23222	MAT 1:9	Osiyasi pɔ́ɔ Yotam maru, Yotam pɔ́ɔ Akaasi maru, Akaasi pɔ́ɔ Esekiyasi maru,
23223	MAT 1:10	Esekiyasi pɔ́ɔ Manasee máru, Manasee pɔ́ɔ Amɔɔ maru, Amɔɔ pɔ́ɔ Yosiyasi maru,
23226	MAT 1:13	Soropapɛɛli pɔ́ɔ Apihuuti maru, Apihuuti pɔ́ɔ Eliyakim maru, Eliyakim pɔ́ɔ Asɔɔ maru,
23227	MAT 1:14	Asɔɔ pɔ́ɔ Satɔki maru, Satɔki pɔ́ɔ Akim maru, Akim pɔ́ɔ Eliwuuti maru,
23228	MAT 1:15	Eliwuuti pɔ́ɔ Eleyasaa maru, Eleyasaa pɔ́ɔ Matani maru, Matani pɔ́ɔ Yakupu maru,
23235	MAT 1:22	Lɛ̃ nnɛ́í ai wai, Upíima rinɔɔ kuu mɛkɛɛ antepu Esayi m máasɛ rikɛ́ nɛ n li nnya. Lɛlɛɛ rɛ:
23236	MAT 1:23	Ukpére yɛɛ úu utisi n nyu yɛ́ kɛfa wa, uu kɛwántisi maru api kɛ séi rɛ Emanuyɛɛli, liasei rɛ Uléécaa yɛ kɛrɔ́mɛɛ́ we.
23239	MAT 2:1	Yutee kɛtẽ kɛ́mɛɛ kapi Pɛtɛlɛhɛm-pɔ Yeesu mari. Erooti yɛɛ pɛɛ kei kumúŋɛ́ kpɛ-i uyɔ́ɔpi píima. Pinyuwɛ píima pinyinɛ api kɛtuŋɛleemɛ-mɛmpɔ yisi api Yerusalɛm tulu.
23241	MAT 2:3	Kɛ uyɔ́ɔpi píima Erooti uu lɛ̃ n kṍ, ai u nɛ Yerusalɛm pikɔ́ nnɛ́í mpɔ́ɔcaai tani.
23245	MAT 2:7	Kei kɛ Erooti uu pɛɛ pinyuwɛ píima pɛ̃ mɛyaa sée uu pi pisɛ rɛ pikɛ́ u símisi ńsɔnɛ ukɛ́ céri kumúŋɛ́ kpɛ-i kɛ riwárɛpi tɛ̃ ari n léemɛ.
23247	MAT 2:9	Kɛ Erooti uu lɛ̃ pisímɛ́ pi ḿ masí, api yisi api ncée pɔlɔ. Kei kapi pɛɛ ripaí, api yɛ́nu riwárɛpi tɛ̃ kapí pɛɛ kɛtuŋɛleemɛ-pɔ n yɛ̃́ tin pikɛyu sɔ́nɛ pin ti tikilɛ̃. Ari kɛlõ kɛ-i kɛ kɛwã́ kɛ̃ akɛ ń we tulu, ari nyɛrɛ.
23250	MAT 2:12	Uléécaa uu pɛɛ́ masí kɛlárɛ́ kɛ́mɛɛ pi símisi rɛ ápi kapɛ Erooti kɛ́mɛɛ pɛlɛ. Kei kapi pɛɛ ncée féé kpísi apí nɛ pikuyu pɛlɛ.
23251	MAT 2:13	Kɛ pinyuwɛ pɛ̃ api n tɔ́mpɔ, Upíima uleecaatumɛ unyinɛ uu kɛlárɛ́-i Yosɛfi kpáfúmɛ uu rɛ: A yisi, a kɛwã́ nɛ kɛuni kpísi aa wuru aa Esipiti kɛtẽ loni. Erooti yɛ lalɛ ukɛ́ kɛ kpu. Lɛ̃ nnya, ani ha kei-pɔ n tũ likɛ́ ha nɛ tu kumúŋɛ́ kpɛ-i kam yɛ́ nɔ́ n símisi rɛ ani pɛɛmɛ.
