23223	MAT 1:10	Esekiyasi pɔ́ɔ Manasee máru, Manasee pɔ́ɔ Amɔɔ maru, Amɔɔ pɔ́ɔ Yosiyasi maru,
23228	MAT 1:15	Eliwuuti pɔ́ɔ Eleyasaa maru, Eleyasaa pɔ́ɔ Matani maru, Matani pɔ́ɔ Yakupu maru,
23229	MAT 1:16	Yakupu pɔ́ɔ Maari ula Yosɛfi maru. Maari kɛ́mɛɛ́ kɛ Yeesu kapi yɛ kɔ n sée rɛ Kirisi uu léemɛ.
23231	MAT 1:18	Lɛ̃ kapi Yeesu Kirisi m mári yɛ nní: Uuni Maari kapí pɛɛ Yosɛfi feleilɛ̃, amá Nfáasɔnɛ nn tíyɛsɛ uu fapisi u nɛ Yosɛfi ápi kɔ kahanɛ kulee rimpɛ́nɛ.
23233	MAT 1:20	Kuu ń we un likɛcáá músu, Upíima uleecaatumɛ unyinɛ uu kɛlárɛ́-i u kpáfúmɛ uu u maa rɛ: Tafiti kɛpirɛ̃ Yosɛfi, Maari pikpíkɛ́ ápi kapɛ pɔ́ n cɔ́ŋlɛ̃. Nfáasɔnɛ mɛɛ tíyɛsɛ kuu fapisi.
23237	MAT 1:24	Kɛ Yosɛfi uu n yisi, uu lɛ̃ kɛ Upíima uleecaatumɛ uu u n símisi wai, uu Maari kunɔ́si kpísi.
23243	MAT 2:5	Api u pɛsɛ rɛ: Yutee kɛteni-i, Pɛtɛlɛhɛm-pɔ le. Antepu Misee yɛ mɛkɛɛ-mɛ wɔi rɛ:
23249	MAT 2:11	Api kɛ́yɔ loni api kɛwã́ nɛ kɛuni Maari yɛnu, api kɛ yáási apí nɛ wula. Api pɛɛ pimɛmá fénnɛ api wura nɛ tulaali ŋmaa-ŋmaa nɛ mɛ́kpɔ kapi yɛ n sée rɛ miiri lesɛ api kɛ hɛkɛsi.
23272	MAT 3:11	Míni ŋmanɛ kɛ nɛ́ɛ nɔ́ wolɛ likɛ́ nyísɛ rɛ nɔ mɛfinɛ consɛlɛ. Amá uyɛɛ nɛ̃́ mɛmáá n sɔ́nti yɛ nɛ́ felɛ. Ám tu ricuruu kɛ́ uanɛ́ɛ́ri u mahã. Uyɛɛ sɔ́nti ukɛ́ Nfáasɔnɛ nɛ nna nɔ́ wolɛ.
23320	MAT 5:17	Yeesu uu kɔ pimáa pi kpá rɛ: Áni kapɛ m músu rɛ Moisi isé nɛ antepuyɛ icélaa kam pikópɛ ka. Ám ka rɛ kɛ́ i kpu, amá nɛ kalɛ rɛ likɛ́ lɛ̃ li.
23361	MAT 6:10	Pisoi pikɛ́ céri rɛ tipɔ́nyíri yɛ kóólɛlɛnlɛ, Ipɔ́yɔ́ɔpi ikɛ́ kam, Mɛpɔ́la mɛkɛ́ kɛtẽ kɛcáá wa yarɛ kɛyómɛcaa-pɔ.
23407	MAT 7:22	Mɛyã́ nɛ́ ha kɛyáa kɛ̃ kɛ Uléécaa uu pisoi n túhaanɛnɛ nɛ́ maa rɛ: Upíima, Upíima, ái tɔ́ɔ ripɔ́nyíri nɛ Uléécaa nsímɛ́ pisoi símisi ari aníri lakasɛntɛ ari kɔ tipɔ́nyíri nɛ mɛwaisaŋa kulúi wapisii?
