10	GEN 1:10	Kutupa mo yuna꞉ bikita꞉ Kenkee laa mo homeke alena꞉ mombeleeke ikalina꞉ bikita꞉ Dawalae leekeme. Koto ekina꞉ moeki hando haota꞉ Koda꞉ma꞉ ta꞉na꞉ma꞉ homeekeme.
11	GEN 1:11	Kutupa Koda꞉ma꞉ alota꞉ Do kenkema꞉ta꞉ mo kenkena꞉ opa꞉la꞉ ta꞉ta꞉ ta꞉ta꞉ piki ti potekemanu make kiliki a꞉eta꞉la꞉ alemanu make opaena꞉e laa leeke handaata꞉ kutu piekeme.
58	GEN 3:2	Mo wanda꞉ma꞉ hombo peaaso alota꞉ Dikana꞉ma꞉ta꞉ do e pa꞉ta꞉ hala꞉ ti poteke paeyao nolo polopa꞉pateta꞉
68	GEN 3:12	Mo halima꞉ hombo peaaso alota꞉ Do hande I̱ yaapo hapono lele wanda꞉ma꞉ mo ti poteke mea kieke handa noa꞉me leekeme.
69	GEN 3:13	Mo Tekehali Koda꞉ma꞉ mo wanda꞉ pa꞉ta꞉ alota꞉ Do ekita꞉ ekipeke pea pelepe leekeme. Mo wanda꞉ma꞉ hombo peaaso alota꞉ I̱ma꞉ nono yeke handa mo ketoma꞉ I̱ makeaya꞉me leekeme.
70	GEN 3:14	Kutupa mo Tekehali Koda꞉ma꞉ mo keto pa꞉ta꞉ alota꞉ Do hau pele ekina꞉ hoke yenki kitolome. Mo hoteke manuma꞉ dia꞉ya꞉la꞉pate pa neke homeke homekema꞉ta꞉ dupiki esihou pi mie. Neketa꞉ ame do kini pea puluta꞉ naka꞉ weleketa꞉ yola꞉ tia pominolo hata꞉ neke pa ha pelia haeka꞉na꞉ta꞉ kota꞉ dokolo no halipikie.
72	GEN 3:16	Kutupa Koda꞉ma꞉ mo wanda꞉ pa꞉ta꞉ alota꞉ I̱ma꞉ neketa꞉ naka꞉ weki loke lombilipi ale pa꞉ta꞉ta꞉ ka꞉nda꞉ pa꞉la꞉eki haka꞉ta꞉peao make weki milipi ale pa꞉ta꞉ta꞉ tanda pa꞉la꞉eki make haka꞉ta꞉palueke. Dupina꞉ kone nakana꞉ma꞉ta꞉ naka꞉ haliki hone wopu wia ipiki oto pa꞉ta꞉ halipikie.
75	GEN 3:19	Kutupa mo kenkema꞉ anemone ale opena꞉ yeketa꞉ a꞉ka꞉li mendia honkopu hao e poka꞉tiki pilipikie. Dupiki hau putia pua mo neke wa꞉pa꞉la꞉ kenke pa꞉ta꞉ pulu hata꞉ta꞉ mina꞉pa꞉lalipikie. Neketa꞉ dokoloma꞉ wepiekeeki yalo hata꞉ dokolo au kone lelipikie.
80	GEN 3:24	Kutupa Koda꞉ma꞉ mo ena꞉ nate opa꞉la꞉ naneta꞉ mandane honkopu hake enisolomanu haena꞉ laa make kutupa ti talo talo hake bainasi homeke mandane mandane lekeleke alo hakeeki haena꞉ leekeme. Do hau piki hauta꞉ mo deto hala꞉ ti teke pa꞉ta꞉ ma꞉nda꞉ a꞉paama꞉na꞉ piekeme.
93	GEN 4:13	Koto leeke Keinima꞉ mo Tekehali pa꞉ta꞉ alota꞉ Do ka꞉nda꞉ta꞉ I̱ma꞉ mea tia꞉peketa꞉ ana꞉ na pa꞉la꞉me laata꞉
95	GEN 4:15	Koto leekepate mo Tekehalima꞉ hombo peaaso alota꞉ Dia꞉me. Ma꞉nda꞉ epima꞉ neke lia꞉ka꞉na꞉ta꞉ kota꞉ koto somena꞉ hoke yenkita꞉ wataake hata꞉ peao haka꞉ta꞉pao homena꞉ lilieke leekeme. Koto leeke ekina꞉ ma꞉nda꞉ epima꞉ mo Keini manda꞉hande pia꞉ka꞉na꞉ta꞉ na lina꞉e alo hata꞉ Tekehalima꞉ mo somena꞉ lokena꞉ patehau ma꞉nda꞉ piekeme.
