23219	MAT 1:6	Yesee pɔ́ɔ uyɔ́ɔpi Tafiti maru, Tafiti pɔ́ɔ Salomɔɔ maru. Salomɔɔ uni yɛ mɛkɛɛ-mɛ Urii sɔ́ɔnlɛnlɛ.
23224	MAT 1:11	Yosiyasi pɔ́ɔ Yekoniya nɛ upimarɛcɔ márɛi. Likumúŋɛ́ kpɛ-i kapi Isirayɛɛli pikɔ́ cɔ́pii apí nɛ Papilɔɔni kuyu sĩ.
23230	MAT 1:17	Lɛ̃ nnya, kaí nɛ Apiraham-i n kpísi aí nɛ Tafiti-i pá, li walɛ ncɔpuri anai kɛfi nɛ ana. Kai Tafiti-i n kpísi aí nɛ kumúŋɛ́ kpɛ-i kapi Isirayɛɛli pikɔ́ n cɔ́pii apí nɛ Papilɔɔni kuyu sĩ pá, li walɛ ncɔpuri anai kɛfi nɛ ana. Kai kɔ kei n kpísi aí nɛ Kirisi imarɛtuŋɛ pá, li walɛ ncɔpuri anai kɛfi nɛ ana acɔ.
23233	MAT 1:20	Kuu ń we un likɛcáá músu, Upíima uleecaatumɛ unyinɛ uu kɛlárɛ́-i u kpáfúmɛ uu u maa rɛ: Tafiti kɛpirɛ̃ Yosɛfi, Maari pikpíkɛ́ ápi kapɛ pɔ́ n cɔ́ŋlɛ̃. Nfáasɔnɛ mɛɛ tíyɛsɛ kuu fapisi.
23239	MAT 2:1	Yutee kɛtẽ kɛ́mɛɛ kapi Pɛtɛlɛhɛm-pɔ Yeesu mari. Erooti yɛɛ pɛɛ kei kumúŋɛ́ kpɛ-i uyɔ́ɔpi píima. Pinyuwɛ píima pinyinɛ api kɛtuŋɛleemɛ-mɛmpɔ yisi api Yerusalɛm tulu.
23240	MAT 2:2	Apí ha pisɛ rɛ: Yei yɛ kɛwã́ kɛ̃ kapi m mári pin tee rɛ kɛkɛɛ sɔ́nti kɛkɛ́ Pisuifi iyɔɔpi tonɛ? Hái kɛtuŋɛleemɛ-pɔ kari riwárɛpi tɛɛ n nyísɛlɛ̃ tɛ pi kɛwã́ kɛ̃ mari yɛ̃. Lɛ̃ nnya karí ka rɛ tɔkɛ́ kɛ yáási ari wúla.
23242	MAT 2:4	Uu pɛpɛɛ yɛ Uléécaa inyɔ́ɔnsɛ n wa piwɛ́ɛ́sɛ nnɛ́í nɛ isé picélaa cápinɛ uu pi pisɛ rɛ kɛlõ kɛ́ye-i kapí uyɛ̃ kɛ Uléécaa uu n wɛ́ɛ marunɛ.
23243	MAT 2:5	Api u pɛsɛ rɛ: Yutee kɛteni-i, Pɛtɛlɛhɛm-pɔ le. Antepu Misee yɛ mɛkɛɛ-mɛ wɔi rɛ:
23245	MAT 2:7	Kei kɛ Erooti uu pɛɛ pinyuwɛ píima pɛ̃ mɛyaa sée uu pi pisɛ rɛ pikɛ́ u símisi ńsɔnɛ ukɛ́ céri kumúŋɛ́ kpɛ-i kɛ riwárɛpi tɛ̃ ari n léemɛ.
23246	MAT 2:8	Uu pɛɛ limɛmáá Pɛtɛlɛhɛm-pɔ pi tum uu pi maa rɛ: ani n ŋme ani ha kɛwã́ kɛ̃ kɛcáá ńsɔnɛ písɛi ani kóm. Nɔn kɛ n yɛ̃, ani pɛɛri ani nɛ́ símisi nɛ́ɛkɛ́ ha kɔ kɛ yáási kɛ́ riwula.
23247	MAT 2:9	Kɛ Erooti uu lɛ̃ pisímɛ́ pi ḿ masí, api yisi api ncée pɔlɔ. Kei kapi pɛɛ ripaí, api yɛ́nu riwárɛpi tɛ̃ kapí pɛɛ kɛtuŋɛleemɛ-pɔ n yɛ̃́ tin pikɛyu sɔ́nɛ pin ti tikilɛ̃. Ari kɛlõ kɛ-i kɛ kɛwã́ kɛ̃ akɛ ń we tulu, ari nyɛrɛ.
23249	MAT 2:11	Api kɛ́yɔ loni api kɛwã́ nɛ kɛuni Maari yɛnu, api kɛ yáási apí nɛ wula. Api pɛɛ pimɛmá fénnɛ api wura nɛ tulaali ŋmaa-ŋmaa nɛ mɛ́kpɔ kapi yɛ n sée rɛ miiri lesɛ api kɛ hɛkɛsi.
