| 23217 | MAT 1:4 | Miꞌ dhɨr baꞌ gu Araam maaꞌn jup tu mar kat, Aminadaa jup tɨɨgich. Miꞌ dhɨr baꞌ gu Aminadaa maaꞌn jup tu mar kat, Nasoon jup tɨɨgich. Miꞌ dhɨr baꞌ gu Nasoon maaꞌn jup tu mar kat, Salomoon jup tɨɨgich. |
| 23261 | MAT 2:23 | Baꞌ nat jax mummɨ ai, miꞌ dhɨr mu jaꞌk jup bhɨi na puiꞌ tɨ tɨɨꞌ Nasareet. Baꞌ dhiꞌ puꞌñi jaꞌk jum kuugalh gu puiꞌ na mɨt jax jaꞌk tu uaꞌnak guiꞌ nam bɨjɨk bhaankam tu aꞌgimɨk gu Dios, na saak guch Xoiꞌkam puiꞌ jaꞌk jix mat kaꞌ am gu jaꞌtkam: Jesuus Nasareet kam. |
| 23284 | MAT 4:6 | jup tɨtda baꞌ bhaiꞌ xi kɨɨsak kookbaꞌn: ―Eap yaꞌ dɨr muiꞌ xi chuudaiñ noꞌ pich moo baabuiꞌ cham muu, na baꞌx maatɨꞌ kaꞌ noꞌp baabuiꞌ moo sɨlhkam Dios jir Maraaꞌn. Na guꞌp jum kaiꞌch miꞌ uꞌuan taꞌm na tu uaꞌñix na jaꞌpni muiꞌ jim kɨksa: Gu Dios bham joochxidhaꞌ gu noonbiꞌñ nam baꞌm nuukdaidhaꞌ, gio nam jum noonob am tu daagɨi tɇꞌkob jum uaꞌkaꞌ nap baꞌ cham jodai chaꞌm jutbui ɨlhiaꞌ. |
| 23288 | MAT 4:10 | Guꞌ ji na guꞌp tɨtda pɨx gu Jesuus: ―Mu bi jim jaꞌook. Chaꞌp tuꞌ kɨꞌn kañ juandaꞌ. Na guꞌp jum kaiꞌch ɨp miꞌ na paiꞌ tu uaꞌñix gu ñioꞌkiꞌñ gu Dios na jaꞌpni muiꞌ jim kɨksa: “Xi chu daanɨt ap buiñor gu Dios guiꞌ nar gɇꞌkam. Baꞌ dai guiꞌ buiñor jap pɨx tu daandaꞌ, cham tuꞌ jumai buiñor ɨp.” |
| 23290 | MAT 4:12 | Baꞌ nat paiꞌ dhuuk puiꞌ ba tɨ kai gu Jesuus na mɨt ba kuu gu Juan jaꞌtkam bopkondam, pu jii mu jaꞌk Nasareet guiꞌ na bhaan bipioꞌ gu Galilea dɨbɨɨr. |
| 23291 | MAT 4:13 | Baꞌ miꞌ dhɨr mu jaꞌk jup bhɨi na paiꞌ puiꞌ tɨ tɨɨꞌ Kapernaum guiꞌ na mummɨ bipioꞌ na paiꞌ gɇꞌgɇr susdaꞌkaꞌ gu suudaiꞌ, miꞌ na paiꞌ jax bhaan bipioꞌ gu ja dɨrbaꞌ gu bopxiꞌñ gu Sabuloon gio baꞌ gu Neptalii. |
| 23293 | MAT 4:15 | Baꞌ mummɨ na paiꞌ jax tɨ dɨrbaꞌ gu Sabuloon, gio baꞌ miꞌ na paiꞌ jax jup tɨ dɨrbaꞌ gu Neptalii, mummɨ na paiꞌ baasɨꞌn dɨr jaꞌk bipioꞌ miꞌ na paiꞌr Jordaan Ak, mummɨ nam paiꞌ oiꞌdhaꞌ guiꞌ nam cham jir Israel kam jaꞌtkam. |
| 23315 | MAT 5:12 | Baꞌ aapiꞌm cham jax jum aaꞌndaꞌ sia kum cham jam kɨɨgalhiꞌñ gu jaꞌtkam, jix bhaiꞌ pim pɨx jum taat kaꞌ, na pim guꞌ maiꞌchiaꞌ gux dhaꞌram namkɨm bhammɨx dhaam. Na guꞌ sia guiꞌ nam jɨꞌk bɨjɨk ya jaꞌp bhaankam jup tu aꞌgimɨk gu Dios puꞌñi cham jup ja kɨɨgalh jamɨt gu jaꞌtkam, dai na mɨt bɨɨx aixim ja buimɨk ja koi nam cham ja kaim kaꞌ nam tɨi tu ja aagiꞌñdhaꞌ na jax jaꞌk jix aaꞌ gu Dios. |
| 23316 | MAT 5:13 | ’Baꞌ aapiꞌm jaꞌp ji buan yaꞌ dhi oiꞌñgaꞌn na jax gu on. Noꞌ gu on miꞌ jotmodaꞌ cham ka onkak, ¿jax japim dui ɨlhiiꞌñ na giop ka onkalhiaꞌ? Aañ pu kaiꞌch na cham jɨꞌxkat ka onkalhiaꞌ, pu cham tuꞌ ka bhaiꞌ kaꞌ dho baꞌ, dai na mu jaꞌp xim nuꞌaaꞌ dɨɨrap. Miꞌ dho guꞌ pu kɨɨyasaꞌ am gu jaꞌtkam nam mi jaꞌp oipodaꞌ. |
| 23318 | MAT 5:15 | Ni na cham jaroiꞌ jaiꞌch gu maaꞌnkam na xi mɨichdhai gu kañdhiir mɨjɨ jaꞌp paiꞌ xi chaaꞌbidhaꞌ tuꞌ kɨꞌn, guꞌ jaꞌpji na bhammɨ jaꞌp xi kɨɨsaꞌ ji tɇꞌkob na baꞌx chu maax kaꞌ miꞌ nam paiꞌp tuiꞌkaꞌ guiꞌ nam miꞌ darkaꞌ. |
| 23324 | MAT 5:21 | ’Na guꞌ na pim jax bax maat jia gu puiꞌ na mɨt jax jaꞌk tu ja daaxdhak gu jam bopxi kat nam jaꞌpni ja tɨtda: “Chaꞌp ja kooꞌndaꞌ gu jaꞌtkam, na guꞌ gu jaroiꞌ na puꞌñi ja kooꞌndaꞌ gu jaꞌtkam, giilhim tulhiiñchudaꞌ gu Dios, na guꞌ bam uaꞌtulhdhaꞌ.” |
| 23328 | MAT 5:25 | ’Piam ku guꞌ noꞌ jaroiꞌ ba xim iattulhdham buiñor gu jax chuꞌm gɇꞌkam, jum aaꞌ nap bɨɨpɨꞌ dɨr pu ba tu aꞌgidhaꞌ na baꞌ cham kam iattulhdhaꞌ. Na guꞌ noꞌt pu mummɨ bam aich buiñor gu gɇꞌkam, dho guꞌ dai dho na ba ja chiñiaꞌ gu sandaaruiꞌx chugiꞌñ nam jum kuupaꞌ. |