100	GEN 4:20	Adama꞉ta꞉ Dieibolo mondu wiekeme. Ipikita꞉ mo palai da pa꞉ta꞉manu hata꞉ hotekemanu punieke ekina꞉ peayeke apa꞉meina꞉ kini pieke hali hayekeme.
101	GEN 4:21	Ipika꞉ hameketa꞉ Diubolo yekeme. Koto someta꞉ mo hande kidama꞉ handeke ale pita꞉ puo̱lo̱ yaapo limiki tapakena꞉ kini peayeke hali hayekeme.
107	GEN 5:1	Dota꞉ mo hande A꞉da꞉ma꞉na꞉ tapakena꞉ biki ula꞉ ekie. Koda꞉ma꞉ hande wanda꞉hali wepieke dina꞉ta꞉ ipikima꞉ kone handeke wanda꞉hali wepitolota꞉
121	GEN 5:15	Mo Mahalale bapi 65 yeketa꞉ Dia꞉tedi biki leeke weki mondu wiekeme.
124	GEN 5:18	Mo Dia꞉tedi ipika꞉ bapi 162 yeketa꞉ biki Onoko leeke weki mondu wiekeme.
138	GEN 5:32	Kutupa Noa ipiki bapi 500 mieketa꞉ weki tepo mondu wiekeme. Ika꞉ bikita꞉ Seme make Ha꞉me make Dieipedi yekeme.
147	GEN 6:9	Dota꞉ Noa tapakena꞉ pie. Ipikita꞉ weki tepo mondu wiekeme. Seme make Ha꞉me make Dieipedi make yekeme. Noa hayeke natena꞉ ipikita꞉ pu ata꞉ka꞉ peaya꞉eki ma꞉nda꞉ dia꞉yalo hata꞉ ipiki homeke homeke epeke some hayekeme. Ipikita꞉ Koda꞉ yaapo ta꞉ma꞉ni pea hayekeme.
151	GEN 6:13	Koda꞉ma꞉ Noa pa꞉ta꞉ alota꞉ I̱ma꞉ wanda꞉hali paeyao ota꞉ hoeyaalueke hone witolome laata꞉ Do kenkena꞉ta꞉ ika꞉ haku na piki hau manuma꞉ tumba꞉la꞉ ekina꞉ iki paeyao siki hoeyaalueke.
161	GEN 7:1	Mo Tekehalima꞉ Noa pa꞉ta꞉ alota꞉ Do kenke honiki paeyao pa꞉ta꞉ta꞉ I̱ma꞉ta꞉ neke homeke homeketa꞉ mo tikitiki hau pu haleeki handa꞉ ulu ekina꞉ naka꞉ wekiwandiki iki paeyao oni sisima pa꞉ta꞉ pupe leekeme.
173	GEN 7:13	Koto kone Koda꞉ma꞉ pua꞉peke leeke natena꞉ta꞉ Noa tooli make ipilika꞉ eiyeke tonu Seme make Ha꞉me make Dieipedi make ika꞉ weteke tonu make paeyao oni sisima pa꞉ta꞉ honda꞉ pambemekeme.
182	GEN 7:22	Do kenkena꞉ pomo mea pitimiki alemanu paeyao homemekeme.
205	GEN 8:21	Kutu pieke handaa mo lia haleeke hotekena꞉ totopo seliapoma꞉ta꞉ mo Tekehali ta꞉na꞉ homa꞉ tiayeke handaa ipika꞉ kone alota꞉ Do wanda꞉halima꞉ pu haleme ekina꞉ I̱ma꞉ do kenketa꞉ esihou pi oto pa꞉ta꞉ ota꞉ paa na wina꞉ lolueke. Pa ekipeke ika꞉ mo panake daeta꞉la꞉me ale pa꞉ta꞉ koneta꞉ hoke honemanu wilimi ekita꞉ I̱ma꞉ hone ulu ekina꞉ loa꞉me. Koto ekina꞉ I̱ma꞉ ame do pua꞉ tupa꞉ mo do kenkena꞉ pa pitiki alemanu paeyao ota꞉ paa a꞉nda꞉ na hoeyaalueke.