23252	MAT 2:14	Yosɛfi uu yisi uu kɛwã́ nɛ kɛuni kpísi uú nɛ kɛsinɛcɔ wuru uú ha Esipiti-pɔ pésu.
23253	MAT 2:15	Uu kei n we Erooti uú ha nɛ kpi. Lɛ̃ kɛ Upíima uú pɛɛ uantepu m máasɛ likɛ́ nɛ n wa nnya kai lɛ̃ wa. U pɛɛ rɛ: Nɛ unɛ́ŋmánɛ sée rɛ ukɛ́ Esipiti kɛteni-i le.
23254	MAT 2:16	Kɛ Erooti uu ń ka uu céru rɛ pinyuwɛ pɛɛ u kiraasɛlɛ, kuwɔ́i píima kunyinɛ aku u wai. Uu pɛɛ kumúŋɛ́ kpɛ̃ kɛ pinyuwɛ pɛ̃ api u n símisi nɛ pámɛ uu tíyɛsɛ api siwántisi nnɛ́í sɛɛ aŋmɛ̃ atɛ́ n tu nɛ sɛ̃ sisíńsá Pɛtɛlɛhɛm nɛ ayu nyɛɛ nɛ kei n kɔ́lɛ̃ kɛ́mɛɛ kóni.
23257	MAT 2:19	Upíima uleecaatumɛ unyinɛ uu Esipiti-pɔ Erooti mɛkpɔ-maá kɛlárɛ́-i Yosɛfi kpáfúmɛ,
23260	MAT 2:22	Amá kɛ Yosɛfi uu n kṍ tɛ Aricelayuusi yɛɛ usáa Erooti iyɔɔpi Yutee kɛtẽ kɛcáá tónɛ, iwamɛ ii u wai uu pɛɛ́ n yulu rɛ úu kei tonɛnɛ. Uléécaa uu kɔ kɛlárɛ́-i u símisi uu yisi uu Kalilee kɛtẽ-mɛ̃ tɔ́mpɔ,
23264	MAT 3:3	Yohani nsímɛ́ kɛ antepu Esayi uú pɛɛ maa rɛ: Usoi rinɔɔ yɛ ri tɛɛ kucɛsi kóima-i n yóólɛ̃ tɛ: Ani Upíima ncee nyɔ́ɔnsɛ, ani usiceepi tɛ̃iisɛ.
23292	MAT 4:14	Lɛ̃ kɛ antepu Esayi uú pɛɛ ḿ ma likɛ́ nɛ n wa nnya kai lɛ̃ wa. U pɛɛ rɛ:
23431	MAT 8:17	Lɛ̃ kɛ antepu Esayi uú pɛɛ ḿ ma kɛ mɛwai mɛ̃ amɛ ritiki rɛ: Tirɔ́nárɛi kuú yɔsí uu irɔ́tói kpísi uu cɔni.
23542	MAT 11:14	In tɛ nɔ mɛsei la nɔkɛ́ nnɛ́símɛ́ kṍ, Yohani yɛɛ Elii uyɛ̃ kapí pɛɛ n tee rɛ u wemɛ.
23575	MAT 12:17	Lɛ̃ kɛ antepu Esayi uu uritɛlɛ́ kɛ́mɛɛ ḿ ma likɛ́ nɛ n wa nnya. U pɛɛ rɛ:
23622	MAT 13:14	Lɛ̃ kɛ antepu Esayi uú pɛɛ mɛkɛɛ-mɛ ḿ ma yɛɛ lɛ̃ wai rɛ: Nɔ́ kam ani yɛ n kómɛi, áni yɛ́ɛ́ pɛɛ liasei ceri. Nɔ́ kam ani yɛ n nyánɛi, áni yɛ́ɛ́ pɛɛ yɛ̃́.
23637	MAT 13:29	Uu rɛ: Eehei. Nɛ wuru rɛ nɔ́ mɛyúipuri kópɛ pilésɛ n la aní nɛ ilukɛ pɛ́nɛ aní wɛhɛ.
23667	MAT 14:1	Uyɔ́ɔpi Erooti yɛɛ pɛɛ likumúŋɛ́ kpɛ-i Kalilee kɛtẽ kɛcáá paílɛ̃. Uu pɛɛ kóm pin Yeesu nsímɛ́ símisi.
23669	MAT 14:3	Asei kɛcáá, Erooti yɛ pɛɛ tíyɛsɛlɛ api Yohani Úniwolɛ tini api paasi api kukpaniilee tani. Umáa Filipu unɔsi kapi yɛ n sée rɛ Erootiyati nnya kuú pɛɛ́ lɛ̃ wa.
