23214	MAT 1:1	Yeesu Kirisi yɛ Tafiti kɛyasɛ lɛ, Tafiti pɔ́ɔn kɔ Apiraham kɛyasɛ. Upikpurɛ anyiri yɛ nnyɛ́:
23231	MAT 1:18	Lɛ̃ kapi Yeesu Kirisi m mári yɛ nní: Uuni Maari kapí pɛɛ Yosɛfi feleilɛ̃, amá Nfáasɔnɛ nn tíyɛsɛ uu fapisi u nɛ Yosɛfi ápi kɔ kahanɛ kulee rimpɛ́nɛ.
23233	MAT 1:20	Kuu ń we un likɛcáá músu, Upíima uleecaatumɛ unyinɛ uu kɛlárɛ́-i u kpáfúmɛ uu u maa rɛ: Tafiti kɛpirɛ̃ Yosɛfi, Maari pikpíkɛ́ ápi kapɛ pɔ́ n cɔ́ŋlɛ̃. Nfáasɔnɛ mɛɛ tíyɛsɛ kuu fapisi.
23235	MAT 1:22	Lɛ̃ nnɛ́í ai wai, Upíima rinɔɔ kuu mɛkɛɛ antepu Esayi m máasɛ rikɛ́ nɛ n li nnya. Lɛlɛɛ rɛ:
23240	MAT 2:2	Apí ha pisɛ rɛ: Yei yɛ kɛwã́ kɛ̃ kapi m mári pin tee rɛ kɛkɛɛ sɔ́nti kɛkɛ́ Pisuifi iyɔɔpi tonɛ? Hái kɛtuŋɛleemɛ-pɔ kari riwárɛpi tɛɛ n nyísɛlɛ̃ tɛ pi kɛwã́ kɛ̃ mari yɛ̃. Lɛ̃ nnya karí ka rɛ tɔkɛ́ kɛ yáási ari wúla.
23243	MAT 2:5	Api u pɛsɛ rɛ: Yutee kɛteni-i, Pɛtɛlɛhɛm-pɔ le. Antepu Misee yɛ mɛkɛɛ-mɛ wɔi rɛ:
23246	MAT 2:8	Uu pɛɛ limɛmáá Pɛtɛlɛhɛm-pɔ pi tum uu pi maa rɛ: ani n ŋme ani ha kɛwã́ kɛ̃ kɛcáá ńsɔnɛ písɛi ani kóm. Nɔn kɛ n yɛ̃, ani pɛɛri ani nɛ́ símisi nɛ́ɛkɛ́ ha kɔ kɛ yáási kɛ́ riwula.
23251	MAT 2:13	Kɛ pinyuwɛ pɛ̃ api n tɔ́mpɔ, Upíima uleecaatumɛ unyinɛ uu kɛlárɛ́-i Yosɛfi kpáfúmɛ uu rɛ: A yisi, a kɛwã́ nɛ kɛuni kpísi aa wuru aa Esipiti kɛtẽ loni. Erooti yɛ lalɛ ukɛ́ kɛ kpu. Lɛ̃ nnya, ani ha kei-pɔ n tũ likɛ́ ha nɛ tu kumúŋɛ́ kpɛ-i kam yɛ́ nɔ́ n símisi rɛ ani pɛɛmɛ.
23253	MAT 2:15	Uu kei n we Erooti uú ha nɛ kpi. Lɛ̃ kɛ Upíima uú pɛɛ uantepu m máasɛ likɛ́ nɛ n wa nnya kai lɛ̃ wa. U pɛɛ rɛ: Nɛ unɛ́ŋmánɛ sée rɛ ukɛ́ Esipiti kɛteni-i le.
23255	MAT 2:17	Lɛ̃ kɛ antepu Yeremii uú pɛɛ mɛkɛɛ-mɛ ḿ ma kai lɛ̃ wa. U pɛɛ rɛ:
23258	MAT 2:20	uu rɛ: A yisi, a kɛwã́ nɛ kɛuni kpísi aá nɛ Isirayɛɛli kɛtẽ pɛlɛ. Pɛpɛɛ pɛɛ ń la pikɛ́ kɛwã́ kɛ̃ kpu yɛ kpínlɛ.
23261	MAT 2:23	uú ha kuyu kpɛ̃ kapi yɛ n sée rɛ Nasarɛti-i tonɛ. Lɛ̃ kɛ antepuyɛ apí pɛɛ ḿ ma kai lɛ̃ tikilɛ̃. Pi pɛɛ rɛ: Pi yɛ́ kam api kɛwã́ kɛ̃ séi rɛ Nasarɛti ukɔ́.
