23240	MAT 2:2	Apí ha pisɛ rɛ: Yei yɛ kɛwã́ kɛ̃ kapi m mári pin tee rɛ kɛkɛɛ sɔ́nti kɛkɛ́ Pisuifi iyɔɔpi tonɛ? Hái kɛtuŋɛleemɛ-pɔ kari riwárɛpi tɛɛ n nyísɛlɛ̃ tɛ pi kɛwã́ kɛ̃ mari yɛ̃. Lɛ̃ nnya karí ka rɛ tɔkɛ́ kɛ yáási ari wúla.
23268	MAT 3:7	Yohani uu yɛ́nu rɛ Pifarisi nɛ Pisatusee pɛɛ ukɛmɛɛ n sɔ́naapɔ rɛ ukɛ́ míni pi wolɛ ápi kusa kulúi we. Uu pɛɛ pi maa rɛ: Nɔ́ akpurii nnyɛ́! Wóo nɔ́ céesi rɛ ani Uléécaa kuwɔi kpɛɛ n nyahaimɛ kaasɛ?
23316	MAT 5:13	Nɔ́ɔ kɛtẽ kɛcáá nnyási. Nnyási mɛlõ mɛn nkpéni n kpu, yo kapi yɛ́ pɛɛ́ nɛ mɛlõ n pɛsɛ? Li tisɛ pikɛ́ kɛtahai-mɛ̃ n fómpɔ pisoi pikɛ́ tɛ́lɛisɛ.
23349	MAT 5:46	Asei kɛcáá, in tɛ pɛpɛɛ nɔ́ ń la ŋmanɛ kaní la, ihɛ́ɛ́ íye kani pɛɛ mɛ̃́ tɛ Uléécaa ukɛ́ nɔ́ pa? Pilampooyɔɔ́ ŋmaa ricuruu pɔ̃́ nɛ yɛ kɔ limɛcɔ walɛ.
23350	MAT 5:47	In tɛ nɔ́pinɛ́márɛcɔ ŋmanɛ kaní yɛ yáasi, yo kani pɛɛ wa lisáŋa? Pɛpɛɛ ápi Uléécaa m pakarɛlɛ̃ ticuruu yɛɛ kɔ limɛcɔ walɛ.
23376	MAT 6:25	Yeesu uu kɔ pimáa pi kpá rɛ: Lɛ̃ nnya kam nɔ́ maa rɛ áni kapɛ lɛ̃ kani yɛ́ n li nɛ lɛ̃ kani yɛ́ ń ntí nɔkɛ́ nɛ nfáa m má nɛ ilũ kani yɛ́ nɔ́inɛ́piŋɛ n yárii nfasimɛ́ wa. Nfáa nn ilukɛ fee, nɛ́ɛ ipiŋɛ yɛɛ ilũ fe?
23377	MAT 6:26	Ani sinúipi ripaí nkɛ̃́. Ási yɛ lukɛsi, ási yɛ kpasi, ási yɛ líka risímɛ súũ. Amá Nɔ́unɛ́sáa yɛɛ kɛyómɛcaa-pɔ ń we yɛ si kpíniilɛ! Yarɛ nɔ̃́ ŋmaa áni pɛɛ ríyu má lin sinúipi sɛ̃ fee?
23378	MAT 6:27	Nɔ́ úye yɛɛ yɛ́ fe uu nfasimɛ́ wai uú ha nɛ unfaa aŋmɛ̃ ḿpá nkáripi kpásɛ?
23379	MAT 6:28	Yo nnya kani pɛɛ nkpáni ilũ kani yɛ́ nɔ́inɛ́piŋɛ n yárii nfasimɛ́ wai? Ani mɛyúi mɛɛ yɛ sicarɛ-i n fɛlɛsi ripaí nkɛ̃́! Ámɛ pikɛi píka wai, ámɛ kɔ ilũ íka nyɛlaankɛɛ.
23381	MAT 6:30	Nɔ́ pisoi mpí nfatɛnɛ ńn piyɛ. In tɛ Uléécaa yɛ mɛyúi mɛɛ nɛni kɛcarɛ-i ń we pin kɔ kóso nna mɛ ŋmaasinɛ lɛ̃ sɔnukusɛ, nɔ̃́ kɛcáá kúu yɛ́ pɛɛ mɛníŋɛ ripaíí?
23388	MAT 7:3	Yo nnya kaa kɛyúipi kɛɛ upɔ́cɔ mɛnipɛɛ-i ń we nyáni, áa pɛɛ kɛnawɛlɛ́pi kɛɛ mɛpɔ́kɔ́-i ń we nyáni?
23389	MAT 7:4	Íye kaa yɛ́ fe aa ucɔ maa rɛ: A nyɛrɛ kɛ́ kɛyúipi mɛpɔ́nípɛɛ-i lesɛ, kɛnawɛlɛ́pi kɛn kɔ pɛɛ́ nɛ mɛpɔ́kɔ́ kɛ́mɛɛ́ we?
