3	GEN 1:3	Kutupa Koda꞉ma꞉ alota꞉ Pa̱a̱ pa꞉la꞉eki wina꞉e leeke handaata꞉ pa̱a̱ piekeme.
30	GEN 1:30	Pate mo tikene hala꞉ hoteke manuma꞉ make ba manuma꞉ make nena꞉ta꞉ mo ambumanu make katake hake timanu wepia wina꞉ laalome leeke handaata꞉ kutu piekeme.
34	GEN 2:3	Koto ekina꞉ ipikana꞉ma꞉ mo wataake peao nateta꞉ ta꞉na꞉ma꞉ homa꞉ tiaasa꞉ pima꞉ Ta꞉ta꞉ ma꞉nda꞉ piki natee laa tombo wina꞉ leekeme. Pa ekipeke koto natena꞉ta꞉ mo ala꞉ta꞉ ala꞉ta꞉ paeyao weputia a꞉pa e poka꞉la꞉eki mina꞉pa꞉laeyeke natee.
37	GEN 2:6	Pate mo kenke oto nane wieke ikalima꞉ta꞉ opa꞉liao mo kenke tenke latiki piekeme.
42	GEN 2:11	Mo titina꞉ ikalita꞉ Pisoni ikalie. Ipikita꞉ mo Ha꞉pila kenke popei yao yapeekeme.
51	GEN 2:20	Koto ekina꞉ mo halima꞉ta꞉ mo bamanu paeyao make hotekemanu paeyao make biki hale hale piekeme. Pate koto ale manuta꞉ ota꞉ ma꞉nda꞉ hondo ipiki tamba꞉ mea꞉peke ta꞉ma꞉ni ma꞉nda꞉ na hayekeme.
65	GEN 3:9	Pate Tekehali Koda꞉ma꞉ mo hali pa꞉ta꞉ wi la꞉moneaaso alota꞉ Neketa꞉ hando pa꞉ta꞉ halepe leekeme.
76	GEN 3:20	A꞉da꞉ma꞉ma꞉ ipika꞉ wanda꞉na꞉ bikita꞉ Ipa꞉ leekeme. Pa ekipeke ipikita꞉ wanda꞉hali paeyaona꞉ inkikie.
82	GEN 4:2	Pa hoki naneta꞉ weki ma꞉nda꞉ Eipolo mondu wiekeme. Eipolota꞉ sipisipi handeteke hayekepate Keinita꞉ e hali hayekeme.
91	GEN 4:11	Neketa꞉ mo esihou pi oto pa꞉ta꞉ haleeki yalota꞉ do kenkena꞉ e ota꞉ pa na pokilipikie laata꞉ Pa ekipeke nakana꞉ma꞉ mo naka꞉ kame lilipi natena꞉ kone mo kenkema꞉ta꞉ ipika꞉ we dodopo lo noluekema꞉ kake ala꞉pelia hake nono pia꞉me.
96	GEN 4:16	Kutu pieke handaa Keinita꞉ mo Tekehalina꞉ leke popelekena꞉ tonona꞉ na hake pao mo Ideni ena꞉ nate opa꞉la꞉ nane mo Pomina꞉la꞉eki leeke kenke ma꞉nda꞉ pa꞉ta꞉ pua hayekeme.
141	GEN 6:3	Kutupa Tekehalima꞉ alota꞉ I̱ma꞉ mo wanda꞉halita꞉ pa na hao haena꞉ lolueke laata꞉ Pa ekipeke ikita꞉ homa꞉peke ya꞉la꞉ loke halemeke handa loa꞉me. Koto ekina꞉ ame do siki kini pea puata꞉ ma꞉nda꞉ 120 bapi haka꞉ta꞉pao na haena꞉ lolueke leekeme.
146	GEN 6:8	Pate mo Tekehalima꞉ta꞉ Noa yaapota꞉ ta꞉na꞉ma꞉ homeekeme.
149	GEN 6:11	Pate Koda꞉na꞉ leke popelekena꞉ wanda꞉hali paeyaota꞉ hoke hauma꞉ tumbulu bao make haku na piki hau pita꞉la꞉eki manuma꞉ta꞉ kenke honiki paeyao pa꞉ta꞉ putu piekeme.
155	GEN 6:17	Pa ekipeke I̱ma꞉ta꞉ do kenkena꞉ haleme pa pitiki ale paeyao siki hoeyaaluekema꞉ yeke ikali tieke a꞉meina꞉ tapaaluekema꞉ loa꞉me. Kutupa do kenkena꞉ haleme aleta꞉ ota꞉ paeyao homilimikie.