23262	MAT 3:1	Aí weri kumúŋɛ́ kunyinɛ-i, Yohani Úniwolɛ uu léeri un Yutee kucɛsi kóima-i yóólɛ̃ tɛ:
23264	MAT 3:3	Yohani nsímɛ́ kɛ antepu Esayi uú pɛɛ maa rɛ: Usoi rinɔɔ yɛ ri tɛɛ kucɛsi kóima-i n yóólɛ̃ tɛ: Ani Upíima ncee nyɔ́ɔnsɛ, ani usiceepi tɛ̃iisɛ.
23268	MAT 3:7	Yohani uu yɛ́nu rɛ Pifarisi nɛ Pisatusee pɛɛ ukɛmɛɛ n sɔ́naapɔ rɛ ukɛ́ míni pi wolɛ ápi kusa kulúi we. Uu pɛɛ pi maa rɛ: Nɔ́ akpurii nnyɛ́! Wóo nɔ́ céesi rɛ ani Uléécaa kuwɔi kpɛɛ n nyahaimɛ kaasɛ?
23275	MAT 3:14	Amá Yohani uu yúlu uu rɛ: Nɛ̃́ kaí nɛ sá rɛ kɛ́ kɛpɔ́mɛɛ́ hapɔ pɔkɛ́ nɛ́ wolɛ, ái pɔ́ɔ yɛ́ mɛníŋɛ kɛnɛ́mɛɛ́ kam.
23276	MAT 3:15	Yeesu uu pɛɛ u pɛsɛ rɛ: A riyá likɛ́ pɛɛ lɛ̃ n we kɛlenɛ. Lɛ̃ kari yɛ́ fe arí nɛ lɛ̃ nnɛ́í kɛ Uléécaa uu ń la ńsɔnɛ wai. Kuu lɛ̃ ḿ ma, Yohani uu pɛɛ kóm uu míni u wolɛ.
23278	MAT 3:17	Tinɔ́ɔ rinyinɛ ari pɛɛ kɛyómɛcaa-pɔ leeri rɛ: Nkó yɛɛ Kɛnɛ́pipi lala kɛcirɛ, ám yɛ ukɛcáá kṍ.
23281	MAT 4:3	Setani yɛɛ m peikɛɛ uú nɛ u kɔ uu u maa rɛ: Pɔn mɛsei Uléécaa Kɛpipi, a aparɛ nnyɛ́ rinɔ́ɔ maa akɛ́ pansɛ akpɔ́nɔ́, aa le.
23282	MAT 4:4	Yeesu uu u pɛsɛ rɛ: Li Nléécaasimɛ́ kɛ́mɛɛ wɔ́laalɛ̃ tɛ: Ái ilukɛ ŋmanɛ yɛɛ yɛ usoi nfáa hɛ, amá ḿpá nsímɛ́ ń-ye mɛɛ Uléécaa nnɔɔ-i n léemɛ yɛɛ kɔ usoi nfáa hɛlɛ.
23284	MAT 4:6	uu rɛ: Pɔn mɛsei Uléécaa Kɛpipi, a mɛpɔ́círɛ kɛteni-i risápɔ. Li we rɛ li Nléécaasimɛ́ kɛ́mɛɛ wɔ́laalɛ̃ tɛ: Uléécaa yɛ́ pɔ̃́ nnya upileecaatumɛ rinɔ́ɔ hɛ api pɔ́ yéu kupɔ́na áku kapɛ nɛ riparɛ rinyinɛ rinkpɔ́u nnya.
23285	MAT 4:7	Yeesu uu kɔ u pɛsɛ rɛ: Li kɔ kɛmɛ́ɛ wɔ́laalɛ̃ tɛ: Kapɛ Upíima Upɔ́léécaa peikɛɛ pɔkɛ́ ukɛtɔ yɛ̃.
23287	MAT 4:9	uu pɛɛ kɔ u maa rɛ: Pɔn n ŋmurɛi aa wúla aa nɛ́ yáási, am nní nnɛ́í pɔ́ hɛ.
23288	MAT 4:10	Yeesu uu u maa rɛ: A kɛnɛ́kúrí yisi, Setani. Li Nléécaasimɛ́ ritɛlɛ́-i wɔ́laalɛ̃ tɛ: Upíima Upɔ́léécaa mɛcirɛ kóló kaí pisɛ rɛ usoi ukɛ́ riwula ukɛ́ yáási.
