23216	MAT 1:3	Miꞌ dhɨr baꞌ gu Judaa gook jup tu maamar kat, maaꞌn Paaris tɨɨgich, gu jumai baꞌ Saara, gu ja naan baꞌ Tamaar jup tɨɨgich. Baꞌ gu Paaris maaꞌn jup tu mar kat, Isroom jup tɨɨgich. Miꞌ dhɨr baꞌ gu Isroom maaꞌn jup tu mar kat, Araam jup tɨɨgich.
23321	MAT 5:18	Tuꞌ sɨlhkam kɨꞌn jañ yaꞌ pu jam tɨtda, noꞌ gux dhaam ka pup jaiꞌch gio dhi dɨbɨɨr, chakui dho jɨꞌxdhat jum pataasaꞌ gu puiꞌ nat jax jaꞌk ja tɨɨdak gu Moisees nam miꞌ puiꞌ jiimdaꞌ gu jaꞌtkam, janoꞌ ji baꞌ na paiꞌ dhuuk bɨɨx ba tum kuugalhdhaꞌ.
23348	MAT 5:45	Baꞌ dhiꞌ puꞌñi jaꞌk jir maamraꞌn kaꞌ pim guñ Gɨꞌkoraꞌ guiꞌ nax dhaam jup tuꞌiiꞌ, na guꞌ guiꞌ puꞌñir jix bhaiꞌkam jia, bɨɨx maaꞌn na jax ja ɨlhiiꞌñ gu jaꞌtkam. Tɨɨꞌ na bɨɨx ja bɨꞌñxiꞌñ kɨꞌn gu tanoolh guiꞌ nam jix uꞌuaꞌtulhdhix gio guiꞌ nam cham uꞌuaꞌtulhdhix, gio na bɨɨx ja dukxiꞌñ ɨp, cham tuꞌ jɨꞌk pɨx.
23381	MAT 6:30	Gu Dios dho mi jaꞌp ja ɨꞌxcha gux aꞌbhar yooxiꞌ. Baꞌ noꞌt ba yoo, jaꞌp ji buusniaꞌ na joidham jix aꞌbhar ba tu ja tɨiꞌdhaꞌ. Tɨir saiꞌ pɨx guꞌ na pim jax ba nɨiꞌñ, dai ji na guꞌ cham muiꞌ juruuxiꞌñ. Jɨꞌk gook tanoolh pɨx juruuñdhaꞌ piam jɨꞌk baik, jumai buimgidhak jix gak mi jaꞌp tuutkaꞌ. ¿Gu baꞌ aapiꞌm cham puꞌñi joidham jix aꞌbhar jup tu jam tɨiꞌdhaꞌ aa guñ Gɨꞌkoraꞌ noꞌ pim bɨɨx jam jujur kɨꞌn tɨ jɨɨgiꞌñ buiñor?
23382	MAT 6:31	Guꞌ jaꞌpji na pim cham jax jum aaꞌndaꞌ ji jiñ jaaduñ sia ku cham ka jaiꞌch na pim tuꞌ jugiaꞌ. Chaꞌpim jax kaiꞌchdhaꞌ: “¿Tuꞌch baꞌ jugiaꞌ chi?” Piam ku guꞌ noꞌ cham ka jaiꞌch na pim tuꞌ iꞌyaꞌ, chaꞌpim jax kaiꞌchdhaꞌ: “¿Tuꞌch baꞌ ka iꞌyaꞌ chi?” Piam ku guꞌ na pim tuꞌ tɨꞌyaꞌ noꞌt ma saaskɨ gu jam jajannulh, aapiꞌm sia cham jax jum aaꞌndaꞌ.
23386	MAT 7:1	’Gio baꞌ moo jaꞌpni jaꞌk jañ jup xi jam tɨɨdam jiñ jaaduñ, na pim cham juandaꞌ gu jaroiꞌ sia kut jix buam jum duukam jup tu duu jam bui. Tu uañiꞌñkaꞌ pim pɨx.
23424	MAT 8:10	Baꞌ miꞌ puiꞌ pup tuꞌiiꞌ gu Jesuus nat puꞌñi kai gu ja gɇꞌkam tuk gu sandaaruiꞌx. Miꞌ dhɨr baꞌ moop ja tɨtda gu jaꞌtkam guiꞌ nam oiꞌñchuꞌ: ―Tuꞌ sɨlhkam kɨꞌn jañ yaꞌ pu jam tɨtdañ jaaduñ na cham jaroiꞌ jaiꞌch gu Israel kam na jaꞌxbuiꞌ puiꞌ bɨɨx juraaꞌn kɨꞌn jix biiñak buiñor gu Dios na jax dhiñ jaduuñ.
