23240	MAT 2:2	Apí ha pisɛ rɛ: Yei yɛ kɛwã́ kɛ̃ kapi m mári pin tee rɛ kɛkɛɛ sɔ́nti kɛkɛ́ Pisuifi iyɔɔpi tonɛ? Hái kɛtuŋɛleemɛ-pɔ kari riwárɛpi tɛɛ n nyísɛlɛ̃ tɛ pi kɛwã́ kɛ̃ mari yɛ̃. Lɛ̃ nnya karí ka rɛ tɔkɛ́ kɛ yáási ari wúla.
23246	MAT 2:8	Uu pɛɛ limɛmáá Pɛtɛlɛhɛm-pɔ pi tum uu pi maa rɛ: ani n ŋme ani ha kɛwã́ kɛ̃ kɛcáá ńsɔnɛ písɛi ani kóm. Nɔn kɛ n yɛ̃, ani pɛɛri ani nɛ́ símisi nɛ́ɛkɛ́ ha kɔ kɛ yáási kɛ́ riwula.
23247	MAT 2:9	Kɛ Erooti uu lɛ̃ pisímɛ́ pi ḿ masí, api yisi api ncée pɔlɔ. Kei kapi pɛɛ ripaí, api yɛ́nu riwárɛpi tɛ̃ kapí pɛɛ kɛtuŋɛleemɛ-pɔ n yɛ̃́ tin pikɛyu sɔ́nɛ pin ti tikilɛ̃. Ari kɛlõ kɛ-i kɛ kɛwã́ kɛ̃ akɛ ń we tulu, ari nyɛrɛ.
23249	MAT 2:11	Api kɛ́yɔ loni api kɛwã́ nɛ kɛuni Maari yɛnu, api kɛ yáási apí nɛ wula. Api pɛɛ pimɛmá fénnɛ api wura nɛ tulaali ŋmaa-ŋmaa nɛ mɛ́kpɔ kapi yɛ n sée rɛ miiri lesɛ api kɛ hɛkɛsi.
23251	MAT 2:13	Kɛ pinyuwɛ pɛ̃ api n tɔ́mpɔ, Upíima uleecaatumɛ unyinɛ uu kɛlárɛ́-i Yosɛfi kpáfúmɛ uu rɛ: A yisi, a kɛwã́ nɛ kɛuni kpísi aa wuru aa Esipiti kɛtẽ loni. Erooti yɛ lalɛ ukɛ́ kɛ kpu. Lɛ̃ nnya, ani ha kei-pɔ n tũ likɛ́ ha nɛ tu kumúŋɛ́ kpɛ-i kam yɛ́ nɔ́ n símisi rɛ ani pɛɛmɛ.
23252	MAT 2:14	Yosɛfi uu yisi uu kɛwã́ nɛ kɛuni kpísi uú nɛ kɛsinɛcɔ wuru uú ha Esipiti-pɔ pésu.
23256	MAT 2:18	Rama-pɔ kari nní nnɛ̃́ kómɛiri. Sicááila nɛ ikpɔtu kɛ unyinɛ uu wɔ́rii Rasɛɛli yɛɛ lɛ̃ usiwã kɛcáá téni. Úu nkpáni la pikɛ́ u kpurɛi. Nɛ kɛsɛ, ái nkpáni u tisɛ.
23258	MAT 2:20	uu rɛ: A yisi, a kɛwã́ nɛ kɛuni kpísi aá nɛ Isirayɛɛli kɛtẽ pɛlɛ. Pɛpɛɛ pɛɛ ń la pikɛ́ kɛwã́ kɛ̃ kpu yɛ kpínlɛ.
23259	MAT 2:21	Kei kɛ Yosɛfi uu yisi uu kɛwã́ nɛ kɛuni kpísi uú nɛ Isirayɛɛli pɛlɛ.
23261	MAT 2:23	uú ha kuyu kpɛ̃ kapi yɛ n sée rɛ Nasarɛti-i tonɛ. Lɛ̃ kɛ antepuyɛ apí pɛɛ ḿ ma kai lɛ̃ tikilɛ̃. Pi pɛɛ rɛ: Pi yɛ́ kam api kɛwã́ kɛ̃ séi rɛ Nasarɛti ukɔ́.
