23214	MAT 1:1	Yeesu Kirisi yɛ Tafiti kɛyasɛ lɛ, Tafiti pɔ́ɔn kɔ Apiraham kɛyasɛ. Upikpurɛ anyiri yɛ nnyɛ́:
23216	MAT 1:3	Yuta pɔ́ɔ Perɛsi nɛ Sera maru. Piuni yɛɛ Tamaa. Perɛsi pɔ́ɔ Hɛsirɔɔ maru, Hɛsirɔɔ pɔ́ɔ Aram maru,
23219	MAT 1:6	Yesee pɔ́ɔ uyɔ́ɔpi Tafiti maru, Tafiti pɔ́ɔ Salomɔɔ maru. Salomɔɔ uni yɛ mɛkɛɛ-mɛ Urii sɔ́ɔnlɛnlɛ.
23230	MAT 1:17	Lɛ̃ nnya, kaí nɛ Apiraham-i n kpísi aí nɛ Tafiti-i pá, li walɛ ncɔpuri anai kɛfi nɛ ana. Kai Tafiti-i n kpísi aí nɛ kumúŋɛ́ kpɛ-i kapi Isirayɛɛli pikɔ́ n cɔ́pii apí nɛ Papilɔɔni kuyu sĩ pá, li walɛ ncɔpuri anai kɛfi nɛ ana. Kai kɔ kei n kpísi aí nɛ Kirisi imarɛtuŋɛ pá, li walɛ ncɔpuri anai kɛfi nɛ ana acɔ.
23233	MAT 1:20	Kuu ń we un likɛcáá músu, Upíima uleecaatumɛ unyinɛ uu kɛlárɛ́-i u kpáfúmɛ uu u maa rɛ: Tafiti kɛpirɛ̃ Yosɛfi, Maari pikpíkɛ́ ápi kapɛ pɔ́ n cɔ́ŋlɛ̃. Nfáasɔnɛ mɛɛ tíyɛsɛ kuu fapisi.
23278	MAT 3:17	Tinɔ́ɔ rinyinɛ ari pɛɛ kɛyómɛcaa-pɔ leeri rɛ: Nkó yɛɛ Kɛnɛ́pipi lala kɛcirɛ, ám yɛ ukɛcáá kṍ.
23398	MAT 7:13	Yeesu uu kɔ pimáa pi kpá rɛ: Ani nɛ rinɔnɔɔ tɛɛ m mɔ́kú-mɔ́kúlɛ̃ lompɔ. Tinɔnɔɔ pɛ́rɛ́-pɛ́rɛ́ nɛ ncée mɛɛ n laanu pelele yɛ nkpɔ-mɛ̃ simpɔlɛ. Pisoi kulúi pɛɛ yɛ nɛ kei lompɔ.
23431	MAT 8:17	Lɛ̃ kɛ antepu Esayi uú pɛɛ ḿ ma kɛ mɛwai mɛ̃ amɛ ritiki rɛ: Tirɔ́nárɛi kuú yɔsí uu irɔ́tói kpísi uu cɔni.
23475	MAT 9:27	Kɛ Yeesu uu kei n yisi un tɔ́su, pinyíyɛ pitɛ́ pinyinɛ api u n tikilɛ̃ pin cáái rɛ: A irɔ́wɛ yɛ̃, Tafiti Kɛpipi.
23489	MAT 10:3	nɛ Filipu nɛ Patelemii nɛ Tomaa nɛ ulampooyɔɔ́ Matiyee nɛ Alifee uŋmánɛ Yakupu nɛ Tatee,
23516	MAT 10:30	Ticuruu Uléécaa yɛ nɔ́rinɛ́yu kɛcáá nnyúpi kɛɛnlɛ un n-nnɛ́í nyu.
23545	MAT 11:17	Tɔ asũ nɔ́ símisilɛ rɛ ani yesi, ani yúlu, ari sikpɔyomɛ yom, áni tẽ́.
23549	MAT 11:21	Nɔ̃́ Korasin pikɔ́, íwɛ kani topori. Nɔ̃́ Petisayita pikɔ́, íwɛ kani topori! Likumúŋɛ́ rɛ mɛwaisaŋa kapi nɔ́kɛnɛ́mɛɛ n wapisi mɛn pɛɛ Tiiri nɛ Sitɔɔ kɛ́mɛɛ n wa, ai nní ń we pin piakópɛ kɛpirɛ ritɔ api áfɔrɔnti tani api pimɛcirɛ nfúrɔ̃ kɔikɛɛ likɛ́ nyísɛ rɛ pi consɛ.