23394	MAT 7:9	Nɔ́ úye kɛpipi kɛɛ yɛ́ ilukɛ u we, uu pɛɛ riparɛ kpísi uu kɛ hɛ?
23395	MAT 7:10	Nɛ́ɛ nɔ́ úye kɛpipi kɛɛ yɛ́ nkpíntomɛ́ u we, uu pɛɛ iwáa kpísi uu kɛ hɛ?
23396	MAT 7:11	Ḿpá nɔ́ pikpááree mpí nní, nɔ yɛ felɛ ani nɔ́sinɛ́pipi lisɔnɛ hɛ. Nɔ́unɛ́sáa yɛɛ kɛyómɛcaa-pɔ ń we yɛɛ yɛ́ pɛɛ mɛníŋɛ pɛpɛɛ lisɔnɛ u m pisɛ pihɛɛ riyáá?
23407	MAT 7:22	Mɛyã́ nɛ́ ha kɛyáa kɛ̃ kɛ Uléécaa uu pisoi n túhaanɛnɛ nɛ́ maa rɛ: Upíima, Upíima, ái tɔ́ɔ ripɔ́nyíri nɛ Uléécaa nsímɛ́ pisoi símisi ari aníri lakasɛntɛ ari kɔ tipɔ́nyíri nɛ mɛwaisaŋa kulúi wapisii?
23440	MAT 8:26	Yeesu uu pɛɛ pi maa rɛ: Yo nnya kani iwamɛ wai? Nɔ́ pisoi mpí, nɔ́nnɛ́fatɛnɛ ńn piyɛ. Kei kuu pɛɛ yisi uú nɛ kuyɔ nɛ míni cɛ́si, ai pɛɛ sɛ́ɛ́ lɛ́kɛ́-lɛ́kɛ́ keu.
23441	MAT 8:27	Ai ḿpá úye nnɔ́ɔ yipu api pɛɛ pimɛcɔpɛcirɛ n tee rɛ: Usoi úye kɛcirɛ yɛ nkó kaí nɛ kuyɔ nɛ míni ripɛ́nɛ lin u pakarɛlɛ̃?
23443	MAT 8:29	Kapí nɛ Yeesu rinsánɛ, api pɛɛ́ n cáái rɛ: Uléécaa Kɛpipi, tɔ́ nɛ mpɔ̃́ nɛ ń-ye? Pɔ ka rɛ pɔkɛ́ íwɛ rɔ́ wa Uléécaa ituŋɛ iyɛ-i kuú nɛ rɔ́ n túhaanɛnɛ ikɛ́ kɛlenɛ tuu?
23452	MAT 9:4	Yeesu uu pikɛmúŋɛ́ céru uu rɛ: Yo nnya kani lɛ̃ nɔ́sinɛ́fa-i simúŋɛ́ kópɛ wai?
23453	MAT 9:5	Anɔ́ɔ nnyɛ́ kɛtɛ́ kɛcɔpɛ, ríye tɛɛ fákú nɛ ricɔ: Kɛ usoi uu yɛ́ kɛ́kankáláká ḿ maa rɛ: Nɛ apɔ́kópɛ pɔ́ sárɛi nɛ́ɛ kuu yɛ́ kɛ ḿ maa rɛ: A yisi a sɔ́nɛ?
23459	MAT 9:11	Kɛ Pifarisi api lɛ̃ n yɛ̃́, api Yeesu pipirɛtiki maa rɛ: Yo nnya kɛ nɔ́unɛ́célaa nɛ pilampooyɔɔ́ nɛ pikópɛkɔɔ́ picɔ api kɛlõ kɛsɛ tũ pin le?
23462	MAT 9:14	Kei kɛ Yohani Úniwolɛ pipirɛtiki api Yeesu kɛkúrí hápɔ api u pisɛ rɛ: Yo nnya kɛ tɔ́ nɛ Pifarisi ari anɔ́ɔ pahaankɛɛ mɛsɛ́rɛ, amá pɔ̃́ pipirɛtiki ápi yɛ pɛɛ paasi?
23463	MAT 9:15	Yeesu uu pɛɛ pi pɛsɛ rɛ: Nɔ músu rɛ usoi yɛ́ pisɔ́ɔnnɛ anyã́ n wai uu upisanɛ séi api pɛɛ́ hapɔ apí nɛ mpɔ́ɔcaai n tũ? Aai, mmɛ̃ ńn we. Li yɛ́ kam api kumúŋɛ́ kunyinɛ-i unɔ́sikɔ́ uyɛ̃ pikɛcɔpɛ lesɛ apí nɛ tɔ́mpɔ. Pɛɛ́ uyɛ-i kapi yɛ́ pɛɛ anɔ́ɔ paasi.
