23224	MAT 1:11	Yosiyasi pɔ́ɔ Yekoniya nɛ upimarɛcɔ márɛi. Likumúŋɛ́ kpɛ-i kapi Isirayɛɛli pikɔ́ cɔ́pii apí nɛ Papilɔɔni kuyu sĩ.
23230	MAT 1:17	Lɛ̃ nnya, kaí nɛ Apiraham-i n kpísi aí nɛ Tafiti-i pá, li walɛ ncɔpuri anai kɛfi nɛ ana. Kai Tafiti-i n kpísi aí nɛ kumúŋɛ́ kpɛ-i kapi Isirayɛɛli pikɔ́ n cɔ́pii apí nɛ Papilɔɔni kuyu sĩ pá, li walɛ ncɔpuri anai kɛfi nɛ ana. Kai kɔ kei n kpísi aí nɛ Kirisi imarɛtuŋɛ pá, li walɛ ncɔpuri anai kɛfi nɛ ana acɔ.
23231	MAT 1:18	Lɛ̃ kapi Yeesu Kirisi m mári yɛ nní: Uuni Maari kapí pɛɛ Yosɛfi feleilɛ̃, amá Nfáasɔnɛ nn tíyɛsɛ uu fapisi u nɛ Yosɛfi ápi kɔ kahanɛ kulee rimpɛ́nɛ.
23235	MAT 1:22	Lɛ̃ nnɛ́í ai wai, Upíima rinɔɔ kuu mɛkɛɛ antepu Esayi m máasɛ rikɛ́ nɛ n li nnya. Lɛlɛɛ rɛ:
23240	MAT 2:2	Apí ha pisɛ rɛ: Yei yɛ kɛwã́ kɛ̃ kapi m mári pin tee rɛ kɛkɛɛ sɔ́nti kɛkɛ́ Pisuifi iyɔɔpi tonɛ? Hái kɛtuŋɛleemɛ-pɔ kari riwárɛpi tɛɛ n nyísɛlɛ̃ tɛ pi kɛwã́ kɛ̃ mari yɛ̃. Lɛ̃ nnya karí ka rɛ tɔkɛ́ kɛ yáási ari wúla.
23244	MAT 2:6	Pɔ̃́ Pɛtɛlɛhɛm kuyu! Ái pɔ́ɔ Yutee kɛtẽ kɛcáá ayu kɛcɔpɛ ríyu paalɛ̃. Li we rɛ kɛpɔ́mɛɛ́ kɛ uyɔ́ɔpi píima uu léerinɛ, uyɛɛ yɛ́ pinɛ́soi Isirayɛɛli pikɔ́ n séni.
23251	MAT 2:13	Kɛ pinyuwɛ pɛ̃ api n tɔ́mpɔ, Upíima uleecaatumɛ unyinɛ uu kɛlárɛ́-i Yosɛfi kpáfúmɛ uu rɛ: A yisi, a kɛwã́ nɛ kɛuni kpísi aa wuru aa Esipiti kɛtẽ loni. Erooti yɛ lalɛ ukɛ́ kɛ kpu. Lɛ̃ nnya, ani ha kei-pɔ n tũ likɛ́ ha nɛ tu kumúŋɛ́ kpɛ-i kam yɛ́ nɔ́ n símisi rɛ ani pɛɛmɛ.
23253	MAT 2:15	Uu kei n we Erooti uú ha nɛ kpi. Lɛ̃ kɛ Upíima uú pɛɛ uantepu m máasɛ likɛ́ nɛ n wa nnya kai lɛ̃ wa. U pɛɛ rɛ: Nɛ unɛ́ŋmánɛ sée rɛ ukɛ́ Esipiti kɛteni-i le.
23255	MAT 2:17	Lɛ̃ kɛ antepu Yeremii uú pɛɛ mɛkɛɛ-mɛ ḿ ma kai lɛ̃ wa. U pɛɛ rɛ:
23261	MAT 2:23	uú ha kuyu kpɛ̃ kapi yɛ n sée rɛ Nasarɛti-i tonɛ. Lɛ̃ kɛ antepuyɛ apí pɛɛ ḿ ma kai lɛ̃ tikilɛ̃. Pi pɛɛ rɛ: Pi yɛ́ kam api kɛwã́ kɛ̃ séi rɛ Nasarɛti ukɔ́.
23271	MAT 3:10	Isɔ yɛ pinaŋaa máálɛnlɛ pikɛ́ nɛ aléé iníŋí sémni. Lɛ̃ nnya, kuléé kúye kunsá apipi sɔnɛ m maru, pi yɛ́ ku riké api nna-i sápɔ.
