23214	MAT 1:1	Yeesu Kirisi yɛ Tafiti kɛyasɛ lɛ, Tafiti pɔ́ɔn kɔ Apiraham kɛyasɛ. Upikpurɛ anyiri yɛ nnyɛ́:
23215	MAT 1:2	Apiraham yɛɛ Isaaki mari, Isaaki pɔ́ɔ Yakupu maru, Yakupu pɔ́ɔ Yuta nɛ upimarɛcɔ márɛi,
23216	MAT 1:3	Yuta pɔ́ɔ Perɛsi nɛ Sera maru. Piuni yɛɛ Tamaa. Perɛsi pɔ́ɔ Hɛsirɔɔ maru, Hɛsirɔɔ pɔ́ɔ Aram maru,
23217	MAT 1:4	Aram pɔ́ɔ Aminatapi maru, Aminatapi pɔ́ɔ Nasɔɔ maru, Nasɔɔ pɔ́ɔ Salimani maru,
23220	MAT 1:7	Salomɔɔ pɔ́ɔ Ropowam maru, Ropowam pɔ́ɔ Apiya maru, Apiya pɔ́ɔ Asaa maru,
23221	MAT 1:8	Asaa pɔ́ɔ Yosafati maru. Yosafati pɔ́ɔ Yoram maru. Yoram pɔ́ɔ Osiyasi maru,
23222	MAT 1:9	Osiyasi pɔ́ɔ Yotam maru, Yotam pɔ́ɔ Akaasi maru, Akaasi pɔ́ɔ Esekiyasi maru,
23223	MAT 1:10	Esekiyasi pɔ́ɔ Manasee máru, Manasee pɔ́ɔ Amɔɔ maru, Amɔɔ pɔ́ɔ Yosiyasi maru,
23226	MAT 1:13	Soropapɛɛli pɔ́ɔ Apihuuti maru, Apihuuti pɔ́ɔ Eliyakim maru, Eliyakim pɔ́ɔ Asɔɔ maru,
23227	MAT 1:14	Asɔɔ pɔ́ɔ Satɔki maru, Satɔki pɔ́ɔ Akim maru, Akim pɔ́ɔ Eliwuuti maru,
23230	MAT 1:17	Lɛ̃ nnya, kaí nɛ Apiraham-i n kpísi aí nɛ Tafiti-i pá, li walɛ ncɔpuri anai kɛfi nɛ ana. Kai Tafiti-i n kpísi aí nɛ kumúŋɛ́ kpɛ-i kapi Isirayɛɛli pikɔ́ n cɔ́pii apí nɛ Papilɔɔni kuyu sĩ pá, li walɛ ncɔpuri anai kɛfi nɛ ana. Kai kɔ kei n kpísi aí nɛ Kirisi imarɛtuŋɛ pá, li walɛ ncɔpuri anai kɛfi nɛ ana acɔ.
23238	MAT 1:25	Amá u nɛ uyɛ̃ ápi kulee ripɛ́nɛ uú ha nɛ kɛwántisi maru. Kuu kɛ m mári, Yosɛfi uu kɛ séi rɛ Yeesu.
23240	MAT 2:2	Apí ha pisɛ rɛ: Yei yɛ kɛwã́ kɛ̃ kapi m mári pin tee rɛ kɛkɛɛ sɔ́nti kɛkɛ́ Pisuifi iyɔɔpi tonɛ? Hái kɛtuŋɛleemɛ-pɔ kari riwárɛpi tɛɛ n nyísɛlɛ̃ tɛ pi kɛwã́ kɛ̃ mari yɛ̃. Lɛ̃ nnya karí ka rɛ tɔkɛ́ kɛ yáási ari wúla.
