23239	MAT 2:1	Yutee kɛtẽ kɛ́mɛɛ kapi Pɛtɛlɛhɛm-pɔ Yeesu mari. Erooti yɛɛ pɛɛ kei kumúŋɛ́ kpɛ-i uyɔ́ɔpi píima. Pinyuwɛ píima pinyinɛ api kɛtuŋɛleemɛ-mɛmpɔ yisi api Yerusalɛm tulu.
23244	MAT 2:6	Pɔ̃́ Pɛtɛlɛhɛm kuyu! Ái pɔ́ɔ Yutee kɛtẽ kɛcáá ayu kɛcɔpɛ ríyu paalɛ̃. Li we rɛ kɛpɔ́mɛɛ́ kɛ uyɔ́ɔpi píima uu léerinɛ, uyɛɛ yɛ́ pinɛ́soi Isirayɛɛli pikɔ́ n séni.
23251	MAT 2:13	Kɛ pinyuwɛ pɛ̃ api n tɔ́mpɔ, Upíima uleecaatumɛ unyinɛ uu kɛlárɛ́-i Yosɛfi kpáfúmɛ uu rɛ: A yisi, a kɛwã́ nɛ kɛuni kpísi aa wuru aa Esipiti kɛtẽ loni. Erooti yɛ lalɛ ukɛ́ kɛ kpu. Lɛ̃ nnya, ani ha kei-pɔ n tũ likɛ́ ha nɛ tu kumúŋɛ́ kpɛ-i kam yɛ́ nɔ́ n símisi rɛ ani pɛɛmɛ.
23258	MAT 2:20	uu rɛ: A yisi, a kɛwã́ nɛ kɛuni kpísi aá nɛ Isirayɛɛli kɛtẽ pɛlɛ. Pɛpɛɛ pɛɛ ń la pikɛ́ kɛwã́ kɛ̃ kpu yɛ kpínlɛ.
23260	MAT 2:22	Amá kɛ Yosɛfi uu n kṍ tɛ Aricelayuusi yɛɛ usáa Erooti iyɔɔpi Yutee kɛtẽ kɛcáá tónɛ, iwamɛ ii u wai uu pɛɛ́ n yulu rɛ úu kei tonɛnɛ. Uléécaa uu kɔ kɛlárɛ́-i u símisi uu yisi uu Kalilee kɛtẽ-mɛ̃ tɔ́mpɔ,
23266	MAT 3:5	Yerusalɛm pikɔ́ nɛ Yutee kɛtẽ nnɛ́í pikɔ́ nɛ Yuritɛɛ nkoi kɛtẽ pikɔ́ nnɛ́í yɛ pɛɛ ukɛmɛɛ sɔ́naapɔlɛ,
23286	MAT 4:8	Setani uu kɔ pikpíkɛ́ u kpá uú ha riyɔ́pɛ maamaa píima rinyinɛ kɛhórɛ́-pɔ tɔsi uu kɛtẽ nkɛ́ kɛcáá ayɔɔpiyu nɛ ammulɛ nnɛ́í u nyísɛntɛ
23290	MAT 4:12	Kɛ Yeesu uu n kṍ tɛ Yohani yɛ kukpaniilee-i we, uu yisi uu Kalilee kɛtẽ-mɛ̃ pɛlɛ.
23291	MAT 4:13	Kuu n hápɔ, úu Nasarɛti-i tónɛ, amá Kapɛrinawum-mɛ̃ kuu tɔ́mpɔ. Kei yɛ kupiyɛ ritimɛ welɛ, Sapilɔɔ nɛ Nɛfitalii kɛtẽ-pɔ.
23293	MAT 4:15	Nɔ̃́ Sapilɔɔ nɛ Nɛfitalii sitẽ pikɔ́, nɔ́ɔ mínimaa ritimɛ ń we nɛ nɔ́ɔ Yuritɛɛ nkoi mɛtɛ́ŋ́ ń we, nɔ̃́ mpuri sanɛ pikɔ́, nɔ́ɔ Kalilee kɛteni-i ń we,
23301	MAT 4:23	Yeesu yɛ pɛɛ Kalilee kɛtẽ nnɛ́í kɔ́ɔ́núlɛnlɛ un Pisuifi ayomɛyáhaalee kɛ́mɛɛ céési un kɔ Uléécaa iyɔɔpi Nsímɛ́ Kɛcirɛ yóólɛ̃ un kɔ itói ncɔpuri nɛ ncɔ́ŋ ncɔpuri mɛɛ pisoi m pɛkɛsi pɔisɛntɛ.
23302	MAT 4:24	Kei kɛ urinyiri ari pɛɛ Sirii kɛtẽ nnɛ́í kɛcáá rikɔ́ɔ́nú. Api pɛɛ́ nɛ pitóikɔ́ nnɛ́í ncɔpuri nɛ pɛ̃ nnɛ́í pɛɛ piipiŋɛ-i ncɔ́ŋ nnyinɛ n kómɛi u n sɔ́naapɔ un pi pɔisɛntɛ. Lɛlɛɛ nní yarɛ pinírihélaa nɛ rikpínkpĩ́ pikɔ́ nɛ síkankáláká.