217	GEN 9:11	Dupiki pi manuma꞉ta꞉ iki ame̱le̱ pi la꞉ witolome. Mo kenkena꞉ pa pitiki alemanu paeyaota꞉ mo ikali tieke tiekema꞉ ota꞉ paa na hoeyaena꞉ laata꞉ mo ikali tieke tiekema꞉ do kenke paeyao paa na hoeyaena꞉e laa I̱ma꞉ la꞉ witolome.
224	GEN 9:18	Mo sisima pa꞉ta꞉ pita pemeke Noana꞉ eiyeke tonuta꞉ Seme make Ha꞉me make Dieipedi makee. Ha꞉meta꞉ Keinanina꞉ atekee
229	GEN 9:23	Kutu pieke handaa Seme pita꞉ Dieipedi yaapoma꞉ta꞉ ateke pa tia peliekeeki handa꞉peke yeketa꞉ dau homeke ipilika꞉ peiyokona꞉ pulumbao tia hoki la꞉ka꞉la oni palai da pa꞉ta꞉ pua pa ale handa hata꞉ atekena꞉ loke manda lopamoneao a꞉mbaepekeme.
233	GEN 9:27	Mo Koda꞉ma꞉ta꞉ Dieipedina꞉ tapake daetolota꞉ ipika꞉ monduma꞉ monduma꞉ pilia꞉ wekiwandikina꞉ wekiwandikita꞉ mo Semena꞉ wanda꞉hali ame̱le̱ haena꞉e. Keinanita꞉ Dieipedina꞉ pa hameke e pokaasa꞉ hali halieke laa leekeme.
236	GEN 10:1	Mo hande Noana꞉ eiyeke tonu Seme make Ha꞉me make Dieipedi make ika꞉ monduma꞉ monduma꞉ pimiki wekiwandikina꞉ wekiwandikina꞉ bikimanu doe. Mo hande ikali tieke tieke a꞉pa hoki naneta꞉ do weki tepoma꞉ta꞉ weki titi mondu wimikime.
237	GEN 10:2	Mo Dieipedina꞉ eiyeke tonuta꞉ Koma make Meikoko make Madai make Diapani make Diubolo make Meseke make Taitasi makee. Ikita꞉ mo ika꞉ biki kone yano loma꞉ loma꞉ pimiki da wanda꞉halina꞉ apa꞉mei tonue.
239	GEN 10:4	Mo Diapanima꞉ kini pea monduma꞉ monduma꞉ pieke wekiwandikina꞉ wekiwandikita꞉ mo A꞉lisia make Sepeini make Saipotasi make Loa꞉disi make koto da kenkemanu haemeke wanda꞉halie.
240	GEN 10:5	Ikita꞉ mo dawala tea꞉na꞉ make mo dawala u dupala꞉ kenke sunu pa꞉ta꞉ make pelia haemeke wanda꞉halina꞉ apa꞉meie. Do koto wanda꞉halita꞉ mo Dieipedima꞉ kini pea monduma꞉ monduma꞉ pieke wekiwandikina꞉ wekiwandikie. Ikita꞉ ika꞉ kenke ma꞉nda꞉ ma꞉nda꞉ pa꞉ta꞉manu hao tutu ta꞉ta꞉ ta꞉ta꞉ hao tapake homeke homekema꞉ ika꞉ da pi ta꞉ta꞉ ta꞉ta꞉ lemekeme.
242	GEN 10:7	Mo Kusuma꞉ kini pea monduma꞉ monduma꞉ pieke wekiwandikina꞉ wekiwandikita꞉ mo Siba make Ha꞉pila make Sabita make Lama make Sabeteka make koto da kenkemanu pa꞉ta꞉ haemeke wanda꞉halie. Mo Lamama꞉ kini pea monduma꞉ monduma꞉ pieke wekiwandikina꞉ wekiwandikita꞉ mo Seba pita꞉ Dedani da wanda꞉halie.
251	GEN 10:16	Keinani ombuta꞉ mo Diebasi wanda꞉hali make A꞉mo wanda꞉hali make Keakasi wanda꞉hali make
256	GEN 10:21	Mo hande Dieipedina꞉ hameke titina꞉ weki Semeta꞉ mo Hibulu wanda꞉hali paeyaona꞉ apa꞉mei yekeme.
260	GEN 10:25	Ebeta꞉ weki yaapo mondu wiekeme. Weki ma꞉nda꞉na꞉ bikita꞉ Peleke leeke ekita꞉ mo weki ipika꞉ hayeke natena꞉ta꞉ do kenkena꞉ haemeke wanda꞉halita꞉ putupa꞉ alualu pieke handa leekeme. Kutupa weki ma꞉nda꞉na꞉ bikita꞉ Diokotani leekeme.