23272	MAT 3:11	Míni ŋmanɛ kɛ nɛ́ɛ nɔ́ wolɛ likɛ́ nyísɛ rɛ nɔ mɛfinɛ consɛlɛ. Amá uyɛɛ nɛ̃́ mɛmáá n sɔ́nti yɛ nɛ́ felɛ. Ám tu ricuruu kɛ́ uanɛ́ɛ́ri u mahã. Uyɛɛ sɔ́nti ukɛ́ Nfáasɔnɛ nɛ nna nɔ́ wolɛ.
23277	MAT 3:16	Kɛ Yohani uu lɛ̃ Yeesu piwólɛ ḿ masí, Yeesu uu míni-i léepɔ. Kɛyómɛ akɛ kei nní wúkulɛ uu Uléécaa Nfaasɔnɛ yɛnu nn kɛyómɛcaa-pɔ súiri yarɛ rilɔ́ɔlã, nn ukɛcáá tonɛ.
23296	MAT 4:18	Yeesu yɛ pɛɛ Kalilee kupiyɛ ritimɛ sɔ́nɛlɛ uu Simɔɔ kapi rinyíri n hɛ rɛ Piyɛɛ nɛ uuwã Antiree yɛnu. Pikɛtɛ́ yɛ pikpíntomɛ́cɔ́pii lɛ. Anyɛŋ́ kapí pɛɛ fóm pin nɛ ikpíntomɛ́ cɔ́pii.
23299	MAT 4:21	Kuu kei n yisi, uu kɛ́yu-mɛ̃ sĩ uu kɔ Sepetee piŋmánɛ pitɛ́ Yakupu nɛ uuwã Yohani yɛnu pi nɛ piusaa Sepetee pin pikuninɔi-i we pin pianyɛŋ́ nyɔ́ɔnsɛntɛ. Uu pi séi
23311	MAT 5:8	Pɛpɛɛ kɛfa n kpã́iilɛ̃ pɛɛ pínarɛkomɛ. Pi yɛ́ kam api Uléécaa yɛ́nu.
23318	MAT 5:15	Úka úu yɛ kɛ́firáa risɛ́ uu kucári kɛ kipi. Kɛcácá kuu yɛ kɛ ritɔsi akɛ ḿpá úye kɛ́yɔ-i n kpã́iilɛ̃.
23319	MAT 5:16	Limɛcɔ kai pisɛ rɛ nɔ́mɛnɛ́tɛ́í mɛkɛ́ n kpã́iilɛ̃ pisoi nnɛ́í pin mɛ nyáni. Pisoi pikɛ́ nɔ́mɛnɛ́wai sɔnɛ n nyáni pin nɛ Nɔ́unɛ́sáa Uléécaa yɛɛ kɛyómɛcaa-pɔ ń we ríyu waisɛ.
23344	MAT 5:41	Usoi un pɔ́ n tĩ un ilũ pɔ́ n cɔnsɛ rɛ a nɛ rinã tisɛ u sarumpɔ, aa mɛsɛ i cɔni aá nɛ tinã tɛ̃ mɛtɛ́ u sarumpɔ.
23358	MAT 6:7	Nɔn yɛ kɛyómɛ n yáási, áni kapɛ yɛ mɛ́woo kusímɛ́naapí n wai yarɛ pɛpɛɛ ápi Uléécaa n nyu mɛcɔ. Pi yɛ m músu rɛ pin lɛ̃ mɛyã́ n símaankɛɛ, Uléécaa yɛ́ nɛ pi kõ.
23373	MAT 6:22	Yeesu uu kɔ pimáa pi kpá rɛ: Inípɛɛ yɛɛ ipiŋɛ kɛfiráa. Ipɔ́nípɛɛ in n nyaḿ, i yɛ ipiŋɛ nnɛ́í n kpã́iilɛnlɛ.
23382	MAT 6:31	Lɛ̃ nnya, áni kapɛ yɛ nfasimɛ́ wa nɔkɛ́ maa rɛ: Yo kari yɛ́ li nɛ́ɛ yo kari yɛ́ ń ntí nɛ́ɛ yo kari yɛ́ tã.
23407	MAT 7:22	Mɛyã́ nɛ́ ha kɛyáa kɛ̃ kɛ Uléécaa uu pisoi n túhaanɛnɛ nɛ́ maa rɛ: Upíima, Upíima, ái tɔ́ɔ ripɔ́nyíri nɛ Uléécaa nsímɛ́ pisoi símisi ari aníri lakasɛntɛ ari kɔ tipɔ́nyíri nɛ mɛwaisaŋa kulúi wapisii?
