43	GEN 2:12	Mo ala꞉ta꞉ ma꞉nda꞉ na ta̱leke kolo make totopo piki weta꞉ make seliapo piki toopimanu make koto pa꞉ta꞉ handa꞉peke ya꞉la꞉me.
54	GEN 2:23	Kutu pieke mo halima꞉ alota꞉ Ameta꞉ wetepe siki nane I̱ma꞉ handeke yankeke ma꞉nda꞉ doe. Ipika꞉ holikita꞉ yaka holiki pa꞉ta꞉ yama꞉ kone mea ipika꞉ loketa꞉ yaka loke pa꞉ta꞉ yama꞉ kone ma꞉la꞉me. Ipikita꞉ mo hali pa꞉ta꞉ yama꞉ kone miekeeki yalo hata꞉ta꞉ ipika꞉ bikita꞉ wanda꞉e leekeme.
72	GEN 3:16	Kutupa Koda꞉ma꞉ mo wanda꞉ pa꞉ta꞉ alota꞉ I̱ma꞉ neketa꞉ naka꞉ weki loke lombilipi ale pa꞉ta꞉ta꞉ ka꞉nda꞉ pa꞉la꞉eki haka꞉ta꞉peao make weki milipi ale pa꞉ta꞉ta꞉ tanda pa꞉la꞉eki make haka꞉ta꞉palueke. Dupina꞉ kone nakana꞉ma꞉ta꞉ naka꞉ haliki hone wopu wia ipiki oto pa꞉ta꞉ halipikie.
75	GEN 3:19	Kutupa mo kenkema꞉ anemone ale opena꞉ yeketa꞉ a꞉ka꞉li mendia honkopu hao e poka꞉tiki pilipikie. Dupiki hau putia pua mo neke wa꞉pa꞉la꞉ kenke pa꞉ta꞉ pulu hata꞉ta꞉ mina꞉pa꞉lalipikie. Neketa꞉ dokoloma꞉ wepiekeeki yalo hata꞉ dokolo au kone lelipikie.
89	GEN 4:9	Mo Tekehalima꞉ Keini lota꞉ pitolo alota꞉ Naka꞉ kame Eipolota꞉ hando pa꞉ta꞉ hala꞉pe leekeme. Koto leeke Keinima꞉ hombo peaaso alota꞉ I̱ mata꞉la꞉me. Yaka kameta꞉ I̱ma꞉ handeteke hapeke ya꞉la꞉pe leekeme.
207	GEN 9:1	Koda꞉ma꞉ Noa a꞉tala꞉ a꞉tala꞉ pa꞉ta꞉ epeaasa꞉ pima꞉ alota꞉ Ika꞉ monduma꞉ monduma꞉ pilimi wekiwandikita꞉ do kenke honiki paeyao pa꞉ta꞉ haena꞉ma꞉ wekiwandiki wopu mendia꞉pa꞉peke.
303	GEN 12:4	Mo Eipola꞉ma꞉ ipiki bapi 75 mieketa꞉ mo hande Koda꞉ma꞉ leeke tupa꞉ Hatani da mina꞉pa꞉laeyekeme. Hande Loda make ipika꞉ yaapo peekeme.
335	GEN 13:16	I̱ma꞉ta꞉ ma꞉nda꞉ma꞉ na yata꞉pa꞉ ta꞉palo pa꞉la꞉ tupa꞉ naka꞉ monduma꞉ monduma꞉ pilipi wekiwandikina꞉ wekiwandikita꞉ wopu kulueke. Ma꞉nda꞉ma꞉ do kenkena꞉ ula꞉ dokolo yata꞉pa꞉ ta꞉paya꞉ka꞉na꞉ta꞉ kota꞉ naka꞉ monduma꞉ monduma꞉ pilipi wekiwandikina꞉ wekiwandiki make yata꞉pa꞉ ta꞉paena꞉e.
362	GEN 15:1	Do haumanu hoki naneta꞉ Eipola꞉ma꞉ma꞉ upa piki nono pea Koda꞉ma꞉ ipiki pa꞉ta꞉ dupa leekeeki opiekeme. Eipola꞉ma꞉o. Paala꞉ma꞉ na homa꞉pee. I̱ma꞉ta꞉ mo ekia꞉nda꞉ pilia꞉ pa꞉ta꞉ta꞉ I̱ta꞉ ota꞉ naka꞉ hanka꞉ tupa꞉ hata꞉ neke pa꞉ta꞉ta꞉ yenki tieke kulueke leekeme.
384	GEN 16:2	Koto ekina꞉ Sa꞉taima꞉ Eipola꞉ma꞉ pa꞉ta꞉ alota꞉ Mo Tekehalima꞉ I̱ weki na mendiono ala꞉ ekina꞉ mo yaka pa hameke e pokaasa꞉ wandiki yaapo pelia꞉peke na ya꞉la꞉pe. Kutu pika꞉na꞉ta꞉ ipikana꞉ma꞉ yaka weki mendiaena꞉ loa꞉me leekeme. Koto leeke Eipola꞉ma꞉ma꞉ta꞉ Sa꞉taima꞉ leeke pina꞉ta꞉ a꞉pa꞉la꞉me leekeme.
403	GEN 17:5	Naka꞉ bikita꞉ Eipola꞉ma꞉ dia꞉yalo ameta꞉ Eipoloha꞉ma꞉e. Pa ekipeke neketa꞉ tutu paeyaona꞉ apa꞉mei hawaasome.
411	GEN 17:13	Hali paeyao sikita꞉ sekemesaisi hau peapeke ya꞉la꞉me. Kutupa do manda lokena꞉ pitoloma꞉ ekita꞉ mo na paeke pa u halo pa꞉la꞉ pi la꞉ witolo ekina꞉ patehau pitoloeki walieke.
