23247	MAT 2:9	Kɛ Erooti uu lɛ̃ pisímɛ́ pi ḿ masí, api yisi api ncée pɔlɔ. Kei kapi pɛɛ ripaí, api yɛ́nu riwárɛpi tɛ̃ kapí pɛɛ kɛtuŋɛleemɛ-pɔ n yɛ̃́ tin pikɛyu sɔ́nɛ pin ti tikilɛ̃. Ari kɛlõ kɛ-i kɛ kɛwã́ kɛ̃ akɛ ń we tulu, ari nyɛrɛ.
23255	MAT 2:17	Lɛ̃ kɛ antepu Yeremii uú pɛɛ mɛkɛɛ-mɛ ḿ ma kai lɛ̃ wa. U pɛɛ rɛ:
23261	MAT 2:23	uú ha kuyu kpɛ̃ kapi yɛ n sée rɛ Nasarɛti-i tonɛ. Lɛ̃ kɛ antepuyɛ apí pɛɛ ḿ ma kai lɛ̃ tikilɛ̃. Pi pɛɛ rɛ: Pi yɛ́ kam api kɛwã́ kɛ̃ séi rɛ Nasarɛti ukɔ́.
23270	MAT 3:9	Áni kapɛ n nyu rɛ kani nní ḿ máikɛɛ rɛ Apiraham yɛɛ nɔ́unɛ́sáayaha nnya, lɛɛ nɛ nɔ́ piyɛ. Amá nɛ kalɛ kɛ́ nɔ́ símisi rɛ Uléécaa yɛ́ fe uu aparɛ nnyɛ́ pansɛsɛ Apiraham siyasɛ.
23276	MAT 3:15	Yeesu uu pɛɛ u pɛsɛ rɛ: A riyá likɛ́ pɛɛ lɛ̃ n we kɛlenɛ. Lɛ̃ kari yɛ́ fe arí nɛ lɛ̃ nnɛ́í kɛ Uléécaa uu ń la ńsɔnɛ wai. Kuu lɛ̃ ḿ ma, Yohani uu pɛɛ kóm uu míni u wolɛ.
23277	MAT 3:16	Kɛ Yohani uu lɛ̃ Yeesu piwólɛ ḿ masí, Yeesu uu míni-i léepɔ. Kɛyómɛ akɛ kei nní wúkulɛ uu Uléécaa Nfaasɔnɛ yɛnu nn kɛyómɛcaa-pɔ súiri yarɛ rilɔ́ɔlã, nn ukɛcáá tonɛ.
23282	MAT 4:4	Yeesu uu u pɛsɛ rɛ: Li Nléécaasimɛ́ kɛ́mɛɛ wɔ́laalɛ̃ tɛ: Ái ilukɛ ŋmanɛ yɛɛ yɛ usoi nfáa hɛ, amá ḿpá nsímɛ́ ń-ye mɛɛ Uléécaa nnɔɔ-i n léemɛ yɛɛ kɔ usoi nfáa hɛlɛ.
23292	MAT 4:14	Lɛ̃ kɛ antepu Esayi uú pɛɛ ḿ ma likɛ́ nɛ n wa nnya kai lɛ̃ wa. U pɛɛ rɛ:
23308	MAT 5:5	Pɛpɛɛ ḿ purú pɛɛ pínarɛkomɛ. Uléécaa yɛ́ kɛtẽ kuú nɛ upisoi m mɛ̃́ pi pa.
23318	MAT 5:15	Úka úu yɛ kɛ́firáa risɛ́ uu kucári kɛ kipi. Kɛcácá kuu yɛ kɛ ritɔsi akɛ ḿpá úye kɛ́yɔ-i n kpã́iilɛ̃.
23321	MAT 5:18	Asei kam nní nɔ́ símisi, kɛtẽ nɛ kɛyómɛ yɛ kpére we, kɛwɔ́ipi cíú-cíú kɛ́ka nɛ́ɛ kɛsímɛ́pi kɛ́ka ákɛ isé kɛ́mɛɛ mɛ́lelɛ má, likɛ́ ha nɛ ḿpá yo kɛtɔ tu.
23322	MAT 5:19	Lɛ̃ nnya, úye un isé rinɔɔ rinyinɛ n kɛsi uu kɔ picɔ céési rɛ pikɛ́ ri kɛsi, ḿpá rinɔ́ɔ tɛ̃ tinsá pitíki m páápú, uyɛɛ yɛ́ masí Uléécaa iyɔɔpi kɛ́mɛɛ usíńsá. Amá úye un ti m pakarɛ un kɔ picɔ n céési rɛ pikɛ́ limɛcɔ wa, uyɛɛ yɛ́ masí Uléécaa iyɔɔpi kɛ́mɛɛ úyukɔɔ́.