23413	MAT 7:28	Kɛ Yeesu uu anɔ́ɔ nyɛ̃ nnɛ́í pimáa ḿ masí, umɛcélaa amɛ pɛɛ pisoi riwúí mɛyã́ nnɔ́ɔ n yipaalɛ̃.
23425	MAT 8:11	Nɛ la kɛ́ nɔ́ símisi rɛ pisoi mɛyã yɛ́ kɛtuŋɛleemɛ nɛ kɛtuŋɛlolɛ́-mɛ̃ leemɛ, pi nɛ pirɔ́sáayaha Apiraham nɛ Isaaki nɛ Yakupu api Uléécaa iyɔɔpi-i tonɛ api kɛsẽ́ ilukɛ le.
23444	MAT 8:30	Áfɔŋ anyinɛ yɛ pɛɛ kei kulúi welɛ an túkuri, ái mɛyã́ nɛ kɛtaa pi we.
23463	MAT 9:15	Yeesu uu pɛɛ pi pɛsɛ rɛ: Nɔ músu rɛ usoi yɛ́ pisɔ́ɔnnɛ anyã́ n wai uu upisanɛ séi api pɛɛ́ hapɔ apí nɛ mpɔ́ɔcaai n tũ? Aai, mmɛ̃ ńn we. Li yɛ́ kam api kumúŋɛ́ kunyinɛ-i unɔ́sikɔ́ uyɛ̃ pikɛcɔpɛ lesɛ apí nɛ tɔ́mpɔ. Pɛɛ́ uyɛ-i kapi yɛ́ pɛɛ anɔ́ɔ paasi.
23482	MAT 9:34	Amá Pifarisi pɔ́ɔ rɛ: Kunírilã wɛ́ɛ́sɛ kpɛɛ ńnaŋɛ u hɛ un nɛ aníri lakasɛ!
23488	MAT 10:2	Pitumɛ kɛfi nɛ pitɛ́ pɛ̃ anyiri yɛ nnyɛ́: Ufoí yɛɛ Simɔɔ kapi rinyíri n hɛ rɛ Piyɛɛ nɛ uuwã Antiree, nɛ Yakupu nɛ uuwã Yohani. Pɛ̃ kɛtɛ́ yɛ Sepetee piŋmánɛ lɛ,
23502	MAT 10:16	Yeesu uu kɔ pimáa pi kpá rɛ: Ani ńsɔnɛ kõ tɛ, kam nní nɔ́ n tum, ani isáŋ yɛɛ ákpɛ kɛcɔpɛ ń we mɛcɔ n sɔ́nɛ. Lɛ̃ nnya, ani mɛsɔhɔ m má yarɛ iwáa, ani alɔ́ɔlã mɛcɔ kɛ́yu m purú.
23507	MAT 10:21	Usoi yɛ́ umárɛcɔ kpísi uú pa rɛ pikɛ́ kpu. Usoi uu kɔ ukɛpipi kpísi uú nɛ limɛcɔ wai. Siwã́ asi pisáa nɛ píni kɛcáá nyɛrɛ asi pi kpísi así pa rɛ pikɛ́ kpu.
23544	MAT 11:16	Uu kɔ pimáa pi kpá rɛ: Yo kam yɛ́ fe kɛ́ nɛ nfáani pisoi múŋɛisɛnɛ? Pi nkpáni yarɛ siwã́ sɛɛ kɛ́yaála-i n tṹ si nɛ sisicɔ sin nɛ ipupɛi séleinɛ, asi yɛ rɛ:
23548	MAT 11:20	Lɛ̃ mɛmáá, Yeesu uu pɛɛ ayu nyɛ-i kuu mɛwaisaŋa mɛyã n wapisi pikɔ́ picɛ́ kápáá kápi nɛ mɛfinɛ n consɛ nnya. U nɛ pi cɛ́si rɛ:
23551	MAT 11:23	Ńté nɔ̃́ Kapɛrinawum pikɔ́, nɔ músu rɛ kɛléécaa-mɛ̃ kaní taálɛ̃? Ái nkpáni lɛ̃. Amá kukúlãyu-i kɛ Uléécaa uu kɛtẽ-mɛ̃ nɔ́ láupɔlɛ. Ái líka nnya, pin pɛɛ mɛwaisaŋa mmɛ́ kapi nní nɔ́kɛnɛ́mɛɛ n wapisi mɛcɔ Sotɔm kɛ́mɛɛ n wapisi, li yɛ́ pɛɛ nní ń we kuyu kpɛ̃ kun nɛ we.