23417	MAT 8:3	Yeesu uu kunípɛ saapɔ uu u ca uu rɛ: Nɛ lalɛ a peí. Mɛsɛ nɛ mɛsɛ, kɛyɔ̃́ akɛ ukɛcáá lelu uu funi.
23418	MAT 8:4	Yeesu uu pɛɛ rinɔ́ɔ u hɛ rɛ: Kapɛ wa unyinɛ ukɛ́ kṍ. Amá a uyɛɛ Uléécaa inyɔ́ɔnsɛ n wai lɛɛpɔ ukɛ́ pɔ́ musí ukɛ́ yɛ̃́ tɛ pɔ peí, aa pɛɛ limɛmáá inyɔ́ɔnsɛ kɛ Moisi uú nɛ nɔ́ n tíyɛ wai likɛ́ ḿpá úye nyísɛ rɛ pɔ peilɛ.
23427	MAT 8:13	Kei kɛ Yeesu uu pɛɛ usɔ́ɔ́ca kpéẽ uyɛ̃ maa rɛ: A n ŋme a kui. Mpɔ́fatɛnɛ nnya, lɛ̃ kaa m pisɛ yɛ́ wa. Ukɛikɔ́ uu mɛsei ituŋɛ isɛ iyɛ-i pélu.
23446	MAT 8:32	Yeesu uu a maa rɛ: Ani n tɔ́su! Aa pɛɛ pisoi pitɛ́ pɛ-i yisi aá ha áfɔŋ nyɛ-i loni. Mɛsɛ nɛ mɛsɛ, áfɔŋ nyɛ̃ aa wuru aá nɛ rikúú cɛ́pi aá ha nɛ kupiyɛ-i kpúupɔ aa kpíni.
23457	MAT 9:9	Yeesu uu kɛ́yu-mɛ̃ n tɔ́su uu utisi unyinɛ kapi yɛ n sée rɛ Matiyee yɛnu un pilampooyɔɔ́ kɛkɛi-i tṹ. Uu u maa rɛ: A yisi a nɛ́ ritiki. Matiyee uu yisi uu u tiki.
23458	MAT 9:10	Yeesu uu pɛɛ lɛ̃ mɛmáá sĩ́ uú ha Matiyee kɛyɔ-i n tũ un ilukɛ le. Pilampooyɔɔ́ nɛ pikópɛkɔɔ́ picɔ apí hapɔ api kei u nɛ upipirɛtiki kɛkúrí tonɛ.
23489	MAT 10:3	nɛ Filipu nɛ Patelemii nɛ Tomaa nɛ ulampooyɔɔ́ Matiyee nɛ Alifee uŋmánɛ Yakupu nɛ Tatee,
23513	MAT 10:27	Mmɛ̃ kam nní kuŋmaha-i nɔ́ n símisi, ani ha mɛtɛ́í kɛ́mɛɛ n tiyóó. Ani ha kɔ mmɛ̃ kam nní kutu-i nɔ́ rinwɛ́í-wɛ́í, kɛcácá-i nyɛrɛ ani yóó ḿpá úye ukɛ́ kṍ.
23546	MAT 11:18	Mɛsei kɛ Yohani uú ka, úu yɛ ilukɛ li, úu yɛ píta n ntí, ani rɛ aníri kuu héesi.
23557	MAT 11:29	Ám la kɛ́ nɔ́ n nyikilɛ̃ lin nɔ́ pelaalɛ̃. Ani ncɔni kaḿ nɛ nɔ́ ń la ŋmurɛi ani cɔni, ani tíyɛ kɛ́ nɔ́ n céési. Nɔ́ pɛɛ yɛ̃́ kani yɛ́ ń wéntɛ. Nɛ kɛfa láárúlɛ. Mɛnɛ́kɔ́ ámɛ kɔ pɔ́ɔ́lú.
23597	MAT 12:39	Yeesu uu pi pɛsɛ rɛ: Nfáani kɛtẽ nkɛ́ pisoi yɛ caailɛnlɛ hái. Ápi la pikɛ́ Uléécaa ŋmanɛ ritiki, amá mɛwaisaŋa kapi wɛ́ɛ́si pikɛ́ yɛ̃́. Mɛwaisaŋa mɛ̃ kɛ antepu Yonaasi uu n yɛ̃́ mɛnyinɛcɔ kapi yɛ́ kɔ yɛ̃.
