23224	MAT 1:11	Yosiyasi pɔ́ɔ Yekoniya nɛ upimarɛcɔ márɛi. Likumúŋɛ́ kpɛ-i kapi Isirayɛɛli pikɔ́ cɔ́pii apí nɛ Papilɔɔni kuyu sĩ.
23225	MAT 1:12	Kapi Isirayɛɛli pikɔ́ n cɔ́pii apí nɛ Papilɔɔni kuyu sĩ mɛmáá kɛ Yekoniya pɔ́ɔ pɛɛ Sealitiyɛli mari, Sealitiyɛli pɔ́ɔ Soropapɛɛli maru,
23230	MAT 1:17	Lɛ̃ nnya, kaí nɛ Apiraham-i n kpísi aí nɛ Tafiti-i pá, li walɛ ncɔpuri anai kɛfi nɛ ana. Kai Tafiti-i n kpísi aí nɛ kumúŋɛ́ kpɛ-i kapi Isirayɛɛli pikɔ́ n cɔ́pii apí nɛ Papilɔɔni kuyu sĩ pá, li walɛ ncɔpuri anai kɛfi nɛ ana. Kai kɔ kei n kpísi aí nɛ Kirisi imarɛtuŋɛ pá, li walɛ ncɔpuri anai kɛfi nɛ ana acɔ.
23283	MAT 4:5	Setani uu kɔ Yeesu kpísi uú nɛ Uléécaa kuyu Yerusalɛm sĩ, uú ha kei Uléécaa kɛyɔ kɛhórɛ́-pɔ u tɔsi
23299	MAT 4:21	Kuu kei n yisi, uu kɛ́yu-mɛ̃ sĩ uu kɔ Sepetee piŋmánɛ pitɛ́ Yakupu nɛ uuwã Yohani yɛnu pi nɛ piusaa Sepetee pin pikuninɔi-i we pin pianyɛŋ́ nyɔ́ɔnsɛntɛ. Uu pi séi
23302	MAT 4:24	Kei kɛ urinyiri ari pɛɛ Sirii kɛtẽ nnɛ́í kɛcáá rikɔ́ɔ́nú. Api pɛɛ́ nɛ pitóikɔ́ nnɛ́í ncɔpuri nɛ pɛ̃ nnɛ́í pɛɛ piipiŋɛ-i ncɔ́ŋ nnyinɛ n kómɛi u n sɔ́naapɔ un pi pɔisɛntɛ. Lɛlɛɛ nní yarɛ pinírihélaa nɛ rikpínkpĩ́ pikɔ́ nɛ síkankáláká.
23328	MAT 5:25	Pitele pin nɔ́ nɛ unyinɛ kɛcɔpɛ n we, nɔn kɛtahai pitúhaanɛ n sĩ, a tíyɛsɛ nɔ́ nɛ uyɛ̃ ani ncée kómɛinɛ. Insá lɛ̃, u yɛ́ nɛ utúhaanɛ-i pɔ́ ha, uyɛ̃ uu pɔ́ kpísi uu pisɔ́ɔ́ca pa, pɛ̃ api kukpaniilee pɔ́ tani.
23341	MAT 5:38	Yeesu uu kɔ pimáa pi kpá rɛ: Nɔ kõ tɛ pi maa rɛ: Úye un ucɔ mɛnípɛɛ n fori, pikɛ́ liute mɛnípɛɛ piforɛ cɛɛi. Úye un ucɔ kunĩ́ n wɛhɛ, pikɛ́ liute kunĩ́ piwɛ́hɛ cɛɛi.
23344	MAT 5:41	Usoi un pɔ́ n tĩ un ilũ pɔ́ n cɔnsɛ rɛ a nɛ rinã tisɛ u sarumpɔ, aa mɛsɛ i cɔni aá nɛ tinã tɛ̃ mɛtɛ́ u sarumpɔ.
23352	MAT 6:1	Yeesu uu kɔ pimáa pi kpá rɛ: Ani nɔ́mɛnɛ́círɛ tĩ, áni kapɛ yɛ lɛ̃ kaí nɛ n sá rɛ nɔkɛ́ Uléécaa nnya wa pisoi inipɛɛ-i wa rɛ pikɛ́ nɔ́ yɛ̃́ pikɛ́ pakarɛ nnya. Insá lɛ̃, Nɔ́unɛ́sáa yɛɛ kɛyómɛcaa-pɔ ń we úu ihɛ́ɛ́ íka nɔ́ panɛ.
