23216	MAT 1:3	Yuta pɔ́ɔ Perɛsi nɛ Sera maru. Piuni yɛɛ Tamaa. Perɛsi pɔ́ɔ Hɛsirɔɔ maru, Hɛsirɔɔ pɔ́ɔ Aram maru,
23218	MAT 1:5	Salimani pɔ́ɔ Poosi maru. Pi yɛ Poosi uni sée rɛ Rahapi. Poosi pɔ́ɔ Opɛti maru. Uyɛ̃ uni yɛɛ Ruuti. Opɛti pɔ́ɔ Yesee maru,
23224	MAT 1:11	Yosiyasi pɔ́ɔ Yekoniya nɛ upimarɛcɔ márɛi. Likumúŋɛ́ kpɛ-i kapi Isirayɛɛli pikɔ́ cɔ́pii apí nɛ Papilɔɔni kuyu sĩ.
23225	MAT 1:12	Kapi Isirayɛɛli pikɔ́ n cɔ́pii apí nɛ Papilɔɔni kuyu sĩ mɛmáá kɛ Yekoniya pɔ́ɔ pɛɛ Sealitiyɛli mari, Sealitiyɛli pɔ́ɔ Soropapɛɛli maru,
23230	MAT 1:17	Lɛ̃ nnya, kaí nɛ Apiraham-i n kpísi aí nɛ Tafiti-i pá, li walɛ ncɔpuri anai kɛfi nɛ ana. Kai Tafiti-i n kpísi aí nɛ kumúŋɛ́ kpɛ-i kapi Isirayɛɛli pikɔ́ n cɔ́pii apí nɛ Papilɔɔni kuyu sĩ pá, li walɛ ncɔpuri anai kɛfi nɛ ana. Kai kɔ kei n kpísi aí nɛ Kirisi imarɛtuŋɛ pá, li walɛ ncɔpuri anai kɛfi nɛ ana acɔ.
23239	MAT 2:1	Yutee kɛtẽ kɛ́mɛɛ kapi Pɛtɛlɛhɛm-pɔ Yeesu mari. Erooti yɛɛ pɛɛ kei kumúŋɛ́ kpɛ-i uyɔ́ɔpi píima. Pinyuwɛ píima pinyinɛ api kɛtuŋɛleemɛ-mɛmpɔ yisi api Yerusalɛm tulu.
23240	MAT 2:2	Apí ha pisɛ rɛ: Yei yɛ kɛwã́ kɛ̃ kapi m mári pin tee rɛ kɛkɛɛ sɔ́nti kɛkɛ́ Pisuifi iyɔɔpi tonɛ? Hái kɛtuŋɛleemɛ-pɔ kari riwárɛpi tɛɛ n nyísɛlɛ̃ tɛ pi kɛwã́ kɛ̃ mari yɛ̃. Lɛ̃ nnya karí ka rɛ tɔkɛ́ kɛ yáási ari wúla.
23243	MAT 2:5	Api u pɛsɛ rɛ: Yutee kɛteni-i, Pɛtɛlɛhɛm-pɔ le. Antepu Misee yɛ mɛkɛɛ-mɛ wɔi rɛ:
23244	MAT 2:6	Pɔ̃́ Pɛtɛlɛhɛm kuyu! Ái pɔ́ɔ Yutee kɛtẽ kɛcáá ayu kɛcɔpɛ ríyu paalɛ̃. Li we rɛ kɛpɔ́mɛɛ́ kɛ uyɔ́ɔpi píima uu léerinɛ, uyɛɛ yɛ́ pinɛ́soi Isirayɛɛli pikɔ́ n séni.
23246	MAT 2:8	Uu pɛɛ limɛmáá Pɛtɛlɛhɛm-pɔ pi tum uu pi maa rɛ: ani n ŋme ani ha kɛwã́ kɛ̃ kɛcáá ńsɔnɛ písɛi ani kóm. Nɔn kɛ n yɛ̃, ani pɛɛri ani nɛ́ símisi nɛ́ɛkɛ́ ha kɔ kɛ yáási kɛ́ riwula.
23254	MAT 2:16	Kɛ Erooti uu ń ka uu céru rɛ pinyuwɛ pɛɛ u kiraasɛlɛ, kuwɔ́i píima kunyinɛ aku u wai. Uu pɛɛ kumúŋɛ́ kpɛ̃ kɛ pinyuwɛ pɛ̃ api u n símisi nɛ pámɛ uu tíyɛsɛ api siwántisi nnɛ́í sɛɛ aŋmɛ̃ atɛ́ n tu nɛ sɛ̃ sisíńsá Pɛtɛlɛhɛm nɛ ayu nyɛɛ nɛ kei n kɔ́lɛ̃ kɛ́mɛɛ kóni.
