23218	MAT 1:5	Salimani pɔ́ɔ Poosi maru. Pi yɛ Poosi uni sée rɛ Rahapi. Poosi pɔ́ɔ Opɛti maru. Uyɛ̃ uni yɛɛ Ruuti. Opɛti pɔ́ɔ Yesee maru,
23220	MAT 1:7	Salomɔɔ pɔ́ɔ Ropowam maru, Ropowam pɔ́ɔ Apiya maru, Apiya pɔ́ɔ Asaa maru,
23256	MAT 2:18	Rama-pɔ kari nní nnɛ̃́ kómɛiri. Sicááila nɛ ikpɔtu kɛ unyinɛ uu wɔ́rii Rasɛɛli yɛɛ lɛ̃ usiwã kɛcáá téni. Úu nkpáni la pikɛ́ u kpurɛi. Nɛ kɛsɛ, ái nkpáni u tisɛ.
23419	MAT 8:5	Yeesu uu pɛɛ limɛmáá ncée kpísi uu Kapɛrinawum kuyu lompɔ. Rɔm usɔ́ɔ́ca kpéẽ unyinɛ uu ukɛkúrí nyɔsɔ́pɔ uú nɛ u téni rɛ ukɛ́ u comɛ.
23958	MAT 22:17	Tɔ la rɛ a kɛpɔ́múŋɛ́ rɔ́ símisi tɔkɛ́ yɛ̃́ tɛ ncée yɛ we rɛ tɔkɛ́ yɛ Rɔm uyɔɔpi lampoo hɛ́ɛ́lɛ nɛ́ɛ ári kapɛ yɛ hɛ́ɛlɛ?
23972	MAT 22:31	Áni lɛ̃ kɛ Uléécaa uu pikpɔkpɔ mɛyisɛ kɛcáá nɔ́ ḿ ma api Unsímɛ́ Ritɛlɛ́ kɛ́mɛɛ wɔ́lu kɛ́ɛ̃, nɛ́ɛ yo? U maa rɛ:
24200	MAT 27:2	Kei kapi pɛɛ u paasi apí nɛ Rɔm uyɔɔpi Pilati lɛɛpɔ.
24252	MAT 27:54	Kɛ Rɔm usɔ́ɔ́ca kpéẽ nɛ pisɔ́ɔ́ca picɔ pɛɛ kei ń we pin kɛsẽ́ Yeesu mɛ̃́ api n yɛ̃́ lɛ̃ kɛ kɛtẽ akɛ n yéŋesi nɛ licɔ licɔ lɛɛ n wapisi, iwamɛ ii mɛyíkíyiki ŋmaa pi loni api rɛ: Usoi nkó yɛ pɛɛ mɛsei Uléécaa Kɛpipi lɛ.
24916	MRK 15:21	Api ucéetɔŋɛ́ unyinɛ yɛɛ sicarɛ-mɛ̃ n lééri ńnaŋɛ Yeesu kunapɛ́ɛ́kɔɔ́ cɔnsɛ. Pi yɛ utisi uyɛ̃ sée rɛ Simɔɔ, Sirɛɛni kuyu ukɔ́ lo. Uyɛɛ Alɛkisantiri nɛ Rufuusi usaa.
24934	MRK 15:39	Kɛ Rɔm usɔ́ɔ́ca kpéẽ yɛɛ pɛɛ Yeesu kɛyu-i n nyɛnu uu unkpɔ mmɛ̃ n yɛ̃́ uu rɛ: Usoi nkó yɛ pɛɛ mɛsei Uléécaa Kɛpipi lɛ.
24939	MRK 15:44	Ai Pilati pírí wai kuú nɛ n kṍ tɛ Yeesu yɛ nkpɔ masí. Uu Rɔm usɔ́ɔ́ca kpéẽ séi uu u pisɛ rɛ in tɛ li náŋai kɛ Yeesu uú nɛ n kpu.
24940	MRK 15:45	Kɛ Rɔm usɔ́ɔ́ca kpéẽ uu pisímaa u ḿ masí lɛ̃ kai ń we, Pilati uu ncée hɛ rɛ pikɛ́ Yeesu kpísi pikɛ́ Yosɛfi pa.
25095	LUK 3:1	Kumúŋɛ́ kunyinɛ-i, Uléécaa uu Sakarii uŋmánɛ Yohani kucɛsi kóima-i rinɔ́ɔ maa. Rɔm uyɔɔpi píima kapi yɛ n sée rɛ Tipɛɛ yɛ pɛɛ likumúŋɛ́ kpɛ-i iyɔ́ɔpi kɛ́mɛɛ aŋmɛ̃ kɛfi nɛ anupũ piwai masilɛ. Pɔnsi Pilati yɛɛ pɛɛ Yutee kɛtẽ kɛcáá paílɛ̃, Erooti pɔ́ɔn Kalilee kɛkɔ́ kɛcáá paílɛ̃. Uumaa Filipu yɛɛ pɛɛ Itumee nɛ Tarakoni sitẽ kɛcáá paílɛ̃, Lisaniya un Apitɛɛni kɛtẽ kɛcáá paílɛ̃. Likumúŋɛ́ kpɛ-i kɛ Aani nɛ Kayifu apí pɛɛ pɛpɛɛ yɛ Uléécaa inyɔ́ɔnsɛ n wa piwɛ́ɛ́sɛ.