23553	MAT 11:25	Yeesu uu pɛɛ likumúŋɛ́ kpɛ-i maa rɛ: Sáa, kɛtẽ nɛ kɛyómɛ Upiima, nɛ pɔ́ pakarɛ rɛ pɔ tíyɛsɛ siwã́ síńsápi asi nsímɛ́ mmɛ̃ kaa pisɔhɔɔ nɛ pinyuwɛ ḿ pesí asei kom.
23604	MAT 12:46	Yeesu un kei lɛ̃ we un nɛ pisoi símisi, uuni nɛ upiwã pin tuipɔ, api kɛtahai-pɔ nyɛrɛ, pin la pikɛ́ rinɔ́ɔ u maa.
23605	MAT 12:47	[Unyinɛ uu Yeesu maa rɛ: A ripaí, upɔ́ni nɛ pipɔ́wã́ yɛ kɛtahai-pɔ nyɛnulɛ pin la pikɛ́ rinɔ́ɔ pɔ́ maa.]
23606	MAT 12:48	Yeesu uu liute uyɛ̃ pɛsɛ rɛ: Wóo unɛ́ni, píye pɛɛ pinɛ́wã́?
23607	MAT 12:49	Uu pɛɛ upipirɛtiki-mɛ̃ kunípɛ tuŋápɔ uu rɛ: Unɛ́ni nɛ pinɛ́wã́ yɛ mpí nté!
23608	MAT 12:50	Asei kɛcáá, úye un Unɛ́sáa yɛɛ kɛyómɛcaa-pɔ ń we mɛla n wai, uyɛɛ unɛ́wã́ nɛ́ɛ unɛ́yɛ́i nɛ́ɛ unɛ́ni.
23620	MAT 13:12	Li we yarɛ kapi yɛ ḿ maa rɛ: Nkó yɛɛ linyinɛ m má kapi yɛ licɔ rikpá ai mɛyã́ wai. Amá nkó yɛɛ úu líka m má kapi yɛ likáripikɔɔ́ lɛ̃ kuu m má yɔsí.
23650	MAT 13:42	Api nna píima kɛ́mɛɛ pi sápɔ. Kei kɛ pisoi api yɛ́ mɛyã́ ténesi pin inĩ́ takai.
23658	MAT 13:50	api pɛpɛɛ ápi Umɛla n wa nna píima kɛ́mɛɛ sápɔ. Kei kɛ pisoi api yɛ́ mɛyã́ ténesi pin inĩ́ takai.
23662	MAT 13:54	uu kuyu kpɛ-i kuu iwã́ n li kɛ́mɛɛ sĩ́ uú ha kei Pisuifi kuyomɛyáhaalee-i n céési. Ai pɛpɛɛ kei ń we nnɛ́í nnɔ́ɔ yipu, api yɛ pɛɛ rɛ: Yei kɛcirɛ kɛ nkó uu mpíí mɛwɛ́ɛ́sɛsɔhɔ mmɛ́ tu? Íye kuu yɛ nɛ mɛwaisaŋa mmɛ́ wapisi?
23663	MAT 13:55	Nɛ́ntɛ uyɛɛ usɛ́rɛ́ uyɛ̃ uŋmánɛ? Ái úni yɛɛ Maari? Ái upiwã pɛɛ nní Yakupu nɛ Yosɛfi nɛ Simɔɔ nɛ Yuutii?
23666	MAT 13:58	Pinfatɛnɛ kucírɛ́ nnya, Yeesu úu kei mɛwaisaŋa mɛyã́ wapisi.
23672	MAT 14:6	Api pɛɛ kɛyáa kɛnyinɛ Erooti kɛmarɛyaa anyã́ n wai, Erootiyati ukpére uu léépɔ uu pisánɛ pɛɛ n cápinɛlɛ̃ kɛcɔpɛ yesu ai Erooti yúkúlú
23687	MAT 14:21	Pɛpɛɛ ilukɛ iyɛ̃ n li yɛ tu pitisi ŋmanɛ ákotokú anupũ (5.000). Ápi pinɔ́si nɛ siwã́ kɛɛ̃.
23692	MAT 14:26	Kapi lɛ̃ u n yɛ̃́ un míni kɛcáá sɔ́nɛ, piipiŋɛ ii kpi nɛ iwamɛ mɛpehẽ, api pɛɛ pimɛcɔpɛcirɛ n tee rɛ: Kunírilã yɛ ku. Api pɛɛ iwamɛ nɛ m pupukɛɛ.