23292	MAT 4:14	Lɛ̃ kɛ antepu Esayi uú pɛɛ ḿ ma likɛ́ nɛ n wa nnya kai lɛ̃ wa. U pɛɛ rɛ:
23295	MAT 4:17	Kaí nɛ kei n kpísi kɛ Yeesu uu pɛɛ piyóó lõ tɛ: Ani mɛfinɛ consɛ, Uléécaa iyɔɔpi yɛ nyahaimɛlɛ.
23297	MAT 4:19	Uu pɛɛ pi maa rɛ: Ani nɛ́ ritiki kɛ́ tíyɛsɛ ani yɛ pisoi pɛɛ yɛ́ nɛ́ rintíki wɛ́ɛ́si.
23305	MAT 5:2	uu pɛɛ picélaa pi loni. Icélaa iyɛɛ nnyí:
23320	MAT 5:17	Yeesu uu kɔ pimáa pi kpá rɛ: Áni kapɛ m músu rɛ Moisi isé nɛ antepuyɛ icélaa kam pikópɛ ka. Ám ka rɛ kɛ́ i kpu, amá nɛ kalɛ rɛ likɛ́ lɛ̃ li.
23324	MAT 5:21	Yeesu uu kɔ pimáa pi kpá rɛ: Nɔ kõ tɛ Uléécaa yɛ pirɔ́kpurɛ maa rɛ: Kapɛ usoi kpu. Úye un usoi n kpu, pikɛ́ liute nɛ túhaanɛ.
23325	MAT 5:22	Amá nɛ̃́ nɛ nɔ́ maa rɛ: Úye un nɛ uucɔ n wɔ́ɔsi, pikɛ́ nɛ liute túhaanɛ. Úye un uucɔ m maa rɛ: Pɔ́ uníri nkó, pikɛ́ liute nɛ pɛpɛɛ yɛ kɛtúhaanɛ píima-i n túhaanɛ kɛ́mɛɛ ha. Úye un uucɔ m maa rɛ: Pɔ́ uníri nkó, li tu rɛ pikɛ́ liute nna tɛnɛcirɛ́ iwɛ kɛ́mɛɛ risápɔ.
23330	MAT 5:27	Yeesu uu kɔ pimáa pi kpá rɛ: Nɔ kõ tɛ Uléécaa yɛ maa rɛ: Kapɛ iwásá wa.
23331	MAT 5:28	Amá nɛ̃́ nɛ nɔ́ maa rɛ: Utisi úye un ucɔ unɔsi n yɛ̃ uu káipi, u ukɛmúŋɛ́ kɛ́mɛɛ iwásá nɛ unɔ́si uyɛ̃ piwai masilɛ lɛ̃.
23334	MAT 5:31	Yeesu uu kɔ pimáa pi kpá rɛ: Nɔ kõ tɛ pi pɛɛ pirɔ́kpurɛ maa rɛ: Úye un unɔ́si n lakasɛ, ukɛ́ rítɛlɛ́ wa ukɛ́ unɔ́si rimúísɛ rɛ u u yɛlɛ.
23335	MAT 5:32	Amá nɛ̃́ nɛ nɔ́ maa rɛ: Úye un unɔ́si n lakasɛ linsá iwásá nnya, iwásá kuu lɛ̃ u tani. Úye un kɔ unɔ́si kɛ ucɔ uu n lákasɛ n kpísi, iwásá kɛ liute uu lɛ̃ wa.
23336	MAT 5:33	Yeesu uu kɔ pimáa pi kpá rɛ: Nɔ kõ tɛ pi pɛɛ pirɔ́kpurɛ maa rɛ: Pɔn tinɔ́ɔ n yekei, a ti ritiki. Pɔn tinɔ́ɔ n yekei rɛ pɔ́ Upíima linyinɛ wa, kapɛ piwai li riyá.
23337	MAT 5:34	Amá nɛ̃́ nɛ nɔ́ maa rɛ: Áni kapɛ yɛ rinɔ́ɔ yekei rɛ nɔ́ Uléécaa linyinɛ wa. Áni kapɛ yɛ wéeri aní nɛ kɛyómɛcaa séi. Kai nní kei yɛ Uléécaa riyɔɔpitũ nnya.
23341	MAT 5:38	Yeesu uu kɔ pimáa pi kpá rɛ: Nɔ kõ tɛ pi maa rɛ: Úye un ucɔ mɛnípɛɛ n fori, pikɛ́ liute mɛnípɛɛ piforɛ cɛɛi. Úye un ucɔ kunĩ́ n wɛhɛ, pikɛ́ liute kunĩ́ piwɛ́hɛ cɛɛi.
23342	MAT 5:39	Amá nɛ̃́ nɛ nɔ́ maa rɛ: Áni kapɛ yɛ usoi mɛwai kópɛ cɛɛi. Usoi un kulukɛ-lukɛ-mɛ̃ kɛpɛsɛ pɔ́ n tɔ, a kumíi-mɛ̃ pansɛ ukɛ́ kɔ kei kɛpɛsɛ pɔ́ tɔ.