23303	MAT 4:25	Asoiwuí píima nyɛɛ Kalilee-pɔ nɛ Ayu Kɛfi kɛtẽ-pɔ nɛ Yerusalɛm-pɔ nɛ Yutee-pɔ nɛ Yuritɛɛ nkoi mɛtɛ́ŋ́-pɔ n léemɛ aa pɛɛ u n tikilɛ̃.
23308	MAT 5:5	Pɛpɛɛ ḿ purú pɛɛ pínarɛkomɛ. Uléécaa yɛ́ kɛtẽ kuú nɛ upisoi m mɛ̃́ pi pa.
23310	MAT 5:7	Pɛpɛɛ yɛ picɔ íwɛ n tẽ́ pɛɛ pínarɛkomɛ. Uléécaa yɛ́ kam uu kɔ pɛ̃ íwɛ téni.
23316	MAT 5:13	Nɔ́ɔ kɛtẽ kɛcáá nnyási. Nnyási mɛlõ mɛn nkpéni n kpu, yo kapi yɛ́ pɛɛ́ nɛ mɛlõ n pɛsɛ? Li tisɛ pikɛ́ kɛtahai-mɛ̃ n fómpɔ pisoi pikɛ́ tɛ́lɛisɛ.
23317	MAT 5:14	Nɔ́ɔ kɔ kɛtẽ mɛtɛ́í. Kuyu kpɛɛ riyɔ́pɛ kɛcáá m mɔ́maalɛ̃ áku yɛ́ fe kukɛ́ m pékaalɛ̃.
23321	MAT 5:18	Asei kam nní nɔ́ símisi, kɛtẽ nɛ kɛyómɛ yɛ kpére we, kɛwɔ́ipi cíú-cíú kɛ́ka nɛ́ɛ kɛsímɛ́pi kɛ́ka ákɛ isé kɛ́mɛɛ mɛ́lelɛ má, likɛ́ ha nɛ ḿpá yo kɛtɔ tu.
23338	MAT 5:35	Áni kapɛ yɛ kɔ wéeri aní nɛ kɛtẽ séi, kai nní kei yɛ Uléécaa ritũ nnya. Áni kapɛ yɛ kɔ wéeri aní nɛ Yerusalɛm séi, kai nní kei yɛ uyɔ́ɔpi wɛ́ɛ́sɛ kuyu nnya.
23361	MAT 6:10	Pisoi pikɛ́ céri rɛ tipɔ́nyíri yɛ kóólɛlɛnlɛ, Ipɔ́yɔ́ɔpi ikɛ́ kam, Mɛpɔ́la mɛkɛ́ kɛtẽ kɛcáá wa yarɛ kɛyómɛcaa-pɔ.
23370	MAT 6:19	Yeesu uu kɔ pimáa pi kpá rɛ: Áni kapɛ n wɛ́ɛ́si nɔkɛ́ kɛtẽ nté mɛmá yɛ̃́ nɔkɛ́ curii. Apapi nɛ ncámɛ́ yɛ̀ɛ̀ nté mɛ caailɛ, piyaa pɔ́ɔ ihánaa foru api mɛ yáái.
23419	MAT 8:5	Yeesu uu pɛɛ limɛmáá ncée kpísi uu Kapɛrinawum kuyu lompɔ. Rɔm usɔ́ɔ́ca kpéẽ unyinɛ uu ukɛkúrí nyɔsɔ́pɔ uú nɛ u téni rɛ ukɛ́ u comɛ.
23422	MAT 8:8	Kei kɛ usɔ́ɔ́ca kpéẽ uyɛ̃ uu pɛɛ kɔ rɛ: Ám tu rɛ pɔkɛ́ kɛnɛ́yɔ-i lompɔ, Upíima. Amá pɔ kpére rinɔ́ɔ hɛ, unɛ́kɛikɔ́ yɛ lɛ̃ peilɛ.
23425	MAT 8:11	Nɛ la kɛ́ nɔ́ símisi rɛ pisoi mɛyã yɛ́ kɛtuŋɛleemɛ nɛ kɛtuŋɛlolɛ́-mɛ̃ leemɛ, pi nɛ pirɔ́sáayaha Apiraham nɛ Isaaki nɛ Yakupu api Uléécaa iyɔɔpi-i tonɛ api kɛsẽ́ ilukɛ le.
23427	MAT 8:13	Kei kɛ Yeesu uu pɛɛ usɔ́ɔ́ca kpéẽ uyɛ̃ maa rɛ: A n ŋme a kui. Mpɔ́fatɛnɛ nnya, lɛ̃ kaa m pisɛ yɛ́ wa. Ukɛikɔ́ uu mɛsei ituŋɛ isɛ iyɛ-i pélu.