156	GEN 6:18	Pate I̱ma꞉ta꞉ neke pa꞉ta꞉ ya pi la꞉ ulueke. Koto ekina꞉ naka꞉ wanda꞉ ipiliki make naka꞉ weki tonu make ika꞉ wanda꞉weki make oni sisima pa꞉ta꞉ pupe.
163	GEN 7:3	Kutupa mo ta꞉ta꞉ ta꞉ta꞉ piki bamanu make wataake hata꞉ tooli tooli lo mea꞉peke. Pa ekipeke kutupiki hau pika꞉na꞉ta꞉ kota꞉ mo ta꞉ta꞉ ta꞉ta꞉ piki hotekemanu make bamanu make na alupiki pa do kenkena꞉ mondu sembelaena꞉ lelipikie.
183	GEN 7:23	Mo Tekehalima꞉ta꞉ do kenkena꞉ pa pitiki alemanu paeyao hoeyaeyekeme. Wanda꞉hali make hotekemanu make bamanu make paeya꞉ tapao hoeyaeyekeme. Pate Noa ame̱le̱ oni sisima pa꞉ta꞉ pitimikieki homeke pa pambo haemekeme.
205	GEN 8:21	Kutu pieke handaa mo lia haleeke hotekena꞉ totopo seliapoma꞉ta꞉ mo Tekehali ta꞉na꞉ homa꞉ tiayeke handaa ipika꞉ kone alota꞉ Do wanda꞉halima꞉ pu haleme ekina꞉ I̱ma꞉ do kenketa꞉ esihou pi oto pa꞉ta꞉ ota꞉ paa na wina꞉ lolueke. Pa ekipeke ika꞉ mo panake daeta꞉la꞉me ale pa꞉ta꞉ koneta꞉ hoke honemanu wilimi ekita꞉ I̱ma꞉ hone ulu ekina꞉ loa꞉me. Koto ekina꞉ I̱ma꞉ ame do pua꞉ tupa꞉ mo do kenkena꞉ pa pitiki alemanu paeyao ota꞉ paa a꞉nda꞉ na hoeyaalueke.
210	GEN 9:4	pa mo we pa pitiki hoteke homeke na napa꞉peke. Pa ekipeke mo da꞉ta꞉la꞉ ekita꞉ koto we pa꞉ta꞉ pileke loa꞉me.
249	GEN 10:14	Pa꞉dutusi make Ka꞉solu make mo Pilisidaini wanda꞉hali kini pa꞉la꞉ da Ka꞉podo make koto da wanda꞉hali yekeme.
260	GEN 10:25	Ebeta꞉ weki yaapo mondu wiekeme. Weki ma꞉nda꞉na꞉ bikita꞉ Peleke leeke ekita꞉ mo weki ipika꞉ hayeke natena꞉ta꞉ do kenkena꞉ haemeke wanda꞉halita꞉ putupa꞉ alualu pieke handa leekeme. Kutupa weki ma꞉nda꞉na꞉ bikita꞉ Diokotani leekeme.
283	GEN 11:16	Mo Ebeta꞉ bapi 34 mieketa꞉ weki Peleke mondu wiekeme.
285	GEN 11:18	Mo Peleketa꞉ bapi 30 mieketa꞉ weki Teu mondu wiekeme.
309	GEN 12:10	Pate koto Keinani kenke pa꞉ta꞉ta꞉ tea꞉ ki tieke epeeke handaa Eipola꞉ma꞉ma꞉ta꞉ ka꞉wa꞉ nanema꞉ papate leke puo pu hao mo Idiepi kenke pa꞉ta꞉ pa ta꞉ka꞉li halo peekeme.
316	GEN 12:17	Pate mo kinima꞉ Sa꞉tai mieke ekina꞉ta꞉ Tekehalima꞉ mo ipiki pa꞉ta꞉ make ipika꞉ da pa꞉ta꞉ haemeke wanda꞉hali pa꞉ta꞉ make ota꞉ hoke yeni kimanu yapena꞉ leekeme.
326	GEN 13:7	Kutu piekeeki yalo hata꞉ mo Eipola꞉ma꞉na꞉ ma꞉na꞉ hotekemanu handeteke haemeke haliweki pita꞉ mo Lodana꞉ ma꞉na꞉ hotekemanu handeteke haemeke haliweki ika꞉ ika꞉ kone ape ape la꞉tiki pimikime. Koto nate nina꞉ta꞉ mo Keinani wanda꞉hali make Petese wanda꞉hali make pa haemekeme.