23476	MAT 9:28	Kuu kɛ́yɔ n tu, pinyíyɛ pɛ̃ api ukɛkúrí hapɔ. Kei kuu pɛɛ pi pisɛ rɛ: Nɔ nɛ kɛfa tɛnɛ rɛ nɛ́ fe am lɛ̃ kani ń la waii? Api u pɛsɛ rɛ: Ɛɛɛ Upíima, pɔ́ fe.
23511	MAT 10:25	Li nyam tɛ upeikɛɛ ukɛ́ ucélaa kɛtulɛ tu. Li nyam tɛ ukɛikɔ́ ukɛ́ ukɛisaa kɛtulɛ tu. Nɛ́ɛ nɔ́unɛ́yɔsaa, nɛ̃́ kápi piséi tíyɛ rɛ Pɛlisepulɛ, wóo pɛɛ nɔ̃́ pinɛ́yɔkɔ́?
23515	MAT 10:29	Ńté pi yɛ sinúipi yukɛ-yukɛ sitɛ́ yáa aí nɛ kɛ́tanká kumúŋɛ́ sá, nɛ́ɛ yo? Ḿpá nɛ lɛ̃, kɛ́ka ákɛ yɛ mɛ́woo kpu kái Nɔ́unɛ́sáa Uléécaa mɛla.
23531	MAT 11:3	tɛ pikɛ́ ha u pisɛ rɛ uyɛɛ usoi uyɛ̃ kapi mɛkɛɛ-mɛ n tee rɛ u sɔ́nti nɛ́ɛ unyinɛ ucɔ yɛ kɛpirɛ wemɛlɛ?
23535	MAT 11:7	Kɛ Yeesu uu lɛ̃ pisímɛ́ pi ḿ masí api tɔ́mpɔ, uu pɛɛ Yohani kɛcáá nsímɛ́ pisoi pɛɛ n cápinɛlɛ̃ n símisi, uu rɛ: Yo kani kucɛsi kóima-i piyɛ́nɛ ha? Kɛkpápi kɛ kuyɔ aku n fíkiisɛɛ?
23536	MAT 11:8	Usoi yɛɛ mɛlapɛ kɛcirɛ n lapaalɛ̃ yɛɛ kei we, nɛ́ɛ yo? Amá piyɔ́ɔpi akpáŋá-i kɛ pɛpɛɛ mɛlapɛ kɛcirɛ m má apí we.
23537	MAT 11:9	Yarɛ yo kɛcirɛ ŋmaa kani mpíí piyɛ́nɛ ha? Antepu unyinɛ nɛ́ɛ yo? Amá asei kɛcáá uyɛ̃ kani nní ń yɛ̃́ nɛ antepu felɛ.
23544	MAT 11:16	Uu kɔ pimáa pi kpá rɛ: Yo kam yɛ́ fe kɛ́ nɛ nfáani pisoi múŋɛisɛnɛ? Pi nkpáni yarɛ siwã́ sɛɛ kɛ́yaála-i n tṹ si nɛ sisicɔ sin nɛ ipupɛi séleinɛ, asi yɛ rɛ:
23551	MAT 11:23	Ńté nɔ̃́ Kapɛrinawum pikɔ́, nɔ músu rɛ kɛléécaa-mɛ̃ kaní taálɛ̃? Ái nkpáni lɛ̃. Amá kukúlãyu-i kɛ Uléécaa uu kɛtẽ-mɛ̃ nɔ́ láupɔlɛ. Ái líka nnya, pin pɛɛ mɛwaisaŋa mmɛ́ kapi nní nɔ́kɛnɛ́mɛɛ n wapisi mɛcɔ Sotɔm kɛ́mɛɛ n wapisi, li yɛ́ pɛɛ nní ń we kuyu kpɛ̃ kun nɛ we.
23561	MAT 12:3	Kei kɛ Yeesu uu pɛɛ pi pɛsɛ rɛ: Lɛ̃ nnya, áni lɛ̃ kɛ Tafiti uu kumúŋɛ́ kpɛ-i kɛ nkṹ nn u nɛ upikɔ́ n wa kɛɛnlɛ̃, nɛ́ɛ yo?
23563	MAT 12:5	Nɛ́ɛ áni isé atɛlɛ́ kɛ́mɛɛ kɛ́ɛ̃ tɛ pɛpɛɛ yɛ Uléécaa inyɔ́ɔnsɛ n wa yɛ Uléécaa kɛyɔ-i pikɛi wailɛ aí nɛ kɛwéntɛyaa pɛ́nɛ? Lɛ̃ nnya akópɛ kapi lɛ̃ waa?
