape diasapatuwapi.’”
25646	LUK 14:24	Ne dialedina, apana mida bauta nisolala dabuantone waimoia mai ne odana nanawa da napue etapu, diaida.’”
25652	LUK 14:30	‘Apana ema du wadapatuwapona, tane me mai du wadawadawa insepadewalepona, sa baiwa amuwa eno di enede.’”
25689	LUK 15:32	Tane e wanaida enene aidalene ewaewawa bolepona rua, tane tauma leulene wiseno eweitana, me rebaidalene wandie tane tauma donsatana. Sa baiwa no nuaeuntite odantitana, mai epona rua, dia.’”
25720	LUK 16:31	Abraam me diene wanase, ‘Naita mo Moses ita peroweta aiau buka bedewe girumantona eteie mai ruawantoipona, deawaa apana bolala bo bedewe enepiwisepio ewapue mai sumanaiwantopue kadi epu, dia.’”
25730	LUK 17:10	Epe rua deawaa, e nolala uduudu enalena rua dewasanatue wane wanase, ‘No ipa nola dewalala os wainitana, no nolamba saiwa wadatana rua dewasatana.’”
25762	LUK 18:5	Tane obu ema walama uduudu iririwa mampe surakauidanedio etena dabualeno wainedina. Me walama daumawa iririneampe mala osowe itunepia sawa me sausapo kotuwa dodomanalepi. Ita me wampidewae iririna epio ne nuana topi.’”
25827	LUK 19:27	Ita ne emalawoana apanawa ne warerenteape oniamoipona dabuantoiena banlamone mape winlene dananawo epaboiamona.’”
25831	LUK 19:31	Naita apana da donki lotonuno ewalepie waitaralepie wapiase, ‘E donki ambi dewasana baiwa lotoilana?’ Me diane wanase, ‘Tatamba menasadia baiwa donki lotoite wadeitana.’”
26006	LUK 23:2	Tauma mo uwaantone Iesu amboitusane waienase, “Apana ema no ewatana me no apanamba banlakadisamode. Ita do apana diamodie wadiase, ‘No mai Rom gabemaniwa mampe takis manewa ituta, dia.’ Tane me meba umanawa wadiase, ‘Ne ipa Keriso, Iuswa warereu.’”
26067	LUK 24:7	‘Apana Otopa ideita nanantopue kadi apana witaposapuo ita koros osowe bosapu, tane walama natadeawo me bo bedewe enepiwisepi.’”
26104	LUK 24:44	Tane me diamone wanase, “Ne e do wainite dewa uduudu tauma segantoio eweilana umanau diadewasalene wanase, ‘Uduudu dima Moses anaanawa, peroweta ita Sam bukau bedeuwo ne umanana girumalena ideita segantopu.’”
26128	JHN 1:15	Ion me umanawa benemalene ka wane wanase, “Me ipa sa mida umanawa ne wadine wadinase, ‘Mida ne wanawo ando wisepia, me ipa debamawaida, mai ne ruana, ipawa me bauta wandio muriwa ne munten.’”
26147	JHN 1:34	Ita God ne dianena rua Aleu kakaiwa Iesu osowe iene waino ewane tauma me atensane ita me umanawa benemawantedine wadinase, ‘Me ipa God Otopa.’”
26184	JHN 2:20	Ius apanawa eiau Iesu aiawa ema etane sipoasane waienase, “Du ema no ena 46 bedewe nolawa pokaidaneno diasatana, tane ambi e waianase, ‘Ne du ema walama natadea bedewe wadapatuwapi.’”
26245	JHN 4:20	Sa baiwa ne insaisana ema wapo e dodomananea. No atanosimba wadi emanta osowe God ebowa wadaposisaie, tane e Ius apanawa wailanase, ‘Bola Ierusalem bedewe os no God ebowa wadaposisanta.’”
26357	JHN 6:31	E nana winakasalala apana wanamoa umanawa waana. Tane no nosinosimba sala makowa bedewe nana ebowa waia Manna naiena. Ita buka bedewe girumalena wadi wadiase, ‘Me bured uboa wanamon napua baiwa.’”
26391	JHN 6:65	Iesu osowesane wanase, “E bedelawo isiwa mai sumanaintoipona baiwa ne bauta dialene wanase, ‘Mai mida da me meba mukawe mainawo wimpia rua, dia. Tane me mida ne Mamana sausapie mukawa wanepio mainawo wimpi, mai mida da.’”
26439	JHN 7:42	E etale ateiten ba dia, buka bedewe girumalene wanase, ‘Keriso warere Dawid damba bedewe wisepie ita Dawid bolawaida Beteliem bedewe mulepi.’”
26472	JHN 8:22	Ius apanawa aia ema etane insakoantone waitarantone waienase, “Me meba insaisawa rua epaepabobolepi, ba? Dauwa ema baiwa me wadi wadiase, ‘Ne naepe antedinawo e mai winlena rua.’”
26498	JHN 8:48	Mape mo Iesu wawusane waienase, “E epe waiana baiwa no dodomana waite waitanase, ‘E ipa Samaria apanawa mida no dabualeitana wainiana ita e bedeawo aleu kadiwa wande.’”
26810	JHN 16:15	Dima uduudu Mamamba mampea ipa ne nebaana, sa baiwa ne wane wanase, ‘Aleu kakaiwa mai meba ebowe nolalepi, dia, tane dima me waeuwalempa, sa ipa ne mainawoa.’”