23550	MAT 11:22	Lɛ̃ nnya kam nɔ́ símisi rɛ Tiiri nɛ Sitɔɔ pikɔ́ iwɛ yɛ́ ha kɛtúhaanɛyaa kɛ̃ nɛ nɔ́inɛ́kɔ́ kutɔsi wa.
23561	MAT 12:3	Kei kɛ Yeesu uu pɛɛ pi pɛsɛ rɛ: Lɛ̃ nnya, áni lɛ̃ kɛ Tafiti uu kumúŋɛ́ kpɛ-i kɛ nkṹ nn u nɛ upikɔ́ n wa kɛɛnlɛ̃, nɛ́ɛ yo?
23581	MAT 12:23	Ai pisoi pɛɛ n cápinɛlɛ̃ nnɔ́ɔ yipu, pinnɛ́í api yɛ pɛɛ rɛ: Nɛ́ntɛ utisi nkó yɛ Tafiti Kɛpipi lɛ?
23596	MAT 12:38	Lɛ̃ mɛmáá, isé picélaa kɛcɔpɛ pinyinɛ nɛ Pifarisi pinyinɛ api Yeesu maa rɛ: Tɔ pɛɛ́ la rɛ a mɛwaisaŋa mɛnyinɛ wa tɔkɛ́ yɛ̃́.
23723	MAT 15:21	Yeesu uu limɛmáá kei yisi uu Tiiri nɛ Sitɔɔ sitẽ-mɛ̃ tɔ́mpɔ.
23724	MAT 15:22	Kanaa kɛtẽ unɔsi unyinɛ yɛɛ kei n hápɔ uu yisi uu Yeesu lɛɛpɔ, uu pupɛi rɛ: Upíima, Tafiti Kɛpipi, a inɛ́wɛ yɛ̃. Kuníri yɛ unɛ́kpére lémaapɔlɛnlɛ ái nyaḿ!
23759	MAT 16:18	Lɛ̃ nnya, kɛ́ mmú pɔ́ símisi rɛ pɔ́ɔ Piyɛɛ, liasei rɛ riparɛ. Tiparɛ tɛ̃ kɛcáá kam pinɛ́kɔ́ cápinɛnɛ, nkpɔ ŋmaa ricuruu ńn yɛ́ ńnaŋɛ ńka pikɛcáá m má.
23774	MAT 17:5	Un kei lɛ̃ símisi, kuhopɛ pei-pei kunyinɛ akú weri aku pi hila. Tinɔ́ɔ rinyinɛ ari kuhopɛ kpɛ-i léeri rɛ: Nkó yɛɛ Kɛnɛ́pipi lala kɛɛ nnɛ́pɔ́ɔnarɛ nnɛ́í ń te. Ani kutu kɛ ricɔ!
23828	MAT 18:32	Ukɛisaa uu pɛɛ tum api ukɛikɔ́ uyɛ̃ u séipɔ uu u maa rɛ: Pɔ́ ukɛikɔ́ kpááree nkó! Tipɔ́wómɛ nnɛ́í kaḿ pɛɛ pɔ́ hɛ rɛ pɔ rikɛcáá ísuúlu nɛ́ we nnya.
23891	MAT 20:30	Kei kɛ pinyíyɛ pitɛ́ pinyinɛ pɛɛ ricéetimɛ n tṹ api kṍ tɛ Yeesu yɛɛ tɔ́su. Api pɛɛ sicááila kápáá rɛ: Upíima, Tafiti Kɛpipi, a irɔ́wɛ ripaí!
23892	MAT 20:31	Pisoi pɛɛ n cápinɛlɛ̃ api pi cɛ́si rɛ pikɛ́ risɛ́ɛ́, amá api pɛɛ mɛyã́ n cáái ŋmaa nɛ ńnaŋɛ rɛ: Upíima, Tafiti Kɛpipi, a irɔ́wɛ ripaí!
23904	MAT 21:9	Pisoi pɛɛ ukɛyu n sɔ́nɛ nɛ pɛpɛɛ ukɛpirɛ n tíkilɛ̃ api pɛɛ́ n cáái rɛ: Tafiti Kɛpipi, ani uyɛɛ n sɔ́nti nɛ Upíima rinyiri ritaásɛ! Osanna, ani urinyiri kɛyómɛcaa-pɔ ritaásɛ!