417	GEN 17:19	Pate Koda꞉ma꞉ alota꞉ Dia꞉me. Naka꞉ wanda꞉ Setama꞉ naka꞉ weki mendiaeya꞉ka꞉na꞉ta꞉ ipika꞉ bikita꞉ Aisa꞉ke lelipikie. I̱ma꞉ta꞉ ipiki make ipika꞉ monduma꞉ monduma꞉ pilia꞉ wekiwandikina꞉ wekiwandiki ame̱le̱ make hoto paeyao yaka pi la꞉ witoloeki pa wia halumeke. Koto pi la꞉ witolo ekita꞉ ota꞉ na paeke pa u halo pa꞉la꞉ekie.
428	GEN 18:3	alota꞉ Haliwekio. Yaka da pa꞉ta꞉ hoto na pitiki pa na lombei pea꞉pa꞉peke. I̱ta꞉ iki tamba꞉ muluekema꞉ halome.
445	GEN 18:20	Koto hone wia mo Tekehalima꞉ Eipoloha꞉ma꞉ pa꞉ta꞉ alota꞉ Mo Sodomo Komoto da yaapona꞉ pi laasa꞉eki manuta꞉ ota꞉ hokeeki laaloendi pita꞉la꞉me. Kutupa ipilika꞉ hoke hauta꞉ ota꞉ tiekee.
450	GEN 18:25	Ota꞉ mo tikitiki piki tapaketa꞉ mo hoke hau pa꞉la꞉ wanda꞉hali ame̱le̱ na lu homalipikipema. Kotota꞉ ota꞉ pea꞉peke na ya꞉la꞉ haue. Nakana꞉ma꞉ta꞉ kutupiki hau pea꞉peke na ya꞉la꞉me. Nakana꞉ma꞉ mo da hoeyaeka꞉na꞉ta꞉ kota꞉ mo tikitiki piki tapaketa꞉ mo hoke hau pa꞉la꞉ tapake ame̱le̱ ka꞉nda꞉ pealipikie. Koto ekina꞉ kotota꞉ ota꞉ ana꞉ na pa꞉la꞉ haue. Do kenke paeyaona꞉ pi yokaalu pitele halima꞉ta꞉ ota꞉ tikitiki yao kone pea꞉peke ya꞉la꞉me laa leekeme.
466	GEN 19:8	Handa꞉pe yaka moputali wandiki yaapo hala꞉ma꞉ ika꞉ hone pa꞉la꞉eki puemena꞉ hama hatuku eponoe. Pate do hali yaapo pa꞉ta꞉ta꞉ hau ma꞉nda꞉ na pia꞉pa꞉pee. Ipilikita꞉ yaka kimisu hali yaapo ya꞉la꞉ ekina꞉ I̱ma꞉ handeteke hapeke ya꞉la꞉ma꞉ leekeme.
508	GEN 20:12	Pate mo wanda꞉ta꞉ ota꞉ yaka ana꞉e. Ipikita꞉ yaka apa꞉na꞉ waneke ya꞉la꞉pate ama꞉ homeke ta꞉ta꞉e. Kota꞉ I̱ma꞉ mea polome.
559	GEN 22:11	mo Tekehalina꞉ enisoloma꞉ ya pa꞉ta꞉ yama꞉ ipiki pa꞉ta꞉ wi alo alota꞉ Eipoloha꞉ma꞉o. Eipoloha꞉ma꞉o leekeme. Ipikana꞉ma꞉ hombo peaaso alota꞉ Wae. I̱ do handa꞉e leekeme.
606	GEN 24:14	I̱ma꞉ mo wandiki homeke ma꞉nda꞉ pa꞉ta꞉ dupa lolueke. Pilisio. Naka꞉ ikali kanake mina꞉niao I̱ ikali nono lae lolueke. Ipikana꞉ma꞉ alo hata꞉ Ikali nae laa Naka꞉ kemelo manuna꞉ ikali make mea a꞉ponoe lea꞉ka꞉na꞉ta꞉ kota꞉ ipikita꞉ mo naka꞉ e pokaasa꞉ hali Aisa꞉kena꞉ ma̱leke lili wanda꞉ ya꞉na꞉e. Dupiki hau peaeka꞉na꞉ta꞉ kota꞉ nakana꞉ma꞉ mo yaka you some pa꞉ta꞉ la꞉ wili pita꞉ ota꞉ ya꞉ka꞉ta꞉me laa I̱ma꞉ hone ulueke laa yeni koto tupa꞉ piekeme.
627	GEN 24:35	Mo Tekehalima꞉ta꞉ yaka you some ota꞉ anekema꞉ epeao hamoko hali haena꞉ la꞉la꞉me. Kutupa make ipiki pa꞉ta꞉ mo sipisipi wopu make nanikosimanu make kaomanu make silipa make kolo make pa hameke e pokaasa꞉ wanda꞉weki make haliweki make kemelomanu make donkimanu make hala꞉me.
628	GEN 24:36	Yaka you somena꞉ weteke Setata꞉ koke ya pita꞉ kone hali weki mondu wialeke handaa yaka you somema꞉ta꞉ ipika꞉ ala꞉ta꞉ ala꞉ta꞉ paeyao mo weki hala꞉la꞉me.
640	GEN 24:48	Kutupa I̱ta꞉ tumiki yotuao Tekehali pa꞉ta꞉ panda꞉puniao yeiya꞉ lawa꞉me. Pa ekipeke mo Tekehali yaka you some Eipoloha꞉ma꞉na꞉ Koda꞉ ipikana꞉ma꞉ I̱ta꞉ mo yaka you somena꞉ tapake pa꞉ta꞉ kone hatuku epea꞉me. Kutupa ika꞉ wandiki yaka you somena꞉ eiyekena꞉ handa꞉ wiano la꞉la꞉ ekina꞉ ipika꞉ biki mina꞉liawa꞉me.
642	GEN 24:50	Koto leeke Leibeni pita꞉ Beduelo yaapoma꞉ hombo peaaso alota꞉ Do hauta꞉ mo Tekehali pa꞉ta꞉ yama꞉ a꞉pa꞉la꞉ ekina꞉ta꞉ kota꞉ dikana꞉ma꞉ dupumana꞉e laa pi ma꞉nda꞉ lapeke na ya꞉la꞉me.