23670	MAT 14:4	Yohani yɛ pɛɛ Erooti maa rɛ: Áa ncée má pɔkɛ́ upɔ́máa unɔsi kpísi.
23671	MAT 14:5	Lɛ̃ nnya kɛ Erooti uú pɛɛ́ la ukɛ́ Yohani kpu, amá un pɛɛ pisoi pɛɛ n cápinɛlɛ̃ wuru. Pɛ̃ nɛ pɛɛ nyánilɛ rɛ Yohani yɛ antepu lɛ.
23672	MAT 14:6	Api pɛɛ kɛyáa kɛnyinɛ Erooti kɛmarɛyaa anyã́ n wai, Erootiyati ukpére uu léépɔ uu pisánɛ pɛɛ n cápinɛlɛ̃ kɛcɔpɛ yesu ai Erooti yúkúlú
23674	MAT 14:8	Kei kɛ Erootiyati uu ukpére tálaankɛɛ, uyɛ̃ uu pɛɛ Erooti maa rɛ: A nté nní Yohani Úniwolɛ riyu kɛcáripi táí-táí kɛ́mɛɛ wa aa nɛ́ pa.
23675	MAT 14:9	Kɛ Erooti uu lɛ̃ n kṍ, uripɔɔ ari caai. Amá uawééri nɛ pisanɛ isɛi nnya, uu rinɔ́ɔ hɛ rɛ pikɛ́ lɛ̃ kuu m pisɛ u pa.
23709	MAT 15:7	Nɔ́ kɛcáá kɛcáá mɛwai pikɔ́ mpí! Antepu Esayi yɛ alari málɛ ukɛ́ nɔ́kɛnɛ́cáá maa rɛ:
23755	MAT 16:14	Api u pɛsɛ rɛ: Pinyinɛ yɛ símisi rɛ pɔ́ɔ Yohani Úniwolɛ, picɔ rɛ pɔ́ɔ Elii, picɔ pɔ́ɔ kɔ rɛ Yeremii nɛ́ɛ antepuyɛ kɛcɔpɛ usɛ unyinɛ.
23772	MAT 17:3	Moisi nɛ Elii api pɛɛ kpáfúmɛ, pi nɛ Yeesu pin yɔ́i.
23773	MAT 17:4	Kei kɛ Piyɛɛ uu pɛɛ Yeesu maa rɛ: Upíima, li nyamlɛ rɛ tɔkɛ́ nté n we. Pɔn n la, nɛ́ sicáŋíípi sitaani nté karii, pɔ́ɔ kɛsɛ kpísi, Moisi kɛsɛ, Elii kɛsɛ.
23779	MAT 17:10	Upipirɛtiki api pɛɛ u pisɛ rɛ: Yo nnya kɛ isé picélaa api rɛ Elii yɛɛ mɛfoí sɔ́nti likɛ́ kɛlenɛ kɛtẽ kɛtɔ tu?
23780	MAT 17:11	Uu pi pɛsɛ rɛ: Li pisɛ asei kɛcáá rɛ Elii ukɛ́ mɛfoí pɛɛmɛ ukɛ́ ḿpá yo ripɔhɔ-i li yekei.
23781	MAT 17:12	Nɛ̃́ nɛ la kɛ́ nɔ́ símisi rɛ Elii yɛ pipɛɛmɛ masilɛ pisoi ápi nkpáni u ceri, amá apí nɛ u wai yarɛ kapi ń la. Limɛcɔ kɛ Usoi Kɛpipi akɛ kɔ pianipɛ-i íwɛ lenɛ.
23957	MAT 22:16	Api pipirɛtiki pinyinɛ nɛ Erooti pipirɛtiki pinyinɛ lesɛ api tum tɛ pikɛ́ ha Yeesu maa rɛ: Upíima, tɔ nyulɛ rɛ asei ŋmanɛ kaa yɛ símisi. Pɔ yɛ kɔ Uléécaa ncee pisoi céesilɛ nɛ asei. Ḿpá usoi ukɛ́ íye nsá ńnaŋɛ m má, áa yɛ uinipɛɛ n wuru pɔn nɛ símisi.
