23244	MAT 2:6	Pɔ̃́ Pɛtɛlɛhɛm kuyu! Ái pɔ́ɔ Yutee kɛtẽ kɛcáá ayu kɛcɔpɛ ríyu paalɛ̃. Li we rɛ kɛpɔ́mɛɛ́ kɛ uyɔ́ɔpi píima uu léerinɛ, uyɛɛ yɛ́ pinɛ́soi Isirayɛɛli pikɔ́ n séni.
23263	MAT 3:2	Ani mɛfinɛ consɛ, Uléécaa iyɔɔpi yɛ nyahaimɛlɛ!
23268	MAT 3:7	Yohani uu yɛ́nu rɛ Pifarisi nɛ Pisatusee pɛɛ ukɛmɛɛ n sɔ́naapɔ rɛ ukɛ́ míni pi wolɛ ápi kusa kulúi we. Uu pɛɛ pi maa rɛ: Nɔ́ akpurii nnyɛ́! Wóo nɔ́ céesi rɛ ani Uléécaa kuwɔi kpɛɛ n nyahaimɛ kaasɛ?
23340	MAT 5:37	Nɔn yɛ m maa rɛ "ɛɛɛ", likɛ́ "ɛɛɛ"! Nɔn yɛ m maa rɛ "eehei", likɛ́ "eehei"! Nɔn lɛ̃ mɛmáá nnyinɛ ncɔ rinkpásɛ, Setani nkɔ́ yɛ mmɛ̃.
23353	MAT 6:2	Lɛ̃ nnya pɔn úwɛkɔɔ́ linyinɛ n hɛ, kapɛ kuloo pi pɔkɛ́ riyóó yarɛ kɛ kɛcáá kɛcáá mɛwai pikɔ́ api yɛ ayómɛyáhaalee-i nɛ icée kɛcáá n wai rɛ pisoi pikɛ́ pi pakarɛ mɛcɔ. Asei kɛcáá, pi piihɛ́ɛ́ piyɔ́ɔ́ masilɛ lɛ̃!
23377	MAT 6:26	Ani sinúipi ripaí nkɛ̃́. Ási yɛ lukɛsi, ási yɛ kpasi, ási yɛ líka risímɛ súũ. Amá Nɔ́unɛ́sáa yɛɛ kɛyómɛcaa-pɔ ń we yɛ si kpíniilɛ! Yarɛ nɔ̃́ ŋmaa áni pɛɛ ríyu má lin sinúipi sɛ̃ fee?
23379	MAT 6:28	Yo nnya kani pɛɛ nkpáni ilũ kani yɛ́ nɔ́inɛ́piŋɛ n yárii nfasimɛ́ wai? Ani mɛyúi mɛɛ yɛ sicarɛ-i n fɛlɛsi ripaí nkɛ̃́! Ámɛ pikɛi píka wai, ámɛ kɔ ilũ íka nyɛlaankɛɛ.
23390	MAT 7:5	A tíyɛ pɔ kɛcáá kɛcáá mɛwai má kpa! Kɛnawɛlɛ́pi kɛɛ mɛpɔ́nípɛɛ-i ń we kaa yɛ́ mɛfoí lesɛ aa pɛɛ ńsɔnɛ n nyáni aá nɛ kɛyúipi kɛɛ ucɔ mɛnipɛɛ-i ń we lesɛ.
23408	MAT 7:23	Kei kam yɛ́ pɛɛ pi símisi ńsɔnɛ rɛ: Ám píkai nɔ́ nyu! Nɔ́ pikópɛkɔɔ́ mpí. Ani kɛnɛ́kúrí nté rinyɔsɔ́!
23446	MAT 8:32	Yeesu uu a maa rɛ: Ani n tɔ́su! Aa pɛɛ pisoi pitɛ́ pɛ-i yisi aá ha áfɔŋ nyɛ-i loni. Mɛsɛ nɛ mɛsɛ, áfɔŋ nyɛ̃ aa wuru aá nɛ rikúú cɛ́pi aá ha nɛ kupiyɛ-i kpúupɔ aa kpíni.
23451	MAT 9:3	Kei kɛ isé picélaa pinyinɛ api pɛɛ pimɛcɔpɛcirɛ tee rɛ: Utisi nkó yɛ Uléécaa riyu kopulɛ!
23481	MAT 9:33	Kɛ Yeesu uu yɛ́ kuníri kpɛ̃ n lákasɛpɔ, utisi uyɛ̃ uu nsímɛ́ kápáá. Ai riwúí tɛ-i ḿpá úye nnɔ́ɔ yipu, api pɛɛ rɛ: Ári píkai Isirayɛɛli kɛteni-i mɛwai mmɛ́ mɛcɔ yɛnaalɛ̃!