23251	MAT 2:13	Kɛ pinyuwɛ pɛ̃ api n tɔ́mpɔ, Upíima uleecaatumɛ unyinɛ uu kɛlárɛ́-i Yosɛfi kpáfúmɛ uu rɛ: A yisi, a kɛwã́ nɛ kɛuni kpísi aa wuru aa Esipiti kɛtẽ loni. Erooti yɛ lalɛ ukɛ́ kɛ kpu. Lɛ̃ nnya, ani ha kei-pɔ n tũ likɛ́ ha nɛ tu kumúŋɛ́ kpɛ-i kam yɛ́ nɔ́ n símisi rɛ ani pɛɛmɛ.
23252	MAT 2:14	Yosɛfi uu yisi uu kɛwã́ nɛ kɛuni kpísi uú nɛ kɛsinɛcɔ wuru uú ha Esipiti-pɔ pésu.
23253	MAT 2:15	Uu kei n we Erooti uú ha nɛ kpi. Lɛ̃ kɛ Upíima uú pɛɛ uantepu m máasɛ likɛ́ nɛ n wa nnya kai lɛ̃ wa. U pɛɛ rɛ: Nɛ unɛ́ŋmánɛ sée rɛ ukɛ́ Esipiti kɛteni-i le.
23255	MAT 2:17	Lɛ̃ kɛ antepu Yeremii uú pɛɛ mɛkɛɛ-mɛ ḿ ma kai lɛ̃ wa. U pɛɛ rɛ:
23256	MAT 2:18	Rama-pɔ kari nní nnɛ̃́ kómɛiri. Sicááila nɛ ikpɔtu kɛ unyinɛ uu wɔ́rii Rasɛɛli yɛɛ lɛ̃ usiwã kɛcáá téni. Úu nkpáni la pikɛ́ u kpurɛi. Nɛ kɛsɛ, ái nkpáni u tisɛ.
23257	MAT 2:19	Upíima uleecaatumɛ unyinɛ uu Esipiti-pɔ Erooti mɛkpɔ-maá kɛlárɛ́-i Yosɛfi kpáfúmɛ,
23260	MAT 2:22	Amá kɛ Yosɛfi uu n kṍ tɛ Aricelayuusi yɛɛ usáa Erooti iyɔɔpi Yutee kɛtẽ kɛcáá tónɛ, iwamɛ ii u wai uu pɛɛ́ n yulu rɛ úu kei tonɛnɛ. Uléécaa uu kɔ kɛlárɛ́-i u símisi uu yisi uu Kalilee kɛtẽ-mɛ̃ tɔ́mpɔ,
23261	MAT 2:23	uú ha kuyu kpɛ̃ kapi yɛ n sée rɛ Nasarɛti-i tonɛ. Lɛ̃ kɛ antepuyɛ apí pɛɛ ḿ ma kai lɛ̃ tikilɛ̃. Pi pɛɛ rɛ: Pi yɛ́ kam api kɛwã́ kɛ̃ séi rɛ Nasarɛti ukɔ́.
23262	MAT 3:1	Aí weri kumúŋɛ́ kunyinɛ-i, Yohani Úniwolɛ uu léeri un Yutee kucɛsi kóima-i yóólɛ̃ tɛ:
23264	MAT 3:3	Yohani nsímɛ́ kɛ antepu Esayi uú pɛɛ maa rɛ: Usoi rinɔɔ yɛ ri tɛɛ kucɛsi kóima-i n yóólɛ̃ tɛ: Ani Upíima ncee nyɔ́ɔnsɛ, ani usiceepi tɛ̃iisɛ.
23265	MAT 3:4	Kuyooyoo nkpíí kɛtukanka kɛ Yohani uú pɛɛ tanaalɛ̃ un kɛkónɛpampi kɛhalɛ-i télɛ̃. Apááni nɛ mɛtɛ̃́ kuú pɛɛ le.
23271	MAT 3:10	Isɔ yɛ pinaŋaa máálɛnlɛ pikɛ́ nɛ aléé iníŋí sémni. Lɛ̃ nnya, kuléé kúye kunsá apipi sɔnɛ m maru, pi yɛ́ ku riké api nna-i sápɔ.
23273	MAT 3:12	U nkpáni yarɛ usoi nkó yɛɛ kulũ kapí nɛ n cácai m múílɛ̃. U yɛ́ kukpépi pééi uu mɛlukɛpipi risímɛ-i súúni, uu kɔ acɔ́lɛ́ ilúkɛ́ té ukɛ́ wa ukɛ́ nna tɛnɛcirɛ́ kɛ́mɛɛ a risɛ́.
23274	MAT 3:13	Kumúŋɛ́ kpɛ-i kɛ Yohani uu kei ń we un pisoi míni wolɛ kɛ Yeesu uu Kalilee-pɔ yisi uu Yuritɛɛ nkoi mmɛ-i u lɛɛpɔ rɛ ukɛ́ kɔ uyɛ̃ míni wolɛ.