24086	MAT 25:9	Pisɔhɔɔ pɛ̃ pɔ́ɔ rɛ: Eehei! Mɛ nɛ tɔ́ risálɛ, ámɛ tisɛ tɔkɛ́ nɔ́ hɛ. Li kutɔsi we nɔkɛ́ piyái kɛ́mɛɛ ha ani kei nɔ́mɛnɛ́kɔ́ lɔlu.
24244	MAT 27:46	Kai kɛtúŋɛ́ mɛtaani kumúŋɛ́ ń tu, Yeesu uu kɛcááila píima kɛnyinɛ súúni rɛ Elii, Elii lama sapatani? Lɛlɛɛ rɛ: Unɛ́léécaa, Unɛ́léécaa, yo nnya kaa nɛ́ ŋmɛriyɛ?
24245	MAT 27:47	Pisoi pɛɛ kei n cápinɛlɛ̃ kɛcɔpɛ, pinyinɛ api lɛ̃ kom api rɛ: Elii kuu nní sélei.
24247	MAT 27:49	Picɔ api pɛɛ rɛ: Ani riyá tɔkɛ́ yɛ̃́ tɛ Elii yɛ́ kam uu u yoriyɛ nɛ́ɛ.
24286	MRK 1:2	Li antepu Esayi ritɛlɛ́-i wɔ́laalɛ̃ tɛ: Nɛ́ unɛ́tumɛ kɛpɔ́kpéẽ waisɛ ukɛ́ ncée pɔ́ nyɔ́ɔnsɛ.
24363	MRK 3:6	Pifarisi api kuyómɛyáhaalee-i léeri, pi nɛ pɛpɛɛ Erooti kɛmúŋɛ́ ń tíkilɛ̃ api mɛsɛ nɛ mɛsɛ cápinɛ pikɛ́ yɛ̃́ tɛ íye kapi yɛ́ wa pikɛ́ nɛ Yeesu kpu.
24490	MRK 6:14	Lɛ̃ kai wa Yeesu rinyiri ari ḿpá yei kɔ́ɔ́nú, uyɔ́ɔpi Erooti uú nɛ Yeesu nnɛ̃́ kóm. Pisoi api pɛɛ́ n símaankɛɛ rɛ: Yohani Úniwolɛ yɛ pikpɔkpɔ kɛ́mɛɛ yisilɛ, lɛ̃ nnya kuu nní ńnaŋɛ má un mɛwaisaŋa wapisi.
24491	MRK 6:15	Picɔ pin máikɛɛ rɛ Elii lo. Picɔ pɔ̃́ tɛ mɛkɛɛ antepuyɛ kɛcɔpɛ usɛ unyinɛ lo.
24492	MRK 6:16	Amá kɛ Erooti uu lɛ̃ n kṍ, uu rɛ: Yohani uyɛ̃ tiyu kam n tíyɛsɛ api tɔ́lu yɛɛ yisi.
24493	MRK 6:17	Likumúŋɛ́ rɛ Erooti ricuruu yɛɛ rinɔ́ɔ hɛ api Yohani paasi api kukpaniilee-i sápɔ. Ái líka nnya kɛ Erooti uu lɛ̃ wa. Erooti yɛ pɛɛ uumaa Filipu unɔsi Erootiyati yɔsilɛ.
24495	MRK 6:19	Erootiyati uu lɛ̃ nnya Yohani ukɛfa-i wai uu ncée wɛ́ɛ́si ukɛ́ nɛ u kpu. Amá úu fe.
24496	MRK 6:20	Kɛ Erooti uú pɛɛ Yohani m pakarɛlɛ̃ un kɔ nyu rɛ u asei tikilɛnlɛ, uisoi in kɔ kɛcirɛ we nnya, Erooti úu yɛ pɛɛ Yohani kɛcáá kṍ, un unsímɛ́ kutu n cɔlɛ̃ n yɛ u ricɔ́ŋlɛ, ḿpá nɛ lɛ̃ u kɔ pɛɛ mpikomɛ lalɛ.