23482	MAT 9:34	Amá Pifarisi pɔ́ɔ rɛ: Kunírilã wɛ́ɛ́sɛ kpɛɛ ńnaŋɛ u hɛ un nɛ aníri lakasɛ!
23498	MAT 10:12	Nɔn yɛ kɛ́yɔ kɛ́ye-i n lompo, ani yɛ kɛpikɔ́ yáási rɛ: Likɛ́ nɔ́ n niŋú!
23543	MAT 11:15	Úye un ukómɛ uu kóm!
23549	MAT 11:21	Nɔ̃́ Korasin pikɔ́, íwɛ kani topori. Nɔ̃́ Petisayita pikɔ́, íwɛ kani topori! Likumúŋɛ́ rɛ mɛwaisaŋa kapi nɔ́kɛnɛ́mɛɛ n wapisi mɛn pɛɛ Tiiri nɛ Sitɔɔ kɛ́mɛɛ n wa, ai nní ń we pin piakópɛ kɛpirɛ ritɔ api áfɔrɔnti tani api pimɛcirɛ nfúrɔ̃ kɔikɛɛ likɛ́ nyísɛ rɛ pi consɛ.
23592	MAT 12:34	Nɔ́ akpurii nnyɛ́! Íye kɛ nɔ́ pisoi kpááree mpí ani yɛ́ fe ani nsímɛ́ sɔnɛ malɛ? Li we rɛ nsímɛ́ mɛɛ usoi kɛfa-i ń we mɛɛ yɛ nnɔ́ɔ-i léemɛ.
23607	MAT 12:49	Uu pɛɛ upipirɛtiki-mɛ̃ kunípɛ tuŋápɔ uu rɛ: Unɛ́ni nɛ pinɛ́wã́ yɛ mpí nté!
23651	MAT 13:43	Pɛɛ́ uyɛ-i kɛ pɛpɛɛ asei n tíkilɛ̃ pɔ́ɔ yɛ́ pɛɛ piusaa Uléécaa iyɔɔpi kɛ́mɛɛ n we pin tɛ́lu yarɛ ituŋɛ. Úye un ukómɛ uu kóm!
23693	MAT 14:27	Yeesu uu pɛɛ mɛsɛ nɛ mɛsɛ pi maa rɛ: Áni kapɛ pírí tónɛ. Nɛ́ɛ lo, iwamɛ íi kapɛ nɔ́ wa!
23694	MAT 14:28	Piyɛɛ uu u maa rɛ: In tɛ mɛsei pɔ́ɔ lo, a tíyɛsɛ kɛ́ míni kɛcáá sɔ́nɛ kɛ́ nɛ pɔ́ lɛɛpɔ, Upíima!
23695	MAT 14:29	Uu rɛ: A kam! Piyɛɛ uu kúninɔi-i léepɔ uu míni kɛcáá sɔ́nɛ rɛ ukɛ́ Yeesu lɛɛpɔ.
23696	MAT 14:30	Amá kuu n yɛ̃́ tɛ kuyɔ yɛ páápúlɛ, iwamɛ ii u loni, míni amɛ pɛɛ u m muuni. Uu cáái rɛ: Upíima, a nɛ́ yóriyɛ!
23709	MAT 15:7	Nɔ́ kɛcáá kɛcáá mɛwai pikɔ́ mpí! Antepu Esayi yɛ alari málɛ ukɛ́ nɔ́kɛnɛ́cáá maa rɛ:
23724	MAT 15:22	Kanaa kɛtẽ unɔsi unyinɛ yɛɛ kei n hápɔ uu yisi uu Yeesu lɛɛpɔ, uu pupɛi rɛ: Upíima, Tafiti Kɛpipi, a inɛ́wɛ yɛ̃. Kuníri yɛ unɛ́kpére lémaapɔlɛnlɛ ái nyaḿ!
23725	MAT 15:23	Yeesu uu kɔ lɛ̃ n sɛ́ɛ́lɛ̃ lɛ́kɛ́-lɛ́kɛ́. Kei kɛ upipirɛtiki api ukɛkúrí rinyɔsɔ́pɔ api rɛ: A unɔ́si nkó nɛ kutu ricɔ ukɛ́ tɔ́mpɔ. U welɛ un pupukɛɛ un nɛ rɔ́ tíkilɛ̃!
23730	MAT 15:28	Yeesu uu pɛɛ u pɛsɛ rɛ: A tíyɛ mpɔ́fatɛnɛ yɛ piyɛ kpa! Uléécaa yɛ́ tíyɛsɛ lɛ̃ kaa ń la ai wai. Kei nní uukpére uyɛ̃ uu mɛsɛ nɛ mɛsɛ pélu.
