114	GEN 5:8	ipika꞉ 912 bapina꞉ta꞉ homeekeme.
124	GEN 5:18	Mo Dia꞉tedi ipika꞉ bapi 162 yeketa꞉ biki Onoko leeke weki mondu wiekeme.
126	GEN 5:20	mo 962 bapina꞉ta꞉ homeekeme.
132	GEN 5:26	Kutupa bapi 782 tukiki pa꞉ta꞉ta꞉ mandane wekiwandiki make mondu wiekeme.
134	GEN 5:28	Mo La꞉meke ipikita꞉ bapi 182 yeketa꞉ weki mondu wia hata꞉
141	GEN 6:3	Kutupa Tekehalima꞉ alota꞉ I̱ma꞉ mo wanda꞉halita꞉ pa na hao haena꞉ lolueke laata꞉ Pa ekipeke ikita꞉ homa꞉peke ya꞉la꞉ loke halemeke handa loa꞉me. Koto ekina꞉ ame do siki kini pea puata꞉ ma꞉nda꞉ 120 bapi haka꞉ta꞉pao na haena꞉ lolueke leekeme.
153	GEN 6:15	Kutupa hokulu pulu pa꞉la꞉ ekina꞉ tombota꞉ 133 mida wepiaata꞉ mo petipeke ya꞉la꞉ ekina꞉ tombota꞉ 22 mida wepia haliao halo pa꞉la꞉ ekina꞉ tombota꞉ 13 mida wepia꞉peke.
286	GEN 11:19	Kotoeki hoki naneta꞉ bapi 209 pa haota꞉ mandane wekiwandiki mondu wiekeme.
287	GEN 11:20	Mo Teu bapi 32 mieketa꞉ weki Setuku mondu wiekeme.
288	GEN 11:21	Kotoeki hoki naneta꞉ bapi 207 pa haota꞉ mandane wekiwandiki mondu wiekeme.
290	GEN 11:23	Kotoeki hoki naneta꞉ bapi 200 pa haota꞉ mandane wekiwandiki mondu wiekeme.
291	GEN 11:24	Mo Neihota꞉ bapi 29 mieketa꞉ weki Dita mondu wiekeme.
299	GEN 11:32	Kutupa koto pa꞉ta꞉ haena꞉ta꞉ Ditata꞉ 205 bapi mieketa꞉ homeekeme.
341	GEN 14:4	Ikita꞉ 12 bapina꞉ta꞉ hande kini Siedolaoma oto pa꞉ta꞉ haemekepate pa mo bapi 13 pa꞉ta꞉ta꞉ ipiki oto pa꞉ta꞉ na halumeke lemekeme.
418	GEN 17:20	I̱ma꞉ta꞉ mo nakana꞉ma꞉ Isima꞉elona꞉ honke leeki opua꞉me. Koto ekina꞉ I̱ma꞉ta꞉ ipiki epeaota꞉ wekiwandiki wopu halaa ipika꞉ monduma꞉ monduma꞉ pilia꞉ wekiwandikina꞉ wekiwandiki make wopu halueke. Ipikita꞉ 12 you haliweki tonuna꞉ ateke haota꞉ kutupa ipika꞉ monduma꞉ monduma꞉ pilia꞉ wekiwandikina꞉ wekiwandikita꞉ tutu tieke hawalueke.
456	GEN 18:31	Eipoloha꞉ma꞉ma꞉ alota꞉ Tekehalio. Pilisi I̱ma꞉ paala꞉ma꞉ na homeke neke pa꞉ta꞉ pi pa la꞉tia pulu ekina꞉ hone na wia꞉peke. Mo pa꞉ta꞉ pa 20 homeke handa꞉ wika꞉na꞉ta꞉ eki pilipipe leekeme. Ipikana꞉ma꞉ alota꞉ 20 handa꞉ ua꞉ka꞉na꞉ make na hoeyalueke leekeme.
573	GEN 23:1	Setata꞉ bapi 127 miekeme.
675	GEN 25:16	Ikita꞉ mo 12 tapakena꞉ apa꞉meie. Kutupa ika꞉ biki manuta꞉ mo ika꞉ hosiki da sunu make ika꞉ poluma꞉ poluma꞉ pimiki da pa꞉ta꞉manu make tapa꞉ wiama꞉ wiama꞉ pimikime.
912	GEN 31:38	I̱ma꞉ta꞉ 20 bapina꞉ neke yaapo haowa꞉me. Naka꞉ sipisipi manuma꞉ make nanikosi manuma꞉ make ikiki pa epeke ombu mendiolo haememe. Kutupa make I̱ma꞉ta꞉ naka꞉ sipisipi hali ekimanu homeke ma꞉nda꞉ ota꞉ na lu noa꞉me.