23243	MAT 2:5	Api u pɛsɛ rɛ: Yutee kɛteni-i, Pɛtɛlɛhɛm-pɔ le. Antepu Misee yɛ mɛkɛɛ-mɛ wɔi rɛ:
23247	MAT 2:9	Kɛ Erooti uu lɛ̃ pisímɛ́ pi ḿ masí, api yisi api ncée pɔlɔ. Kei kapi pɛɛ ripaí, api yɛ́nu riwárɛpi tɛ̃ kapí pɛɛ kɛtuŋɛleemɛ-pɔ n yɛ̃́ tin pikɛyu sɔ́nɛ pin ti tikilɛ̃. Ari kɛlõ kɛ-i kɛ kɛwã́ kɛ̃ akɛ ń we tulu, ari nyɛrɛ.
23249	MAT 2:11	Api kɛ́yɔ loni api kɛwã́ nɛ kɛuni Maari yɛnu, api kɛ yáási apí nɛ wula. Api pɛɛ pimɛmá fénnɛ api wura nɛ tulaali ŋmaa-ŋmaa nɛ mɛ́kpɔ kapi yɛ n sée rɛ miiri lesɛ api kɛ hɛkɛsi.
23251	MAT 2:13	Kɛ pinyuwɛ pɛ̃ api n tɔ́mpɔ, Upíima uleecaatumɛ unyinɛ uu kɛlárɛ́-i Yosɛfi kpáfúmɛ uu rɛ: A yisi, a kɛwã́ nɛ kɛuni kpísi aa wuru aa Esipiti kɛtẽ loni. Erooti yɛ lalɛ ukɛ́ kɛ kpu. Lɛ̃ nnya, ani ha kei-pɔ n tũ likɛ́ ha nɛ tu kumúŋɛ́ kpɛ-i kam yɛ́ nɔ́ n símisi rɛ ani pɛɛmɛ.
23258	MAT 2:20	uu rɛ: A yisi, a kɛwã́ nɛ kɛuni kpísi aá nɛ Isirayɛɛli kɛtẽ pɛlɛ. Pɛpɛɛ pɛɛ ń la pikɛ́ kɛwã́ kɛ̃ kpu yɛ kpínlɛ.
23260	MAT 2:22	Amá kɛ Yosɛfi uu n kṍ tɛ Aricelayuusi yɛɛ usáa Erooti iyɔɔpi Yutee kɛtẽ kɛcáá tónɛ, iwamɛ ii u wai uu pɛɛ́ n yulu rɛ úu kei tonɛnɛ. Uléécaa uu kɔ kɛlárɛ́-i u símisi uu yisi uu Kalilee kɛtẽ-mɛ̃ tɔ́mpɔ,
23262	MAT 3:1	Aí weri kumúŋɛ́ kunyinɛ-i, Yohani Úniwolɛ uu léeri un Yutee kucɛsi kóima-i yóólɛ̃ tɛ:
23263	MAT 3:2	Ani mɛfinɛ consɛ, Uléécaa iyɔɔpi yɛ nyahaimɛlɛ!
23264	MAT 3:3	Yohani nsímɛ́ kɛ antepu Esayi uú pɛɛ maa rɛ: Usoi rinɔɔ yɛ ri tɛɛ kucɛsi kóima-i n yóólɛ̃ tɛ: Ani Upíima ncee nyɔ́ɔnsɛ, ani usiceepi tɛ̃iisɛ.
23265	MAT 3:4	Kuyooyoo nkpíí kɛtukanka kɛ Yohani uú pɛɛ tanaalɛ̃ un kɛkónɛpampi kɛhalɛ-i télɛ̃. Apááni nɛ mɛtɛ̃́ kuú pɛɛ le.
23269	MAT 3:8	Ani nɔ́mɛnɛ́wai nɛ nyísɛ rɛ nɔ mɛsei mɛfinɛ consɛlɛ.
23270	MAT 3:9	Áni kapɛ n nyu rɛ kani nní ḿ máikɛɛ rɛ Apiraham yɛɛ nɔ́unɛ́sáayaha nnya, lɛɛ nɛ nɔ́ piyɛ. Amá nɛ kalɛ kɛ́ nɔ́ símisi rɛ Uléécaa yɛ́ fe uu aparɛ nnyɛ́ pansɛsɛ Apiraham siyasɛ.