23332	MAT 5:29	In tɛ mɛpɔ́nípɛɛ lukɛ-lukɛ mɛɛ akópɛ pɔ́ waisɛ, a mɛ lesɛ aa kɛtaa-pɔ fómpɔ. Li kutɔsi we usoi ukɛ́ uipiŋɛ likɔ́ linyinɛ paa uú nɛ nfáa yɛnu nɛ kuu yɛ́ uipiŋɛ nnɛ́í ḿ má apí nɛ nna tɛnɛcirɛ́ kɛ́mɛɛ u sápɔ.
23333	MAT 5:30	In tɛ kupɔ́nípɛ lukɛ-lukɛ kpɛɛ yɛ akópɛ pɔ́ waisɛ, a ku riké aa kɛtaa-pɔ ku fómpɔ. Li kutɔsi we pɔkɛ́ kupɔ́nípɛ lukɛ-lukɛ paa aá nɛ nfáa yɛnu nɛ kaa yɛ́ ipɔ́piŋɛ nnɛ́í ḿ má apí nɛ nna tɛnɛcirɛ́ kɛ́mɛɛ pɔ́ sápɔ.
23339	MAT 5:36	Áni kapɛ yɛ kɔ wéeri aní nɛ nɔ́rinɛ́yu séi, káni yɛ́ nní n fe nɔkɛ́ ḿpá nnyúpi cirɛníŋɛ riwárarasɛ nɛ́ɛ nɔkɛ́ risɔmaasɛ nnya.
23351	MAT 5:48	Ani n nyaḿ nɛ kɛ́tɔ-pɔ yarɛ kɛ Nɔ́unɛ́sáa yɛɛ kɛléécaa-pɔ ń we uu ń nyaḿ nɛ kɛ́tɔ-pɔ mɛcɔ.
23362	MAT 6:11	A yɛ ḿpá kɛweesi kɛ́ye ilukɛ rɔ́ hɛ,
23364	MAT 6:13	Kapɛ tíyɛsɛ tɔkɛ́ pipeikɛɛ kɛ́mɛɛ loó. Amá a kuníri anipɛ-i rɔ́ lesɛ. Li we rɛ pɔ́ɔ iyɔ́ɔpi nɛ ńnaŋɛ nɛ ḿmulɛ te ḿpá píyei-pɔ. Amí.
23373	MAT 6:22	Yeesu uu kɔ pimáa pi kpá rɛ: Inípɛɛ yɛɛ ipiŋɛ kɛfiráa. Ipɔ́nípɛɛ in n nyaḿ, i yɛ ipiŋɛ nnɛ́í n kpã́iilɛnlɛ.
23378	MAT 6:27	Nɔ́ úye yɛɛ yɛ́ fe uu nfasimɛ́ wai uú ha nɛ unfaa aŋmɛ̃ ḿpá nkáripi kpásɛ?
23380	MAT 6:29	Amá kɛ́ nɔ́ símisi rɛ ḿpá nɛ lɛ̃, Uyɔ́ɔpi píima Salomɔɔ ricuruu nɛ ummulɛ mmú nnɛ́í, úu pɛɛ ilũ inyinɛ má yɛɛ ń nyaḿ ai mɛfɛlɛ mɛnyinɛ tulu.
23385	MAT 6:34	Lɛ̃ nnya, áni kapɛ yɛ nfasimɛ́ wa rɛ íye kai yɛ́ kóso n we. Li we rɛ ḿpá kɛyáa kɛ́ye nɛ kɛnkɔ́ yɛ mu.
23387	MAT 7:2	Lɛ̃ kani yɛ picɔ akópɛ ḿ pa mɛcɔ kɛ Uléécaa uu akópɛ nɔ́ panɛ. Kɛmúŋɛ́ kɛ̃ kani yɛ nɛ picɔ ḿ musí kapi kɔ nɛ nɔ̃́ músunɛ.
23392	MAT 7:7	Yeesu uu kɔ pimáa pi kpá rɛ: Ani yɛ Uléécaa we, u yɛ́ nɔ́ hɛ. Ani yɛ ukɛmɛɛ piwɛ́laa ha, u yɛ́ tíyɛsɛ ani yɛ́nu. Ani yɛ ihánaa u rikóḿkóḿ, u yɛ́ nɔ́ hánnɛ.