915	GEN 31:41	Koto hauta꞉ mo hande neke yaapo hatia pu haowa꞉ 20 bapi tukiki pa꞉ta꞉ pia꞉ekie. I̱ma꞉ta꞉ 14 bapita꞉ naka꞉ wandiki yaapo muluekema꞉ naka꞉ e pokaoka꞉na꞉ mo yunki mindiki hata꞉ bapina꞉ta꞉ naka꞉ ma꞉na꞉manu ma꞉nda꞉ muluekema꞉ handeteke haowa꞉me. Kutu piono kone nakana꞉ma꞉ta꞉ yaka yenkita꞉ hoto kiki yaapona꞉ topo pime.
942	GEN 32:14	Koto timbata꞉ koto pate peliolo hata꞉ta꞉ Dieikopema꞉ta꞉ hameke Iso pa halo pieke ma꞉na꞉manu dupa yata꞉po miekeme. Nanikosita꞉ 200 wanda꞉eki pita꞉ 20 halieki make sipisipita꞉ 200 wanda꞉eki pita꞉ 20 halieki make kemelota꞉ 30 ikiki andu haleekeeki pita꞉ ika꞉ ikiki tonu make 40 kaomanu make kiki yaapo kao halieki make donkita꞉ 20 wanda꞉ ekimanu pita꞉ kiki yaapo donki halieki make paeyao yata꞉po miekeme
1112	GEN 37:28	Kutupa mo Midianina꞉ ala꞉ta꞉ ala꞉ta꞉ tapao hala꞉ haliweki epemeketa꞉ mo hama̱la̱꞉ hama̱la̱꞉ma꞉ Diosepe oni naku pa꞉ta꞉ yola꞉ mea mo Isima꞉elo tapake pa꞉ta꞉ 20 silipa manima꞉ mea tapaemeke handaa mo haliwekima꞉ta꞉ hatuku Idiepi nane pemekeme.
1502	GEN 49:28	Koto mo hande Isulaina꞉ 12 tapakee. Kutupa koto pi manuta꞉ mo hande ateke Dieikopema꞉ ipika꞉ paeyaaso pi alo hata꞉ ipika꞉ weki homeke homeke paeyao pa꞉ta꞉ manda꞉ meaaso hata꞉ leeke pie.
23468	MAT 9:20	Ikana꞉ma꞉ koto pulu haena꞉ta꞉ wanda꞉ homeke Yesuna꞉ hoki nanema꞉ a꞉pa ipika꞉ dopieke dau nepoko wataeyekeme. Mo wanda꞉ta꞉ bapi 12 tukiki pa꞉ta꞉ hayeke andusa꞉ we wopu yopu lombei peao hayekeme.
23487	MAT 10:1	Yesuma꞉ ipika꞉ hoki nane telimiki 12 haliweki wi la꞉ mea momba꞉lao hata꞉ mo hoke temokomanu tolu lia꞉peke welemanu make hoke yeni tekemanu make wamo pea꞉peke welemanu make iki pa꞉ta꞉ ana꞉na꞉ haleekeme.
23488	MAT 10:2	Koto 12 Aposolo haliwekina꞉ biki manuta꞉ doe. Titina꞉ta꞉ Saimono biki ma꞉nda꞉ta꞉ Pida kutupata꞉ Pida ipika꞉ hameke A꞉ndutu make Sepedina꞉ eiyeke Dia꞉mesi Dioni hama̱la̱꞉ make
23491	MAT 10:5	Koto 12 haliweki tapaaluekema꞉ hata꞉ta꞉ Yesuma꞉ iki pa꞉ta꞉ dupiki pi leekeme. Mo Diendaili tapakena꞉ da yu pa꞉ta꞉manu o Sametia tapakena꞉ da teke pa꞉ta꞉manu make na pua꞉pa꞉peke leekeme.
23529	MAT 11:1	Yesuma꞉ ipika꞉ 12 disaipolo haliweki pa꞉ta꞉ koto mana꞉ pimanu la hala paeyeke hoki naneta꞉ koto kenke mina꞉pa꞉lao pa mo teke pa꞉ta꞉manu haemeke daonimanu pa꞉ta꞉ pua mo Koda꞉na꞉ mana꞉ pimanu walo moka꞉la꞉ tiao make mo Pi Seliapo walo hayekeme.