23714	MAT 15:12	Kei kɛ upipirɛtiki api ukɛkúrí rinyɔsɔ́pɔ api u maa rɛ: Pɔ nyu rɛ lɛ̃ kaa nní n símisi yɛ Pifarisi mɛyã́ ticɔ́ŋ?
23728	MAT 15:26	Yeesu uu u pɛsɛ rɛ: Ái nyaḿ tɛ pikɛ́ siwã́ ilukɛ kpísi pikɛ́ sipɔpipi risá.
23735	MAT 15:33	Upipirɛtiki api pɛɛ u pisɛ rɛ: Yei kari yɛ́ kuyúi nkú-i ilukɛ mɛyã́ tu pisoi píima mpí pikɛ́ nɛ n lɛ?
23740	MAT 15:38	Pɛpɛɛ pɛɛ n li yɛ lelɛ pitisi ŋmanɛ ákotokú ana (4.000), ápi pinɔ́si nɛ siwã́ kɛmɛ́ɛ kɛɛ̃.
23762	MAT 16:21	Kaí nɛ kei n kpísi kɛ Yeesu uu pɛɛ upipirɛtiki pisímɛ́ kóraanɛ rɛ li pisɛ rɛ ukɛ́ Yerusalɛm ha, ukɛ́ ha mɛyã́ Pisuifi piwɛ́ɛ́sɛ nɛ pɛpɛɛ yɛ Uléécaa inyɔ́ɔnsɛ n wa piwɛ́ɛ́sɛ nɛ isé picélaa anipɛ-i íwɛ li, pikɛ́ u kpu ukɛ́ pɛɛ kɛyáa táánũ tuŋɛ́ nkpɔ kɛ́mɛɛ yisi.
23770	MAT 17:1	Siyáa sikpuulũ mɛmáá, Yeesu uu Piyɛɛ nɛ Yakupu nɛ uyɛ̃ uwã Yohani kpísi apí nɛ riyɔ́pɛ cácá rinyinɛ taá apí ha kei pimɛcirɛ n we.
23784	MAT 17:15	Uu rɛ: Upíima, a kɛnɛ́wã́ nkɛ́ íwɛ tẽ́! Kɛ rikpínkpĩ́ pɔ́ɔ́lúlɛ akɛ yɛ mɛsɛ́rɛ lóirɛntɛ akɛ́ nɛ míni-i nɛ́ɛ nna-i lóipɔ.
23786	MAT 17:17	Yeesu uu pɛɛ rɛ: Nɔ́ nfatɛnɛcirɛ́ nɛ pikpááree mpuri mmú! Ituŋɛ ilɛ́ kam nɔ́kɛnɛ́mɛɛ pitónɛ kpánɛ? Ituŋɛ ilɛ́ kam yɛ́ lɛ̃ nɛ nɔ́ n kahari? Ani nɛ kɛwã́ kɛ̃ nté nɛ́ kam.
23798	MAT 18:2	Kei kɛ Yeesu uu pɛɛ kɛwã́ síńsápi kɛnyinɛ sée uu pikɛcɔpɛ kɛ nyɛrɛsɛ
23799	MAT 18:3	uu rɛ: Asei kam nní nɔ́ símisi rɛ nɔnsá mɛfinɛ n consɛ nɔkɛ́ siwã́ síńsápi mɛcɔ n we, áni yɛ́ Uléécaa iyɔɔpi kɛ́mɛɛ lompɔ.
23800	MAT 18:4	Lɛ̃ nnya, uyɛɛ umɛcirɛ rincɛ́pisɛ uú n we yarɛ kɛwã́ síńsápi nkɛ́ mɛcɔ yɛɛ Uléécaa iyɔɔpi kɛ́mɛɛ uwɛ́ɛ́sɛ.