23442	MAT 8:28	Kɛ Yeesu uu kupiyɛ ritimɛ tɛ-i n yisi uu Kataraa kɛtẽ-pɔ ritimɛ ricɔ tulu, pinírihélaa pitɛ́ pinyinɛ api akpíí kɛcɔpɛ leeri api u lɛɛpɔ. Pisoi pɛ̃ tikpákárá kapi n wai nnya, úka úu yɛ pɛɛ kaha ukɛ́ ncée mmɛ̃ titiki.
23454	MAT 9:6	Nɛ la nɔkɛ́ céri rɛ nɛ̃́, Usoi Kɛpipi yɛ kɛtẽ kɛcáá ńnaŋɛ málɛ kɛ́ nɛ pisoi akópɛ pi sárɛi. Kei kuu pɛɛ kɛ́kankáláká kɛ̃ maa rɛ: A yisi a nyɛrɛ, a ripɔ́sáŋáápɔrɛ́ pílɛsi aá kulu.
23465	MAT 9:17	Uu kɔ kpá rɛ: Úka úu yɛ píta pelẽ akónɛnuŋ́ kpurɛ-i súũ. Insá lɛ̃, píta yɛ́ kam api pelu, anúŋ́ aa kpáfú api kɛteni-i lúlu, anúŋ́ pɔ́ɔ kɔ mɛ́woo wai. Amá akónɛnuŋ́ falɛ kɛ́mɛɛ kapi yɛ píta falɛ súũ, ai lɛ̃ n we apí ha nɛ pelu.
23474	MAT 9:26	Nsímɛ́ nn kei kɛtẽ kɛ̃ nnɛ́í kɔ́ɔ́nú nn táŋɛnɛ.
23479	MAT 9:31	Amá kapi yɛ́ kei nní n léepɔ, api pikɛtẽ kɛ̃ nnɛ́í nɛ Yeesu nsímɛ́ kɔ́ɔ́nú api ríyu u waisɛ.
23484	MAT 9:36	Uu asoiwuí yɛ́nu an pɔɔnɛlɛ̃ lin a feriyɛlɛ̃, an mɛ́woo tóórinkɛɛ yarɛ isáŋ yɛɛ íi usẽ́ m má, ai íwɛ u wai.
23520	MAT 10:34	Yeesu uu kɔ kpá rɛ: Áni kapɛ m músu rɛ ńniŋɛ kaḿ nɛ kɛtẽ kɛcáá ka. Ái nkpáni ńniŋɛ, amá atɔpi kaḿ nɛ ka.
23529	MAT 11:1	Kɛ Yeesu uu upipirɛtiki kɛfi nɛ pitɛ́ pɛ̃ uicélaa pípa ḿ masí, uu kei yisi uú ha kɛtẽ kɛ̃ ayu kɛ́mɛɛ n céési un kɔ Nléécaasimɛ́ yóólɛ̃.
23538	MAT 11:10	Ukɛcáá kai wɔ́laalɛ̃ tɛ: Unɛ́tumɛ yɛ nkó kam n tummɛ ukɛ́ nɛ kɛkpéẽ pɔ́ wa ukɛ́ mpɔ́cée nyɔ́ɔnsɛ.
23545	MAT 11:17	Tɔ asũ nɔ́ símisilɛ rɛ ani yesi, ani yúlu, ari sikpɔyomɛ yom, áni tẽ́.
23551	MAT 11:23	Ńté nɔ̃́ Kapɛrinawum pikɔ́, nɔ músu rɛ kɛléécaa-mɛ̃ kaní taálɛ̃? Ái nkpáni lɛ̃. Amá kukúlãyu-i kɛ Uléécaa uu kɛtẽ-mɛ̃ nɔ́ láupɔlɛ. Ái líka nnya, pin pɛɛ mɛwaisaŋa mmɛ́ kapi nní nɔ́kɛnɛ́mɛɛ n wapisi mɛcɔ Sotɔm kɛ́mɛɛ n wapisi, li yɛ́ pɛɛ nní ń we kuyu kpɛ̃ kun nɛ we.
23553	MAT 11:25	Yeesu uu pɛɛ likumúŋɛ́ kpɛ-i maa rɛ: Sáa, kɛtẽ nɛ kɛyómɛ Upiima, nɛ pɔ́ pakarɛ rɛ pɔ tíyɛsɛ siwã́ síńsápi asi nsímɛ́ mmɛ̃ kaa pisɔhɔɔ nɛ pinyuwɛ ḿ pesí asei kom.
23576	MAT 12:18	Unɛ́kɛikɔ́ lala yɛ nkó. Uyɛ̃ kam wɛ́ɛ. Ám kusa u la. Nɛ́ Nnɛ́fáasɔnɛ ukɛmɛɛ wa ukɛ́ nɛ sitẽ nnɛ́í isoipuri asei kaḿ nɛ i n wemɛ riyóó.