23686	MAT 14:20	Kutupa paeyaoma꞉ ana꞉na꞉ naaka꞉na꞉ alota꞉ weleke tala꞉me lemekeme. Mo wanda꞉hali pa꞉ta꞉ pa wieke putupilikimanu meaata꞉ ala꞉ta 12 tumbaemekeme.
23859	MAT 19:28	Yesuma꞉ hombo peaaso alota꞉ I̱ma꞉ ota꞉ pi alome. Mo paa kini pilia꞉ panake di kini pia꞉ka꞉na꞉ta꞉ kota꞉ mo wanda꞉halina꞉ Eiyekema꞉ ipika꞉ ota꞉ seliapo piki pa̱a̱ tiekema꞉ hopiliaasa꞉ you halina꞉ sea manda pitia꞉ka꞉na꞉ta꞉ kota꞉ koto toma꞉na꞉ta꞉ iki yaka 12 disaipolo haliweki make mo Isulaina꞉ 12 tapake handeteke haluekema꞉ ikana꞉ma꞉ mo iki handeteke hala꞉ sea manda pitilimikie.
23980	MAT 22:39	Kutaata꞉ mo namba 2 pi ula꞉eki make mandake tupa꞉ kone dupa ula꞉me. Neke pa꞉ta꞉ naka꞉ kone a꞉ta꞉ma꞉ homele tupa꞉ kota꞉ da wanda꞉hali pa꞉ta꞉ make a꞉ta꞉ma꞉ homo hapa꞉peke la꞉la꞉me.
24092	MAT 25:15	Ikana꞉ma꞉ peaapeke ane pieke tupa꞉ kone teli peaaso hata꞉ homeke hali pa꞉ta꞉ 5 daoseni kina꞉ halo. Hali ma꞉nda꞉ pa꞉ta꞉ta꞉ 2 daoseni kina꞉ halo. Kutupa hali ma꞉nda꞉ pa꞉ta꞉ta꞉ 1 daoseni kina꞉ halo piekeme. Kutaata꞉ ipikana꞉ma꞉ iki mina꞉pa꞉lao peekeme.
24094	MAT 25:17	Koto mandake tupa꞉ kone mo 2 daoseni mieke e pokaasa꞉ halima꞉ koto manima꞉ e pokaata꞉ 2 daoseni ma꞉nda꞉ apa꞉tao wiekeme.
24099	MAT 25:22	Koto somena꞉ hoki naneta꞉ mo hande 2 daoseni kina mieke halima꞉ a꞉pa koto 2 daosenima꞉ e poka meayeke 2 daoseni ma꞉nda꞉ halolo hata꞉ alota꞉ You halio. Nakana꞉ma꞉ I̱ pa꞉ta꞉ 2 daoseni kipateta꞉ pa I̱ma꞉ e pokaaso hata꞉ mealo 2 daoseni ma꞉nda꞉ doma꞉ mie leekeme.
24137	MAT 26:14	Isekatioti hali Diudasima꞉ mo hande 12 disaipolo hayeke halima꞉ kone mo yeni peao hayeke you haliweki pa꞉ta꞉ pua
24143	MAT 26:20	Nate pambolo peeke handaata꞉ Yesu make ipika꞉ hoki nane telimiki 12 haliweki make mo ne noluekema꞉ pua momba꞉la pitimikime.
24170	MAT 26:47	Yesuma꞉ koto pimanu alo haena꞉ kone mo hande 12 haliweki ame̱le̱ hayeke hali Diudasita꞉ ipiki pa꞉ta꞉ epeekeme. Mo yeni peao haemeke you haliweki pita꞉ tondiki haliweki yaapoma꞉ tapaemeke haliweki wopuma꞉ Diudasi ame̱le̱ kepete tieke make dolo tieke make mea miniki epemekeme.
24176	MAT 26:53	Ya Apa꞉ma꞉ tamba꞉ mina꞉ wi lolo polo ekita꞉ hone na witelepe. Koto hau a꞉nda꞉ pua꞉ka꞉na꞉ta꞉ kota꞉ ipikana꞉ma꞉ I̱ tamba꞉ muluekema꞉ ipika꞉ a꞉nda꞉ peaasa꞉ enisolo ami tapake 12 haka꞉ta꞉pao koto kone tapalo pa꞉la꞉me.