23346	MAT 5:43	Yeesu uu kɔ pimáa pi kpá rɛ: Nɔ kõ tɛ pi maa rɛ: A upɔ́sánɛ n la aa upɔ́láarɔ ipuri n yulu.
23347	MAT 5:44	Amá nɛ̃́ nɛ nɔ́ maa rɛ: Ani nɔ́pinɛ́láarɔ n la, ani yɛ pɛpɛɛ nɔ́ n wéékusɛlɛ̃ kɛcáá kɛyómɛ yáási.
23352	MAT 6:1	Yeesu uu kɔ pimáa pi kpá rɛ: Ani nɔ́mɛnɛ́círɛ tĩ, áni kapɛ yɛ lɛ̃ kaí nɛ n sá rɛ nɔkɛ́ Uléécaa nnya wa pisoi inipɛɛ-i wa rɛ pikɛ́ nɔ́ yɛ̃́ pikɛ́ pakarɛ nnya. Insá lɛ̃, Nɔ́unɛ́sáa yɛɛ kɛyómɛcaa-pɔ ń we úu ihɛ́ɛ́ íka nɔ́ panɛ.
23356	MAT 6:5	Yeesu uu kɔ pimáa pi kpá rɛ: Nɔn yɛ kɛyómɛ n yáási, áni kapɛ yɛ kɛcáá kɛcáá mɛwai pikɔ́ mɛcɔ n wai. Pi yɛ n lalɛ pikɛ́ ayómɛyáhaalee-i nɛ sicéepɛnɛ-i n nyɛnu pin nɛ kɛyómɛ yáási rɛ pisoi pikɛ́ pi yɛ̃ nnya. Asei yɛ nyɛ kam nní nɔ́ símisi rɛ pi piihɛ́ɛ́ piyɔ́ɔ́ masilɛ.
23360	MAT 6:9	Lɛ̃ kai m pisɛ rɛ nɔkɛ́ yɛ kɛyómɛ n yáási yɛ nní: Urɔ́sáa, pɔ́ɔ kɛyómɛcaa-pɔ ń we,
23367	MAT 6:16	Yeesu uu kɔ pimáa pi kpá rɛ: Nɔn yɛ anɔ́ɔ m pahaalɛ̃, áni kapɛ yɛ kɛcáá kɛcáá mɛwai pikɔ́ mɛcɔ kɛ́yu n caailɛ̃. Pi yɛ kɛ́yu n cɔ́hɔnɛlɛnlɛ rɛ pisoi pikɛ́ céri rɛ anɔ́ɔ kapi pahaalɛ̃. Asei kam nní nɔ́ símisi rɛ pi piihɛ́ɛ́ lɛ̃ piyɔ́ɔ́ masilɛ.
23370	MAT 6:19	Yeesu uu kɔ pimáa pi kpá rɛ: Áni kapɛ n wɛ́ɛ́si nɔkɛ́ kɛtẽ nté mɛmá yɛ̃́ nɔkɛ́ curii. Apapi nɛ ncámɛ́ yɛ̀ɛ̀ nté mɛ caailɛ, piyaa pɔ́ɔ ihánaa foru api mɛ yáái.
23373	MAT 6:22	Yeesu uu kɔ pimáa pi kpá rɛ: Inípɛɛ yɛɛ ipiŋɛ kɛfiráa. Ipɔ́nípɛɛ in n nyaḿ, i yɛ ipiŋɛ nnɛ́í n kpã́iilɛnlɛ.
23375	MAT 6:24	Yeesu uu kɔ pimáa pi kpá rɛ: Úka úu yɛ́ fe ukɛ́ kumúŋɛ́ kusɛ kɛ́mɛɛ píyɔsaa pitɛ́ n tikilɛ̃. Ḿpá likɛ́ íye wa, u yɛ́ usɛ ipuri yɛ̀ uu ucɔ ikɔ́ n la, nɛ́ɛ u yɛ́ usɛ nɛ kutu n cɔlɛ̃ úu yɛ pɛɛ ucɔ n waisɛlɛ̃. Áni yɛ́ fe nɔkɛ́ kumúŋɛ́ kusɛ kɛ́mɛɛ Uléécaa nɛ siwóó n tikilɛ̃.
23376	MAT 6:25	Yeesu uu kɔ pimáa pi kpá rɛ: Lɛ̃ nnya kam nɔ́ maa rɛ áni kapɛ lɛ̃ kani yɛ́ n li nɛ lɛ̃ kani yɛ́ ń ntí nɔkɛ́ nɛ nfáa m má nɛ ilũ kani yɛ́ nɔ́inɛ́piŋɛ n yárii nfasimɛ́ wa. Nfáa nn ilukɛ fee, nɛ́ɛ ipiŋɛ yɛɛ ilũ fe?
23382	MAT 6:31	Lɛ̃ nnya, áni kapɛ yɛ nfasimɛ́ wa nɔkɛ́ maa rɛ: Yo kari yɛ́ li nɛ́ɛ yo kari yɛ́ ń ntí nɛ́ɛ yo kari yɛ́ tã.