23801	MAT 18:5	Úye un nɛ̃́ nnya kɛwã́ nkɛ́ kɛcɔ kusánɛ n yɔsí, tinɛ́cúruu ŋmaa kuu lɛ̃ kusánɛ yɔsí.
23802	MAT 18:6	Yeesu uu kɔ upipirɛtiki pimáa kpá rɛ: Amá úye un n tíyɛsɛ un siwã́ nsí kɛnyinɛ kɛɛ nɛ kɛfa nɛ́ n tɛnɛlɛ̃ akópɛ n waisɛ, li kutɔsi we in tɛ pi rináiparɛ mulɛ-mulɛ risáa-i u lɛsi apí nɛ mínimaa kɛ́mɛɛ u nyikipɔ.
23806	MAT 18:10	Yeesu uu kɔ pimáa pi kpá rɛ: Ani nɔ́mɛnɛ́círɛ tĩ nɛ siwã́ nsí kɛcɔpɛ kɛnyinɛ pilómiisɛ. Asei yɛ nyɛ rɛ *pipileecaatumɛ yɛ mɛsɛ́rɛ Unɛ́sáa yɛɛ kɛyómɛcaa-pɔ ń we lɛɛkɛɛpɔlɛ. [
23821	MAT 18:25	Kɛ ukɛikɔ́ uyɛ̃ úu nní pihɛ́ɛlɛ n fenɛ, uukɛisaa uu rinɔ́ɔ hɛ rɛ pikɛ́ u nɛ unɔ́si nɛ siwã́ nɛ ulikɔ́ nnɛ́í yáá pikɛ́ nɛ riwómɛ hɛ́ɛ́lɛ.
23844	MAT 19:13	Lɛ̃ mɛmáá pisoi pinyinɛ apí nɛ siwã́ síńsápi sinyinɛ Yeesu hapɔ rɛ ukɛ́ anípɛ sikɛcáá rilaa ukɛ́ kɔ sikɛcáá kɛyómɛ yáási. Amá upipirɛtiki apí nɛ pi cɛsi.
23845	MAT 19:14	Kei kuu pɛɛ pi maa rɛ: Ani siwã́ tiyá sikɛ́ kɛnɛ́mɛɛ kam. Áni kapɛ ncée si tápisi. Likumúŋɛ́ rɛ mpí pɛɛ simɛcɔ ń we pɛɛ yɛ́ Uléécaa iyɔɔpi kɛ́mɛɛ lõ.
23860	MAT 19:29	Pɛpɛɛ nɛ̃́ nnya síyɔ nɛ́ɛ pimáa nɛ piwã́ nɛ́ɛ piyɛ́i nɛ́ɛ pisáa nɛ́ɛ píni nɛ́ɛ pinɔ́si nɛ sipipi nɛ́ɛ sicarɛ n tíyɛ, yɛ́ lɛ̃ kapi n tíyɛntɛ yɛ̃ mɛpehẽ pílɛ, api kɔ nfáa tɛnɛcirɛ́ yɛ́nu ai likɛcáá kpá.
23861	MAT 19:30	Pifoí mɛyã yɛ́ pitɔ́rɔɔ pansɛ, pitɔ́rɔɔ mɛyã api pifoí.
23873	MAT 20:12	Api rɛ: Mpí pɛɛ nní pikɛi mɛtɔ́rɔɔ mmɛ́ ń ka yɛ walɛ ituŋɛ mɛkɔ́ɔ́nú mɛsɛ. Aa pɛɛ tɔ́ nɛ pɛ̃ nnɛ́í nsɛ hɛ́ɛlɛ, in kɔ nɛ tɔ́ɔ mɛyã́ ntuŋɛ nɛ mpɔɔnɛ kõ.
23889	MAT 20:28	Limɛcɔ kɛ Usoi Kɛpipi ákɛ ka rɛ pikɛ́ kɛ n kɛisi. Amá kɛ kalɛ rɛ kɛkɛ́ picɔ kɛisi kɛkɛ́ kɔ kɛnfaa kpísi kɛkɛ́ piakópɛ nnya hɛ likɛ́ nɛ pisoi mɛyã ayu lɔ.