23277	MAT 3:16	Kɛ Yohani uu lɛ̃ Yeesu piwólɛ ḿ masí, Yeesu uu míni-i léepɔ. Kɛyómɛ akɛ kei nní wúkulɛ uu Uléécaa Nfaasɔnɛ yɛnu nn kɛyómɛcaa-pɔ súiri yarɛ rilɔ́ɔlã, nn ukɛcáá tonɛ.
23278	MAT 3:17	Tinɔ́ɔ rinyinɛ ari pɛɛ kɛyómɛcaa-pɔ leeri rɛ: Nkó yɛɛ Kɛnɛ́pipi lala kɛcirɛ, ám yɛ ukɛcáá kṍ.
23282	MAT 4:4	Yeesu uu u pɛsɛ rɛ: Li Nléécaasimɛ́ kɛ́mɛɛ wɔ́laalɛ̃ tɛ: Ái ilukɛ ŋmanɛ yɛɛ yɛ usoi nfáa hɛ, amá ḿpá nsímɛ́ ń-ye mɛɛ Uléécaa nnɔɔ-i n léemɛ yɛɛ kɔ usoi nfáa hɛlɛ.
23283	MAT 4:5	Setani uu kɔ Yeesu kpísi uú nɛ Uléécaa kuyu Yerusalɛm sĩ, uú ha kei Uléécaa kɛyɔ kɛhórɛ́-pɔ u tɔsi
23284	MAT 4:6	uu rɛ: Pɔn mɛsei Uléécaa Kɛpipi, a mɛpɔ́círɛ kɛteni-i risápɔ. Li we rɛ li Nléécaasimɛ́ kɛ́mɛɛ wɔ́laalɛ̃ tɛ: Uléécaa yɛ́ pɔ̃́ nnya upileecaatumɛ rinɔ́ɔ hɛ api pɔ́ yéu kupɔ́na áku kapɛ nɛ riparɛ rinyinɛ rinkpɔ́u nnya.
23286	MAT 4:8	Setani uu kɔ pikpíkɛ́ u kpá uú ha riyɔ́pɛ maamaa píima rinyinɛ kɛhórɛ́-pɔ tɔsi uu kɛtẽ nkɛ́ kɛcáá ayɔɔpiyu nɛ ammulɛ nnɛ́í u nyísɛntɛ
23288	MAT 4:10	Yeesu uu u maa rɛ: A kɛnɛ́kúrí yisi, Setani. Li Nléécaasimɛ́ ritɛlɛ́-i wɔ́laalɛ̃ tɛ: Upíima Upɔ́léécaa mɛcirɛ kóló kaí pisɛ rɛ usoi ukɛ́ riwula ukɛ́ yáási.
23290	MAT 4:12	Kɛ Yeesu uu n kṍ tɛ Yohani yɛ kukpaniilee-i we, uu yisi uu Kalilee kɛtẽ-mɛ̃ pɛlɛ.
23291	MAT 4:13	Kuu n hápɔ, úu Nasarɛti-i tónɛ, amá Kapɛrinawum-mɛ̃ kuu tɔ́mpɔ. Kei yɛ kupiyɛ ritimɛ welɛ, Sapilɔɔ nɛ Nɛfitalii kɛtẽ-pɔ.
23293	MAT 4:15	Nɔ̃́ Sapilɔɔ nɛ Nɛfitalii sitẽ pikɔ́, nɔ́ɔ mínimaa ritimɛ ń we nɛ nɔ́ɔ Yuritɛɛ nkoi mɛtɛ́ŋ́ ń we, nɔ̃́ mpuri sanɛ pikɔ́, nɔ́ɔ Kalilee kɛteni-i ń we,
23294	MAT 4:16	nɔ́ɔ pɛɛ kuŋmaha-i ń we, ani kõ tɛ nɔ nkpéni mɛtɛ́í píima yɛnlɛ. Nkpɔ kuhorɛ-i kaní pɛɛ́ we, mɛtɛ́í yɛ nkpéni nɔ́ lɛɛpɔlɛ.
23299	MAT 4:21	Kuu kei n yisi, uu kɛ́yu-mɛ̃ sĩ uu kɔ Sepetee piŋmánɛ pitɛ́ Yakupu nɛ uuwã Yohani yɛnu pi nɛ piusaa Sepetee pin pikuninɔi-i we pin pianyɛŋ́ nyɔ́ɔnsɛntɛ. Uu pi séi
23302	MAT 4:24	Kei kɛ urinyiri ari pɛɛ Sirii kɛtẽ nnɛ́í kɛcáá rikɔ́ɔ́nú. Api pɛɛ́ nɛ pitóikɔ́ nnɛ́í ncɔpuri nɛ pɛ̃ nnɛ́í pɛɛ piipiŋɛ-i ncɔ́ŋ nnyinɛ n kómɛi u n sɔ́naapɔ un pi pɔisɛntɛ. Lɛlɛɛ nní yarɛ pinírihélaa nɛ rikpínkpĩ́ pikɔ́ nɛ síkankáláká.