23400	MAT 7:15	Yeesu uu kɔ pimáa pi kpá rɛ: Ani nɔ́mɛnɛ́círɛ tĩ nɛ antepuyɛ nɔɔmɛ. Pi yɛ rikpárálɛ apí n nyísɛlɛ̃ tɛ pi asáŋpipi lɛ, nɛ́ḿpákanɛ pi pisifa-i ákpɛ kpááree lɛ.
23426	MAT 8:12	Amá pi yɛ́ pɛ̃ kaí pɛɛ́ nɛ n sá rɛ pikɛ́ Uléécaa iyɔɔpi kɛ́mɛɛ lõ kɛtahai kuŋmaha-mɛ̃ fómpɔ api pɛɛ kei m pupukɛɛ pin inĩ́ takai.
23428	MAT 8:14	Yeesu uu pɛɛ limɛmáá yisi uu Piyɛɛ kɛyɔ sĩ, uu kei uyɛ̃ ulɔ́hɔ́ni lɛɛpɔ un finu uipiŋɛ in tolú.
23433	MAT 8:19	Kei kɛ isé ucélaa usɛ uú nɛ u rikɔ uu u maa rɛ: Ucélaa, ḿpá yei kaa sĩ́ nɛ́ pɔ́ ritiki.
23447	MAT 8:33	Pɛpɛɛ pɛɛ áfɔŋ nyɛ̃ m mɛ̃́ api itóó karii api kuyu sĩ apí ha lɛ̃ nnɛ́í lɛɛ n wa nɛ lɛlɛɛ pinírihélaa pɛ̃ n wa kɛɛni.
23458	MAT 9:10	Yeesu uu pɛɛ lɛ̃ mɛmáá sĩ́ uú ha Matiyee kɛyɔ-i n tũ un ilukɛ le. Pilampooyɔɔ́ nɛ pikópɛkɔɔ́ picɔ apí hapɔ api kei u nɛ upipirɛtiki kɛkúrí tonɛ.
23478	MAT 9:30	Kuu lɛ̃ ḿ ma, piinipɛɛ ii wúkulɛ apí n nyáni. Uu pɛɛ pi kúrúrúsɛ rɛ: Ani nɔ́mɛnɛ́círɛ tĩ ńsɔnɛ, áni kapɛ tíyɛ unyinɛ ukɛ́ lɛ̃ kõ.
23490	MAT 10:4	nɛ Simɔɔ yɛɛ pɛɛ ukuyu pimúlɛ́ kɛcáá n tɔpu nɛ Yutasi Isikariyɔɔti yɛɛ Yeesu n tĩ́ uu piláarɔ anipɛ-i wai.
23503	MAT 10:17	Ani nɔ́mɛnɛ́círɛ nɛ pisoi tĩ. Li yɛ́ kam api yɛ nɔ́ tini apí nɛ sitúhaanɛ-i sĩ́, api yɛ kɔ piayomɛyáhaalee-i isɛ́í nɔ́ súúkɛɛ.
23568	MAT 12:10	Utisi unyinɛ yɛ pɛɛ kei welɛ un kunípɛ kópɛ má. Pɛpɛɛ kei ń we api pɛɛ kɛwááná n wɛ́ɛ́si pikɛ́ nɛ Yeesu tĩ. Api Yeesu pisɛ rɛ: Ncée yɛ we rɛ pikɛ́ kɛwéntɛyaa kɛtúŋɛ́ usoi pɔisɛɛ?
23587	MAT 12:29	Úka úu yɛ́ fe ukɛ́ unáŋɛ-naŋɛ kɛyɔ-i lompɔ uu ulikɔ́ yáái, kumúŋɛ́ kpɛ-i kúu kahanɛ u n tĩ́ ukɛ́ paasi. Amá un n fe un u n tĩ uu paasi, u yɛ́ pɛɛ fe uu kɛ́yɔ likɔ́ nnɛ́í yáái.