23568	MAT 12:10	Utisi unyinɛ yɛ pɛɛ kei welɛ un kunípɛ kópɛ má. Pɛpɛɛ kei ń we api pɛɛ kɛwááná n wɛ́ɛ́si pikɛ́ nɛ Yeesu tĩ. Api Yeesu pisɛ rɛ: Ncée yɛ we rɛ pikɛ́ kɛwéntɛyaa kɛtúŋɛ́ usoi pɔisɛɛ?
23569	MAT 12:11	Uu pi pɛsɛ rɛ: Nɔ́ úye un nkpéni isáŋ isɛ m má ii kɛwéntɛyaa kɛtúŋɛ́ kuhórɛ címɛ́-cimɛ́ kunyinɛ-i lóipɔ, úu yɛ́ ha kei i lesɛɛ?
23581	MAT 12:23	Ai pisoi pɛɛ n cápinɛlɛ̃ nnɔ́ɔ yipu, pinnɛ́í api yɛ pɛɛ rɛ: Nɛ́ntɛ utisi nkó yɛ Tafiti Kɛpipi lɛ?
23584	MAT 12:26	Setani un nkpéni aníri n lakasɛntɛ, umɛcirɛ kuu lɛ̃ nɛ tɔpu, íye kɛ ukuyɔɔpiyu aku yɛ́ pɛɛ fe akú nɛ n we?
23585	MAT 12:27	In tɛ Pɛlisepulɛ yɛɛ ńnaŋɛ nɛ́ hɛ kaḿ nɛ aníri lakasɛntɛ, wóo pɛɛ nɔ́pinɛ́kɔ́ pɔ̃́ ńnaŋɛ hɛ kapí nɛ a lakasɛntɛ? Ani n nyu rɛ nɔ́pinɛ́kɔ́ cirɛ pɛɛ nɔ́ nyísɛnɛ rɛ áni alari má.
23592	MAT 12:34	Nɔ́ akpurii nnyɛ́! Íye kɛ nɔ́ pisoi kpááree mpí ani yɛ́ fe ani nsímɛ́ sɔnɛ malɛ? Li we rɛ nsímɛ́ mɛɛ usoi kɛfa-i ń we mɛɛ yɛ nnɔ́ɔ-i léemɛ.
23606	MAT 12:48	Yeesu uu liute uyɛ̃ pɛsɛ rɛ: Wóo unɛ́ni, píye pɛɛ pinɛ́wã́?
23618	MAT 13:10	Kei kɛ upipirɛtiki api pɛɛ́ nɛ u rikɔ api u pisɛ rɛ: Yo nnya kaa sinyárũ kpísi pɔn nɛ pisoi símisi?
23635	MAT 13:27	Pikɛikɔ́ apí weri api ucarɛte uyɛ̃ maa rɛ: Ái ilukɛpuri kaa kɛpɔ́carɛ-i lukɛsii, Upíima? Kai pɛɛ íye wa kɛ mɛyúipuri kópɛ amɛ́ nɛ n lɛ?
23636	MAT 13:28	Uu pi pɛsɛ rɛ: Unɛ́láarɔ unyinɛ yɛɛ lɛ̃ wa. Pikɛikɔ́ api rɛ: Pɔ la tɔkɛ́ ha mɛ wɛhɛɛ?
23659	MAT 13:51	Yeesu uu upipirɛtiki pisɛ rɛ: Nɔ pɛɛ lɛ̃ nnɛ́í kam nní n símisi asei konlɛ nníí? Api rɛ: Ɛɛɛ, tɔ konlɛ.
23662	MAT 13:54	uu kuyu kpɛ-i kuu iwã́ n li kɛ́mɛɛ sĩ́ uú ha kei Pisuifi kuyomɛyáhaalee-i n céési. Ai pɛpɛɛ kei ń we nnɛ́í nnɔ́ɔ yipu, api yɛ pɛɛ rɛ: Yei kɛcirɛ kɛ nkó uu mpíí mɛwɛ́ɛ́sɛsɔhɔ mmɛ́ tu? Íye kuu yɛ nɛ mɛwaisaŋa mmɛ́ wapisi?