23258	MAT 2:20	uu rɛ: A yisi, a kɛwã́ nɛ kɛuni kpísi aá nɛ Isirayɛɛli kɛtẽ pɛlɛ. Pɛpɛɛ pɛɛ ń la pikɛ́ kɛwã́ kɛ̃ kpu yɛ kpínlɛ.
23261	MAT 2:23	uú ha kuyu kpɛ̃ kapi yɛ n sée rɛ Nasarɛti-i tonɛ. Lɛ̃ kɛ antepuyɛ apí pɛɛ ḿ ma kai lɛ̃ tikilɛ̃. Pi pɛɛ rɛ: Pi yɛ́ kam api kɛwã́ kɛ̃ séi rɛ Nasarɛti ukɔ́.
23268	MAT 3:7	Yohani uu yɛ́nu rɛ Pifarisi nɛ Pisatusee pɛɛ ukɛmɛɛ n sɔ́naapɔ rɛ ukɛ́ míni pi wolɛ ápi kusa kulúi we. Uu pɛɛ pi maa rɛ: Nɔ́ akpurii nnyɛ́! Wóo nɔ́ céesi rɛ ani Uléécaa kuwɔi kpɛɛ n nyahaimɛ kaasɛ?
23281	MAT 4:3	Setani yɛɛ m peikɛɛ uú nɛ u kɔ uu u maa rɛ: Pɔn mɛsei Uléécaa Kɛpipi, a aparɛ nnyɛ́ rinɔ́ɔ maa akɛ́ pansɛ akpɔ́nɔ́, aa le.
23284	MAT 4:6	uu rɛ: Pɔn mɛsei Uléécaa Kɛpipi, a mɛpɔ́círɛ kɛteni-i risápɔ. Li we rɛ li Nléécaasimɛ́ kɛ́mɛɛ wɔ́laalɛ̃ tɛ: Uléécaa yɛ́ pɔ̃́ nnya upileecaatumɛ rinɔ́ɔ hɛ api pɔ́ yéu kupɔ́na áku kapɛ nɛ riparɛ rinyinɛ rinkpɔ́u nnya.
23287	MAT 4:9	uu pɛɛ kɔ u maa rɛ: Pɔn n ŋmurɛi aa wúla aa nɛ́ yáási, am nní nnɛ́í pɔ́ hɛ.
23296	MAT 4:18	Yeesu yɛ pɛɛ Kalilee kupiyɛ ritimɛ sɔ́nɛlɛ uu Simɔɔ kapi rinyíri n hɛ rɛ Piyɛɛ nɛ uuwã Antiree yɛnu. Pikɛtɛ́ yɛ pikpíntomɛ́cɔ́pii lɛ. Anyɛŋ́ kapí pɛɛ fóm pin nɛ ikpíntomɛ́ cɔ́pii.
23301	MAT 4:23	Yeesu yɛ pɛɛ Kalilee kɛtẽ nnɛ́í kɔ́ɔ́núlɛnlɛ un Pisuifi ayomɛyáhaalee kɛ́mɛɛ céési un kɔ Uléécaa iyɔɔpi Nsímɛ́ Kɛcirɛ yóólɛ̃ un kɔ itói ncɔpuri nɛ ncɔ́ŋ ncɔpuri mɛɛ pisoi m pɛkɛsi pɔisɛntɛ.