23744	MAT 16:3	Kɛyómɛ kɛn mmarɛ n sannyɛ lin n hiihiilɛ̃, nɔ yɛ kɔ maa rɛ kɛyáa yɛ nɛni caainɛ. Nɔ yɛ felɛ ani kɛyómɛ mɛwee yɛnu ani mɛasei kom, amá áni yɛ lɛ̃ kɛ Uléécaa uu ituŋɛ nnyí-i nɔ́kɛnɛ́cɔpɛ n wai asei kõ!]
23758	MAT 16:17	Kei kɛ Yeesu uu pɛɛ rinɔ́ɔ rikpá uu rɛ: Pɔ únarɛkomɛ lɛ, pɔ̃́ Yonaasi uŋmánɛ Simɔɔ! Li we rɛ ái kɛsoipipi kɛɛ mmú pɔ́ símisi, amá Unɛ́sáa yɛɛ kɛyómɛcaa-pɔ ń we lo.
23763	MAT 16:22	Piyɛɛ uu pɛɛ u kpísi uú nɛ iyaa leepɔ uú nɛ u cɛ́si rɛ: Uléécaa úu yɛ́ ŋmurɛi, Upíima! Líka ái pɔ́ wainɛ!
23764	MAT 16:23	Kei kɛ Yeesu uu pansɛpɔ uu Piyɛɛ maa rɛ: Pɔ́ɔkɛ́ mɛ̃ pɛlɛ, Setani! Kapɛ nɛ nɛ́ rikɔ! Pɔ lalɛ pɔkɛ́ nɛ́ púnɛisɛntɛ kɛ́ loó! Kɛpɔ́múŋɛ́ yɛ sisoipipi kɛmúŋɛ́ lɛ, ái Uléécaa kɛkɔ́.
23774	MAT 17:5	Un kei lɛ̃ símisi, kuhopɛ pei-pei kunyinɛ akú weri aku pi hila. Tinɔ́ɔ rinyinɛ ari kuhopɛ kpɛ-i léeri rɛ: Nkó yɛɛ Kɛnɛ́pipi lala kɛɛ nnɛ́pɔ́ɔnarɛ nnɛ́í ń te. Ani kutu kɛ ricɔ!
23784	MAT 17:15	Uu rɛ: Upíima, a kɛnɛ́wã́ nkɛ́ íwɛ tẽ́! Kɛ rikpínkpĩ́ pɔ́ɔ́lúlɛ akɛ yɛ mɛsɛ́rɛ lóirɛntɛ akɛ́ nɛ míni-i nɛ́ɛ nna-i lóipɔ.
23786	MAT 17:17	Yeesu uu pɛɛ rɛ: Nɔ́ nfatɛnɛcirɛ́ nɛ pikpááree mpuri mmú! Ituŋɛ ilɛ́ kam nɔ́kɛnɛ́mɛɛ pitónɛ kpánɛ? Ituŋɛ ilɛ́ kam yɛ́ lɛ̃ nɛ nɔ́ n kahari? Ani nɛ kɛwã́ kɛ̃ nté nɛ́ kam.
23817	MAT 18:21	Kei kɛ Piyɛɛ uu Yeesu kɛyúrí rinyɔsɔ́pɔ uu rɛ: Upíima! Unɛ́cɔ un nɛ nɛ́ m púnnɛntɛ, mɛlɛ́ kam yɛ́ fe am u sárɛi? Mɛsɛɛi kɛsẽ, nɛ́ɛ íye? Yeesu uu u pɛsɛ rɛ:
23828	MAT 18:32	Ukɛisaa uu pɛɛ tum api ukɛikɔ́ uyɛ̃ u séipɔ uu u maa rɛ: Pɔ́ ukɛikɔ́ kpááree nkó! Tipɔ́wómɛ nnɛ́í kaḿ pɛɛ pɔ́ hɛ rɛ pɔ rikɛcáá ísuúlu nɛ́ we nnya.
23874	MAT 20:13	Ukɛisaa uyɛ̃ uu piusɛ rinɔ́ɔ yɔ́su rɛ: Ám inípɛɛ pɔ́ li, unɛ́sánɛ! Ái rɔ kómɛinɛlɛ rɛ nnɛ́í mmɛ̃ kapi yɛ kɛyáa kɛsɛ ukɛikɔ́ n hɛ́ɛlɛ kaa yɛ́ yɔsíi?
23875	MAT 20:14	A lipɔ́kɔ́ kpísi aa tɔ́mpɔ! Nɛ lalɛ kɛ́ nɔ́ nɛ uyɛɛ pikɛi mɛtɔ́rɔɔ mmɛ́ ń ka nnɛ́í nsɛ hɛ́ɛ́lɛ.
23891	MAT 20:30	Kei kɛ pinyíyɛ pitɛ́ pinyinɛ pɛɛ ricéetimɛ n tṹ api kṍ tɛ Yeesu yɛɛ tɔ́su. Api pɛɛ sicááila kápáá rɛ: Upíima, Tafiti Kɛpipi, a irɔ́wɛ ripaí!