23579	MAT 12:21	Sitẽ nnɛ́í isoipuri ii pɛɛ́ nɛ u n tálɛ̃.
23597	MAT 12:39	Yeesu uu pi pɛsɛ rɛ: Nfáani kɛtẽ nkɛ́ pisoi yɛ caailɛnlɛ hái. Ápi la pikɛ́ Uléécaa ŋmanɛ ritiki, amá mɛwaisaŋa kapi wɛ́ɛ́si pikɛ́ yɛ̃́. Mɛwaisaŋa mɛ̃ kɛ antepu Yonaasi uu n yɛ̃́ mɛnyinɛcɔ kapi yɛ́ kɔ yɛ̃.
23598	MAT 12:40	Asei kɛcáá, lɛ̃ kɛ Yonaasi uu mɛkpíntomɛ́ maamaa kɛfa-i sitúŋɛ́ sitaani nɛ sisinɛ sitaani n wa mɛcɔ kɛ Usoi Kɛpipi pɔ́ɔ kɔ sɔ́nti kɛkɛ́ kɛtẽ kɛ́mɛɛ wa sitúŋɛ́ sitaani nɛ sisinɛ sitaani.
23599	MAT 12:41	Kɛyáa kɛ̃ kɛ Uléécaa uú nɛ pisoi n túhaanɛnɛ, Niniifi pikɔ́ yɛ́ ha yisi api nfáani kɛtẽ nkɛ́ pisoi akópɛ pa. Li we rɛ kumúŋɛ́ kpɛ-i kɛ Yonaasi uú pɛɛ Nléécaasimɛ́ rin-yóó api kóm, pi pɛɛ mɛfinɛ consɛlɛ. Uyɛɛ nté nní ń we yɛ kɔ pɛɛ Yonaasi felɛ.
23600	MAT 12:42	Kɛyáa kɛ̃ kɛ Uléécaa uú nɛ pisoi n túhaanɛnɛ, unɔ́siyɔɔpi yɛɛ Saapa kɛtẽ kɛcáá n tṹ yɛ́ ha yisi uu nfáani kɛtẽ nkɛ́ pisoi akópɛ pa. Li we rɛ uyɛɛ pɛɛ hái kɛtẽ kɛtɔ-pɔ leemɛlɛ uú weri rɛ ukɛ́ Salomɔɔ mɛwɛ́ɛ́sɛsɔhɔ kõ. Uyɛɛ nté nní ń we yɛ kɔ pɛɛ Salomɔɔ felɛ.
23613	MAT 13:5	Icɔ ii kɛparɛtẽ kɛcáá kɛ ntaai ńn m piyɛ lólɛsi. Kɛ kɛtẽ ákɛ n címú nnya, ipuri iyɛ̃ ii mɛsɛ nɛ mɛsɛ lɛlu.
23616	MAT 13:8	Amá ipuri icɔ ií ha kɛtẽ sɔnɛ kɛcáá lólɛsi ii lɛlu ii pelu ii fólu. Mpuri nsɛ nn fólu ipipi pílɛ, ncɔ ipipi kuwóó nɛ kɛfi, ncɔ ipipi afɛɛtaani.
23628	MAT 13:20	Picɔ yɛ kɔ we yarɛ kɛparɛtẽ kɛ-i kɛ ipuri ii n lólɛsi. Lipite yɛ̀ɛ̀ nsímɛ́ kutu ricɔlɛ api mɛsɛ nɛ mɛsɛ piakiŋ kɛ́mɛɛ n yɔ́su nɛ mpɔ́ɔnarɛ.
23630	MAT 13:22	Picɔ yɛ kɔ we yarɛ ipuri yɛɛ sinípɛleépi kɛpáápáá ń loó. Lipite yɛ̀ɛ̀ nsímɛ́ kutu ricɔlɛ, amá kɛtẽ kɛcáá pikɛi kɛ pisoi apí nɛ ń kparálɛ̃ nɛ mɛmá nnáápí mɛɛ yɛ n kíraasɛ yɛ̀ɛ̀ nsímɛ́ mmɛ̃ tihilalɛ ńn yɛ pɛɛ líka pi yoriyɛ.
23631	MAT 13:23	Picɔ yɛ kɔ welɛ yarɛ ipuri yɛɛ kɛfɛ́nɛtẽ kɛcáá ń loó. Lipite yɛ̀ɛ̀ nsímɛ́ mmɛ̃ kutu ricɔlɛ api nkɛmɛɛ́ kóm nn pi lɛ́ni api pɛɛ́ n we yarɛ aléé nyɛɛ yɛ apipi m mári, kunyinɛ pílɛ, kucɔ kuwóó nɛ kɛfi, kucɔ afɛɛtaani.