23616	MAT 13:8	Amá ipuri icɔ ií ha kɛtẽ sɔnɛ kɛcáá lólɛsi ii lɛlu ii pelu ii fólu. Mpuri nsɛ nn fólu ipipi pílɛ, ncɔ ipipi kuwóó nɛ kɛfi, ncɔ ipipi afɛɛtaani.
23652	MAT 13:44	Yeesu uu kɔ upipirɛtiki kɛnyárũ kɛcɔ kpá rɛ: Uléécaa iyɔɔpi yɛ kɔ we yarɛ nsímɛ́ mmú: Mɛmá píima mɛnyinɛ mɛɛ kɛcarɛ kɛnyinɛ-i kúlaalɛ̃. Utisi unyinɛ uu kɛyáa mɛmá píima mɛ̃ yɛnu, uu pikúlaa mɛ pɛsɛ, uu kɔ mpɔ́ɔnarɛ nɛ ulikɔ́ nnɛ́í kpísi uu yái uú nɛ kɛcarɛ kɛ̃ lɔlu.
23663	MAT 13:55	Nɛ́ntɛ uyɛɛ usɛ́rɛ́ uyɛ̃ uŋmánɛ? Ái úni yɛɛ Maari? Ái upiwã pɛɛ nní Yakupu nɛ Yosɛfi nɛ Simɔɔ nɛ Yuutii?
23697	MAT 14:31	Yeesu uu mɛsɛ nɛ mɛsɛ kunípɛ saapɔ uu u tini uu u pisɛ rɛ: Mpɔ́fatɛnɛ ńn piyɛ. Yo nnya kaá tirí?
23720	MAT 15:18	Kɛfa kɛ́mɛɛ kɛ nsímɛ́ nn yɛ n we, nn pɛɛ nnɔ́ɔ-i tíkimɛ nń nɛ leeri. Mmɛ mɛɛ yɛ usoi mɛ́kpɛrinkpɛ waisɛ.
23729	MAT 15:27	Unɔ́si uyɛ̃ uu kɔ kpá rɛ: Mɛsei yɛ mɛ, Upíima. Amá ḿpá nɛ lɛ̃, sipɔpipi pite pin n le, si yɛ lɛlɛɛ kɛteni-i m póroi n hínilɛ sin le.
23741	MAT 15:39	Yeesu uu pɛɛ lɛ̃ mɛmáá pi kuisɛ, uyɛ̃ uu pɛɛ kúninɔi loni uú nɛ Makatani kɛtẽ-mɛ̃ tɔ́mpɔ.
23745	MAT 16:4	Nfáani kɛtẽ nkɛ́ pisoi yɛ caailɛnlɛ hái, ápi la pikɛ́ Uléécaa ŋmanɛ ritiki. Amá mɛwaisaŋa kapi wɛ́ɛ́si pikɛ́ yɛ̃́. Mɛwaisaŋa mɛ̃ kɛ Yonaasi uu n yɛ̃́ mɛnyinɛcɔ kapi yɛ́ kɔ yɛ̃. Yeesu uu pɛɛ pi yá uu tɔ́mpɔ.
23772	MAT 17:3	Moisi nɛ Elii api pɛɛ kpáfúmɛ, pi nɛ Yeesu pin yɔ́i.
23773	MAT 17:4	Kei kɛ Piyɛɛ uu pɛɛ Yeesu maa rɛ: Upíima, li nyamlɛ rɛ tɔkɛ́ nté n we. Pɔn n la, nɛ́ sicáŋíípi sitaani nté karii, pɔ́ɔ kɛsɛ kpísi, Moisi kɛsɛ, Elii kɛsɛ.
23817	MAT 18:21	Kei kɛ Piyɛɛ uu Yeesu kɛyúrí rinyɔsɔ́pɔ uu rɛ: Upíima! Unɛ́cɔ un nɛ nɛ́ m púnnɛntɛ, mɛlɛ́ kam yɛ́ fe am u sárɛi? Mɛsɛɛi kɛsẽ, nɛ́ɛ íye? Yeesu uu u pɛsɛ rɛ:
23838	MAT 19:7	Kei kɛ Pifarisi api pɛɛ u pisɛ rɛ: Yo nnya kɛ Moisi uu pɛɛ́ maa rɛ utisi yɛ́ fe uu pitúunnɛ ritɛlɛ́ unɔ́si wɔlu uu pɛɛ u yulu.