23892	MAT 20:31	Pisoi pɛɛ n cápinɛlɛ̃ api pi cɛ́si rɛ pikɛ́ risɛ́ɛ́, amá api pɛɛ mɛyã́ n cáái ŋmaa nɛ ńnaŋɛ rɛ: Upíima, Tafiti Kɛpipi, a irɔ́wɛ ripaí!
23904	MAT 21:9	Pisoi pɛɛ ukɛyu n sɔ́nɛ nɛ pɛpɛɛ ukɛpirɛ n tíkilɛ̃ api pɛɛ́ n cáái rɛ: Tafiti Kɛpipi, ani uyɛɛ n sɔ́nti nɛ Upíima rinyiri ritaásɛ! Osanna, ani urinyiri kɛyómɛcaa-pɔ ritaásɛ!
23914	MAT 21:19	Uu kúfikiyee ricéetimɛ yɛnupɔ, uu sɔ́nɛpɔ uú nɛ ku kɔ, amá mɛpɛ́i ŋmanɛ kuu lɛɛpɔ. Uu pɛɛ kuléé kpɛ̃ maa rɛ: Páa nkpéni kɔ píkai márunɛ! Kei nní, kúfikiyee kpɛ̃ aku kóósi.
23924	MAT 21:29	Uŋmánɛ uu u pɛsɛ rɛ: Ám sĩ! Kai rinkpásɛ, uu kɛmúŋɛ́ consɛ, uu yisi uu waasi.
23937	MAT 21:42	Kei kɛ Yeesu uu pi pisɛ rɛ: Áni nsímɛ́ mmú píkai Uléécaa Nsímɛ́ ritɛlɛ́ kɛ́mɛɛ kɛ́ɛ́nlɛ̃ tɛ: Tiparɛ kɛ pimɔ́mɛ api n fóm tɛɛ pansɛ ricírɛ-cirɛ tɛɛ kɛnui-i ń wee? Upíima yɛɛ lɛ̃ wa. Mɛwaisaŋa kuu rɔ́ n yɛ́nɛisɛ yɛ mɛ̃!
23960	MAT 22:19	Ani nɛ siwóó sɛ̃ kani yɛ nɛ lampoo n hɛ́ɛlɛ kam nkɛ̃́! Api mɛwóópipi mɛsɛ nɛ u hapɔ.
23966	MAT 22:25	Too! Amá piŋmánɛ pinyinɛ pɛɛ pɛɛ kɛrɔ́cɔpɛ nté we. Pi pimárɛcɔ pisɛɛi lɛ. Umáa uu unɔ́si kpísi, uu kpi úu kɛwã́ yɛ̃. Uwã́ uu pɛɛ umáa ukúmannɔsi kpísi.
24000	MAT 23:13	Íwɛ kani topori, nɔ́ isé picélaa nɛ nɔ́ Pifarisi mpí. Nɔ kɛcáá kɛcáá mɛwai pikɔ́ lɛ! Nɔ yɛ pisoi ncée tápisilɛ rɛ ápi kapɛ Uléécaa iyɔɔpi kɛ́mɛɛ lõ. Nɔ́rinɛ́cúruu áni yɛ lompɔ, áni kɔ pɛɛ pɛpɛɛ ń la yánɛ pikɛ́ lompɔ.
24001	MAT 23:14	[Íwɛ kani topori, nɔ́ isé picélaa nɛ nɔ́ Pifarisi mpí. Nɔ kɛcáá kɛcáá mɛwai pikɔ́ lɛ! Nɔ́ɔ pikúmannɔsi anipɛ-i lɛ̃ kapi m má yɔ́ɔi, ani yɛ kɔ pɛɛ kɛyómɛ yáási ai náŋai pisoi pikɛ́ nɛ nɔ́ n yɛ̃́ nnya. Lɛ̃ nnya kɛ Uléécaa uu íwɛ iyɛɛ íi icɔ m má nɔ́ wainɛ.]
24002	MAT 23:15	Íwɛ kani topori, nɔ́ isé picélaa nɛ nɔ́ Pifarisi mpí. Nɔ kɛcáá kɛcáá mɛwai pikɔ́ lɛ! Kɛtẽ nkɛ́ nnɛ́í nɛ mínimaa kani kálɛ̃ tɛ nɔkɛ́ usɛ unyinɛ yɛ̃ nɔkɛ́ u pansɛsɛ nɔ́unɛ́pirɛtiki. Nɔn liute piyɛ́nɛ m masí, ani tíyɛsɛ uu pansɛ usoi nkó kaí nɛ n sá rɛ pikɛ́ íwɛ tɛnɛcirɛ́ kɛlõ kɛ́mɛɛ íwɛ lukɛisɛ ikɛ́ nɔ́inɛ́kɔ́ n fe mɛtɛ́.