23303	MAT 4:25	Asoiwuí píima nyɛɛ Kalilee-pɔ nɛ Ayu Kɛfi kɛtẽ-pɔ nɛ Yerusalɛm-pɔ nɛ Yutee-pɔ nɛ Yuritɛɛ nkoi mɛtɛ́ŋ́-pɔ n léemɛ aa pɛɛ u n tikilɛ̃.
23306	MAT 5:3	Pɛpɛɛ n nyu rɛ ápi Uléécaa inipɛɛ-i líka tulaalɛ̃ pɛɛ pínarɛkomɛ. Pɛpɛɛ Uléécaa iyɔɔpi te.
23315	MAT 5:12	Likɛ́ nɔ́ n láárú nɔn nɛ mpɔ́ɔnarɛ cuunkɛɛ. Nɔ́inɛ́hɛɛ yɛ kɛyómɛcaa-pɔ piyɛlɛ ái kumúŋɛ́ má. Limɛcɔ kapí pɛɛ antepuyɛ pɛɛ pɛɛ́ ń we ani kɛlenɛ weri wéékusɛlɛ̃.
23316	MAT 5:13	Nɔ́ɔ kɛtẽ kɛcáá nnyási. Nnyási mɛlõ mɛn nkpéni n kpu, yo kapi yɛ́ pɛɛ́ nɛ mɛlõ n pɛsɛ? Li tisɛ pikɛ́ kɛtahai-mɛ̃ n fómpɔ pisoi pikɛ́ tɛ́lɛisɛ.
23318	MAT 5:15	Úka úu yɛ kɛ́firáa risɛ́ uu kucári kɛ kipi. Kɛcácá kuu yɛ kɛ ritɔsi akɛ ḿpá úye kɛ́yɔ-i n kpã́iilɛ̃.
23319	MAT 5:16	Limɛcɔ kai pisɛ rɛ nɔ́mɛnɛ́tɛ́í mɛkɛ́ n kpã́iilɛ̃ pisoi nnɛ́í pin mɛ nyáni. Pisoi pikɛ́ nɔ́mɛnɛ́wai sɔnɛ n nyáni pin nɛ Nɔ́unɛ́sáa Uléécaa yɛɛ kɛyómɛcaa-pɔ ń we ríyu waisɛ.
23321	MAT 5:18	Asei kam nní nɔ́ símisi, kɛtẽ nɛ kɛyómɛ yɛ kpére we, kɛwɔ́ipi cíú-cíú kɛ́ka nɛ́ɛ kɛsímɛ́pi kɛ́ka ákɛ isé kɛ́mɛɛ mɛ́lelɛ má, likɛ́ ha nɛ ḿpá yo kɛtɔ tu.
23325	MAT 5:22	Amá nɛ̃́ nɛ nɔ́ maa rɛ: Úye un nɛ uucɔ n wɔ́ɔsi, pikɛ́ nɛ liute túhaanɛ. Úye un uucɔ m maa rɛ: Pɔ́ uníri nkó, pikɛ́ liute nɛ pɛpɛɛ yɛ kɛtúhaanɛ píima-i n túhaanɛ kɛ́mɛɛ ha. Úye un uucɔ m maa rɛ: Pɔ́ uníri nkó, li tu rɛ pikɛ́ liute nna tɛnɛcirɛ́ iwɛ kɛ́mɛɛ risápɔ.
23326	MAT 5:23	Lɛ̃ nnya, pɔn Uléécaa kɛyɔ-i kɛnyɔ́ɔnsɛ-i linyinɛ nɛ Uléécaa pihɛɛ n ha, pɔn n léisɛ rɛ upɔ́cɔ yɛ nɛ pɔ́ wɔ́laalɛ̃,
23328	MAT 5:25	Pitele pin nɔ́ nɛ unyinɛ kɛcɔpɛ n we, nɔn kɛtahai pitúhaanɛ n sĩ, a tíyɛsɛ nɔ́ nɛ uyɛ̃ ani ncée kómɛinɛ. Insá lɛ̃, u yɛ́ nɛ utúhaanɛ-i pɔ́ ha, uyɛ̃ uu pɔ́ kpísi uu pisɔ́ɔ́ca pa, pɛ̃ api kukpaniilee pɔ́ tani.
23329	MAT 5:26	Asei kam nní pɔ́ símisi, pɔnsá ripɔ́wómɛ nnɛ́í n hɛ́ɛlɛ tikɛ́ tɛnɛ cáká-cáká nɛ kɛtanká tɔrɔɔ-pɔ, áa kei mɛ́lelɛ má.
23332	MAT 5:29	In tɛ mɛpɔ́nípɛɛ lukɛ-lukɛ mɛɛ akópɛ pɔ́ waisɛ, a mɛ lesɛ aa kɛtaa-pɔ fómpɔ. Li kutɔsi we usoi ukɛ́ uipiŋɛ likɔ́ linyinɛ paa uú nɛ nfáa yɛnu nɛ kuu yɛ́ uipiŋɛ nnɛ́í ḿ má apí nɛ nna tɛnɛcirɛ́ kɛ́mɛɛ u sápɔ.