23839	MAT 19:8	Yeesu uu pi pɛsɛ rɛ: Nɔ́anɛ́kíŋ ntakɛ nnya kɛ Moisi uu ncée nɔ́ hɛ rɛ ani yɛ fe ani nɔ́pinɛ́nɔ́si lakasɛ. Ái pɛɛ kɛ́koraanɛ-mɛ lɛ̃ we.
23873	MAT 20:12	Api rɛ: Mpí pɛɛ nní pikɛi mɛtɔ́rɔɔ mmɛ́ ń ka yɛ walɛ ituŋɛ mɛkɔ́ɔ́nú mɛsɛ. Aa pɛɛ tɔ́ nɛ pɛ̃ nnɛ́í nsɛ hɛ́ɛlɛ, in kɔ nɛ tɔ́ɔ mɛyã́ ntuŋɛ nɛ mpɔɔnɛ kõ.
23937	MAT 21:42	Kei kɛ Yeesu uu pi pisɛ rɛ: Áni nsímɛ́ mmú píkai Uléécaa Nsímɛ́ ritɛlɛ́ kɛ́mɛɛ kɛ́ɛ́nlɛ̃ tɛ: Tiparɛ kɛ pimɔ́mɛ api n fóm tɛɛ pansɛ ricírɛ-cirɛ tɛɛ kɛnui-i ń wee? Upíima yɛɛ lɛ̃ wa. Mɛwaisaŋa kuu rɔ́ n yɛ́nɛisɛ yɛ mɛ̃!
23964	MAT 22:23	Kɛyáa kɛ̃ cirɛ kɛ Pisatusee api Yeesu kɛ́mɛɛ ha. Pisatusee pɛɛ tee rɛ pikpɔkpɔ ápi yɛ nkpɔ-i yisi. Api sĩ́ apí ha Yeesu lɛɛpɔ, api u pisɛ rɛ: Sáa, Moisi yɛ maa rɛ:
23989	MAT 23:2	Isé picélaa nɛ Pifarisi kaí pɛɛ́ we rɛ pikɛ́ isé kɛ Moisi uu nɔ́ ḿ pa asei nɔ́ símisi.
24024	MAT 23:37	Lɛ̃ mɛmáá, Yeesu uu pɛɛ Yerusalɛm pikɔ́ maa rɛ: Nɔ̃́ Yerusalɛm pikɔ́, nɔ yɛ antepuyɛ kónlɛ ani kɔ pɛ̃ kɛ Uléécaa uu nɔ́kɛnɛ́mɛɛ n tummɛ aparɛ tapisi ani kóni. Mɛlɛ́ kɛsẽ kaḿ pɛɛ́ la kɛ́ nɔ́ cápinɛ yarɛ kɛ kucã́yaha aku yɛ kuamɛ́ŋ́ mɛtene kusipipi n tã líka ái yɛ si wa mɛcɔ ani yúlu?
24038	MAT 24:12	Mɛwai kópɛ yɛ́ kɛ́yu mahã, pisoi mɛyã nla nn pɛɛ hásu.
24086	MAT 25:9	Pisɔhɔɔ pɛ̃ pɔ́ɔ rɛ: Eehei! Mɛ nɛ tɔ́ risálɛ, ámɛ tisɛ tɔkɛ́ nɔ́ hɛ. Li kutɔsi we nɔkɛ́ piyái kɛ́mɛɛ ha ani kei nɔ́mɛnɛ́kɔ́ lɔlu.
24133	MAT 26:10	Yeesu uu céru rɛ lɛ̃ kapi símisi, uu pɛɛ pi maa rɛ: Yo nnya kani lɛ̃ unɔ́si uyɛ̃ cɔ́ŋlɛ̃? Mɛwai sɔnɛ kuu nɛ́ wa.
24151	MAT 26:28	Mɛnɛ́nyɛ yɛ mmɛ́ mɛɛ n kɔɔnu pisoi mɛyã nnya rɛ Uléécaa ukɛ́ piakópɛ pi sárɛi. Mɛ́nyɛ mɛ̃ kaí nɛ ritiki Uléécaa uú nɛ pisoi séi rɛ u nɛ pɛ̃ pikɛ́ kómɛinɛ.