23609	MAT 13:1	Yeesu uu kɛyáa kɛ̃ kɛ́yɔ-i léeri uu sĩ́ uú ha kupiyɛ ritimɛ tonɛ.
23644	MAT 13:36	Kei kɛ Yeesu uu pɛɛ yisi uu pisoi pɛɛ n cápinɛlɛ̃ yá uu kɛ́yɔ sĩ. Upipirɛtiki api u lɛɛpɔ api u pisɛ rɛ: A mɛyúipuri kópɛ mɛɛ kɛcarɛ-i n lɛ kɛnyárũ kɛ̃ asei rɔ́ símisi.
23650	MAT 13:42	Api nna píima kɛ́mɛɛ pi sápɔ. Kei kɛ pisoi api yɛ́ mɛyã́ ténesi pin inĩ́ takai.
23654	MAT 13:46	Kuú ha nkólɛ́ mɛɛ mɛyíkíyiki ń nyaḿ n yɛ̃́, uu sĩ́ uú ha ulikɔ́ nnɛ́í yái uú nɛ n lɔlu.
23658	MAT 13:50	api pɛpɛɛ ápi Umɛla n wa nna píima kɛ́mɛɛ sápɔ. Kei kɛ pisoi api yɛ́ mɛyã́ ténesi pin inĩ́ takai.
23662	MAT 13:54	uu kuyu kpɛ-i kuu iwã́ n li kɛ́mɛɛ sĩ́ uú ha kei Pisuifi kuyomɛyáhaalee-i n céési. Ai pɛpɛɛ kei ń we nnɛ́í nnɔ́ɔ yipu, api yɛ pɛɛ rɛ: Yei kɛcirɛ kɛ nkó uu mpíí mɛwɛ́ɛ́sɛsɔhɔ mmɛ́ tu? Íye kuu yɛ nɛ mɛwaisaŋa mmɛ́ wapisi?
23678	MAT 14:12	Kei kɛ Yohani pipirɛtiki api pɛɛ́ ha api u kpísi api kúlɛsi, api limɛmáá pɛɛ sĩ́ apí ha lɛlɛɛ n wa nnɛ́í Yeesu kɛɛni.
23691	MAT 14:25	Yeesu uu riweeki kumúŋɛ́ míni kɛcáá n sɔ́nɛ un nɛ upipirɛtiki kɛ́mɛɛ sĩ́.
23731	MAT 15:29	Yeesu uu kei yisi uu Kalilee kupiyɛ ritimɛ sĩ. Uu pɛɛ rikúú rinyinɛ taá uú tonɛ.
23746	MAT 16:5	Kɛ Yeesu nɛ upipirɛtiki api ritimɛ ricɔ-mɛ̃ n sĩ́, upipirɛtiki api palɛi pikɛ́ akpɔ́nɔ́ kpísi pikɛ́ nɛ ripɛ́nɛ.
23747	MAT 16:6	Yeesu uu pɛɛ pi maa rɛ: Ani nɔ́mɛnɛ́círɛ tĩ ńsɔnɛ nɛ Pifarisi nɛ Pisatusee nkpɔ́nɔ́tɔ pitɛ.
23752	MAT 16:11	Íye kai pɛɛ wa nɛ nkpéni-mɛ áni kahanɛ n kõ tɛ ái akpɔ́nɔ́ kam tee kaḿ pɛɛ́ nɛ maa rɛ: Ani nɔ́mɛnɛ́círɛ tĩ nɛ Pifarisi nɛ Pisatusee nkpɔ́nɔ́tɔ pitɛ?
23753	MAT 16:12	Kei kɛ upipirɛtiki api pɛɛ kṍ tɛ ái nkpɔ́nɔ́tɔ pitɛ kapi yɛ nɛ akpɔ́nɔ́ ń wa kuú pɛɛ tee rɛ pikɛ́ nɛ pimɛcirɛ tĩ. Amá lɛ̃ kɛ Pifarisi nɛ Pisatusee api n céési kuu rɛ pikɛ́ nɛ pimɛcirɛ tĩ.