23276	MAT 3:15	Yeesu uu pɛɛ u pɛsɛ rɛ: A riyá likɛ́ pɛɛ lɛ̃ n we kɛlenɛ. Lɛ̃ kari yɛ́ fe arí nɛ lɛ̃ nnɛ́í kɛ Uléécaa uu ń la ńsɔnɛ wai. Kuu lɛ̃ ḿ ma, Yohani uu pɛɛ kóm uu míni u wolɛ.
23279	MAT 4:1	Lɛ̃ mɛmáá, Uléécaa Nfaasɔnɛ nn pɛɛ Yeesu kpísi nń nɛ kucɛsi kóima loni rɛ Setani ukɛ́ ha u peikɛɛ.
23282	MAT 4:4	Yeesu uu u pɛsɛ rɛ: Li Nléécaasimɛ́ kɛ́mɛɛ wɔ́laalɛ̃ tɛ: Ái ilukɛ ŋmanɛ yɛɛ yɛ usoi nfáa hɛ, amá ḿpá nsímɛ́ ń-ye mɛɛ Uléécaa nnɔɔ-i n léemɛ yɛɛ kɔ usoi nfáa hɛlɛ.
23284	MAT 4:6	uu rɛ: Pɔn mɛsei Uléécaa Kɛpipi, a mɛpɔ́círɛ kɛteni-i risápɔ. Li we rɛ li Nléécaasimɛ́ kɛ́mɛɛ wɔ́laalɛ̃ tɛ: Uléécaa yɛ́ pɔ̃́ nnya upileecaatumɛ rinɔ́ɔ hɛ api pɔ́ yéu kupɔ́na áku kapɛ nɛ riparɛ rinyinɛ rinkpɔ́u nnya.
23285	MAT 4:7	Yeesu uu kɔ u pɛsɛ rɛ: Li kɔ kɛmɛ́ɛ wɔ́laalɛ̃ tɛ: Kapɛ Upíima Upɔ́léécaa peikɛɛ pɔkɛ́ ukɛtɔ yɛ̃.
23288	MAT 4:10	Yeesu uu u maa rɛ: A kɛnɛ́kúrí yisi, Setani. Li Nléécaasimɛ́ ritɛlɛ́-i wɔ́laalɛ̃ tɛ: Upíima Upɔ́léécaa mɛcirɛ kóló kaí pisɛ rɛ usoi ukɛ́ riwula ukɛ́ yáási.
23292	MAT 4:14	Lɛ̃ kɛ antepu Esayi uú pɛɛ ḿ ma likɛ́ nɛ n wa nnya kai lɛ̃ wa. U pɛɛ rɛ:
23302	MAT 4:24	Kei kɛ urinyiri ari pɛɛ Sirii kɛtẽ nnɛ́í kɛcáá rikɔ́ɔ́nú. Api pɛɛ́ nɛ pitóikɔ́ nnɛ́í ncɔpuri nɛ pɛ̃ nnɛ́í pɛɛ piipiŋɛ-i ncɔ́ŋ nnyinɛ n kómɛi u n sɔ́naapɔ un pi pɔisɛntɛ. Lɛlɛɛ nní yarɛ pinírihélaa nɛ rikpínkpĩ́ pikɔ́ nɛ síkankáláká.
23315	MAT 5:12	Likɛ́ nɔ́ n láárú nɔn nɛ mpɔ́ɔnarɛ cuunkɛɛ. Nɔ́inɛ́hɛɛ yɛ kɛyómɛcaa-pɔ piyɛlɛ ái kumúŋɛ́ má. Limɛcɔ kapí pɛɛ antepuyɛ pɛɛ pɛɛ́ ń we ani kɛlenɛ weri wéékusɛlɛ̃.
23316	MAT 5:13	Nɔ́ɔ kɛtẽ kɛcáá nnyási. Nnyási mɛlõ mɛn nkpéni n kpu, yo kapi yɛ́ pɛɛ́ nɛ mɛlõ n pɛsɛ? Li tisɛ pikɛ́ kɛtahai-mɛ̃ n fómpɔ pisoi pikɛ́ tɛ́lɛisɛ.
23319	MAT 5:16	Limɛcɔ kai pisɛ rɛ nɔ́mɛnɛ́tɛ́í mɛkɛ́ n kpã́iilɛ̃ pisoi nnɛ́í pin mɛ nyáni. Pisoi pikɛ́ nɔ́mɛnɛ́wai sɔnɛ n nyáni pin nɛ Nɔ́unɛ́sáa Uléécaa yɛɛ kɛyómɛcaa-pɔ ń we ríyu waisɛ.