23910	MAT 21:15	Amá kɛ pɛpɛɛ yɛ Uléécaa inyɔ́ɔnsɛ n wa nɛ isé picélaa api mɛwai píima kɛ Yeesu uu n wapisi n yɛ̃́ nɛ siwã́ sɛɛ Uléécaa kɛyɔ kɛ́mɛɛ n cáái rɛ: Osanna, Tafiti Kɛpipi, ai pi tóósi.
23920	MAT 21:25	Nɛ la kɛ́ nɔ́ pisɛ rɛ wóo Yohani tummɛ rɛ ukɛ́ pisoi míni wolɛ? Uléécaa nɛ́ɛ pisoi pɛɛ u tummɛ? Api pɛɛ símaanɛ rɛ: Tɔn nkpéni m maa rɛ Uléécaa yɛɛ u tummɛ, u yɛ́ rɔ́ pisɛ rɛ: Kai pɛɛ íye wa káni nɛ Yohani nsímɛ́ ŋmurɛi?
23921	MAT 21:26	Tɔn kɔ m maa rɛ pisoi pɛɛ u tummɛ, ái yɛ́ wa. Tɔ pɛɛ risoiwuí wurulɛ. Li we rɛ pisoi nnɛ́í yɛ Yohani nyánilɛ rɛ antepu lo.
23937	MAT 21:42	Kei kɛ Yeesu uu pi pisɛ rɛ: Áni nsímɛ́ mmú píkai Uléécaa Nsímɛ́ ritɛlɛ́ kɛ́mɛɛ kɛ́ɛ́nlɛ̃ tɛ: Tiparɛ kɛ pimɔ́mɛ api n fóm tɛɛ pansɛ ricírɛ-cirɛ tɛɛ kɛnui-i ń wee? Upíima yɛɛ lɛ̃ wa. Mɛwaisaŋa kuu rɔ́ n yɛ́nɛisɛ yɛ mɛ̃!
23958	MAT 22:17	Tɔ la rɛ a kɛpɔ́múŋɛ́ rɔ́ símisi tɔkɛ́ yɛ̃́ tɛ ncée yɛ we rɛ tɔkɛ́ yɛ Rɔm uyɔɔpi lampoo hɛ́ɛ́lɛ nɛ́ɛ ári kapɛ yɛ hɛ́ɛlɛ?
23966	MAT 22:25	Too! Amá piŋmánɛ pinyinɛ pɛɛ pɛɛ kɛrɔ́cɔpɛ nté we. Pi pimárɛcɔ pisɛɛi lɛ. Umáa uu unɔ́si kpísi, uu kpi úu kɛwã́ yɛ̃. Uwã́ uu pɛɛ umáa ukúmannɔsi kpísi.
23969	MAT 22:28	Tɔ la tɔkɛ́ nkpéni pɔ́ pisɛ rɛ kɛ pimárɛcɔ pisɛɛi pɛ̃ api nní pinnɛ́í unɔ́si uyɛ̃ n kpísi, pi uye unɔsi yɛ ha lo, kɛyáa kɛ̃ kɛ pikpɔkpɔ apí ha nkpɔ kɛ́mɛɛ n yisinɛ?
23983	MAT 22:42	Íye kani uyɛ̃ kɛ Uléécaa uu n wɛ́ɛ kɛcáá músu? Úye kɛpipi yɛ kɛ? Api u pɛsɛ rɛ Tafiti Kɛpipi yɛ kɛ.
23984	MAT 22:43	Yeesu uu pɛɛ pi maa rɛ: In lɛ̃, íye kai wa kɛ Nfáasɔnɛ nn Tafiti mɛtɛ́í hɛ uú nɛ u séi rɛ Upíima? Tafiti yɛ pɛɛ́ maa rɛ:
23986	MAT 22:45	In tɛ Tafiti yɛ mɛsei u sée rɛ Upíima, íye kɛ uyɛ̃ cirɛ uu yɛ́ kɔ pɛɛ Tafiti Kɛpipi?
24017	MAT 23:30	ani pɛɛ rɛ: Tɔn pɛɛ pirɔ́kpurɛ isoi kumúŋɛ́ kpɛ-i n we, ári yɛ́ pɛɛ ŋmurɛi tɔkɛ́ pi rikpá tɔkɛ́ nɛ antepuyɛ kṍ.