347	GEN 14:10	Koto hawetena꞉ta꞉ kolodama꞉ wepiki naku manuma꞉ tumbieke ekiyalo mo Sodomo Komoto da yaapona꞉ kini yaapota꞉ mo a꞉nda꞉na꞉ pindipa polueke alo pepekepate koto naku pa꞉ta꞉ pua lopepekeme. Pate mo pa haemeke kini tepota꞉ mo pote pa꞉ta꞉manu pindipa pemekeme.
350	GEN 14:13	Pate hali homeke ma꞉nda꞉ta꞉ pindipa pua mo A꞉mo tapake hali Ma꞉motena꞉ timanu hayeke ale nanema꞉ hayeke Hibulu hali Eipola꞉ma꞉ pa꞉ta꞉ a꞉pa mo koto haumanu la haleekeme. Ma꞉mote make ipika꞉ kame yaapo Esikolo pita꞉ A꞉na꞉ maketa꞉ Eipola꞉ma꞉na꞉ tamba꞉ mina꞉la꞉ haliweki haemekeme.
362	GEN 15:1	Do haumanu hoki naneta꞉ Eipola꞉ma꞉ma꞉ upa piki nono pea Koda꞉ma꞉ ipiki pa꞉ta꞉ dupa leekeeki opiekeme. Eipola꞉ma꞉o. Paala꞉ma꞉ na homa꞉pee. I̱ma꞉ta꞉ mo ekia꞉nda꞉ pilia꞉ pa꞉ta꞉ta꞉ I̱ta꞉ ota꞉ naka꞉ hanka꞉ tupa꞉ hata꞉ neke pa꞉ta꞉ta꞉ yenki tieke kulueke leekeme.
363	GEN 15:2	Pate Eipola꞉ma꞉ma꞉ alota꞉ Tekehali Koda꞉o. Mo I̱ta꞉ wekiwandiki make dia꞉me. Kota꞉ pa ekipa epeke yenki kilipikipe. Yaka anke teke mulu pa꞉la꞉ halita꞉ mo Damasikasi hali Eliesa homeke hala꞉me.
369	GEN 15:8	Pate Eipola꞉ma꞉ma꞉ lota꞉ pitolo alota꞉ Tekehali Koda꞉o. I̱ma꞉ ota꞉ yaka kenke laata꞉ Ekipa hone wionope leekeme.
375	GEN 15:14	Pate kutu pilia꞉ tapaketa꞉ I̱ma꞉ ka꞉nda꞉ halo polopate mo naka꞉ monduma꞉ monduma꞉ pilipi wekiwandikita꞉ koto kenke mina꞉pa꞉lao pemeka꞉na꞉ta꞉ ala꞉ta꞉ ala꞉ta꞉ tieke mea pelimikie.
381	GEN 15:20	Hidi wanda꞉halina꞉ kenke make Petese wanda꞉halina꞉ kenke make mo Tepa꞉imi wanda꞉halina꞉ kenke make
383	GEN 16:1	Eipola꞉ma꞉na꞉ weteke Sa꞉taima꞉ta꞉ weki ma꞉nda꞉ na mendiaeyekeme. Pate ipikana꞉ma꞉ta꞉ pa hameke e pokaasa꞉ Idiepi wandiki biki Heika hatuku hayekeme.
391	GEN 16:9	Mo enisoloma꞉ alota꞉ Pao la꞉ka꞉la pua ipika꞉ pa hameke e pokaasa꞉ wanda꞉ hapeke leekeme.
393	GEN 16:11	Neketa꞉ hali weki mendilipikima꞉ ipika꞉ bikita꞉ Isima꞉elo lapeke. Pa ekipeke mo Tekehalima꞉ta꞉ naka꞉ ka꞉nda꞉ma꞉ homolo e̱ leleeki opa꞉la꞉ ekina꞉ loa꞉me.
394	GEN 16:12	Pate naka꞉ wekita꞉ mo sayale au la꞉la꞉ donkima꞉ handaa ipikita꞉ paeyao pa꞉ta꞉ a꞉nda꞉ tunkulaa hata꞉ paeyaoma꞉ta꞉ ipiki pa꞉ta꞉ a꞉nda꞉ tunkulimikie. Kutupa ipikita꞉ yankeke paeyao ame̱le̱ na hao peliki ta꞉ta꞉ halieke leekeme.
396	GEN 16:14	Koto ekina꞉ wanda꞉halima꞉ mo Keidese hao mo Betede tukikina꞉ ula꞉ naku ikalita꞉ Mo I̱ Handa꞉la꞉ Pa Hao Hala꞉ Halina꞉ Naku Ikalie lelememe.