23333	MAT 5:30	In tɛ kupɔ́nípɛ lukɛ-lukɛ kpɛɛ yɛ akópɛ pɔ́ waisɛ, a ku riké aa kɛtaa-pɔ ku fómpɔ. Li kutɔsi we pɔkɛ́ kupɔ́nípɛ lukɛ-lukɛ paa aá nɛ nfáa yɛnu nɛ kaa yɛ́ ipɔ́piŋɛ nnɛ́í ḿ má apí nɛ nna tɛnɛcirɛ́ kɛ́mɛɛ pɔ́ sápɔ.
23342	MAT 5:39	Amá nɛ̃́ nɛ nɔ́ maa rɛ: Áni kapɛ yɛ usoi mɛwai kópɛ cɛɛi. Usoi un kulukɛ-lukɛ-mɛ̃ kɛpɛsɛ pɔ́ n tɔ, a kumíi-mɛ̃ pansɛ ukɛ́ kɔ kei kɛpɛsɛ pɔ́ tɔ.
23348	MAT 5:45	Nɔn lɛ̃ n wai, nɔ pɛɛ mɛsei Nɔ́unɛ́sáa Uléécaa yɛɛ kɛyómɛcaa-pɔ ń we sipipi lɛ. U yɛ tíyɛsɛlɛ ituŋɛ ii pisoi sɔnɛ nɛ pikópɛ leeri, uu kɔ tíyɛsɛ ikónɛ ii cuuni ai pɛpɛɛ u m pakarɛlɛ̃ nɛ pɛpɛɛ ápi u m pakarɛlɛ̃ yoriyɛ.
23351	MAT 5:48	Ani n nyaḿ nɛ kɛ́tɔ-pɔ yarɛ kɛ Nɔ́unɛ́sáa yɛɛ kɛléécaa-pɔ ń we uu ń nyaḿ nɛ kɛ́tɔ-pɔ mɛcɔ.
23352	MAT 6:1	Yeesu uu kɔ pimáa pi kpá rɛ: Ani nɔ́mɛnɛ́círɛ tĩ, áni kapɛ yɛ lɛ̃ kaí nɛ n sá rɛ nɔkɛ́ Uléécaa nnya wa pisoi inipɛɛ-i wa rɛ pikɛ́ nɔ́ yɛ̃́ pikɛ́ pakarɛ nnya. Insá lɛ̃, Nɔ́unɛ́sáa yɛɛ kɛyómɛcaa-pɔ ń we úu ihɛ́ɛ́ íka nɔ́ panɛ.
23353	MAT 6:2	Lɛ̃ nnya pɔn úwɛkɔɔ́ linyinɛ n hɛ, kapɛ kuloo pi pɔkɛ́ riyóó yarɛ kɛ kɛcáá kɛcáá mɛwai pikɔ́ api yɛ ayómɛyáhaalee-i nɛ icée kɛcáá n wai rɛ pisoi pikɛ́ pi pakarɛ mɛcɔ. Asei kɛcáá, pi piihɛ́ɛ́ piyɔ́ɔ́ masilɛ lɛ̃!
23354	MAT 6:3	Amá pɔ́ɔn yɛ linyinɛ úwɛkɔɔ́ n hɛ, kupɔ́nípɛ mii áku kapɛ lɛ̃ kɛ kulukɛ-lukɛ aku n wa ceri.
23356	MAT 6:5	Yeesu uu kɔ pimáa pi kpá rɛ: Nɔn yɛ kɛyómɛ n yáási, áni kapɛ yɛ kɛcáá kɛcáá mɛwai pikɔ́ mɛcɔ n wai. Pi yɛ n lalɛ pikɛ́ ayómɛyáhaalee-i nɛ sicéepɛnɛ-i n nyɛnu pin nɛ kɛyómɛ yáási rɛ pisoi pikɛ́ pi yɛ̃ nnya. Asei yɛ nyɛ kam nní nɔ́ símisi rɛ pi piihɛ́ɛ́ piyɔ́ɔ́ masilɛ.
23360	MAT 6:9	Lɛ̃ kai m pisɛ rɛ nɔkɛ́ yɛ kɛyómɛ n yáási yɛ nní: Urɔ́sáa, pɔ́ɔ kɛyómɛcaa-pɔ ń we,
23364	MAT 6:13	Kapɛ tíyɛsɛ tɔkɛ́ pipeikɛɛ kɛ́mɛɛ loó. Amá a kuníri anipɛ-i rɔ́ lesɛ. Li we rɛ pɔ́ɔ iyɔ́ɔpi nɛ ńnaŋɛ nɛ ḿmulɛ te ḿpá píyei-pɔ. Amí.
23365	MAT 6:14	Nɔn yɛ picɔ akópɛ kapi nɔ́ n wa pi n sárɛi, Nɔ́unɛ́sáa yɛɛ kɛyómɛcaa-pɔ ń we yɛ́ kɔ nɔ́anɛ́kɔ́ nɔ́ sárɛi.
23371	MAT 6:20	Amá kɛyómɛcaa-pɔ kaí nɛ sá rɛ nɔkɛ́ mɛmá yɛ̃́ nɔkɛ́ curii. Apapi nɛ ncámɛ́ nn yɛ kei fe nkɛ́ mɛ caai, piyaa ápi yɛ́ kɔ fe pikɛ́ ihánaa fori pikɛ́ mɛ yáái.