24497	MRK 6:21	Amá kɛyáa sɔnɛ akɛ Erootiyati leeri. Kɛ Erooti uu ukɛmarɛyaa anyã́ n wai, uu lɛ̃ nnya sɔ́ɔ́ni uu ukuyu pinaŋɛ-naŋɛ nɛ pisɔ́ɔ́ca piwɛ́ɛ́sɛ nɛ Kalilee kɛtẽ pisoi kɛcirɛ sélei.
24498	MRK 6:22	Kei kɛ Erootiyati ukpére uu kɛnyánkalɛ-i lompɔ uu yésu ai Erooti nɛ upisanɛ nnɛ́í larisi. Uyɔ́ɔpi Erooti uu ukpére uyɛ̃ maa rɛ: A lɛlɛɛ ripɔ́ɔ pɔ́ ń we nɛ́ we, kɛ́ pɔ́ li hɛ.
24538	MRK 7:6	Yeesu uu rinɔ́ɔ pi pɛsɛ rɛ: Asei kɛ *antepu *Esayi uu mɛkɛɛ-mɛ nɔ́nnɛ́símɛ́ yɛ́mmɛ. Nɔ kɛcáá kɛcáá mɛwai pikɔ́ lɛ yarɛ kɛ Esayi uu n wɔ́i rɛ Uléécaa yɛ maa rɛ: Nnɔ́ɔ-i ŋmanɛ kɛ pisoi mpí api ríyu nɛ́ waisɛlɛ̃, amá ápi pɛɛ pisifa-i nɛ nɛ́ kɔ́lɛ̃.
24566	MRK 7:34	Uu lɛ̃ mɛmáá nfáa tɔ́ɔ́ri uu rɛ: Efaata, liasei rɛ: A tápilɛ.
24584	MRK 8:15	Yeesu uu rinɔ́ɔ pi hɛ rɛ: Ani nɔ́mɛnɛ́círɛ tĩ ńsɔnɛ nɛ Pifarisi nɛ Erooti nkpɔ́nɔ́tɔ pitɛ.
24597	MRK 8:28	Pi máikɛɛ rɛ pɔ́ɔ Yohani yɛɛ míni pisoi ń wolɛ, picɔ rɛ pɔ́ɔ Elii, picɔ rɛ pɔ antepuyɛ kɛcɔpɛ unyinɛ lɛ.
24611	MRK 9:4	Kei kɛ Elii nɛ Moisi api pɛɛ rikpáfúmɛ, pi nɛ Yeesu pin yɔ́i.
24612	MRK 9:5	Piyɛɛ uu pɛɛ Yeesu maa rɛ: Sáa, li nyamlɛ rɛ tɔkɛ́ pɛɛ nté n we. Tɔ la rɛ tɔkɛ́ sicáŋíípi sitaani karii, pɔ̃́ kɛsɛ, Moisi kɛsɛ, Elii kɛsɛ.
24618	MRK 9:11	Lɛ̃ mɛmáá, upipirɛtiki api u pisɛ rɛ: Yo nnya kɛ isé picélaa api máikɛɛ rɛ Elii yɛɛ pɛɛrinɛ likɛ́ kɛlenɛ kɛtẽ kɛtɔ tu?
24619	MRK 9:12	Uu pi pɛsɛ rɛ: Mɛsei yɛ mɛ rɛ Elii yɛ pɛɛrinɛ kɛlenɛ ukɛ́ ḿpá yo nyɔ́ɔnsɛ. Yo nnya kai mpíí wɔ́laalɛ̃ tɛ Usoi Kɛpipi yɛ íwɛ lenɛ mɛyã́ api kɛipuri yulu?
24620	MRK 9:13	Amá nɛ la kɛ́ nɔ́ símisi rɛ Elii yɛ pipɛɛmɛ masilɛ pisoi apí nɛ u wai lɛ̃ kapi ń la yarɛ kai ukɛcáá n wɔ́laamɛlɛ̃.
24755	MRK 12:13	Api Yeesu kɛ́mɛɛ Pifarisi pinyinɛ nɛ pɛpɛɛ Erooti kɛpirɛ ń we tumpɔ rɛ pikɛ́ ripinɛ u wa apí nɛ uanɔɔlempi cirɛ u tini.