23322	MAT 5:19	Lɛ̃ nnya, úye un isé rinɔɔ rinyinɛ n kɛsi uu kɔ picɔ céési rɛ pikɛ́ ri kɛsi, ḿpá rinɔ́ɔ tɛ̃ tinsá pitíki m páápú, uyɛɛ yɛ́ masí Uléécaa iyɔɔpi kɛ́mɛɛ usíńsá. Amá úye un ti m pakarɛ un kɔ picɔ n céési rɛ pikɛ́ limɛcɔ wa, uyɛɛ yɛ́ masí Uléécaa iyɔɔpi kɛ́mɛɛ úyukɔɔ́.
23326	MAT 5:23	Lɛ̃ nnya, pɔn Uléécaa kɛyɔ-i kɛnyɔ́ɔnsɛ-i linyinɛ nɛ Uléécaa pihɛɛ n ha, pɔn n léisɛ rɛ upɔ́cɔ yɛ nɛ pɔ́ wɔ́laalɛ̃,
23332	MAT 5:29	In tɛ mɛpɔ́nípɛɛ lukɛ-lukɛ mɛɛ akópɛ pɔ́ waisɛ, a mɛ lesɛ aa kɛtaa-pɔ fómpɔ. Li kutɔsi we usoi ukɛ́ uipiŋɛ likɔ́ linyinɛ paa uú nɛ nfáa yɛnu nɛ kuu yɛ́ uipiŋɛ nnɛ́í ḿ má apí nɛ nna tɛnɛcirɛ́ kɛ́mɛɛ u sápɔ.
23333	MAT 5:30	In tɛ kupɔ́nípɛ lukɛ-lukɛ kpɛɛ yɛ akópɛ pɔ́ waisɛ, a ku riké aa kɛtaa-pɔ ku fómpɔ. Li kutɔsi we pɔkɛ́ kupɔ́nípɛ lukɛ-lukɛ paa aá nɛ nfáa yɛnu nɛ kaa yɛ́ ipɔ́piŋɛ nnɛ́í ḿ má apí nɛ nna tɛnɛcirɛ́ kɛ́mɛɛ pɔ́ sápɔ.
23353	MAT 6:2	Lɛ̃ nnya pɔn úwɛkɔɔ́ linyinɛ n hɛ, kapɛ kuloo pi pɔkɛ́ riyóó yarɛ kɛ kɛcáá kɛcáá mɛwai pikɔ́ api yɛ ayómɛyáhaalee-i nɛ icée kɛcáá n wai rɛ pisoi pikɛ́ pi pakarɛ mɛcɔ. Asei kɛcáá, pi piihɛ́ɛ́ piyɔ́ɔ́ masilɛ lɛ̃!
23360	MAT 6:9	Lɛ̃ kai m pisɛ rɛ nɔkɛ́ yɛ kɛyómɛ n yáási yɛ nní: Urɔ́sáa, pɔ́ɔ kɛyómɛcaa-pɔ ń we,
23364	MAT 6:13	Kapɛ tíyɛsɛ tɔkɛ́ pipeikɛɛ kɛ́mɛɛ loó. Amá a kuníri anipɛ-i rɔ́ lesɛ. Li we rɛ pɔ́ɔ iyɔ́ɔpi nɛ ńnaŋɛ nɛ ḿmulɛ te ḿpá píyei-pɔ. Amí.
23372	MAT 6:21	Li we rɛ kei kɛ mɛpɔ́má amɛ ń we kɛ kɛpɔ́múŋɛ́ akɛ́ wepɔ.
23374	MAT 6:23	Amá ipɔ́nípɛɛ in m pɔ́ɔ́lú, ipɔ́piŋɛ nnɛ́í yɛɛ yɛ kuŋmaha-i n we. Lɛ̃ nnya, in tɛ mɛtɛ́í mɛ̃ kaa m má yɛ pansɛlɛ kuŋmaha, a yɛ̃ tɛ kuŋmaha píima-i kaá we.
23376	MAT 6:25	Yeesu uu kɔ pimáa pi kpá rɛ: Lɛ̃ nnya kam nɔ́ maa rɛ áni kapɛ lɛ̃ kani yɛ́ n li nɛ lɛ̃ kani yɛ́ ń ntí nɔkɛ́ nɛ nfáa m má nɛ ilũ kani yɛ́ nɔ́inɛ́piŋɛ n yárii nfasimɛ́ wa. Nfáa nn ilukɛ fee, nɛ́ɛ ipiŋɛ yɛɛ ilũ fe?
23382	MAT 6:31	Lɛ̃ nnya, áni kapɛ yɛ nfasimɛ́ wa nɔkɛ́ maa rɛ: Yo kari yɛ́ li nɛ́ɛ yo kari yɛ́ ń ntí nɛ́ɛ yo kari yɛ́ tã.