23489	MAT 10:3	Gio baꞌ moo gu Piliip ɨp, gio baꞌ gu Bartolomee, gio baꞌ moo gu Tomaas ɨp. Gio baꞌ gu Mateo guiꞌ na bɨɨpɨꞌ dɨr jir tuumiñ tutaandam tugiꞌñ kat gux ioꞌm gɇꞌkam Rooma kam. Gio baꞌ moo gu jumai na puiꞌp tɨɨꞌ Jakoobo guiꞌ na Alpeo jir maraaꞌn, gio baꞌ moo gu Tadeo ɨp.
23535	MAT 11:7	Baꞌ pu jii mɨt gu jaꞌtkam tugiꞌñ gu Juan jaꞌtkam bopkondam daipuꞌ nat puꞌñi xi ja tɨɨꞌn gu Jesuus. Miꞌ dhɨr baꞌ moop ja tɨtda gu Jesuus gu jaꞌtkam guiꞌ nam jɨꞌk miꞌp tuꞌiiꞌ: ―¿Tuꞌ pimɨt mu tɨɨꞌmpuk mummɨ gampɨx jix chu gak kɨr janoꞌ na pimɨt paiꞌ dhuuk mu jimɨɨk? ¿Gu junboꞌ aa na miꞌ joidham jum bua na bhaiꞌ xi jɨbɨɨr?
23544	MAT 11:16	’¿Tuꞌñ gɨt bhaan ji uaꞌrgidhai tu jam aagidhaꞌ nam jax jaꞌk ji buan gu jaꞌtkam guiꞌ nam xib jix jaiꞌch? Jaꞌp ji buan am dho na jax gu aꞌaalh noꞌ mɨt muiꞌ maap xim daagɨk mu paiꞌ ma tɨtbim jax chuꞌm giotɨr. Baꞌ noꞌ mɨt jaiꞌ bha jaꞌp ji dharaibuk ma tu saas, baꞌ nam paiꞌ dhuuk xi saasbichui jup ja tɨɨdaꞌ am gu jaiꞌ ja bɨpnaꞌ aꞌaalh:
23546	MAT 11:18	Puꞌñi jaꞌk ji buan am gu jaꞌtkam guiꞌ nam xib jix jaiꞌch. Tɨɨꞌ na guꞌ gu Juan jaꞌtkam bopkondam nat tɨi yaꞌ xi ɇɇk ja bui, puiꞌ aiꞌchux jamɨt na jaꞌook bhaan jup tuiꞌñgɨdaꞌ, sia ku guꞌ gammɨjɨ tɨim saabdaꞌ gio na tɨi cham paiꞌ dhuuk ioꞌdaꞌ gu biiñ.
23549	MAT 11:21	―¡Jaꞌp moo cham bhaiꞌ tu jam jimiaꞌ aapiꞌm na pim Korasiiñ oiꞌdhaꞌ gio baꞌ aapiꞌm na pim Betsaida jaꞌk jup oiꞌdhaꞌ, na pimɨt guꞌ cham miꞌ puiꞌ jii na jax jix aaꞌ guñ Gɨꞌkoraꞌ! Tɨi ñich jam nɨiꞌñchudat joidham jix kɨɨꞌp jum duukam jup tu duu jam bui na pim tuꞌ cham paiꞌ dhuuk nɨidhat. Iam chi na pimɨt guꞌ tɨɨgɨk miꞌ puiꞌ ba jii. Na guꞌ noꞌñ mu jaꞌk Tiiro puiꞌ joidham jix bhaiꞌm duukam jup tu duñiaꞌ gɨt, gio mu jaꞌk na paiꞌ Sidoon jup tɨ tɨɨꞌ, moo janoꞌ gɨt nam tɨ jɨɨꞌñdhai gu jaꞌtkam buiñor guñ Gɨꞌkoraꞌ miꞌ puiꞌ ba jimiaꞌ na jax jix aaꞌ, baꞌ dai nam ba tɨm tɨiꞌdhaꞌ gɨt gu jajannulh jix xaasak, ni kum bar tu batbiadam kaꞌ gɨt, gio nam mu jaꞌp pɨx ba daraakaꞌ gɨt na paiꞌ jax kaat gu matai, baꞌ dhiꞌ bhaan jix maatɨꞌ kaꞌ gɨt nam jix ioꞌm soiꞌ bam ɨlhiiꞌñ.