23663	MAT 13:55	Nɛ́ntɛ uyɛɛ usɛ́rɛ́ uyɛ̃ uŋmánɛ? Ái úni yɛɛ Maari? Ái upiwã pɛɛ nní Yakupu nɛ Yosɛfi nɛ Simɔɔ nɛ Yuutii?
23664	MAT 13:56	Ái tɔ́ nɛ upiyɛi nnɛ́í tɔ́ɔ nté kɛsẽ́ wee? Yei kɛcirɛ kuu pɛɛ mpíí ńnaŋɛ mmú yɛ̃́?
23697	MAT 14:31	Yeesu uu mɛsɛ nɛ mɛsɛ kunípɛ saapɔ uu u tini uu u pisɛ rɛ: Mpɔ́fatɛnɛ ńn piyɛ. Yo nnya kaá tirí?
23704	MAT 15:2	Yo nnya kɛ pipɔ́pirɛtiki api yɛ inyɛ́kii kɛ pirɔ́kpurɛ api n yekei rilɔ́ɔ́? Lɛlɛɛ rɛ ápi yɛ nalɛ pikɛ́ kɛlenɛ li yarɛ kai mɛkɛɛ-mɛ n wemɛ?
23705	MAT 15:3	Yeesu uu pi pɛsɛ rɛ: Nɔ̃́ ni, yo nnya kɛ nɔ́ɔ Uléécaa isé rilɔ́ɔ́ ani nɔ́pinɛ́kpurɛ inyɛkii n tikilɛ̃?
23714	MAT 15:12	Kei kɛ upipirɛtiki api ukɛkúrí rinyɔsɔ́pɔ api u maa rɛ: Pɔ nyu rɛ lɛ̃ kaa nní n símisi yɛ Pifarisi mɛyã́ ticɔ́ŋ?
23716	MAT 15:14	Ani pi riyá kei. Pi nkpáni yarɛ pinyíyɛ pɛɛ pinyíyɛcɔ n tórikɛɛ? Unyíyɛ un unyíyɛcɔ n tɔrɔi, pi sɔ́ntilɛ pikɛ́ ha nɛ pikɛtɛ́ kúcoŋ́horɛ kunyinɛ-i lóipɔ.
23718	MAT 15:16	Yeesu uu u pɛsɛ rɛ: Aí nɛ nɔ̃́ pɛ́nɛ áni kahanɛ nkpáni líka n kõo?
23719	MAT 15:17	Áni kõ tɛ lɛ̃ nnɛ́í lɛɛ yɛ usoi nnɔɔ-i n lompɔ yɛ̀ɛ̀ kɛfa-i halɛ uu wai uu iyaa leepɔ uu li lesɛrii?
23735	MAT 15:33	Upipirɛtiki api pɛɛ u pisɛ rɛ: Yei kari yɛ́ kuyúi nkú-i ilukɛ mɛyã́ tu pisoi píima mpí pikɛ́ nɛ n lɛ?
23736	MAT 15:34	Yeesu uu pɛɛ pi pisɛ rɛ: Akpɔ́nɔ́ alɛ́ kani má? Api rɛ: Asɛɛi nɛ sikpíntomɛ́pi nkáripi.
23749	MAT 16:8	Yeesu uu lɛ̃ ceru uu pi pisɛ rɛ: Nɔ́ pisoi mpí nfatɛnɛ ńn piyɛ. Yo nnya kani lɛ̃ símaanɛ rɛ áni akpɔ́nɔ́ kpísi?
23750	MAT 16:9	Íye nnya káni kómɛi hái nɛ nkpéni-mɛ? Áni akpɔ́nɔ́ anupũ nyɛ̃ kapi pisoi ákotokú anupũ n hɔ́ɔnɛ nɛ anɛ́rɛ tɔrɔɔ nyɛɛ m pɔɔnɛ ani kɔ́ɔ́i léisɛɛ?
23751	MAT 16:10	Áni akpɔ́nɔ́ nyɛ̃ kapi pisoi ákotokú ana n hɔ́ɔnɛ nɛ anɛ́rɛ tɔrɔɔ nyɛɛ m pɔɔnɛ ani kɔ́ɔ́i pɔ̃́ kɔ léisɛɛ?
23752	MAT 16:11	Íye kai pɛɛ wa nɛ nkpéni-mɛ áni kahanɛ n kõ tɛ ái akpɔ́nɔ́ kam tee kaḿ pɛɛ́ nɛ maa rɛ: Ani nɔ́mɛnɛ́círɛ tĩ nɛ Pifarisi nɛ Pisatusee nkpɔ́nɔ́tɔ pitɛ?
23754	MAT 16:13	Kɛ Yeesu uu Filipu kɛtẽ-mɛ̃ Sesaree kuyu-i n lompɔ, uu upipirɛtiki pisɛ rɛ: Pisoi yɛ rɛ nɛ̃́, Usoi Kɛpipi nɛ́ɛ úye?