23393	MAT 7:8	Úye un u n we, u yɛ u hɛlɛ. Úye un ukɛmɛɛ linyinɛ n wɛ́ɛ́si, u yɛ li yɛnlɛ. Úye un kɔ ihánaa u rinkóḿkóḿ, u yɛ u hánnɛlɛ.
23400	MAT 7:15	Yeesu uu kɔ pimáa pi kpá rɛ: Ani nɔ́mɛnɛ́círɛ tĩ nɛ antepuyɛ nɔɔmɛ. Pi yɛ rikpárálɛ apí n nyísɛlɛ̃ tɛ pi asáŋpipi lɛ, nɛ́ḿpákanɛ pi pisifa-i ákpɛ kpááree lɛ.
23413	MAT 7:28	Kɛ Yeesu uu anɔ́ɔ nyɛ̃ nnɛ́í pimáa ḿ masí, umɛcélaa amɛ pɛɛ pisoi riwúí mɛyã́ nnɔ́ɔ n yipaalɛ̃.
23418	MAT 8:4	Yeesu uu pɛɛ rinɔ́ɔ u hɛ rɛ: Kapɛ wa unyinɛ ukɛ́ kṍ. Amá a uyɛɛ Uléécaa inyɔ́ɔnsɛ n wai lɛɛpɔ ukɛ́ pɔ́ musí ukɛ́ yɛ̃́ tɛ pɔ peí, aa pɛɛ limɛmáá inyɔ́ɔnsɛ kɛ Moisi uú nɛ nɔ́ n tíyɛ wai likɛ́ ḿpá úye nyísɛ rɛ pɔ peilɛ.
23431	MAT 8:17	Lɛ̃ kɛ antepu Esayi uú pɛɛ ḿ ma kɛ mɛwai mɛ̃ amɛ ritiki rɛ: Tirɔ́nárɛi kuú yɔsí uu irɔ́tói kpísi uu cɔni.
23433	MAT 8:19	Kei kɛ isé ucélaa usɛ uú nɛ u rikɔ uu u maa rɛ: Ucélaa, ḿpá yei kaa sĩ́ nɛ́ pɔ́ ritiki.
23441	MAT 8:27	Ai ḿpá úye nnɔ́ɔ yipu api pɛɛ pimɛcɔpɛcirɛ n tee rɛ: Usoi úye kɛcirɛ yɛ nkó kaí nɛ kuyɔ nɛ míni ripɛ́nɛ lin u pakarɛlɛ̃?
23453	MAT 9:5	Anɔ́ɔ nnyɛ́ kɛtɛ́ kɛcɔpɛ, ríye tɛɛ fákú nɛ ricɔ: Kɛ usoi uu yɛ́ kɛ́kankáláká ḿ maa rɛ: Nɛ apɔ́kópɛ pɔ́ sárɛi nɛ́ɛ kuu yɛ́ kɛ ḿ maa rɛ: A yisi a sɔ́nɛ?
23461	MAT 9:13	Ani ha Uléécaa nsímɛ́ mmú kuu ḿ ma asei wɛ́ɛ́si ani kóm. U maa rɛ: Nɛ̃́, Uléécaa yɛ nɔ́ písɛi rɛ ani íwɛ n ténaanɛ, ám nɔ́ písɛi rɛ ani yɛ isɛɛ nɛ nɛ́ nyɔ́ɔnsɛ. Yeesu uu kɔ pimáa pi kpá rɛ: Ái pɛpɛɛ pimɛcirɛ n nyáni rɛ pi pisoi lɛ pɛɛ asei n tikilɛ̃ kam piséi ka, amá pikópɛkɔɔ́ nnya kaḿ ka.
23469	MAT 9:21	Ái mɛ́woo kuu lɛ̃ tica. U ukɛfa-i maa rɛ: Nɛn pɛɛ́ ŋmaa uilũ kerí n fe aḿ ca, nɛ yɛɛ pɛɛ́ peí.
23472	MAT 9:24	Uu pi maa rɛ: Ani nté léepɔ. Kɛkpérepi nkɛ́ ákɛ kpu, kɛ lɔnilɛ. Kuu lɛ̃ ḿ ma, api u sɛ́nnyi.
23478	MAT 9:30	Kuu lɛ̃ ḿ ma, piinipɛɛ ii wúkulɛ apí n nyáni. Uu pɛɛ pi kúrúrúsɛ rɛ: Ani nɔ́mɛnɛ́círɛ tĩ ńsɔnɛ, áni kapɛ tíyɛ unyinɛ ukɛ́ lɛ̃ kõ.