24041	MAT 24:15	Yeesu uu kɔ pimáa pi kpá rɛ: Antepu Taniyɛɛli yɛ pɛɛ́ maa rɛ kumúŋɛ́ kunyinɛ yɛ́ kam ani ncaai píima mɛɛ yɛ n cɔ́kɔi yɛnu nn kɛlõ sɔnɛ riyíkí-i tṹ. Úye un nsímɛ́ mmɛ̃ n kɛɛ̃, ukɛ́ musí ukɛ́ liasei kõ.
24146	MAT 26:23	Kei kuu pɛɛ pi pɛsɛ rɛ: Tɔ́ nɛ uyɛ̃ tɔ́ɔ nní ricáripi risɛ-i n le yɛɛ sɔ́nti ukɛ́ pinɛ́láarɔ anipɛ-i nɛ́ wa.
24161	MAT 26:38	Kei kuu pɛɛ pi maa rɛ: Tinɛ́pɔ́ɔ yɛ caailɛnlɛ hái lin nɛ nkpɔ mɛnyínɛ we. Ani nté n tũ, áni kapɛ lɔpilɛ, tɔkɛ́ kɛsẽ́ n nyáni.
24223	MAT 27:25	Pisoi pɛɛ n cápinɛlɛ̃ nnɛ́í api u pɛsɛ rɛ: Ɛɛɛ! Tɔ́ nɛ sirɔ́wã́ tɔkɛ́ unkpɔ ncɔni n te!
24227	MAT 27:29	Api pɛɛ sinípɛleépi rikɔŋ parii api u kipisɛ, api kɔ kɛnaapi kunípɛ lukɛ-lukɛ-mɛ̃ u múísɛ. Api pɛɛ ukɛyu-i wúla api sɛ́nnyi api rɛ: Tɔ pɔ́ yáasi, Pisuifi uyɔɔpi!
24277	MAT 28:13	api kɔ pi tálaankɛɛ rɛ pikɛ́ maa rɛ: Tɔ kɛsinɛ lɔpilɛlɛ, upipirɛtiki apí weri api u yáái apí nɛ tɔ́mpɔ.
24322	MRK 1:38	Amá Yeesu uu pi maa rɛ: Tɔkɛ́ kɛlõ féé ha, ayu acɔ-i, li pisɛ rɛ kɛ́ kɔ kei Nléécaasimɛ́ símisi, likumúŋɛ́ rɛ lɛlɛɛ nɛ nɛ́ ka.
24354	MRK 2:25	Yeesu uu rinɔ́ɔ pi yɔ́su rɛ: Áni lɛ̃ kɛ Tafiti uu n wa kɛyáa kɛ̃ kɛ nkṹ nn u nɛ upikɔ́ m pɛkɛsi píkai kɛ́ɛ́nlɛɛ?
24355	MRK 2:26	U Uléécaa kɛyɔ lonlɛ, uu akpɔ́nɔ́ kapi Uléécaa n yekei takai. Apiyataa yɛɛ yɛ kumúŋɛ́ kpɛ-i Uléécaa usina. Irɔ́sé kɛ́mɛɛ, pɛpɛɛ yɛ Uléécaa inyɔ́ɔnsɛ n wa ŋmanɛ pɛɛ ncée má rɛ pikɛ́ akpɔ́nɔ́ nyɛ̃ takai. Ḿpá nɛ lɛ̃, Tafiti nɛ upikɔ́ yɛ a takailɛ.
24365	MRK 3:8	Yutee nɛ Yerusalɛm nɛ Itumee nɛ Yuritɛɛ mɛtɛ́ŋ́ nɛ Tiiri nɛ Sitɔɔ sitẽ pikɔ́ mɛyã pɛɛ pɛɛ kɔ ukɛmɛɛ sɔ́naapɔ. Uliwaiwai kapi n kṍ yɛɛ nɛ pi sɔ́naapɔ.
24374	MRK 3:17	nɛ Sepetee sipipi Yakupu nɛ uuwã Yohani kɛ Yeesu uu rinyíri n hɛ rɛ Pɔwanɛrɛkɛsɛ. Tinyíri tɛ̃ asei rɛ ikónɛ pisɛnkɛɛ.