23784	MAT 17:15	Uu rɛ: Upíima, a kɛnɛ́wã́ nkɛ́ íwɛ tẽ́! Kɛ rikpínkpĩ́ pɔ́ɔ́lúlɛ akɛ yɛ mɛsɛ́rɛ lóirɛntɛ akɛ́ nɛ míni-i nɛ́ɛ nna-i lóipɔ.
23791	MAT 17:22	Kumúŋɛ́ kpɛ-i kapi Kalilee kɛtẽ n kɔ́ɔ́núlɛ̃, Yeesu uu pɛɛ pi maa rɛ: Pi yɛ́ Usoi Kɛpipi tĩ api pisoi anipɛ-i wai
23793	MAT 17:24	Kɛ Yeesu nɛ upipirɛtiki api Kapɛrinawum n tuipɔ, pɛpɛɛ Uléécaa kɛyɔ kɛ́mɛɛ lampoo n yɔ́su api Piyɛɛ kɛkúrí sĩ́ apí ha u pisɛ rɛ: Nɔ́unɛ́wɛ́ɛ́sɛ úu yɛ Uléécaa kɛyɔ ulampoo hɛ́ɛlɛ nɛ́ɛ?
23806	MAT 18:10	Yeesu uu kɔ pimáa pi kpá rɛ: Ani nɔ́mɛnɛ́círɛ tĩ nɛ siwã́ nsí kɛcɔpɛ kɛnyinɛ pilómiisɛ. Asei yɛ nyɛ rɛ *pipileecaatumɛ yɛ mɛsɛ́rɛ Unɛ́sáa yɛɛ kɛyómɛcaa-pɔ ń we lɛɛkɛɛpɔlɛ. [
23832	MAT 19:1	Kɛ Yeesu uu lɛ̃ pisímɛ́ ḿ masí, uu Kalilee kɛteni-i yisi uu Yutee kɛtẽ kɛɛ Yuritɛɛ nkoi kuwɛ́ɛ́-mɛ̃ ń we sĩ.
23866	MAT 20:5	Api yisi api sĩ́. Uu kɔ ituŋɛ kɛcírɛ kumúŋɛ́ nɛ nnyɔ́ɔ́ mɛtaani kumúŋɛ́ piléepɔ kpá, uu kɔ pikɛikɔ́ picɔ kpísi.
23879	MAT 20:18	Nɔ nyánii, Yerusalɛm kari nní símpɔ pikɛ́ ha kei Usoi Kɛpipi tĩ pikɛ́ pɛpɛɛ yɛ Uléécaa inyɔ́ɔnsɛ n wa piwɛ́ɛ́sɛ nɛ isé picélaa anipɛ-i wa, pɛ̃ pikɛ́ nɛ u túhaanɛ api yekei rɛ pikɛ́ u kpu.
23924	MAT 21:29	Uŋmánɛ uu u pɛsɛ rɛ: Ám sĩ! Kai rinkpásɛ, uu kɛmúŋɛ́ consɛ, uu yisi uu waasi.
23941	MAT 21:46	Api pɛɛ icée n wɛ́ɛ́si pikɛ́ nɛ u tĩ, pin kɔ pɛɛ risoiwuí wuru rɛ pisoi yɛ u nyáni rɛ u antepu lɛ nnya.
23954	MAT 22:13	Uyɔ́ɔpi uu pɛɛ pikɛikɔ́ maa rɛ: Ani ána nɛ anípɛ u paasi ani kɛtahai kuŋmaha-i u sápɔ. Kei kuu yɛ́ n téni un inĩ́ takai.
23956	MAT 22:15	Kei kɛ Pifarisi api pɛɛ símaanɛ rɛ íye kapi yɛ́ nɛ Yeesu ripinɛ wa pikɛ́ nɛ unnɔɔsimɛ́ cirɛ u n tĩ́.
23964	MAT 22:23	Kɛyáa kɛ̃ cirɛ kɛ Pisatusee api Yeesu kɛ́mɛɛ ha. Pisatusee pɛɛ tee rɛ pikpɔkpɔ ápi yɛ nkpɔ-i yisi. Api sĩ́ apí ha Yeesu lɛɛpɔ, api u pisɛ rɛ: Sáa, Moisi yɛ maa rɛ:
24022	MAT 23:35	Lɛ̃ nnya kɛ pɛ̃ nnɛ́í kani n kṍ ápi kɔ líka wa nkpɔ nń nɛ nɔ́ tɛnɛnɛ, kai n kpíimɛ usɔnɛ Apɛɛli kɛ́mɛɛ aí nɛ sĩ Perekiya uŋmánɛ Sakarii kani Uléécaa kɛyɔ kɛ́mɛɛ kɛlõ sɔnɛ nɛ kɛnyɔ́ɔnsɛhúúpi kɛpáápáá ń kpu kɛ́mɛɛ-pɔ.