25121	LUK 3:27	Yota un Yowanaa kɛpipi, Yowanaa un Resa kɛpipi, Resa un Soropapɛɛli kɛpipi, Soropapɛɛli un Salatiyɛɛli kɛpipi, Salatiyɛɛli un Neri kɛpipi,
25129	LUK 3:35	Nahɔɔ un Seruki kɛpipi, Seruki un Rakau kɛpipi, Rakau un Falɛki kɛpipi, Falɛki un Epɛɛ kɛpipi, Epɛɛ un Sala kɛpipi,
25266	LUK 7:2	Rɔm usɔ́ɔ́ca kpéẽ unyinɛ yɛ pɛɛ ukɛikɔ́ unyinɛ málɛ, úu yɛ uukɛikɔ́ uyɛ̃ kɛcáá kṍ. Ukɛikɔ́ uyɛ̃ un pɔ́ɔ́lú, ticuruu un kɛkpɔ nyahai.
26006	LUK 23:2	Api kei nɛ nsímɛ́ u wááná pin tee rɛ: Tɔ usoi nkó lɛɛpɔlɛ un kurɔ́yu pikɔ́ tálisi rɛ pikɛ́ ncée kópɛ ritiki. U pi símaankɛɛ rɛ ápi kapɛ lampoo Rɔm uyɔɔpi Sesaa hɛ́ɛlɛ, un kɔ tee rɛ uyɛ̃ kɛ Uléécaa uu wɛ́ɛ, uyɔ́ɔpi.
26051	LUK 23:47	Rɔm usɔ́ɔ́ca wɛ́ɛ́sɛ uu lɛ̃ nnɛ́í lɛɛ n wapisi yɛnu, uu Uléécaa ríyu waisɛ uu rɛ: Asei kɛcáá, usoi nkó yɛ pɛɛ asei ute lɛ.
26142	JHN 1:29	Kai kóso n weesi, Yohani uu Yeesu yɛnu un ukɛkúrí wépɔ, uu rɛ: Ani ripaí, Uléécaa Risaŋpipi yɛɛ yɛ pisoi nnɛ́í akópɛ n lésɛ yɛ ntí.
26149	JHN 1:36	Yohani uu Yeesu yɛnu un tɔ́su uu rɛ: Ani ripaí, Uléécaa Risaŋpipi yɛ ntí.
26151	JHN 1:38	Yeesu uú ŋmɛɛlú uu yɛ́nu rɛ pi u tikilɛnlɛ, uu pi pisɛ rɛ: Yo kani wɛ́ɛ́si? Pɛ̃ api kɔ uyɛ̃ pisɛ rɛ: Yei kaá we, Raapi? Raapi asei nyɛɛ Ucélaa.
26155	JHN 1:42	Uu pɛɛ umáa kpísi uú nɛ Yeesu lɛɛpɔ, Yeesu uú ha u nyánɛi tíḿḿ uu rɛ: Pɔ́ɔ Yonaasi uŋmánɛ Simɔɔ. Pikɛ́ yɛ nkpéni pɔ́ sée rɛ Sefaasi. Liasei rɛ Riparɛ.
26640	JHN 11:48	Tɔn n tíyɛ un lɛ̃ n wai, pisoi nnɛ́í yɛ́ nɛ kɛfa u tɛnɛ, Rɔm pikɔ́ api pɛɛ́ weri api Uléécaa kɛyɔ foru apí nɛ kurɔ́yu pɛ́nɛ.
26906	JHN 19:12	Kaí nɛ kumúŋɛ́ kpɛ-i n kpísi, Pilati uu pɛɛ́ n wɛ́ɛ́si ukɛ́ Yeesu riyápɔ. Amá Pisuifi api sicááila loni rɛ: Pɔn u rin-yápɔ, áa pɛɛ Rɔm uyɔɔpi usanɛ! Usoi nkó yɛɛ umɛcirɛ n nyáni rɛ uyɔ́ɔpi yɛ Rɔm uyɔɔpi ulaarɔ lɛ.
26909	JHN 19:15	Amá api pɛɛ sicááila loni rɛ: A kpu! A kpu! A kunapɛ́ɛ́kɔɔ́ kɛcáá u karii! Pilati uu pi pisɛ rɛ: Kɛ́ nɔ́unɛ́yɔ́ɔpi kunapɛ́ɛ́kɔɔ́ kɛcáá karii? Pɛpɛɛ yɛ Uléécaa inyɔ́ɔnsɛ n wa piwɛ́ɛ́sɛ api u pɛsɛ rɛ: Rɔm uyɔɔpi mɛmáá, ári uyɔ́ɔpi úka ucɔ má.
26952	JHN 20:16	Kei kɛ Yeesu uu pɛɛ u sée rɛ: Maari! Uu pɛɛ ukuwɛ́ɛ́-mɛ̃ pansɛpɔ uú nɛ Mɛ́-epiree u pɛsɛ rɛ: Rapuni. Liasei rɛ Ucélaa.