24375	MRK 3:18	Nɛ Antiree nɛ Filipu nɛ Patelemii nɛ Matiyee nɛ Tomaa, nɛ Alifee kɛpipi Yakupu, nɛ Tatee nɛ Simɔɔ yɛɛ pɛɛ ukuyu pimúlɛ́ kɛcáá n tɔpu,
24416	MRK 4:24	Yeesu uu pimáa pi kpá rɛ: Ani nɔ́mɛnɛ́círɛ tĩ nɛ lɛ̃ nnɛ́í kani n kómɛi. Kulũ kpɛ̃ kani yɛ nɛ ḿ musí kɛ Uléécaa uú nɛ nɔ́ músunɛ. Ticuruu u yɛ́ kusá nɔ́ rikpá.
24421	MRK 4:29	Tin m pi, usoi uu ritɛ́hɛ múlú. Kúkpaa kpɛɛ lɛ̃ tu.
24427	MRK 4:35	Kɛyáa kɛ̃ cirɛ nnyɔ́ɔ́, Yeesu uu upipirɛtiki maa rɛ: Tɔkɛ́ míni kuwɛ́lɛ́ kucɔ-mɛ̃ ha.
24474	MRK 5:41	Uu kɛwã́ kunipɛ tini uu kɛ maa rɛ: Talita kum, li asei rɛ kɛkpérepi, a yisi, nɛ́ɛ rinɔ́ɔ pɔ́ hɛ.
24507	MRK 6:31	Pisoi pɛɛ Yeesu-i n sɔ́naapɔ nɛ pɛpɛɛ ukɛmɛɛ n léeri yɛ kulúi tɔsilɛ. U nɛ upipirɛtiki ápi yɛ pɛɛ nkpáni kɛ́yu yɛ̃ pikɛ́ ilukɛ li. Lɛ̃ nnya kɛ Yeesu uu pipirɛtiki maa rɛ: Tɔkɛ́ iyaa le, kei kɛ pisoi ápi ń we aní ha nkáripi wéntɛ.
24513	MRK 6:37	Yeesu uu rinɔ́ɔ pi yɔ́su rɛ: Ani nɔ́rinɛ́cúruu lilukɛ-lukɛ pi hɛ. Api u pisɛ rɛ: Tɔ nkpéni sínlɛ tɔkɛ́ nwóóweni mɛpipi pílɛ pílɛ mɛtɛ́ nɛ akpɔ́nɔ́ lɔ ari pi pa pikɛ́ li nɛ́ɛ?
24524	MRK 6:48	Uu yɛ́nu rɛ kúninɔi pitíkíí yɛ íwɛ pi wailɛ, likumúŋɛ́ rɛ mɛ̃ kapi n sĩ́ kɛ kuyɔ píima kunyinɛ aku pépuri. Tiweeki kumúŋɛ́, uu pikuwɛ́lɛ́-mɛ̃ n sɔ́nɛpɔ míni kɛcáá, un la ukɛ́ pi rifaau.
24542	MRK 7:10	Ticuruu *Moisi yɛ mɛkɛɛ-mɛ maa rɛ: A upɔ́sáa nɛ upɔ́ni ríyu waisɛ. Uu kɔ rɛ úye un usáa nɛ́ɛ úni anɔ́ɔ n wa, li pisɛ rɛ pikɛ́ liute kpu.
24556	MRK 7:24	Kɛ Yeesu uu kei n yisi, uu Tiiri kuyu kuwɛ́lɛ́-mɛ̃ sĩ. Uu kɛ́yɔ kɛnyinɛ-i tonɛ. Úu la unyinɛ ukɛ́ u yɛ̃. Amá ḿpá nɛ lɛ̃, úu fe ukɛ́ umɛcirɛ pesí.
24561	MRK 7:29	Yeesu uu pɛɛ u maa rɛ: Tipɔ́nɔ́ɔ ntí nnya, a n ŋme, kuníri yɛ upɔ́kpére kɛ́mɛɛ léepɔlɛ.
24563	MRK 7:31	Yeesu uu limɛmáá Tiiri kɛtẽ yisi uu Sitɔɔ kuyu cɔpu, uu kuwɛ́lɛ́ kpɛ̃ kapi yɛ n sée rɛ Ayu Kɛfi kɛtẽ-mɛ̃ walá uu Kalilee kupiyɛ-mɛ̃ pɛlɛ.