23756	MAT 16:15	Kei kuu pɛɛ pi pisɛ rɛ: Nɔ̃́ ní, nɔ̃́ nɛ mpíí rɛ nɛ́ɛ úye?
23767	MAT 16:26	Usoi un nkpéni kɛtẽ nté likɔ́ nnɛ́í n yɛ̃ uu pɛɛ nfáa paa, kuláa kúye kuu pɛɛ yɛ̃́? Nɛ́ɛ yo kɛcirɛ kɛ usoi uu yɛ́ fe uu hɛ́ɛ́lɛ uú nɛ unfaa yɛnu?
23779	MAT 17:10	Upipirɛtiki api pɛɛ u pisɛ rɛ: Yo nnya kɛ isé picélaa api rɛ Elii yɛɛ mɛfoí sɔ́nti likɛ́ kɛlenɛ kɛtẽ kɛtɔ tu?
23786	MAT 17:17	Yeesu uu pɛɛ rɛ: Nɔ́ nfatɛnɛcirɛ́ nɛ pikpááree mpuri mmú! Ituŋɛ ilɛ́ kam nɔ́kɛnɛ́mɛɛ pitónɛ kpánɛ? Ituŋɛ ilɛ́ kam yɛ́ lɛ̃ nɛ nɔ́ n kahari? Ani nɛ kɛwã́ kɛ̃ nté nɛ́ kam.
23788	MAT 17:19	Kei kɛ upipirɛtiki api pɛɛ ukɛkúrí hápɔ api iyaa u pisɛ rɛ: Yo nnya kári fe tɔkɛ́ kɛŋmánɛpi kɛ̃ aníri pɛsɛ?
23793	MAT 17:24	Kɛ Yeesu nɛ upipirɛtiki api Kapɛrinawum n tuipɔ, pɛpɛɛ Uléécaa kɛyɔ kɛ́mɛɛ lampoo n yɔ́su api Piyɛɛ kɛkúrí sĩ́ apí ha u pisɛ rɛ: Nɔ́unɛ́wɛ́ɛ́sɛ úu yɛ Uléécaa kɛyɔ ulampoo hɛ́ɛlɛ nɛ́ɛ?
23794	MAT 17:25	Piyɛɛ uu pi pɛsɛ rɛ: U yɛ hɛ́ɛlɛlɛ. Kuu kɛ́yɔ-i m pɛɛpɔ, Yeesu uu u pisɛ rɛ: Íye kaa músu Simɔɔ? Piyupipi nɛ́ɛ pisánɛ kai pisɛ rɛ pikɛ́ kɛtẽ nté piyɔɔpi lampoo nɛ ítɔhɔ m pasii?
23797	MAT 18:1	Likumúŋɛ́ kpɛ-i, Yeesu pipirɛtiki api ukɛkúrí hapɔ api u pisɛ rɛ: Wóo *Uléécaa iyɔɔpi kɛ́mɛɛ uwɛ́ɛ́sɛ?
23808	MAT 18:12	Íye kani yɛ̃́? Usoi un isáŋ pílɛ m má, ikɛmɛɛ isɛ in m pɔ, úu yɛ isɛ íi we pílɛ nnyí riyɔ́pɛ kɛcáá tíyɛ uú ha isɛ nnyí yɛɛ nní m pɔ wɛ́ɛ́sii?
23817	MAT 18:21	Kei kɛ Piyɛɛ uu Yeesu kɛyúrí rinyɔsɔ́pɔ uu rɛ: Upíima! Unɛ́cɔ un nɛ nɛ́ m púnnɛntɛ, mɛlɛ́ kam yɛ́ fe am u sárɛi? Mɛsɛɛi kɛsẽ, nɛ́ɛ íye? Yeesu uu u pɛsɛ rɛ:
23829	MAT 18:33	Páa yɛ pɛɛ upɔ́kɛicɔ nkó íwɛ tẽ́ yarɛ kɛ nɛ́ɛ íwɛ pɔ́ n tẽ́ mɛcɔɔ?
23834	MAT 19:3	Pifarisi pinyinɛ apí nɛ u kɔ rɛ pikɛ́ ripinɛ u wa nnya. Api u pisɛ rɛ: Ncée yɛ we rɛ utisi yɛ́ fe uu ḿpá yo mpuri nnya unɔ́si yuluu?
23835	MAT 19:4	Yeesu uu pi pɛsɛ rɛ: Áni Uléécaa Nsímɛ́ ritɛlɛ́ kɛ́mɛɛ nsímɛ́ mmú kapi n wɔ́i kɛɛnlɛí? Pi wɔi rɛ: Kɛ́koraanɛ, utisi nɛ unɔ́si kɛ Uléécaa uu wa
23847	MAT 19:16	Kɛyáa kɛ uŋmánɛ unyinɛ uú nɛ Yeesu rikɔ uu u pisɛ rɛ: Sáa, lisɔnɛ líye kai pisɛ rɛ kɛ́ wa kɛ́ nɛ nfáa tɛnɛcirɛ́ n yɛ̃́?