| 23338 | MAT 5:35 | Ni dhi oiꞌñgaꞌn ku pim bha aaꞌndaꞌ na bhaan jix maatɨꞌ kaꞌ na pim puiꞌ tu duñiaꞌ, na guꞌ dhiꞌ ya jaꞌp bhaan tɨ kɨisap guñ Gɨꞌkoraꞌ. Ni bhaiꞌ Jerusaleen ku pim cham bhaiꞌ tu aaꞌndaꞌ na bhaan jix maatɨꞌ kaꞌ, na guꞌ bhaiꞌr kiaꞌmiꞌñ guñ Gɨꞌkoraꞌ. |
| 23339 | MAT 5:36 | Ni sia gu aapiꞌm dɨɨlh jam moꞌ ku pim cham bha aaꞌndaꞌ, na pim guꞌ cham maat na pim jax dhui jix chuap duñiaꞌ gu jam kuup piam jix chuk, nim maaꞌn kuup dho moo kux bhaaiꞌ na pim maakam tuꞌm jup duñiaꞌ. |
| 23340 | MAT 5:37 | Baꞌ noꞌ pim jax kaiꞌch na jɨɨꞌ, pur maaꞌn ɨp na pim jax tɨꞌyaꞌ, cham tuꞌ na pim gatuuk maakam jup ba kaiꞌchdhaꞌ. Piam noꞌ pim jax kaiꞌch na cham, pur maaꞌn ɨp na pim jax tɨꞌyaꞌ. Na guꞌ noꞌ pim bɨɨx aixim kaiꞌch, dhiꞌ gux buam jum duukam pɨx puiꞌ jaꞌk jix aaꞌndaꞌ. |
| 23349 | MAT 5:46 | Na guꞌ noꞌ pim aapiꞌm dai guiꞌx bhaiꞌ ja tɨtda nam jɨꞌk cham jam bhaamkiꞌñdhaꞌ, dho guꞌ pu cham jam aꞌm tɨ nɨidhidhaꞌ dho guñ Gɨꞌkoraꞌ, na pim guꞌ jaꞌp pɨx ba ji buandaꞌ na jax guiꞌ nam jir tuumiñ tutaandam tugiꞌñ gux ioꞌm gɇꞌkam Rooma kam. |
| 23352 | MAT 6:1 | ’Chaꞌpim maaxik ja nɨiꞌñchudat gu jaꞌtkam tu ja maakdaꞌ gu tuꞌ guiꞌ nam jɨꞌk cham tuꞌ biaꞌ. Na guꞌ noꞌ pim puꞌñi jaꞌk tu jim, cham jɨꞌxkat jam makiaꞌ guñ Gɨꞌkoraꞌ jix dhaam jaꞌk gux dhaꞌram namkɨm. |
| 23365 | MAT 6:14 | ’Na guꞌ noꞌ pim puꞌñi tu ja uañiꞌñ guiꞌ nam jum uaꞌtulhiꞌñ aapiꞌm jam bui, dho guꞌ puiꞌ dhop tu jam uañiꞌñkaꞌ guñ Gɨꞌkoraꞌ guiꞌ nax dhaam jup tuꞌiiꞌ. |
| 23372 | MAT 6:21 | Na guꞌ paiꞌ na pim tu biaꞌkaꞌ gu tuꞌx dhaꞌram namkɨm, miꞌ jaꞌk jup jujurtɨkaꞌ pim. |
| 23375 | MAT 6:24 | ’Gio baꞌ moo jaꞌpni jaꞌk jañ jup xi jam tɨɨdam jiñ jaaduñ, na pim dai gu Dios pɨx buiñor tu daandaꞌ, chaꞌpim gu tuumiñ bhaan jup jujurtɨkaꞌ. Na guꞌ na pim jax bax maat na cham tuꞌ jaroiꞌ jaiꞌch gu maaꞌnkam na gook kap tu juan, na guꞌ jumai pɨx jix bhaiꞌp tɨꞌyaꞌ gu gɇꞌkam, gio gu tujuandam jumai pɨx jix bhaiꞌp tu juañxidhaꞌ, gio mɨkkat jumai ɨp. Miꞌ pum buadaꞌ, pu cham jɨꞌxkat jax chuꞌm jix bhaiꞌ tu juañxidhaꞌ. Baꞌ aapiꞌm puꞌñip ji buandaꞌ noꞌ pim tɨi buiñor tu daan gu Dios gio noꞌ pim jɨꞌx tuumiñ bhaan jup jujurtɨk. |
| 23376 | MAT 6:25 | ’Gio baꞌ moo jaꞌpni jaꞌk jañ jup xi jam tɨɨdam ɨp jiñ jaaduñ, na pim cham jax jum aaꞌndaꞌ sia ku pim cham ka biaꞌ na pim tuꞌ jugiaꞌ, piam noꞌ pim cham ka biaꞌ na pim tuꞌ iꞌyaꞌ, ni ku pim cham jax jum aaꞌndaꞌ na pim tuꞌ tɨꞌyaꞌ noꞌt ma saaskɨ gu jam jajannulh. Na guꞌ cham pɨk jum aaꞌ gu jajannulh gio gu koiꞌ, guꞌ guiꞌ ji nax ioꞌm jum aaꞌ na pim miꞌ puiꞌ duñiidhaꞌ na jax jaꞌk jix kɨɨꞌ kaꞌm nɨiꞌñ gu Dios. |
| 23383 | MAT 6:32 | Na guꞌ dɨɨlh jix maat gu Dios na jax dhuuji jam makiaꞌ gu tuꞌ na jam aꞌm jum aaꞌndaꞌ. Na guꞌ noꞌ pim jix buam jum aaꞌ, cham jir am, na guꞌ dhiꞌ guiꞌ nam cham maat guiꞌ na jaroiꞌ tu maak gu tuꞌ nañ aꞌm jum aaꞌndaꞌ nam baꞌ puꞌñi jaꞌk tu jim. Miꞌ cham ka bhaaiꞌn kaꞌ nam jax jum duñiaꞌ noꞌm cham ka biaꞌ gu tuꞌ nam jugiaꞌ. |
| 23387 | MAT 7:2 | Na guꞌ noꞌ pim cham tu uañiꞌñ gu jaroiꞌ, gu Dios puiꞌ cham jup tu jam uañdhaꞌ. Jaꞌxbuiꞌ puiꞌp jam tɨɨdaꞌ na pim jax tɨɨdaꞌ gu jaroiꞌ. |
| 23392 | MAT 7:7 | ’Gio baꞌ moo jaꞌpniñ jup xi jam tɨɨdam jiñ jaaduñ na pim tu daandaꞌ buiñor guñ Gɨꞌkoraꞌ. Baꞌ gu tuꞌ na pim mu taandaꞌ, jam makiaꞌ dho, gio gu tuꞌ na pim jix maachim kaꞌ, machiaꞌ pim dho, na guꞌ guiꞌ dɨɨlh jam makiaꞌ gu matdaꞌ. Na guꞌ dhiꞌ jaꞌpni ji buusan jia na jax noꞌñ mu paiꞌ kiicham paxiaraim nañ muiꞌ xi chu ñioꞌkdhaꞌ, na guꞌ bañ kupioꞌkdhaꞌ gu kiꞌñgob gu kiokam, miꞌ dhɨr baꞌ dai na bañ chiñiaꞌ nañ mu jaꞌk ba bakiaꞌ. |
| 23393 | MAT 7:8 | Baꞌ puꞌñi jaꞌk ji buusan noꞌ pim tuꞌ taan guñ Gɨꞌkoraꞌ soiꞌm ɨlhdhat, jam makiaꞌ dho, na guꞌx chu joiꞌgɨꞌn. Gio gu tuꞌ noꞌ pim jix maachim, machiaꞌ pim dho, na guꞌ guiꞌ dɨɨlh jam makiaꞌ gu matdaꞌ. Na guꞌ dhiꞌ kaiꞌñkam jaꞌp ji buusan jia na jax noꞌñ mu tu ñioꞌkiꞌñ kiꞌñgob, dai na bañ kupioꞌkdhaꞌ gu kiokam, miꞌ dhɨr baꞌ bañ chiñiaꞌ nañ mu jaꞌk ba bakiaꞌ. |