261	GEN 10:26	Mo Diokotanima꞉ kini pea monduma꞉ monduma꞉ pieke wekiwandikina꞉ wekiwandikita꞉ mo Amoda꞉di make Selepe make Ha꞉samapede make Dieta make
262	GEN 10:27	Ha꞉dotamo make Usalo make Dikila make
264	GEN 10:29	Opa make Ha꞉pila make Dioba꞉be make koto damanu pa꞉ta꞉ haemeke wanda꞉halie. Iki paeyaota꞉ Diokotanima꞉ kini pea monduma꞉ monduma꞉ pieke wekiwandikina꞉ wekiwandikie.
266	GEN 10:31	Do alo tapaketa꞉ Semema꞉ kini pea monduma꞉ monduma꞉ pieke wekiwandikina꞉ wekiwandikie. Ikita꞉ tutu ta꞉ta꞉ ta꞉ta꞉ pa꞉ta꞉ make kenke ta꞉ta꞉ ta꞉ta꞉ pa꞉ta꞉ hata꞉ta꞉ tapake homeke homekema꞉ta꞉ ika꞉ pita꞉ ta꞉ta꞉ ta꞉ta꞉ lemekeme.
273	GEN 11:6	Kutupa a꞉pa ipikana꞉ma꞉ alota꞉ Ameta꞉ do wanda꞉halita꞉ homeke wanda꞉hali halemeke yalo homeke pi kone alememe laata꞉ Dota꞉ ika꞉ pua꞉tiki polo peleme ekina꞉ kini piteleme ekie. Kutupa ikana꞉ma꞉ta꞉ teke pa꞉ta꞉ ika꞉ hone pa꞉la꞉ anemone hau paeyao pa pilimikie.
291	GEN 11:24	Mo Neihota꞉ bapi 29 mieketa꞉ weki Dita mondu wiekeme.
293	GEN 11:26	Mo Ditata꞉ bapi 70 mieketa꞉ Eipola꞉ma꞉ make Neiho make Hatani ika꞉ ateke hayekeme.
294	GEN 11:27	Dota꞉ mo Eipola꞉ma꞉ make Neiho make Hatani ika꞉ ateke Ditama꞉ kini pea monduma꞉ monduma꞉ pieke wekiwandikina꞉ wekiwandikie. Hatanita꞉ Lodana꞉ ateke yeekeme.
298	GEN 11:31	Ditama꞉ta꞉ mo Ba꞉biloni kenke pa꞉ta꞉ hayeke daoni A꞉e mina꞉pa꞉lao ipika꞉ weki Eipola꞉ma꞉ make Hatanina꞉ eiyeke Loda make Eipola꞉ma꞉na꞉ weteke Sa꞉tai make hatuku mo Keinani kenke pa꞉ta꞉ polueke alo pemekepate ikita꞉ pa mo Hatani kenke pa꞉ta꞉ pua pitimikime.
299	GEN 11:32	Kutupa koto pa꞉ta꞉ haena꞉ta꞉ Ditata꞉ 205 bapi mieketa꞉ homeekeme.
306	GEN 12:7	Mo Tekehalima꞉ Eipola꞉ma꞉ pa꞉ta꞉ opolo a꞉pa alota꞉ Do kenke tieke paeyaota꞉ I̱ma꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ halo polo kenkee leekeme. Kutu piekena꞉ Eipola꞉ma꞉ma꞉ta꞉ mo ipiki pa꞉ta꞉ opolo peeke Tekehali Koda꞉ pa꞉ta꞉ koto pate oloda a꞉eyekeme.
317	GEN 12:18	Kutu pieke mo kinima꞉ Eipola꞉ma꞉ epoe laa lota꞉ pitolo alota꞉ I̱ pa꞉ta꞉ dota꞉ ekipiki hau pelepe laata꞉ Do wanda꞉ta꞉ naka꞉ wanda꞉e laa I̱ta꞉ ekipeke na lakipe.