24029	MAT 24:3	Yeesu uu pɛɛ sĩ́ uú ha Olifiyee rikúú kɛcáá tonɛ. Upipirɛtiki api kei u kálaapɔ api u pisɛ rɛ: A rɔ́ símisi píyei kai lɛ̃ wainɛ, nɛ yo kari yɛ́ kɔ nɛ ceri rɛ mɛpɔ́pɛɛmɛ mɛɛ lɛ̃ tu rɛ kɛtẽ kɛtɔ yɛ kɛ̃.
24030	MAT 24:4	Yeesu uu pi pɛsɛ rɛ: Ani nɔ́mɛnɛ́círɛ tĩ ńsɔnɛ, áni kapɛ tíyɛ unyinɛ ukɛ́ kuyúi nɔ́ tã.
24053	MAT 24:27	Yarɛ kɛ kɛkónɛtɛ́hɛ akɛ yɛ nní kɛléécaa-pɔ n léemɛ akɛ mɛyéne mɛsɛ yɛɛ́ri kɛtuŋɛleemɛ-pɔ akɛ́ nɛ sĩ kɛtuŋɛlolɛ́-pɔ, limɛcɔ kɛ Usoi Kɛpipi akɛ sɔ́nti.
24077	MAT 24:51	Kei kuu yɛ́ pɛɛ ukɛikɔ́ uyɛ̃ lakasɛ uu íwɛ u wai yarɛ kapi yɛ kɛcáá kɛcáá mɛwai pikɔ́ n wa mɛcɔ. Kei kuu yɛ́ n téni un inĩ́ takai.
24107	MAT 25:30	Amá ukɛikɔ́ nkó yɛɛ úu nní líka n yóriyɛ likɔ́ lɛɛ rɛ ani u tĩ ani kɛtahai-mɛ̃ kuŋmaha-i u sápɔ. Kei kuu yɛ́ n téni un inĩ́ takai.
24127	MAT 26:4	api rinɔ́ɔ risɛ wai rɛ pikɛ́ mɛyaa Yeesu tĩ pikɛ́ kpu.
24129	MAT 26:6	Yeesu uu Petanii kɛtẽ-mɛ̃ sĩ uú ha uyɔ̃́ Simɔɔ kɛyɔ-i topilɛ.
24144	MAT 26:21	Kɛlukɛ kɛ-i kuu pi maa rɛ: Asei kɛcáá, kɛ́ nɔ́ símisi rɛ nɔ́kɛnɛ́cɔpɛ unyinɛ yɛ́ nɛ́ tĩ́ uu pinɛ́láarɔ anipɛ-i wai.
24168	MAT 26:45	uu pɛɛ kɔ upipirɛtiki kɛ́mɛɛ pɛɛpɔ uu pi maa rɛ: Nɛ́ntɛ nɔ nkpéni lɔnilɛ nɔn wéntɛlɛ̃? Ituŋɛ yɛ nkpéni tulɛ rɛ pikɛ́ Usoi Kɛpipi tĩ pikɛ́ pikópɛkɔɔ́ anipɛ-i wa.
24171	MAT 26:48	Yutasi uyɛɛ pɛɛ pianipɛ-i Yeesu n wainɛ yɛ pɛɛ risoiwuí céesilɛ lɛ̃ kapi yɛ́ nɛ Yeesu n céri pikɛ́ tĩ́. Uu pɛɛ pi maa rɛ: Nɛn ha úye rimpira aḿ u yáási, uyɛɛ lo. Ani u tĩ.