23272	MAT 3:11	Míni ŋmanɛ kɛ nɛ́ɛ nɔ́ wolɛ likɛ́ nyísɛ rɛ nɔ mɛfinɛ consɛlɛ. Amá uyɛɛ nɛ̃́ mɛmáá n sɔ́nti yɛ nɛ́ felɛ. Ám tu ricuruu kɛ́ uanɛ́ɛ́ri u mahã. Uyɛɛ sɔ́nti ukɛ́ Nfáasɔnɛ nɛ nna nɔ́ wolɛ.
23275	MAT 3:14	Amá Yohani uu yúlu uu rɛ: Nɛ̃́ kaí nɛ sá rɛ kɛ́ kɛpɔ́mɛɛ́ hapɔ pɔkɛ́ nɛ́ wolɛ, ái pɔ́ɔ yɛ́ mɛníŋɛ kɛnɛ́mɛɛ́ kam.
23276	MAT 3:15	Yeesu uu pɛɛ u pɛsɛ rɛ: A riyá likɛ́ pɛɛ lɛ̃ n we kɛlenɛ. Lɛ̃ kari yɛ́ fe arí nɛ lɛ̃ nnɛ́í kɛ Uléécaa uu ń la ńsɔnɛ wai. Kuu lɛ̃ ḿ ma, Yohani uu pɛɛ kóm uu míni u wolɛ.
23288	MAT 4:10	Yeesu uu u maa rɛ: A kɛnɛ́kúrí yisi, Setani. Li Nléécaasimɛ́ ritɛlɛ́-i wɔ́laalɛ̃ tɛ: Upíima Upɔ́léécaa mɛcirɛ kóló kaí pisɛ rɛ usoi ukɛ́ riwula ukɛ́ yáási.
23295	MAT 4:17	Kaí nɛ kei n kpísi kɛ Yeesu uu pɛɛ piyóó lõ tɛ: Ani mɛfinɛ consɛ, Uléécaa iyɔɔpi yɛ nyahaimɛlɛ.
23296	MAT 4:18	Yeesu yɛ pɛɛ Kalilee kupiyɛ ritimɛ sɔ́nɛlɛ uu Simɔɔ kapi rinyíri n hɛ rɛ Piyɛɛ nɛ uuwã Antiree yɛnu. Pikɛtɛ́ yɛ pikpíntomɛ́cɔ́pii lɛ. Anyɛŋ́ kapí pɛɛ fóm pin nɛ ikpíntomɛ́ cɔ́pii.
23297	MAT 4:19	Uu pɛɛ pi maa rɛ: Ani nɛ́ ritiki kɛ́ tíyɛsɛ ani yɛ pisoi pɛɛ yɛ́ nɛ́ rintíki wɛ́ɛ́si.
23298	MAT 4:20	Api mɛsɛ nɛ mɛsɛ anyɛŋ́ sá api u tiki.
23302	MAT 4:24	Kei kɛ urinyiri ari pɛɛ Sirii kɛtẽ nnɛ́í kɛcáá rikɔ́ɔ́nú. Api pɛɛ́ nɛ pitóikɔ́ nnɛ́í ncɔpuri nɛ pɛ̃ nnɛ́í pɛɛ piipiŋɛ-i ncɔ́ŋ nnyinɛ n kómɛi u n sɔ́naapɔ un pi pɔisɛntɛ. Lɛlɛɛ nní yarɛ pinírihélaa nɛ rikpínkpĩ́ pikɔ́ nɛ síkankáláká.
23303	MAT 4:25	Asoiwuí píima nyɛɛ Kalilee-pɔ nɛ Ayu Kɛfi kɛtẽ-pɔ nɛ Yerusalɛm-pɔ nɛ Yutee-pɔ nɛ Yuritɛɛ nkoi mɛtɛ́ŋ́-pɔ n léemɛ aa pɛɛ u n tikilɛ̃.
23321	MAT 5:18	Asei kam nní nɔ́ símisi, kɛtẽ nɛ kɛyómɛ yɛ kpére we, kɛwɔ́ipi cíú-cíú kɛ́ka nɛ́ɛ kɛsímɛ́pi kɛ́ka ákɛ isé kɛ́mɛɛ mɛ́lelɛ má, likɛ́ ha nɛ ḿpá yo kɛtɔ tu.