23374	MAT 6:23	Amá ipɔ́nípɛɛ in m pɔ́ɔ́lú, ipɔ́piŋɛ nnɛ́í yɛɛ yɛ kuŋmaha-i n we. Lɛ̃ nnya, in tɛ mɛtɛ́í mɛ̃ kaa m má yɛ pansɛlɛ kuŋmaha, a yɛ̃ tɛ kuŋmaha píima-i kaá we.
23377	MAT 6:26	Ani sinúipi ripaí nkɛ̃́. Ási yɛ lukɛsi, ási yɛ kpasi, ási yɛ líka risímɛ súũ. Amá Nɔ́unɛ́sáa yɛɛ kɛyómɛcaa-pɔ ń we yɛ si kpíniilɛ! Yarɛ nɔ̃́ ŋmaa áni pɛɛ ríyu má lin sinúipi sɛ̃ fee?
23379	MAT 6:28	Yo nnya kani pɛɛ nkpáni ilũ kani yɛ́ nɔ́inɛ́piŋɛ n yárii nfasimɛ́ wai? Ani mɛyúi mɛɛ yɛ sicarɛ-i n fɛlɛsi ripaí nkɛ̃́! Ámɛ pikɛi píka wai, ámɛ kɔ ilũ íka nyɛlaankɛɛ.
23381	MAT 6:30	Nɔ́ pisoi mpí nfatɛnɛ ńn piyɛ. In tɛ Uléécaa yɛ mɛyúi mɛɛ nɛni kɛcarɛ-i ń we pin kɔ kóso nna mɛ ŋmaasinɛ lɛ̃ sɔnukusɛ, nɔ̃́ kɛcáá kúu yɛ́ pɛɛ mɛníŋɛ ripaíí?
23383	MAT 6:32	Pɛpɛɛ ápi Uléécaa n nyu pɛɛ lɛ̃ likɔ́ mɛsɛ́rɛ wɛ́ɛ́si. Amá Nɔ́unɛ́sáa yɛɛ kɛyómɛcaa-pɔ ń we yɛ nyulɛ lɛ̃ kai nɔ́ m pisɛ.
23388	MAT 7:3	Yo nnya kaa kɛyúipi kɛɛ upɔ́cɔ mɛnipɛɛ-i ń we nyáni, áa pɛɛ kɛnawɛlɛ́pi kɛɛ mɛpɔ́kɔ́-i ń we nyáni?
23389	MAT 7:4	Íye kaa yɛ́ fe aa ucɔ maa rɛ: A nyɛrɛ kɛ́ kɛyúipi mɛpɔ́nípɛɛ-i lesɛ, kɛnawɛlɛ́pi kɛn kɔ pɛɛ́ nɛ mɛpɔ́kɔ́ kɛ́mɛɛ́ we?
23390	MAT 7:5	A tíyɛ pɔ kɛcáá kɛcáá mɛwai má kpa! Kɛnawɛlɛ́pi kɛɛ mɛpɔ́nípɛɛ-i ń we kaa yɛ́ mɛfoí lesɛ aa pɛɛ ńsɔnɛ n nyáni aá nɛ kɛyúipi kɛɛ ucɔ mɛnipɛɛ-i ń we lesɛ.
23391	MAT 7:6	Áni kapɛ yɛ Uléécaa likɔ́ sipɔpi pa rɛ sikɛ́ li. Insá lɛ̃, si yɛ́ nɛ nɔ́ pansɛ asi nɔ́ kɛ́hɛni. Áni kapɛ yɛ kɔ nɔ́inɛ́kólɛ́ kɛcirɛ áfɔŋ kɛyu-i risá. Insá lɛ̃, a yɛ́ i tɛlɛisɛ ii caai.
23396	MAT 7:11	Ḿpá nɔ́ pikpááree mpí nní, nɔ yɛ felɛ ani nɔ́sinɛ́pipi lisɔnɛ hɛ. Nɔ́unɛ́sáa yɛɛ kɛyómɛcaa-pɔ ń we yɛɛ yɛ́ pɛɛ mɛníŋɛ pɛpɛɛ lisɔnɛ u m pisɛ pihɛɛ riyáá?
23398	MAT 7:13	Yeesu uu kɔ pimáa pi kpá rɛ: Ani nɛ rinɔnɔɔ tɛɛ m mɔ́kú-mɔ́kúlɛ̃ lompɔ. Tinɔnɔɔ pɛ́rɛ́-pɛ́rɛ́ nɛ ncée mɛɛ n laanu pelele yɛ nkpɔ-mɛ̃ simpɔlɛ. Pisoi kulúi pɛɛ yɛ nɛ kei lompɔ.