24929	MRK 15:34	Kɛtúŋɛ́ mɛtaani kumúŋɛ́ kpɛ-i, Yeesu uu kɛcááila píima kɛnyinɛ súúni rɛ: Eloi, Eloi, lama sapatani? Lɛlɛɛ rɛ Uléécaa, Uléécaa, yo nnya kaa nɛ́ ŋmɛriyɛ?
24930	MRK 15:35	Pisoi pɛɛ kei n cápinɛlɛ̃ kɛcɔpɛ pinyinɛ api lɛ̃ kom api rɛ: Ani ripaí, Elii kuu nní sélei.
24931	MRK 15:36	Kei kɛ pikɛcɔpɛ unyinɛ uu wuri uú ha píta nyɛpɛ-nyɛpɛ pinyinɛ-i sinɛ́ɛ̃ fɛ uu kɛnaapi tuhu uu u pa rɛ ukɛ́ n ntí un tee rɛ: Tɔkɛ́ yɛ̃́ nkɛ̃́, in tɛ Elii yɛ́ kam uu u súisɛri.
24967	LUK 1:5	Kumúŋɛ́ kpɛ-i kɛ Erooti uú pɛɛ Yutee kɛtẽ uyɔɔpi kɛ Uléécaa unyɔ́ɔnsɛ unyinɛ kapi yɛ n sée rɛ Sakarii uú pɛɛ́ we. U pɛɛ Apiya piléékɔɔ́ kunai ukɔ́ usɛ lɛ. Uunɔsi yɛ pɛɛ pɛpɛɛ yɛ Uléécaa inyɔ́ɔnsɛ n wa uwɛ́ɛ́sɛ Arɔɔ kɛpirɛ ukɔ́ lɛ. Pi yɛ u sée rɛ Elisapɛti.
24969	LUK 1:7	Amá ápi pɛɛ kɛwã́ má, Elisapɛti yɛ pɛɛ unyapi lɛ. Lɛ̃ mɛmáá, u nɛ ula kɛtɛ́ yɛ pɛɛ kpurunulɛ.
24975	LUK 1:13	Amá Upíima uléécaatumɛ uu u maa rɛ: Sakarii, iwamɛ íi kapɛ pɔ́ wa. Uléécaa yɛ ipɔ́welɛ konlɛ. Upɔ́nɔ́si Elisapɛti yɛ́ kɛwántisi pɔ́ mári aa rinyíri kɛ hɛ rɛ Yohani.
24979	LUK 1:17	U yɛ́ masí Uléécaa kɛyu-i n sɔ́nɛlɛ nɛ mɛwɛ́ɛ́sɛsɔhɔ nɛ ńnaŋɛ kɛ Elii uú pɛɛ m má, uu pisáa nɛ pisiwã nfasimɛ́ pɛ́nɛ, uu tíyɛsɛ pɛpɛɛ asei pite mɛwɛ́ɛ́sɛsɔhɔ n háikusɛ api pɛpɛɛ mɛ n tíkilɛ̃ kɛmúŋɛ́ ŋmurɛi. U lɛ̃ nnɛ́í wainɛ ukɛ́ nɛ nsoipuri mɛɛ Upíima mɛkamɛ m mɛ̃́ n yɛ̃́ nnya.
24986	LUK 1:24	Kai rinkpásɛ, uunɔsi Elisapɛti uu fapisi, uu umɛcirɛ kɛ́yɔ-i pɛ́su hái nɛ iwárɛ inupũ kumúŋɛ́, un tee rɛ:
24998	LUK 1:36	Upɔ́márɛcɔ Elisapɛti kapí pɛɛ n sélei rɛ unyapi ricuruu yɛ nɛ riwɛ́ɛ́sɛ kɛwántisi kɛfa málɛ. Uiwarɛ kpúúlũ kɛ́mɛɛ kuu nní we.