23322	MAT 5:19	Lɛ̃ nnya, úye un isé rinɔɔ rinyinɛ n kɛsi uu kɔ picɔ céési rɛ pikɛ́ ri kɛsi, ḿpá rinɔ́ɔ tɛ̃ tinsá pitíki m páápú, uyɛɛ yɛ́ masí Uléécaa iyɔɔpi kɛ́mɛɛ usíńsá. Amá úye un ti m pakarɛ un kɔ picɔ n céési rɛ pikɛ́ limɛcɔ wa, uyɛɛ yɛ́ masí Uléécaa iyɔɔpi kɛ́mɛɛ úyukɔɔ́.
23323	MAT 5:20	Asei yɛ nyɛ rɛ nɔnsá Uléécaa mɛla n tikilɛ̃ likɛ́ isé picélaa nɛ Pifarisi n fe, áni yɛ́ Uléécaa iyɔɔpi kɛ́mɛɛ lõ.
23325	MAT 5:22	Amá nɛ̃́ nɛ nɔ́ maa rɛ: Úye un nɛ uucɔ n wɔ́ɔsi, pikɛ́ nɛ liute túhaanɛ. Úye un uucɔ m maa rɛ: Pɔ́ uníri nkó, pikɛ́ liute nɛ pɛpɛɛ yɛ kɛtúhaanɛ píima-i n túhaanɛ kɛ́mɛɛ ha. Úye un uucɔ m maa rɛ: Pɔ́ uníri nkó, li tu rɛ pikɛ́ liute nna tɛnɛcirɛ́ iwɛ kɛ́mɛɛ risápɔ.
23329	MAT 5:26	Asei kam nní pɔ́ símisi, pɔnsá ripɔ́wómɛ nnɛ́í n hɛ́ɛlɛ tikɛ́ tɛnɛ cáká-cáká nɛ kɛtanká tɔrɔɔ-pɔ, áa kei mɛ́lelɛ má.
23331	MAT 5:28	Amá nɛ̃́ nɛ nɔ́ maa rɛ: Utisi úye un ucɔ unɔsi n yɛ̃ uu káipi, u ukɛmúŋɛ́ kɛ́mɛɛ iwásá nɛ unɔ́si uyɛ̃ piwai masilɛ lɛ̃.
23335	MAT 5:32	Amá nɛ̃́ nɛ nɔ́ maa rɛ: Úye un unɔ́si n lakasɛ linsá iwásá nnya, iwásá kuu lɛ̃ u tani. Úye un kɔ unɔ́si kɛ ucɔ uu n lákasɛ n kpísi, iwásá kɛ liute uu lɛ̃ wa.
23337	MAT 5:34	Amá nɛ̃́ nɛ nɔ́ maa rɛ: Áni kapɛ yɛ rinɔ́ɔ yekei rɛ nɔ́ Uléécaa linyinɛ wa. Áni kapɛ yɛ wéeri aní nɛ kɛyómɛcaa séi. Kai nní kei yɛ Uléécaa riyɔɔpitũ nnya.
23342	MAT 5:39	Amá nɛ̃́ nɛ nɔ́ maa rɛ: Áni kapɛ yɛ usoi mɛwai kópɛ cɛɛi. Usoi un kulukɛ-lukɛ-mɛ̃ kɛpɛsɛ pɔ́ n tɔ, a kumíi-mɛ̃ pansɛ ukɛ́ kɔ kei kɛpɛsɛ pɔ́ tɔ.