23385	MAT 6:34	Lɛ̃ nnya, áni kapɛ yɛ nfasimɛ́ wa rɛ íye kai yɛ́ kóso n we. Li we rɛ ḿpá kɛyáa kɛ́ye nɛ kɛnkɔ́ yɛ mu.
23387	MAT 7:2	Lɛ̃ kani yɛ picɔ akópɛ ḿ pa mɛcɔ kɛ Uléécaa uu akópɛ nɔ́ panɛ. Kɛmúŋɛ́ kɛ̃ kani yɛ nɛ picɔ ḿ musí kapi kɔ nɛ nɔ̃́ músunɛ.
23397	MAT 7:12	Lɛ̃ nnɛ́í kani ń la rɛ pisoi pikɛ́ yɛ nɔ́ wa, ani yɛ limɛcɔ pi wa. Lɛ̃ kɛ isé nɛ antepuyɛ api pisɛ rɛ nɔkɛ́ yɛ wa.
23399	MAT 7:14	Amá rinɔnɔɔ tɛɛ yɛ nɛ nfáa-mɛ̃ ń ha yɛ mɔ́kú-mɔ́kúlɛnlɛ. Lincee pɔ̃́ nɛ kɔ nkpáni mɛsɛ wɛ́kɛ́-wɛ́kɛ́. Pisoi pɛɛ yɛ n n yɛ̃́ ápi kulúi we.
23403	MAT 7:18	Limɛcɔ kɛ kuléé sɔnɛ áku yɛ fe kukɛ́ apipi kópɛ mari, kukópɛ páa yɛ kɔ fe kukɛ́ apipi sɔnɛ mari.
23405	MAT 7:20	Limɛcɔ kani yɛ́ɛ́ antepuyɛ nɔɔmɛ mɛwai nɛ pi ceri.
23423	MAT 8:9	Li we rɛ nɛ̃́ ticuruu yɛ pinɛ́wɛ́ɛ́sɛ málɛ nɛn pi pakarɛlɛ̃. Nɛn kɔ pisɔ́ɔ́ca má pɛɛ nɛ̃́ m pakarɛlɛ̃. Nɛn piunyinɛ m maa rɛ ukɛ́ mɛ́ye ha, u yɛ halɛ. Nɛn kɔ ucɔ m maa rɛ ukɛ́ kam, u yɛ kalɛ. Nɛn kɔ unɛ́kɛikɔ́ m maa rɛ ukɛ́ linyinɛ wa, u yɛ li walɛ.
23431	MAT 8:17	Lɛ̃ kɛ antepu Esayi uú pɛɛ ḿ ma kɛ mɛwai mɛ̃ amɛ ritiki rɛ: Tirɔ́nárɛi kuú yɔsí uu irɔ́tói kpísi uu cɔni.
23463	MAT 9:15	Yeesu uu pɛɛ pi pɛsɛ rɛ: Nɔ músu rɛ usoi yɛ́ pisɔ́ɔnnɛ anyã́ n wai uu upisanɛ séi api pɛɛ́ hapɔ apí nɛ mpɔ́ɔcaai n tũ? Aai, mmɛ̃ ńn we. Li yɛ́ kam api kumúŋɛ́ kunyinɛ-i unɔ́sikɔ́ uyɛ̃ pikɛcɔpɛ lesɛ apí nɛ tɔ́mpɔ. Pɛɛ́ uyɛ-i kapi yɛ́ pɛɛ anɔ́ɔ paasi.
23486	MAT 9:38	Lɛ̃ nnya, ani Upíima pisɛ rɛ ukɛ́ pikɛikɔ́ pɛɛ yɛ́ ń kpasi pamɛ.
23496	MAT 10:10	Áni kapɛ kulɔ́ɔ kpísi nɔkɛ́ nɛ ncée ritiki, áni kapɛ kɔ kɛtúkanka kɛsɛ kpísi. Áni kapɛ kɔ anɛ́ɛ́ri nɛ́ɛ kusɛ́lɛ rimúlú. Li we rɛ ukɛikɔ́ yɛɛ yɛ upikɛi pilukɛ li.
23498	MAT 10:12	Nɔn yɛ kɛ́yɔ kɛ́ye-i n lompo, ani yɛ kɛpikɔ́ yáási rɛ: Likɛ́ nɔ́ n niŋú!
23502	MAT 10:16	Yeesu uu kɔ pimáa pi kpá rɛ: Ani ńsɔnɛ kõ tɛ, kam nní nɔ́ n tum, ani isáŋ yɛɛ ákpɛ kɛcɔpɛ ń we mɛcɔ n sɔ́nɛ. Lɛ̃ nnya, ani mɛsɔhɔ m má yarɛ iwáa, ani alɔ́ɔlã mɛcɔ kɛ́yu m purú.
23503	MAT 10:17	Ani nɔ́mɛnɛ́círɛ nɛ pisoi tĩ. Li yɛ́ kam api yɛ nɔ́ tini apí nɛ sitúhaanɛ-i sĩ́, api yɛ kɔ piayomɛyáhaalee-i isɛ́í nɔ́ súúkɛɛ.