656	GEN 24:64	Kutupa Lepekama꞉ Aisa꞉ke epeekeeki hando haota꞉ mo ipika꞉ kemelo mina꞉pa꞉lao hola꞉pa꞉niaeyekeme.
731	GEN 27:3	Koto ekina꞉ naka꞉ semoko a꞉ndeli mea oni hapekena꞉ pua hoteke ma꞉nda꞉ lia a꞉pa꞉peke.
732	GEN 27:4	Kutupa mo yaka hone pa꞉la꞉ tendepiki ne yankao I̱ pa꞉ta꞉ mea a꞉pa꞉peke. Kutupa naa pita꞉ta꞉ mo I̱ homuluekema꞉ pita꞉ yaka paeyaaso epeaasa꞉eki neke kuluekema꞉ loa꞉me leekeme.
740	GEN 27:12	Ma꞉nda꞉ta꞉ yaka apa꞉ma꞉ I̱ watao I̱ma꞉ ipiki makeaasoma꞉ laa I̱ handa꞉ wiaapa꞉na꞉e. Dupua꞉ka꞉na꞉ta꞉ kota꞉ mo epeaasa꞉eki mina꞉la꞉ tupa꞉ paa yaka kone I̱ pa꞉ta꞉ esihou pi mea epena꞉ lapeke yeke loa꞉me leekeme.
755	GEN 27:27	Ipikana꞉ma꞉ ateke nunu pulueke alo hata꞉ teke pa꞉ta꞉ epea꞉ dina꞉ta꞉ Aisa꞉kema꞉ mo yameeke aka꞉manu totopo mu hao ipika꞉ epeaasa꞉ ekimanu haleekeme. Ipikana꞉ma꞉ alota꞉ Do yaka wekina꞉ totopo epeke pita꞉la꞉ ekita꞉ mo hande Tekehalima꞉ epeala꞉ hama꞉na꞉ totopoma꞉ handa꞉la꞉me.
757	GEN 27:29	Tutu manuta꞉ naka꞉ e pokaasa꞉ tapake haena꞉e. Kutupa wanda꞉hali neke pa꞉ta꞉ panda꞉puniaena꞉e. Naka꞉ tapake paeyao handeteke halena꞉e. Naka꞉ ama꞉na꞉ monduma꞉ monduma꞉ pa꞉la꞉ wekiwandikina꞉ wekiwandikima꞉ neke pa꞉ta꞉ panda꞉puniaena꞉e. Mo neke pa꞉ta꞉ esihou tunkilimi tapaketa꞉ esihou pa꞉ta꞉ haena꞉e. Kutupa neke epealimi wanda꞉halita꞉ iki make epeaasa꞉eki mina꞉e laa leekeme.
764	GEN 27:36	Isoma꞉ alota꞉ Dota꞉ ipika꞉ hoto yaapo peao I̱ makeala꞉me. Koto ekina꞉ ipika꞉ biki Dieikopeta꞉ ota꞉ ana꞉piki tupa꞉ laa pimika꞉ta꞉me. Ipikana꞉ma꞉ta꞉ yaka mupeke wekina꞉ anke teke mulu poloeki make mea ameta꞉ yaka epeaasa꞉eki make mea pua pika꞉ta꞉me. Koto ekina꞉ I̱ta꞉ epeaasa꞉eki ma꞉nda꞉ na panka꞉ wialepe leekeme.
774	GEN 27:46	Lepekama꞉ Aisa꞉ke pa꞉ta꞉ alota꞉ Do Isona꞉ da ma꞉nda꞉ wanda꞉ yaapo handa꞉peketa꞉ I̱ta꞉ ota꞉ ki tieke pea soka꞉la꞉ pita꞉la꞉me. Dieikopema꞉ make do Hidi wandiki tonu ma꞉nda꞉ mia꞉ka꞉na꞉ta꞉ kota꞉ I̱ta꞉ homa꞉peke make ya꞉la꞉me leekeme.
791	GEN 28:17	Kutupa ipikita꞉ pala꞉ haaso hata꞉ alota꞉ Dota꞉ ota꞉ paala꞉piki alena꞉e laata꞉ Koda꞉na꞉ da yalo pa꞉la꞉me. Oli hepeni nane pula꞉ pota꞉ kake lomba꞉la꞉ alena꞉ yalo pa꞉la꞉me leekeme.
844	GEN 30:13	Liama꞉ alota꞉ I̱ta꞉ ta꞉na꞉ tieke wopu pa꞉la꞉me. Ameta꞉ wanda꞉wekima꞉ I̱ta꞉ ta꞉na꞉ma꞉ homa꞉la꞉ wanda꞉e lelimikie laa ipika꞉ bikita꞉ A꞉sia leekeme.
846	GEN 30:15	Koto leeke Liama꞉ hombo peaaso alota꞉ Nakana꞉ma꞉ yaka haliki pake nele ekita꞉ ana꞉ na pa꞉la꞉pe. Ameta꞉ pa yaka wekina꞉ ti kiliki tonka꞉na꞉ muluekema꞉ alepe leekeme. Kota꞉ Leisoloma꞉ alota꞉ Naka꞉ wekina꞉ ti kiliki I̱ ma꞉nda꞉ kika꞉na꞉ta꞉ kota꞉ ame timbata꞉ Dieikope yaapo poluelena꞉e leekeme.
851	GEN 30:20	Kutupa Liama꞉ alota꞉ Koda꞉ma꞉ I̱ pa꞉ta꞉ ota꞉ epeke pa kita꞉la꞉ ale ka꞉la꞉me. Koto ekina꞉ ameta꞉ yaka halikina꞉ yunki mindiki hata꞉ weki mendiaaso ekina꞉ I̱ pukima꞉ homa handa꞉ milieke laa mo wekina꞉ bikita꞉ Sebuloni leekeme.