23386	MAT 7:1	Yeesu uu kɔ pimáa pi kpá rɛ: Áni kapɛ yɛ picɔ nɛ túhaanɛ, Uléécaa úu kapɛ nɛ nɔ̃́ n túhaanɛ nnya.
23389	MAT 7:4	Íye kaa yɛ́ fe aa ucɔ maa rɛ: A nyɛrɛ kɛ́ kɛyúipi mɛpɔ́nípɛɛ-i lesɛ, kɛnawɛlɛ́pi kɛn kɔ pɛɛ́ nɛ mɛpɔ́kɔ́ kɛ́mɛɛ́ we?
23392	MAT 7:7	Yeesu uu kɔ pimáa pi kpá rɛ: Ani yɛ Uléécaa we, u yɛ́ nɔ́ hɛ. Ani yɛ ukɛmɛɛ piwɛ́laa ha, u yɛ́ tíyɛsɛ ani yɛ́nu. Ani yɛ ihánaa u rikóḿkóḿ, u yɛ́ nɔ́ hánnɛ.
23398	MAT 7:13	Yeesu uu kɔ pimáa pi kpá rɛ: Ani nɛ rinɔnɔɔ tɛɛ m mɔ́kú-mɔ́kúlɛ̃ lompɔ. Tinɔnɔɔ pɛ́rɛ́-pɛ́rɛ́ nɛ ncée mɛɛ n laanu pelele yɛ nkpɔ-mɛ̃ simpɔlɛ. Pisoi kulúi pɛɛ yɛ nɛ kei lompɔ.
23400	MAT 7:15	Yeesu uu kɔ pimáa pi kpá rɛ: Ani nɔ́mɛnɛ́círɛ tĩ nɛ antepuyɛ nɔɔmɛ. Pi yɛ rikpárálɛ apí n nyísɛlɛ̃ tɛ pi asáŋpipi lɛ, nɛ́ḿpákanɛ pi pisifa-i ákpɛ kpááree lɛ.
23406	MAT 7:21	Yeesu uu kɔ pimáa pi kpá rɛ: Ái pɛ̃ nnɛ́í pɛɛ nɛ́ n sélei rɛ Upíima, Upíima pɛɛ Uléécaa iyɔɔpi kɛ́mɛɛ loninɛ, amá pɛpɛɛ Unɛ́sáa yɛɛ kɛyómɛcaa-pɔ ń we mɛla n wai ŋmanɛ pɛɛ Uléécaa iyɔɔpi kɛ́mɛɛ loninɛ.
23407	MAT 7:22	Mɛyã́ nɛ́ ha kɛyáa kɛ̃ kɛ Uléécaa uu pisoi n túhaanɛnɛ nɛ́ maa rɛ: Upíima, Upíima, ái tɔ́ɔ ripɔ́nyíri nɛ Uléécaa nsímɛ́ pisoi símisi ari aníri lakasɛntɛ ari kɔ tipɔ́nyíri nɛ mɛwaisaŋa kulúi wapisii?
23408	MAT 7:23	Kei kam yɛ́ pɛɛ pi símisi ńsɔnɛ rɛ: Ám píkai nɔ́ nyu! Nɔ́ pikópɛkɔɔ́ mpí. Ani kɛnɛ́kúrí nté rinyɔsɔ́!
23409	MAT 7:24	Yeesu uu pɛɛ ntɔ́rɔɔ pi maa rɛ: Úye un nsímɛ́ mmú nnɛ́í kutu rincɔ un kɔ n tintiki, u we yarɛ usɔhɔɔ yɛɛ kɛparɛ kɛcáá ukɛyɔ m mɔ̃́.
23416	MAT 8:2	Kei kɛ uyɔ̃́ unyinɛ uu ukɛkúrí hápɔ uu wúla uu rɛ: Upíima, pɔn n la, pɔ́ nɛ́ wolɛ am funi.
23417	MAT 8:3	Yeesu uu kunípɛ saapɔ uu u ca uu rɛ: Nɛ lalɛ a peí. Mɛsɛ nɛ mɛsɛ, kɛyɔ̃́ akɛ ukɛcáá lelu uu funi.
23418	MAT 8:4	Yeesu uu pɛɛ rinɔ́ɔ u hɛ rɛ: Kapɛ wa unyinɛ ukɛ́ kṍ. Amá a uyɛɛ Uléécaa inyɔ́ɔnsɛ n wai lɛɛpɔ ukɛ́ pɔ́ musí ukɛ́ yɛ̃́ tɛ pɔ peí, aa pɛɛ limɛmáá inyɔ́ɔnsɛ kɛ Moisi uú nɛ nɔ́ n tíyɛ wai likɛ́ ḿpá úye nyísɛ rɛ pɔ peilɛ.