| 23394 | MAT 7:9 | ’Na guꞌ na pim jax bax maat jia na cham jaroiꞌ jaiꞌch gu maaꞌnkam na jodai pɨx mu makiaꞌ gu maraaꞌn noꞌ tuꞌ taan nar jum kuaꞌdam. |
| 23395 | MAT 7:10 | Piam ku guꞌ noꞌ tuꞌ batoop taan, ¿kaꞌ koꞌ aa pɨx muiꞌ ba daagiꞌñkaꞌ? ¿Jia na guꞌ cham jaroiꞌ jaiꞌch na puꞌñi jaꞌk tu bua? Nam guꞌ bɨɨx pɨx jix ja daꞌ gu ja maamar. |
| 23398 | MAT 7:13 | ’Baꞌ noꞌ pim jix aaꞌ jiñ jaaduñ na pim buiñor aayaꞌ gu Dios, jum aaꞌ na pim gu ɨlhiꞌch kiꞌñgob kaꞌm bhaan mu baapkiaꞌ na pim baꞌ aayaꞌ buiñor guiꞌ. Na guꞌ jumaip jix jaiꞌch jia gu kiꞌñgob guiꞌ nax ioꞌm jir gɇꞌ na bhaan mu jaꞌk jup tum bapkɨ na paiꞌ gammɨjɨr tu tulhiiñaraꞌ, gio baꞌ maaꞌn jup jix jaiꞌch ɨp gu komaarak gu boi, na dhiꞌ pɨx jir diꞌ na bhaan mu tɨm bhɨbhɨɨ mu jaꞌk. Baꞌ muiꞌ gu jaꞌtkam dhiꞌ kaꞌm bhaan mu baapkim am gu gɇꞌ kiꞌñgob mu jaꞌk na paiꞌ maiꞌx chɨ gɨɨxiꞌ. |
| 23401 | MAT 7:16 | Na guꞌx maatɨꞌ kaꞌ jia nam jax jaꞌk tu jimdaꞌ na pim xi ja nɨiꞌñdhaꞌ. Na guꞌ na pim jax bax maat na cham jax chuꞌm jaiꞌch gu ɨꞌɨɨx nax maikak tu iꞌbhaiꞌñchar na moo gatuuk jix maimdagɨm jup ba iibhaiꞌñchaꞌ, ni gu jax chuꞌm ɨꞌɨɨx guiꞌ na pux maimdagɨm tu iꞌbhaiꞌñchar ku moo joidham jix maikak jup ba iibhaiꞌñchaꞌ gatuuk. |
| 23402 | MAT 7:17 | Na guꞌ guiꞌ nar jix kɨɨꞌ ɨꞌɨɨx kaꞌ, joidham pux maikak tu iꞌbhaiꞌñchardaꞌ, gio guiꞌ na cham kɨɨꞌ kaꞌ gu ɨꞌɨɨx, pu maaꞌn na jax jix maimdagɨm jup tu iꞌbhaiꞌñchardaꞌ. |
| 23414 | MAT 7:29 | Na guꞌ joidham jix bhaiꞌ xi bua na tu aꞌga, cham tuꞌ puiꞌ na jax guiꞌ nam sap pɨk baꞌx maat kaꞌ gu ñioꞌkiꞌñ gu Dios nam puiꞌ tɨip tu ja aꞌgiꞌñdhaꞌ. |
| 23423 | MAT 8:9 | Nañ guꞌ aañ cham gɇꞌkam jiñ chaat, nañ guꞌ bɨtaꞌn jup tuꞌiiꞌ ja bui gu gɇꞌgɇrkam na mɨt yaꞌñ dhai. Guiꞌ pɨx mu jaꞌk jup ja kaichuꞌ iñ. Baꞌ puiꞌp ja biaꞌ iñ jɨꞌkchi gu sandaaruiꞌx nañ puiꞌp tu ja chian, baꞌ xiñ kɇɇ am. Noꞌñ jaroiꞌ maadɨt mu paiꞌ jootos, mu jimiaꞌ cham jax ji chɨꞌji. Piam noꞌñ mu paiꞌ dhɨr baiꞌñ, mu jimiaꞌ ɨp. Bɨɨx guñ chujuandam tuk miꞌ puiꞌ duñiidhaꞌ am nañ tuꞌ ja chiandaꞌ. |
| 23452 | MAT 9:4 | Guꞌ ji na guꞌ gu Jesuus jix bhaiꞌx maat nam jax jum aaꞌ gu ja jujur am bhaan, baꞌp ja tɨtda: ―Ni jɨꞌx iam kur puiꞌ na pim jax jum aaꞌ gu jam jujur am bhaan. |
| 23453 | MAT 9:5 | Na guꞌ cham pɨk xijai jia noꞌñ jax kaiꞌch: “Ba uañchudhix ji matgɨm gum uaꞌtulhdharaꞌ”, na guꞌ cham maatɨꞌ kaꞌ noꞌ moo puiꞌ ji chu buusniaꞌ kaꞌ baꞌ guꞌ cham. Guꞌ ji noꞌñ jax kaiꞌch: “Xi bamiiꞌ, munip jaꞌp ba oirɨdaꞌ”, dho gi guꞌx xijai ji, na guꞌx maatɨꞌ kaꞌ noꞌt cham puiꞌ ji chu buus. |
| 23462 | MAT 9:14 | Baꞌ miꞌ ba ai mɨt guiꞌ nam kaichgɨdaꞌ gu Juan jaꞌtkam bopkondam, baꞌ bhaiꞌ ba tɨkka am gu Jesuus na sap jax kum baꞌ cham jum saabdaꞌ gu jaꞌtkam tugiꞌñ, jup tɨtda am: ―¿Jax kum baꞌ cham jum saabdaꞌ dhim jaꞌtkam tuk? Nach baꞌ aach gammɨjɨch xaabdaꞌ, gio gu pariseos ba puiꞌ ɨp. |
| 23465 | MAT 9:17 | Ni gu biiñ gux oꞌjoꞌ ku cham mim tuaꞌba bhaan gu kɨklhiꞌñgaꞌn jajoꞌ bopko, na guꞌ pu xi xipñiaꞌ noꞌt jax dhuukat mim tua gux oꞌjoꞌ, bar tuꞌ kub kaꞌ baꞌ gu biiñ na bam nuꞌaaꞌ, gio gu jajoꞌ bopko ba puiꞌ ɨp na guꞌ ba saaskiaꞌ, pu cham tuꞌ ka bhaiꞌn kaꞌ. Puiꞌ ku baꞌm aaꞌ na xixiibkam jajoꞌ bopko bhaan jum tuꞌaidhaꞌ gu biiñ gux oꞌjoꞌ na baꞌ cham jax jum duñiaꞌ. |
| 23485 | MAT 9:37 | Baꞌ puiꞌ xim aagɨt jup ja tɨtda guiꞌ nam kaichuꞌ: ―Umri moo gɇꞌr gaa tɨr ya jaꞌp, guꞌ baꞌ gu ordam jir gook alh am. Nam guꞌr muiꞌ guiꞌ nam tɨix kaim gu ñioꞌkiꞌñ gu Dios, guꞌ baꞌ guiꞌ nam tu aꞌga, jir gook alh am. |