27028	ACT 2:10	nɛ Firisii nɛ Pamfilii nɛ Esipiti nɛ Lipii kɛtẽ kɛɛ Sirɛɛni mɛmpɔ ń we pikɔ́. Picɔ pɔ́ɔn Rɔm kuyu-pɔ leeri,
27067	ACT 3:2	Pisoi pinyinɛ yɛ pɛɛ́ nɛ utisi unyinɛ sɔ́naapɔlɛ, api yɛ Uléécaa kɛyɔ rinɔnɔɔ-i u tonsɛ un pɛɛ kei picéetɔŋɛ́ wélei. Pi yɛ rinɔnɔɔ tɛ̃ sée rɛ Rinɔnɔɔ Sɔnɛ. Pi utisi uyɛ̃ marilɛ kɛ́kankáláká.
27075	ACT 3:10	Pisoi api céru rɛ uyɛɛ yɛ pɛɛ Uléécaa kɛyɔ-i Rinɔnɔɔ Sɔnɛ-i n tũ un wélei. Mɛwai mɛ̃ amɛ pisoi nnɛ́í nnɔ́ɔ yipu ai kɔ pírí pi wai kaí nɛ lɛ̃ u n wa nnya.
27228	ACT 7:43	Amá piléé kapi yɛ n sée rɛ Molɔki kucáŋíí nɛ nɔ́pinɛ́léé Refaa riwarɛpi kaní pɛɛ topori. Lɛ̃ kaní sɛrí nɔn nɛ pi yáási. Lɛ̃ nnya kam nɔ́ lésɛnɛ kɛ́ nɛ Papilɔɔni kɛtẽ kɛpirɛ-mɛmpɔ ha.
27329	ACT 10:1	Utisi unyinɛ yɛɛ pɛɛ Sesaree-pɔ we, api yɛ u séi rɛ Kɔrinɛɛ. U pɛɛ Rɔm usɔ́ɔ́ca kpéẽ unyinɛ lɛ. U pɛɛ pisoi pílɛ kutɔpilee uwɛ́ɛ́sɛ lɛ.
27350	ACT 10:22	Api rɛ: Rɔm usɔ́ɔ́ca kpéẽ Kɔrinɛɛ yɛɛ rɔ́ tummɛ. U usoi kɛcirɛ lɛ, un kɔ Uléécaa pakarɛlɛ̃. Pisuifi nnɛ́í yɛ ukɛcáá ńsɔnɛ símisilɛ. Uléécaatumɛ unyinɛ yɛɛ u símisi rɛ ukɛ́ pɔ́ sée aá ha ukɛyɔ-i nfasimɛ́ kaa m mámɛ u símisi.
27419	ACT 12:13	Kuu n hapɔ uu kɛ́yɔ ripoo pepu, unɔ́si kɛikɔ́ unyinɛ kapi yɛ n sée rɛ Rooti uu sĩ́ ukɛ́ ha yɛ̃ tɛ wóo lo?
27564	ACT 16:12	Ari kei yisi ari Filipu tɔ́mpɔ. Masetuwaani kɛtẽ kuyu foí yɛ kpɛ̃ kɛlõ kɛ-i. Rɔm pikɔ́ n-yɔɔpinaŋɛ kɛtẽ yɛ kɛ. Tɔ kei siyáa sinyinɛ walɛ.
27572	ACT 16:20	Apí nɛ Rɔm pikɔ́ pitúhaanɛ-i pi tɔ́mpɔ apí ha rɛ: Pisuifi mpí pɛɛ ńcɔkɔi nɛ kurɔ́yu lommɛ.
27573	ACT 16:21	Pi welɛ pin inyɛ́kii inyinɛ rɔ́ céési. Ncée ńn kɔ we rɛ tɔ̃́ Rɔm pikɔ́ tɔkɛ́ i ŋmurɛi nɛ́ɛ tɔkɛ́ i ritiki.
27587	ACT 16:35	Kai n weesi, Rɔm pikɔ́ pitúhaanɛ api pikawe tum tɛ pikɛ́ ha umɛ́rɛ́ maa rɛ ukɛ́ Pɔɔli nɛ Silasi riyápɔ.
27588	ACT 16:36	Uyɛ̃ uu yisi uú ha Pɔɔli símisi rɛ Rɔm pikɔ́ pitúhaanɛ yɛ maa rɛ ukɛ́ akpanii kɛ́mɛɛ pi lesɛ. Lɛ̃ nnya, pikɛ́ nkpéni léépɔ pikɛ́ nkíŋniŋɛ-i ń we.
27589	ACT 16:37	Kei kɛ Pɔɔli uu pikawe pɛ̃ maa rɛ: Kutúhaanɛcirɛ́ kapi riwúí kɛ́mɛɛ nɛ isɛ́í rɔ́ káii apí ha rɔ́ hánɛsi, tɔn kɔ nɛ pimɛcɔ Rɔm pikɔ́. Pi nkpéni lalɛ pikɛ́ kɔ mɛyaa tɔ́ riyápɔ, nɛ́ɛ íye? Ái yɛ́ lɛ̃ wa! Pikɛ́ piricuruu kam pikɛ́ rɔ́ lésɛpɔ.