25002	LUK 1:40	Uu Sakarii kɛyɔ-i lompɔ uu Elisapɛti yáási.
25003	LUK 1:41	Kumúŋɛ́ kpɛ-i kɛ Elisapɛti uu Maari iyáhaa n kṍ, kɛwã́ akɛ ukɛfa-i lémesi, Nfáasɔnɛ nn Elisapɛti yipu
25018	LUK 1:56	Maari nɛ Elisapɛti apí tonɛ hái nɛ iwarɛ itaani kumúŋɛ́, uu lɛ̃ mɛmáá ukɛyɔ pɛlɛ.
25019	LUK 1:57	Kɛ Elisapɛti kɛmarɛ akɛ n tu, uu kɛwántisi maru.
25020	LUK 1:58	Elisapɛti pipɛrɛcɔ nɛ upimarɛcɔ api kóm tɛ Upíima yɛ íwɛ u tẽ́, ai Elisapɛti mɛcɔ pi larisi.
25095	LUK 3:1	Kumúŋɛ́ kunyinɛ-i, Uléécaa uu Sakarii uŋmánɛ Yohani kucɛsi kóima-i rinɔ́ɔ maa. Rɔm uyɔɔpi píima kapi yɛ n sée rɛ Tipɛɛ yɛ pɛɛ likumúŋɛ́ kpɛ-i iyɔ́ɔpi kɛ́mɛɛ aŋmɛ̃ kɛfi nɛ anupũ piwai masilɛ. Pɔnsi Pilati yɛɛ pɛɛ Yutee kɛtẽ kɛcáá paílɛ̃, Erooti pɔ́ɔn Kalilee kɛkɔ́ kɛcáá paílɛ̃. Uumaa Filipu yɛɛ pɛɛ Itumee nɛ Tarakoni sitẽ kɛcáá paílɛ̃, Lisaniya un Apitɛɛni kɛtẽ kɛcáá paílɛ̃. Likumúŋɛ́ kpɛ-i kɛ Aani nɛ Kayifu apí pɛɛ pɛpɛɛ yɛ Uléécaa inyɔ́ɔnsɛ n wa piwɛ́ɛ́sɛ.
25098	LUK 3:4	Ai wai yarɛ lɛ̃ kɛ antepu Esayi uú pɛɛ uritɛlɛ́ kɛ́mɛɛ n wɔ́i rɛ: Usoi rinɔɔ yɛ ri tɛɛ kucɛsi kóima-i n yóólɛ̃ tɛ: Ani Upíima ncee nyɔ́ɔnsɛ, ani uicee tɛ̃iisɛ ikɛ́ kɛcirɛ wa.
25113	LUK 3:19	Erooti yɛ pɛɛ umárɛcɔ cirɛ unɔsi Erootiyati kpísilɛ uu kɔ mɛwai kópɛ mɛcɔ mɛyã wapisi. Lɛ̃ nnɛ́í nnya kɛ Yohani uú pɛɛ́ nɛ u cɛ́si.
25114	LUK 3:20	Erooti uu kɔ mɛwai kópɛ mɛcɔ kpá uu Yohani kukpaniilee wai.
25117	LUK 3:23	Aŋmɛ̃ afɛɛtaani kumúŋɛ́ kɛ Yeesu uu má uú nɛ upikɛi koru. Yarɛ kapí pɛɛ m músu, u pɛɛ Yosɛfi kɛpipi lɛ. Yosɛfi un Elii kɛpipi,
25118	LUK 3:24	Elii un Matati kɛpipi, Matati un Lefi kɛpipi, Lefi un Mɛlisi kɛpipi, Mɛlisi un Yanayi kɛpipi, Yanayi un Yosɛfi kɛpipi,
25119	LUK 3:25	Yosɛfi un Matatiyasi kɛpipi, Matatiyasi un Amosi kɛpipi, Amosi un Nahum kɛpipi, Nahum un Esili kɛpipi, Esili un Nakai kɛpipi,
25122	LUK 3:28	Neri un Mɛlisi kɛpipi, Mɛlisi un Ati kɛpipi, Ati un Kosam kɛpipi, Kosam un Elimatam kɛpipi, Elimatam un Eri kɛpipi,
25123	LUK 3:29	Eri un Yosuwee kɛpipi, Yosuwee un Eliyesɛɛ kɛpipi, Eliyesɛɛ un Sorim kɛpipi, Sorim un Matata kɛpipi, Matata un Lefi kɛpipi,