23638	MAT 13:30	Lɛ̃ nnya, ani likɛtɛ́ riyá likɛ́ kɛsẽ́ m pelu aí nɛ kúkpaa tulu. Lin kúkpaa n tu, nɛ́ pɛpɛɛ ń kpasi maa rɛ: Ani mɛyúipuri kópɛ mɛfoí lesɛ ani apehe mɛ pahaankɛɛ tɔkɛ́ mɛ risɛ́, ani pɛɛ kɔ ilukɛ cápinɛ ani rinɛ́símɛ-i súúni.
23646	MAT 13:38	Kɛcarɛ kɛɛ nní kɛtẽ, nlukɛpuri sɔnɛ mɛɛ nní Uléécaa iyɔɔpi pikɔ́, pɛpɛɛ Setani n tíkilɛ̃ pɛɛ nní mɛyúipuri kópɛ.
23647	MAT 13:39	Uláarɔ uyɛɛ mɛyúipuri kópɛ n lukɛsi yɛɛ nní Setani. Kɛtẽ nkɛ́ mɛtɛnɛ yɛɛ nní kúkpaa. Pɛpɛɛ ń kpasinɛ pɛɛ nní piléécaatumɛ.
23648	MAT 13:40	Yarɛ kapi yɛ nní mɛyúipuri kópɛ n wɛ́hɛ api nna sɛ́ mɛcɔ kai sɔ́nti likɛ́ kɛtẽ mɛtɛnɛ kɛtúŋɛ́ wa.
23657	MAT 13:49	Lɛ̃ kai sɔ́nti likɛ́ kɛtẽ mɛtɛnɛ kumúŋɛ́-i wa. Piléécaatumɛ yɛ ha sɔ́ntilɛ pikɛ́ pɛpɛɛ Uléécaa mɛla n wa nɛ pɛpɛɛ ápi Umɛla n wa kóólɛnɛ,
23664	MAT 13:56	Ái tɔ́ nɛ upiyɛi nnɛ́í tɔ́ɔ nté kɛsẽ́ wee? Yei kɛcirɛ kuu pɛɛ mpíí ńnaŋɛ mmú yɛ̃́?
23667	MAT 14:1	Uyɔ́ɔpi Erooti yɛɛ pɛɛ likumúŋɛ́ kpɛ-i Kalilee kɛtẽ kɛcáá paílɛ̃. Uu pɛɛ kóm pin Yeesu nsímɛ́ símisi.
23692	MAT 14:26	Kapi lɛ̃ u n yɛ̃́ un míni kɛcáá sɔ́nɛ, piipiŋɛ ii kpi nɛ iwamɛ mɛpehẽ, api pɛɛ pimɛcɔpɛcirɛ n tee rɛ: Kunírilã yɛ ku. Api pɛɛ iwamɛ nɛ m pupukɛɛ.
23700	MAT 14:34	Kapi kupiyɛ pitɛ́ŋ́ ḿ masí api Kenesarɛti kɛtẽ tulu,
23723	MAT 15:21	Yeesu uu limɛmáá kei yisi uu Tiiri nɛ Sitɔɔ sitẽ-mɛ̃ tɔ́mpɔ.
23724	MAT 15:22	Kanaa kɛtẽ unɔsi unyinɛ yɛɛ kei n hápɔ uu yisi uu Yeesu lɛɛpɔ, uu pupɛi rɛ: Upíima, Tafiti Kɛpipi, a inɛ́wɛ yɛ̃. Kuníri yɛ unɛ́kpére lémaapɔlɛnlɛ ái nyaḿ!
23726	MAT 15:24	Yeesu uu pi pɛsɛ rɛ Isirayɛɛli pikɔ́ pɛɛ ń we yarɛ isáŋ yɛɛ m pɔ íi nɛ usẽ́ ŋmanɛ kɛ́mɛɛ kɛ Uléécaa uu nɛ́ tummɛ.
23741	MAT 15:39	Yeesu uu pɛɛ lɛ̃ mɛmáá pi kuisɛ, uyɛ̃ uu pɛɛ kúninɔi loni uú nɛ Makatani kɛtẽ-mɛ̃ tɔ́mpɔ.
23745	MAT 16:4	Nfáani kɛtẽ nkɛ́ pisoi yɛ caailɛnlɛ hái, ápi la pikɛ́ Uléécaa ŋmanɛ ritiki. Amá mɛwaisaŋa kapi wɛ́ɛ́si pikɛ́ yɛ̃́. Mɛwaisaŋa mɛ̃ kɛ Yonaasi uu n yɛ̃́ mɛnyinɛcɔ kapi yɛ́ kɔ yɛ̃. Yeesu uu pɛɛ pi yá uu tɔ́mpɔ.
23754	MAT 16:13	Kɛ Yeesu uu Filipu kɛtẽ-mɛ̃ Sesaree kuyu-i n lompɔ, uu upipirɛtiki pisɛ rɛ: Pisoi yɛ rɛ nɛ̃́, Usoi Kɛpipi nɛ́ɛ úye?