24003	MAT 23:16	Íwɛ kani topori, nɔ́ pinyíyɛ mpí, nɔ́ɔ nní pisoicɔ n séni! Nɔ yɛ maa rɛ: Úye un Uléécaa kɛyɔ n sée uú nɛ wééri rɛ u yɛ́ linyinɛ wa, u yɛ́ fe uu lipiwai yá. Amá úye un wura yɛɛ Uléécaa kɛyɔ-i ń we n sée uú nɛ wééri rɛ u yɛ́ linyinɛ wa, ncée ńn we rɛ ukɛ́ lipiwai riyá.
24004	MAT 23:17	Nɔ́ piníri nɛ pinyíyɛ mpí! Wura nɛ Uléécaa kɛyɔ kɛɛ wura uyɛ̃ m pansɛsɛ Uléécaa likɔ́, yo yɛɛ likɛtɛ́ kɛcɔpɛ ríyu má nɛ licɔ?
24006	MAT 23:19	Nɔ́ pinyíyɛ mpí! Isɛɛ kapí nɛ n nyɔ́ɔnsɛ api kɛhúúpi kɛcáá láa nɛ kɛhúúpi kɛɛ i m pansɛsɛ Uléécaa likɔ́, yo yɛɛ likɛtɛ́ kɛcɔpɛ ríyu má nɛ licɔ?
24012	MAT 23:25	Íwɛ kani topori, nɔ́ isé picélaa nɛ nɔ́ Pifarisi mpí! Nɔ kɛcáá kɛcáá mɛwai pikɔ́ lɛ. Nɔ we yarɛ mpí pɛɛ yɛ kɛhee nɛ kɛcáripi kɛpirɛ ŋmanɛ n hɛɛrɛ api kɛmɛ́ɛ yá mɛcɔ. Lɛ̃ kapi yɛ sikɛmɛɛ n li nɛ kapi yɛ ń ntí yɛ pɛɛ liyaa-yaa lɛ kapi n káipinkɛɛ.
24013	MAT 23:26	Nɔ́ Pifarisi, pinyíyɛ mpí! Ani yɛ kɛhee nɛ kɛcáripi kɛ́mɛɛ mɛfoí hɛɛrɛ, kɛpirɛ yɛ́ pɛɛ limɛcɔ sɔnɛsi.
24014	MAT 23:27	Íwɛ kani topori, nɔ́ isé picélaa nɛ nɔ́ Pifarisi mpí! Nɔ kɛcáá kɛcáá mɛwai pikɔ́ lɛ. Nɔ we yarɛ rikpíí mmɛlɛ kapi míni tomɛ́ n túkɛi ari pɛɛ́ n wariyɛ póí-póí ńsɔnɛ mɛcɔ, nɛ́ḿpákanɛ asoikɔhɔ nɛ líkpɛrinkpɛkɔɔ́ lɛɛ rikɛmɛɛ yipaalɛ̃.
24016	MAT 23:29	Íwɛ kani topori, nɔ́ isé picélaa nɛ nɔ́ Pifarisi mpí! Nɔ kɛcáá kɛcáá mɛwai pikɔ́ lɛ. Nɔ yɛ antepuyɛ akpíí mɔ́nlɛ ani pɛpɛɛ asei n tíkilɛ̃ akɔ́ sɔnukusɛ
24019	MAT 23:32	Lɛ̃ nnya, ani mɛsɛ nɔ́pinɛ́kpurɛ mɛwai kópɛ nɛ kɛ́yu mahã nɛ kɛ́tɔ-pɔ!
24020	MAT 23:33	Nɔ́ iwáa kpákárá nnyí! Íye kani yɛ́ wa áni yɛ́ nɛ nna tɛnɛcirɛ́ kɛ́mɛɛ n lompɔ.
24026	MAT 23:39	Ani kõ tɛ áni nɛni piyɛ́nɛ nɛ́ kpánɛ likɛ́ ha nɛ tu kumúŋɛ́ kpɛ-i kani yɛ́ ha ḿ maa rɛ: Uléécaa ukɛ́ uyɛɛ Upíima rinyiri nɛ n wemɛ rikpá!