862	GEN 30:31	Koto leeke Leibenima꞉ alota꞉ I̱ma꞉ta꞉ neketa꞉ ekipuma꞉ hambonope leekeme. Dieikopema꞉ hombo peaaso alota꞉ I̱ta꞉ yenki kipa꞉la꞉me. Nakana꞉ma꞉ I̱ma꞉ do alo ekina꞉ a꞉pa꞉la꞉me leka꞉na꞉ta꞉ kota꞉ naka꞉ sipisipi ma꞉na꞉manu paa handeteke hawalueke.
881	GEN 31:7	Kutu pua꞉pate ipikana꞉ma꞉ta꞉ I̱ makeao make yaka yenki manuta꞉ hoto kiki yaapo natena꞉ honditi pa꞉la꞉mee. Koto pina꞉ kone Koda꞉ma꞉ta꞉ ipikana꞉ma꞉ I̱ na hoeyaena꞉ lea꞉me.
883	GEN 31:9	Kota꞉ Koda꞉ma꞉ta꞉ mo naka꞉ apa꞉na꞉ ma꞉na꞉ manuta꞉ pao mea I̱ pa꞉ta꞉ ka꞉la꞉me.
889	GEN 31:15	Ipikana꞉ma꞉ dikita꞉ da ma꞉nda꞉ wanda꞉ma꞉ handaala꞉me. Ipikana꞉ma꞉ta꞉ diki tapao mia꞉ manita꞉ na꞉ta꞉ pa꞉la꞉me.
895	GEN 31:21	Ipikana꞉ma꞉ta꞉ ipika꞉ alemanu paeyao mea ipupulo mina꞉pa꞉laeyekeme. Kutupa mo Yupoteitisi ikali yuma pua mo yu elimanu wiki Kilia꞉de kenke nane polueke alo pemekeme.
917	GEN 31:43	Leibenima꞉ Dieikope pa꞉ta꞉ hombo peaaso alota꞉ Do wandiki yaapota꞉ yaka wandiki yaapoe. Ipilika꞉ wekiwandikita꞉ yaka ekie. Kutupa do ma꞉na꞉manu paeyaota꞉ yaka ekie. Handa꞉taa. Do ale paeyaota꞉ yakaeki ya꞉la꞉me. Pate I̱ma꞉ta꞉ do yaka wandiki yaapo make ipilika꞉ wekiwandiki make pao muluekema꞉ta꞉ hau ma꞉nda꞉ pea꞉peke na ya꞉la꞉ ekina꞉ta꞉
926	GEN 31:52	Do mombololopa꞉ toopimanu make do niminapeke ekina꞉ toopi maketa꞉ diki hone u tialo pa꞉la꞉ekie. Koto ekina꞉ I̱ma꞉ta꞉ neke hoeyaluekema꞉ta꞉ do mombololopa꞉ toopimanu ankulao na ipulueke. Kutupa nakana꞉ma꞉ I̱ hoeyaluekema꞉ta꞉ do toopimanu o do niminapeke toopi ula꞉eki ankulao na a꞉pa꞉peke.
939	GEN 32:11	I̱ta꞉ naka꞉ e pokaaso hali hata꞉ nakana꞉ma꞉ I̱ pa꞉ta꞉ a꞉ta꞉ma꞉ homa tamba꞉ mina꞉la꞉eki make kima꞉ na homa꞉la꞉eki make ki ekita꞉ I̱ta꞉ ana꞉ na pa꞉la꞉me. I̱ma꞉ta꞉ mone yopuluta꞉ mo hande Diodani ikalita꞉ ala꞉ta꞉ ma꞉nda꞉ na miniki pa tumapu piti homeke yumua꞉pate pa ame ipuluta꞉ do tapake yaapo ame̱le̱ ipulume.
940	GEN 32:12	Koto ekina꞉ ya Tekehalio I̱ta꞉ yaka kame Isoma꞉ pulu pa꞉la꞉ ekina꞉ I̱ pa꞉ta꞉la꞉e. Ipikita꞉ niki ame̱le̱ a꞉nda꞉ pea niki paeyao make mo wekiwanda꞉ make hoeyaaluekema꞉ ipula꞉ ekina꞉ I̱ paala꞉ pita꞉la꞉mee.
957	GEN 32:29	Kota꞉ mo halima꞉ alota꞉ Ameta꞉ naka꞉ bikita꞉ Dieikope dia꞉ya꞉lieke. Pa ekipeke nakana꞉ma꞉ta꞉ Koda꞉ yaapo make hali yaapo make tonka꞉neli pea bepolae ekina꞉ naka꞉ bikita꞉ Isulaie leekeme.
971	GEN 33:10	Dieikopema꞉ alota꞉ Pilisi ota꞉ dia꞉me. Nakana꞉ma꞉ I̱ pa꞉ta꞉ ta꞉na꞉ma꞉ homeka꞉na꞉ta꞉ kota꞉ yaka pa hameke kitolo alemanu mie. Ameta꞉ nakana꞉ma꞉ I̱ pa꞉ta꞉ homu wopu pitele ekita꞉ kota꞉ mo naka꞉ leke popeleke handolo ekita꞉ mo Koda꞉na꞉ leke popeleke handeke nono pita꞉la꞉me.
974	GEN 33:13	Koto leeke Dieikopema꞉ hombo peaaso alota꞉ Yaka hosiki wekiwandikita꞉ soka꞉la꞉ma꞉ homa꞉la꞉ ekita꞉ naka꞉ handeleme. Kutupa mo sipisipi pita꞉ kao kemboko ankula꞉ ankula꞉ make hone wia꞉peke ya꞉la꞉me. Ikita꞉ pa mo nate homeke sikina꞉ kone mo ma꞉na꞉manu lu yombutia poma꞉ka꞉na꞉ta꞉ kota꞉ paeyao siki homilimikie.