23306	MAT 5:3	Pɛpɛɛ n nyu rɛ ápi Uléécaa inipɛɛ-i líka tulaalɛ̃ pɛɛ pínarɛkomɛ. Pɛpɛɛ Uléécaa iyɔɔpi te.
23307	MAT 5:4	Pɛpɛɛ n téni pɛɛ pínarɛkomɛ. Uléécaa yɛ sɔ́ntilɛ ukɛ́ pi kpurɛi.
23308	MAT 5:5	Pɛpɛɛ ḿ purú pɛɛ pínarɛkomɛ. Uléécaa yɛ́ kɛtẽ kuú nɛ upisoi m mɛ̃́ pi pa.
23309	MAT 5:6	Pɛpɛɛ n náási pikɛ́ mɛwai wa mɛkɛ́ asei n tikilɛ̃ pɛɛ pínarɛkomɛ. Uléécaa yɛ́ kam uu pimɛla pi wai.
23310	MAT 5:7	Pɛpɛɛ yɛ picɔ íwɛ n tẽ́ pɛɛ pínarɛkomɛ. Uléécaa yɛ́ kam uu kɔ pɛ̃ íwɛ téni.
23311	MAT 5:8	Pɛpɛɛ kɛfa n kpã́iilɛ̃ pɛɛ pínarɛkomɛ. Pi yɛ́ kam api Uléécaa yɛ́nu.
23312	MAT 5:9	Pɛpɛɛ n wɛ́ɛ́si rɛ pin yei n we, likɛ́ kei n niŋú pɛɛ pínarɛkomɛ. Uléécaa yɛ́ kam uu pi séi rɛ usipipi.
23313	MAT 5:10	Pɛpɛɛ asei n tíkilɛ̃, pisoi pin lɛ̃ nnya pi wéékusɛlɛ̃ pɛɛ pínarɛkomɛ. Pɛpɛɛ Uléécaa iyɔɔpi pikɔ́.
23319	MAT 5:16	Limɛcɔ kai pisɛ rɛ nɔ́mɛnɛ́tɛ́í mɛkɛ́ n kpã́iilɛ̃ pisoi nnɛ́í pin mɛ nyáni. Pisoi pikɛ́ nɔ́mɛnɛ́wai sɔnɛ n nyáni pin nɛ Nɔ́unɛ́sáa Uléécaa yɛɛ kɛyómɛcaa-pɔ ń we ríyu waisɛ.
23323	MAT 5:20	Asei yɛ nyɛ rɛ nɔnsá Uléécaa mɛla n tikilɛ̃ likɛ́ isé picélaa nɛ Pifarisi n fe, áni yɛ́ Uléécaa iyɔɔpi kɛ́mɛɛ lõ.
23325	MAT 5:22	Amá nɛ̃́ nɛ nɔ́ maa rɛ: Úye un nɛ uucɔ n wɔ́ɔsi, pikɛ́ nɛ liute túhaanɛ. Úye un uucɔ m maa rɛ: Pɔ́ uníri nkó, pikɛ́ liute nɛ pɛpɛɛ yɛ kɛtúhaanɛ píima-i n túhaanɛ kɛ́mɛɛ ha. Úye un uucɔ m maa rɛ: Pɔ́ uníri nkó, li tu rɛ pikɛ́ liute nna tɛnɛcirɛ́ iwɛ kɛ́mɛɛ risápɔ.
23328	MAT 5:25	Pitele pin nɔ́ nɛ unyinɛ kɛcɔpɛ n we, nɔn kɛtahai pitúhaanɛ n sĩ, a tíyɛsɛ nɔ́ nɛ uyɛ̃ ani ncée kómɛinɛ. Insá lɛ̃, u yɛ́ nɛ utúhaanɛ-i pɔ́ ha, uyɛ̃ uu pɔ́ kpísi uu pisɔ́ɔ́ca pa, pɛ̃ api kukpaniilee pɔ́ tani.
23336	MAT 5:33	Yeesu uu kɔ pimáa pi kpá rɛ: Nɔ kõ tɛ pi pɛɛ pirɔ́kpurɛ maa rɛ: Pɔn tinɔ́ɔ n yekei, a ti ritiki. Pɔn tinɔ́ɔ n yekei rɛ pɔ́ Upíima linyinɛ wa, kapɛ piwai li riyá.
23349	MAT 5:46	Asei kɛcáá, in tɛ pɛpɛɛ nɔ́ ń la ŋmanɛ kaní la, ihɛ́ɛ́ íye kani pɛɛ mɛ̃́ tɛ Uléécaa ukɛ́ nɔ́ pa? Pilampooyɔɔ́ ŋmaa ricuruu pɔ̃́ nɛ yɛ kɔ limɛcɔ walɛ.
23350	MAT 5:47	In tɛ nɔ́pinɛ́márɛcɔ ŋmanɛ kaní yɛ yáasi, yo kani pɛɛ wa lisáŋa? Pɛpɛɛ ápi Uléécaa m pakarɛlɛ̃ ticuruu yɛɛ kɔ limɛcɔ walɛ.
23356	MAT 6:5	Yeesu uu kɔ pimáa pi kpá rɛ: Nɔn yɛ kɛyómɛ n yáási, áni kapɛ yɛ kɛcáá kɛcáá mɛwai pikɔ́ mɛcɔ n wai. Pi yɛ n lalɛ pikɛ́ ayómɛyáhaalee-i nɛ sicéepɛnɛ-i n nyɛnu pin nɛ kɛyómɛ yáási rɛ pisoi pikɛ́ pi yɛ̃ nnya. Asei yɛ nyɛ kam nní nɔ́ símisi rɛ pi piihɛ́ɛ́ piyɔ́ɔ́ masilɛ.