327	GEN 13:8	Kutu pieke handaata꞉ Eipola꞉ma꞉ma꞉ Loda pa꞉ta꞉ alota꞉ Dikita꞉ homeke tapake ya꞉la꞉ ekina꞉ naka꞉ haliweki pita꞉ yaka haliweki yaapoma꞉ta꞉ ape ape na lapeke alee.
329	GEN 13:10	Koto leeke Lodama꞉ mo Diodani hawete handoma꞉ handoma꞉ putia pua mo Soa pua hando naeyekepate oni kenketa꞉ mo hande Tekehalina꞉ e o mo Idiepi kenkema꞉ handaa ikali wopu yapeekeeki handeekeme. Dota꞉ mo Tekehalima꞉ mo Sodomo pita꞉ Komoto daoni yaapo a̱i̱ na hoeyake haena꞉ piekeme.
330	GEN 13:11	Koto ekina꞉ Lodama꞉ta꞉ mo Diodani hawete tieke ipika꞉ekie laa ma̱leke liaata꞉ mo nate opa꞉la꞉ nanema꞉ tilao peekeme. Kotota꞉ mo hande hali yaapona꞉ ka꞉ta꞉alu pipiki tupa꞉e.
340	GEN 14:3	Do yunki hata꞉ kini manuma꞉ta꞉ mo Sidimi hawetena꞉ ameta꞉ mo ikali leke ma꞉nda꞉ biki Homa꞉la꞉ dawala leleme alena꞉ ika꞉ ami haliweki momba꞉laemekeme.
351	GEN 14:14	Kutupa Eipola꞉ma꞉ ipika꞉ kamena꞉ eiyeke hatuku pemekeeki opu haota꞉ ipika꞉ a꞉nda꞉na꞉ moka꞉la hando haemeke 318 haliweki momba꞉lao mo hande kini tonkopu telia꞉ mea pua ota꞉ mo Da꞉ni kenke pa꞉ta꞉ tolu lopalo pemekeme.
352	GEN 14:15	Koto pateta꞉ ipika꞉ haliweki putupa꞉ putupa꞉ pea momba꞉lao haena꞉ loma loma peaata꞉ koto timba hata꞉ mo a꞉nda꞉ tunkuliki tapake lia bepolaemekeme. Ipikana꞉ma꞉ta꞉ mo haliwekita꞉ mo Damasikasina꞉ okane nanema꞉ tilao ota꞉ mo Hoba pua tolu lutia pemekeme.
359	GEN 14:22	Eipola꞉ma꞉ma꞉ hombo peaaso alota꞉ Do kenke ya yaapo wa꞉pa꞉la꞉ Tekehali oli Manda Hala꞉ Koda꞉na꞉ biki aloma꞉
362	GEN 15:1	Do haumanu hoki naneta꞉ Eipola꞉ma꞉ma꞉ upa piki nono pea Koda꞉ma꞉ ipiki pa꞉ta꞉ dupa leekeeki opiekeme. Eipola꞉ma꞉o. Paala꞉ma꞉ na homa꞉pee. I̱ma꞉ta꞉ mo ekia꞉nda꞉ pilia꞉ pa꞉ta꞉ta꞉ I̱ta꞉ ota꞉ naka꞉ hanka꞉ tupa꞉ hata꞉ neke pa꞉ta꞉ta꞉ yenki tieke kulueke leekeme.
363	GEN 15:2	Pate Eipola꞉ma꞉ma꞉ alota꞉ Tekehali Koda꞉o. Mo I̱ta꞉ wekiwandiki make dia꞉me. Kota꞉ pa ekipa epeke yenki kilipikipe. Yaka anke teke mulu pa꞉la꞉ halita꞉ mo Damasikasi hali Eliesa homeke hala꞉me.
365	GEN 15:4	Kutupa Tekehalima꞉ ipiki pa꞉ta꞉ pi paa leekeeki dupa opiekeme. Do pa hameke e pokaasa꞉ some Eliesama꞉ naka꞉ anketeke na mulu pa꞉la꞉pate ota꞉ naka꞉ wekima꞉ milieke leekeme.
382	GEN 15:21	mo A꞉mo wanda꞉halina꞉ kenke make Keinani wanda꞉halina꞉ kenke make Keakasi wanda꞉halina꞉ kenke make mo Diebusi wanda꞉halina꞉ kenke make paeyao halueke laa loa꞉me leekeme.
385	GEN 16:3	Koto ekina꞉ Heikata꞉ ipika꞉ yaapo peao wanda꞉ haena꞉ Sa꞉taima꞉ haliki haleekeme. Do hau piki hauta꞉ Eipola꞉ma꞉ta꞉ Keinani kenke pa꞉ta꞉ kiki yaapo bapi haena꞉ piekeme.