24371	MRK 3:14	Yesuma꞉ 12 haliweki ipiki ame̱le̱ hao haena꞉yeke haena꞉ laata꞉ ipikana꞉ma꞉ mo haliwekima꞉ pi walo pua꞉tiki pina꞉yeke ipika꞉ wele pita꞉la꞉eki halolo alota꞉ Hoke temokomanu tolu luemena꞉yeke kitolome leekeme. Yesuma꞉ mo haliweki tapa tapa puluekema꞉ haena꞉ hata꞉ leekeme.
24402	MRK 4:10	Ipika꞉ honu make haena꞉ wanda꞉hali pemeke naneta꞉ ipiki teke pa꞉ta꞉ haemeke wanda꞉halima꞉ hande 12 haliweki ame̱le̱ make Yesu pa꞉ta꞉ ipika꞉ onkoluma꞉ leeke ekina꞉ lota꞉ pimikime.
24446	MRK 5:13	Koto ekina꞉ Yesuma꞉ pitulu pena꞉ leekeme. Mo hoke temoko manuma꞉ mo hali mina꞉pa꞉lao ma꞉na꞉ titina꞉ weleke pa꞉ta꞉ pitulu pemekeme. Koto ma꞉na꞉ titita꞉ 2 daoseni tupa꞉ mo peiyene seseme̱le̱na꞉ a̱i̱ya hola꞉pa꞉niao ikali pa꞉ta꞉ puaata꞉ ikali naa honki lemekeme.
24458	MRK 5:25	Koto pa꞉ta꞉ wanda꞉ ma꞉nda꞉ hayekeme. Mo wanda꞉ta꞉ bapi 12 tukiki pa꞉ta꞉ hata꞉ we yopu hayekeme.
24475	MRK 5:42	Kuta kone mo wandiki tiao pota꞉ pomiekeme. Ipika꞉ bapita꞉ 12 paeyeke handaa loa꞉me. Koto piekeeki handaata꞉ wanda꞉halima꞉ penkilipa꞉tia pomua pomoma꞉ homemekeme.
24483	MRK 6:7	Kutupa Yesuma꞉ mo hande 12 haliweki ipiki pa꞉ta꞉ epena꞉yeke wi la꞉ mea yaapo la la pu tapa tapa piekeme. Ikana꞉ma꞉ mo hoke temokomanu tolu lina꞉yeke ipika꞉ wele pita꞉la꞉eki haleekeme.
24513	MRK 6:37	Koto lemekepate Yesuma꞉ iki pa꞉ta꞉ alota꞉ Ikana꞉ma꞉ nemanu mandaneeki mea hala꞉pa꞉peke leekeme. Ikana꞉ma꞉ ipiki pa꞉ta꞉ alota꞉ Nikana꞉ma꞉ 200 kina mea pua palaowa hambaata꞉ iki nena꞉yeke halomono alepe lemekeme.
24519	MRK 6:43	Mo wanda꞉hali pa꞉ta꞉ pa wieke palaowa ta꞉peli putu piliki pa wieke ekimanu meata꞉ nu 12 tumbaemekeme.
24588	MRK 8:19	Mo hande palaowa siki yunki hata꞉ 5 daoseni haliwekina꞉ pindi pindi peaowa꞉ pita꞉ma꞉ta꞉ putu pilikima꞉ta꞉ ala꞉ta tieke ekipu tumba mimipe leekeme. Ikana꞉ma꞉ ipiki pa꞉ta꞉ alota꞉ 12 lemekeme.
24642	MRK 9:35	Kutupa Yesuta꞉ pitiniao pita꞉ mo 12 haliweki wi laa iki pa꞉ta꞉ alota꞉ Hali epima꞉ titina꞉ I̱ halueke hone wia꞉ka꞉na꞉ta꞉ kota꞉ koto halita꞉ wetepena꞉ hali hano laata꞉ wanda꞉hali paeyaona꞉ e pokaasa꞉ hali hano lena꞉e leekeme.
24689	MRK 10:32	Yesu ipika꞉ disaipolo haliweki ame̱le̱ Diutuseleme da nane pula꞉ pota꞉na꞉ opa꞉liaaso haena꞉ Yesu amba꞉ titina꞉ peekema꞉ ipika꞉ disaipolo haliwekima꞉ penkilipa꞉tia pomimikime. Kutupa wetepena꞉ ipulu hata꞉ wanda꞉halima꞉ paala꞉ma꞉ homa꞉ paleke teli mea epemekeme. Yesuma꞉ hande 12 haliweki hosiki mopate leke pa hatuku pua ipiki minulu pimiki haliwekima꞉ ipiki pa꞉ta꞉ pulu pa꞉la꞉ ekimanu koto haliweki pa꞉ta꞉ kini pu mea la hale hale pitolo alota꞉
24784	MRK 12:42	Wetepena꞉ natehali kosa꞉piki wanda꞉ sikima꞉ a꞉paata꞉ manisiki yaapo 2 toeama꞉ handekeeki mea a꞉pa lopaeyekeme.