23505	MAT 10:19	Pin yɛ kɛtahai nɔ́ n sée, iwamɛ íi kapɛ yɛ nɔ́ wa rɛ ń-ye kani yɛ́ ha símisi nɛ́ɛ íye kani yɛ́ ha n símisi. Liituŋɛ in n tu, Uléécaa yɛ́ ḿmaa-maa nɔ́ hɛ aní malɛ.
23510	MAT 10:24	Upeikɛɛ úka úu uucélaa fe. Limɛcɔ, ukɛikɔ́ úka úu ukɛisaa fe.
23511	MAT 10:25	Li nyam tɛ upeikɛɛ ukɛ́ ucélaa kɛtulɛ tu. Li nyam tɛ ukɛikɔ́ ukɛ́ ukɛisaa kɛtulɛ tu. Nɛ́ɛ nɔ́unɛ́yɔsaa, nɛ̃́ kápi piséi tíyɛ rɛ Pɛlisepulɛ, wóo pɛɛ nɔ̃́ pinɛ́yɔkɔ́?
23512	MAT 10:26	Yeesu uu kɔ pimáa pi kpá rɛ: Áni kapɛ pisoi n wuru. Lɛ̃ nnɛ́í lɛɛ m pékaalɛ̃ nɛ lɛ̃ nnɛ́í kɛ úka úu n nyu yɛ́ kam ai mɛtɛ́í kɛ́mɛɛ léeri ḿpá úye uu li yɛnu uu kɔ li ceru.
23517	MAT 10:31	Lɛ̃ nnya, iwamɛ íi kapɛ yɛ nɔ́ wa. Nɔ Uléécaa inipɛɛ-i ríyu málɛ lin sinúipi yukɛ-yukɛ kulúi fe.
23548	MAT 11:20	Lɛ̃ mɛmáá, Yeesu uu pɛɛ ayu nyɛ-i kuu mɛwaisaŋa mɛyã n wapisi pikɔ́ picɛ́ kápáá kápi nɛ mɛfinɛ n consɛ nnya. U nɛ pi cɛ́si rɛ:
23549	MAT 11:21	Nɔ̃́ Korasin pikɔ́, íwɛ kani topori. Nɔ̃́ Petisayita pikɔ́, íwɛ kani topori! Likumúŋɛ́ rɛ mɛwaisaŋa kapi nɔ́kɛnɛ́mɛɛ n wapisi mɛn pɛɛ Tiiri nɛ Sitɔɔ kɛ́mɛɛ n wa, ai nní ń we pin piakópɛ kɛpirɛ ritɔ api áfɔrɔnti tani api pimɛcirɛ nfúrɔ̃ kɔikɛɛ likɛ́ nyísɛ rɛ pi consɛ.
23550	MAT 11:22	Lɛ̃ nnya kam nɔ́ símisi rɛ Tiiri nɛ Sitɔɔ pikɔ́ iwɛ yɛ́ ha kɛtúhaanɛyaa kɛ̃ nɛ nɔ́inɛ́kɔ́ kutɔsi wa.
23552	MAT 11:24	Lɛ̃ nnya kam nɔ́ símisi rɛ kɛyáa kɛ̃ kɛ Uléécaa uú nɛ pisoi n túhaanɛnɛ, Sotɔm pikɔ́ iwɛ íi nɔ́inɛ́kɔ́ nɛ kutɔsi wa.
23559	MAT 12:1	Lɛ̃ mɛmáá, Yeesu uu pɛɛ kɛwéntɛyaa kɛtúŋɛ́ imúí inyinɛ kɛcarɛ kɛ́mɛɛ n tikilɛ̃ un tɔ́su. Nkṹ nn upipirɛtiki wai, api pɛɛ iwéhe kpééni api mɛpipi takai.
23561	MAT 12:3	Kei kɛ Yeesu uu pɛɛ pi pɛsɛ rɛ: Lɛ̃ nnya, áni lɛ̃ kɛ Tafiti uu kumúŋɛ́ kpɛ-i kɛ nkṹ nn u nɛ upikɔ́ n wa kɛɛnlɛ̃, nɛ́ɛ yo?
23563	MAT 12:5	Nɛ́ɛ áni isé atɛlɛ́ kɛ́mɛɛ kɛ́ɛ̃ tɛ pɛpɛɛ yɛ Uléécaa inyɔ́ɔnsɛ n wa yɛ Uléécaa kɛyɔ-i pikɛi wailɛ aí nɛ kɛwéntɛyaa pɛ́nɛ? Lɛ̃ nnya akópɛ kapi lɛ̃ waa?