| 23492 | MAT 10:6 | Naiꞌ jaꞌp ji na pim jimiaꞌ ja bui guiꞌ nam jir Israel kam jaꞌtkam, guiꞌ nam jaꞌp ji buan na jax gu kakasnir nam maiꞌ suulhgix. |
| 23496 | MAT 10:10 | Nix chuꞌ asaak dho moo ku pim kusbiodaꞌ, gio gu jam sussak pu daipuꞌ ɨp na pim jax ja aaꞌntuꞌndaꞌ, cham tuꞌ na pim guꞌ jaiꞌp ja uaꞌkaꞌ na pim mu paiꞌ ba aadaꞌ noꞌt ma juu. Ni gu oxia ku pim uaꞌkaꞌ na pim kɨꞌn oxiakkidhaꞌ, na guꞌ gu jaroiꞌ na puꞌñi tu juandaꞌ bhaankam gu Dios, pu bɨɨx tu makiidhaꞌ am mu jaꞌp na jax aꞌjidhaꞌ gu tuꞌ na aꞌmiram jum aagidhaꞌ. |
| 23510 | MAT 10:24 | ’Na guꞌ na pim jax bax maat jiñ jaaduñ, na cham jaroiꞌ jaiꞌch gu maaꞌnkam na moo jaꞌxbuiꞌp xim taat na jax gu jax chuꞌm gɇꞌkam tugiꞌñ, ni na cham jaiꞌch gu tujuandam na moo jaꞌxbuiꞌ puiꞌp xim ɨlhiiꞌñdhaꞌ na jax guiꞌ na miꞌ buiñor tujuandaꞌ. |
| 23515 | MAT 10:29 | ’Na guꞌ na pim jax bax maat jia, nam panaas cham muiꞌ namɨɨk gu uꞌjiꞌ guiꞌ nam mu jaꞌp jum gaꞌra. Noꞌt jaroiꞌ jɨꞌk maakob tumñix kaꞌm ja sabaꞌlh, muiꞌ ja aichdhaꞌ. Ku guꞌ bɨɨx ja nɨidhat jup tuꞌiiꞌ ji guñ Gɨꞌkoraꞌ, sia kum guꞌ tɨi cham muiꞌ namɨɨk. |
| 23521 | MAT 10:35 | Na guꞌ jaiꞌ dhɨt noꞌm tɨi ba tɨ jɨɨgiꞌñ aañ jiñ bui, bhaiꞌ ji ja bhaamkidhaꞌ am gu ja maamar, piam gu ja maamar gu ja gɨꞌkoraꞌm bhaiꞌp ji ja bhaamkidhaꞌ, jaiꞌ baꞌ gu ja kakaꞌmdaꞌm bhaiꞌp ji ja bhaamkidhaꞌ gu ja dadaaꞌn. |
| 23525 | MAT 10:39 | Na guꞌ gu jaroiꞌ noꞌ tɨix aaꞌ na gammɨjɨx bhaiꞌ tu jimdaꞌ yaꞌ maaxik bhaan, gatuuk cham bhaiꞌ tu jimiaꞌ, na guꞌ jimiaꞌ mu jaꞌk na paiꞌ gammɨjɨ miꞌ pup jum tulhiiñdhaꞌ. Guꞌ cham ji noꞌ guꞌ cham tuꞌ ji kɇkɇɇdat gammɨjɨ pu tɨ jɨɨgiꞌñ aañ jiñ bui sia ku mɨt ma mua, dai na ba jimiaꞌ pɨx jix dhaam jaꞌk buiñor guñ Gɨꞌkoraꞌ. |
| 23545 | MAT 11:17 | “Ni jɨꞌx ku pimɨt iam tɨ nɨi na chich tɨi ma tu saas, ni ku pimɨt xi susuanɨ na tɨi joiꞌmdam jum kaiꞌchɨt gu saasab.” |
| 23549 | MAT 11:21 | ―¡Jaꞌp moo cham bhaiꞌ tu jam jimiaꞌ aapiꞌm na pim Korasiiñ oiꞌdhaꞌ gio baꞌ aapiꞌm na pim Betsaida jaꞌk jup oiꞌdhaꞌ, na pimɨt guꞌ cham miꞌ puiꞌ jii na jax jix aaꞌ guñ Gɨꞌkoraꞌ! Tɨi ñich jam nɨiꞌñchudat joidham jix kɨɨꞌp jum duukam jup tu duu jam bui na pim tuꞌ cham paiꞌ dhuuk nɨidhat. Iam chi na pimɨt guꞌ tɨɨgɨk miꞌ puiꞌ ba jii. Na guꞌ noꞌñ mu jaꞌk Tiiro puiꞌ joidham jix bhaiꞌm duukam jup tu duñiaꞌ gɨt, gio mu jaꞌk na paiꞌ Sidoon jup tɨ tɨɨꞌ, moo janoꞌ gɨt nam tɨ jɨɨꞌñdhai gu jaꞌtkam buiñor guñ Gɨꞌkoraꞌ miꞌ puiꞌ ba jimiaꞌ na jax jix aaꞌ, baꞌ dai nam ba tɨm tɨiꞌdhaꞌ gɨt gu jajannulh jix xaasak, ni kum bar tu batbiadam kaꞌ gɨt, gio nam mu jaꞌp pɨx ba daraakaꞌ gɨt na paiꞌ jax kaat gu matai, baꞌ dhiꞌ bhaan jix maatɨꞌ kaꞌ gɨt nam jix ioꞌm soiꞌ bam ɨlhiiꞌñ. |
| 23551 | MAT 11:23 | Baꞌ aapiꞌm na pim Kapernaum oiꞌdhaꞌ, ¿jaꞌp jum aaꞌ pim aa na pim aayaꞌ jix dhaam jaꞌk buiñor guñ Gɨꞌkoraꞌ? Matgɨm mu jaꞌk ji na xi jam jootsaꞌ jix ioꞌm tuukab jaꞌk na paiꞌ gɇꞌ tɨ dɨꞌ, na pimɨt guꞌ cham miꞌ puiꞌ jii na jax jix aaꞌ. Na guꞌ noꞌñ mu jaꞌk Sodooma puiꞌ joidham jix kɨɨꞌp jum duukam jup tu duñiaꞌ gɨt, moo janoꞌ gɨt nam tɨ jɨɨꞌñdhai miꞌ puiꞌ jimiaꞌ na jax jix aaꞌ guñ Gɨꞌkoraꞌ, xib dho pui miꞌr kiicham kaꞌ gɨt. |
| 23562 | MAT 12:4 | Na mɨt tu juu bo gu paan gux xidhuu kam guiꞌ na miꞌ tɨkiix kat gɇꞌ chiop na saak dai guiꞌx bhaaiꞌ nam kuaꞌdaꞌ guiꞌ nam miꞌ ja palhbuiꞌñdhaꞌ gu Israel kam jaꞌtkam nam tu daandaꞌ buiñor gu Dios, cham tuꞌ gu tuꞌ jaꞌppɨx jaꞌtkam. |