27590	ACT 16:38	Pikawe pɛ̃ apí nɛ anɔ́ɔ nyɛ̃ pɛlɛ apí ha Rɔm pikɔ́ pitúhaanɛ símisi. Kapi n kṍ tɛ Pɔɔli nɛ Silasi yɛ Rɔm kɛtẽ pikɔ́ lɛ, iwamɛ ii pi loni.
27599	ACT 17:7	Yasɔɔ uu pi yɔ́su pin ukɛyɔ-i we! Ápi Rɔm uyɔɔpi isé waisɛlɛ̃. Pi pɔ́lɔ́lɛ̃ tɛ unyinɛ ucɔ yɛ we, api yɛ u séi rɛ Yeesu. Tɛ uyɛɛ uyɔ́ɔpi wɛ́ɛ́sɛ.
27628	ACT 18:2	Kei kuu Usuifi unyinɛ kapi yɛ n sée rɛ Akilasi nɛ risánɛ. Pɔnti kɛteni-i kapi u mari. Italii kɛtẽ kuú pɛɛ lɛ̃ leeri nɛ uunɔsi Pirisili rɛ uyɔ́ɔpi wɛ́ɛ́sɛ Kulooti yɛ rinɔ́ɔ hɛ rɛ Pisuifi nnɛ́í pikɛ́ Rɔm kɛteni-i le nnya. Pɔɔli uu yisi uu pi lɛɛpɔ.
27638	ACT 18:12	Kumúŋɛ́ kpɛ-i kɛ Rɔm ukɔ́ Kaliyɔɔ uú pɛɛ Akayii kɛteni-i iyɔ́ɔpi n tṹ kɛ Pisuifi api rinɔ́ɔ risɛ wa, api yisi api Pɔɔli kɛcáá nyɛrɛ, api u tini apí nɛ pitúhaanɛ sĩ.
27675	ACT 19:21	Lɛ̃ mɛmáá, Pɔɔli uu pɛɛ kɛmúŋɛ́ wai rɛ ukɛ́ Masetuwaani nɛ Akayii sitẽ-mɛ̃ cɔ ukɛ́ nɛ Yerusalɛm tu. Uu rɛ un kei n tu, li kɔ pisɛ rɛ ukɛ́ Rɔm kuyu rilóólú.
27733	ACT 21:1	Kɛ tɔ́ nɛ pɛ̃ ari kei lɛ̃ icée n hɔ́ɔnɛnɛ, ari kúninɔi loni arí nɛ mɛsɛ nɛ mɛsɛ Kɔɔsi n sairilɛ̃. Ai weesi, ari Rootɛsi tɔ́mpɔ ari kei yisi nɛ Patara-pɔ.
27763	ACT 21:31	Pin pɛɛ nkpéni náási pikɛ́ u kpu. Nsímɛ́ nn Rɔm pisɔ́ɔ́ca uwɛ́ɛ́sɛ kutu-i loni rɛ Yerusalɛm kuyu nnɛ́í yɛ nɔkɔrɛ.
27796	ACT 22:24	Kei kɛ Rɔm pisɔ́ɔ́ca uwɛ́ɛ́sɛ uu pɛɛ rinɔ́ɔ hɛ rɛ pikɛ́ Pɔɔli nɛ pisɔ́ɔ́ca kɛkalɛ-i lompɔ pikɛ́ isɛ́í u súúkɛɛ ukɛ́ símisi úu la. Pɛɛ́ uyɛ-i, pi yɛ́ pɛɛ céri lɛ̃ nnya kɛ pisoi api n cáái pin nɛ u téni.
27797	ACT 22:25	Amá kapi u m paasi rɛ pikɛ́ u kaii, uu usɔ́ɔ́ca kpéẽ pisɛ rɛ: Nɔ ncée má rɛ nɔkɛ́ Rɔm kɛtẽ ukɔ́ kɛ nsímɛ́ ńn kahanɛ n kpu isɛ́í súúkɛɛ?
27798	ACT 22:26	Kɛ usɔ́ɔ́ca kpéẽ uyɛ̃ uu lɛ̃ n kṍ, uu sĩ́ uú ha usɔ́ɔ́ca wɛ́ɛ́sɛ símisi rɛ: Usoi uyɛɛ Rɔm ukɔ́ lɛ, íye kaa nkpéni wainɛ?
27799	ACT 22:27	Kei kɛ usɔ́ɔ́ca wɛ́ɛ́sɛ uyɛ̃ uu pɛɛ Pɔɔli kɛkúrí hápɔ uu u pisɛ rɛ: A nɛ́ símisi kɛ́ kṍ tɛ pɔ Rɔm ukɔ́ lɛɛ. Pɔɔli uu rɛ: Ɛɛɛ!
27801	ACT 22:29	Pɛpɛɛ pɛɛ ń la pikɛ́ u n káii ukɛ́ símisi api mɛsɛ nɛ mɛsɛ ukɛkúrí yisi. Iwamɛ ii usɔ́ɔ́ca wɛ́ɛ́sɛ ricuruu loni, kuu n yɛ̃́ tɛ u tíyɛsɛ api Pɔɔli paasi api káii un kɔ nɛ Rɔm ukɔ́ nnya.