24196	MAT 26:73	Likɛ́ nɛ rinsásɛ, pɛpɛɛ kei ń we apí nyɔsɔ́pɔ apí nɛ u kɔ api u maa rɛ: Asei kɛcáá, pɔ pisoi pɛ̃ usɛ lɛ. Mɛpɔ́símɛ́ kɛ́mɛɛ kai lɛ̃ nyísɛlɛ̃.
24197	MAT 26:74	Kei kɛ Piyɛɛ uu kɛ́si ŋmaa uú nɛ kɛtẽ kpɛɛni uu wééri rɛ: Nɛ Uléécaa, ám usoi nkó nyu. Mɛsɛ nɛ mɛsɛ, icã́ ii kooi.
24202	MAT 27:4	Uu pi maa rɛ: Nɛ akópɛ walɛ. Nɛ usoi yɛɛ úu líka n caai yáá aḿ pa api kópu. Pɛ̃ api u pɛsɛ rɛ: Mpɔ́kɔ́ yɛ mmɛ̃! Ái nɛ tɔ̃́ yɛ̃!
24207	MAT 27:9	Lɛ̃ kɛ antepu Yeremii uú pɛɛ Yeesu kɛcáá ḿ ma uu Uléécaa nsímɛ́ ritɛlɛ́ kɛ́mɛɛ wɔ́lu kai wa rɛ: Pi nwóóweni mɛpipi afɛɛtaani mɛ̃ kpísilɛ. Mɛ̃ kɛ Isirayɛɛli pikɔ́ apí musí rɛ pi yɛ́ ukɛcáá hɛ́ɛ́lɛ.
24209	MAT 27:11	Kapi uyɔɔpi Pilati kɛ́mɛɛ nɛ Yeesu pitúhaanɛ ń ha, uyɔ́ɔpi uyɛ̃ uu u pisɛ rɛ: Pɔ́ɔ Pisuifi uyɔɔpii? Yeesu uu rinɔ́ɔ u yɔ́su rɛ: Mmɛ̃ kaa nní ma.
24246	MAT 27:48	Mɛsɛ nɛ mɛsɛ, pikɛcɔpɛ unyinɛ uu wuru uú ha sinɛ́ɛ̃ kpísi uu píta nyɛpɛ-nyɛpɛ pinyinɛ fɛ uú nɛ kɛnaapi kɛnyinɛ kɛcáá tuhu uu u pa rɛ ukɛ́ n ntí.
24254	MAT 27:56	Pikɛcɔpɛ pinyinɛ pɛɛ nní Makitala kuyu ukɔ́ Maari nɛ Yakupu nɛ Yosɛfi uni Maari nɛ Sepetee piŋmánɛ uni.
24259	MAT 27:61	Likumúŋɛ́ kpɛ-i, Makitala kuyu ukɔ́ Maari nɛ Maari ucɔ uyɛ̃ pɔ́ɔn kei rikpíí kɛyúrí tṹ.
24265	MAT 28:1	Kɛyáa kɛɛ nɛ kɛwéntɛyaa rintíki kɛtúŋɛ́, Maari Makitala ukɔ́ nɛ Maari ucɔ api yisi rɛ pikɛ́ ha rikpíí rilóólú.
24271	MAT 28:7	ani mɛkɛɛ sĩ aní ha upipirɛtiki símisi rɛ u nkpɔ kɛ́mɛɛ yisilɛ. U yɛ́ Kalilee-pɔ pi m mɛ̃́. Kei kani yɛ́ ha u yɛ̃. Mmɛ̃ kam m má kɛ́ nɔ́ n símisi yɛ mmɛ̃.