23346	MAT 5:43	Yeesu uu kɔ pimáa pi kpá rɛ: Nɔ kõ tɛ pi maa rɛ: A upɔ́sánɛ n la aa upɔ́láarɔ ipuri n yulu.
23347	MAT 5:44	Amá nɛ̃́ nɛ nɔ́ maa rɛ: Ani nɔ́pinɛ́láarɔ n la, ani yɛ pɛpɛɛ nɔ́ n wéékusɛlɛ̃ kɛcáá kɛyómɛ yáási.
23349	MAT 5:46	Asei kɛcáá, in tɛ pɛpɛɛ nɔ́ ń la ŋmanɛ kaní la, ihɛ́ɛ́ íye kani pɛɛ mɛ̃́ tɛ Uléécaa ukɛ́ nɔ́ pa? Pilampooyɔɔ́ ŋmaa ricuruu pɔ̃́ nɛ yɛ kɔ limɛcɔ walɛ.
23351	MAT 5:48	Ani n nyaḿ nɛ kɛ́tɔ-pɔ yarɛ kɛ Nɔ́unɛ́sáa yɛɛ kɛléécaa-pɔ ń we uu ń nyaḿ nɛ kɛ́tɔ-pɔ mɛcɔ.
23352	MAT 6:1	Yeesu uu kɔ pimáa pi kpá rɛ: Ani nɔ́mɛnɛ́círɛ tĩ, áni kapɛ yɛ lɛ̃ kaí nɛ n sá rɛ nɔkɛ́ Uléécaa nnya wa pisoi inipɛɛ-i wa rɛ pikɛ́ nɔ́ yɛ̃́ pikɛ́ pakarɛ nnya. Insá lɛ̃, Nɔ́unɛ́sáa yɛɛ kɛyómɛcaa-pɔ ń we úu ihɛ́ɛ́ íka nɔ́ panɛ.
23353	MAT 6:2	Lɛ̃ nnya pɔn úwɛkɔɔ́ linyinɛ n hɛ, kapɛ kuloo pi pɔkɛ́ riyóó yarɛ kɛ kɛcáá kɛcáá mɛwai pikɔ́ api yɛ ayómɛyáhaalee-i nɛ icée kɛcáá n wai rɛ pisoi pikɛ́ pi pakarɛ mɛcɔ. Asei kɛcáá, pi piihɛ́ɛ́ piyɔ́ɔ́ masilɛ lɛ̃!
23354	MAT 6:3	Amá pɔ́ɔn yɛ linyinɛ úwɛkɔɔ́ n hɛ, kupɔ́nípɛ mii áku kapɛ lɛ̃ kɛ kulukɛ-lukɛ aku n wa ceri.
23355	MAT 6:4	A yɛ risɛ́ɛ́ nɛ hɛ. Upɔ́sáa Uléécaa yɛɛ mɛpɔ́wai kaá nɛ risɛ́ɛ́ n wai n nyáni yɛ́ pɛɛ pɔ́ hɛ́ɛ́lɛ.
23356	MAT 6:5	Yeesu uu kɔ pimáa pi kpá rɛ: Nɔn yɛ kɛyómɛ n yáási, áni kapɛ yɛ kɛcáá kɛcáá mɛwai pikɔ́ mɛcɔ n wai. Pi yɛ n lalɛ pikɛ́ ayómɛyáhaalee-i nɛ sicéepɛnɛ-i n nyɛnu pin nɛ kɛyómɛ yáási rɛ pisoi pikɛ́ pi yɛ̃ nnya. Asei yɛ nyɛ kam nní nɔ́ símisi rɛ pi piihɛ́ɛ́ piyɔ́ɔ́ masilɛ.
23357	MAT 6:6	Amá pɔ́ɔn yɛ n la pɔkɛ́ kɛyómɛ yáási, a yɛ kupɔ́lee lõ aa hánɛsi aa pɛɛ Upɔ́sáa Uléécaa kɛ úka úu n nyáni yáási. Upɔ́sáa Uléécaa yɛɛ n nyáni lɛ̃ kaá nɛ risɛ́ɛ́ n wai yɛ́ ipɔ́hɛ́ɛ́ pɔ́ pa.