24833	MRK 14:10	Kutupa Isekatioti hali Diudasima꞉ mo hande 12 haliweki hayeke halima꞉ kone Yesu lina꞉yeke a꞉nda꞉ lombuluekema꞉ mo yeni peao haemeke you haliweki pa꞉ta꞉ peekeme.
24840	MRK 14:17	Timba꞉ alo haena꞉ Yesu mandane 12 haliweki ame̱le̱ koto pa꞉ta꞉ opolo pemekeme.
24843	MRK 14:20	Yesuma꞉ iki pa꞉ta꞉ alota꞉ Iki 12 haliweki tukiki pa꞉ta꞉ homeke halima꞉ pilieke. I̱ma꞉ta꞉ palaowa tenke laaso metekina꞉ kone ipikana꞉ma꞉ make palaowa tenke laasa꞉me leekeme.
24866	MRK 14:43	Koto pi alo haena꞉ kone Diudasita꞉ mo hande 12 haliweki ame̱le̱ hayeke hali kone epeekeme. Kutupa Diudasi ame̱le̱ haliweki wopuma꞉ kepete tieke make dolo make miniki epemekeme. Mo yeni peao haemeke you haliwekima꞉ make mo wape pea wala꞉tiki pu haemeke haliwekima꞉ make mo tondiki haliwekima꞉ make tapaeyeke handaa epemekeme.
25228	LUK 6:13	Kutupa nate teeketa꞉ Yesu ipika꞉ hoki nane tolu haemeke haliweki paeyao wi leekeme. Koto haliweki tukiki pa꞉ta꞉ kone 12 haliweki ma̱leke litolo hata꞉ alota꞉ Ikita꞉ yaka Aposolo haliweki hapa꞉peke leekeme.
25315	LUK 8:1	Hosiki siki hao wetepe naneta꞉ Yesuta꞉ mo daoni paeyao pa꞉ta꞉ make mo hosiki da sunu pa꞉ta꞉ make pominolo hata꞉ Koda꞉na꞉ Kilu Tombuao Hala꞉ ekina꞉ Pi Seliapo wanda꞉hali paeyao pa꞉ta꞉ la hala꞉tiki pomiekeme. Kutupa make ipika꞉ 12 disaipolo haliweki make ipiki ame̱le̱ pemekeme.
25356	LUK 8:42	Pa ekipeke ipika꞉ ota꞉ homeke hayeke bapita꞉ 12 yeeke wandikita꞉ tekesiki pa꞉ta꞉ homuluekema꞉ taapolo pitieke handaa leekeme. Koto leeke Yesu pulu haena꞉ mo wanda꞉hali anekehapu mandane mandane yama꞉ a꞉pa momba꞉laaso hata꞉ Yesu mea daka꞉pa daka꞉pa puluekema꞉ taapemekeme.
25357	LUK 8:43	Kutupa mo wanda꞉hali anka꞉lopuna꞉ mo bapi 12 andusa꞉na꞉ we yopu hayeke wanda꞉ ma꞉nda꞉ hayekeme. Ipika꞉ yeni tamba꞉ mina꞉yeke dokeda haliweki pa꞉ta꞉ ipika꞉ mani paeyao hala꞉tiki piekepate ipika꞉ yenita꞉ ota꞉ na epeaeyekeme.
25371	LUK 9:1	Yesuma꞉ mo 12 disaipolo haliweki pa꞉ta꞉ Ipupa꞉e laa homeke pa꞉ta꞉ mea momba꞉laota꞉ ikana꞉ma꞉ yenimanu mea epeaena꞉ make hoke temokomanu paeyaosiki tolu lina꞉yeke Yesuma꞉ iki pa꞉ta꞉ wele pita꞉la꞉ biki pita꞉ honkopu yaapo hale hale piekeme.
25376	LUK 9:6	Koto ekimanu lo paeyaeyeketa꞉ hande 12 disaipolo haliwekita꞉ Yesu mina꞉pa꞉lao da hala꞉ hala꞉ pomu lopolo hata꞉ hande Pi Seliapo wala꞉tiki pominolo hata꞉ iki pomimiki ale pa꞉ta꞉manu wanda꞉hali mea epeatia pomimikime.