24579	MRK 8:10	U nɛ upipirɛtiki api mɛsɛ nɛ mɛsɛ kúninɔi loni api Talimanuta kɛtẽ sĩ.
24612	MRK 9:5	Piyɛɛ uu pɛɛ Yeesu maa rɛ: Sáa, li nyamlɛ rɛ tɔkɛ́ pɛɛ nté n we. Tɔ la rɛ tɔkɛ́ sicáŋíípi sitaani karii, pɔ̃́ kɛsɛ, Moisi kɛsɛ, Elii kɛsɛ.
24614	MRK 9:7	Kuhopɛ kunyinɛ akú weri aku pi hila. Tinɔ́ɔ rinyinɛ ari kuhopɛ kpɛ-i léeri rɛ: Nkó yɛɛ Kɛnɛ́pipi lala, ani kutu kɛ ricɔ.
24696	MRK 10:39	Api rinɔ́ɔ yɔ́su rɛ: Tɔ́ li fe. Yeesu uu rinɔ́ɔ pi pɛsɛ rɛ: Mɛsei yɛ mɛ rɛ nɔ́ ntóósi kɛporipi kam n nírunɛ n ntí, tɛ íwɛ kam n takainɛ kani takainɛ.
24703	MRK 10:46	Api Yeriko tuipɔ. Kumúŋɛ́ kpɛ-i kɛ Yeesu nɛ upipirɛtiki nɛ risoiwuí api kuyu ń lelu, unyíyɛ unyinɛ yɛɛ n wélei kapi yɛ n sée rɛ Patimee, Timee uŋmánɛ un ticéetimɛ tũ.
24704	MRK 10:47	Uu kóm tɛ Nasarɛti ukɔ́ Yeesu yɛɛ tɔ́su, uu sicááila kápáá rɛ: Tafiti kɛpipi, Yeesu, a inɛ́wɛ ripaí!
24705	MRK 10:48	Mɛyã́ amɛ nɛ u cɛ́si rɛ ukɛ́ risɛ́ɛ́, amá uu mɛyã́ cásɛ rɛ: Tafiti kɛpipi, a inɛ́wɛ ripaí!
24719	MRK 11:10	Uléécaa ukɛ́ rinɔ́ɔ sɔnɛ uyɛɛ n sɔ́nti ukɛ́ urɔ́sáa Tafiti mɛcɔ iyɔ́ɔpi ń tonɛ ritikisɛ, Osanna! Ani urinyiri kɛyómɛcaa-pɔ ritaásɛ.
24740	MRK 11:31	Api pɛɛ pimɛcɔpɛcirɛ n kɛŋɛnɛ rɛ: Tɔn m maa rɛ: Uléécaa, u yɛ́ maa rɛ: Kai pɛɛ íye wa káni nɛ Yohani nsímɛ́ ŋmurɛi?
24741	MRK 11:32	Tɔn m maa rɛ: Pisoi, ái yɛ́ wa. Pi pɛɛ kuyu pikɔ́ wurulɛ, likumúŋɛ́ rɛ pinnɛ́í yɛ pɛɛ Yohani kpíilɛnlɛ yarɛ antepu kɛcirɛ.
24752	MRK 12:10	Áni Uléécaa Nsímɛ́ ritɛlɛ́ kɛ́mɛɛ kɛ́ɛ́nlɛ̃ tɛ: Tiparɛ kɛ pimɔ́mɛ api n fóm tɛɛ pansɛ ticírɛ-cirɛ tɛɛ kɛnui-i ń wee?
24777	MRK 12:35	Yeesu yɛ Uléécaa kɛyɔ-i céésilɛ uu pi pisɛ rɛ: Íye kɛ isé picélaa api yɛ́ fe apí maa rɛ uyɛ̃ kɛ Uléécaa uu n wɛ́ɛ yɛ Tafiti kɛpipi lɛ.
24778	MRK 12:36	Nfáasɔnɛ yɛ Tafiti ricuruu maasɛ rɛ: Upíima yɛ Unɛ́píima maa rɛ: A kunɛ́lukɛ-lukɛ-mɛ̃ kɛ́yukɔɔ́tonɛ-i tonɛ, hái nɛ kumúŋɛ́ kpɛ-i kam yɛ́ pipɔ́láarɔ kɛpɔ́nyálɛ-i n cɔ.