23481	MAT 9:33	Kɛ Yeesu uu yɛ́ kuníri kpɛ̃ n lákasɛpɔ, utisi uyɛ̃ uu nsímɛ́ kápáá. Ai riwúí tɛ-i ḿpá úye nnɔ́ɔ yipu, api pɛɛ rɛ: Ári píkai Isirayɛɛli kɛteni-i mɛwai mmɛ́ mɛcɔ yɛnaalɛ̃!
23505	MAT 10:19	Pin yɛ kɛtahai nɔ́ n sée, iwamɛ íi kapɛ yɛ nɔ́ wa rɛ ń-ye kani yɛ́ ha símisi nɛ́ɛ íye kani yɛ́ ha n símisi. Liituŋɛ in n tu, Uléécaa yɛ́ ḿmaa-maa nɔ́ hɛ aní malɛ.
23512	MAT 10:26	Yeesu uu kɔ pimáa pi kpá rɛ: Áni kapɛ pisoi n wuru. Lɛ̃ nnɛ́í lɛɛ m pékaalɛ̃ nɛ lɛ̃ nnɛ́í kɛ úka úu n nyu yɛ́ kam ai mɛtɛ́í kɛ́mɛɛ léeri ḿpá úye uu li yɛnu uu kɔ li ceru.
23513	MAT 10:27	Mmɛ̃ kam nní kuŋmaha-i nɔ́ n símisi, ani ha mɛtɛ́í kɛ́mɛɛ n tiyóó. Ani ha kɔ mmɛ̃ kam nní kutu-i nɔ́ rinwɛ́í-wɛ́í, kɛcácá-i nyɛrɛ ani yóó ḿpá úye ukɛ́ kṍ.
23520	MAT 10:34	Yeesu uu kɔ kpá rɛ: Áni kapɛ m músu rɛ ńniŋɛ kaḿ nɛ kɛtẽ kɛcáá ka. Ái nkpáni ńniŋɛ, amá atɔpi kaḿ nɛ ka.
23527	MAT 10:41	Úye un antepu unyinɛ n yɔsí rɛ antepu lo nnya kuu u yɔsí, Uléécaa yɛ́ ihɛ́ɛ́ kuu yɛ́ antepu ḿ pa icɔ u hɛ́ɛ́lɛ. Nkó yɛɛ kɔ uyɛɛ asei nɛ Uléécaa pikɛi n wai n yɔsí rɛ asei ute lo nnya kuu u yɔsí, Uléécaa yɛ́ ihɛ́ɛ́ kuu yɛ́ asei ute ḿ pa u hɛ́ɛ́lɛ.
23529	MAT 11:1	Kɛ Yeesu uu upipirɛtiki kɛfi nɛ pitɛ́ pɛ̃ uicélaa pípa ḿ masí, uu kei yisi uú ha kɛtẽ kɛ̃ ayu kɛ́mɛɛ n céési un kɔ Nléécaasimɛ́ yóólɛ̃.
23535	MAT 11:7	Kɛ Yeesu uu lɛ̃ pisímɛ́ pi ḿ masí api tɔ́mpɔ, uu pɛɛ Yohani kɛcáá nsímɛ́ pisoi pɛɛ n cápinɛlɛ̃ n símisi, uu rɛ: Yo kani kucɛsi kóima-i piyɛ́nɛ ha? Kɛkpápi kɛ kuyɔ aku n fíkiisɛɛ?
23553	MAT 11:25	Yeesu uu pɛɛ likumúŋɛ́ kpɛ-i maa rɛ: Sáa, kɛtẽ nɛ kɛyómɛ Upiima, nɛ pɔ́ pakarɛ rɛ pɔ tíyɛsɛ siwã́ síńsápi asi nsímɛ́ mmɛ̃ kaa pisɔhɔɔ nɛ pinyuwɛ ḿ pesí asei kom.
23555	MAT 11:27	Yeesu uu kɔ limɛmáá pi maa rɛ: Unɛ́sáa yɛ ḿpá yo nnɛ́í nɛ́ palɛ. Úka ucɔ úu nɛ̃́, Ukɛpipi nyu Unɛ́sáa mɛmáá. Úka ucɔ úu kɔ Unɛ́sáa nyu insá nɛ̃́ Ukɛpipi nɛ pɛ̃ kam n tíyɛsɛ api u ceru.