403	GEN 17:5	Naka꞉ bikita꞉ Eipola꞉ma꞉ dia꞉yalo ameta꞉ Eipoloha꞉ma꞉e. Pa ekipeke neketa꞉ tutu paeyaona꞉ apa꞉mei hawaasome.
412	GEN 17:14	Koto pa꞉la꞉pate iki ma꞉nda꞉ epi sekemesaisi hau na pia꞉ka꞉na꞉ta꞉ kota꞉ Ya tapakee pi na lolueke. Pa ekipeke ipikana꞉ma꞉ta꞉ yaka pi la꞉ ulueki na wia haleke loa꞉me leekeme.
416	GEN 17:18	Kutupa ipikana꞉ma꞉ Koda꞉ pa꞉ta꞉ lota꞉ pitolo alota꞉ Pa ekipeke Isima꞉eloma꞉ yaka anketeke na mina꞉ alepe leekeme.
417	GEN 17:19	Pate Koda꞉ma꞉ alota꞉ Dia꞉me. Naka꞉ wanda꞉ Setama꞉ naka꞉ weki mendiaeya꞉ka꞉na꞉ta꞉ ipika꞉ bikita꞉ Aisa꞉ke lelipikie. I̱ma꞉ta꞉ ipiki make ipika꞉ monduma꞉ monduma꞉ pilia꞉ wekiwandikina꞉ wekiwandiki ame̱le̱ make hoto paeyao yaka pi la꞉ witoloeki pa wia halumeke. Koto pi la꞉ witolo ekita꞉ ota꞉ na paeke pa u halo pa꞉la꞉ekie.
419	GEN 17:21	Pate I̱ma꞉ta꞉ naka꞉ weki Aisa꞉ke yaapo yaka pi la꞉ witoloeki miniki halueke. Ipikita꞉ do homeke natena꞉ kone mo bapina꞉ Setama꞉ mendilieke leekeme.
452	GEN 18:27	Eipoloha꞉ma꞉ma꞉ pi paa alo alota꞉ Tekehalio. Pilisi I̱ma꞉ paala꞉ma꞉ na homeke pi paa alo ekina꞉ hone na wia꞉peke. I̱ta꞉ pa kenke hali yalo pi ma꞉nda꞉ lapeketa꞉ na ya꞉la꞉pate pa
454	GEN 18:29	Eipoloha꞉ma꞉ma꞉ paa ombu alota꞉ Pa 40 tapake homeke haya꞉ka꞉na꞉ta꞉ eki pilipikipe leekeme. Ipikana꞉ma꞉ hombo peaaso alota꞉ Kota꞉ 40 tapake haya꞉ka꞉na꞉ make ota꞉ na hoeyalueke leekeme.
455	GEN 18:30	Eipoloha꞉ma꞉ma꞉ alota꞉ Pilisi Tekehalio. I̱ma꞉ pi paa lapeke ya꞉la꞉ma꞉ mineke na panka꞉peke. Mo tapake 30 homeke haya꞉ka꞉na꞉ta꞉ eki pilipikipe leekeme. Tekehalima꞉ hombo peaaso alota꞉ 30 tapake handa꞉ ua꞉ka꞉na꞉ maketa꞉ na hoeyalueke leekeme.
456	GEN 18:31	Eipoloha꞉ma꞉ma꞉ alota꞉ Tekehalio. Pilisi I̱ma꞉ paala꞉ma꞉ na homeke neke pa꞉ta꞉ pi pa la꞉tia pulu ekina꞉ hone na wia꞉peke. Mo pa꞉ta꞉ pa 20 homeke handa꞉ wika꞉na꞉ta꞉ eki pilipipe leekeme. Ipikana꞉ma꞉ alota꞉ 20 handa꞉ ua꞉ka꞉na꞉ make na hoeyalueke leekeme.
457	GEN 18:32	Eipoloha꞉ma꞉ma꞉ alota꞉ Tekehalio. Pilisi ota꞉ hoto homeke lota꞉ puluekema꞉ mineke na panka꞉peke. Kiki yaapo homeke handa꞉ wika꞉na꞉ta꞉ eki pilipikipe leekeme. Ipikana꞉ma꞉ alota꞉ Kiki yaapo handa꞉ ua꞉ka꞉na꞉ make na hoeyalueke leekeme.