24779	MRK 12:37	Tafiti ricuruu yɛɛ u sée rɛ "Upíima". Íye kuu yɛ́ pɛɛ́ nɛ Tafiti kɛpipi? Pisoi kulúi yɛ pɛɛ kutu u cɔlɛnlɛ lin pi láárú.
24799	MRK 13:13	Tinɛ́nyíri nnya, ḿpá úye yɛ nɔ́inɛ́puri yulunɛ, amá úye un tinkáhá-káhá hái nɛ kɛ́tɔ-pɔ, Uléécaa yɛ́ u yoriyɛ.
24828	MRK 14:5	Tɔ́ pɛɛ fe ari u yái nɛ nnɛ́í píima ari siwóó sɛ̃ píwɛkɔɔ́ hɛ. Apí nɛ unɔ́si uyɛ̃ wɔ́ɔ́si.
24857	MRK 14:34	Uu pi maa rɛ: Tinɛ́pɔ́ɔ yɛ caailɛnlɛ hái lin nɛ nkpɔ mɛnyínɛ we. Ani nté tonɛ áni kapɛ lɔpilɛ.
24881	MRK 14:58	Tɔ kõ un tee rɛ: Nɛ̃́ nɛ́ Uléécaa kɛyɔ nkɛ́ kɛ usoi kunipɛ aku n wa fori, am siyáa sitaani kɛcɔpɛ kɛféé mɔm kɛ usoi kunipɛ áku yɛ́ n wa.
24903	MRK 15:8	Tisoiwuí ari Pilati-mɛ̃ tɔ́mpɔ, api lɛ̃ kuu yɛ ḿpá anyã́ áye pi n wa pisɛ.
24913	MRK 15:18	Api pɛɛ lɛ̃ mɛmáá u yáhaankɛɛ rɛ: Tɔ pɔ́ yáasi, Pisuifi uyɔɔpi.
24931	MRK 15:36	Kei kɛ pikɛcɔpɛ unyinɛ uu wuri uú ha píta nyɛpɛ-nyɛpɛ pinyinɛ-i sinɛ́ɛ̃ fɛ uu kɛnaapi tuhu uu u pa rɛ ukɛ́ n ntí un tee rɛ: Tɔkɛ́ yɛ̃́ nkɛ̃́, in tɛ Elii yɛ́ kam uu u súisɛri.
24963	LUK 1:1	Umárɛcɔ Teofiili, pisoi mɛyã yɛ mɛwai mɛɛ kɛrɔ́cɔpɛ n wapisi nkɔ́ piwɔ́lɛ peenlɛ.
24965	LUK 1:3	Lɛ̃ nnya kɛ rinɛ́cúruu am ńsɔnɛ písɛi kɛ́ lɛ̃ nnɛ́í lɛɛ kɛ́koraanɛ-mɛ n wa ceri, ai nɛ́ sɔnɛsi rɛ kɛ́ linkɔ́ pɔ̃́ umárɛcɔ Teofiili wɔi kélé-kélé.
24989	LUK 1:27	Ukpére unyinɛ yɛɛ úu utisi n nyu kapí pɛɛ Yosɛfi yɛlɛilɛ̃. Pi yɛ u sée rɛ Maari. Ukɛmɛɛ́ kɛ Uléécaa uu u tũ. Yosɛfi yɛ pɛɛ uyɔ́ɔpi Tafiti kɛpirɛ ukɔ́ lɛ.
24994	LUK 1:32	Kɛ yɛ́ isoi wa api yɛ kɛ séi rɛ Uléécaa yɛɛ ḿpá yo kɛcáá ń tṹ Kɛpipi. Upíima Uléécaa yɛ́ tíyɛsɛ akɛ usáayaha Tafiti iyɔɔpi tonɛ.
25031	LUK 1:69	U uyóriyɛ yɛɛ ńnaŋɛ m má rɔ́ hɛlɛ uukɛikɔ́ Tafiti kɛyɔ kɛ́mɛɛ.
25046	LUK 2:4	Yosɛfi uu Kalilee kɛtẽ kɛ́mɛɛ Nasarɛti kuyu-i yisi uu Yutee kɛteni-i Tafiti kuyu kapi yɛ n sée rɛ Pɛtɛlɛhɛm sĩ. Kuyu kpɛ-i kapi uyɔ́ɔpi Tafiti mari. Yosɛfi ricuruu yɛ Tafiti kɛyɔ nɛ ukɛpirɛ ukɔ́ lɛ.