23566	MAT 12:8	Lɛ̃ nnya kɛ nɛ̃́, Usoi Kɛpipi am kɛwéntɛyaa ute.
23570	MAT 12:12	Kɛsoipipi yɛ kɔ pɛɛ isáŋ felɛ ái nkáripi. Lɛ̃ nnya, irɔ́sé yɛ ncée hɛlɛ rɛ pikɛ́ yɛ kɛwéntɛyaa kɛtúŋɛ́ usoi lisɔnɛ wa.
23575	MAT 12:17	Lɛ̃ kɛ antepu Esayi uu uritɛlɛ́ kɛ́mɛɛ ḿ ma likɛ́ nɛ n wa nnya. U pɛɛ rɛ:
23578	MAT 12:20	Úu yɛ́ kɛkpápi kɛɛ pikɔ́nɔ́ɔ́ m máálɛ̃ sei. Úu yɛ́ kɔ kɛ́firáa kɛɛ pinyúḿ-nyúḿ ḿ masí kpu. Lɛ̃ kuu yɛ́ n wai aí weri aí nɛ tulu kumúŋɛ́ kpɛ-i kɛ asei aa yɛ́ ḿpá yo n feriyɛ.
23583	MAT 12:25	Amá Yeesu yɛ pɛɛ pikɛmúŋɛ́ nyulɛ. Uu pɛɛ pi maa rɛ: Kuyɔ́ɔpiyu kunyinɛ pisoi pin pimɛcɔpɛcirɛ n tɔpu, ku yɛ kpulɛ. Limɛcɔ, kuyu kunyinɛ nɛ́ɛ kɛ́yɔ kɛnyinɛ pikɔ́ pin pimɛcɔpɛcirɛ n tɔpu, pi yɛ kpulɛ.
23586	MAT 12:28	Asei kɛcáá, Uléécaa Nfaasɔnɛ nnaŋɛ kaḿ nɛ aníri lakasɛntɛ. Lɛlɛɛ nyísɛlɛ̃ tɛ Uléécaa iyɔɔpi yɛ nɔ́kɛnɛ́mɛɛ pituimɛ masilɛ.
23589	MAT 12:31	Lɛ̃ nnya kam nɔ́ símisi rɛ Uléécaa yɛ́ akópɛ nɛ alɛ̃́ nnɛ́í mpuri kɛsoipipi sárɛi, amá úye un Uléécaa Nfaasɔnɛ n lámaankɛɛ, Uléécaa úu yɛ́ liute sárɛi.
23592	MAT 12:34	Nɔ́ akpurii nnyɛ́! Íye kɛ nɔ́ pisoi kpááree mpí ani yɛ́ fe ani nsímɛ́ sɔnɛ malɛ? Li we rɛ nsímɛ́ mɛɛ usoi kɛfa-i ń we mɛɛ yɛ nnɔ́ɔ-i léemɛ.
23595	MAT 12:37	Li we rɛ mpɔ́nɔ́ɔsimɛ́ mɛɛ tíyɛsɛnɛ pɔkɛ́ alari nɛ́ɛ akópɛ yɛ̃.
23596	MAT 12:38	Lɛ̃ mɛmáá, isé picélaa kɛcɔpɛ pinyinɛ nɛ Pifarisi pinyinɛ api Yeesu maa rɛ: Tɔ pɛɛ́ la rɛ a mɛwaisaŋa mɛnyinɛ wa tɔkɛ́ yɛ̃́.
23599	MAT 12:41	Kɛyáa kɛ̃ kɛ Uléécaa uú nɛ pisoi n túhaanɛnɛ, Niniifi pikɔ́ yɛ́ ha yisi api nfáani kɛtẽ nkɛ́ pisoi akópɛ pa. Li we rɛ kumúŋɛ́ kpɛ-i kɛ Yonaasi uú pɛɛ Nléécaasimɛ́ rin-yóó api kóm, pi pɛɛ mɛfinɛ consɛlɛ. Uyɛɛ nté nní ń we yɛ kɔ pɛɛ Yonaasi felɛ.
23600	MAT 12:42	Kɛyáa kɛ̃ kɛ Uléécaa uú nɛ pisoi n túhaanɛnɛ, unɔ́siyɔɔpi yɛɛ Saapa kɛtẽ kɛcáá n tṹ yɛ́ ha yisi uu nfáani kɛtẽ nkɛ́ pisoi akópɛ pa. Li we rɛ uyɛɛ pɛɛ hái kɛtẽ kɛtɔ-pɔ leemɛlɛ uú weri rɛ ukɛ́ Salomɔɔ mɛwɛ́ɛ́sɛsɔhɔ kõ. Uyɛɛ nté nní ń we yɛ kɔ pɛɛ Salomɔɔ felɛ.