460	GEN 19:2	alota꞉ Hali yaapoo. I̱ta꞉ ipiliki tamba꞉ muluekema꞉ haloma꞉ pilisi ya da nane pomana꞉ ipupe. Ipilika꞉ anke tandepo peliaata꞉ da ka꞉la꞉paasota꞉ timba tiao ipilika꞉ polo pelepe nane poepena꞉ loa꞉me leekeme. Pate ipilikana꞉ma꞉ hombo peaaso alota꞉ Dia꞉me. Dikita꞉ ame do timbata꞉ do daoni wanda꞉halina꞉ mombolo haleme alena꞉ polupekee lepekeme.
461	GEN 19:3	Pate Lodama꞉ta꞉ mo hali yaapo honke paa la꞉tiki pu haota꞉ wetepe nane ipika꞉ da pa꞉ta꞉ hatuku peekeme. Lodama꞉ta꞉ ipika꞉ e pokaasa꞉ haliweki pa꞉ta꞉ alota꞉ Do kimisu tapakena꞉ mandane betedimanu wepiao make epeke ne ma꞉nda꞉ wamo peape leekeme. Kutupa mo ne amu pea wieketa꞉ nemekeme.
466	GEN 19:8	Handa꞉pe yaka moputali wandiki yaapo hala꞉ma꞉ ika꞉ hone pa꞉la꞉eki puemena꞉ hama hatuku eponoe. Pate do hali yaapo pa꞉ta꞉ta꞉ hau ma꞉nda꞉ na pia꞉pa꞉pee. Ipilikita꞉ yaka kimisu hali yaapo ya꞉la꞉ ekina꞉ I̱ma꞉ handeteke hapeke ya꞉la꞉ma꞉ leekeme.
468	GEN 19:10	Pate mo da tukiki pa꞉ta꞉ pitipiki kimisu hali yaapoma꞉ta꞉ kiki hokulu peao Loda yola꞉ mea oni da tukiki pa꞉ta꞉ lopao pota꞉ poka꞉peekeme.
471	GEN 19:13	Pa ekipeke do daonita꞉ dikana꞉ma꞉ hoeyalo polopa꞉ ekina꞉ lopa꞉me. Mo Tekehalima꞉ta꞉ do Sodomo wanda꞉halina꞉ pi laasa꞉ ekita꞉ ota꞉ hoke tupa꞉ opua do Sodomo hoeya ponoyeke diki tapaala꞉me lepekeme.
473	GEN 19:15	Da kelepolo haena꞉ mo enisolo yaapoma꞉ Loda ipupulaaso alota꞉ A̱i̱ a̱i̱ pie. Naka꞉ wandiki ankula꞉ ankula꞉ ota꞉ a̱i̱ hatuku pue. Pa ekipeke mo daoni hoeyaeya꞉ka꞉na꞉ta꞉ iki na homolo peleme tupa꞉ lopa꞉me lepekeme.
474	GEN 19:16	Pate Lodama꞉ta꞉ kiao tapeke nono pieketa꞉ mo Tekehalima꞉ta꞉ Loda a꞉ta꞉ma꞉ homolo hata꞉ mo hali yaapoma꞉ Loda make ipika꞉ waneke ankula ankula paeyao kikima꞉ mea hatuku mo daoni mina꞉pa꞉lao pemekeme.
476	GEN 19:18	Pate Lodama꞉ hombo peaaso alota꞉ Someo. Pilisi ota꞉ dia꞉me. Nikana꞉ma꞉ dupiki hau na piomono lapee.
484	GEN 19:26	Pate Lodana꞉ weteketa꞉ paa la꞉ka꞉la꞉ handa꞉moneao hao ipikita꞉ epi punka au laa hayekeme.
487	GEN 19:29	Pate Koda꞉ma꞉ hande Loda hayeke daoni yaapo hoeyaeyeke dina꞉ta꞉ ipika꞉ hone pa꞉ta꞉ Eipoloha꞉ma꞉ hone pa wia hata꞉ Loda pindipa pena꞉ leekeme.
500	GEN 20:4	Pate Abimeleketa꞉ mo wanda꞉ teke pa꞉ta꞉ na epeeke ekina꞉ alota꞉ Tekehalio. I̱ta꞉ hokeeki ma꞉nda꞉ na poloma꞉ I̱ make yaka wanda꞉hali make hoeyalipikipe.
503	GEN 20:7	Koto ekina꞉ ameta꞉ mo wanda꞉ ipika꞉ haliki pa꞉ta꞉ paa hala꞉peke. Mo halita꞉ potopede hali halekena꞉ ipikana꞉ma꞉ nekena꞉ yeni peaya꞉ka꞉na꞉ta꞉ kota꞉ neke na homilipikie. Pate mo wanda꞉ pa na haleka꞉na꞉ta꞉ kota꞉ neke kinki pitoloma꞉ laa neke make naka꞉ wanda꞉hali make homilimikie leekeme.