25053	LUK 2:11	Nɛni kɛyaa nkɛ́ kapi Tafiti kuyu-i Nɔ́unɛ́yulalɛ mari, uyɛ̃ kɛ Uléécaa uu n wɛ́ɛ, Upíima.
25057	LUK 2:15	Kɛ piléécaatumɛ api pi rin-yá api kɛyómɛcaa-mɛ̃ pɛlɛ, pisɛɛsẽ́ api pɛɛ símaanɛ rɛ: Tɔkɛ́ Pɛtɛlɛhɛm ha. Li pisɛ rɛ tɔkɛ́ lɛlɛɛ n wa kɛ Upíima uu rɔ́ n céreisɛ yɛ̃.
25063	LUK 2:21	Siyáa sisɛɛi mɛmáá, kɛwã́ kɛkéyaa akɛ tulu, api rinyíri kɛ hɛ rɛ Yeesu. Tinyíri tɛ̃ kɛ uléécaatumɛ uu pi céesi Maari uu kɛlenɛ fapisi.
25090	LUK 2:48	Kɛ usáa nɛ úni api u n yɛ̃́, ai pírí pi wai, úni uu u maa rɛ: Kɛnɛ́wã́, yo nnya kaa lɛ̃ wa? Tɔ́ nɛ upɔ́sáa yɛ pɛɛ pɔ́ wɛ́ɛ́silɛ kɛrɔ́wuu kɛn túúni.
25095	LUK 3:1	Kumúŋɛ́ kunyinɛ-i, Uléécaa uu Sakarii uŋmánɛ Yohani kucɛsi kóima-i rinɔ́ɔ maa. Rɔm uyɔɔpi píima kapi yɛ n sée rɛ Tipɛɛ yɛ pɛɛ likumúŋɛ́ kpɛ-i iyɔ́ɔpi kɛ́mɛɛ aŋmɛ̃ kɛfi nɛ anupũ piwai masilɛ. Pɔnsi Pilati yɛɛ pɛɛ Yutee kɛtẽ kɛcáá paílɛ̃, Erooti pɔ́ɔn Kalilee kɛkɔ́ kɛcáá paílɛ̃. Uumaa Filipu yɛɛ pɛɛ Itumee nɛ Tarakoni sitẽ kɛcáá paílɛ̃, Lisaniya un Apitɛɛni kɛtẽ kɛcáá paílɛ̃. Likumúŋɛ́ kpɛ-i kɛ Aani nɛ Kayifu apí pɛɛ pɛpɛɛ yɛ Uléécaa inyɔ́ɔnsɛ n wa piwɛ́ɛ́sɛ.
25108	LUK 3:14	Pisɔ́ɔ́ca pɔ̃́ ticuruu api u pisɛ rɛ: Tɔ̃́ ní, íye kai pisɛ rɛ tɔkɛ́ wa? Uu pi maa rɛ: Áni kapɛ yɛ úka siwóó yɔsí nɛ ńnaŋɛ nɛ́ɛ aní nɛ nsímɛ́ liute wááná, amá ani nɛ nɔ́inɛ́hɛ́ɛ́ ripá.
25116	LUK 3:22	Nfáasɔnɛ nn ukɛcáá súiri yarɛ rilɔ́ɔlã, pin ti nyáni nɛ inípɛɛ. Tinɔ́ɔ ari kɛyómɛcaa-pɔ maari rɛ: Pɔ́ɔ Kɛnɛ́pipi lala kɛcirɛ. Ám yɛ kɛpɔ́cáá kṍ.
25125	LUK 3:31	Eliyakim un Meleya kɛpipi, Meleya un Mena kɛpipi, Mena un Matata kɛpipi, Matata un Nataa kɛpipi, Nataa un Tafiti kɛpipi,
25126	LUK 3:32	Tafiti un Sese kɛpipi, Sese un Opɛti kɛpipi, Opɛti un Poosi kɛpipi, Poosi un Sala kɛpipi, Sala un Nasɔɔ kɛpipi,
25128	LUK 3:34	Yuta un Yakupu kɛpipi, Yakupu un Isaaki kɛpipi, Isaaki un Apiraham kɛpipi, Apiraham un Tera kɛpipi, Tera un Nahɔɔ kɛpipi