| 23565 | MAT 12:7 | Cham dho bak maatɨt kɇɇ pim jia gu puiꞌ na jax jaꞌk tu uaꞌñix gu ñioꞌkiꞌñ gu Dios na jaꞌpnim kaiꞌch: “Guꞌ aañ nañ jix aaꞌ ji na pim jix chu joiꞌgɨꞌndaꞌ, cham tuꞌ na pim jax jum aaꞌndaꞌ nañ aañ jix aaꞌ na pim dai na pim tuñ makgɨrxiꞌñdhaꞌ pɨx gu tuꞌ sasoiꞌ, dhiꞌ kɨꞌn miꞌ puiꞌ ba jiim japim nañ jax jix aaꞌ.” Na guꞌ noꞌ pim jix maatɨt kɇɇkɇꞌ gɨt gu dhiꞌ puiꞌ jɨꞌ na jax jaꞌk jum kaiꞌch, cham tuꞌ puiꞌ kaiꞌchdhaꞌ pim gɨt nam jum uaꞌtulhiꞌñ dhiñ jaꞌtkam tuk, sia kum guꞌ tɨi cham tuꞌm uaꞌtulhiꞌñ. |
| 23585 | MAT 12:27 | Guꞌ baꞌ aapiꞌm na pim puiꞌ kaiꞌch na puiꞌ aañ jiñ aꞌm jup tuiꞌdhiꞌ gu ja gɇꞌkam tuk gu cham kɨkɨɨꞌ iꞌiiꞌmdaꞌ, ¿aapiꞌm baꞌ moo puꞌñi ɨp aa gu jam jaꞌtkam tuk guiꞌ nam jam kaichuꞌ, puꞌñi aa ja gɇꞌkam tuk gu cham kɨkɨɨꞌ iꞌiiꞌmdaꞌ ja aꞌm jup tuiꞌdhiꞌ, nam baꞌx ja jɨɨgiꞌñdhaꞌ nam puꞌñi maiꞌ ja jootosdaꞌ gu cham kɨkɨɨꞌ iꞌiiꞌmdaꞌ ja aꞌm dɨr gu jaꞌtkam? ¿Piam aa na guꞌ cham? Na guꞌ puꞌñi pɨx jaꞌk ji buusniaꞌ nañ jax ba kaiꞌch. |
| 23587 | MAT 12:29 | ’Na guꞌ cham jir am gu jaroiꞌ na mu baakɨi baꞌkiram tɨ ɨɨxdhaꞌ gu bɨxchugaꞌn gu maaꞌnkam jix oogɨm noꞌm guꞌ gook dɨt maaꞌn ñiꞌook jup duuk. Dai noꞌm cham maaꞌn ñiꞌook jup duuk na baꞌx bhaaiꞌ na xi buuprai tɨ ɨxdhaꞌ gu bɨxchugaꞌn. |
| 23591 | MAT 12:33 | ’Noꞌ pimɨt jix bhaiꞌ moikxi gu jax chuꞌm jam ɨꞌɨɨx, joidham jix kɨɨꞌ iꞌbhaiꞌñchaꞌ dho. Piam ku guꞌ noꞌ pimɨt cham bhaiꞌ moikxi, cham kɨɨꞌ iꞌbhaiꞌñchaꞌ dho. |
| 23593 | MAT 12:35 | Na guꞌ gu jaroiꞌ noꞌ dɨɨlh pur jix bhaiꞌkam, joidham jix bhaiꞌ tu ñiokdaꞌ, na guꞌ dai puiꞌ jaꞌk jum aaꞌndaꞌ juraꞌran bhaan. Guꞌ baꞌ gu jaroiꞌ noꞌ pu dɨɨlh cham jir kɨɨꞌ maaꞌnkam, giilhim jix buam tu ñiokdaꞌ, na guꞌ dai puiꞌ jaꞌk jup jum aaꞌndaꞌ juraꞌran bhaan. |
| 23595 | MAT 12:37 | Na guꞌ noꞌ pimɨt cham soiꞌm ɨlh buiñor na baꞌ tu jam uañdhaꞌ gu jam uaꞌtulhdharaꞌ, dai na pim pɨx am tɨꞌñchokaꞌ na jam aaꞌñdhai giilhim jam tulhiiñchudaꞌ, noꞌ pimɨt cham jaꞌp xi dhuuk gu dhiꞌ puiꞌ na pim jax jix buam tu ñiokdaꞌ. |
| 23599 | MAT 12:41 | Baꞌ janoꞌ na paiꞌ dhuuk tum kuugalhdhaꞌ na ja aagiꞌñdhaꞌ guñ Gɨꞌkoraꞌ bɨɨx gu jaꞌtkam nam tuꞌ jax buimɨi yaꞌ dhi oiꞌñgaꞌn bhaan, guiꞌ nam Niinibe oiꞌñkat xi guꞌkɨi pu tɨꞌyaꞌ am na pim maaxik pu cham tuꞌ kaꞌm tɨ nɨiꞌñ. Na guꞌ gu Niinibe oiꞌñkam kat moo janoꞌ cham jax ji chɨꞌɨɨk miꞌ puiꞌ jii mɨt na jax jix aaꞌ guñ Gɨꞌkoraꞌ na paiꞌ dhuuk puiꞌ ba tu ja aꞌgiꞌñ gu Jonaas. Baꞌ aañ nañ xib yaꞌ oirɨ aapiꞌm jam bui, jix ioꞌm jir gɇꞌkam iñ, cham tuꞌ puiꞌ na jax gu Jonaas. |
| 23600 | MAT 12:42 | Gio guiꞌ na bɨjɨk jix ioꞌm jup jir gɇꞌkam kat gu ubii na muni jaꞌk kiokat jurnip, puiꞌp xi kɨkboi puiꞌ xi chɨꞌyaꞌ na pim maaxik pu cham tuꞌ kaꞌm tɨ nɨiꞌñ. Na guꞌ guiꞌ jɨꞌ gu ubii jum dɨkooꞌñ nat mɨk dɨr bha jii nat bha kaim gu Salomoon guiꞌ na yaꞌr gɇꞌkam kat, na puiꞌ tɇ kɇɇkɇꞌ nax ioꞌm jix chu matdaꞌ kaꞌ. Baꞌ aañ nañ xib yaꞌ oirɨ aapiꞌm jam bui, jix ioꞌm jix chu matdaꞌ iñ, cham tuꞌ puiꞌ na jax gu Salomoon. |
| 23608 | MAT 12:50 | Na guꞌ gu jaroiꞌ na puꞌñi miꞌ puiꞌ ba jimdaꞌ na jax jix aaꞌ guñ Gɨꞌkoraꞌ guiꞌ nax dhaam jup tuꞌiiꞌ, dhiꞌ puiꞌ ji buusandaꞌ na bar jiñ jaaduñ kaꞌ gio na bar jiñ ñaan kaꞌ. |
| 23620 | MAT 13:12 | Na guꞌ gu jaroiꞌ noꞌ puꞌñi tɨ jɨɨgiꞌñ, jix ioꞌm ba mattudaꞌ guñ Gɨꞌkoraꞌ, baꞌx ioꞌm bax mat kaꞌ, cham tuꞌ puiꞌ na jax bɨɨpɨꞌ dɨr. Baꞌ gu jaroiꞌ noꞌ cham maachim, sia ku tɨi palhɨɨp am jix maat, saalh puiꞌ dho cham ka tɨꞌñchokaꞌ, mɨkkat pu cham ka mat kaꞌ. |
| 23622 | MAT 13:14 | Baꞌ dhiꞌ ja bui puiꞌ ba tum kuugalh nat jax tu uaꞌnak gu Isaiiyas guiꞌ na bɨjɨk bhaankam tu aꞌgimɨk gu Dios na jaꞌpnim kaiꞌch: Noꞌm tɨi tɇ kɇɇ, cham maatɨt kaayaꞌ am, gio noꞌm tɨi jax tɨ nɨiꞌñ, cham maatɨt tɨgiaꞌ am na jax jir jum duukam kaꞌ. |