25382	LUK 9:12	Welealo nane nate pambolo haena꞉ta꞉ mo 12 disaipolo haliwekima꞉ Yesu pa꞉ta꞉ a꞉pa alota꞉ Do niki haloma꞉ alena꞉ta꞉ wanda꞉hali na hake alena꞉ma꞉ do wanda꞉halita꞉ mo da sunu make mo napeke ne make pelia꞉peke damanu weina꞉ma꞉ pena꞉ tapae lemekeme.
25433	LUK 10:1	Do hande haumanu peaata꞉ Tekehalima꞉ 72 haliweki mea yaapo yaapo pu mo ipiki polo pieke da pa꞉ta꞉manu tapa tapa piekeme.
25449	LUK 10:17	Mo hande 72 haliwekita꞉ ta꞉na꞉ tiekema꞉ homolo hata꞉ paa opolo epemekeme. Tekehalio. Nikana꞉ma꞉ naka꞉ biki laaso hata꞉ teliolo hamono kone mo hoke temoko manuma꞉ nika꞉ pi ota꞉ opimime lemekeme.
25467	LUK 10:35	Kutupa da kelepeeketa꞉ mo Sametia halima꞉ hande da teke hali pa꞉ta꞉ 2 kina halaa alota꞉ Do hali wotu handeteke hapeke. I̱ doane la꞉ka꞉la ipulua꞉ dina꞉ta꞉ mo hali handeteke halena꞉ kitolo 2 kina ana꞉ na pia꞉ka꞉na꞉ta꞉ kota꞉ yenkita꞉ haka꞉ta꞉pao a꞉pa kulueke leekeme.
25534	LUK 12:6	Mo hande wesoma꞉ handeke basunu yunki hata꞉ 20 toeama꞉ hambo halemeke yekea. Koto pa꞉la꞉pate Koda꞉ma꞉ta꞉ koto wesoma꞉ handeke ba sikita꞉ homeke kone hone na yonka꞉lala꞉me.
25653	LUK 14:31	Kini hali ma꞉nda꞉ma꞉ ipika꞉ 10 daoseni haliweki a꞉nda꞉ mea kini hali ma꞉nda꞉ ame̱le̱ a꞉nda꞉ puluekema꞉ polo pa꞉la꞉pate pa mo kini hali ma꞉nda꞉na꞉ haliwekita꞉ 20 daoseni haliweki ya꞉ka꞉na꞉ta꞉ kota꞉ mo titina꞉ kinima꞉ta꞉ titina꞉ amba꞉la pita꞉ ipika꞉ honema꞉ tumaaso hata꞉ta꞉ Mo kini yaapota꞉ a꞉nda꞉ puluekema꞉ta꞉ I̱ta꞉ ana꞉ polopema꞉ hone wilieke.
25813	LUK 19:13	Poluekema꞉ hata꞉ ipikana꞉ma꞉ ipika꞉ e pokao haemeke kiki yaapo haliweki wi la꞉ meaata꞉ iki paeyao pa꞉ta꞉ 20 kina hale hale pea iki pa꞉ta꞉ alota꞉ I̱ polua꞉ hoki nane do kitolo manima꞉ bisinisi pea ikana꞉ma꞉ ekipa haka꞉ta꞉pao milimio laa e poka꞉pa꞉peke leekeme.
25816	LUK 19:16	Titina꞉ halima꞉ a꞉pa alota꞉ Tekehalio. Hande 20 kina ki manima꞉ta꞉ pa mandane 200 kinamanu make haka꞉ta꞉pao mealome laa leekeme.
25818	LUK 19:18	Kutupa ipika꞉ hoki nane epeeke halima꞉ a꞉pa alota꞉ Tekehalio. Hande 20 kina ki manima꞉ pa mandane 100 kinamanu make haka꞉ta꞉pao mealome laa leekeme.
25820	LUK 19:20	Kutupa koto hoki nane e pokao hayeke hali ma꞉nda꞉ a꞉pa alota꞉ Tekehalio. Hande naka꞉ 20 kina doe. I̱ma꞉ta꞉ dau siki pa꞉ta꞉ panka꞉ ua꞉me.
25824	LUK 19:24	Kotoeki laa ipikana꞉ma꞉ koto pa꞉ta꞉ haemeke haliweki pa꞉ta꞉ alota꞉ Do halina꞉ 20 kina meaata꞉ hande 200 kina wia hala꞉ e pokaasa꞉ hali pa꞉ta꞉ hala꞉pe laa leekeme.