508	GEN 20:12	Pate mo wanda꞉ta꞉ ota꞉ yaka ana꞉e. Ipikita꞉ yaka apa꞉na꞉ waneke ya꞉la꞉pate ama꞉ homeke ta꞉ta꞉e. Kota꞉ I̱ma꞉ mea polome.
525	GEN 21:11	Doeki leeke ekima꞉ta꞉ Eipoloha꞉ma꞉ma꞉ ka꞉nda꞉ma꞉ homeekeme. Pa ekipeke Isima꞉elo make ipika꞉ wekie hone wieke ekima꞉ piekeme.
526	GEN 21:12	Pate Koda꞉ma꞉ Eipoloha꞉ma꞉ pa꞉ta꞉ alota꞉ Mo naka꞉ pa hameke e pokaasa꞉ wanda꞉ Heika make mo weki Isima꞉elo yaapona꞉ pomoma꞉ na homa꞉peke. Mo Setama꞉ pia꞉ ala꞉ ekita꞉ ota꞉ pea꞉peke. Pa ekipeke mo I̱ma꞉ pi la꞉ ua꞉ tupa꞉ naka꞉ monduma꞉ monduma꞉ pilipi wekiwandikina꞉ wekiwandikita꞉ Aisa꞉ke pa꞉ta꞉ yama꞉ ipilieke.
527	GEN 21:13	Kutupa make mo pa hameke e pokaasa꞉ wanda꞉na꞉ eiyeke pa꞉ta꞉ make wekiwandiki wopu halaa tutu tieke halieke. Pa ekipeke mo weki make naka꞉ weki ya꞉la꞉ ekina꞉ loa꞉me leekeme.
532	GEN 21:18	Tiao. Pua mo weki pua hopulu mea homupeae. I̱ma꞉ta꞉ do weki pa꞉ta꞉ yama꞉ta꞉ ipika꞉ monduma꞉ monduma꞉ pilia꞉ wekiwandikina꞉ wekiwandikita꞉ tutu tieke hawalueke leekeme.
534	GEN 21:20	Kutupa mo weki daeya꞉liayeke ale pa꞉ta꞉ kone Koda꞉ma꞉ta꞉ mo weki handeteke hayekeme. Mo wekita꞉ mo Pa꞉tani hapekena꞉ hata꞉ eiya꞉nala꞉ ekina꞉ handa wiki some hayekeme.
536	GEN 21:22	Koto natena꞉ta꞉ Abimeleketa꞉ ipika꞉ amina꞉ you hali Pikolo yaapo pua Eipoloha꞉ma꞉ pa꞉ta꞉ alota꞉ Naka꞉ pitele hau paeyao pa꞉ta꞉ta꞉ Koda꞉ta꞉ neke yaapo hala꞉me.
546	GEN 21:32	Koto pi lo tonkao wiata꞉ Abimeleke pita꞉ Pikolo yaapota꞉ mo Pilisidia kenke nane paa pepekeme.
547	GEN 21:33	Kutupa Eipoloha꞉ma꞉ma꞉ta꞉ mo Biasiba pa꞉ta꞉ta꞉ mo napu ti homeke ma꞉nda꞉ noka꞉paata꞉ mo Pa Hao Hala꞉ Tekehali Koda꞉ pa꞉ta꞉ panda꞉puniao yeiya꞉ layekeme.
548	GEN 21:34	Kutupa Eipoloha꞉ma꞉ma꞉ta꞉ nate hokuluna꞉ Pilisidia kenke pa꞉ta꞉ hayekeme.
564	GEN 22:16	I̱ta꞉ Tekehalima꞉ ota꞉ yaka bikina꞉ pi la꞉ witolota꞉ I̱ma꞉ta꞉ neke wopu epealueke. Pa ekipeke. Nakana꞉ma꞉ta꞉ naka꞉ homeke weki kone na sa꞉sa꞉piki I̱ pa꞉ta꞉ kuluekema꞉ taape ekina꞉ loa꞉me.
570	GEN 22:22	Diesede make Heiso make Pilida꞉se make Didila꞉pe make
584	GEN 23:12	Pate Eipoloha꞉ma꞉ma꞉ mo Hidi wanda꞉hali pa꞉ta꞉ panda꞉puniao paeyaoma꞉ opitolo haena꞉
585	GEN 23:13	mo Epotoni pa꞉ta꞉ alota꞉ Pilisi yaka pi opie. I̱ma꞉ta꞉ mo hama paeyao hamboloma꞉ mo kitolo yenkita꞉ na kiake mie. Kutupa yaka wanda꞉ koto pate hoilueke leekeme.