23557	MAT 11:29	Ám la kɛ́ nɔ́ n nyikilɛ̃ lin nɔ́ pelaalɛ̃. Ani ncɔni kaḿ nɛ nɔ́ ń la ŋmurɛi ani cɔni, ani tíyɛ kɛ́ nɔ́ n céési. Nɔ́ pɛɛ yɛ̃́ kani yɛ́ ń wéntɛ. Nɛ kɛfa láárúlɛ. Mɛnɛ́kɔ́ ámɛ kɔ pɔ́ɔ́lú.
23560	MAT 12:2	Kɛ Pifarisi api lɛ̃ n yɛ̃́, api Yeesu maa rɛ: A ripaí kɛ pipɔ́pirɛtiki api n wai lɛ̃ kɛ isé ii ḿ maa rɛ pisoi ápi kapɛ yɛ kɛwéntɛyaa kɛtúŋɛ́ wa.
23575	MAT 12:17	Lɛ̃ kɛ antepu Esayi uu uritɛlɛ́ kɛ́mɛɛ ḿ ma likɛ́ nɛ n wa nnya. U pɛɛ rɛ:
23576	MAT 12:18	Unɛ́kɛikɔ́ lala yɛ nkó. Uyɛ̃ kam wɛ́ɛ. Ám kusa u la. Nɛ́ Nnɛ́fáasɔnɛ ukɛmɛɛ wa ukɛ́ nɛ sitẽ nnɛ́í isoipuri asei kaḿ nɛ i n wemɛ riyóó.
23578	MAT 12:20	Úu yɛ́ kɛkpápi kɛɛ pikɔ́nɔ́ɔ́ m máálɛ̃ sei. Úu yɛ́ kɔ kɛ́firáa kɛɛ pinyúḿ-nyúḿ ḿ masí kpu. Lɛ̃ kuu yɛ́ n wai aí weri aí nɛ tulu kumúŋɛ́ kpɛ-i kɛ asei aa yɛ́ ḿpá yo n feriyɛ.
23585	MAT 12:27	In tɛ Pɛlisepulɛ yɛɛ ńnaŋɛ nɛ́ hɛ kaḿ nɛ aníri lakasɛntɛ, wóo pɛɛ nɔ́pinɛ́kɔ́ pɔ̃́ ńnaŋɛ hɛ kapí nɛ a lakasɛntɛ? Ani n nyu rɛ nɔ́pinɛ́kɔ́ cirɛ pɛɛ nɔ́ nyísɛnɛ rɛ áni alari má.
23586	MAT 12:28	Asei kɛcáá, Uléécaa Nfaasɔnɛ nnaŋɛ kaḿ nɛ aníri lakasɛntɛ. Lɛlɛɛ nyísɛlɛ̃ tɛ Uléécaa iyɔɔpi yɛ nɔ́kɛnɛ́mɛɛ pituimɛ masilɛ.
23619	MAT 13:11	Yeesu uu pi pɛsɛ rɛ: Nɔ̃́ kɛ Uléécaa uu uiyɔɔpi nsímɛ́ mɛɛ m pékaalɛ̃ cereisɛ, úu pɛ̃ cereisɛ. Lɛ̃ nnya kaḿ nɛ lɛ̃ pi símisi.
23620	MAT 13:12	Li we yarɛ kapi yɛ ḿ maa rɛ: Nkó yɛɛ linyinɛ m má kapi yɛ licɔ rikpá ai mɛyã́ wai. Amá nkó yɛɛ úu líka m má kapi yɛ likáripikɔɔ́ lɛ̃ kuu m má yɔsí.
23622	MAT 13:14	Lɛ̃ kɛ antepu Esayi uú pɛɛ mɛkɛɛ-mɛ ḿ ma yɛɛ lɛ̃ wai rɛ: Nɔ́ kam ani yɛ n kómɛi, áni yɛ́ɛ́ pɛɛ liasei ceri. Nɔ́ kam ani yɛ n nyánɛi, áni yɛ́ɛ́ pɛɛ yɛ̃́.
23643	MAT 13:35	Lɛ̃ kɛ antepu uú pɛɛ n wɔ́i likɛ́ nɛ n wa nnya. U pɛɛ rɛ: Sinyárũ kam kpísinɛ kɛ́ nɛ n símisi. Nɛ́ sinyárũ kpísi aḿ nɛ lɛ̃ nnɛ́í lɛɛ ḿpá yo kɛkoraanɛ-mɛ m pékaalɛ̃ yóó.