406	GEN 17:8	Ame do neketa꞉ da ma꞉nda꞉ hali leke hale kenketa꞉ neke pa꞉ta꞉ make kia naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ make halueke. Do Keinani kenke paeyaota꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ ota꞉ hoto paeyao ika꞉ ekie la halaata꞉ I̱ta꞉ ika꞉ Koda꞉ halueke.
409	GEN 17:11	Ame do kini pea puluta꞉ ika꞉ hali weki mondu wia pitina꞉ hoto ketepo hata꞉ paeya꞉ka꞉na꞉ta꞉ kota꞉ sekemesaisi hau peapa꞉peke. Kutupa mo iki haleme da pa꞉ta꞉ mendilimi pa hameke e pokaasa꞉ wanda꞉halina꞉ hali weki make mo kenke ma꞉nda꞉na꞉ hamba꞉la꞉ pa hameke e pokaasa꞉ haliweki make sekemesaisi hau peapa꞉peke. Do hauma꞉ta꞉ neke I̱ dika꞉ pi la꞉ witolopa꞉eki peneme yao walieke.
417	GEN 17:19	Pate Koda꞉ma꞉ alota꞉ Dia꞉me. Naka꞉ wanda꞉ Setama꞉ naka꞉ weki mendiaeya꞉ka꞉na꞉ta꞉ ipika꞉ bikita꞉ Aisa꞉ke lelipikie. I̱ma꞉ta꞉ ipiki make ipika꞉ monduma꞉ monduma꞉ pilia꞉ wekiwandikina꞉ wekiwandiki ame̱le̱ make hoto paeyao yaka pi la꞉ witoloeki pa wia halumeke. Koto pi la꞉ witolo ekita꞉ ota꞉ na paeke pa u halo pa꞉la꞉ekie.
440	GEN 18:15	Kotoeki leeke Seta ipikita꞉ paala꞉ pieke handa honiolo hata꞉ alota꞉ Ki na toa꞉me leekepate Tekehalima꞉ hombo peaaso alota꞉ Dia꞉me. Nakana꞉ma꞉ ki temee leekeme.
450	GEN 18:25	Ota꞉ mo tikitiki piki tapaketa꞉ mo hoke hau pa꞉la꞉ wanda꞉hali ame̱le̱ na lu homalipikipema. Kotota꞉ ota꞉ pea꞉peke na ya꞉la꞉ haue. Nakana꞉ma꞉ta꞉ kutupiki hau pea꞉peke na ya꞉la꞉me. Nakana꞉ma꞉ mo da hoeyaeka꞉na꞉ta꞉ kota꞉ mo tikitiki piki tapaketa꞉ mo hoke hau pa꞉la꞉ tapake ame̱le̱ ka꞉nda꞉ pealipikie. Koto ekina꞉ kotota꞉ ota꞉ ana꞉ na pa꞉la꞉ haue. Do kenke paeyaona꞉ pi yokaalu pitele halima꞉ta꞉ ota꞉ tikitiki yao kone pea꞉peke ya꞉la꞉me laa leekeme.
460	GEN 19:2	alota꞉ Hali yaapoo. I̱ta꞉ ipiliki tamba꞉ muluekema꞉ haloma꞉ pilisi ya da nane pomana꞉ ipupe. Ipilika꞉ anke tandepo peliaata꞉ da ka꞉la꞉paasota꞉ timba tiao ipilika꞉ polo pelepe nane poepena꞉ loa꞉me leekeme. Pate ipilikana꞉ma꞉ hombo peaaso alota꞉ Dia꞉me. Dikita꞉ ame do timbata꞉ do daoni wanda꞉halina꞉ mombolo haleme alena꞉ polupekee lepekeme.
461	GEN 19:3	Pate Lodama꞉ta꞉ mo hali yaapo honke paa la꞉tiki pu haota꞉ wetepe nane ipika꞉ da pa꞉ta꞉ hatuku peekeme. Lodama꞉ta꞉ ipika꞉ e pokaasa꞉ haliweki pa꞉ta꞉ alota꞉ Do kimisu tapakena꞉ mandane betedimanu wepiao make epeke ne ma꞉nda꞉ wamo peape leekeme. Kutupa mo ne amu pea wieketa꞉ nemekeme.