23399	MAT 7:14	Amá rinɔnɔɔ tɛɛ yɛ nɛ nfáa-mɛ̃ ń ha yɛ mɔ́kú-mɔ́kúlɛnlɛ. Lincee pɔ̃́ nɛ kɔ nkpáni mɛsɛ wɛ́kɛ́-wɛ́kɛ́. Pisoi pɛɛ yɛ n n yɛ̃́ ápi kulúi we.
23400	MAT 7:15	Yeesu uu kɔ pimáa pi kpá rɛ: Ani nɔ́mɛnɛ́círɛ tĩ nɛ antepuyɛ nɔɔmɛ. Pi yɛ rikpárálɛ apí n nyísɛlɛ̃ tɛ pi asáŋpipi lɛ, nɛ́ḿpákanɛ pi pisifa-i ákpɛ kpááree lɛ.
23404	MAT 7:19	Pi yɛ kuléé kpɛɛ áku apipi sɔnɛ m máru rikélɛ api nna-i ku sápɔ.
23406	MAT 7:21	Yeesu uu kɔ pimáa pi kpá rɛ: Ái pɛ̃ nnɛ́í pɛɛ nɛ́ n sélei rɛ Upíima, Upíima pɛɛ Uléécaa iyɔɔpi kɛ́mɛɛ loninɛ, amá pɛpɛɛ Unɛ́sáa yɛɛ kɛyómɛcaa-pɔ ń we mɛla n wai ŋmanɛ pɛɛ Uléécaa iyɔɔpi kɛ́mɛɛ loninɛ.
23410	MAT 7:25	Ikónɛ ii cuuni, ikói ii yipu, kuyɔ píima kunyinɛ aku kɛ́yɔ kɛ-i pépu, ái nkpáni líka kɛ wa, kakɛ kɛparɛ kɛcáá m mɔ́maalɛ̃ nnya.
23412	MAT 7:27	Ikónɛ ii cuuni ikói ii yipu, kuyɔ píima kunyinɛ aku kɛ́yɔ kɛ-i pépu, akɛ lólu akɛ foru tɛ́kɛ́-tɛ́kɛ́.
23420	MAT 8:6	U Yeesu maa rɛ: Upíima, unɛ́kɛikɔ́ yɛ kɛ́yɔ-pɔ nɛ kufɔ́ŋ finupɔlɛ lin ána u pahaalɛ̃, úu nkɛ́hɛ̃ nɛ kɛ́yu mápɔ.
23422	MAT 8:8	Kei kɛ usɔ́ɔ́ca kpéẽ uyɛ̃ uu pɛɛ kɔ rɛ: Ám tu rɛ pɔkɛ́ kɛnɛ́yɔ-i lompɔ, Upíima. Amá pɔ kpére rinɔ́ɔ hɛ, unɛ́kɛikɔ́ yɛ lɛ̃ peilɛ.
23424	MAT 8:10	Kɛ Yeesu uu anɔ́ɔ nyɛ̃ n kṍ, ai nnɔ́ɔ u yipu, uu pɛpɛɛ u n tíkilɛ̃ maa rɛ: Asei kam nní nɔ́ símisi, ám Isirayɛɛli kɛteni-i ricuruu úka kɛ́mɛɛ nfatɛnɛ píima mmú ncɔ yɛnaalɛ̃.
23425	MAT 8:11	Nɛ la kɛ́ nɔ́ símisi rɛ pisoi mɛyã yɛ́ kɛtuŋɛleemɛ nɛ kɛtuŋɛlolɛ́-mɛ̃ leemɛ, pi nɛ pirɔ́sáayaha Apiraham nɛ Isaaki nɛ Yakupu api Uléécaa iyɔɔpi-i tonɛ api kɛsẽ́ ilukɛ le.
23426	MAT 8:12	Amá pi yɛ́ pɛ̃ kaí pɛɛ́ nɛ n sá rɛ pikɛ́ Uléécaa iyɔɔpi kɛ́mɛɛ lõ kɛtahai kuŋmaha-mɛ̃ fómpɔ api pɛɛ kei m pupukɛɛ pin inĩ́ takai.
23427	MAT 8:13	Kei kɛ Yeesu uu pɛɛ usɔ́ɔ́ca kpéẽ uyɛ̃ maa rɛ: A n ŋme a kui. Mpɔ́fatɛnɛ nnya, lɛ̃ kaa m pisɛ yɛ́ wa. Ukɛikɔ́ uu mɛsei ituŋɛ isɛ iyɛ-i pélu.
23432	MAT 8:18	Kɛyáa kɛnyinɛ kɛ Yeesu uu Kalilee kupiyɛ ritimɛ we, risoiwuí ari u kálaapɔ. Kei kuu pɛɛ upipirɛtiki maa rɛ u nɛ pɛ̃ pikɛ́ ritímɛ ricɔ-mɛ̃ ha.
23440	MAT 8:26	Yeesu uu pɛɛ pi maa rɛ: Yo nnya kani iwamɛ wai? Nɔ́ pisoi mpí, nɔ́nnɛ́fatɛnɛ ńn piyɛ. Kei kuu pɛɛ yisi uú nɛ kuyɔ nɛ míni cɛ́si, ai pɛɛ sɛ́ɛ́ lɛ́kɛ́-lɛ́kɛ́ keu.