24178	MAT 26:55	Yeesu uu pɛɛ pisoi pɛɛ n cápinɛlɛ̃ maa rɛ: Nɔ atɛ́hɛ nɛ apúnípi nɛ pitínɛ nɛ́ ka yarɛ usoi kpááree unyinɛ kani pitínɛ ka. Ḿpá kɛyáa kɛ́ye kɛ tɔ́ nɛ nnɔ̃́ arí pɛɛ Uléécaa kɛyɔ-i we nɛn céési, áni nɛ́ tĩ́.
24180	MAT 26:57	Pɛpɛɛ Yeesu n tĩ́ yɛ pɛɛ u kpísilɛ apí nɛ Uléécaa usina Kayifu kɛyɔ sĩ. Kei kɛ isé picélaa nɛ Pisuifi piwɛ́ɛ́sɛ apí pɛɛ cápinɛlɛ̃.
24194	MAT 26:71	Uu limɛmáá yisi uu rinɔnɔɔ-mɛ̃ sĩ. Unɔ́si kɛikɔ́ ucɔ pɔ́ɔ kɔ kei piyɛ́nɛ u kpá uu pɛpɛɛ kei n cápinɛlɛ̃ maa rɛ: Nkó pɔ̃́ nɛ kɔ pɛɛ Nasarɛti ukɔ́ Yeesu uyɛ̃ tikilɛnlɛ.
24203	MAT 27:5	Uu pɛɛ siwóó sɛ̃ kpísi uu Uléécaa kɛyɔ-i sá, uu sĩ́ uú ha umɛcirɛ ńŋmɛ wai.
24256	MAT 27:58	Uu Pilati kɛ́mɛɛ sĩ́ uú ha u pisɛ rɛ ukɛ́ Yeesu u pa. Kei kɛ Pilati uu ŋmurɛi uu ncée hɛ rɛ pikɛ́ ha Yeesu u pa.
24260	MAT 27:62	Kɛ kɛyáa kɛɛ yɛ nɛ kɛwéntɛyaa n tisɛ akɛ n tu, pɛpɛɛ yɛ Uléécaa inyɔ́ɔnsɛ n wa piwɛ́ɛ́sɛ nɛ Pifarisi api yisi api Pilati kɛyɔ sĩ,
24271	MAT 28:7	ani mɛkɛɛ sĩ aní ha upipirɛtiki símisi rɛ u nkpɔ kɛ́mɛɛ yisilɛ. U yɛ́ Kalilee-pɔ pi m mɛ̃́. Kei kani yɛ́ ha u yɛ̃. Mmɛ̃ kam m má kɛ́ nɔ́ n símisi yɛ mmɛ̃.
24280	MAT 28:16	Yeesu pipirɛtiki kɛfi nɛ usɛ api yisi api Kalilee-pɔ riyɔ́pɛ tɛ-i kɛ Yeesu uú pɛɛ ḿ maa rɛ pikɛ́ ha sĩ.
24296	MRK 1:12	Mɛsɛ nɛ mɛsɛ Nfáasɔnɛ nń nɛ kucɛsi kóima-pɔ Yeesu sĩ.
24298	MRK 1:14	Kapi Yohani kukpaniilee n tã mɛmáá, Yeesu uu Kalilee sĩ uu Uléécaa Nsímɛ́ Kɛcirɛ n yóólɛ̃
24305	MRK 1:21	Yeesu nɛ upipirɛtiki api Kapɛrinawum sĩ. Yeesu uu mɛsɛ nɛ mɛsɛ kɛwéntɛyaa kɛtúŋɛ́ Pisuifi kuyomɛyáhaalee loni uu pisoi picélaa kápáá.
24319	MRK 1:35	Kai n weesi, Yeesu uú nɛ kɛsinɛ tɔrɔɔ kɛ́yɔ lelu. Uu iyaa sĩ uú ha kei umɛcirɛ kɛyómɛ n yáási.
24329	MRK 1:45	Amá utisi uyɛ̃ uu sĩ́ uu lɛ̃ nnɛ́í kai n wa ḿpá yei kɛ́ɛ́nkɛɛ. Lɛ̃ nnya, Yeesu úu yɛ fe ukɛ́ umɛcirɛ riwúí-i pinyísɛ rikpá, amá iyaa kuú le, kei kɛ úka úu ń we. Pisoi pin ḿpá mɛ́ye léenti pin ukɛmɛɛ sɔ́naapɔ.