25825	LUK 19:25	Mo haliwekima꞉ ipiki pa꞉ta꞉ alota꞉ Tekehalio. Pa ekipeke. Mo halita꞉ 200 kina amba꞉ wia hala꞉me lemekeme.
25936	LUK 22:3	Isekatioti hali Diudasima꞉ mo hande 12 disaipolo hali ma꞉nda꞉ hayekepate kone Sadani honda꞉ pambeekeme.
25963	LUK 22:30	Ikita꞉ yaka Kilu Tombuao Hala꞉ alena꞉ yaka teipolona꞉ pita꞉ ne ikali nolumeke. Kutupa make ikita꞉ oli you halina꞉ sea manuna꞉ pita꞉ mo Isulaina꞉ 12 tapake teli pilimikie leekeme.
26333	JHN 6:7	Pilipima꞉ ipika꞉ pi hombo peaaso alota꞉ Do wanda꞉hali paeyaoma꞉ ne hosikisiki kone nena꞉yeke palaowa hambaasota꞉ 200 kina kone ana꞉ na pilieke.
26339	JHN 6:13	Koto leeke handa mo haliwekima꞉ta꞉ hande bali palaowa yunki hata꞉ nemeke wanda꞉hali paeyaoma꞉ naa wina꞉ lemeke putupilikimanu paeyao mea basekede nuna꞉ mendimikipate 12 basekede numanu tumbaemekeme.
26393	JHN 6:67	Koto ekina꞉ Yesuma꞉ hande 12 disaipolo haliweki pa꞉ta꞉ alota꞉ Ikana꞉ma꞉ make I̱ kiao pelimikipe.
26396	JHN 6:70	Yesuma꞉ ika꞉ pi hombo peaaso alota꞉ Iki 12 haliwekita꞉ I̱ma꞉ na talopu mea hamina꞉ loeke yekea. Kutu pua꞉pate iki ame̱le̱ hala꞉ hali homeketa꞉ hoke temoko hala꞉me leekeme.
26397	JHN 6:71	Koto leeke ekita꞉ ipikana꞉ma꞉ mo Isekatioti hali Saimonona꞉ eiyeke Diudasi pa꞉ta꞉ leekeme. Ipikita꞉ hande 12 haliweki ame̱le̱ haemeke hali kone wetepeta꞉ Yesu lina꞉yeke a꞉nda꞉ lombeekeme.
26601	JHN 11:9	Yesuma꞉ alota꞉ Nate homekena꞉ pa yata꞉pea꞉peke nate leke manuta꞉ 12 awamanu dia꞉ya꞉ka꞉ta꞉pe. Hali ma꞉nda꞉ta꞉ oli nate talo haena꞉ pomia꞉ka꞉na꞉ta꞉ do kenkena꞉ pa̱a̱ pa꞉la꞉eki handa꞉la꞉ ekima꞉ ipikita꞉ lopuluekema꞉ taapa꞉tia na pelieke laa
27007	ACT 1:15	Yeni pu pitaata꞉ pa hosiki hao hao peaata꞉ mo Ketisona꞉ pi mina꞉la꞉ wanda꞉halima꞉ pi hotuluekema꞉ mombelemekeme. Iki paeyaota꞉ 120 wanda꞉hali tupa꞉ momba꞉la pitina꞉ Pidama꞉ pi loluekema꞉ tiaeyekeme.
27172	ACT 6:2	Mo 12 haliwekima꞉ mo Ketiso haliweki paeyao wi la alota꞉ Nikana꞉ma꞉ Koda꞉na꞉ pi waloloma꞉eki mina꞉pa꞉lao ne telipaoma꞉ka꞉na꞉ta꞉ ana꞉ na pa꞉la꞉me lemekeme.
27193	ACT 7:8	Koto hoki naneta꞉ Koda꞉ma꞉ Eipoloha꞉ma꞉ pa꞉ta꞉ pi la꞉ wiekeeki tombo witolo hata꞉ ipiki pa꞉ta꞉ sekemesaisi hau waleekeme. Kutupa haena꞉ta꞉ Eipoloha꞉ma꞉ma꞉ta꞉ Aisa꞉ke mendia haena꞉ pula꞉ homeke paeyeketa꞉ Aisa꞉ke pa꞉ta꞉ sekemesaisi hau peayekeme. Kutupa Aisa꞉kema꞉ta꞉ Dieikope pa꞉ta꞉ sekemesaisi hau piekeme. Kutupa Dieikopema꞉ta꞉ mo hande tapake tapake kini pieke 12 haliweki pa꞉ta꞉ sekemesaisi hau peayekeme.