27813	ACT 23:11	Kɛsinɛ akɛ wai, Upíima uu Pɔɔli kɛkúrí nyɔsɔ́pɔ uu rɛ: A ikari wa. Lɛ̃ kaa nní Yerusalɛm nté inɛ́seérakɔɔ́ n li, li we rɛ pɔkɛ́ limɛcɔ Rɔm-pɔ i li.
27829	ACT 23:27	Pisuifi yɛ usoi nkó kam nní pɔ́ m pápɔlɛ̃ tinlɛ rɛ pikɛ́ u kpu. Kei kam pɛɛ kṍ tɛ u Rɔm kɛtẽ ukɔ́ lɛ, am pɛɛ́ nɛ pinɛ́sɔ́ɔ́ca hapɔ am u comɛ.
27872	ACT 25:8	Pɔɔli pɔ́ɔ kɛ́su uu rɛ: Ám nɛ Pisuifi isé nɛ́ɛ Uléécaa kɛyɔ nɛ́ɛ Rɔm uyɔɔpi Sesaa púnnɛ.
27880	ACT 25:16	Kei kam pɛɛ pi pɛsɛ rɛ: Rɔm pikɔ́ kɛ́mɛɛ, usoi un linyinɛ n caai, ncée ńn we rɛ pikɛ́ u kpu, pinsá kahanɛ u n túhaanɛ. Li pisɛ rɛ u nɛ upiteecɔ pikɛ́ tonɛ kɛlenɛ ukɛ́ uriyu hɛɛrɛ.
27885	ACT 25:21	Amá Pɔɔli uu yúlu uu rɛ u la rɛ Rɔm uyɔɔpi Sesaa ricuruu ukɛ́ nsímɛ́ kɛcáá ripaí. Lɛ̃ nnya kam tɛ pikɛ́ kukpaniilee-i u n yálɛ̃ kɛ́ kam kɛ́ nɛ Sesaa u papɔ.
27889	ACT 25:25	Nɛ nsímɛ́ mmɛ̃ tipérélɛ am yɛ́nu rɛ úu ncaai ńka wa kapi yɛ nɛ usoi ń kpu. Amá kɛ uricuruu uu m pisɛ rɛ pikɛ́ nɛ unsímɛ́ Rɔm uyɔɔpi kɛ́mɛɛ tu nnya kam ŋmurɛi rɛ pikɛ́ nɛ kei u ha.
27891	ACT 25:27	Ái nɛ sá rɛ kɛ́ mɛ́woo ukpaniikɔ́ nɛ Rɔm uyɔɔpi-i ha, kám pɛɛ lɛ̃ nnya kapi pitele u n wai n wɔ́i.
27923	ACT 26:32	Kei kɛ Akiripa uu pɛɛ Fɛsituusi maa rɛ: Usoi nkó unsá pɛɛ́ m pisɛ rɛ pikɛ́ nɛ Rɔm uyɔɔpi Sesaa kɛ́mɛɛ u ha, pi yɛ́ pɛɛ fe api u yápɔ.
27924	ACT 27:1	Kai n símisi aí tonɛ rɛ kúninɔi kari yɛ́ lõ arí nɛ Italii sĩ, api Pɔɔli nɛ pikpaniikɔ́ picɔ pinyinɛ kpísi api usɔ́ɔ́ca kpéẽ unyinɛ kapi yɛ n sée rɛ Yuliisi anipɛ-i wai. U Rɔm kutɔpilee kpɛ̃ kapi yɛ n sée rɛ Rɔm uyɔɔpi kutɔpilee kɛ́mɛɛ úyukɔɔ́ usɛ lɛ.
27929	ACT 27:6	Rɔm usɔ́ɔ́ca kpéẽ uyɛ̃ uu kei kúninɔi kucɔ kunyinɛ yɛnu kpɛɛ Alɛkisantiri n lééri kun Italii-mɛ̃ sĩ. Uu kpɛ-i rɔ́ tani.
27934	ACT 27:11	Amá Rɔm usɔ́ɔ́ca kpéẽ uyɛ̃ uu kúninɔi utíkíí nɛ kuute nkɔ́ nɛ kutu n cɔlɛ̃ ai tɔ́su Pɔɔli nkɔ́ kuu ḿ ma.
27954	ACT 27:31	Pɔɔli uu Rɔm usɔ́ɔ́ca kpéẽ nɛ pisɔ́ɔ́ca picɔ maa rɛ: Pisoi pɛ̃ pinsá kúninɔi kɛ́mɛɛ n tonɛ, áni nkpɔ-i mɛ́lelɛ má.
27966	ACT 27:43	Kɛ Rɔm usɔ́ɔ́ca kpéẽ uu ń la ukɛ́ Pɔɔli riyu lɔ nnya, uú nɛ pi yulu rɛ ápi kapɛ lɛ̃ wa. Uu pɛɛ rinɔ́ɔ hɛ rɛ pɛpɛɛ piwéeri n nyu pikɛ́ mɛfoí rikpuu apí nɛ rikóitimɛ tɛ́ŋ́.