587	GEN 23:15	Someo. Mo kenketa꞉ pa 400 silipa manima꞉ homeke hamba꞉peke ya꞉la꞉ma꞉ dikita꞉ ala꞉ta꞉ ma꞉nda꞉ dia꞉me. Pa pina꞉ma꞉ naka꞉ wanda꞉ koto pa꞉ta꞉ hoie leekeme.
597	GEN 24:5	Pate mo e pokaasa꞉ halima꞉ lota꞉ pitolo alota꞉ Mo wandikima꞉ ipika꞉ da mina꞉pa꞉lao I̱ yaapo do kenke nane a꞉pa꞉peke kiaya꞉ka꞉na꞉ta꞉ pa eki puluepe laata꞉ I̱ma꞉ naka꞉ wekita꞉ mo neke epele kenke nane pena꞉ tapaaluepe laa lota꞉ piekeme.
600	GEN 24:8	Pate mo wandiki neke yaapo a꞉pa꞉peke kiaya꞉ka꞉na꞉ta꞉ kota꞉ neketa꞉ do pi la꞉ witele ekita꞉ paka꞉lalipikie. Pate hau ma꞉nda꞉ pia꞉ka꞉na꞉ kone yaka wekita꞉ koto nane ota꞉ na hatuku pua꞉peke leekeme.
606	GEN 24:14	I̱ma꞉ mo wandiki homeke ma꞉nda꞉ pa꞉ta꞉ dupa lolueke. Pilisio. Naka꞉ ikali kanake mina꞉niao I̱ ikali nono lae lolueke. Ipikana꞉ma꞉ alo hata꞉ Ikali nae laa Naka꞉ kemelo manuna꞉ ikali make mea a꞉ponoe lea꞉ka꞉na꞉ta꞉ kota꞉ ipikita꞉ mo naka꞉ e pokaasa꞉ hali Aisa꞉kena꞉ ma̱leke lili wanda꞉ ya꞉na꞉e. Dupiki hau peaeka꞉na꞉ta꞉ kota꞉ nakana꞉ma꞉ mo yaka you some pa꞉ta꞉ la꞉ wili pita꞉ ota꞉ ya꞉ka꞉ta꞉me laa I̱ma꞉ hone ulueke laa yeni koto tupa꞉ piekeme.
609	GEN 24:17	Kutupa mo hande e pokaasa꞉ hali ankeao pua mo wandiki manda꞉hande pitolo hata꞉ alota꞉ Pilisi naka꞉ kanake pa꞉ta꞉ pila꞉ ikali ma꞉nda꞉ nono lae leekeme.
615	GEN 24:23	Kutupa alota꞉ Pilisi naka꞉ apa꞉ta꞉ epika꞉ta꞉pe laata꞉ I̱ la kie. Kutupa ipika꞉ da pa꞉ta꞉ta꞉ I̱ make do yaka haliweki make polu polome da panda꞉ta꞉ ana꞉na꞉ ula꞉pe leekeme.
634	GEN 24:42	Koto ekina꞉ I̱ ame mo naku ikali pa꞉ta꞉ a꞉pa hata꞉ yeni dupa pua꞉me. Yaka you hali Eipoloha꞉ma꞉na꞉ Tekehali Koda꞉o. Pilisi I̱ma꞉ do pitolo ekita꞉ pu epeano lae.
637	GEN 24:45	Koto yaka onina꞉ honema꞉ yeni pa pitolo hano kone Lepekata꞉ ikali kanake ipika꞉ peiyokona꞉ tia oni naku ikali pa꞉ta꞉ ikali nolo yapea꞉me. Kutu pieke I̱ma꞉ ipiki pa꞉ta꞉ alota꞉ Pilisio. I̱ ikali kie loa꞉me.
640	GEN 24:48	Kutupa I̱ta꞉ tumiki yotuao Tekehali pa꞉ta꞉ panda꞉puniao yeiya꞉ lawa꞉me. Pa ekipeke mo Tekehali yaka you some Eipoloha꞉ma꞉na꞉ Koda꞉ ipikana꞉ma꞉ I̱ta꞉ mo yaka you somena꞉ tapake pa꞉ta꞉ kone hatuku epea꞉me. Kutupa ika꞉ wandiki yaka you somena꞉ eiyekena꞉ handa꞉ wiano la꞉la꞉ ekina꞉ ipika꞉ biki mina꞉liawa꞉me.