24292	MRK 1:8	Míni kɛ nɛ́ɛ nɛ nɔ́ wólɛ, amá Nfáasɔnɛ kɛ uyɛ̃ uu yɛ́ nɛ nɔ́ wolɛ.
24296	MRK 1:12	Mɛsɛ nɛ mɛsɛ Nfáasɔnɛ nń nɛ kucɛsi kóima-pɔ Yeesu sĩ.
24312	MRK 1:28	Mɛsɛ nɛ mɛsɛ Yeesu nsímɛ́ nn Kalilee kɛtẽ nnɛ́í kɔ́ɔ́nú.
24316	MRK 1:32	Mɛtuŋɛlolɛ́-maá, pisoi apí nɛ pitóikɔ́ ncɔpuri nɛ pinírihélaa Yeesu lɛɛpɔ.
24326	MRK 1:42	Mɛsɛ nɛ mɛsɛ, utisi uyɛ̃ kɛyɔ̃́ akɛ tɛnɛ uu funi.
24328	MRK 1:44	un u kúrúrúsɛlɛ̃ tɛ: A ńsɔnɛ kutu ricɔ, kapɛ wa unyinɛ ukɛ́ mɛwai mɛ̃ kõ. Amá a ha uyɛɛ yɛ Uléécaa inyɔ́ɔnsɛ n wa mɛpɔ́círɛ nyísɛ ukɛ́ yɛ̃́ lɛ̃ kaa ń we. Lɛ̃ mɛmáá, aa inyɔ́ɔnsɛ kɛ Moisi isé ii m pisɛ wai pɔkɛ́ nɛ ḿpá úye nyísɛ rɛ pɔ peí.
24375	MRK 3:18	Nɛ Antiree nɛ Filipu nɛ Patelemii nɛ Matiyee nɛ Tomaa, nɛ Alifee kɛpipi Yakupu, nɛ Tatee nɛ Simɔɔ yɛɛ pɛɛ ukuyu pimúlɛ́ kɛcáá n tɔpu,
24386	MRK 3:29	Amá úye un Nfáasɔnɛ n lámaankɛɛ, akópɛ nyɛ̃ áa kusárɛi we, atɛnɛcirɛ́ yɛ nyɛ. Mɛsɛ́rɛ kaa yɛ́ u m pɔ́riilɛ̃.
24393	MRK 4:1	Kɛ Yeesu uu icélaa Kalilee kupiyɛ ritimɛ-i n kpálɛ̃, pisoi kulúi api u kálisi ai tɔ́su uu mɛsɛ ha kúninɔi kɛcáá tonɛ. Míni kɛcáá kɛ kúninɔi kpɛ̃ aku tɔ́silɛ̃, pisoi pin mɛritimɛ nyɛnu.
24437	MRK 5:4	Mɛpehẽ kulúi kapi yɛ uana nɛ nweni hɔpi api uanipɛ nɛ akpanii paasi, amá u yɛ ipehe iyɛ̃ nnɛ́í túúnlɛ. Úka nnaŋɛ ńn pɛɛ tulaalɛ̃ nkɛ́ nɛ utisi uyɛ̃ tĩ.
24478	MRK 6:2	Kɛ kɛwéntɛyaa kɛtúŋɛ́ akɛ n tu, uu Pisuifi kuyomɛyáhaalee-i lompɔ uu pisoi n céési. Nsímɛ́ nn nnɔ́ɔ pisoi píima pɛ̃ nnɛ́í pɛɛ kutu u n cɔ́lɛ̃ yipu. Apí m písɛinɛ rɛ: Yei kɛ nní yɛ nnɛ́í ai mpíí u léenti má? Mɛwɛ́ɛ́sɛsɔhɔ mɛ́ye mpuri kai nkó nní hɛ má? Íye kuú nɛ mɛwaisaŋa mmɛ́ mpuri wapisi má?
24479	MRK 6:3	In nɛ Maari kɛpipi usɛ́rɛ́ɛ? Nɛ́ntɛ upiwã pɛɛ Yakupu nɛ Yosee nɛ Yuuti nɛ Simɔɔ? Ái upiyɛi pɛɛ nní kɛrɔ́cɔpɛ wee? Nní nnɛ́í ai pi tapisi ápi nɛ Yeesu kɛfa tɛnɛ.
24529	MRK 6:53	Mɛtɛ́ŋ́-maá api Kenesarɛti kɛtẽ tulu, api rikóitimɛ pikuninɔi karii.
24542	MRK 7:10	Ticuruu *Moisi yɛ mɛkɛɛ-mɛ maa rɛ: A upɔ́sáa nɛ upɔ́ni ríyu waisɛ. Uu kɔ rɛ úye un usáa nɛ́ɛ úni anɔ́ɔ n wa, li pisɛ rɛ pikɛ́ liute kpu.