989	GEN 34:8	Hamoma꞉ Dieikope pa꞉ta꞉ alota꞉ Yaka weki Sekemema꞉ta꞉ naka꞉ wandikina꞉ da ota꞉ homa꞉la꞉me.
995	GEN 34:14	Ikana꞉ma꞉ ipiki pa꞉ta꞉ alota꞉ Nika꞉ ana꞉ta꞉ mo sekemesaisi hau na pa꞉la꞉ halima꞉ mia꞉peke na ya꞉la꞉me. Kotota꞉ niki yala꞉ tieke piki haue.
1004	GEN 34:23	Kutu puma꞉ka꞉na꞉ta꞉ kota꞉ ika꞉ ma꞉na꞉manu paeyao make ika꞉ wia haleme alemanu paeyao make nika꞉eki dia꞉ya꞉liepe. Koto ekina꞉ niki ame̱le̱ haena꞉ lomana꞉e lepekeme.
1014	GEN 35:2	Koto leeke Dieikopema꞉ ipika꞉ tapake make mo ipiki ame̱le̱ apa꞉tao haemeke tapake pa꞉ta꞉ make alota꞉ Mo ika꞉ wia haleme da ma꞉nda꞉ wanda꞉halina꞉ wepia ula꞉ koda꞉manu mea baapee. Kutupa make ikana꞉ma꞉ta꞉ iki tikitiki yao mo ha̱i̱ na ta̱leke aka꞉manu yama꞉pa꞉peke.
1025	GEN 35:13	Kutupa Koda꞉ma꞉ ipiki mina꞉pa꞉laeyekeme.
1145	GEN 38:25	Kota꞉ mo wanda꞉ta꞉ tima꞉ yanka homaluekema꞉ hama mea pulu haena꞉ta꞉ mo wanda꞉ma꞉ ipika꞉ meiyeke pa꞉ta꞉ pi tapaaso hata꞉ alota꞉ I̱ta꞉ do ale manuna꞉ teke somema꞉ weki mendiao pa꞉la꞉me. Koto ekina꞉ do pi lo tonkaaso hata꞉ ta̱la̱o̱ hala꞉ tombota꞉ ipika꞉ endu lopala꞉ pu make do tumapu tonka꞉na꞉ epina꞉ ekipe laa handa꞉e leekeme.
1146	GEN 38:26	Diudama꞉ mo hande alemanu handolo hata꞉ alota꞉ Mo wanda꞉ma꞉ta꞉ ota꞉ tikitikina꞉ pa꞉la꞉me. I̱ma꞉ta꞉ mo yaka weki Selama꞉ mina꞉ lapeke ale kone pa I̱ma꞉ pi la꞉ ua꞉eki ata꞉ka꞉ pealome leekeme. Koto ekina꞉ Diudama꞉ta꞉ mo wanda꞉ yaapo loke paa na apa꞉taeyekeme.
1158	GEN 39:8	Koto leeke mo wekima꞉ kiaaso hata꞉ mo wanda꞉ pa꞉ta꞉ alota꞉ Handa꞉e. Yaka you halima꞉ta꞉ do I̱ halo ekina꞉ ipika꞉ da pa꞉ta꞉ ula꞉ alemanu paeyaota꞉ hone bao hala꞉me. Ipikana꞉ma꞉ta꞉ ala꞉ta꞉ ala꞉ta꞉ paeyao I̱ma꞉ handeteke hano la꞉la꞉me.
1164	GEN 39:14	kota꞉ mo wanda꞉ma꞉ ipika꞉ da pa꞉ta꞉ e pokaemeke mandane wanda꞉hali pa꞉ta꞉ e̱ wi alo alota꞉ Do ale handa꞉pee. Do hande yaka halikima꞉ hatuku epea꞉ Hibulu wekima꞉ta꞉ niki yala꞉ peake hau pa꞉la꞉mee. Ipikana꞉ma꞉ta꞉ yaka da panda꞉ pa꞉ta꞉ a꞉pa I̱ minuluekema꞉ pia꞉pate I̱ma꞉ ota꞉ anekema꞉ e̱ wi tieke loa꞉me.
1181	GEN 40:8	Koto leeke mo hali yaapoma꞉ hombo peaaso alota꞉ Diki telipuna꞉ma꞉ upa polopa꞉pate mo upa tekemanu la kulu pa꞉la꞉ some do pate ma꞉nda꞉ na hala꞉me lepekeme. Koto lepeke Diosepema꞉ alota꞉ Mo upa la꞉ka꞉la hala꞉peke ekina꞉ honkoputa꞉ Koda꞉ma꞉ kone kitolo pita꞉la꞉me. Ipilika꞉ upa yaapo la kipee leekeme.
1191	GEN 40:18	Diosepema꞉ hombo peaaso alota꞉ Teketa꞉ dupae. Mo kawaso tepota꞉ nate tepo la pa꞉la꞉me.
1211	GEN 41:15	Kutupa mo kinima꞉ ipiki pa꞉ta꞉ alota꞉ I̱ma꞉ta꞉ upa pua꞉pate ma꞉nda꞉ma꞉ koto upana꞉ teke la kia꞉peke na ya꞉la꞉me. Ma꞉nda꞉ma꞉ I̱ pa꞉ta꞉ alota꞉ Nakana꞉ma꞉ta꞉ mo upa tekemanu lapeke ya꞉la꞉me laa lea꞉me leekeme.
1221	GEN 41:25	Diosepema꞉ mo kini pa꞉ta꞉ alota꞉ Mo upa yaapona꞉ teketa꞉ homeke konee. Koda꞉ma꞉ta꞉ mo ipikana꞉ma꞉ pulu pa꞉la꞉eki neke pa꞉ta꞉ la ka꞉la꞉me.
1223	GEN 41:27	Kutupa mo wetepena꞉ opa꞉liaeyeke loke na pankeke wataake hata꞉ kaomanu pita꞉ mo na pankeke kunima꞉ handeke widi napeke mo hapupa pa꞉la꞉ alena꞉ yama꞉ epeeke titipu piki poma꞉ pou taeya꞉ ekina꞉ teketa꞉ bapi wataake hata꞉na꞉ tea꞉ ki tieke epolo pa꞉la꞉ekie.