27980	ACT 28:13	Ari kei yisi ari mínimaa mɛcáa kanɛi arí nɛ Rekiyo tulu. Kuyɔ aku liukóso ituŋɛ kumii-mɛ̃ pepuri, ari pɛɛ siyáa sitɛ́ ŋmanɛ kpísi arí nɛ Pusoli tulu.
27981	ACT 28:14	Ari kuyu kpɛ-i pirɔ́cɔ Yeesu pikɔ́ yɛ́nu, api rɔ́ pisɛ rɛ tɔkɛ́ kei siyáa sisɛɛi pikɛmɛɛ́ tonɛ. Kei kari pɛɛ yisi arí nɛ Rɔm tulu.
27982	ACT 28:15	Yeesu pikɔ́ pɛɛ Rɔm-i ń we yɛ pɛɛ kɛrɔ́cáá nyulɛ. Api hái Apiyusi kuyaa-i nɛ kei kapi yɛ n sée rɛ Sisánɛyɔ Sitaani-i rɔ́ tɛ́pɛi. Kɛ Pɔɔli uu pi n yɛ̃́, uu Uléécaa pakarɛ, ai kɔ ikari u kpásɛ.
27983	ACT 28:16	Kari Rɔm-i n tuipɔ, usɔ́ɔ́ca kpéẽ uu usɔ́ɔ́ca wɛ́ɛ́sɛ anipɛ-i pikpaniikɔ́ wai api Pɔɔli ncée hɛ rɛ ukɛ́ umɛcirɛ kɛlõ tonɛ nɛ usɔ́ɔ́ca yɛɛ yɛ́ u m mɛ̃́.
27984	ACT 28:17	Kapi Rɔm-i n tuipɔ siyáa sitaani mɛmáá, Pɔɔli uu Pisuifi piyukɔɔ́ pɛɛ kei ń we cápinɛ. Kapi n cápinɛpɔ, uu pi maa rɛ: Pimárɛcɔ, ám akópɛ áka ntɔ́puri mmú wa, ám kɔ pirɔ́sáa isé íka rilɔ́ɔ́, ḿpá nɛ lɛ̃, pi Yerusalɛm-pɔ nɛ́ tínlɛ api Rɔm pikɔ́ anipɛ-i wai.
27985	ACT 28:18	Rɔm pikɔ́ apí nɛ nɛ́ túhaanɛ, ápi ńka yɛ̃ kapi yɛ́ nɛ nɛ́ ń kpu. Api pɛɛ rɛ pikɛ́ nɛ́ riyápɔ.
28005	ROM 1:7	Nɔ̃́ Rɔm pikɔ́ mpí nnɛ́í kɛ Uléécaa uu nní ń la uu kɔ nɔ́ wɛ́ɛ rɛ ani pansɛ upikɔ́ kam títɛlɛ́ ntí wɔ́lu. Urɔ́sáa Uléécaa nɛ Urɔ́píima Yeesu Kirisi pikɛ́ ípɛɛlɛ́ɛ nɔ́ nyísɛ api nkíŋniŋɛ nɔ́ hɛ!
28013	ROM 1:15	Lɛ̃ nnya kai ripɔ́ɔ nɛ́ we rɛ kɛ́ kɔ nɔ́ mpí nɔ́ɔ nní Rɔm kuyu-i ń we Nsímɛ́ Kɛcirɛ riyóó.
28233	ROM 9:10	Ái nɛ kei ŋmanɛ ripá. Limɛcɔ kai kɔ Repeka piŋmánɛ kɛtɛ́ kɛ́mɛɛ́ we. Urɔ́sáayaha Isaaki yɛɛ pɛɛ pikɛtɛ́ usaa.
28234	ROM 9:11	Úu pɛɛ kahanɛ pi m mari, ápi pɛɛ kɔ kahanɛ lisɔnɛ nɛ́ɛ likópɛ n wa. Ḿpá nɛ lɛ̃, Uléécaa yɛ pɛɛ Repeka maa rɛ: Uwɛ́ɛ́sɛ yɛ́ pansɛ uwã́ ulasi yarɛ kai n wɔ́laalɛ̃ tɛ: "Yakupu ipuri kaḿ la, am Esau ikɔ́ yúlu." Uléécaa kɛmúŋɛ́ kɛkɛ́ nɛ n wa nnya kai lɛ̃ wa. Ái kɛsoipipi mɛwai kuú paílɛ̃ un nɛ wɛ́ɛ́kɛɛ, amá uricuruu kɛmúŋɛ́ kɛ́mɛɛ́ kai léeri kuu yɛ nɛ usoi wɛ́ɛ.
28417	ROM 16:13	Ani Rufuusi kɛ Upíima uu n wɛ́ɛ nɛ uuni kɛ nɛ́ɛ yɛ kɔ n sée rɛ unɛ́ni yáási.
29082	2CO 11:25	Mɛpehẽ mɛtaani kɛ Rɔm pikɔ́ apí nɛ nsɛ́í nɛ́ káii. Mɛsɛ kapi aparɛ nɛ́ tapisi rɛ kɛ́ kpu. Mɛtaani kɛ míni amɛ kurɔ́ninɔi rimí, am míni-i tonɛ kɛtúŋɛ́ nɛ kɛsinɛ nnɛ́í.