23358	MAT 6:7	Nɔn yɛ kɛyómɛ n yáási, áni kapɛ yɛ mɛ́woo kusímɛ́naapí n wai yarɛ pɛpɛɛ ápi Uléécaa n nyu mɛcɔ. Pi yɛ m músu rɛ pin lɛ̃ mɛyã́ n símaankɛɛ, Uléécaa yɛ́ nɛ pi kõ.
23361	MAT 6:10	Pisoi pikɛ́ céri rɛ tipɔ́nyíri yɛ kóólɛlɛnlɛ, Ipɔ́yɔ́ɔpi ikɛ́ kam, Mɛpɔ́la mɛkɛ́ kɛtẽ kɛcáá wa yarɛ kɛyómɛcaa-pɔ.
23367	MAT 6:16	Yeesu uu kɔ pimáa pi kpá rɛ: Nɔn yɛ anɔ́ɔ m pahaalɛ̃, áni kapɛ yɛ kɛcáá kɛcáá mɛwai pikɔ́ mɛcɔ kɛ́yu n caailɛ̃. Pi yɛ kɛ́yu n cɔ́hɔnɛlɛnlɛ rɛ pisoi pikɛ́ céri rɛ anɔ́ɔ kapi pahaalɛ̃. Asei kam nní nɔ́ símisi rɛ pi piihɛ́ɛ́ lɛ̃ piyɔ́ɔ́ masilɛ.
23369	MAT 6:18	Pisoi ápi kapɛ nɛ n céri rɛ anɔ́ɔ kaa pahaalɛ̃ nnya. Upɔ́sáa Uléécaa kɛ úka úu n nyáni ŋmanɛ yɛɛ nyáni lɛ̃ kaá nɛ risɛ́ɛ́ n wai. Uyɛɛ yɛ́ pɛɛ ipɔ́hɛ́ɛ́ pɔ́ pa.
23383	MAT 6:32	Pɛpɛɛ ápi Uléécaa n nyu pɛɛ lɛ̃ likɔ́ mɛsɛ́rɛ wɛ́ɛ́si. Amá Nɔ́unɛ́sáa yɛɛ kɛyómɛcaa-pɔ ń we yɛ nyulɛ lɛ̃ kai nɔ́ m pisɛ.
23398	MAT 7:13	Yeesu uu kɔ pimáa pi kpá rɛ: Ani nɛ rinɔnɔɔ tɛɛ m mɔ́kú-mɔ́kúlɛ̃ lompɔ. Tinɔnɔɔ pɛ́rɛ́-pɛ́rɛ́ nɛ ncée mɛɛ n laanu pelele yɛ nkpɔ-mɛ̃ simpɔlɛ. Pisoi kulúi pɛɛ yɛ nɛ kei lompɔ.
23399	MAT 7:14	Amá rinɔnɔɔ tɛɛ yɛ nɛ nfáa-mɛ̃ ń ha yɛ mɔ́kú-mɔ́kúlɛnlɛ. Lincee pɔ̃́ nɛ kɔ nkpáni mɛsɛ wɛ́kɛ́-wɛ́kɛ́. Pisoi pɛɛ yɛ n n yɛ̃́ ápi kulúi we.
23400	MAT 7:15	Yeesu uu kɔ pimáa pi kpá rɛ: Ani nɔ́mɛnɛ́círɛ tĩ nɛ antepuyɛ nɔɔmɛ. Pi yɛ rikpárálɛ apí n nyísɛlɛ̃ tɛ pi asáŋpipi lɛ, nɛ́ḿpákanɛ pi pisifa-i ákpɛ kpááree lɛ.
23401	MAT 7:16	Pimɛwai kani yɛ́ɛ́ nɛ pi ceri yarɛ kapi yɛ aléépipi nɛ akuléé ń céri mɛcɔ. Ápi yɛ arɛɛsɛɛ sinípɛleépi kɛcáá tɔ. Ápi yɛ kɔ afiiki ahííhíí kɛcáá tɔ.