465	GEN 19:7	Kutupa ipikana꞉ma꞉ mo haliweki pa꞉ta꞉ alota꞉ Yankeke tonuo. Dupiki temokona꞉ hau na pia꞉pa꞉pee laa iki honke alome.
473	GEN 19:15	Da kelepolo haena꞉ mo enisolo yaapoma꞉ Loda ipupulaaso alota꞉ A̱i̱ a̱i̱ pie. Naka꞉ wandiki ankula꞉ ankula꞉ ota꞉ a̱i̱ hatuku pue. Pa ekipeke mo daoni hoeyaeya꞉ka꞉na꞉ta꞉ iki na homolo peleme tupa꞉ lopa꞉me lepekeme.
485	GEN 19:27	Da ka꞉la꞉paaso sikita꞉ Eipoloha꞉ma꞉ta꞉ ipupula pua mo hande Tekehalina꞉ leke popelekena꞉ pua hayeke alena꞉ paa peekeme.
489	GEN 19:31	Kutupa mo mupeke wandikima꞉ hakepiki pa꞉ta꞉ alota꞉ Diki mea wekiwandiki mendialo pa꞉la꞉ hali ma꞉nda꞉ do kenke paeyao pa꞉ta꞉ na hala꞉me. Kutupa make dika꞉ apa꞉ta꞉ koke yala꞉me.
504	GEN 20:8	Da kelepeeketa꞉ Abimeleke ipika꞉ you haliweki wi la꞉ mepi pea mo piekeeki la haleeke handaa mo haliwekita꞉ paala꞉ma꞉ homemekeme.
511	GEN 20:15	Ipikana꞉ma꞉ Eipoloha꞉ma꞉ pa꞉ta꞉ alota꞉ Dota꞉ yaka kenkema꞉ naka꞉ hone pa꞉la꞉ alena꞉ hae leekeme.
524	GEN 21:10	Kutu pieke Setama꞉ moeki hando hao Eipoloha꞉ma꞉ pa꞉ta꞉ alota꞉ Do pa hameke e pokaasa꞉ wanda꞉ ipika꞉ eiyeke yaapo tapae. Do wanda꞉na꞉ eiyekema꞉ta꞉ mo yaka weki Aisa꞉kema꞉ naka꞉ anketeke mulu pa꞉la꞉ ale ma꞉nda꞉ na mina꞉ lapeke leekeme.
525	GEN 21:11	Doeki leeke ekima꞉ta꞉ Eipoloha꞉ma꞉ma꞉ ka꞉nda꞉ma꞉ homeekeme. Pa ekipeke Isima꞉elo make ipika꞉ wekie hone wieke ekima꞉ piekeme.
528	GEN 21:14	Da ka꞉la꞉paaso sikita꞉ Eipoloha꞉ma꞉ma꞉ Heika pa꞉ta꞉ ne make mo kao yonkelekema꞉ wepiki ikali kanakena꞉ ikali no tumbao haleekeme. Kutupa mo wekita꞉ Heikana꞉ hokina꞉ tu lao pena꞉ tapaeyekeme. Kutu pieke mo wanda꞉ta꞉ pua mo Biasiba hapekena꞉ pomu lopeekeme.
540	GEN 21:26	Abimelekema꞉ hombo peaaso alota꞉ Do hau pa꞉la꞉ someta꞉ epipe. Nakana꞉ma꞉ I̱ na laa keleme. Kutupa ame do siki opitolome leekeme.
544	GEN 21:30	Koto leeke Eipoloha꞉ma꞉ma꞉ hombo peaaso alota꞉ Do wataake hata꞉ sipisipi ikikimanu mie. Do hau pitolopa꞉ ekima꞉ta꞉ nakana꞉ma꞉ do naku ikalita꞉ I̱ma꞉ awa polome loelena꞉ loa꞉me leekeme.
551	GEN 22:3	Da ka꞉la꞉paaso sikita꞉ Eipoloha꞉ma꞉ma꞉ta꞉ mo weki lia halopieke timanu poka ipika꞉ donkina꞉ hokina꞉ mendiao Aisa꞉ke make ipika꞉ e pokaepeke hali yaapo make hatuku peekeme. Ikita꞉ mo hande Koda꞉ma꞉ la haleeke alena꞉ poluekema꞉ pemekeme.