24359	MRK 3:2	Pɛpɛɛ kɛyáa kɛ̃ kei ń we, api kutu n cɔlɛ̃ tɛ Yeesu yɛ́ kɛwéntɛyaa kɛtúŋɛ́ utisi uyɛ̃ pɔisɛɛ? Likumúŋɛ́ rɛ kɛwááná kapi yɛ n wɛ́ɛ́si pikɛ́ nɛ Yeesu n tĩ́.
24364	MRK 3:7	Lɛ̃ mɛmáá, Yeesu uu kei pi yá, u nɛ upipirɛtiki api Kalilee kupiyɛ ritimɛ sĩ. Kalilee pikɔ́ mɛyã pɛɛ pɛɛ u tikilɛ̃.
24376	MRK 3:19	nɛ Yutasi Isikariyɔɔti yɛɛ Yeesu n tĩ́ uu piláarɔ anipɛ-i wai.
24378	MRK 3:21	Kɛ Yeesu pikɔ́ api lɛ̃ n kṍ, api piwɛ́laa u sĩ pikɛ́ nɛ u kui pin músu rɛ li yɛ́ u m pansɛlɛ.
24416	MRK 4:24	Yeesu uu pimáa pi kpá rɛ: Ani nɔ́mɛnɛ́círɛ tĩ nɛ lɛ̃ nnɛ́í kani n kómɛi. Kulũ kpɛ̃ kani yɛ nɛ ḿ musí kɛ Uléécaa uú nɛ nɔ́ músunɛ. Ticuruu u yɛ́ kusá nɔ́ rikpá.
24437	MRK 5:4	Mɛpehẽ kulúi kapi yɛ uana nɛ nweni hɔpi api uanipɛ nɛ akpanii paasi, amá u yɛ ipehe iyɛ̃ nnɛ́í túúnlɛ. Úka nnaŋɛ ńn pɛɛ tulaalɛ̃ nkɛ́ nɛ utisi uyɛ̃ tĩ.
24447	MRK 5:14	Pisoi pɛɛ pɛɛ a n séni api wuru apí ha nɛ nsímɛ́ kuyu nɛ siyupi kɔ́ɔ́nú. Pisoi api sĩ́ pikɛ́ lɛlɛɛ n wa yɛ̃.
24448	MRK 5:15	Api Yeesu-i sĩ́ api utisi uyɛɛ pɛɛ aníri kulúi n héesi yɛnu un tũ nɛ ukɛyu cáká-cáká un kɔ lapaalɛ̃ ńsɔnɛ, ai iwamɛ pi wai.
24477	MRK 6:1	Kɛ Yeesu uu kɛlõ kɛ-i n yisi uu kuyu kpɛ-i kuu iwã́ n li kɛ́mɛɛ sĩ́, upipirɛtiki api u tiki.
24482	MRK 6:6	Ai Yeesu pírí wai kápi nɛ kɛfa u n tɛnɛ. Lɛ̃ mɛmáá, Yeesu uu ayu acɔ nyɛɛ nɛ kei n kɔ́lɛ̃ kɛ́mɛɛ sĩ́ uu apisoi nléécaasimɛ́ céési.
24484	MRK 6:8	Uu rinɔ́ɔ pi hɛ rɛ: Áni kapɛ kunaapi mɛmáá líka rimúlú yarɛ ilukɛ nɛ́ɛ kulɔ́ɔ nɛ́ɛ kɛwóó rɛ ncée kani nɛ sĩ.
24509	MRK 6:33	Pisoi mɛyã api pimɛtɔ́ŋɛ́ yɛ́nu api kɔ pi ceru. Ayu nyɛɛ nɛ pi n kɔ́lɛ̃ nnɛ́í pisoi api ntóó wai api kei kapi n sĩ́ pi fɔ́su.
24524	MRK 6:48	Uu yɛ́nu rɛ kúninɔi pitíkíí yɛ íwɛ pi wailɛ, likumúŋɛ́ rɛ mɛ̃ kapi n sĩ́ kɛ kuyɔ píima kunyinɛ aku pépuri. Tiweeki kumúŋɛ́, uu pikuwɛ́lɛ́-mɛ̃ n sɔ́nɛpɔ míni kɛcáá, un la ukɛ́ pi rifaau.