23362	MAT 6:11	A yɛ ḿpá kɛweesi kɛ́ye ilukɛ rɔ́ hɛ,
23363	MAT 6:12	A arɔ́kópɛ rɔ́ sárɛi yarɛ kɛ tɔ́ɔ yɛ kɔ picɔ n sárɛi pin akópɛ rɔ́ n wa mɛcɔ.
23364	MAT 6:13	Kapɛ tíyɛsɛ tɔkɛ́ pipeikɛɛ kɛ́mɛɛ loó. Amá a kuníri anipɛ-i rɔ́ lesɛ. Li we rɛ pɔ́ɔ iyɔ́ɔpi nɛ ńnaŋɛ nɛ ḿmulɛ te ḿpá píyei-pɔ. Amí.
23366	MAT 6:15	Amá nɔnsá yɛ picɔ akópɛ pi n sárɛi, Nɔ́unɛ́sáa páa yɛ́ kɔ nɔ́anɛ́kɔ́ nɔ́ sárɛi.
23367	MAT 6:16	Yeesu uu kɔ pimáa pi kpá rɛ: Nɔn yɛ anɔ́ɔ m pahaalɛ̃, áni kapɛ yɛ kɛcáá kɛcáá mɛwai pikɔ́ mɛcɔ kɛ́yu n caailɛ̃. Pi yɛ kɛ́yu n cɔ́hɔnɛlɛnlɛ rɛ pisoi pikɛ́ céri rɛ anɔ́ɔ kapi pahaalɛ̃. Asei kam nní nɔ́ símisi rɛ pi piihɛ́ɛ́ lɛ̃ piyɔ́ɔ́ masilɛ.
23368	MAT 6:17	Amá pɔ́ɔn yɛ anɔ́ɔ m pahaalɛ̃, a yɛ lihí aa ríyu tulaali fóm.
23370	MAT 6:19	Yeesu uu kɔ pimáa pi kpá rɛ: Áni kapɛ n wɛ́ɛ́si nɔkɛ́ kɛtẽ nté mɛmá yɛ̃́ nɔkɛ́ curii. Apapi nɛ ncámɛ́ yɛ̀ɛ̀ nté mɛ caailɛ, piyaa pɔ́ɔ ihánaa foru api mɛ yáái.
23371	MAT 6:20	Amá kɛyómɛcaa-pɔ kaí nɛ sá rɛ nɔkɛ́ mɛmá yɛ̃́ nɔkɛ́ curii. Apapi nɛ ncámɛ́ nn yɛ kei fe nkɛ́ mɛ caai, piyaa ápi yɛ́ kɔ fe pikɛ́ ihánaa fori pikɛ́ mɛ yáái.
23374	MAT 6:23	Amá ipɔ́nípɛɛ in m pɔ́ɔ́lú, ipɔ́piŋɛ nnɛ́í yɛɛ yɛ kuŋmaha-i n we. Lɛ̃ nnya, in tɛ mɛtɛ́í mɛ̃ kaa m má yɛ pansɛlɛ kuŋmaha, a yɛ̃ tɛ kuŋmaha píima-i kaá we.
23377	MAT 6:26	Ani sinúipi ripaí nkɛ̃́. Ási yɛ lukɛsi, ási yɛ kpasi, ási yɛ líka risímɛ súũ. Amá Nɔ́unɛ́sáa yɛɛ kɛyómɛcaa-pɔ ń we yɛ si kpíniilɛ! Yarɛ nɔ̃́ ŋmaa áni pɛɛ ríyu má lin sinúipi sɛ̃ fee?
23379	MAT 6:28	Yo nnya kani pɛɛ nkpáni ilũ kani yɛ́ nɔ́inɛ́piŋɛ n yárii nfasimɛ́ wai? Ani mɛyúi mɛɛ yɛ sicarɛ-i n fɛlɛsi ripaí nkɛ̃́! Ámɛ pikɛi píka wai, ámɛ kɔ ilũ íka nyɛlaankɛɛ.
23380	MAT 6:29	Amá kɛ́ nɔ́ símisi rɛ ḿpá nɛ lɛ̃, Uyɔ́ɔpi píima Salomɔɔ ricuruu nɛ ummulɛ mmú nnɛ́í, úu pɛɛ ilũ inyinɛ má yɛɛ ń nyaḿ ai mɛfɛlɛ mɛnyinɛ tulu.