24072	MAT 24:46	In tɛ úyɔsaa yɛ ukɛikɔ́ uyɛ̃ lɛɛmɛ un mɛsei upikɛi kɛcáá we, u únarɛkomɛ lɛ!
24083	MAT 25:6	Kɛ kɛsinɛ akɛ m pi, kɛcááila akɛ́ lelu rɛ: Uŋmánɛ uyɛɛ nní wemɛ! Ani leepɔ ani u tɛ́pɛi!
24086	MAT 25:9	Pisɔhɔɔ pɛ̃ pɔ́ɔ rɛ: Eehei! Mɛ nɛ tɔ́ risálɛ, ámɛ tisɛ tɔkɛ́ nɔ́ hɛ. Li kutɔsi we nɔkɛ́ piyái kɛ́mɛɛ ha ani kei nɔ́mɛnɛ́kɔ́ lɔlu.
24088	MAT 25:11	Likɛpirɛ, pikpére niri mpí pɔ́ɔ tuiri api cáái rɛ: Upíima, a rɔ́ hánnɛ! Upíima, a rɔ́ hánnɛ!
24089	MAT 25:12	Kei kɛ uŋmánɛ uyɛ̃ uu pi maa rɛ: Nɛ la kɛ́ asei nɔ́ símisi rɛ ám nɔ́ nyu!
24098	MAT 25:21	Uukɛisaa uu u maa rɛ: Nɛ pakarɛ! Pɔ ukɛikɔ́ sɔnɛ nɛ asei ute lɛ. Likáripikɔɔ́-i kaa nní wa lɛ̃ kai m pisɛ. Lɛ̃ nnya, nɛ́ limáa-maa pɔ́ rimúísɛ. A lommɛ tɔkɛ́ anyã́ li.
24099	MAT 25:22	Ukɛikɔ́ uyɛɛ wura mɛwóópipi sipehepi sitɛ́ ń yɔsí pɔ́ɔ kɔ nyɔsɔ́pɔ uu rɛ: Wura mɛwóópipi sipehepi sitɛ́ kaá pɛɛ nɛ́ pa, Upíima! Áa yɛ̃ɛ? Wura mɛwóópipi sipehepi sitɛ́ sicɔ yɛ nsí kam kuláa n yɛ̃́.
24100	MAT 25:23	Uukɛisaa uu u maa rɛ: Nɛ pakarɛ! Pɔ ukɛikɔ́ sɔnɛ nɛ asei ute lɛ. Likáripikɔɔ́-i kaa nní wa lɛ̃ kai m pisɛ. Lɛ̃ nnya nɛ́ limáa-maa pɔ́ rimúísɛ. A lommɛ tɔkɛ́ anyã́ li.
24102	MAT 25:25	Lɛ̃ nnya kɛ iwamɛ ii nɛ́ wa am kɛtẽ kɛ́mɛɛ sipɔ́wóó kúlɛsi. Áa yɛ̃ɛ! Sipɔ́wóó sɛɛ nsí, a yɔsí!
24103	MAT 25:26	Kei kɛ ukɛisaa uu rinɔ́ɔ u pɛsɛ rɛ: Pɔ ukɛikɔ́ kópɛ nɛ ukánsoi lɛ! Kaa lɛ̃ n nyu rɛ kɛcarɛ kɛ-i kám n lukɛsi kam yɛ kpasi. Nɛ́ɛ kei kám n fṍ kam yɛ kpéẽ.
24118	MAT 25:41	Kei kɛ uyɔ́ɔpi uu yɛ́ pɛɛ pɛpɛɛ ukumii-mɛ̃ ń we maa rɛ: Ani kɛnɛ́kúrí yisi ani kɛtaa-pɔ rinyɔsɔ́. Uléécaa yɛ anɔ́ɔ nɔ́ walɛ! Ani ha nna tɛnɛcirɛ́ kɛ́mɛɛ lompɔ. Kei kɛ Uléécaa uu n nyɔ́ɔnsɛ un nɛ Setani nɛ upitumɛ mɛ̃́.
24141	MAT 26:18	Uu pi pɛsɛ rɛ: Ani kuyu-i kɔɔ́ kɛyɔ-i hapɔ ani u maa rɛ: Ucélaa yɛ rɛ unkpɔ ituŋɛ yɛ tulɛ. Kɛpɔ́yɔ-i kɛ u nɛ upipirɛtiki api sɔ́nti pikɛ́ nkpɔ mɛlɔ́ɔ́ anyã́ li!
24172	MAT 26:49	Kuu n tuipɔ, uú nɛ Yeesu kɛ́mɛɛ n sairilɛ̃ uú ha u maa rɛ: Nɛ pɔ́ yáasi, Sáa! Uu pɛɛ u pira uu u yáási.
24173	MAT 26:50	Yeesu uu pɛɛ u maa rɛ: Unɛ́sánɛ, a pikɛi pɛ̃ kaa piwai ń ka mɛkɛɛ wa! Kei kɛ pɛ̃ api pɛɛ cápinɛpɔ, api Yeesu tini api múlú.