| 23623 | MAT 13:15 | Nam guꞌ dɨɨlh cham maatɨt tɇ kɇɇkɇꞌ dhiꞌ dhi jaꞌtkam, panaas baꞌ ku jaꞌp ji buusandaꞌ nam pu cham ñiññia kaꞌ gio nam pu cham tɇ kɇɇkɇꞌ, guꞌ na baꞌ jax dhui pɨx cham bhaaiꞌn kaꞌ nam jix maatɨt tɇ kɇɇkɇꞌ, gio na cham bhaaiꞌn kaꞌ nam jix maatɨt tɨ nɨiꞌñdhaꞌ, nam baꞌ cham maatɨi miꞌ puiꞌ jimiaꞌ nañ jax jix aaꞌ, baꞌ aañ cham tuꞌp jiñ buixiꞌñdhaꞌ ja bui. |
| 23657 | MAT 13:49 | Baꞌ puꞌñi jaꞌk jup tum duñiaꞌ janoꞌ na paiꞌ dhuuk tum kuugalhdhaꞌ yaꞌ dhi oiꞌñgaꞌn bhaan. Naiꞌ jaꞌp ji jimiaꞌ am gu noonbiꞌñ guñ Gɨꞌkoraꞌ nam ja boosgapuꞌ guiꞌ nam jɨꞌk cham tuꞌ kaꞌm tɨ nɨiꞌñdhaꞌ miꞌ dhɨr ja bui guiꞌ nam tuꞌ kaꞌm tɨ nɨiꞌñ. |
| 23660 | MAT 13:52 | Baꞌ gio muiꞌp ji ñio gu Jesuus, jup ja tɨtda: ―Noꞌ maadɨt guiꞌ nam sap jix mat kaꞌ gu ñioꞌkiꞌñ gu Dios miꞌ puiꞌ ba jii na jax pɨk jaꞌk bhaan ba tɨ nɨidhidhaꞌ, jaꞌp ji buusandaꞌ na jax gu jaroiꞌ noꞌ miꞌ paiꞌ tu biaꞌ gu bɨxchugaꞌn, na guꞌ bɨɨx pɨx joidham tɨ nɨiꞌñdhaꞌ, sia ku jaiꞌ tɨir kɨklhiꞌñgaꞌn. |
| 23666 | MAT 13:58 | Baꞌ cham tuꞌ muiꞌx bhaiꞌm duukam jup tu duu gu Jesuus miꞌ na paiꞌr Nasareet, nam guꞌ cham tɨ jɨɨgiꞌñ gu miꞌ kam noꞌ moop jir diꞌ guch Xoiꞌkam. |
| 23694 | MAT 14:28 | Baꞌ muiꞌ ji ñio gu Peegro, jup kaiꞌch: ―Noꞌp baabuiꞌ sɨlhkam aap jir diꞌñ jaduuñ, puiꞌp xi chɨꞌyaꞌ nañ aañ yaꞌ dɨr muiꞌ xi jimiaꞌ bɨɨx suudaiꞌ dhaam miꞌ nap paiꞌ dhɨr bha jim. |
| 23711 | MAT 15:9 | ¿Tuꞌm gi miꞌp tɨgiaꞌ sia kum bɨɨx aixim tɨi tu jim? Na guꞌ dai nam jax pɨx jaꞌk ja aagiꞌñdhaꞌ gu jaꞌtkam nam baꞌ pu tu bua. |
| 23715 | MAT 15:13 | Baꞌp ja tɨtda gu Jesuus: ―¿Dho jax gip bua? Na guꞌ gu ɨꞌɨɨx guiꞌ nat cham ya ɨꞌxcha guñ Gɨꞌkoraꞌ, jix bhaaiꞌ na takbonai mu baas buaꞌ. |
| 23719 | MAT 15:17 | Jaꞌp jañ dho kaiꞌñkam jup kaiꞌch: Na cham xidhuu gu tuꞌ koiꞌ noꞌ moo tu kuaꞌ pɨx gu jaroiꞌ, na guꞌ sɨlh bhɨɨyaꞌ bookaran jaꞌk, miꞌ dhɨr gatuuk dai na giop ba buusniaꞌ. |
| 23721 | MAT 15:19 | Na guꞌ ja jujur am dɨr bhaan gu jaꞌtkam nam gɨgɨꞌlhiꞌñ gux buam jum duukam, puiꞌ na jax gu jaꞌtkam nam jix ja koodam kaꞌ, gio guiꞌ nam jaiꞌ ja biaꞌkaꞌ gu uꞌuub sia kum tɨi tɨ bɨpnaꞌ, gio guiꞌ nam jir ganaiꞌ pɨx kaꞌ, gio baꞌ guiꞌ nam tɨ ɨɨxiꞌñdhaꞌ, gio baꞌ guiꞌ nam iatdaꞌ, gio guiꞌ nam giilhim ja tɨtdadaꞌ gu jaꞌtkam na jax cham jir am. |
| 23727 | MAT 15:25 | Guꞌ ji nat guꞌ gu ubii jix ioꞌm miaꞌn xi ɇɇk mi jaꞌp oꞌlhiaꞌn kɨꞌn xi kɨkbok jup tɨtda gu Jesuus: ―Noꞌ pich gi moo iam duaꞌñ guñ maraax. |
| 23728 | MAT 15:26 | Guꞌ ji na guꞌp tɨtda pɨx gu Jesuus: ―Jaꞌpji na guꞌ cham jir am noꞌ ñich tɨip xi dhuaꞌñ gum maraax jiñ jaduuñ, na guꞌ bɨɨpɨꞌ aagix gu Israel kam jaꞌtkam nañ jix bhaiꞌ ja duñiaꞌ. Na guꞌ noꞌ ñich aap bɨɨpɨꞌ jix bhaiꞌm duu, jaꞌp ji buusniaꞌ na jax gu aꞌaalh noꞌm mu paiꞌ ka tu kuaꞌ gu tuꞌ noꞌ ñich miꞌ dhɨr ja boppoidhak mu jaꞌk xi ja maa gu goꞌngox. |
| 23729 | MAT 15:27 | Baꞌp kaiꞌch ɨp gio gu ubii: ―Dho guꞌr puiꞌ dat dho jia tɨiñ jaduuñ, guꞌ pɨx ji nañ guꞌ aañ soiꞌñ ɨlhiiꞌñ. ¿Cham aa guꞌ cham jax jup bua noꞌp moo xiñ joiꞌmdaip jiñ chɨgiaꞌ gɨt? Na guꞌ jaꞌp ji buusniaꞌ na jax gu goꞌngox noꞌm miꞌ paiꞌ tɨ tɨɨtɨb gu biimñigaꞌn gu koiꞌ na iigɨsdaꞌ nam tu kuaꞌdaꞌ guiꞌ nam jaroiꞌr ja goꞌngoxiꞌ kaꞌ. |
| 23750 | MAT 16:9 | ¿Chakui aa pim maatɨt jiñ ñɨiꞌñ nañ jir tuꞌp tuꞌm daꞌ? ¿Cham aa pim tɨꞌñcho na ñich aañ muiꞌdhalh gu paan gux chamaam na ñich tu ja maa gu muiꞌ jaꞌtkam aixkam jix chamaam mambhɨɨx jix chaꞌtmam ooꞌm? Na mɨt jaiꞌ cham ka jugio bo na pimɨt baꞌ aapiꞌm giop ma tu jumaap bapaalh chaꞌm. ¿Cham aa pim tɨꞌñcho na pimɨt jɨꞌk ja susduiꞌ? |
| 23765 | MAT 16:24 | Miꞌ dhɨr baꞌ moop ja tɨtda bɨɨx gu noonbiꞌñ gu Jesuus: ―Noꞌ jaroiꞌx aaꞌ na gammɨjɨ bañ kaichgɨdaꞌ, jum aaꞌ na jaꞌp xi dhuuji na dɨɨlh jax ɨlhiiꞌñdhaꞌ, dai na pɨx bhaan ji bamgiaꞌ, cham jax bua sia kum jix muꞌaam. |