1224	GEN 41:28	Kotota꞉ mo amba꞉ hande la kua꞉ tupa꞉e. Koda꞉ma꞉ta꞉ mo ipikana꞉ma꞉ pulu pa꞉la꞉eki neke pa꞉ta꞉ wala꞉la꞉me.
1245	GEN 41:49	Kunima꞉ handeke widita꞉ ota꞉ tieke wieke ekiyalo Diosepema꞉ta꞉ tombo mieke ekita꞉ mina꞉pa꞉laeyekeme. Mo widita꞉ dawalana꞉ houma꞉ handeekeme.
1269	GEN 42:16	Iki homeke ma꞉nda꞉ma꞉ mo weki handa꞉ mulu pua꞉pa꞉peke. Paeyaota꞉ dipula pitaota꞉ mo ika꞉ aleme ekita꞉ ota꞉pe laa amba꞉la꞉ yokaalumeke. Dia꞉ ya꞉ka꞉na꞉ta꞉ kota꞉ mo nika꞉ kini ota꞉ hala꞉ ekina꞉ta꞉ ikita꞉ kika ikiki haliwekie laa peneme ya꞉lieke leekeme.
1281	GEN 42:28	A꞉pa꞉e. Yaka manita꞉ I̱ pa꞉ta꞉ paa la꞉ka꞉la a꞉pa pia꞉ka꞉ta꞉me laa penkilipa꞉tia pominolo hata꞉ ipika꞉ hameketonu pa꞉ta꞉ wi alo alota꞉ Do handa꞉pe. Yaka nu pa꞉ta꞉ menda꞉la꞉me leekeme. Kutupa mo hama̱la̱꞉ hama̱la̱꞉na꞉ puki keapa olina꞉ onina꞉ pitolo pututuma꞉ homolo hata꞉ ika꞉ ika꞉ kone lota꞉ pu alualu pitolo alota꞉ Koda꞉ma꞉ niki pa꞉ta꞉ eki hau pea pa꞉la꞉pe lemekeme.
1285	GEN 42:32	Nikita꞉ hali homekena꞉ wekitonu paeyao kiki yaapona꞉ ankena꞉ yaapo ya꞉mee. Weki homeketa꞉ homa꞉la꞉me. Kutupa wetepe nane wekita꞉ nika꞉ apa꞉ yaapo oni Keinani pa hala꞉me loma꞉me.
1289	GEN 42:36	Ika꞉ apa꞉ma꞉ mo wekitonu pa꞉ta꞉ alota꞉ Ika꞉ honema꞉ta꞉ yaka wekiwandiki paeyao alu pano pitelemepe. Diosepe pa꞉la꞉me. Simiono make pa꞉la꞉me. Ameta꞉ Benisamini mea polukuma꞉ alemepe. I̱ta꞉ mo teto minolo somee leekeme.
1303	GEN 43:12	Kutupa make mo hande ika꞉ nu kake nina꞉ mendiaeyeke manita꞉ ata꞉ka꞉ peaopate pimima꞉ pao mea puaaso hata꞉ta꞉ moeki haka꞉ta꞉pao yaapo peao mea pua꞉pa꞉peke.
1309	GEN 43:18	Mo hama̱la̱꞉ hama̱la̱꞉ mo da pa꞉ta꞉ hatuku epeeketa꞉ ikita꞉ paala꞉ma꞉ homolo hata꞉ dupiki hone wimikime. Niki do pa꞉ta꞉ hatuku ipula꞉ ekita꞉ mo hande titina꞉ hande nika꞉ nu pa꞉ta꞉manu mendieke manina꞉ pate pita꞉la꞉me. Ameta꞉ ikana꞉ma꞉ niki hoeyao make nika꞉ donkimanu make mea nikita꞉ ipika꞉ pa hameke e pokaasoma꞉ tapake hamono lelimikie laa hone wimikime.
1314	GEN 43:23	Mo e pokaeyeke somema꞉ alota꞉ Hone ti yokolo hata꞉ paala꞉ma꞉ na homa꞉pa꞉peke. Ika꞉ Koda꞉ mo ika꞉ apa꞉na꞉ Koda꞉ma꞉ kone ika꞉ numanu pa꞉ta꞉ mo mani paa mendiao pa꞉la꞉mee. Ika꞉ yenki manuta꞉ ana꞉na꞉ mua꞉me leekeme. Kutupa ipikana꞉ma꞉ Simiono iki pa꞉ta꞉ hatuku epeekeme.
1318	GEN 43:27	Ipikana꞉ma꞉ ikita꞉ epeke tupa꞉ halemepe laa alota꞉ Ikana꞉ma꞉ta꞉ mo ika꞉ apa꞉ kokena꞉ pi manuta꞉ I̱ la kimima꞉ ipikita꞉ eki pa꞉la꞉pe. Ipikita꞉ pa hala꞉pe o epeke hala꞉pe laa leekeme.
1351	GEN 44:26	Koto leeke nikana꞉ma꞉ hombo peaaso alota꞉ Nikita꞉ pua꞉peke na ya꞉la꞉me. Mo nika꞉ kame wetepe nane wekita꞉ nika꞉ ame̱le̱ poma꞉ka꞉na꞉ homeke mo halina꞉ leke popelekena꞉ pua hapeke ya꞉la꞉me. Mo nika꞉ kame Benisamini niki ame̱le̱ pea꞉ka꞉na꞉ homeke pua꞉peke ya꞉la꞉me loma꞉me.
1353	GEN 44:28	Homeketa꞉ I̱ amba꞉ mina꞉pa꞉lala꞉me. Ipikita꞉ hoki pea꞉ nane make ota꞉ na handolo ekima꞉ta꞉ mo tikene ma꞉na꞉yeti sayale manuma꞉ sinki sinki pea witolo pa꞉la꞉mee.