23550	MAT 11:22	Baꞌ xib tuꞌ na jax chuiꞌkaꞌ, janoꞌ na paiꞌ dhuuk tum kuugalhdhaꞌ yaꞌ dhi oiꞌñgaꞌn bhaan, na paiꞌ dhuuk guñ Gɨꞌkoraꞌ ja aagiꞌñdhaꞌ bɨɨx gu jaꞌtkam nam jɨꞌk tuꞌ jax buimɨi, aapiꞌm giilhim jam tulhiiñchudaꞌ, cham tuꞌ puiꞌ na jax gu Sidoon kam jaꞌtkam gio gu Tiiro kam.
23553	MAT 11:25	Baꞌ miꞌ puiꞌ xi kaiꞌchimɨk gu Jesuus, bhaiꞌ ji chu daanɨ jix dhaam jaꞌk, jup kaiꞌch: ―Taxchaab baꞌñ Gɨꞌkoraꞌ nap jir Gɇꞌkam jix dhaam gio yaꞌ dhi oiꞌñgaꞌn bhaan, na pich guꞌ ba ja mattuda gu jaꞌtkam guiꞌ nam cham gɇꞌgɇrkam jum ɨlhiiꞌñ na tuꞌr jix bhaiꞌm duukam. Jaꞌp xi ja duuk japich guiꞌ nam puiꞌm aaꞌ nam panaas jix ioꞌm jix maat gum ñiꞌook, na guꞌ dai nam bhaan pɨx gɇꞌgɇrkam jum ɨlhiiꞌñ.
23597	MAT 12:39	Guꞌ ji na guꞌp kaiꞌch gu Jesuus: ―Tɨix aaꞌ am dhi jaꞌtkam nam cham tuꞌ kaꞌm tɨ nɨiꞌñ nañ jix bhaiꞌm duukam jup tu duñiaꞌ ja nɨiꞌñchudat nam tuꞌ cham paiꞌ dhuuk pu chuꞌm nɨiꞌñ, guꞌ ji nañ guꞌ aañ cham tuꞌ puiꞌ tu duñiaꞌ, nam guꞌ cham tuꞌ miꞌ puiꞌ jimiik kat jup kaiꞌch na jax jix aaꞌ guñ Gɨꞌkoraꞌ. Dai gatuuk nam jiñ chɨgiaꞌ nañ puiꞌ jaꞌk jup jiñ dhuñiaꞌ nat jax jum duu bɨjɨk gu Jonaas.
23625	MAT 13:17	Tuꞌ sɨlhkam kɨꞌn jañ pu jam tɨtda nam muiꞌ guiꞌ nam bhaankam tu aꞌgimɨk gu Dios gio guiꞌ nam jaꞌppɨx jir jix bhabhaiꞌkam kat, pu chuꞌm tɨip jix chɨ tɨɨgik kat am na pim jax tɨ nɨiꞌñ gu xib, guꞌ ji na mɨt guꞌ cham pu chuꞌm tɨ tɨɨ, gio nam pu chuꞌm tɨip jix chɨ kaik kat na pim aapiꞌm jax tɇ kɇɇ gu xib, guꞌ ji na mɨt guꞌ cham pu chuꞌm tɨ kai.
23630	MAT 13:22	Baꞌ guiꞌ nat miꞌ jaꞌk jup suulh na paiꞌ tuutkaꞌ gu tuꞌx bii uꞌuux jix joꞌiiꞌ, dhiꞌ guiꞌ nam puiꞌ tɨi joidham jup kaayaꞌ, guꞌ ji na guꞌ bhaiꞌ ji ja tukgidhaꞌ gu tuꞌ na yaꞌx chu jaiꞌch dhi oiꞌñgaꞌn bhaan. Tuꞌ nam pɨx bax joiꞌñdhaꞌ nam biaꞌkaꞌ jix dhaꞌram namkɨm, piam ku tuꞌ nam pɨx jax bax dhuñiim kaꞌ na tuꞌ cham jum aagidhaꞌ.