| 23766 | MAT 16:25 | Na guꞌ gu jaroiꞌ noꞌ tɨix aaꞌ na gɨt jix bhaiꞌ tu jimdaꞌ yaꞌ dhi oiꞌñgaꞌn bhaan, cham bhaiꞌ tu jimiaꞌ gatuuk. Guꞌ cham ji noꞌ guꞌ cham tuꞌ ji kɇkɇɇdat gammɨjɨñ kaichuꞌ sia ku mɨt ma mua, na guꞌx bhaiꞌ tu jimiaꞌ miꞌ dhɨr jaꞌp jaꞌk. |
| 23767 | MAT 16:26 | ¿Tuꞌ gi miꞌp tɨgiaꞌ gu jaroiꞌ sia ku tɨi bɨxchuꞌ tu biaꞌ gu tuꞌ na yaꞌ dhi oiꞌñgaꞌn jix chu jaiꞌch? Na guꞌ cham jɨꞌxkat palhbuidhaꞌ na tɨsdiaꞌ jix dhaam jaꞌk noꞌt jotmodaꞌ am xi muu. |
| 23768 | MAT 16:27 | Na guꞌ aañ nañ paiꞌ dhuuk gio bhaiꞌp jimdaꞌ yaꞌ dhi oiꞌñgaꞌn bhaan, jix ioꞌm gɇꞌkam kɨꞌn bha jimdaꞌ iñ, na guꞌñ aꞌm tɨ nɨidhidhaꞌ guñ Gɨꞌkoraꞌ, sia gu noonbiꞌñ jam jiñ bɨɨm jiimdaꞌ. Baꞌ yaꞌ ja makiaꞌ iñ bɨɨx gu jaꞌtkam gu tuꞌ nar ja maiꞌchɨk kaꞌ bɨɨx jɨꞌmaꞌn nam tuꞌ jax buimɨi yaꞌ dhi oiꞌñgaꞌn bhaan, noꞌm miꞌ puiꞌ jiimdat na jax jix aaꞌ gu Dios piam ku guꞌ cham. |
| 23789 | MAT 17:20 | Baꞌp ja tɨtda gu Jesuus: ―Dho na pim cham bɨɨx jam jujur kɨꞌn tɨ jɨɨgiꞌñ dho buiñor guñ Gɨꞌkoraꞌ. Na guꞌ noꞌ pim bɨɨx jam jujur kɨꞌn tɨ jɨɨgiꞌñdhaꞌ gɨt buiñor, sia ku pim guꞌ panaas cham tuꞌ bhaigɨm tuꞌiiꞌ, jaꞌp na jax gu mostaasa kai na panaas cham tuꞌ bhaigɨm tuꞌiiꞌ, aañ pu jam tɨtda na sia dhi oidhaꞌ jix bhaaiꞌ na pim pu tɨɨdaꞌ na maakam jaꞌk jimiaꞌ, puiꞌ dho ji chu buusniaꞌ noꞌ pim moo tuꞌ sɨlhkam tɨ jɨɨgiꞌñ buiñor guñ Gɨꞌkoraꞌ. |
| 23804 | MAT 18:8 | ’Guꞌ baꞌ noꞌp guꞌ aap gum nob kɨꞌn jum uaꞌtulhiꞌñ piam gum toon kɨꞌn, jix bhaiꞌ nap ɨɨkɨi mu baas buaꞌ nap baꞌ cham gammɨjɨ kɨꞌn pup jum uaꞌtulhiꞌñdhaꞌ, cham jax bua sia kup maap dɨr cham tu nobtuꞌ piam kup cham tu toontuꞌ nap paiꞌ dhuuk ba aayaꞌ jix dhaam. Na guꞌ xiꞌ cham jir am noꞌ mɨt guꞌ bɨnkam mu jaꞌk xim bua na paiꞌ gammɨjɨ cham tutkɨ gu tai nap miꞌ pup jum tulhiiñdhaꞌ gammɨjɨ, sia kup bɨɨx gook tɨi xi chu noonobtuꞌ piam kup bɨɨx gook tɨi tu tootontuꞌ. |
| 23805 | MAT 18:9 | Piam ku guꞌ noꞌp guꞌ maap dɨr gum buupui kɨꞌn jup jum uaꞌtulhiꞌñ, jix bhaiꞌ ɨp puiꞌ nap jupnai mu baas buaꞌ nap baꞌ cham gammɨjɨ kɨꞌn pup jum uaꞌtulhiꞌñdhaꞌ. Na guꞌ xiꞌ cham jir am noꞌ mɨt bɨnkam mu jaꞌk xim bua na paiꞌ gammɨjɨ cham tutkɨ gu tai nap miꞌ pup jum tulhiiñdhaꞌ gammɨjɨ. Guꞌ cham ji noꞌp maap dɨr pɨx tu buupuichuꞌ nap paiꞌ dhuuk ba aayaꞌ jix dhaam, cham jax bua, na guꞌx bhaiꞌ ba tum jimiaꞌ. |
| 23807 | MAT 18:11 | Nat guꞌ aañ pu kaiꞌñkam bhañ joot jia guñ Gɨꞌkoraꞌ yaꞌ dhi oiꞌñgaꞌn bhaan nañ yaꞌ ja palhbuidhaꞌ nañ ja boosgaꞌ guiꞌ nam jɨꞌk mu jaꞌk bhɨichuꞌ nam paiꞌ gammɨjɨ miꞌ pup jum tulhiiñdhaꞌ. |
| 23816 | MAT 18:20 | Na guꞌ noꞌm jɨꞌk gook piam jɨꞌk baik miꞌ paiꞌ tu daan gu jaꞌtkam aañ jiñ bui, aañ miꞌp tuiꞌñgɨdaꞌ ja bui. |
| 23840 | MAT 19:9 | Ku guꞌ jaꞌp moo gu tuꞌx matgɨm nañ yaꞌ jam aagiꞌñdhaꞌ, jaꞌpji na cham jir am ji na maiꞌ buaꞌ gu jaroiꞌ gu bɨngaꞌn noꞌt cham bɨɨpɨꞌ jumai bɨɨmaꞌn tɨɨ na boꞌkaꞌ. Na guꞌ noꞌt jumai tɨi bhaiꞌ ji bhɨi gu chioꞌñ gu ubii, cham tuꞌ puiꞌ ka ji buandaꞌ am nam jir jum bɨpnagɨm, nam guꞌ jaꞌp pɨx ba tu jimdaꞌ panaas na jax guiꞌ nam jir ganaiꞌ pɨx. |
| 23848 | MAT 19:17 | Baꞌp tɨtda gu Jesuus: ―¿Guꞌ jax duukat jap jix maat jiñ jaduuñ nañ jir jix bhaiꞌkam? Na guꞌ jumaip jix jaiꞌch jia guiꞌ na puiꞌp jir jix bhaiꞌkam, guiꞌ dhoñ Gɨꞌkoraꞌ nax dhaam jup tuꞌiiꞌ. Baꞌ noꞌp jix aaꞌ nap jimiaꞌ buiñor, jum aaꞌ nap bɨɨpɨꞌ miꞌ puiꞌ jimiaꞌ na jax jum kaiꞌch gu ñioꞌkiꞌñ miꞌ na paiꞌ tu uaꞌñix. |
| 23876 | MAT 20:15 | Na guꞌ dɨɨlh jir jiñ chumñiꞌ siañ jax bua. ¿Kaꞌ pim ji xiñ jɨɨgam aa nañ jir jix bhaiꞌkam ja bui dhi jaaduñ?” |