23848	MAT 19:17	Uu u pɛsɛ rɛ: Yo nnya kaa lisɔnɛ kɛcáá nkɔ́ nɛ́ písɛi? Usɛ kóló yɛɛ Usɔnɛ. Uyɛɛ Uléécaa. Pɔn n la pɔkɛ́ nfáa tɛnɛcirɛ́ yɛ̃́, isé kuu m pásii kaa yɛ́ n tikilɛ̃.
23849	MAT 19:18	Uu rɛ: Iyɛɛ íye? Yeesu uu rɛ: Iyɛɛ rɛ: Kapɛ usoi kpu, kapɛ iwásá wa, kapɛ nnɔ́ɔmɛ itansei nyɛrɛ, kapɛ yáai.
23851	MAT 19:20	Uŋmánɛ uyɛ̃ uu u pɛsɛ rɛ: Nɛ lɛ̃ nnɛ́í walɛ. Yo icɔ kai pisɛ rɛ kɛ́ wa?
23856	MAT 19:25	Kɛ upipirɛtiki pɛ̃ api lɛ̃ n kṍ, ai pi muuni síḿ api pɛɛ rɛ: In lɛ̃, wóo yɛ́ pɛɛ fe uu píyulalɛ yɛnu?
23858	MAT 19:27	Kei kɛ Piyɛɛ uu pɛɛ rinɔ́ɔ yɔsí uu rɛ: A ripaí kari lirɔ́kɔ́ nnɛ́í n tíyɛ tɔn pɔ́ tíkilɛ̃. Yo kari likɛmɛɛ yɛ́nunɛ?
23867	MAT 20:6	Kai nnyɔ́ɔ́ mɛnupũ ḿ pi, uu kɔ piléepɔ kpá uu pinyinɛ yɛnu pin kei nyɛnu, uu pi maa rɛ: Yo nnya kani nté mɛ́woo nyɛnu ituŋɛ nɛ imɛlólɛ́?
23874	MAT 20:13	Ukɛisaa uyɛ̃ uu piusɛ rinɔ́ɔ yɔ́su rɛ: Ám inípɛɛ pɔ́ li, unɛ́sánɛ! Ái rɔ kómɛinɛlɛ rɛ nnɛ́í mmɛ̃ kapi yɛ kɛyáa kɛsɛ ukɛikɔ́ n hɛ́ɛlɛ kaa yɛ́ yɔsíi?
23876	MAT 20:15	Yarɛ ám ncée má kɛ́ linɛ́kɔ́ nɛ mɛnɛ́la wa, nɛ́ɛ íye? Nɛ́ɛ pɔ inípɛɛ wɔŋnɛ rɛ nɛ kɛfa láárú nnya?
23882	MAT 20:21	Yeesu uu pɛɛ u pisɛ rɛ: Yo kaá la kɛ́ pɔ́ wa? Uu rinɔ́ɔ u yɔ́su rɛ: Nɛ la rɛ a ŋmurɛi rɛ pɔ́ tíyɛsɛ pinɛ́ŋmánɛ mpí kɛtɛ́ apí masí ipɔ́yɔ́ɔpi kɛ́mɛɛ tonɛ, ucɔ kupɔ́lukɛ-lukɛ, ucɔ kupɔ́míi-mɛ̃.
23883	MAT 20:22	Yeesu uu pɛɛ pi pɛsɛ rɛ: Áni nyu lɛ̃ kani kei nní n welu. Nɔ́ fe ani ntóósi kɛporipi kam n nírunɛ níruu? Api rɛ: Ɛɛɛ, tɔ́ fe.
23893	MAT 20:32	Yeesu uu pɛɛ nyɛrɛ, uu pi séi uu pi pisɛ rɛ: Yo kaní la kɛ́ nɔ́ wa?
23905	MAT 21:10	Kɛ Yeesu uu Yerusalɛm kuyu-i n lompɔ, ai pisoi nnɛ́í lémesi api pɛɛ́ m písɛinɛ rɛ: Usoi úye kɛcirɛ yɛ nkó?
23911	MAT 21:16	Kei kapi pɛɛ u pisɛ rɛ: Pɔ kómɛi lɛ̃ kapi nní n cááii? Yeesu uu rɛ: Ɛɛɛ. Uu pɛɛ pi pisɛ rɛ: Lɛ̃ nnya, áni kahanɛ Uléécaa ritɛlɛ́ kɛ́mɛɛ nsímɛ́ mmú n kɛɛ̃ tɛ: Pɔ tíyɛsɛ aí nɛ siwã́ síńsápi nɛ siwã́ fɛnfɛ̃í pɛ́nɛ asi pɔ́ m pakarɛntɛɛ?