23404	MAT 7:19	Pi yɛ kuléé kpɛɛ áku apipi sɔnɛ m máru rikélɛ api nna-i ku sápɔ.
23428	MAT 8:14	Yeesu uu pɛɛ limɛmáá yisi uu Piyɛɛ kɛyɔ sĩ, uu kei uyɛ̃ ulɔ́hɔ́ni lɛɛpɔ un finu uipiŋɛ in tolú.
23442	MAT 8:28	Kɛ Yeesu uu kupiyɛ ritimɛ tɛ-i n yisi uu Kataraa kɛtẽ-pɔ ritimɛ ricɔ tulu, pinírihélaa pitɛ́ pinyinɛ api akpíí kɛcɔpɛ leeri api u lɛɛpɔ. Pisoi pɛ̃ tikpákárá kapi n wai nnya, úka úu yɛ pɛɛ kaha ukɛ́ ncée mmɛ̃ titiki.
23443	MAT 8:29	Kapí nɛ Yeesu rinsánɛ, api pɛɛ́ n cáái rɛ: Uléécaa Kɛpipi, tɔ́ nɛ mpɔ̃́ nɛ ń-ye? Pɔ ka rɛ pɔkɛ́ íwɛ rɔ́ wa Uléécaa ituŋɛ iyɛ-i kuú nɛ rɔ́ n túhaanɛnɛ ikɛ́ kɛlenɛ tuu?
23445	MAT 8:31	Aníri aa Yeesu suúlusɛ rɛ: Pɔn n la pɔkɛ́ pisoi mpí-i rɔ́ lákasɛ, a tíyɛ tɔkɛ́ ha áfɔŋ nnyɛ́ nyɛɛ nté-pɔ nní kulúi ń we kɛ́mɛɛ lompɔ.
23447	MAT 8:33	Pɛpɛɛ pɛɛ áfɔŋ nyɛ̃ m mɛ̃́ api itóó karii api kuyu sĩ apí ha lɛ̃ nnɛ́í lɛɛ n wa nɛ lɛlɛɛ pinírihélaa pɛ̃ n wa kɛɛni.
23458	MAT 9:10	Yeesu uu pɛɛ lɛ̃ mɛmáá sĩ́ uú ha Matiyee kɛyɔ-i n tũ un ilukɛ le. Pilampooyɔɔ́ nɛ pikópɛkɔɔ́ picɔ apí hapɔ api kei u nɛ upipirɛtiki kɛkúrí tonɛ.
23459	MAT 9:11	Kɛ Pifarisi api lɛ̃ n yɛ̃́, api Yeesu pipirɛtiki maa rɛ: Yo nnya kɛ nɔ́unɛ́célaa nɛ pilampooyɔɔ́ nɛ pikópɛkɔɔ́ picɔ api kɛlõ kɛsɛ tũ pin le?
23462	MAT 9:14	Kei kɛ Yohani Úniwolɛ pipirɛtiki api Yeesu kɛkúrí hápɔ api u pisɛ rɛ: Yo nnya kɛ tɔ́ nɛ Pifarisi ari anɔ́ɔ pahaankɛɛ mɛsɛ́rɛ, amá pɔ̃́ pipirɛtiki ápi yɛ pɛɛ paasi?
23463	MAT 9:15	Yeesu uu pɛɛ pi pɛsɛ rɛ: Nɔ músu rɛ usoi yɛ́ pisɔ́ɔnnɛ anyã́ n wai uu upisanɛ séi api pɛɛ́ hapɔ apí nɛ mpɔ́ɔcaai n tũ? Aai, mmɛ̃ ńn we. Li yɛ́ kam api kumúŋɛ́ kunyinɛ-i unɔ́sikɔ́ uyɛ̃ pikɛcɔpɛ lesɛ apí nɛ tɔ́mpɔ. Pɛɛ́ uyɛ-i kapi yɛ́ pɛɛ anɔ́ɔ paasi.
23466	MAT 9:18	Yeesu un lɛ̃ we un nɛ Yohani Úniwolɛ pipirɛtiki símisi, Pisuifi uyukɔɔ́ unyinɛ uú hapɔ uu ukɛyu-i wúla uu rɛ: Unɛ́kpére yɛɛ nfáani nní kpupɔ ái kahanɛ n náŋai. Amá a kam a ha anípɛ ukɛcáá rilaa. U yɛ́ nfáa wa.