23683	MAT 14:17	Baꞌ guiꞌp kaiꞌch am: ―¿Tuꞌch gip ja makiaꞌ, nach guꞌ cham tuꞌ uaꞌ gu tuꞌ koiꞌ? Dai siamri jɨꞌk jix chamaam gu paan muni paiꞌ pɨx uaꞌ maadɨt, gio baꞌ gook gu boptop.
23699	MAT 14:33	Baꞌ guiꞌ nam jɨꞌk bha jiim bhaan gu gɇꞌ kanuub, jotmodaꞌ mi jaꞌp ja oꞌlhia kɨꞌn guꞌkɨk jup tɨtda am gu Jesuus: ―Tuꞌ sɨlhkam ji bak aap jir diꞌ gu Dios gu Maraaꞌn.
23704	MAT 15:2	―¿Jax kum baꞌ cham miꞌ puiꞌ ka jiim dhim jaꞌtkam tuk gu puiꞌ nam jax jaꞌk tu jimdat guch bopxi kat? Tɨɨꞌ na mɨt cham muiꞌ kim jum ikoimdhak ba ji chu juu.
23706	MAT 15:4	Puiꞌ na jax maaꞌn kap na jaꞌpni tɨi tu uaꞌñix gu ñioꞌkiꞌñ gu Dios: “Tuꞌ kaꞌm jap nɨidhat gum taat gio gum naan.” Gio baꞌ moo jaꞌpnip jum kaiꞌch ɨp: “Gu jaroiꞌ na cham tuꞌ kaꞌm nɨiꞌñdhaꞌ gu taataꞌn gio gu dɨꞌɨɨꞌn, am tɨꞌñchokaꞌ na joodai kɨꞌn maiꞌyaxix kam muukix kaꞌ.”
23711	MAT 15:9	¿Tuꞌm gi miꞌp tɨgiaꞌ sia kum bɨɨx aixim tɨi tu jim? Na guꞌ dai nam jax pɨx jaꞌk ja aagiꞌñdhaꞌ gu jaꞌtkam nam baꞌ pu tu bua.
23723	MAT 15:21	Miꞌ dhɨr baꞌ ma jii gu Jesuus mu jaꞌk na paiꞌ bhaan bipioꞌ gu Tiiro dɨbɨɨr gio baꞌ guiꞌ na bhaan jup bipioꞌ gu Sidoon.
23744	MAT 16:3	Gio baꞌ moop kaiꞌchdhaꞌ pim ɨp paiꞌjɨ jax chuꞌm kabuimuk: “Xib moo cham kɨɨꞌ oidhaꞌ jimiim. Jaiñ na guꞌx bɨꞌm maaxiꞌñ gux dhaam gio nax chɨbaaꞌ.” ¿Guꞌ baꞌ cham puꞌñix maatɨt jup jiñ ñɨiꞌñ japim aa aañ nañ jir tuꞌp tuꞌm daꞌ? Tɨɨꞌ na pim baꞌ guꞌx maatɨt nɨiꞌñdhaꞌ gu tuꞌ na jax chuꞌm oidhaꞌ jimiidhaꞌ.
23754	MAT 16:13	Baꞌ miꞌ dhɨr giop ba jii gu Jesuus mu jaꞌk na paiꞌ Sesarea Piliipo tɨ tɨɨgim bhaan bipioꞌ gu dɨbɨɨr. Baꞌ ba ja tɨkka gu noonbiꞌñ, jup ja tɨtda: ―¿Jax jam kaiꞌchdhaꞌ gu jaꞌtkam? ¿Jaroo sap daꞌ iñ aañ nat bhañ joot guñ Gɨꞌkoraꞌ? ¿Tuꞌñ sap jir jup tuꞌm daꞌ?
23767	MAT 16:26	¿Tuꞌ gi miꞌp tɨgiaꞌ gu jaroiꞌ sia ku tɨi bɨxchuꞌ tu biaꞌ gu tuꞌ na yaꞌ dhi oiꞌñgaꞌn jix chu jaiꞌch? Na guꞌ cham jɨꞌxkat palhbuidhaꞌ na tɨsdiaꞌ jix dhaam jaꞌk noꞌt jotmodaꞌ am xi muu.