23892	MAT 20:31	Pisoi pɛɛ n cápinɛlɛ̃ api pi cɛ́si rɛ pikɛ́ risɛ́ɛ́, amá api pɛɛ mɛyã́ n cáái ŋmaa nɛ ńnaŋɛ rɛ: Upíima, Tafiti Kɛpipi, a irɔ́wɛ ripaí!
23907	MAT 21:12	Yeesu uu Uléécaa kɛyɔ kɛ́mɛɛ lompɔ uu pɛpɛɛ kei n yálisi nɛ pɛpɛɛ n lɛ́ɛ́ri nnɛ́í lákasɛ. Uu pɛpɛɛ siwóó n cɔhɔnɛ ataapili nɛ pilɔ́ɔlãyái situmpi láuli.
23910	MAT 21:15	Amá kɛ pɛpɛɛ yɛ Uléécaa inyɔ́ɔnsɛ n wa nɛ isé picélaa api mɛwai píima kɛ Yeesu uu n wapisi n yɛ̃́ nɛ siwã́ sɛɛ Uléécaa kɛyɔ kɛ́mɛɛ n cáái rɛ: Osanna, Tafiti Kɛpipi, ai pi tóósi.
23911	MAT 21:16	Kei kapi pɛɛ u pisɛ rɛ: Pɔ kómɛi lɛ̃ kapi nní n cááii? Yeesu uu rɛ: Ɛɛɛ. Uu pɛɛ pi pisɛ rɛ: Lɛ̃ nnya, áni kahanɛ Uléécaa ritɛlɛ́ kɛ́mɛɛ nsímɛ́ mmú n kɛɛ̃ tɛ: Pɔ tíyɛsɛ aí nɛ siwã́ síńsápi nɛ siwã́ fɛnfɛ̃í pɛ́nɛ asi pɔ́ m pakarɛntɛɛ?
23939	MAT 21:44	[Lin úye n fóm un tiparɛ tɛ̃ tinkpɔu, u yɛ́ selesi. Lin úye n fóm tin ukɛcáá n loó, ti yɛ́ u nã].
23943	MAT 22:2	Uléécaa iyɔɔpi yɛ kɔ we yarɛ nsímɛ́ mmú: Uyɔ́ɔpi unyinɛ yɛɛ kɛyáa uuŋmánɛ yɛɛ unɔ́si n kpísi anyã́ píima wai.
23944	MAT 22:3	Uu upikɛikɔ́ tum tɛ pikɛ́ ha pisoi séleimɛ pikɛ́ anyã́ ilukɛ li. Amá pisoi api isánɛséi iyɛ̃ yulu api anyã́ wéntɛ.
23945	MAT 22:4	Uu kɔ pikɛikɔ́ picɔ pitumɛ kpá uu pi maa rɛ: Ani pisánɛ sée ani pi símisi rɛ: Anyã́ ilukɛ yɛ pipele masilɛ. Anɛ́náala nɛ inɛ́sɛɛ kpɔkɔɔ́ kam kṍ. Ḿpá yo yɛ kɛ́yu walɛ. Ani kam ani pinɔ́sikpikɛ́ anyã́ ilukɛ li.
23949	MAT 22:8	Uu pɛɛ upikɛikɔ́ picɔ maa rɛ: Anyã́ ilukɛ yɛ pipele masilɛ, amá pisánɛ ápi pɛɛ ikulukɛ tulaalɛ̃.
23951	MAT 22:10	Upikɛikɔ́ pɛ̃ api yisi api icée tóói api pisoi nnɛ́í kapi n yɛ̃́ sélei, pisɔnɛ nɛ pikópɛ, pisánɛ api pɛɛ kɛnyã́yɔ yipu.
23965	MAT 22:24	Unɔ́sikɔ́ úye un n kpu unsá kɛwã́ m má, li pisɛ rɛ uuwã yɛɛ yɛ́ unɔ́si uyɛ̃ kukúmannɔsi kpísi uu umáa mpuri wai.
23966	MAT 22:25	Too! Amá piŋmánɛ pinyinɛ pɛɛ pɛɛ kɛrɔ́cɔpɛ nté we. Pi pimárɛcɔ pisɛɛi lɛ. Umáa uu unɔ́si kpísi, uu kpi úu kɛwã́ yɛ̃. Uwã́ uu pɛɛ umáa ukúmannɔsi kpísi.