23915	MAT 21:20	Kɛ upipirɛtiki api lɛ̃ n yɛ̃́, ai nnɔ́ɔ pi yipu api pɛɛ rɛ: Íye kɛ kúfikiyee nkú aku nní mɛsɛ nɛ mɛsɛ kólaapɔ?
23918	MAT 21:23	Lɛ̃ mɛmáá, Yeesu uu pɛɛ Uléécaa kɛyɔ-i lompɔ un we un pisoi céési, pɛpɛɛ yɛ Uléécaa inyɔ́ɔnsɛ n wa piwɛ́ɛ́sɛ nɛ kuyu piwɛ́ɛ́sɛ apí hapɔ apí nɛ u kɔ api u pisɛ rɛ: Ńnaŋɛ ń-ye kaá nɛ nní wai? Úye yɛɛ ńnaŋɛ pɔ́ hɛ pɔkɛ́ nɛ nní n wai?
23920	MAT 21:25	Nɛ la kɛ́ nɔ́ pisɛ rɛ wóo Yohani tummɛ rɛ ukɛ́ pisoi míni wolɛ? Uléécaa nɛ́ɛ pisoi pɛɛ u tummɛ? Api pɛɛ símaanɛ rɛ: Tɔn nkpéni m maa rɛ Uléécaa yɛɛ u tummɛ, u yɛ́ rɔ́ pisɛ rɛ: Kai pɛɛ íye wa káni nɛ Yohani nsímɛ́ ŋmurɛi?
23923	MAT 21:28	Yeesu uu kɔ pipisɛ pi kpá rɛ: Ń-ye kani kɛnyárũ nkɛ́-i yɛ̃́? Pi rɛ utisi unyinɛ yɛɛ pɛɛ piŋmánɛ pitɛ́ má, uu kɛyáa uŋmánɛ wɛ́ɛ́sɛ maa rɛ: Unɛ́ŋmánɛ, a nɛni waasi a ha anɛ́léé nyɛ̃ kapi yɛ n sée rɛ fiinyi kɛcarɛ kɛ́mɛɛ kɛisi.
23926	MAT 21:31	Yeesu uu pɛɛ pi pisɛ rɛ: Nɔ músu rɛ wóo pikɛtɛ́ kɛcɔpɛ usáa mɛla wa? Api rɛ ufoí lo. Yeesu uu pɛɛ pi maa rɛ: Asei kam nní nɔ́ símisi rɛ pilampooyɔɔ́ nɛ piwásánkaí yɛ́ nɛ kɛkpéẽ nɔ́ wa api Uléécaa iyɔɔpi kɛ́mɛɛ lompɔ.
23935	MAT 21:40	Kɛ Yeesu uu pinyárũ ḿ masí, uu pi pisɛ rɛ: Ucarɛte uyɛ̃ un ha n ka, yo kuu yɛ́ pikɛikɔ́ pɛ̃ wa?
23937	MAT 21:42	Kei kɛ Yeesu uu pi pisɛ rɛ: Áni nsímɛ́ mmú píkai Uléécaa Nsímɛ́ ritɛlɛ́ kɛ́mɛɛ kɛ́ɛ́nlɛ̃ tɛ: Tiparɛ kɛ pimɔ́mɛ api n fóm tɛɛ pansɛ ricírɛ-cirɛ tɛɛ kɛnui-i ń wee? Upíima yɛɛ lɛ̃ wa. Mɛwaisaŋa kuu rɔ́ n yɛ́nɛisɛ yɛ mɛ̃!
23953	MAT 22:12	Uu u pisɛ rɛ: Unɛ́sánɛ, íye kaa wa aá nɛ nté lonti áa kɔ inyánlũ tanaalɛ̃? Ai utisi muuni uú n sɛ́ɛ́lɛ̃.
23958	MAT 22:17	Tɔ la rɛ a kɛpɔ́múŋɛ́ rɔ́ símisi tɔkɛ́ yɛ̃́ tɛ ncée yɛ we rɛ tɔkɛ́ yɛ Rɔm uyɔɔpi lampoo hɛ́ɛ́lɛ nɛ́ɛ ári kapɛ yɛ hɛ́ɛlɛ?
23959	MAT 22:18	Amá Yeesu pɔ̃́ nɛ pimɛsɔhɔ kópɛ kapi n wai pinyuwɛ máálɛnlɛ. Uu pɛɛ pi maa rɛ: Nɔ́ kɛcáá kɛcáá mɛwai pikɔ́ mpí, yo nnya kani nɛ́ peikɛɛ?