24192	MAT 26:69	Kɛ Piyɛɛ uu kei lɛ̃ tipoo-i n tṹ, unɔ́si kɛikɔ́ unyinɛ uu léepɔ uu kei u lɛɛpɔ uu u maa rɛ: Nɛ pɔ́ɔ lo! Pɔ̃́ nɛ kɔ pɛɛ Kalilee ukɔ́ Yeesu uyɛ̃ tikilɛnlɛ.
24202	MAT 27:4	Uu pi maa rɛ: Nɛ akópɛ walɛ. Nɛ usoi yɛɛ úu líka n caai yáá aḿ pa api kópu. Pɛ̃ api u pɛsɛ rɛ: Mpɔ́kɔ́ yɛ mmɛ̃! Ái nɛ tɔ̃́ yɛ̃!
24220	MAT 27:22	Kɛ́ íye Yeesu kapi n sélei rɛ Kirisi pɔ̃́ wa? Api pinnɛ́í u pɛsɛ rɛ: A kunapɛ́ɛ́kɔɔ́ kɛcáá u karii!
24221	MAT 27:23	Kei kuu kɔ pipisɛ pi rikpá rɛ: Ncaai ń-ye kuu mpíí wa? Api pɛɛ sicááila nákíísɛ ŋmaa rɛ: A kunapɛ́ɛ́kɔɔ́ kɛcáá u karii!
24222	MAT 27:24	Kɛ Pilati uu n yɛ̃́ tɛ ḿpá un nɛ n símisi, ái nkpáni líka yoriyɛnɛ, iwɔ́ɔ in mɛníŋɛ mɛyã́ cálɛ̃, uu míni kpísi uu pisoi nnɛ́í inipɛɛ-i anípɛ nalɛ uu rɛ: Ái nɛ́ɛ ncée hɛ rɛ pikɛ́ usoi nkó yɛɛ úu ncaai ńka n wa kpu. Nɔ́nnɛ́kɔ́ yɛ mmɛ̃!
24223	MAT 27:25	Pisoi pɛɛ n cápinɛlɛ̃ nnɛ́í api u pɛsɛ rɛ: Ɛɛɛ! Tɔ́ nɛ sirɔ́wã́ tɔkɛ́ unkpɔ ncɔni n te!
24227	MAT 27:29	Api pɛɛ sinípɛleépi rikɔŋ parii api u kipisɛ, api kɔ kɛnaapi kunípɛ lukɛ-lukɛ-mɛ̃ u múísɛ. Api pɛɛ ukɛyu-i wúla api sɛ́nnyi api rɛ: Tɔ pɔ́ yáasi, Pisuifi uyɔɔpi!
24238	MAT 27:40	Api yɛ u maa rɛ: Pɔɔ́ yɛ Uléécaa kɛyɔ n forii aa siyáa sitaani nɛ pimɔ́mɛ kɛ pɛsɛ, pɔn mɛsei Uléécaa Kɛpipi, a nkpéni ripɔ́yu lɔ aa kunapɛ́ɛ́kɔɔ́ kɛcáá súiri!
24240	MAT 27:42	U picɔ yoriyɛntɛlɛ amá úu pɛɛ fe ukɛ́ uricuruu yoriyɛ! Nɛ́ntɛ Isirayɛɛli Uyɔɔpi lo! Ukɛ́ kɔ kunapɛ́ɛ́kɔɔ́ kɛcáá súimɛ tɔkɛ́ pɛɛ́ nɛ kɛfa u tɛnɛ.
24241	MAT 27:43	Uléécaa kuú nɛ ritá uu yɛ nɛ maa rɛ: Nɛ Uléécaa Kɛpipi lɛ. Lɛ̃ nnya, in tɛ Uléécaa yɛ ukɛcáá kpálɛ̃, ukɛ́ nkpéni u yoriyɛ tɔkɛ́ yɛ̃́ nkɛ̃́!
24263	MAT 27:65	Pilati uu pi pɛsɛ rɛ: Pimɛ́rɛ́ yɛ mpí! Ani nɛ pi ha pikɛ́ ha rikpíí m mɛ̃́ yarɛ kani ń la.
24311	MRK 1:27	Ai pinnɛ́í nnɔ́ɔ yipu apí m písɛinɛ rɛ: Yoo nní? Icélaa falɛ inyinɛ yɛ nyi nɛ innaŋɛ! Ḿpá aníri kuu rinɔ́ɔ hɛ, áa yɛ ti rilɔ́ɔ́.