553	GEN 22:5	Kutupa ipikana꞉ma꞉ mo e pokaepeke hali yaapo pa꞉ta꞉ alota꞉ Do donki ame̱le̱ do pate hape. Mo weki dikita꞉ mo pa pate leke pua panda꞉puniao yeiya꞉ lao ipiliki halipi alena꞉ paa ipulupekema꞉ loa꞉me leekeme.
570	GEN 22:22	Diesede make Heiso make Pilida꞉se make Didila꞉pe make
572	GEN 22:24	Kutupa Neihona꞉ yaapo peao mieke wanda꞉ Teumama꞉ta꞉ Diba make Kaha꞉me make Daha꞉se make Maaka make mendiekeme.
583	GEN 23:11	Someo. Opie. I̱ma꞉ta꞉ koto hama꞉ make koto pa꞉ta꞉ ula꞉ tikene da make paeyao neke kulueke. Do yaka da wanda꞉halina꞉ leke popelekena꞉ mo naka꞉ wanda꞉ hoiyuelena꞉ neke kulueke laa leekeme.
599	GEN 24:7	Mo Tekehali oli hepenina꞉ Koda꞉ma꞉ mo yaka apa꞉na꞉ da kenke make mo yaka tapake manuna꞉ kenke make mina꞉pa꞉lao I̱ hatuku epea꞉me. Kutupa ipikana꞉ma꞉ I̱ pa꞉ta꞉ ota꞉ pi la꞉ witolo hata꞉ta꞉ Do kenketa꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ halueke laa lea꞉me. Koto ekina꞉ ipikana꞉ma꞉ta꞉ mo nakana꞉ma꞉ yaka wekina꞉ wanda꞉ mealena꞉ta꞉ ipika꞉ enisolo amba꞉la tapaalieke.
606	GEN 24:14	I̱ma꞉ mo wandiki homeke ma꞉nda꞉ pa꞉ta꞉ dupa lolueke. Pilisio. Naka꞉ ikali kanake mina꞉niao I̱ ikali nono lae lolueke. Ipikana꞉ma꞉ alo hata꞉ Ikali nae laa Naka꞉ kemelo manuna꞉ ikali make mea a꞉ponoe lea꞉ka꞉na꞉ta꞉ kota꞉ ipikita꞉ mo naka꞉ e pokaasa꞉ hali Aisa꞉kena꞉ ma̱leke lili wanda꞉ ya꞉na꞉e. Dupiki hau peaeka꞉na꞉ta꞉ kota꞉ nakana꞉ma꞉ mo yaka you some pa꞉ta꞉ la꞉ wili pita꞉ ota꞉ ya꞉ka꞉ta꞉me laa I̱ma꞉ hone ulueke laa yeni koto tupa꞉ piekeme.
633	GEN 24:41	Kutupa alota꞉ Do naka꞉ pi la꞉ wita꞉la꞉eki pa꞉ta꞉ ka꞉la꞉pa꞉ ta꞉pao halo peleeki homeketa꞉ neke mo yaka tapake pa꞉ta꞉ pelipipate neke kiaemeka꞉na꞉ta꞉ kota꞉ neketa꞉ ka꞉la꞉pa꞉ ta꞉pao halipikie laa lea꞉me.
641	GEN 24:49	Koto ekina꞉ ameta꞉ ikana꞉ma꞉ yaka you some pa꞉ta꞉ pea꞉peke ya꞉la꞉ haumanu ana꞉na꞉ kone pulumeke hone wimika꞉na꞉ta꞉ kota꞉ pilisi I̱ la kipe. Dia꞉ya꞉ka꞉na꞉ make I̱ma꞉ pulu polo hau hone wiono a̱i̱ la kipe leekeme.
642	GEN 24:50	Koto leeke Leibeni pita꞉ Beduelo yaapoma꞉ hombo peaaso alota꞉ Do hauta꞉ mo Tekehali pa꞉ta꞉ yama꞉ a꞉pa꞉la꞉ ekina꞉ta꞉ kota꞉ dikana꞉ma꞉ dupumana꞉e laa pi ma꞉nda꞉ lapeke na ya꞉la꞉me.
661	GEN 25:2	Mo wanda꞉ma꞉ta꞉ weki tonu biki Simitani make Diokosani make Medani make Midiani make Isibake make Sua make mondu wiayekeme.
662	GEN 25:3	Diokosanita꞉ Siba pita꞉ Didani yaapona꞉ ateke yekeme. Kutupa mo Didanima꞉ monduma꞉ monduma꞉ pieke tapaketa꞉ A꞉sutimu make Letusimi make Leumimi make yekeme.