23973	MAT 22:32	Nɛ́ɛ Apiraham Uleecaa nɛ Isaaki Uleecaa nɛ Yakupu Uleecaa. Uléécaa úu pikpɔkpɔ Uleecaa amá u pinyánnyã́ Uleecaa lɛ.
24019	MAT 23:32	Lɛ̃ nnya, ani mɛsɛ nɔ́pinɛ́kpurɛ mɛwai kópɛ nɛ kɛ́yu mahã nɛ kɛ́tɔ-pɔ!
24024	MAT 23:37	Lɛ̃ mɛmáá, Yeesu uu pɛɛ Yerusalɛm pikɔ́ maa rɛ: Nɔ̃́ Yerusalɛm pikɔ́, nɔ yɛ antepuyɛ kónlɛ ani kɔ pɛ̃ kɛ Uléécaa uu nɔ́kɛnɛ́mɛɛ n tummɛ aparɛ tapisi ani kóni. Mɛlɛ́ kɛsẽ kaḿ pɛɛ́ la kɛ́ nɔ́ cápinɛ yarɛ kɛ kucã́yaha aku yɛ kuamɛ́ŋ́ mɛtene kusipipi n tã líka ái yɛ si wa mɛcɔ ani yúlu?
24030	MAT 24:4	Yeesu uu pi pɛsɛ rɛ: Ani nɔ́mɛnɛ́círɛ tĩ ńsɔnɛ, áni kapɛ tíyɛ unyinɛ ukɛ́ kuyúi nɔ́ tã.
24031	MAT 24:5	Pisoi kulúi yɛ́ sɔ́naamɛ usɛ usɛ, api yɛ rinɛ́nyíri nɛ pisoi mɛyã kiraasɛntɛ api yɛ pi maa rɛ: Nɛ́ɛ uyɛ̃ kɛ Uléécaa uu n wɛ́ɛ. Lɛ̃ kɛ́mɛɛ kapi yɛ́ pisoi kulúi kuyúi tã.
24036	MAT 24:10	Kei kai yɛ́ pɛɛ pisoi mɛyã nɛ kɛlólɛ́-mɛ̃ ha, api pɛɛ́ n yámnɛntɛnɛ, api pɛɛ ipuri n yúinnɛ.
24037	MAT 24:11	Antepuyɛ nɔɔmɛ kulúi yɛ́ léemɛ api pisoi mɛyã kiraasɛntɛ.
24038	MAT 24:12	Mɛwai kópɛ yɛ́ kɛ́yu mahã, pisoi mɛyã nla nn pɛɛ hásu.
24055	MAT 24:29	Yeesu uu kɔ pimáa pi kpá rɛ: Síwɛyaa sɛ̃ mɛtɔ́mpɔ kɛ ituŋɛ ií sɔmaanɛ, iwárɛ ii mɛtɛ́í paa, awárɛpi aa kɛyómɛcaa-pɔ poroiri, linaŋɛ-naŋɛ lɛɛ kɛyómɛcaa-pɔ ń we ai mɛyã́ yeŋesi.
24087	MAT 25:10	Kumúŋɛ́ kpɛ-i kapi pilalɛ n tɔ́su, uŋmánɛ uyɛ̃ un tuiri, u nɛ pinupũ pɛpɛɛ pimɛcirɛ n cápinɛlɛ̃ pin nɛ u mɛ̃́ api kɛsẽ́ kulee kpɛ-i kapi pinɔ́sikpikɛ́ anyã́ n wai loni, ihánaa ii hánaapɔ.
24098	MAT 25:21	Uukɛisaa uu u maa rɛ: Nɛ pakarɛ! Pɔ ukɛikɔ́ sɔnɛ nɛ asei ute lɛ. Likáripikɔɔ́-i kaa nní wa lɛ̃ kai m pisɛ. Lɛ̃ nnya, nɛ́ limáa-maa pɔ́ rimúísɛ. A lommɛ tɔkɛ́ anyã́ li.
24100	MAT 25:23	Uukɛisaa uu u maa rɛ: Nɛ pakarɛ! Pɔ ukɛikɔ́ sɔnɛ nɛ asei ute lɛ. Likáripikɔɔ́-i kaa nní wa lɛ̃ kai m pisɛ. Lɛ̃ nnya nɛ́ limáa-maa pɔ́ rimúísɛ. A lommɛ tɔkɛ́ anyã́ li.