23420	MAT 8:6	U Yeesu maa rɛ: Upíima, unɛ́kɛikɔ́ yɛ kɛ́yɔ-pɔ nɛ kufɔ́ŋ finupɔlɛ lin ána u pahaalɛ̃, úu nkɛ́hɛ̃ nɛ kɛ́yu mápɔ.
23421	MAT 8:7	Yeesu uu u pɛsɛ rɛ: Nɛ kõ, nɛ́ ha u pɔisɛ.
23422	MAT 8:8	Kei kɛ usɔ́ɔ́ca kpéẽ uyɛ̃ uu pɛɛ kɔ rɛ: Ám tu rɛ pɔkɛ́ kɛnɛ́yɔ-i lompɔ, Upíima. Amá pɔ kpére rinɔ́ɔ hɛ, unɛ́kɛikɔ́ yɛ lɛ̃ peilɛ.
23424	MAT 8:10	Kɛ Yeesu uu anɔ́ɔ nyɛ̃ n kṍ, ai nnɔ́ɔ u yipu, uu pɛpɛɛ u n tíkilɛ̃ maa rɛ: Asei kam nní nɔ́ símisi, ám Isirayɛɛli kɛteni-i ricuruu úka kɛ́mɛɛ nfatɛnɛ píima mmú ncɔ yɛnaalɛ̃.
23427	MAT 8:13	Kei kɛ Yeesu uu pɛɛ usɔ́ɔ́ca kpéẽ uyɛ̃ maa rɛ: A n ŋme a kui. Mpɔ́fatɛnɛ nnya, lɛ̃ kaa m pisɛ yɛ́ wa. Ukɛikɔ́ uu mɛsei ituŋɛ isɛ iyɛ-i pélu.
23431	MAT 8:17	Lɛ̃ kɛ antepu Esayi uú pɛɛ ḿ ma kɛ mɛwai mɛ̃ amɛ ritiki rɛ: Tirɔ́nárɛi kuú yɔsí uu irɔ́tói kpísi uu cɔni.
23433	MAT 8:19	Kei kɛ isé ucélaa usɛ uú nɛ u rikɔ uu u maa rɛ: Ucélaa, ḿpá yei kaa sĩ́ nɛ́ pɔ́ ritiki.
23434	MAT 8:20	Yeesu uu u pɛsɛ rɛ: Sisáŋá yɛ sialééri málɛ, sinúipi sin siayámɛ́ má. Amá nɛ̃́ Usoi Kɛpipi, ám tíka má kam yɛ́ ríyu n tampɔ kɛ́ wéntɛ.
23435	MAT 8:21	Kei kɛ uupirɛtiki usɛ pɔ́ɔ pɛɛ kɔ u maa rɛ: Upíima, a ncée nɛ́ hɛ kɛ́ ha unɛ́sáa kulɛsi kɛ́ pɛɛ kɛlenɛ pɔ́ ritiki.
23436	MAT 8:22	Yeesu uu u pɛsɛ rɛ: A nɛ́ ritiki aa pikpɔkpɔ yá pikɛ́ pipikpɔkpɔ kulaankɛɛ.
23439	MAT 8:25	Upipirɛtiki api ukɛkúrí nyɔsɔ́pɔ api u yóŋsɛ api rɛ: Upíima a rɔ́ comɛ, tɔ kpíninɛ.
23440	MAT 8:26	Yeesu uu pɛɛ pi maa rɛ: Yo nnya kani iwamɛ wai? Nɔ́ pisoi mpí, nɔ́nnɛ́fatɛnɛ ńn piyɛ. Kei kuu pɛɛ yisi uú nɛ kuyɔ nɛ míni cɛ́si, ai pɛɛ sɛ́ɛ́ lɛ́kɛ́-lɛ́kɛ́ keu.
23441	MAT 8:27	Ai ḿpá úye nnɔ́ɔ yipu api pɛɛ pimɛcɔpɛcirɛ n tee rɛ: Usoi úye kɛcirɛ yɛ nkó kaí nɛ kuyɔ nɛ míni ripɛ́nɛ lin u pakarɛlɛ̃?
23443	MAT 8:29	Kapí nɛ Yeesu rinsánɛ, api pɛɛ́ n cáái rɛ: Uléécaa Kɛpipi, tɔ́ nɛ mpɔ̃́ nɛ ń-ye? Pɔ ka rɛ pɔkɛ́ íwɛ rɔ́ wa Uléécaa ituŋɛ iyɛ-i kuú nɛ rɔ́ n túhaanɛnɛ ikɛ́ kɛlenɛ tuu?