1364	GEN 45:5	Koto ekina꞉ mo ikana꞉ma꞉ do pa꞉ta꞉ I̱ tapaaleme ekina꞉ ka꞉nda꞉ma꞉ na homa make nikana꞉ma꞉ pu hoeyaloma꞉me pi na lapa꞉peke. Ota꞉ Koda꞉ma꞉ kone mo wanda꞉hali homaapa꞉na꞉yeke. I̱ma꞉ pa꞉ta꞉lono I̱ amba꞉la tapao pa꞉la꞉me.
1366	GEN 45:7	Koda꞉ma꞉ I̱ amba꞉la tapaala꞉ ekita꞉ dupiki ta꞉ta꞉ ma꞉nda꞉ piki hauma꞉ iki pa꞉ta꞉lono laa kutupa mo ika꞉ monduma꞉ monduma꞉ pilimi wekiwandikina꞉ wekiwandiki ana꞉na꞉ hao pelina꞉yeke pa꞉la꞉me.
1367	GEN 45:8	Koto ekina꞉ta꞉ ikana꞉ma꞉ I̱ do Idiepi kenke nane na tapaemepate pa Koda꞉ma꞉ kone pa꞉la꞉me. Ipikana꞉ma꞉ I̱ta꞉ mo kinina꞉ kapomani manda you hali pitono la꞉la꞉me. I̱ta꞉ do kenke paeyao handeteke halome. I̱ta꞉ do Idiepi wanda꞉halina꞉ you hali halome.
1368	GEN 45:9	Koto ekina꞉ yaka apa꞉ pa꞉ta꞉ a̱i̱ la꞉ka꞉la puata꞉ dota꞉ naka꞉ weki Diosepema꞉ ala꞉ pie laa pua lapa꞉peke. Koda꞉ma꞉ta꞉ I̱ta꞉ Idiepina꞉ handeteke hala꞉ hali hano la꞉la꞉me. Nate leke hokulu na peake I̱ pa꞉ta꞉ a̱i̱ epoe.
1379	GEN 45:20	Kuta ikana꞉ma꞉ta꞉ mo ika꞉ wia haleme alemanu mina꞉pa꞉laasoma꞉me laa hone ka꞉nda꞉ma꞉ na homa꞉pa꞉peke. Pa ekipeke do Idiepi kenke paeyao siki pa꞉ta꞉ ula꞉ epeke ale manuta꞉ ika꞉eki ya꞉lieke loa꞉me lae leekeme.
1392	GEN 46:5	Kota꞉ Dieikopeta꞉ Biasiba mina꞉pa꞉laeyekeme. Ipika꞉ weki tonuma꞉ta꞉ mo hande Idiepi kinima꞉ tapaeyeke ma꞉na꞉ma꞉ yola꞉la꞉ pota꞉ ale manuna꞉ta꞉ ika꞉ ateke make ika꞉ hosiki wekiwandiki sunu make ika꞉ weteke tonu make pitaemekeme.
1431	GEN 47:10	Koto laa Dieikopema꞉ mo kini hali pa꞉ta꞉ paeyaaso epeaasa꞉eki halaa mina꞉pa꞉laeyekeme.
1439	GEN 47:18	Mo panake bapi ma꞉nda꞉na꞉ta꞉ mo wanda꞉halima꞉ ipiki pa꞉ta꞉ a꞉pa alota꞉ Tiekeo. Nikana꞉ma꞉ta꞉ mo ota꞉ ekita꞉ neke pa꞉ta꞉ na a꞉mbalumeke. Mo nika꞉ mani paeyaota꞉ paela꞉ make mo nika꞉ ma꞉na꞉ manuta꞉ amba꞉ naka꞉ mime. Koto ekina꞉ ameta꞉ mo neke kia꞉peke alemanu ma꞉nda꞉ta꞉ na ula꞉pate pa mo nika꞉ loke pita꞉ nika꞉ kenkemanu homeke neke pa꞉ta꞉ kia꞉peke ya꞉la꞉me.
1445	GEN 47:24	Kutu pulu pelemepate mo ne napeke mendiolota꞉ yunki hata꞉na꞉ homeke homeke lo hondo mo kini pa꞉ta꞉ halimikie. Mo paa wilia꞉ ekita꞉ wae wia make ika꞉ tapake ika꞉ nolo peleme eki mia꞉pa꞉peke.
1447	GEN 47:26	Koto ekina꞉ Diosepema꞉ mo Idiepi kenkena꞉ lo pi witolota꞉ mo ne napeke mendiolo yunki hata꞉ ya꞉ka꞉na꞉ta꞉ homeke ma꞉nda꞉ hondo meata꞉ mo kinina꞉ eki ya꞉na꞉e laa lo pi wiekeme. Ame do make koto pi la꞉ ula꞉ ekita꞉ ota꞉ pa pa꞉la꞉me. Pate mo yeni peao haemeke haliwekina꞉ kenkemanu homeketa꞉ mo kinina꞉ eki na wiekeme.
1457	GEN 48:5	Dieikopema꞉ ombu alota꞉ Diosepeo. Mo I̱ a̱i̱ na epeke hano do Idiepi mendiala꞉ naka꞉ weki yaapota꞉ yaka ekie. Ipoteimi pita꞉ Ma꞉na꞉sa꞉ yaapota꞉ pa mo yaka weki Lubeni pita꞉ Simiono yaapo konema꞉ handa꞉la꞉me.
1463	GEN 48:11	Dieikopema꞉ Diosepe pa꞉ta꞉ alota꞉ I̱ma꞉ta꞉ neke paa handulueke hone na ua꞉pate ameta꞉ Koda꞉ma꞉ naka꞉ weki yaapo kone pa handono la꞉la꞉me.
1483	GEN 49:9	Diudata꞉ Laeonoma꞉ handa꞉la꞉me. Ipika꞉ napeke ale liata꞉ oni ipika꞉ da pa꞉ta꞉ la꞉ka꞉la pula꞉me. Kiki anke tindipa tindipa pea polu pila꞉me. Paeyaoma꞉ paala꞉ma꞉ homolo hata꞉ ipiki penkilipa꞉ tiatiki pea꞉peke na ya꞉la꞉me.