24545	MRK 7:13	Mɛ́wee mɛ̃ yɛɛ tíyɛsɛlɛ ani Uléécaa Nsímɛ́ cɔ́kɔi nɛ nɔ́inɛ́nyɛ́kii isé kani n yekeilɛ̃. Mɛwai mɛ̃ mɛcɔ kani n wapisi yɛ kɔ piyɛlɛ.
24560	MRK 7:28	Unɔ́si uu rinɔ́ɔ u pɛsɛ rɛ: Mɛsei yɛ mɛ Sáa, amá siwã́ sin pilukɛ m masí, sipɔpipi yɛɛ lɛ̃ kɛ siwã́ asi kɛteni-i m póroisɛ hínɛilɛ asi le.
24567	MRK 7:35	Mɛsɛ nɛ mɛsɛ uatu aa tápilɛ, tilémpi ari fénnɛ, uu nsímɛ́ loni ńsɔnɛ.
24611	MRK 9:4	Kei kɛ Elii nɛ Moisi api pɛɛ rikpáfúmɛ, pi nɛ Yeesu pin yɔ́i.
24612	MRK 9:5	Piyɛɛ uu pɛɛ Yeesu maa rɛ: Sáa, li nyamlɛ rɛ tɔkɛ́ pɛɛ nté n we. Tɔ la rɛ tɔkɛ́ sicáŋíípi sitaani karii, pɔ̃́ kɛsɛ, Moisi kɛsɛ, Elii kɛsɛ.
24615	MRK 9:8	Mɛsɛ nɛ mɛsɛ api piilúkɛ́ nnɛ́í páii, amá ápi úka yɛ̃, Yeesu yɛɛ pikɛkúrí ń we mɛmáá.
24619	MRK 9:12	Uu pi pɛsɛ rɛ: Mɛsei yɛ mɛ rɛ Elii yɛ pɛɛrinɛ kɛlenɛ ukɛ́ ḿpá yo nyɔ́ɔnsɛ. Yo nnya kai mpíí wɔ́laalɛ̃ tɛ Usoi Kɛpipi yɛ íwɛ lenɛ mɛyã́ api kɛipuri yulu?
24629	MRK 9:22	Mɛpehẽ kulúi kɛ kuníri kpɛ̃ aku yɛ nna nɛ míni-i kɛ risápɔ kɛkɛ́ nɛ n kpu nnya. Amá in tɛ pɔ́ fe aa linyinɛ wai, a kam aa rɔ́ comɛ. A irɔ́wɛ ripaí.
24631	MRK 9:24	Mɛsɛ nɛ mɛsɛ, kɛwã́ kɛ̃ usaa u pupɛi rɛ: Nɛ̃́ nɛ kɛfa tɛnɛlɛ! Amá a kam a nɛ́ comɛ, nnɛ́fatɛnɛ ńn piyɛ.
24660	MRK 10:3	Uu rinɔ́ɔ pi pɛsɛ rɛ: Íye kɛ Moisi uu nɔ́ pisɛ rɛ ani wa?
24661	MRK 10:4	Api rinɔ́ɔ yɔ́su rɛ: Moisi yɛ utisi ncée hɛlɛ rɛ u yɛ́ fe uu pitúunnɛ ritɛlɛ́ unɔ́si wɔlu uu pɛɛ u yulu.
24662	MRK 10:5	Yeesu uu pɛɛ pi maa rɛ: Nɔ́anɛ́kíŋ ntakɛ nnya kɛ Moisi uu isé nnyí nɔ́ wɔ́i.
24696	MRK 10:39	Api rinɔ́ɔ yɔ́su rɛ: Tɔ́ li fe. Yeesu uu rinɔ́ɔ pi pɛsɛ rɛ: Mɛsei yɛ mɛ rɛ nɔ́ ntóósi kɛporipi kam n nírunɛ n ntí, tɛ íwɛ kam n takainɛ kani takainɛ.