27661	ACT 19:7	Mo haliweki paeyaota꞉ 12manu haemekeme.
27825	ACT 23:23	Koto laaka꞉na꞉ a꞉nda꞉ tumiki halima꞉ opisa hali yaapo epena꞉ wi la꞉ mea alota꞉ Ame timba 9 okoloko tupa꞉ mo ami haliweki 200 make hosi ma꞉na꞉ hokina꞉ pitu haleme ami haliweki 70 make dolo miniki haliweki 200 make Sesatia da nane pena꞉yeke ipilikana꞉ma꞉ tikitiki yao haena꞉ lapa꞉peke.
27848	ACT 24:11	Amba꞉ta꞉ da ka꞉la꞉pa꞉la꞉eki 12 tupa꞉ koto natena꞉ kone oli Diutuseleme da pa꞉ta꞉ I̱ma꞉ Koda꞉ pa꞉ta꞉ panda꞉puniao yeni puluekema꞉ poa꞉ ekita꞉ naka꞉ kone weiya handa꞉ wia꞉peke ya꞉la꞉me.
27898	ACT 26:7	Koto pi la꞉ wiekeeki muluekema꞉ nika꞉ tapake 12 wanda꞉halima꞉ Koda꞉ pa꞉ta꞉ panda꞉puniao yeni pu halememe lea꞉me. Kini halio. Koto pi la꞉ wieke ekina꞉ hone ulu ekina꞉ mo Diu haliwekima꞉ I̱ ba꞉sa꞉ pitelememe.
27951	ACT 27:28	Koto ekina꞉ pu mea lopa꞉niao 20 pa꞉domi yata꞉pa handaata꞉ hosiki mo pateleke pua paa mea lopa꞉niao 15 pa꞉domi yata꞉pa handemekeme.
27960	ACT 27:37	Mo hande kawaso tiekena꞉ 276 haliweki pituma꞉me.
28643	1CO 10:8	Mandane kutupiki haumanu pimiki wanda꞉halita꞉ homeke natena꞉ kone 23 daoseni homemekeme. Koto ekina꞉ nikana꞉ma꞉ kutu piki haumanu na piki pa yankeke ma꞉nda꞉na꞉ loke hoeyaasa꞉ haumanu na pumana꞉ pea꞉pa꞉peke.
28791	1CO 15:5	Kutupa ipikana꞉ma꞉ Pida pa꞉ta꞉ pua ipika꞉ loke peneme yao walaata꞉ mo hande 12 aposolo haliweki pa꞉ta꞉ make pua waleekeme.
28833	1CO 15:47	Titina꞉ A꞉da꞉ma꞉ta꞉ kenke dokoloma꞉ wepia haena꞉ leeke halie. Namba 2 A꞉da꞉ma꞉ta꞉ hepeni nane hao epeeke halie.
30334	JAS 1:1	I̱ta꞉ Dia꞉mesi Koda꞉ make Tekehali Yesu Ketiso yaapona꞉ e pokaaso hali halome. Do wape pitolo ekita꞉ hande ika꞉ kenke nane mina꞉pa꞉lao pemeke Isulai 12 tapake ika꞉ wanda꞉hali pa꞉ta꞉ tapaasome. Iki pa꞉ta꞉ keiyae pi alome.
30882	REV 7:4	Kutupa I̱ pa꞉ta꞉ la kieketa꞉ Mo Koda꞉ ipika꞉ tomboma꞉ maka ula꞉ tapaketa꞉ 144 daoseni halememe lea꞉me. Koto wanda꞉halita꞉ mo hande Isulaina꞉ 12 tapakee lea꞉me.
30883	REV 7:5	Ikita꞉ 12 daoseni lo mo tapake homeke homeke pa꞉ta꞉ yata꞉po ma꞉la꞉me. Mo tapake biki manuta꞉ Diuda Lubeni Ka꞉da꞉ A꞉sea Na꞉petali Ma꞉na꞉sa꞉ Simioni Lipae Isaka Sebuloni Diosepe make Benisamini koto tapake manue.
30924	REV 9:16	Mo wanda꞉hali lulu polo pieke hosi hokina꞉ pitieke ami tapakena꞉ nambata꞉ I̱ pa꞉ta꞉ alota꞉ 200 milioni haliweki lea꞉me.
30943	REV 11:3	Kutupa I̱ma꞉ yaka wekitisi hali yaapo mo palaowamanu mondu hala꞉ ekima꞉ dau yamao 1 daoseni kutupa 260 natemanu Koda꞉na꞉ pi walawaena꞉ tapaalueke lea꞉me.