23654	MAT 13:46	Kuú ha nkólɛ́ mɛɛ mɛyíkíyiki ń nyaḿ n yɛ̃́, uu sĩ́ uú ha ulikɔ́ nnɛ́í yái uú nɛ n lɔlu.
23688	MAT 14:22	Kapi pilukɛ ḿ masí, Yeesu uu upipirɛtiki rinɔ́ɔ hɛ rɛ pikɛ́ kúninɔi lõ pikɛ́ ha kupiyɛ ritimɛ ricɔ-pɔ u fɔsí, uyɛ̃ ukɛ́ pɛɛ kei pisoi riwúí tɛ̃ n kpiisɛlɛ̃ kɛlenɛ.
23689	MAT 14:23	Kɛ pisoi api pikúũ ḿ masí, uu yisi uu riyɔ́pɛ taá rɛ ukɛ́ kei umɛcirɛ n we un kɛyómɛ yáási. Uu pɛɛ kei lɛ̃ umɛcirɛ n we aí nɛ nnyɔ́ɔ́ wai.
23700	MAT 14:34	Kapi kupiyɛ pitɛ́ŋ́ ḿ masí api Kenesarɛti kɛtẽ tulu,
23701	MAT 14:35	kei pikɔ́ api Yeesu ceru, api pitumɛ ḿpá yei yɛ́káásɛ rɛ pikɛ́ pisoi símisi rɛ u ka. Pisoi api pɛɛ pitóikɔ́ nnɛ́í nɛ u sɔ́naapɔ.
23702	MAT 14:36	Api u welu rɛ ukɛ́ ŋmurɛi pitóikɔ́ pɛ̃ pikɛ́ ḿpá ukutukanka ritimɛ ŋmanɛ rica. Pɛ̃ nnɛ́í pɛɛ rińca api pélu cáká-cáká.
23722	MAT 15:20	Lɛlɛɛ yɛ usoi mɛ́kpɛrinkpɛ n waisɛ yɛ lɛ̃. Amá usoi unsá n nalɛ yarɛ kɛ irɔ́nyɛ́kii ii ḿ ma ukɛ́ kɛlenɛ li, ái yɛ́ mɛ́kpɛrinkpɛ u waisɛ.
23724	MAT 15:22	Kanaa kɛtẽ unɔsi unyinɛ yɛɛ kei n hápɔ uu yisi uu Yeesu lɛɛpɔ, uu pupɛi rɛ: Upíima, Tafiti Kɛpipi, a inɛ́wɛ yɛ̃. Kuníri yɛ unɛ́kpére lémaapɔlɛnlɛ ái nyaḿ!
23728	MAT 15:26	Yeesu uu u pɛsɛ rɛ: Ái nyaḿ tɛ pikɛ́ siwã́ ilukɛ kpísi pikɛ́ sipɔpipi risá.
23729	MAT 15:27	Unɔ́si uyɛ̃ uu kɔ kpá rɛ: Mɛsei yɛ mɛ, Upíima. Amá ḿpá nɛ lɛ̃, sipɔpipi pite pin n le, si yɛ lɛlɛɛ kɛteni-i m póroi n hínilɛ sin le.
23752	MAT 16:11	Íye kai pɛɛ wa nɛ nkpéni-mɛ áni kahanɛ n kõ tɛ ái akpɔ́nɔ́ kam tee kaḿ pɛɛ́ nɛ maa rɛ: Ani nɔ́mɛnɛ́círɛ tĩ nɛ Pifarisi nɛ Pisatusee nkpɔ́nɔ́tɔ pitɛ?
23768	MAT 16:27	Usoi Kɛpipi yɛ ha Kɛusaa mɛyɔɔpi kɛ́mɛɛ sɔ́ntilɛ nɛ piléécaatumɛ, akɛ pɛɛ ḿpá úye lɛ̃ kuu n wa hɛ́ɛ́lɛ.
23780	MAT 17:11	Uu pi pɛsɛ rɛ: Li pisɛ asei kɛcáá rɛ Elii ukɛ́ mɛfoí pɛɛmɛ ukɛ́ ḿpá yo ripɔhɔ-i li yekei.
23792	MAT 17:23	api kɛ kopu, akɛ pɛɛ kɛyáa táánũ tuŋɛ́ nkpɔ kɛ́mɛɛ yisi. Kuu lɛ̃ ḿ ma, upipirɛtiki apɔɔ aa caai hái.
23815	MAT 18:19	Asei kam kɔ nní nɔ́ símisi rɛ pisoi pitɛ́ pin nɔ́kɛnɛ́cɔpɛ n kómɛinɛ kɛtẽ nté apí nɛ ḿpá yo kapi ń la pisɛ, Unɛ́sáa yɛɛ kɛyómɛcaa-pɔ ń we yɛ́ likɛi lɛ̃ pi pa.