| 23884 | MAT 20:23 | Baꞌp ja tɨtda ɨp gio gu Jesuus: ―Dho guꞌr am dho noꞌ pim guꞌx ñakooꞌ na pim jum tulhiiñaꞌ. Ku baꞌ guꞌ aañ cham jax jam tɨɨdaꞌ ji na moo puiꞌ tu tuiꞌkaꞌ gu dhiꞌ na pim tuꞌ bhaan tu aꞌga, na puiꞌ maaꞌn kɨɨꞌn dɨr jaꞌk jiñ xanoop daakaꞌ, gu jumai baꞌ oꞌnsop dɨr jaꞌk. Na guꞌ dai janoꞌ na paiꞌ dhuuk tum kuugalhdhaꞌ yaꞌ dhi oiꞌñgaꞌn bhaan na baꞌx maatɨꞌ kaꞌ na jaroiꞌ bhaiꞌ ji aagaꞌ guñ Gɨꞌkoraꞌ. |
| 23886 | MAT 20:25 | Guꞌ ji nat guꞌ gu Jesuus jotmodaꞌ maap xi ja jumpadak jup ja tɨtda: ―Jax dhui na cham jir am na pim moo kɨꞌn jup bax bhaak na pim jix aagɨt na pim jir gɇꞌgɇrkam kaꞌ. Na guꞌ dhiꞌ jaꞌp pɨx ba ji buusan na jax guiꞌ nam cham tuꞌ kaꞌm tɨ nɨiꞌñ, puiꞌ na jax guiꞌ nam jix kakaiꞌ kɨꞌn dadarrɨ nam xiꞌ gɇꞌgɇrkam jum taat kaꞌ ja bui gu ja jaꞌtkam tuk, sia ji guꞌ noꞌm jir miamdagaꞌn pɨx, gɇꞌgɇrkam bam taat kaꞌ am. |
| 23889 | MAT 20:28 | Na guꞌ sia aañ nat bhañ joot guñ Gɨꞌkoraꞌ, cham tuꞌ gɇꞌkam jiñ ɨlhiiꞌñ iñ, na ñich guꞌ cham tuꞌ pu kaiꞌñkam bha jii yaꞌ dhi oiꞌñgaꞌn bhaan nam baꞌ yaꞌñ palhbuiꞌñdhaꞌ gu jaꞌtkam tuꞌ na pɨx kɨꞌn. Guꞌ jaꞌpji na ñich jaꞌkbuiꞌ kat bha ja palhbuidham ji nañ ja aꞌmkam mukiaꞌ na baꞌ miꞌ dhɨr ba tu namkix kaꞌ gu ja uaꞌtulhdharaꞌ. |
| 23905 | MAT 21:10 | Baꞌ jaꞌxpɨx nat paiꞌ dhuuk bhammɨ ba ai gu Jesuus na paiꞌr Jerusaleen, cham maat am gu bhaiꞌ oiꞌñkam nar jaroiꞌ dhaꞌ. Naiꞌ tɨim tɨ tɨkka am, jup kaiꞌch am: ―¿Jaroo chi baꞌ daꞌ dhi maaꞌnkam? |
| 23906 | MAT 21:11 | Baꞌ jaiꞌ dhɨt jup kaiꞌch am: ―Dho dhiꞌ dhor diꞌ gu Jesuus guiꞌ na bhaankamuꞌn tu aꞌga gu Dios, guiꞌ na mummɨ kio Nasareet guiꞌ na miꞌ bipioꞌ na paiꞌ jax jir Galilea. |
| 23919 | MAT 21:24 | Baꞌ gu Jesuus jup ja tɨtda: ―Dho ea nañ aañ maaꞌn jup xi jam tɨkkaꞌ gu tuꞌx buadam na jax jir jum duukam. ¿Jaroo bha joot saak gu Juan na ja bopkonaꞌ gu jaꞌtkam? ¿Dios aa, kaꞌ dɨɨlh aa mɨt chia gu jaꞌtkam na ja bopkonaꞌ? Ea gor xiñ aagiꞌñ nañ baꞌ aañ jup jam aagiꞌñdhaꞌ. Baꞌ guiꞌ dai na mɨt ba jim tɨ tɨkka dɨɨlh, jup kaiꞌch am: ―¿Jax jach jaꞌk tɨɨdaꞌ? Na guꞌ noꞌch jax kaiꞌch nat gu Dios bha joot gu Juan, puiꞌ dho ji chɨꞌyaꞌ: “¿Guꞌ jax ji ku pimɨt baꞌ cham miꞌ puiꞌ jii na jax tɨi pup tu jam aꞌgidhimɨk?” |
| 23953 | MAT 22:12 | Baꞌp tɨtda: “¿Jax japich dhuuk ya baañ jaduuñ? Nap moo cham pu chuꞌm tɨ tɨiꞌchuꞌ na jax chuꞌm tɨm tɨtɨꞌ na baꞌx bhaaiꞌn kaꞌ nañ mu bakiaꞌ miꞌ paiꞌ noꞌ puꞌñir koiꞌcham kaꞌ.” Baꞌ cham ñiok guiꞌ na miꞌ puiꞌ tɨtda. |
| 23972 | MAT 22:31 | Gio guꞌx bhaiꞌx maatɨꞌ nam bhaiꞌ paiꞌ aajim maaꞌn kap guiꞌ nam jɨꞌk koꞌiim gu ja tutkuꞌ am bhaan, na guꞌ puiꞌm kaiꞌch bo gu ñioꞌkiꞌñ gu Dios miꞌ na paiꞌ tu uaꞌñix bhaan gu uꞌuan. ¿Cham aa pim jɨꞌxkat tu jiñkuiꞌñ? Na jaꞌpnim kaiꞌch bo: |
| 23981 | MAT 22:40 | Na guꞌ dhiꞌ bɨɨx na jɨꞌk jax tu uaꞌñix gu ñioꞌkiꞌñ gu Dios, dai dhiꞌ pɨk dhi gok kap nax ioꞌm bhaan tum aꞌgadaꞌ, gio guiꞌ nam bɨjɨk bhaankam jup tu aꞌgimɨk gu Dios, dai dhiꞌ bhaan jup tu ja aꞌgiꞌñdhaꞌ am gu jaꞌtkam. |
| 23997 | MAT 23:10 | Ni na pim cham puiꞌm aaꞌndaꞌ nam gɨt gɇꞌgɇrkam jam biaꞌkaꞌ gu jaꞌtkam, na guꞌ aañ nat bhañ joot guñ Gɨꞌkoraꞌ nañ baꞌr jam gɇꞌkam tuk. |
| 23999 | MAT 23:12 | Na guꞌ gu jaroiꞌ noꞌ dai gɇꞌkam jum taat, pu cham tuꞌ dho tuꞌ kɨꞌn ji biꞌyaꞌ, guꞌ noꞌ gammɨjɨ soiꞌm ɨlhiiꞌñ, dho gi guꞌ gɇꞌkam kɨꞌn ji biꞌyaꞌ ji. |
| 24007 | MAT 23:20 | Na guꞌ gu jaroiꞌ noꞌt puiꞌ tɨi na bhaan jix maatɨꞌ kaꞌ guiꞌ na bhaan tum makgɨrxiꞌñ gu Dios na tuꞌ sɨlhkam puiꞌ tu duñiaꞌ jax ña jaꞌk jix chu duñiim kaꞌ, cham tuꞌ dai guiꞌ aagɨt jup kaiꞌchdhaꞌ na bhaan bha tum makgɨrxiꞌñ, guꞌ jaꞌpji bɨɨx ji sia na aagɨt jup kaiꞌchdhaꞌ guiꞌ na jɨꞌk tuꞌ bha tɨ bɨtkaꞌ bhaan. |
| 24020 | MAT 23:33 | ’¿Jax japim dui ɨlhiiꞌñ na pim cham mu jaꞌk bhɨɨyaꞌ na paiꞌ gammɨjɨ cham tutkɨ gu tai na pim miꞌ pup jum tulhiiñdhaꞌ gammɨjɨ? Na pim guꞌ giilhim jix bhaaꞌmnaꞌ jaꞌp na kookoꞌ. |