23383	MAT 6:32	Pɛpɛɛ ápi Uléécaa n nyu pɛɛ lɛ̃ likɔ́ mɛsɛ́rɛ wɛ́ɛ́si. Amá Nɔ́unɛ́sáa yɛɛ kɛyómɛcaa-pɔ ń we yɛ nyulɛ lɛ̃ kai nɔ́ m pisɛ.
23389	MAT 7:4	Íye kaa yɛ́ fe aa ucɔ maa rɛ: A nyɛrɛ kɛ́ kɛyúipi mɛpɔ́nípɛɛ-i lesɛ, kɛnawɛlɛ́pi kɛn kɔ pɛɛ́ nɛ mɛpɔ́kɔ́ kɛ́mɛɛ́ we?
23390	MAT 7:5	A tíyɛ pɔ kɛcáá kɛcáá mɛwai má kpa! Kɛnawɛlɛ́pi kɛɛ mɛpɔ́nípɛɛ-i ń we kaa yɛ́ mɛfoí lesɛ aa pɛɛ ńsɔnɛ n nyáni aá nɛ kɛyúipi kɛɛ ucɔ mɛnipɛɛ-i ń we lesɛ.
23392	MAT 7:7	Yeesu uu kɔ pimáa pi kpá rɛ: Ani yɛ Uléécaa we, u yɛ́ nɔ́ hɛ. Ani yɛ ukɛmɛɛ piwɛ́laa ha, u yɛ́ tíyɛsɛ ani yɛ́nu. Ani yɛ ihánaa u rikóḿkóḿ, u yɛ́ nɔ́ hánnɛ.
23398	MAT 7:13	Yeesu uu kɔ pimáa pi kpá rɛ: Ani nɛ rinɔnɔɔ tɛɛ m mɔ́kú-mɔ́kúlɛ̃ lompɔ. Tinɔnɔɔ pɛ́rɛ́-pɛ́rɛ́ nɛ ncée mɛɛ n laanu pelele yɛ nkpɔ-mɛ̃ simpɔlɛ. Pisoi kulúi pɛɛ yɛ nɛ kei lompɔ.
23399	MAT 7:14	Amá rinɔnɔɔ tɛɛ yɛ nɛ nfáa-mɛ̃ ń ha yɛ mɔ́kú-mɔ́kúlɛnlɛ. Lincee pɔ̃́ nɛ kɔ nkpáni mɛsɛ wɛ́kɛ́-wɛ́kɛ́. Pisoi pɛɛ yɛ n n yɛ̃́ ápi kulúi we.
23400	MAT 7:15	Yeesu uu kɔ pimáa pi kpá rɛ: Ani nɔ́mɛnɛ́círɛ tĩ nɛ antepuyɛ nɔɔmɛ. Pi yɛ rikpárálɛ apí n nyísɛlɛ̃ tɛ pi asáŋpipi lɛ, nɛ́ḿpákanɛ pi pisifa-i ákpɛ kpááree lɛ.
23408	MAT 7:23	Kei kam yɛ́ pɛɛ pi símisi ńsɔnɛ rɛ: Ám píkai nɔ́ nyu! Nɔ́ pikópɛkɔɔ́ mpí. Ani kɛnɛ́kúrí nté rinyɔsɔ́!
23414	MAT 7:29	Uyɛ̃ úu céési yarɛ isé picélaa mɛcɔ. Amá Uléécaa nnaŋɛ kɛ uyɛ̃ uú pɛɛ́ nɛ céési.
23418	MAT 8:4	Yeesu uu pɛɛ rinɔ́ɔ u hɛ rɛ: Kapɛ wa unyinɛ ukɛ́ kṍ. Amá a uyɛɛ Uléécaa inyɔ́ɔnsɛ n wai lɛɛpɔ ukɛ́ pɔ́ musí ukɛ́ yɛ̃́ tɛ pɔ peí, aa pɛɛ limɛmáá inyɔ́ɔnsɛ kɛ Moisi uú nɛ nɔ́ n tíyɛ wai likɛ́ ḿpá úye nyísɛ rɛ pɔ peilɛ.