23760	MAT 16:19	Nɛ́ Uléécaa iyɔɔpi rinɔnɔɔ kɛhánnɛ pɔ́ rimúísɛ. Pɔn yɛ linyinɛ kɛtẽ nkɛ́ kɛcáá n yɛ̀, Uléécaa yɛ́ kɔ kɛyómɛcaa-pɔ li yɛ̀. Pɔn yɛ kɔ kɛtẽ nkɛ́ kɛcáá yo n ŋmurɛi, Uléécaa pɔ̃́ nɛ́ kɔ kɛyómɛcaa-pɔ li ŋmurɛi.
23767	MAT 16:26	Usoi un nkpéni kɛtẽ nté likɔ́ nnɛ́í n yɛ̃ uu pɛɛ nfáa paa, kuláa kúye kuu pɛɛ yɛ̃́? Nɛ́ɛ yo kɛcirɛ kɛ usoi uu yɛ́ fe uu hɛ́ɛ́lɛ uú nɛ unfaa yɛnu?
23775	MAT 17:6	Kɛ Yeesu pipirɛtiki api rinɔ́ɔ tɛ̃ n kṍ, iwamɛ píima ii pi loni api lólu api kɛtẽ kɛ́yu tuhu.
23779	MAT 17:10	Upipirɛtiki api pɛɛ u pisɛ rɛ: Yo nnya kɛ isé picélaa api rɛ Elii yɛɛ mɛfoí sɔ́nti likɛ́ kɛlenɛ kɛtẽ kɛtɔ tu?
23784	MAT 17:15	Uu rɛ: Upíima, a kɛnɛ́wã́ nkɛ́ íwɛ tẽ́! Kɛ rikpínkpĩ́ pɔ́ɔ́lúlɛ akɛ yɛ mɛsɛ́rɛ lóirɛntɛ akɛ́ nɛ míni-i nɛ́ɛ nna-i lóipɔ.
23791	MAT 17:22	Kumúŋɛ́ kpɛ-i kapi Kalilee kɛtẽ n kɔ́ɔ́núlɛ̃, Yeesu uu pɛɛ pi maa rɛ: Pi yɛ́ Usoi Kɛpipi tĩ api pisoi anipɛ-i wai
23794	MAT 17:25	Piyɛɛ uu pi pɛsɛ rɛ: U yɛ hɛ́ɛlɛlɛ. Kuu kɛ́yɔ-i m pɛɛpɔ, Yeesu uu u pisɛ rɛ: Íye kaa músu Simɔɔ? Piyupipi nɛ́ɛ pisánɛ kai pisɛ rɛ pikɛ́ kɛtẽ nté piyɔɔpi lampoo nɛ ítɔhɔ m pasii?
23803	MAT 18:7	Kɛ kɛtẽ nkɛ́ pikɔ́ api pipikɔ́ akópɛ n waisɛ nnya, íwɛ kapi topori. Likɛi lɛ̃ ái piwée yánɛ. Amá úye un lɛ̃ n wa, íwɛ kɛ liute u topori.
23814	MAT 18:18	Asei kam nní nɔ́ símisi rɛ nɔn yɛ linyinɛ kɛtẽ nkɛ́ kɛcáá n yɛ̀, Uléécaa yɛ́ kɔ kɛyómɛcaa-pɔ li yɛ̀. Nɔn yɛ kɔ kɛtẽ nkɛ́ kɛcáá yo n ŋmurɛi, Uléécaa pɔ̃́ nɛ́ kɔ kɛyómɛcaa-pɔ li ŋmurɛi.
23815	MAT 18:19	Asei kam kɔ nní nɔ́ símisi rɛ pisoi pitɛ́ pin nɔ́kɛnɛ́cɔpɛ n kómɛinɛ kɛtẽ nté apí nɛ ḿpá yo kapi ń la pisɛ, Unɛ́sáa yɛɛ kɛyómɛcaa-pɔ ń we yɛ́ likɛi lɛ̃ pi pa.
23817	MAT 18:21	Kei kɛ Piyɛɛ uu Yeesu kɛyúrí rinyɔsɔ́pɔ uu rɛ: Upíima! Unɛ́cɔ un nɛ nɛ́ m púnnɛntɛ, mɛlɛ́ kam yɛ́ fe am u sárɛi? Mɛsɛɛi kɛsẽ, nɛ́ɛ íye? Yeesu uu u pɛsɛ rɛ:
23818	MAT 18:22	Ám pɔ́ maa rɛ mɛsɛɛi ŋmanɛ, amá mɛsɛɛi mɛsɛɛi mɛpehẽ kuwóó nɛ afɛɛrɛ́.
23829	MAT 18:33	Páa yɛ pɛɛ upɔ́kɛicɔ nkó íwɛ tẽ́ yarɛ kɛ nɛ́ɛ íwɛ pɔ́ n tẽ́ mɛcɔɔ?
23832	MAT 19:1	Kɛ Yeesu uu lɛ̃ pisímɛ́ ḿ masí, uu Kalilee kɛteni-i yisi uu Yutee kɛtẽ kɛɛ Yuritɛɛ nkoi kuwɛ́ɛ́-mɛ̃ ń we sĩ.