23828	MAT 18:32	Ukɛisaa uu pɛɛ tum api ukɛikɔ́ uyɛ̃ u séipɔ uu u maa rɛ: Pɔ́ ukɛikɔ́ kpááree nkó! Tipɔ́wómɛ nnɛ́í kaḿ pɛɛ pɔ́ hɛ rɛ pɔ rikɛcáá ísuúlu nɛ́ we nnya.
23832	MAT 19:1	Kɛ Yeesu uu lɛ̃ pisímɛ́ ḿ masí, uu Kalilee kɛteni-i yisi uu Yutee kɛtẽ kɛɛ Yuritɛɛ nkoi kuwɛ́ɛ́-mɛ̃ ń we sĩ.
23834	MAT 19:3	Pifarisi pinyinɛ apí nɛ u kɔ rɛ pikɛ́ ripinɛ u wa nnya. Api u pisɛ rɛ: Ncée yɛ we rɛ utisi yɛ́ fe uu ḿpá yo mpuri nnya unɔ́si yuluu?
23852	MAT 19:21	Yeesu uu pɛɛ u maa rɛ: Pɔn n la pɔkɛ́ wa likɛ́ n nyaḿ nɛ kɛ́tɔ-pɔ, a n ŋme a lɛ̃ kaa m má yáá, aa siwóó sɛ̃ píwɛkɔɔ́ hɔ́ɔnɛ, pɔ́ pɛɛ mɛmá yɛ̃́ kɛyómɛcaa-pɔ. Pɔn lɛ̃ piwai m masí, aa pɛɛ́ weri aa nɛ́ tíki.
23856	MAT 19:25	Kɛ upipirɛtiki pɛ̃ api lɛ̃ n kṍ, ai pi muuni síḿ api pɛɛ rɛ: In lɛ̃, wóo yɛ́ pɛɛ fe uu píyulalɛ yɛnu?
23864	MAT 20:3	Kai ḿ pi yarɛ ituŋɛ mɛsɛ ámɛ we kɛfi kumúŋɛ́, uu kɔ leepɔ uu pikɛikɔ́ picɔ yɛnu, pɛ̃ pin kɛ́yaála-i mɛ́woo nyɛnu.
23867	MAT 20:6	Kai nnyɔ́ɔ́ mɛnupũ ḿ pi, uu kɔ piléepɔ kpá uu pinyinɛ yɛnu pin kei nyɛnu, uu pi maa rɛ: Yo nnya kani nté mɛ́woo nyɛnu ituŋɛ nɛ imɛlólɛ́?
23870	MAT 20:9	Pɛpɛɛ nnyɔ́ɔ́ mɛnupũ kumúŋɛ́ pikɛi n kóraanɛ apí weri, ḿpá úye uu nnɛ́í mmɛ̃ kapi yɛ kɛyáa kɛsɛ ukɛikɔ́ n hɛ́ɛlɛ yɔ́su.
23871	MAT 20:10	Kɛ pikɛikɔ́ foí pɛ̃ api ń ka, apí m músu rɛ piihɛ́ɛ́ yɛ́ picɔ ikɔ́ rifaau. Amá ḿpá úye uu nnɛ́í nsɛ mmɛ̃ kapi yɛ kɛyáa kɛsɛ ukɛikɔ́ n hɛ́ɛlɛ yɔ́su.
23899	MAT 21:4	Lɛ̃ kɛ antepu uú pɛɛ ḿ ma likɛ́ nɛ n wa nnya kai lɛ̃ wa. U pɛɛ́ maa rɛ:
23919	MAT 21:24	Yeesu uu pɛɛ pi pɛsɛ rɛ: Nɛ la kɛ́ nsɛ nɔ́ pisɛ. Nɔn tinɔ́ɔ nɛ́ m pɛsɛ, nɛ́ pɛɛ nɔ́ símisi ńnaŋɛ mmɛ̃ kaḿ nɛ lɛ̃ n wai.