24395	MRK 4:3	Ani kutu ricɔ ani kóm! Utisi unyinɛ yɛɛ ilukɛpuri pifómɛ leemɛ.
24631	MRK 9:24	Mɛsɛ nɛ mɛsɛ, kɛwã́ kɛ̃ usaa u pupɛi rɛ: Nɛ̃́ nɛ kɛfa tɛnɛlɛ! Amá a kam a nɛ́ comɛ, nnɛ́fatɛnɛ ńn piyɛ.
24680	MRK 10:23	Yeesu uu upipirɛtiki pɛɛ u n kálaalɛ̃ nyánɛi, uu pi maa rɛ: Uléécaa iyɔɔpi kɛ́mɛɛ pilonɛ yɛ nɛ pimámá páápú kpa!
24681	MRK 10:24	Anɔ́ɔ nnyɛ́ aa Yeesu pipirɛtiki pírí wai. Amá Yeesu uu pimáa pi kpá rɛ: Sinɛ́pipi, a tíyɛ Uléécaa iyɔɔpi kɛ́mɛɛ pilonɛ yɛ pɔ́ɔ́lú kpa!
24704	MRK 10:47	Uu kóm tɛ Nasarɛti ukɔ́ Yeesu yɛɛ tɔ́su, uu sicááila kápáá rɛ: Tafiti kɛpipi, Yeesu, a inɛ́wɛ ripaí!
24705	MRK 10:48	Mɛyã́ amɛ nɛ u cɛ́si rɛ ukɛ́ risɛ́ɛ́, amá uu mɛyã́ cásɛ rɛ: Tafiti kɛpipi, a inɛ́wɛ ripaí!
24718	MRK 11:9	Pisoi pɛɛ Yeesu kɛyu n sɔ́nɛ nɛ pɛpɛɛ ukɛpirɛ n tíkilɛ̃ pin pupukɛɛ rɛ: Osanna! Ani Uléécaa uyɛɛ n sɔ́nti nɛ Upíima rinyiri ritaásɛ.
24719	MRK 11:10	Uléécaa ukɛ́ rinɔ́ɔ sɔnɛ uyɛɛ n sɔ́nti ukɛ́ urɔ́sáa Tafiti mɛcɔ iyɔ́ɔpi ń tonɛ ritikisɛ, Osanna! Ani urinyiri kɛyómɛcaa-pɔ ritaásɛ.
24868	MRK 14:45	Kuu n tuipɔ uú nɛ mɛsɛ nɛ mɛsɛ Yeesu kɔ, uu rɛ: Sáa! Uu pɛɛ u pira uu u yáási.
24888	MRK 14:65	Picɔ api ukɛcáá mɛta pitúkɛntɛ loni, api ukɛyu paasi api akpini pinɛ́i u kápáá pin u tee rɛ: A uyɛɛ lɛ̃ pɔ́ n wai ŋmɔinu! Pimɛ́rɛ́ api u tini apí nɛ sipɛsɛ u tɛ́pɛi.
24924	MRK 15:29	Picéetɔŋɛ́ api u lámaankɛɛ pin tíyu pɔuli pin máikɛɛ rɛ: Yéee! Pɔ́ɔ yɛ Uléécaa kɛyɔ n fori aa siyáa sitaani nɛ pimɔ́mɛ kɛ pɛsɛ,
25101	LUK 3:7	Asoiwuí aa Yohani kɛ́mɛɛ n sɔ́naapɔ ukɛ́ míni pi wolɛ. Uu pi maa rɛ: Nɔ́ akpurii nnyɛ́! Wóo nɔ́ céesi rɛ nɔ́ fe ani Uléécaa kɛtahai kɛɛ n tu kaasɛ má?
25166	LUK 4:34	Ah! Ń-ye kaá nɛ rɔ́ wɛ́ɛ́si, Nasarɛti ukɔ́ Yeesu? Pɔ kalɛ rɛ pɔkɛ́ rɔ́ nã́a? Nɛ pɔ́ nyulɛ rɛ Uléécaa yɛ pɔ́ wɛ́ɛlɛ uu iyaa yekei.
25168	LUK 4:36	Ai pinnɛ́í nnɔ́ɔ yipu api pimɛcɔpɛcirɛ m máikɛɛnɛ rɛ: kpí! Nsímɛ́ ń-ye mpuri yɛ mmú? Usoi nkó yɛ aníri rinɔ́ɔ hɛlɛ nɛ ńnaŋɛ aá lelu.
25184	LUK 5:8	Kɛ Simɔɔ Piyɛɛ uu lɛ̃ n yɛ̃́, uu Yeesu kɛyu-i wúla uu rɛ: Upíima, a nɛ kɛtaa nɛ́ wa, nɛ ukópɛkɔɔ́ lɛ!