29893	2TI 1:17	Amá kuu Rɔm-i ń ka, u nɛ́ wɛ́laankɛɛlɛ mɛyíkíyiki uú ha nɛ nɛ́ yɛ́nu.
30270	HEB 11:31	Nfatɛnɛ mɛɛ tíyɛsɛ kɛ unɔ́si wásánkaí Rahapi uu ńsɔnɛ pɛpɛɛ pimúŋaa n hápɔ yɔsí. Lɛ̃ nnya kápi u nɛ pɛpɛɛ ápi Uléécaa m pakarɛlɛ̃ ripɛ́nɛ pikɛ́ kṍ.
30385	JAS 2:25	Uléécaa yɛ limɛcɔ unɔ́si wásánkaí Rahapi pansɛsɛlɛ asei ute uliwaiwai nnya. U pɛɛ Isirayɛɛli pikɔ́ pitumɛ yɔsilɛ, uu wai uu pi lɛ́ni api nwahacee tiki apí nɛ tɔ́mpɔ. Mɛwai mɛ̃ kɛ́mɛɛ kɛ Uléécaa uu yɛ̃́ tɛ u asei ute lɛ.
30853	REV 5:6	Am kɔ riyɔ́ɔpitũ tɛ̃ kɛcɔpɛ nɛ lifáakɔ́ lina lɛ̃ kɛcɔpɛ nɛ piwɛ́ɛ́sɛ pɛ̃ kɛcɔpɛ Risáŋpipi yɛnu tin nyɛnu yarɛ pi nɛ ri nyɔ́ɔnsɛlɛ. Akólɛ asɛɛi nɛ inípɛɛ isɛɛi karí pɛɛ má. Lɛlɛɛ Uléécaa ifaa isɛɛi iyɛ̃ kuu kɛtẽ nnɛ́í kɛcáá ń túmɛi.
30855	REV 5:8	Kuu rítɛlɛ́ tɛ̃ piyɔ́ɔ́ ḿ masí, lifáakɔ́ lina lɛ̃ nɛ piwɛ́ɛ́sɛ afɛɛrɛ́ nɛ pina pɛ̃ api sĩ́ apí ha Risáŋpipi kɛyu-i wúla, ḿpá úye un kɛkéŋé nɛ sinúḿpi kapí nɛ wura n wa nɛ tulaali mɛyipɛ múílɛ̃. Uléécaa pikɔ́ kɛyomɛ kapi n yáási yɛ kɛ̃.
30860	REV 5:13	Am pɛɛ lɛ̃ nnɛ́í kɛ Uléécaa uu n wa lin kɛyómɛcaa-pɔ nɛ kɛtẽ kɛcáá nɛ kɛtẽ mɛtene nɛ mínimaa kɛ́mɛɛ́ we kom lin tee rɛ: Uyɛɛ riyɔ́ɔpitũ kɛcáá ń tṹ nɛ Risáŋpipi pɛɛ akɛ́hɛ nɛ ipakarɛ nɛ ríyu nɛ n-yɔ́ɔpinaŋɛ te ḿpá píyei-pɔ!
30862	REV 6:1	Aḿ paí, am yɛ́nu kɛ Risáŋpipi ari atɔ́pi asɛɛi nyɛ̃ kɛ́mɛɛ risɛ n wúkulɛ, am pɛɛ lifáakɔ́ lina lɛ̃ lisɛ kom, lin mɛtẽ nɛ símisi yarɛ ikónɛ pisɛnkɛɛ rɛ: A kam.
30864	REV 6:3	Kɛ Risáŋpipi ari ritɔ́pi lírũ n wúkulɛ, am lifáakɔ́ lírũ kom ai sɛmni rɛ: A kam!
30877	REV 6:16	Api yɛ pɛɛ ayɔ́pɛ nɛ aparɛcaŋaa maa rɛ: Ani kɛrɔ́cáá lóimɛ ani rɔ́ yárii tɔkɛ́ uyɛɛ riyɔ́ɔpitũ kɛcáá ń tṹ nɛ Risáŋpipi kuwɔi nɛ kɛtaa wa.
30883	REV 7:5	Yuta kumarɛ kɛ́mɛɛ, pisoi ákotokú kɛfi nɛ atɛ́ (12.000). Rupɛni kumarɛ kɛ́mɛɛ, pisoi ákotokú kɛfi nɛ atɛ́ (12.000). Kaati kumarɛ kɛ́mɛɛ, pisoi ákotokú kɛfi nɛ atɛ́ (12.000).
30887	REV 7:9	Lɛ̃ mɛmáá aḿ paí, am tisoiwuí píima rinyinɛ yɛnu, tipisoi ápi kúkɛɛntɛnɛ we. Ḿpá nsoipuri ń-ye nɛ ḿpá kumárɛ kúye nɛ ḿpá ayu áye nɛ ḿpá mɛyu mɛ́ye pikɔ́ yɛ pi. Tiyɔ́ɔpitũ nɛ Risáŋpipi kɛyu-i kapí pɛɛ nyɛnu pin sitúkanka caacaa tomɛ́ tántilɛ̃ pin atɛnɛpai mulɛilɛ̃.