23922	MAT 21:27	Api pɛɛ mɛsɛ Yeesu rinɔ́ɔ pɛsɛ rɛ: Ári nyu. Uyɛ̃ uu kɔ pi pɛsɛ rɛ: Nɛ̃́ ám kɔ nɔ́ símisinɛ ńnaŋɛ mmɛ̃ kaḿ nɛ lɛ̃ n wai.
23935	MAT 21:40	Kɛ Yeesu uu pinyárũ ḿ masí, uu pi pisɛ rɛ: Ucarɛte uyɛ̃ un ha n ka, yo kuu yɛ́ pikɛikɔ́ pɛ̃ wa?
23972	MAT 22:31	Áni lɛ̃ kɛ Uléécaa uu pikpɔkpɔ mɛyisɛ kɛcáá nɔ́ ḿ ma api Unsímɛ́ Ritɛlɛ́ kɛ́mɛɛ wɔ́lu kɛ́ɛ̃, nɛ́ɛ yo? U maa rɛ:
23989	MAT 23:2	Isé picélaa nɛ Pifarisi kaí pɛɛ́ we rɛ pikɛ́ isé kɛ Moisi uu nɔ́ ḿ pa asei nɔ́ símisi.
23992	MAT 23:5	Pi ḿpá yo wai rɛ pisoi pikɛ́ yɛ pi yɛ̃ nnya. Lɛ̃ nnya kapi yɛ Nléécaasimɛ́ silɔɔpi kapi ritii kɛcáá riḿmɛɛlú mɛpɛ́rɛ́ rikpásɛ api kɔ pisitukanka atimɛ nwɛ́pí mɛpɛ́rɛ́ kpásɛ ai picɔ sikɔ́ feriyɛ.
24010	MAT 23:23	Íwɛ kani topori, nɔ́ isé picélaa nɛ nɔ́ Pifarisi mpí. Nɔ kɛcáá kɛcáá mɛwai pikɔ́ lɛ. Nɔ yɛ ḿpá yo hɔɔnɛlɛ, aní nɛ manti nɛ ayɛ́hɛpɛi ncɔpuri pɛ́nɛ ani hɔ́ɔ́nɛ awɛ́lɛ́ kɛfi, ani Uléécaa kuwɛ́lɛ́ kusɛ pa. Amá áni yɛ pɛɛ isé nnɛ́í kɛcɔpɛ ipíima yarɛ nní asei piwɛ́laa nɛ usoicɔ piwɛtu nɛ asei pitiki nkɔ́ nɛ pikɛi wa. Lɛ̃ kaí pɛɛ pisɛ rɛ nɔkɛ́ n tikilɛ̃ nɔn pɛɛ kɔ nɛ litɔ́rɔɔ licɔ nní wai.
24014	MAT 23:27	Íwɛ kani topori, nɔ́ isé picélaa nɛ nɔ́ Pifarisi mpí! Nɔ kɛcáá kɛcáá mɛwai pikɔ́ lɛ. Nɔ we yarɛ rikpíí mmɛlɛ kapi míni tomɛ́ n túkɛi ari pɛɛ́ n wariyɛ póí-póí ńsɔnɛ mɛcɔ, nɛ́ḿpákanɛ asoikɔhɔ nɛ líkpɛrinkpɛkɔɔ́ lɛɛ rikɛmɛɛ yipaalɛ̃.
24015	MAT 23:28	Limɛcɔ kaní we. Nɔ pisoi kɛyu-i nyísɛlɛ̃ tɛ nɔ isé tíkilɛnlɛ, nɛ́ḿpákanɛ kɛcáá kɛcáá mɛwai nɛ mɛwai kópɛ mɛɛ nɔ́sinɛ́fa-i yipaalɛ̃.
24021	MAT 23:34	Ani kõ tɛ nɛ́ antepuyɛ nɛ pisoi pɛɛ mɛwɛ́ɛ́sɛsɔhɔ m má nɛ isé picélaa kɛcirɛ nɔ́ pámɛ. Nɔ́ picɔ kṍ, ani picɔ kunapɛ́ɛ́kɔɔ́ kɛcáá karii, ani kɔ nɔ́anɛ́yómɛyáhaalee-i picɔ isɛ́í súúkɛɛ, ani kɔ picɔ ḿpá kuyu kúye-i n tikilɛ̃ nɔn wéékusɛlɛ̃.