24705	MRK 10:48	Mɛyã́ amɛ nɛ u cɛ́si rɛ ukɛ́ risɛ́ɛ́, amá uu mɛyã́ cásɛ rɛ: Tafiti kɛpipi, a inɛ́wɛ ripaí!
24709	MRK 10:52	Yeesu uu u maa rɛ: A n ŋme, mpɔ́fatɛnɛ yɛ pɔ́ yóriyɛ. Mɛsɛ nɛ mɛsɛ inípɛɛ ii wúkulɛ uu Yeesu tiki.
24753	MRK 12:11	Upíima yɛɛ lɛ̃ wa. Mɛwaisaŋa kuu rɔ́ n yɛ́nɛisɛ yɛ mɛ̃.
24761	MRK 12:19	Sáa, lɛ̃ kɛ Moisi uu isé ń wɔ́i yɛ nní: Úye umaa un n kpu uu unɔ́si tíyɛ úu nɛ kɛwã́, uuwã yɛɛ yɛ́ unɔ́si uyɛ̃ kukúmannɔsi kpísi uu umáa mpuri wai.
24767	MRK 12:25	Mɛseisei kɛ̃ kɛ pisoi api pikpɔkpɔ kɛ́mɛɛ n yisinɛ, pitisi ápi pinɔ́si kpíkɛsinɛ, pinɔ́si pɔ̃́ ápi kɔ pila sɔ́ɔnkɛɛnɛ, amá pimɛfinɛ yɛ́ n we yarɛ piléécaatumɛ kɛyómɛcaa-pɔ.
24768	MRK 12:26	Yo nnya kani tee rɛ pikpɔkpɔ ápi yɛ́ yisi? Áni kɛlõ kɛ-i kai Moisi ritɛlɛ́-i n wɔ́laalɛ̃ tɛ Uléécaa yɛ kuhííhíí kpɛɛ ń torɛ kɛ́mɛɛ we un nɛ Moisi símisi kɛɛnlɛ̃ɛ? Li kei wɔ́laalɛ̃ tɛ, Uléécaa yɛ Moisi maa rɛ: Nɛ́ɛ Apiraham Uleecaa nɛ Isaaki Uleecaa nɛ Yakupu Uleecaa.
24827	MRK 14:4	Mɛwai mɛ̃ ámɛ nɛ picɔ risá, api pɛɛ pimɛcɔpɛcirɛ m máikɛɛ rɛ: Linsɔnɛ yɛ ń-ye kuu nní tulaali nkó n caai?
24829	MRK 14:6	Amá Yeesu uu pi maa rɛ: Ani u riyá. Yo nnya kani u cɔ́ŋlɛ̃? Mɛwai sɔnɛ kuu nɛ́ wa.
24847	MRK 14:24	Uu pi maa rɛ: Mɛnɛ́nyɛ yɛ mmɛ́, mɛ́nyɛ mɛmɛɛ pisoi mɛyã nnya kɔɔnu, Uléécaa uú nɛ pi séi rɛ u nɛ pɛ̃ pikɛ́ kómɛinɛ.
24883	MRK 14:60	Uléécaa usina uu icápinɛ iyɛ̃ kɛcɔpɛ yisi uu Yeesu pisɛ rɛ: Áa rinɔ́ɔ ríka yɔ́sunɛɛ? Mpɔ́kópɛ ń-ye kɛ pisoi mpí api nní símisi?
24893	MRK 14:70	Piyɛɛ uu kɔ pikɛ́ŋɛ kpá. Kai nkáripi rinkpásɛ, pɛpɛɛ kei ń we api pimáa u kpá rɛ: Mɛsei yɛ mɛ, pɔ pisoi pɛ̃ usɛ lɛ. Likumúŋɛ́ rɛ pɔ Kalilee ukɔ́ lɛ.
24897	MRK 15:2	Pilati uu u pisɛ rɛ: Pɔ́ɔ Pisuifi uyɔɔpii? Yeesu uu rinɔ́ɔ u yɔ́su rɛ: Mmɛ̃ kaa nní ma.
24935	MRK 15:40	Pinɔ́si pinyinɛ yɛ kɔ pɛɛ welɛ pin kɛtaa nyánɛi. Pinɔ́si pɛ̃ kɛcɔpɛ kɛ Makitala kuyu ukɔ́ Maari nɛ Maari Yakupu Síńsá nɛ Yosee uni nɛ Salomee apí pɛɛ we.