23480	MAT 9:32	Pinyíyɛ pɛ̃ pɔ́ɔn nní fáaupɔlɛ̃, pinyinɛ apí nɛ unírihélaa unyinɛ yɛɛ úu yɛ nsímɛ́ n fe Yeesu lɛɛpɔ.
23482	MAT 9:34	Amá Pifarisi pɔ́ɔ rɛ: Kunírilã wɛ́ɛ́sɛ kpɛɛ ńnaŋɛ u hɛ un nɛ aníri lakasɛ!
23483	MAT 9:35	Yeesu yɛ pɛɛ ayu nɛ siyupi nnɛ́í kɔ́ɔ́núlɛnlɛ un kei Pisuifi ayomɛyáhaalee kɛ́mɛɛ céési un kɔ Uléécaa iyɔɔpi Nsímɛ́ Kɛcirɛ pisoi yóólɛ̃ un kɔ itói ncɔpuri nɛ ncɔ́ŋ ncɔpuri mɛɛ pisoi m pɛkɛsi pɔisɛntɛ.
23488	MAT 10:2	Pitumɛ kɛfi nɛ pitɛ́ pɛ̃ anyiri yɛ nnyɛ́: Ufoí yɛɛ Simɔɔ kapi rinyíri n hɛ rɛ Piyɛɛ nɛ uuwã Antiree, nɛ Yakupu nɛ uuwã Yohani. Pɛ̃ kɛtɛ́ yɛ Sepetee piŋmánɛ lɛ,
23489	MAT 10:3	nɛ Filipu nɛ Patelemii nɛ Tomaa nɛ ulampooyɔɔ́ Matiyee nɛ Alifee uŋmánɛ Yakupu nɛ Tatee,
23491	MAT 10:5	Pisoi kɛfi nɛ pitɛ́ pɛ̃ kɛ Yeesu uú nɛ pikɛi tũ uu pi céési rɛ: Ani silõ sɛ-i kɛ mpuri sanɛ pikɔ́ api ń we n kaasɛ. Áni kapɛ Samarii pikɔ́ ayu kɛ́mɛɛ ha.
23500	MAT 10:14	Pin kɛ́yɔ kɛnyinɛ-i nɛ́ɛ kuyu kunyinɛ-i n yɛ̀ rɛ ápi nɔ́ yɔ́sunɛ nɛ́ɛ ápi kɔ nɔ́nnɛ́símɛ́ kutu cɔnɛ, ani kɛ́yɔ kɛ-i nɛ́ɛ kuyu kpɛ-i léepɔ ani nɔ́anɛ́na nkoŋo péi ani pikuwɛ́ɛ́-mɛ̃ yaapɔ.
23504	MAT 10:18	Pi yɛ́ kam api yɛ nɛ̃́ nnya píyukɔɔ́ nɛ piyɔ́ɔpi kɛ́mɛɛ nɔ́ séi rɛ nɔkɛ́ kɔ pɛ̃ kɛyu-i nɛ mpuri sanɛ pikɔ́ kɛyu-i inɛ́tansei li nnya.
23505	MAT 10:19	Pin yɛ kɛtahai nɔ́ n sée, iwamɛ íi kapɛ yɛ nɔ́ wa rɛ ń-ye kani yɛ́ ha símisi nɛ́ɛ íye kani yɛ́ ha n símisi. Liituŋɛ in n tu, Uléécaa yɛ́ ḿmaa-maa nɔ́ hɛ aní malɛ.
23508	MAT 10:22	Pisoi nnɛ́í yɛ́ kam api nɛ̃́ nnya nɔ́inɛ́puri yulu. Amá nkó yɛɛ rinkáhá-káhá nɛ kɛ́tɔ-pɔ, Uléécaa yɛ́ uriyu lɔ.
23511	MAT 10:25	Li nyam tɛ upeikɛɛ ukɛ́ ucélaa kɛtulɛ tu. Li nyam tɛ ukɛikɔ́ ukɛ́ ukɛisaa kɛtulɛ tu. Nɛ́ɛ nɔ́unɛ́yɔsaa, nɛ̃́ kápi piséi tíyɛ rɛ Pɛlisepulɛ, wóo pɛɛ nɔ̃́ pinɛ́yɔkɔ́?
23544	MAT 11:16	Uu kɔ pimáa pi kpá rɛ: Yo kam yɛ́ fe kɛ́ nɛ nfáani pisoi múŋɛisɛnɛ? Pi nkpáni yarɛ siwã́ sɛɛ kɛ́yaála-i n tṹ si nɛ sisicɔ sin nɛ ipupɛi séleinɛ, asi yɛ rɛ:
23547	MAT 11:19	Usoi Kɛpipi pɔ́ɔ weri kɛn le kɛn níru, ani kɔ rɛ: Pilukɛ nɛ píta nirɛ́ ŋmanɛ nkɔ́ mɛɛ uyɛ̃ we. U kɔ pilampooyɔɔ́ nɛ pikópɛkɔɔ́ usanɛ lɛ. Amá li pɛɛ umɛwai kɛ́mɛɛ nyísɛlɛnlɛ rɛ Uléécaa mɛwɛ́ɛ́sɛsɔhɔ yɛ mɛ.