23445	MAT 8:31	Aníri aa Yeesu suúlusɛ rɛ: Pɔn n la pɔkɛ́ pisoi mpí-i rɔ́ lákasɛ, a tíyɛ tɔkɛ́ ha áfɔŋ nnyɛ́ nyɛɛ nté-pɔ nní kulúi ń we kɛ́mɛɛ lompɔ.
23446	MAT 8:32	Yeesu uu a maa rɛ: Ani n tɔ́su! Aa pɛɛ pisoi pitɛ́ pɛ-i yisi aá ha áfɔŋ nyɛ-i loni. Mɛsɛ nɛ mɛsɛ, áfɔŋ nyɛ̃ aa wuru aá nɛ rikúú cɛ́pi aá ha nɛ kupiyɛ-i kpúupɔ aa kpíni.
23450	MAT 9:2	Api pɛɛ kɛ́kankáláká kɛnyinɛ risáŋáápɔrɛ́ wai apí nɛ u lɛɛpɔ. Kuu pinfatɛnɛ n yɛ̃́, uu kɛ́kankáláká kɛ̃ maa rɛ: A n kahari unɛ́pipi, nɛ apɔ́kópɛ pɔ́ sárɛilɛ.
23451	MAT 9:3	Kei kɛ isé picélaa pinyinɛ api pɛɛ pimɛcɔpɛcirɛ tee rɛ: Utisi nkó yɛ Uléécaa riyu kopulɛ!
23452	MAT 9:4	Yeesu uu pikɛmúŋɛ́ céru uu rɛ: Yo nnya kani lɛ̃ nɔ́sinɛ́fa-i simúŋɛ́ kópɛ wai?
23453	MAT 9:5	Anɔ́ɔ nnyɛ́ kɛtɛ́ kɛcɔpɛ, ríye tɛɛ fákú nɛ ricɔ: Kɛ usoi uu yɛ́ kɛ́kankáláká ḿ maa rɛ: Nɛ apɔ́kópɛ pɔ́ sárɛi nɛ́ɛ kuu yɛ́ kɛ ḿ maa rɛ: A yisi a sɔ́nɛ?
23454	MAT 9:6	Nɛ la nɔkɛ́ céri rɛ nɛ̃́, Usoi Kɛpipi yɛ kɛtẽ kɛcáá ńnaŋɛ málɛ kɛ́ nɛ pisoi akópɛ pi sárɛi. Kei kuu pɛɛ kɛ́kankáláká kɛ̃ maa rɛ: A yisi a nyɛrɛ, a ripɔ́sáŋáápɔrɛ́ pílɛsi aá kulu.
23457	MAT 9:9	Yeesu uu kɛ́yu-mɛ̃ n tɔ́su uu utisi unyinɛ kapi yɛ n sée rɛ Matiyee yɛnu un pilampooyɔɔ́ kɛkɛi-i tṹ. Uu u maa rɛ: A yisi a nɛ́ ritiki. Matiyee uu yisi uu u tiki.
23459	MAT 9:11	Kɛ Pifarisi api lɛ̃ n yɛ̃́, api Yeesu pipirɛtiki maa rɛ: Yo nnya kɛ nɔ́unɛ́célaa nɛ pilampooyɔɔ́ nɛ pikópɛkɔɔ́ picɔ api kɛlõ kɛsɛ tũ pin le?
23460	MAT 9:12	Yeesu uu kóm pin lɛ̃ símisi uu rɛ: Ái pisoi pɛɛ isarɛ n láárú nnya kɛ upɔisɛ uú we, amá pitóikɔ́ nnya kuú we.
23461	MAT 9:13	Ani ha Uléécaa nsímɛ́ mmú kuu ḿ ma asei wɛ́ɛ́si ani kóm. U maa rɛ: Nɛ̃́, Uléécaa yɛ nɔ́ písɛi rɛ ani íwɛ n ténaanɛ, ám nɔ́ písɛi rɛ ani yɛ isɛɛ nɛ nɛ́ nyɔ́ɔnsɛ. Yeesu uu kɔ pimáa pi kpá rɛ: Ái pɛpɛɛ pimɛcirɛ n nyáni rɛ pi pisoi lɛ pɛɛ asei n tikilɛ̃ kam piséi ka, amá pikópɛkɔɔ́ nnya kaḿ ka.
23462	MAT 9:14	Kei kɛ Yohani Úniwolɛ pipirɛtiki api Yeesu kɛkúrí hápɔ api u pisɛ rɛ: Yo nnya kɛ tɔ́ nɛ Pifarisi ari anɔ́ɔ pahaankɛɛ mɛsɛ́rɛ, amá pɔ̃́ pipirɛtiki ápi yɛ pɛɛ paasi?