23603	MAT 12:45	Kei kaku yɛ pɛɛ́ ha kuacɔ asɛɛi nyɛɛ kuricuruu rikpákárá ń fe kpíipɔ aá nɛ kɛ́yɔ kɛ-i tonɛ. Lɛlɛɛ yɛ tíyɛsɛ kɛ liute uyɛ̃ mɛwee falɛ amɛ yɛ n caailɛ̃ amɛ mɛkpurɛ mɛ-i kuú pɛɛ mɛkɛɛ ń we tɔ́su. Lɛ̃ kɛ nfáani pisoi kópɛ mpí api sɔ́nti pikɛ́ nɛ kɛ́tɔ tɛnɛ.
23619	MAT 13:11	Yeesu uu pi pɛsɛ rɛ: Nɔ̃́ kɛ Uléécaa uu uiyɔɔpi nsímɛ́ mɛɛ m pékaalɛ̃ cereisɛ, úu pɛ̃ cereisɛ. Lɛ̃ nnya kaḿ nɛ lɛ̃ pi símisi.
23620	MAT 13:12	Li we yarɛ kapi yɛ ḿ maa rɛ: Nkó yɛɛ linyinɛ m má kapi yɛ licɔ rikpá ai mɛyã́ wai. Amá nkó yɛɛ úu líka m má kapi yɛ likáripikɔɔ́ lɛ̃ kuu m má yɔsí.
23621	MAT 13:13	Lɛ̃ nnya kam sinyárũ kpísi nɛn nɛ pi símisi. Li we rɛ pi yɛ n wiilɛnlɛ, amá ápi pɛɛ nyáni, api yɛ kutu n cɔlɛ̃, amá ápi pɛɛ kɔ kómɛi. Ápi kɔ asei ceri.
23622	MAT 13:14	Lɛ̃ kɛ antepu Esayi uú pɛɛ mɛkɛɛ-mɛ ḿ ma yɛɛ lɛ̃ wai rɛ: Nɔ́ kam ani yɛ n kómɛi, áni yɛ́ɛ́ pɛɛ liasei ceri. Nɔ́ kam ani yɛ n nyánɛi, áni yɛ́ɛ́ pɛɛ yɛ̃́.
23623	MAT 13:15	Li we rɛ mpuri mmú pisoi akiŋ yɛ takasilɛ. Pi pimɛcirɛ atu tápisilɛ. Api inípɛɛ wúkɛsi, api yúlu rɛ piatu áa kapɛ yɛ kõ, piinipɛɛ íi kapɛ yɛ yɛ̃ pimɛsɔhɔ ámɛ kapɛ yɛ kɔ líka ceri. Lɛ̃ kɛ́mɛɛ, ápi yɛ́ pɛɛ fe pikɛ́ pimɛfinɛ consɛ. Nɛ̃́ Uléécaa, kɛ́ nɛ pi m pɔisɛ.
23628	MAT 13:20	Picɔ yɛ kɔ we yarɛ kɛparɛtẽ kɛ-i kɛ ipuri ii n lólɛsi. Lipite yɛ̀ɛ̀ nsímɛ́ kutu ricɔlɛ api mɛsɛ nɛ mɛsɛ piakiŋ kɛ́mɛɛ n yɔ́su nɛ mpɔ́ɔnarɛ.
23630	MAT 13:22	Picɔ yɛ kɔ we yarɛ ipuri yɛɛ sinípɛleépi kɛpáápáá ń loó. Lipite yɛ̀ɛ̀ nsímɛ́ kutu ricɔlɛ, amá kɛtẽ kɛcáá pikɛi kɛ pisoi apí nɛ ń kparálɛ̃ nɛ mɛmá nnáápí mɛɛ yɛ n kíraasɛ yɛ̀ɛ̀ nsímɛ́ mmɛ̃ tihilalɛ ńn yɛ pɛɛ líka pi yoriyɛ.
23631	MAT 13:23	Picɔ yɛ kɔ welɛ yarɛ ipuri yɛɛ kɛfɛ́nɛtẽ kɛcáá ń loó. Lipite yɛ̀ɛ̀ nsímɛ́ mmɛ̃ kutu ricɔlɛ api nkɛmɛɛ́ kóm nn pi lɛ́ni api pɛɛ́ n we yarɛ aléé nyɛɛ yɛ apipi m mári, kunyinɛ pílɛ, kucɔ kuwóó nɛ kɛfi, kucɔ afɛɛtaani.
23638	MAT 13:30	Lɛ̃ nnya, ani likɛtɛ́ riyá likɛ́ kɛsẽ́ m pelu aí nɛ kúkpaa tulu. Lin kúkpaa n tu, nɛ́ pɛpɛɛ ń kpasi maa rɛ: Ani mɛyúipuri kópɛ mɛfoí lesɛ ani apehe mɛ pahaankɛɛ tɔkɛ́ mɛ risɛ́, ani pɛɛ kɔ ilukɛ cápinɛ ani rinɛ́símɛ-i súúni.