23549	MAT 11:21	Nɔ̃́ Korasin pikɔ́, íwɛ kani topori. Nɔ̃́ Petisayita pikɔ́, íwɛ kani topori! Likumúŋɛ́ rɛ mɛwaisaŋa kapi nɔ́kɛnɛ́mɛɛ n wapisi mɛn pɛɛ Tiiri nɛ Sitɔɔ kɛ́mɛɛ n wa, ai nní ń we pin piakópɛ kɛpirɛ ritɔ api áfɔrɔnti tani api pimɛcirɛ nfúrɔ̃ kɔikɛɛ likɛ́ nyísɛ rɛ pi consɛ.
23554	MAT 11:26	Pɔ́ɔ la rɛ likɛ́ lɛ̃ wa kai kɔ mɛsei lɛ̃ wa, Sáa.
23560	MAT 12:2	Kɛ Pifarisi api lɛ̃ n yɛ̃́, api Yeesu maa rɛ: A ripaí kɛ pipɔ́pirɛtiki api n wai lɛ̃ kɛ isé ii ḿ maa rɛ pisoi ápi kapɛ yɛ kɛwéntɛyaa kɛtúŋɛ́ wa.
23562	MAT 12:4	Uléécaa kɛyɔ-i kuu lompɔ uu akpɔ́nɔ́ kapi Uléécaa n yekei kpísi u nɛ upikɔ́ api le, ái kɔ pɛɛ rɛ piunyinɛ yɛ ncée má ukɛ́ a li. Pɛpɛɛ yɛ Uléécaa inyɔ́ɔnsɛ n wa ŋmanɛ pɛɛ ncée má pikɛ́ a li.
23568	MAT 12:10	Utisi unyinɛ yɛ pɛɛ kei welɛ un kunípɛ kópɛ má. Pɛpɛɛ kei ń we api pɛɛ kɛwááná n wɛ́ɛ́si pikɛ́ nɛ Yeesu tĩ. Api Yeesu pisɛ rɛ: Ncée yɛ we rɛ pikɛ́ kɛwéntɛyaa kɛtúŋɛ́ usoi pɔisɛɛ?
23572	MAT 12:14	Kai lɛ̃ n wa, Pifarisi api pɛɛ léepɔ apí ha símaanɛ pikɛ́ yɛ̃́ tɛ íye kapi yɛ́ wa pikɛ́ nɛ Yeesu kpu.
23573	MAT 12:15	Kɛ Yeesu uu n kṍ tɛ pi la pikɛ́ u kpu, uu kei yisi uú nyɔsɔ́. Pisoi kulúi api yisi api u tiki, uu pitóikɔ́ nnɛ́í pɔisɛntɛ.
23582	MAT 12:24	Kɛ Pifarisi api lɛ̃ n kṍ, api rɛ: Aníri uyɔɔpi Pɛlisepulɛ yɛɛ utisi nkó ńnaŋɛ hɛ kuú nɛ aníri lakasɛntɛ.
23585	MAT 12:27	In tɛ Pɛlisepulɛ yɛɛ ńnaŋɛ nɛ́ hɛ kaḿ nɛ aníri lakasɛntɛ, wóo pɛɛ nɔ́pinɛ́kɔ́ pɔ̃́ ńnaŋɛ hɛ kapí nɛ a lakasɛntɛ? Ani n nyu rɛ nɔ́pinɛ́kɔ́ cirɛ pɛɛ nɔ́ nyísɛnɛ rɛ áni alari má.
23596	MAT 12:38	Lɛ̃ mɛmáá, isé picélaa kɛcɔpɛ pinyinɛ nɛ Pifarisi pinyinɛ api Yeesu maa rɛ: Tɔ pɛɛ́ la rɛ a mɛwaisaŋa mɛnyinɛ wa tɔkɛ́ yɛ̃́.