23463	MAT 9:15	Yeesu uu pɛɛ pi pɛsɛ rɛ: Nɔ músu rɛ usoi yɛ́ pisɔ́ɔnnɛ anyã́ n wai uu upisanɛ séi api pɛɛ́ hapɔ apí nɛ mpɔ́ɔcaai n tũ? Aai, mmɛ̃ ńn we. Li yɛ́ kam api kumúŋɛ́ kunyinɛ-i unɔ́sikɔ́ uyɛ̃ pikɛcɔpɛ lesɛ apí nɛ tɔ́mpɔ. Pɛɛ́ uyɛ-i kapi yɛ́ pɛɛ anɔ́ɔ paasi.
23464	MAT 9:16	Yeesu uu kɔ pimáa pi kpá rɛ: Ápi yɛ kusáŋáá falɛ kɛpampi kpísi apí nɛ risípii kpurɛ taŋɛnɛ. Insá lɛ̃, kusáŋáá falɛ kɛpampi yɛ́ kusáŋáá kpurɛ nkú m pasalɛ̃ aí cɛɛ́ri, kupólɛ aku pɛɛ kufoí feriyɛ.
23465	MAT 9:17	Uu kɔ kpá rɛ: Úka úu yɛ píta pelẽ akónɛnuŋ́ kpurɛ-i súũ. Insá lɛ̃, píta yɛ́ kam api pelu, anúŋ́ aa kpáfú api kɛteni-i lúlu, anúŋ́ pɔ́ɔ kɔ mɛ́woo wai. Amá akónɛnuŋ́ falɛ kɛ́mɛɛ kapi yɛ píta falɛ súũ, ai lɛ̃ n we apí ha nɛ pelu.
23466	MAT 9:18	Yeesu un lɛ̃ we un nɛ Yohani Úniwolɛ pipirɛtiki símisi, Pisuifi uyukɔɔ́ unyinɛ uú hapɔ uu ukɛyu-i wúla uu rɛ: Unɛ́kpére yɛɛ nfáani nní kpupɔ ái kahanɛ n náŋai. Amá a kam a ha anípɛ ukɛcáá rilaa. U yɛ́ nfáa wa.
23469	MAT 9:21	Ái mɛ́woo kuu lɛ̃ tica. U ukɛfa-i maa rɛ: Nɛn pɛɛ́ ŋmaa uilũ kerí n fe aḿ ca, nɛ yɛɛ pɛɛ́ peí.
23470	MAT 9:22	Yeesu uu pɛɛ kɛpirɛ-mɛ̃ pansɛpɔ uu u yɛnu uu u maa rɛ: A n kahari unɛ́kpére, mpɔ́fatɛnɛ yɛ pɔ́ péisɛlɛ. Unɔ́si uyɛ̃ uu kei nní pélu.
23472	MAT 9:24	Uu pi maa rɛ: Ani nté léepɔ. Kɛkpérepi nkɛ́ ákɛ kpu, kɛ lɔnilɛ. Kuu lɛ̃ ḿ ma, api u sɛ́nnyi.
23475	MAT 9:27	Kɛ Yeesu uu kei n yisi un tɔ́su, pinyíyɛ pitɛ́ pinyinɛ api u n tikilɛ̃ pin cáái rɛ: A irɔ́wɛ yɛ̃, Tafiti Kɛpipi.
23476	MAT 9:28	Kuu kɛ́yɔ n tu, pinyíyɛ pɛ̃ api ukɛkúrí hapɔ. Kei kuu pɛɛ pi pisɛ rɛ: Nɔ nɛ kɛfa tɛnɛ rɛ nɛ́ fe am lɛ̃ kani ń la waii? Api u pɛsɛ rɛ: Ɛɛɛ Upíima, pɔ́ fe.
23477	MAT 9:29	Kei kɛ Yeesu uu pɛɛ piinipɛɛ rica uu rɛ: Uléécaa ukɛ́ lɛ̃ kaní nɛ nní kɛfa n tɛnɛ nɔ́ wa.
23478	MAT 9:30	Kuu lɛ̃ ḿ ma, piinipɛɛ ii wúkulɛ apí n nyáni. Uu pɛɛ pi kúrúrúsɛ rɛ: Ani nɔ́mɛnɛ́círɛ tĩ ńsɔnɛ, áni kapɛ tíyɛ unyinɛ ukɛ́ lɛ̃ kõ.
23481	MAT 9:33	Kɛ Yeesu uu yɛ́ kuníri kpɛ̃ n lákasɛpɔ, utisi uyɛ̃ uu nsímɛ́ kápáá. Ai riwúí tɛ-i ḿpá úye nnɔ́ɔ yipu, api pɛɛ rɛ: Ári píkai Isirayɛɛli kɛteni-i mɛwai mmɛ́ mɛcɔ yɛnaalɛ̃!