23422	MAT 8:8	Kei kɛ usɔ́ɔ́ca kpéẽ uyɛ̃ uu pɛɛ kɔ rɛ: Ám tu rɛ pɔkɛ́ kɛnɛ́yɔ-i lompɔ, Upíima. Amá pɔ kpére rinɔ́ɔ hɛ, unɛ́kɛikɔ́ yɛ lɛ̃ peilɛ.
23424	MAT 8:10	Kɛ Yeesu uu anɔ́ɔ nyɛ̃ n kṍ, ai nnɔ́ɔ u yipu, uu pɛpɛɛ u n tíkilɛ̃ maa rɛ: Asei kam nní nɔ́ símisi, ám Isirayɛɛli kɛteni-i ricuruu úka kɛ́mɛɛ nfatɛnɛ píima mmú ncɔ yɛnaalɛ̃.
23425	MAT 8:11	Nɛ la kɛ́ nɔ́ símisi rɛ pisoi mɛyã yɛ́ kɛtuŋɛleemɛ nɛ kɛtuŋɛlolɛ́-mɛ̃ leemɛ, pi nɛ pirɔ́sáayaha Apiraham nɛ Isaaki nɛ Yakupu api Uléécaa iyɔɔpi-i tonɛ api kɛsẽ́ ilukɛ le.
23426	MAT 8:12	Amá pi yɛ́ pɛ̃ kaí pɛɛ́ nɛ n sá rɛ pikɛ́ Uléécaa iyɔɔpi kɛ́mɛɛ lõ kɛtahai kuŋmaha-mɛ̃ fómpɔ api pɛɛ kei m pupukɛɛ pin inĩ́ takai.
23427	MAT 8:13	Kei kɛ Yeesu uu pɛɛ usɔ́ɔ́ca kpéẽ uyɛ̃ maa rɛ: A n ŋme a kui. Mpɔ́fatɛnɛ nnya, lɛ̃ kaa m pisɛ yɛ́ wa. Ukɛikɔ́ uu mɛsei ituŋɛ isɛ iyɛ-i pélu.
23434	MAT 8:20	Yeesu uu u pɛsɛ rɛ: Sisáŋá yɛ sialééri málɛ, sinúipi sin siayámɛ́ má. Amá nɛ̃́ Usoi Kɛpipi, ám tíka má kam yɛ́ ríyu n tampɔ kɛ́ wéntɛ.
23436	MAT 8:22	Yeesu uu u pɛsɛ rɛ: A nɛ́ ritiki aa pikpɔkpɔ yá pikɛ́ pipikpɔkpɔ kulaankɛɛ.
23438	MAT 8:24	Kapi n tɔ́su, mɛyɔ píima mɛnyinɛ amɛ pipépɛ kápáá, míni amɛ kúninɔi yarii. Amá Yeesu pɔ́ɔn pɛɛ lɔni.
23441	MAT 8:27	Ai ḿpá úye nnɔ́ɔ yipu api pɛɛ pimɛcɔpɛcirɛ n tee rɛ: Usoi úye kɛcirɛ yɛ nkó kaí nɛ kuyɔ nɛ míni ripɛ́nɛ lin u pakarɛlɛ̃?
23445	MAT 8:31	Aníri aa Yeesu suúlusɛ rɛ: Pɔn n la pɔkɛ́ pisoi mpí-i rɔ́ lákasɛ, a tíyɛ tɔkɛ́ ha áfɔŋ nnyɛ́ nyɛɛ nté-pɔ nní kulúi ń we kɛ́mɛɛ lompɔ.
23446	MAT 8:32	Yeesu uu a maa rɛ: Ani n tɔ́su! Aa pɛɛ pisoi pitɛ́ pɛ-i yisi aá ha áfɔŋ nyɛ-i loni. Mɛsɛ nɛ mɛsɛ, áfɔŋ nyɛ̃ aa wuru aá nɛ rikúú cɛ́pi aá ha nɛ kupiyɛ-i kpúupɔ aa kpíni.