24556	MRK 7:24	Kɛ Yeesu uu kei n yisi, uu Tiiri kuyu kuwɛ́lɛ́-mɛ̃ sĩ. Uu kɛ́yɔ kɛnyinɛ-i tonɛ. Úu la unyinɛ ukɛ́ u yɛ̃. Amá ḿpá nɛ lɛ̃, úu fe ukɛ́ umɛcirɛ pesí.
24579	MRK 8:10	U nɛ upipirɛtiki api mɛsɛ nɛ mɛsɛ kúninɔi loni api Talimanuta kɛtẽ sĩ.
24582	MRK 8:13	Uu lɛ̃ mɛmáá kei pi yá uu kúninɔi loni uu rikóitimɛ ricɔ sĩ.
24584	MRK 8:15	Yeesu uu rinɔ́ɔ pi hɛ rɛ: Ani nɔ́mɛnɛ́círɛ tĩ ńsɔnɛ nɛ Pifarisi nɛ Erooti nkpɔ́nɔ́tɔ pitɛ.
24592	MRK 8:23	Yeesu uu unyíyɛ kunípɛ tini uu u tɔrɔi uú nɛ kuyu ilúkɛ́ sĩ́ uu pɛɛ mɛta inípɛɛ-i u wai, uu anípɛ ukɛcáá láa uu u pisɛ rɛ: Pɔ linyinɛ nyánii?
24596	MRK 8:27	Yeesu nɛ upipirɛtiki api Sesaree Filipu siyupi kɛ́mɛɛ sĩ́. Uu ncée kɛ́mɛɛ pi pisɛ rɛ: Pisoi yɛ máikɛɛ rɛ nɛ́ɛ úye?
24625	MRK 9:18	Ḿpá yei kai kɛ yisi, ku yɛ kɛtẽ kɛ talɛ akɛ atalalaá léeri, kɛn anĩ́ takai, ipiŋɛ ii nánu. Aḿ nɛ pipɔ́pirɛtiki téni rɛ pikɛ́ kuníri kpɛ̃ lakasɛ, amá ápi fe.
24658	MRK 10:1	Yeesu uu ncée pɔlɔ uu Yutee kɛtẽ loni uu kɔ Yuritɛɛ rikoitimɛ ricɔ kuwɛ́lɛ́-mɛ̃ sĩ. Pisoi kulúi api kɔ pikálaa u kpá uu kɔ pɛ̃ picélaa loni yarɛ kuu yɛ n céesi.
24689	MRK 10:32	Ncée kɛ́mɛɛ kapí pɛɛ́ we pin Yerusalɛm-mɛ̃ sĩ. Yeesu un pikɛkpeẽ sɔ́nɛ, upipirɛtiki pin kɛwuu piralɛ̃, iwamɛ in pɛpɛɛ pi n tíkilɛ̃ we. Yeesu uu kɔ upipirɛtiki kɛfi nɛ pitɛ́ kpísi uu lɛlɛɛ u n lɛɛrinɛ pi símisi
24690	MRK 10:33	uu rɛ: Nɔ nyánii, Yerusalɛm kari nní símpɔ pikɛ́ ha kei Usoi Kɛpipi tĩ pikɛ́ pɛpɛɛ yɛ Uléécaa inyɔ́ɔnsɛ n wa piwɛ́ɛ́sɛ nɛ isé picélaa anipɛ-i wa, pɛ̃ pikɛ́ nɛ u túhaanɛ api yekei rɛ pikɛ́ u kpu. Pi yɛ́ pɛpɛɛ ápi Uléécaa m pakarɛlɛ̃ anipɛ-i u wa.
24707	MRK 10:50	Unyíyɛ uu ukɛtukanka sá uu wákasi uu Yeesu-mɛ̃ sĩ,
24713	MRK 11:4	Api sĩ́ api kɛminaapipi lɛɛpɔ ncée-i kɛn kɛtahai toraalɛ̃ tinɔnɔɔ rinyinɛ kɛyúrí, api kɛ toriyɛ.