1486	GEN 49:12	Mo waini ikali no haleke yalota꞉ ipika꞉ leke we pupa pa꞉la꞉mee. Ipika꞉ kaketa꞉ andu no haleke yalota꞉ hake pa꞉la꞉mee.
1489	GEN 49:15	Pate ipika꞉ handolota꞉ do hoto pila꞉ alena꞉ta꞉ a꞉pa꞉la꞉me laata꞉ do kenketa꞉ ota꞉ yole pa꞉la꞉me ala꞉me. Koto ekina꞉ mo ala꞉ta꞉ ala꞉ta꞉ tuluekema꞉ yeke ipika꞉ hoki panda꞉puniaasa꞉me. Kutupa ipikita꞉ pa hameke e pokaasa꞉ some tupa꞉ e pokena꞉ la꞉la꞉me.
1495	GEN 49:21	Na꞉petalita꞉ mo walekena꞉ pototo la pomina꞉la꞉ dia ma꞉na꞉ma꞉ handa꞉la꞉me. Ipikita꞉ ota꞉ epeke ikikimanu mondu hala꞉me.
1496	GEN 49:22	Diosepeta꞉ mo tunkulupa ula꞉ ikali tea꞉na꞉ hala꞉ tikene donkima꞉ handa꞉la꞉me. Ipikita꞉ mo yueli pa꞉ta꞉ hala꞉ panake hosi hali ma꞉na꞉ma꞉ handa꞉la꞉me.
1498	GEN 49:24	Pate ipika꞉ a꞉ndelita꞉ la꞉ma꞉ na pa꞉la꞉me. Kutupa ipika꞉ kiki yaapo honkopu haowala꞉me. Koto hauta꞉ mo Dieikopena꞉ Wele wopupiki Koda꞉na꞉ honkopuma꞉ pia꞉me. Mo hande Sipisipi Handeteke Hala꞉ some Isulaina꞉ handeteke hao hala꞉ Koda꞉ loa꞉me.
1499	GEN 49:25	Mo neke tamba꞉ mina꞉la꞉ta꞉ naka꞉ apa꞉na꞉ Koda꞉ma꞉ pita꞉la꞉me. Mo Aneke Wele wopupiki Koda꞉ma꞉ neke epeaasa꞉me. Oli ya nane lakoma꞉ neke epeaasa꞉me. Kutupa oni kenke oto nane opa꞉laasa꞉ ikali manuma꞉ makee. Kaomanu wopu make wekiwandiki wopu make neke epeaasa꞉me.
1501	GEN 49:27	Benisaminita꞉ mo hoke paala꞉ wopupiki tikene kikama꞉ handa꞉la꞉me. Peliolo da kelepolota꞉ pa pitiki alemanu lia ombu na꞉tiki pu hala꞉me laa leekeme.
1503	GEN 49:29	Kutupa Dieikopema꞉ eiyeketonu taka꞉lakema꞉ pi alo alota꞉ I̱ta꞉ ameta꞉ mo yaka wanda꞉hali ame̱le̱ apa꞉tao homolo pulume. Koto ekina꞉ dupa꞉peke. I̱ta꞉ yaka apa꞉ ame̱le̱ mandakena꞉ mo Keinani kenke pa꞉ta꞉ Ma꞉motena꞉ nate ipula꞉ nanema꞉ tilao Hidi hali Epotonina꞉ Ma꞉ka꞉pila e pa꞉ta꞉ ula꞉ tikene da pa꞉ta꞉ hoiya꞉peke. Eipoloha꞉ma꞉ma꞉ koto apa꞉nda꞉ta꞉ hali hoita꞉la꞉ lapa꞉ wina꞉ mo Epotoni pa꞉ta꞉ hambeeke ekima꞉ pa꞉la꞉me.
1526	GEN 50:19	Pate Diosepema꞉ mo hameke tonu pa꞉ta꞉ alota꞉ I̱ma꞉ta꞉ yaka kone mo Koda꞉ topo peaka꞉na꞉ I̱ hapeke na ya꞉la꞉me. Paala꞉ma꞉ na homa꞉pa꞉peke.
1527	GEN 50:20	Ikana꞉ma꞉ta꞉ I̱ pa꞉ta꞉ hoke hau pimipate Koda꞉ma꞉ta꞉ koto paa topo pea epekeeki au lala꞉me. Kutupa mo koto hau pimi ekita꞉ mo ame pa do haleme wanda꞉hali paeyaona꞉ hao polu pelemeeki epeanoyeke pa꞉la꞉me.
1531	GEN 50:24	Ipikana꞉ma꞉ ipika꞉ hameketonu pa꞉ta꞉ alota꞉ I̱ta꞉ homolo poloeki teke pa꞉ta꞉ do ya꞉la꞉me. Pate Koda꞉ma꞉ta꞉ iki ota꞉ epeke tupa꞉ handeteke hao halieke. Kutupata꞉ mo hande ipikana꞉ma꞉ Eipoloha꞉ma꞉ make Aisa꞉ke make Dieikope ameda pa꞉ta꞉ Do kenke kulueke laa la꞉ wieke kenke pa꞉ta꞉ta꞉ ota꞉ iki hatuku pelieke laa leekeme.
23214	MAT 1:1	Dota꞉ mo hande Yesu Ketisona꞉ apa꞉meina꞉ bikimanu wape pa꞉la꞉ekie. Deipidita꞉ Yesuna꞉ meiyeke hayekeme. Kutupa Eipoloha꞉ma꞉ta꞉ Deipidina꞉ meiyeke hayekeme.
23243	MAT 2:5	Mo hande Diudia kenke pa꞉ta꞉ ula꞉ daoni Beteleha꞉ma꞉ pa꞉ta꞉ mendilieke laa hombo peaaso alota꞉ Mo amba꞉ haemeke potopede haliwekima꞉ta꞉ dupa wape pa꞉la꞉me.