23610	MAT 13:2	Pisoi kulúi api ukɛkúrí cápinɛpɔ uu pɛɛ lɛ̃ nnya kúninɔi loni uú tonɛ. Pisoi pɛ̃ pɔ́ɔ kupiyɛ ritimɛ tonɛ.
23623	MAT 13:15	Li we rɛ mpuri mmú pisoi akiŋ yɛ takasilɛ. Pi pimɛcirɛ atu tápisilɛ. Api inípɛɛ wúkɛsi, api yúlu rɛ piatu áa kapɛ yɛ kõ, piinipɛɛ íi kapɛ yɛ yɛ̃ pimɛsɔhɔ ámɛ kapɛ yɛ kɔ líka ceri. Lɛ̃ kɛ́mɛɛ, ápi yɛ́ pɛɛ fe pikɛ́ pimɛfinɛ consɛ. Nɛ̃́ Uléécaa, kɛ́ nɛ pi m pɔisɛ.
23625	MAT 13:17	Asei kam nní nɔ́ símisi rɛ antepuyɛ nɛ asei pite Uléécaa inipɛɛ-i yɛ kulúi welɛ pɛɛ pɛɛ́ ń la pikɛ́ lɛ̃ kani nní ń nyáni yɛ̃, amá ápi li yɛ̃. Pi pɛɛ kɔ lalɛ pikɛ́ lɛ̃ kani nní nɛ nɔ́anɛ́tu n kómɛi kõ, amá ápi li kõ.
23627	MAT 13:19	Pisoi pɛɛ yɛ Uléécaa iyɔɔpi nsímɛ́ kutu rińcɔ ápi yɛ́ nkɛmɛɛ́ kṍ yɛ we yarɛ ricéetimɛ tɛ-i kɛ ipuri ii n lólɛsi. Kuníri yɛ̀ɛ̀ kalɛ aku nsímɛ́ mmɛ̃ pikɛmɛɛ́ lesɛ.
23628	MAT 13:20	Picɔ yɛ kɔ we yarɛ kɛparɛtẽ kɛ-i kɛ ipuri ii n lólɛsi. Lipite yɛ̀ɛ̀ nsímɛ́ kutu ricɔlɛ api mɛsɛ nɛ mɛsɛ piakiŋ kɛ́mɛɛ n yɔ́su nɛ mpɔ́ɔnarɛ.
23630	MAT 13:22	Picɔ yɛ kɔ we yarɛ ipuri yɛɛ sinípɛleépi kɛpáápáá ń loó. Lipite yɛ̀ɛ̀ nsímɛ́ kutu ricɔlɛ, amá kɛtẽ kɛcáá pikɛi kɛ pisoi apí nɛ ń kparálɛ̃ nɛ mɛmá nnáápí mɛɛ yɛ n kíraasɛ yɛ̀ɛ̀ nsímɛ́ mmɛ̃ tihilalɛ ńn yɛ pɛɛ líka pi yoriyɛ.
23631	MAT 13:23	Picɔ yɛ kɔ welɛ yarɛ ipuri yɛɛ kɛfɛ́nɛtẽ kɛcáá ń loó. Lipite yɛ̀ɛ̀ nsímɛ́ mmɛ̃ kutu ricɔlɛ api nkɛmɛɛ́ kóm nn pi lɛ́ni api pɛɛ́ n we yarɛ aléé nyɛɛ yɛ apipi m mári, kunyinɛ pílɛ, kucɔ kuwóó nɛ kɛfi, kucɔ afɛɛtaani.
23635	MAT 13:27	Pikɛikɔ́ apí weri api ucarɛte uyɛ̃ maa rɛ: Ái ilukɛpuri kaa kɛpɔ́carɛ-i lukɛsii, Upíima? Kai pɛɛ íye wa kɛ mɛyúipuri kópɛ amɛ́ nɛ n lɛ?
23636	MAT 13:28	Uu pi pɛsɛ rɛ: Unɛ́láarɔ unyinɛ yɛɛ lɛ̃ wa. Pikɛikɔ́ api rɛ: Pɔ la tɔkɛ́ ha mɛ wɛhɛɛ?
23647	MAT 13:39	Uláarɔ uyɛɛ mɛyúipuri kópɛ n lukɛsi yɛɛ nní Setani. Kɛtẽ nkɛ́ mɛtɛnɛ yɛɛ nní kúkpaa. Pɛpɛɛ ń kpasinɛ pɛɛ nní piléécaatumɛ.
23651	MAT 13:43	Pɛɛ́ uyɛ-i kɛ pɛpɛɛ asei n tíkilɛ̃ pɔ́ɔ yɛ́ pɛɛ piusaa Uléécaa iyɔɔpi kɛ́mɛɛ n we pin tɛ́lu yarɛ ituŋɛ. Úye un ukómɛ uu kóm!