23859	MAT 19:28	Yeesu uu pi pɛsɛ rɛ: Asei kam nní nɔ́ símisi rɛ kumúŋɛ́ kpɛ-i kɛ nɛ̃́ Usoi Kɛpipi am n sɔ́nti kɛ́ mɛ́yukɔɔ́ kɛtẽ falɛ kɛ Uléécaa uu n consɛ kɛ́mɛɛ rinɛ́yɔ́ɔpitũ kɛcáá ń tonɛ, nɔ́ kɛfi nɛ pitɛ́ mpí nɔ́ɔ nní nɛ́ rintíki, nɔ̃́ nɛ kɔ atṹ kɛfi nɛ atɛ́ kɛcáá túntinɛ aní nɛ Isirayɛɛli ipuri kɛfi nɛ itɛ́ iyɛ̃ pisoi kɛtahai túhaanɛ.
23860	MAT 19:29	Pɛpɛɛ nɛ̃́ nnya síyɔ nɛ́ɛ pimáa nɛ piwã́ nɛ́ɛ piyɛ́i nɛ́ɛ pisáa nɛ́ɛ píni nɛ́ɛ pinɔ́si nɛ sipipi nɛ́ɛ sicarɛ n tíyɛ, yɛ́ lɛ̃ kapi n tíyɛntɛ yɛ̃ mɛpehẽ pílɛ, api kɔ nfáa tɛnɛcirɛ́ yɛ́nu ai likɛcáá kpá.
23888	MAT 20:27	Úye un kɔ nɔ́kɛnɛ́cɔpɛ ikpéẽ n la, liute ukɛ́ nɔ́unɛ́lási.
23906	MAT 21:11	Pisoi pɛɛ u n tíkilɛ̃ api rɛ: Uyɛɛ antepu Yeesu, Kalilee kɛtẽ-pɔ Nasarɛti ukɔ́ lo.
23926	MAT 21:31	Yeesu uu pɛɛ pi pisɛ rɛ: Nɔ músu rɛ wóo pikɛtɛ́ kɛcɔpɛ usáa mɛla wa? Api rɛ ufoí lo. Yeesu uu pɛɛ pi maa rɛ: Asei kam nní nɔ́ símisi rɛ pilampooyɔɔ́ nɛ piwásánkaí yɛ́ nɛ kɛkpéẽ nɔ́ wa api Uléécaa iyɔɔpi kɛ́mɛɛ lompɔ.
23996	MAT 23:9	Áni kapɛ yɛ kɛtẽ kɛcáá úka sée rɛ nɔ́unɛ́sáa. Nɔ́unɛ́sáa cirɛníŋɛ kani m má yɛɛ kɛyómɛcaa-pɔ we.
24002	MAT 23:15	Íwɛ kani topori, nɔ́ isé picélaa nɛ nɔ́ Pifarisi mpí. Nɔ kɛcáá kɛcáá mɛwai pikɔ́ lɛ! Kɛtẽ nkɛ́ nnɛ́í nɛ mínimaa kani kálɛ̃ tɛ nɔkɛ́ usɛ unyinɛ yɛ̃ nɔkɛ́ u pansɛsɛ nɔ́unɛ́pirɛtiki. Nɔn liute piyɛ́nɛ m masí, ani tíyɛsɛ uu pansɛ usoi nkó kaí nɛ n sá rɛ pikɛ́ íwɛ tɛnɛcirɛ́ kɛlõ kɛ́mɛɛ íwɛ lukɛisɛ ikɛ́ nɔ́inɛ́kɔ́ n fe mɛtɛ́.
24024	MAT 23:37	Lɛ̃ mɛmáá, Yeesu uu pɛɛ Yerusalɛm pikɔ́ maa rɛ: Nɔ̃́ Yerusalɛm pikɔ́, nɔ yɛ antepuyɛ kónlɛ ani kɔ pɛ̃ kɛ Uléécaa uu nɔ́kɛnɛ́mɛɛ n tummɛ aparɛ tapisi ani kóni. Mɛlɛ́ kɛsẽ kaḿ pɛɛ́ la kɛ́ nɔ́ cápinɛ yarɛ kɛ kucã́yaha aku yɛ kuamɛ́ŋ́ mɛtene kusipipi n tã líka ái yɛ si wa mɛcɔ ani yúlu?
24029	MAT 24:3	Yeesu uu pɛɛ sĩ́ uú ha Olifiyee rikúú kɛcáá tonɛ. Upipirɛtiki api kei u kálaapɔ api u pisɛ rɛ: A rɔ́ símisi píyei kai lɛ̃ wainɛ, nɛ yo kari yɛ́ kɔ nɛ ceri rɛ mɛpɔ́pɛɛmɛ mɛɛ lɛ̃ tu rɛ kɛtẽ kɛtɔ yɛ kɛ̃.