23442	MAT 8:28	Kɛ Yeesu uu kupiyɛ ritimɛ tɛ-i n yisi uu Kataraa kɛtẽ-pɔ ritimɛ ricɔ tulu, pinírihélaa pitɛ́ pinyinɛ api akpíí kɛcɔpɛ leeri api u lɛɛpɔ. Pisoi pɛ̃ tikpákárá kapi n wai nnya, úka úu yɛ pɛɛ kaha ukɛ́ ncée mmɛ̃ titiki.
23443	MAT 8:29	Kapí nɛ Yeesu rinsánɛ, api pɛɛ́ n cáái rɛ: Uléécaa Kɛpipi, tɔ́ nɛ mpɔ̃́ nɛ ń-ye? Pɔ ka rɛ pɔkɛ́ íwɛ rɔ́ wa Uléécaa ituŋɛ iyɛ-i kuú nɛ rɔ́ n túhaanɛnɛ ikɛ́ kɛlenɛ tuu?
23445	MAT 8:31	Aníri aa Yeesu suúlusɛ rɛ: Pɔn n la pɔkɛ́ pisoi mpí-i rɔ́ lákasɛ, a tíyɛ tɔkɛ́ ha áfɔŋ nnyɛ́ nyɛɛ nté-pɔ nní kulúi ń we kɛ́mɛɛ lompɔ.
23446	MAT 8:32	Yeesu uu a maa rɛ: Ani n tɔ́su! Aa pɛɛ pisoi pitɛ́ pɛ-i yisi aá ha áfɔŋ nyɛ-i loni. Mɛsɛ nɛ mɛsɛ, áfɔŋ nyɛ̃ aa wuru aá nɛ rikúú cɛ́pi aá ha nɛ kupiyɛ-i kpúupɔ aa kpíni.
23448	MAT 8:34	Kei kɛ kuyu pisoi nnɛ́í api ripehépɔ api Yeesu lɛɛpɔ. Kapi u n yɛ̃́, api u suúlusɛ rɛ ukɛ́ pikɛteni-i le ukɛ́ tɔ́mpɔ.
23452	MAT 9:4	Yeesu uu pikɛmúŋɛ́ céru uu rɛ: Yo nnya kani lɛ̃ nɔ́sinɛ́fa-i simúŋɛ́ kópɛ wai?
23457	MAT 9:9	Yeesu uu kɛ́yu-mɛ̃ n tɔ́su uu utisi unyinɛ kapi yɛ n sée rɛ Matiyee yɛnu un pilampooyɔɔ́ kɛkɛi-i tṹ. Uu u maa rɛ: A yisi a nɛ́ ritiki. Matiyee uu yisi uu u tiki.
23458	MAT 9:10	Yeesu uu pɛɛ lɛ̃ mɛmáá sĩ́ uú ha Matiyee kɛyɔ-i n tũ un ilukɛ le. Pilampooyɔɔ́ nɛ pikópɛkɔɔ́ picɔ apí hapɔ api kei u nɛ upipirɛtiki kɛkúrí tonɛ.
23463	MAT 9:15	Yeesu uu pɛɛ pi pɛsɛ rɛ: Nɔ músu rɛ usoi yɛ́ pisɔ́ɔnnɛ anyã́ n wai uu upisanɛ séi api pɛɛ́ hapɔ apí nɛ mpɔ́ɔcaai n tũ? Aai, mmɛ̃ ńn we. Li yɛ́ kam api kumúŋɛ́ kunyinɛ-i unɔ́sikɔ́ uyɛ̃ pikɛcɔpɛ lesɛ apí nɛ tɔ́mpɔ. Pɛɛ́ uyɛ-i kapi yɛ́ pɛɛ anɔ́ɔ paasi.
23465	MAT 9:17	Uu kɔ kpá rɛ: Úka úu yɛ píta pelẽ akónɛnuŋ́ kpurɛ-i súũ. Insá lɛ̃, píta yɛ́ kam api pelu, anúŋ́ aa kpáfú api kɛteni-i lúlu, anúŋ́ pɔ́ɔ kɔ mɛ́woo wai. Amá akónɛnuŋ́ falɛ kɛ́mɛɛ kapi yɛ píta falɛ súũ, ai lɛ̃ n we apí ha nɛ pelu.
23466	MAT 9:18	Yeesu un lɛ̃ we un nɛ Yohani Úniwolɛ pipirɛtiki símisi, Pisuifi uyukɔɔ́ unyinɛ uú hapɔ uu ukɛyu-i wúla uu rɛ: Unɛ́kpére yɛɛ nfáani nní kpupɔ ái kahanɛ n náŋai. Amá a kam a ha anípɛ ukɛcáá rilaa. U yɛ́ nfáa wa.
23468	MAT 9:20	Unɔ́si unyinɛ yɛɛ mɛ́nyɛ n foho hái iŋmɛ̃ kɛfi nɛ itɛ́, uú nɛ Yeesu kɔ, uu uilũ titimɛ kɛpirɛ-mɛ̃ ca.