30888	REV 7:10	Pi pɛɛ cááilɛ lin cálɛ̃ tɛ: Urɔ́léécaa yɛɛ riyɔ́ɔpitũ kɛcáá ń tṹ nɛ Risáŋpipi pɛɛ tirɔ́yu lɔ.
30895	REV 7:17	Li we rɛ Risáŋpipi tɛɛ riyɔ́ɔpitũ kɛcɔpɛ ń we yɛ́ nɛ pilúkɛi pi ha ari pi kpísi arí nɛ míni mɛɛ yɛ nfáa n hɛ ihɔi kɛ́mɛɛ pi sĩ, Uléécaa uu pɛɛ pimɛnini nnɛ́í tínnɛ.
30896	REV 8:1	Kɛ Risáŋpipi ari ritɔ́pi sɛ́ɛ́i-sɛ́ɛ́i tɛ̃ n wúkulɛ, ai kɛyómɛcaa-pɔ sɛ́ɛ́ lɛ́kɛ́-lɛ́kɛ́ yarɛ ituŋɛ nwɔi mɛkɔ́ɔ́nú wɛlɛ́ kumúŋɛ́.
30985	REV 13:8	Kɛtẽ nnɛ́í pisoi pɛ̃ anyiri nyɛɛ áa hái kɛtẽ kɛkoraanɛ-mɛ Risáŋpipi kapí nɛ n nyɔ́ɔnsɛ nfaa ritɛlɛ́ kɛ́mɛɛ n wɔ́laalɛ̃ yɛ́ i yáási api wúla.
30999	REV 14:4	Pisoi pinyinɛ yɛ pi pɛɛ ápi pinɔ́siwɛ́laa nɛ pimɛcirɛ mɛ́kpɛrinkpɛ m pɔ́riinkɛɛ. Ápi pinɔ́si nyu. Tisáŋpipi kapi yɛ n tikilɛ̃ ḿpá yei kari sĩ́. Li pisoi kɛcɔpɛ piayu lɔlɛ rɛ pikɛ́ n we yarɛ mɛlukɛpipi foí kapi yɛ Uléécaa nɛ Risáŋpipi n laansɛ mɛcɔ.
31005	REV 14:10	pi yɛ́ kɔ uyɛ̃ Uléécaa kuwɔi pita pɛɛ ápi líka n cɔ́hɔnɛlɛ̃ kɛpóripi-i u súúnu uu níru aí ha pɛɛ nna kɛ́mɛɛ nɛ linyinɛ yarɛ nfúrɔ̃ toi kɛ́mɛɛ piléécaatumɛ pɛɛ n cáká-cákálɛ̃ nɛ Risáŋpipi kɛyu-i u n wukɛi.
31018	REV 15:3	Uléécaa ukɛikɔ́ Moisi kɛyomɛ kuú nɛ Uléécaa ríyu n waisɛ nɛ Risáŋpipi kɛyomɛ kapí pɛɛ yóm tɛ: Upíima Uléécaa, ńnaŋɛ nnɛ́í ute, Lɛ̃ nnɛ́í kaa n wa yɛ piyɛlɛ, ái kɔ kusímɛ́ we. Isoipuri nnɛ́í uyɔɔpi, Kɛpɔ́múŋɛ́ yɛ kɛcírɛ welɛ Kɛn kɔ nsímɛ́sei tikilɛ̃!
31058	REV 17:14	Pi yɛ́ Risáŋpipi atɔpi wa, Tisáŋpipi ari pi feriyɛ rɛ ti pipíima Upiima lɛ, tin kɔ piyɔ́ɔpi Uyɔɔpi nnya. Tisáŋpipi nɛ tipikɔ́ kɛ Uléécaa uu n sée uu kɔ pi wɛ́ɛ pin nɛ asei ri tikilɛ̃ pɔ̃́ nɛ́ kɔ pi feriyɛ.
31095	REV 19:9	Uléécaatumɛ uu pɛɛ nɛ́ maa rɛ: A wɔi rɛ pɛ̃ kapi Risáŋpipi pinɔsikpikɛ́ anyã́ n sée yɛ pínarɛkomɛ lɛ! Uu pɛɛ kɔ lɛ̃ mɛmáá nɛ́ maa rɛ: Uléécaa ricuruu anɔɔ yɛ nyɛ!
31131	REV 21:9	Lɛ̃ mɛmáá, piléécaatumɛ pisɛɛi pɛpɛɛ pɛɛ sipóripi sisɛɛi m múílɛ̃ usɛ uú weri uu nɛ́ maa rɛ: A kam kɛ́ unɔ́si falɛ pɔ́ nyísɛ, uyɛɛ Risáŋpipi unɔsi.
31144	REV 21:22	Ám kei kunyɔ́ɔnsɛcáŋíí yɛ̃́. Upíima, Uléécaa, ńnaŋɛ nnɛ́í ute ricuruu nɛ Risáŋpipi pɛɛ kuyu kpɛ̃ kunyɔ́ɔnsɛcáŋíí.