24033	MAT 24:7	Nsoipuri nnyinɛ yɛ́ yisi nn nsoipuri ncɔ nɛ tɔpu, kɛyɔ́ɔpitẽ akɛ kɛyɔ́ɔpitẽ kɛcɔ nɛ tɔpu, nkṹ nn silõ sinyinɛ leeri, kɛtẽ akɛ silõ sinyinɛ yeŋesi.
24040	MAT 24:14	Uléécaa iyɔɔpi Nsímɛ́ Kɛcirɛ mɛɛ kɛtẽ nnɛ́í kɛcáá kɔ́ɔ́núnɛ isoipuri nnɛ́í ikɛ́ kṍ. Lɛ̃ mɛmáá, ḿpá yo kɛtɔ akɛ pɛɛ tulu.
24042	MAT 24:16	Lin lɛ̃ n wa, pɛpɛɛ Yutee kɛtẽ kɛ́mɛɛ ń we pikɛ́ wuri api ayɔ́pɛ taá.
24046	MAT 24:20	Ani nɛ Uléécaa tẽ́ tɛ úu kapɛ tíyɛ itóó iyɛ̃ ikɛ́ nnyiyɛ kumúŋɛ́ nɛ́ɛ kɛwéntɛyaa kɛtúŋɛ́ rɔ́ lɛɛmɛ.
24047	MAT 24:21	Íwɛ píima iyɛ̃ kɛ sisoipipi asi kumúŋɛ́ kpɛ-i n lenɛ icɔ íi píkai léémɛlɛ̃ hái kɛtẽ kɛkoraanɛ-mɛ nɛ nɛni-mɛ, iicɔ íi kɔ píkai léeri.
24056	MAT 24:30	Linyinɛ ai pɛɛ kɛyómɛcaa-pɔ nyísɛ rɛ Usoi Kɛpipi yɛ nyahaimɛlɛ. Kei kɛ kɛtẽ nnɛ́í kɛcáá isoipuri ii yɛ́ pɛɛ itu lõ. Api pɛɛ Usoi Kɛpipi yɛnu, kɛn ahopɛ kɛcáá wemɛ nɛ kɛnnaŋɛ nɛ kɛmɛyɔɔpi.
24057	MAT 24:31	Api pɛɛ rináatɔ́ŋ maa ténsɛ, uu pɛɛ upitumɛ kɛtẽ awɛ́lɛ́ nnɛ́í kɛ́mɛɛ túmɛi. Api pɛ̃ kuu n wɛ́ɛkɛɛ kɛtẽ nkɛ́ nɛ kɛkɛtɔ-pɔ cápinɛ.
24061	MAT 24:35	Kɛtẽ nɛ kɛyómɛ yɛ́ tɔsí, amá anɛ́nɔ́ɔ áa mɛtɔ́ŋɛ́ má.
24062	MAT 24:36	Yeesu uu kɔ pimáa pi kpá rɛ: Amá in kɛtẽ mɛtɛnɛ nkɔ́, úka úu likɛyaa kɛ̃ nɛ́ɛ liituŋɛ iyɛ̃ nyu, ḿpá piléécaatumɛ pɛɛ kɛyómɛcaa ń we nɛ́ɛ Uléécaa Kɛpipi ricuruu. Amá Usáa mɛcirɛ yɛɛ nyu.
24064	MAT 24:38	Nní kaí pɛɛ Nowee nfaa kɛ́mɛɛ wa: Kɛyáa kɛ̃ kɛ míni amɛ́ pɛɛ kɛtẽ nnɛ́í rińfɛ kɛkɛ́ kɛlenɛ n tu, pisoi yɛ pɛɛ́ welɛ pin le pin níru, pin sɔ́ɔnnɛ, pin pisipipi pila nɛ pinɔ́si pasii hái nɛ kɛyáa kɛ̃ kɛ Nowee uu kutákai kɛ́mɛɛ n lompɔ.
24087	MAT 25:10	Kumúŋɛ́ kpɛ-i kapi pilalɛ n tɔ́su, uŋmánɛ uyɛ̃ un tuiri, u nɛ pinupũ pɛpɛɛ pimɛcirɛ n cápinɛlɛ̃ pin nɛ u mɛ̃́ api kɛsẽ́ kulee kpɛ-i kapi pinɔ́sikpikɛ́ anyã́ n wai loni, ihánaa ii hánaapɔ.
24101	MAT 25:24	Ai nkpéni yá uyɛɛ wura mɛwóópipi kɛpehepi kɛsɛ ń yɔsí. Uyɛ̃ pɔ́ɔ kɔ nyɔsɔ́pɔ uu rɛ: Nɛ nyulɛ Upíima rɛ mɛpɔ́kɔ́ ámɛ kusa pɔ́ɔ́lú. Kɛcarɛ kɛ-i káa n lukɛsi kaa yɛ kpasi. Kei káa n fṍ kaa yɛ kpéẽ.