647	GEN 24:55	Pate Lepekana꞉ beliki pita꞉ inkiki yaapoma꞉ alota꞉ Mo wandikita꞉ niki ame̱le̱ pula homeke o nate kiki yaapomanu pa hao epena꞉ lolumeke lepekepate
654	GEN 24:62	Kutupa Aisa꞉keta꞉ hapu hala꞉ alena꞉ mo hande Handa꞉la꞉ Pa Hao Hala꞉ Halina꞉ Naku Ikali ula꞉ alena꞉ mo Keinani kenkena꞉ ka꞉wa꞉ nanema꞉ a꞉pa hayekeme.
665	GEN 25:6	Pate ipiki a̱i̱ na homeke pita꞉ta꞉ mo ipika꞉ mandane wanda꞉wekima꞉ mendiaeyeke weki tonu pa꞉ta꞉ta꞉ pa hameke hala꞉la꞉ alemanu haleekeme. Kutupa koto weki tonuta꞉ mo nate ipula꞉ nane Aisa꞉ke mina꞉pa꞉lao pena꞉ leekeme.
670	GEN 25:11	Kutupa Eipoloha꞉ma꞉ homeke hoki naneta꞉ ipika꞉ weki Aisa꞉keta꞉ Koda꞉ma꞉ epeayekeme. Aisa꞉keta꞉ mo Handa꞉la꞉ Pa Hao Hala꞉ Halina꞉ Naku Ikali teke pa꞉ta꞉ hayekeme.
686	GEN 25:27	Mo weki yaapo daeyaata꞉ Isota꞉ eiya꞉nala꞉ ekina꞉ handa wiki some hata꞉ mo hama꞉ nane pita꞉la꞉ ekina꞉ puki wieke some hayekeme. Pate Dieikopeta꞉ kesema꞉ hata꞉ da hao hayeke some yekeme.
687	GEN 25:28	Aisa꞉kema꞉ta꞉ Iso pa꞉ta꞉ta꞉ pukima꞉ homeekeme. Pa ekipeke ipikana꞉ma꞉ta꞉ mo Isoma꞉ lia꞉tiki pieke hotekemanu tendema꞉ homa na꞉tiki piekeme. Pate Lepekama꞉ta꞉ Dieikope pa꞉ta꞉ pukima꞉ homeekeme.
694	GEN 26:1	Koto kenke pa꞉ta꞉ta꞉ mo hande amba꞉ titina꞉ Eipoloha꞉ma꞉ hayeke dina꞉ epeeke tea꞉ kima꞉ handekeeki paa epeekeme. Kota꞉ Aisa꞉keta꞉ mo Kita daoni nane mo Pilisidaini wanda꞉halina꞉ kini Abimeleke hayeke nane peekeme. A̱i̱ na peeke haena꞉ta꞉
702	GEN 26:9	Kutupa Abimelekema꞉ Aisa꞉ke handa꞉ mulu pena꞉ la alota꞉ Kota꞉ naka꞉ wanda꞉ ya꞉ka꞉ta꞉me. Pa ekipeke naka꞉ ana꞉e la pelepe leekeme. Aisa꞉kema꞉ hombo peaaso alota꞉ Yaka honema꞉ta꞉ Yaka wanda꞉e loa꞉ka꞉na꞉ta꞉ kota꞉ I̱ limikie hone ua꞉me leekeme.
707	GEN 26:14	Aisa꞉keta꞉ sipisipi wopu make kaomanu wopu make e pokaasa꞉ haliweki wopu make yalo hata꞉ mo Pilisidaini tapakema꞉ta꞉ we pambemekeme.
711	GEN 26:18	Koto pateta꞉ mo hande Eipoloha꞉ma꞉ hayeke natena꞉ naku ikalimanu aweekepate Eipoloha꞉ma꞉ homeeke dina꞉ta꞉ mo Pilisidaini tapakema꞉ta꞉ ao tumbaemekeme. Koto naku ikali manuta꞉ Aisa꞉kema꞉ pa aweekeme. Ipikana꞉ma꞉ mo naku ikali biki manuta꞉ atekema꞉ leekeeki kone paa leekeme.
714	GEN 26:21	Kutupa Aisa꞉kena꞉ e pokaemeke haliwekima꞉ naku ikali ma꞉nda꞉ awemekepate koto ekina꞉ make ape hankiliki ombu yolemeke handaa mo naku ikalina꞉ bikita꞉ A꞉nda꞉ Pita꞉la꞉ekie leekeme.