23643	MAT 13:35	Lɛ̃ kɛ antepu uú pɛɛ n wɔ́i likɛ́ nɛ n wa nnya. U pɛɛ rɛ: Sinyárũ kam kpísinɛ kɛ́ nɛ n símisi. Nɛ́ sinyárũ kpísi aḿ nɛ lɛ̃ nnɛ́í lɛɛ ḿpá yo kɛkoraanɛ-mɛ m pékaalɛ̃ yóó.
23657	MAT 13:49	Lɛ̃ kai sɔ́nti likɛ́ kɛtẽ mɛtɛnɛ kumúŋɛ́-i wa. Piléécaatumɛ yɛ ha sɔ́ntilɛ pikɛ́ pɛpɛɛ Uléécaa mɛla n wa nɛ pɛpɛɛ ápi Umɛla n wa kóólɛnɛ,
23660	MAT 13:52	Kei kuu pɛɛ pi maa rɛ: Lɛ̃ nnya, isé ucélaa úye un Uléécaa iyɔɔpi nkɔ́ n ŋmurɛi, u we yarɛ úyɔsaa unyinɛ yɛɛ ulikɔ́ kɛ́mɛɛ lifálɛ nɛ likpurɛ ń lesɛ.
23668	MAT 14:2	Uu upikɛikɔ́ maa rɛ: Yohani Úniwolɛ yɛɛ n kpu nsímɛ́ kapi símisi. U pikpɔkpɔ kɛ́mɛɛ yisilɛ. Lɛ̃ nnya kuu nní ńnaŋɛ yɛ̃ un nɛ mɛwaisaŋa wapisi.
23671	MAT 14:5	Lɛ̃ nnya kɛ Erooti uú pɛɛ́ la ukɛ́ Yohani kpu, amá un pɛɛ pisoi pɛɛ n cápinɛlɛ̃ wuru. Pɛ̃ nɛ pɛɛ nyánilɛ rɛ Yohani yɛ antepu lɛ.
23704	MAT 15:2	Yo nnya kɛ pipɔ́pirɛtiki api yɛ inyɛ́kii kɛ pirɔ́kpurɛ api n yekei rilɔ́ɔ́? Lɛlɛɛ rɛ ápi yɛ nalɛ pikɛ́ kɛlenɛ li yarɛ kai mɛkɛɛ-mɛ n wemɛ?
23721	MAT 15:19	Lɛ̃ nnya, kɛfa-i kɛ simúŋɛ́ kópɛ asi léeri. Sɛsɛɛ yɛ tíyɛsɛ kɛ usoi uu yɛ usoi kpu, uu ucɔ unɔsi nɛ́ɛ ucɔ ula kuwáncɔ wai, uu iwásá wai, uu yáái, uu kɔ ucɔ nɛ nsímɛ́ kpárá, nɛ́ɛ uu ucɔ lámaankɛɛ.
23722	MAT 15:20	Lɛlɛɛ yɛ usoi mɛ́kpɛrinkpɛ n waisɛ yɛ lɛ̃. Amá usoi unsá n nalɛ yarɛ kɛ irɔ́nyɛ́kii ii ḿ ma ukɛ́ kɛlenɛ li, ái yɛ́ mɛ́kpɛrinkpɛ u waisɛ.
23758	MAT 16:17	Kei kɛ Yeesu uu pɛɛ rinɔ́ɔ rikpá uu rɛ: Pɔ únarɛkomɛ lɛ, pɔ̃́ Yonaasi uŋmánɛ Simɔɔ! Li we rɛ ái kɛsoipipi kɛɛ mmú pɔ́ símisi, amá Unɛ́sáa yɛɛ kɛyómɛcaa-pɔ ń we lo.
23759	MAT 16:18	Lɛ̃ nnya, kɛ́ mmú pɔ́ símisi rɛ pɔ́ɔ Piyɛɛ, liasei rɛ riparɛ. Tiparɛ tɛ̃ kɛcáá kam pinɛ́kɔ́ cápinɛnɛ, nkpɔ ŋmaa ricuruu ńn yɛ́ ńnaŋɛ ńka pikɛcáá m má.
23763	MAT 16:22	Piyɛɛ uu pɛɛ u kpísi uú nɛ iyaa leepɔ uú nɛ u cɛ́si rɛ: Uléécaa úu yɛ́ ŋmurɛi, Upíima! Líka ái pɔ́ wainɛ!
23780	MAT 17:11	Uu pi pɛsɛ rɛ: Li pisɛ asei kɛcáá rɛ Elii ukɛ́ mɛfoí pɛɛmɛ ukɛ́ ḿpá yo ripɔhɔ-i li yekei.