23769	MAT 16:28	Tuꞌ sɨlhkam kɨꞌn jañ yaꞌ pu jam tɨtdañ jaaduñ na pim jɨꞌk yaꞌp tuꞌiiꞌ gu xib, na pim jaiꞌ dhɨt pui kapup duduakaꞌ nañ gio yaꞌ ɇɇji bar gɇꞌkam kaꞌ dhi oiꞌñgaꞌn bhaan, aañ nañ bhaankam yaꞌ oirɨ guñ Gɨꞌkoraꞌ.
23785	MAT 17:16	Tɨi ñich ya ja aichulh dhiꞌ nam jum kaichuꞌ, guꞌ ji na mɨt guꞌ cham jɨꞌxkat duaꞌñ, na guꞌ chix xijai jax ña jaꞌk.
23793	MAT 17:24	Baꞌ nat paiꞌ dhuuk mummɨ jaꞌk jup ba ai gu Jesuus na paiꞌr Kapernaum ja bɨɨm guiꞌ nam kaichuꞌ, miꞌ ba ji bubua mɨt buiñor gu Peegro guiꞌ nam tu taandaꞌ gu tuumiñ na jɨꞌk aagix nam tu maakdaꞌ bhammɨ gɇꞌ chiop. Baꞌ jaꞌpni bhaiꞌ ba tɨkka am: ―¿Tu namkiꞌñ aa guiꞌ na pim kaichuꞌ na jɨꞌk bhaan bipioꞌ gu gɇꞌ chiop?
23794	MAT 17:25	Baꞌp ja tɨtda gu Peegro: ―Tu namkiꞌñ ji matgɨm. Baꞌ xi mɨɨ nat tɨkkam gu Jesuus na jax jaꞌk jix bhaiꞌ gu dhiꞌ puiꞌ. Baꞌ na kiaꞌpɨx muiꞌ ji baakim mɨjɨ baꞌk chɨr, bɨɨpɨꞌ kat bhaiꞌ ba ñio gu Jesuus, jup kaiꞌch: ―¿Aap jax ɨlhiiꞌñ Simoon ja bui gux ioꞌm gɇꞌgɇrkam jum aaꞌndam nam jix jaiꞌch yaꞌ dhi oiꞌñgaꞌn bhaan? ¿Jaroom aagix nam ja namkiꞌñdhaꞌ, gu dɨɨlh ja jaꞌtkam tuk aa, kaꞌ gu jaiꞌ aa momkoran kam noꞌm ja daam kɨɨk?
23799	MAT 18:3	jup ja tɨtda: ―Tuꞌ sɨlhkam kɨꞌn jañ yaꞌ pu jam tɨtda, gu jaroiꞌ noꞌ cham puiꞌm ɨlhiiꞌñ na jax dhiꞌñi alhii, cham jɨꞌxkat jimiaꞌ jix dhaam jaꞌk buiñor gu Dios.
23826	MAT 18:30	Guꞌ ji na guꞌ cham puiꞌ ɨlhiiꞌñ guiꞌ na miꞌx bhaam, jaꞌpji na bha taan ji na jɨꞌk uaꞌtuꞌn. Tu chia dho guꞌ nam kuupaꞌ na sap baꞌ namkidhaꞌ.
23828	MAT 18:32	Baꞌ gu gɇꞌkam mu tu joochxi na mu jimdaꞌ buiñor. Baꞌ nat paiꞌ dhuuk miꞌ ba ai, jup tɨtda: “Jaꞌp moo alh jix buam tomaat ap. Tɨɨꞌ aa na ñich aañ cham jax jum dooda nap jix ioꞌm muiꞌ tuumiñ jiñ uaꞌtuꞌndat, na ñich guꞌx joiꞌmdak jum kai na pich bhaiꞌ soiꞌ jiñ chɨɨꞌn.
23893	MAT 20:32	Baꞌ gu Jesuus miꞌ gan ji kɨkbo, dai na muiꞌ pup tɨ nɨiꞌñ mu nam paiꞌ dhɨr bha jiiñak gu jaꞌtkam guiꞌ nam cham ñiññia kaꞌ, baꞌ xi ja bai nam mu jimiaꞌ. Baꞌ na mɨt paiꞌ dhuuk miꞌ ba ai, jup ja tɨtda: ―¿Tuꞌni aa jam duuk jiñ jaaduñ na pim baꞌ bhañ jiñkuiꞌñ?
23904	MAT 21:9	Baꞌ nam puiꞌ xi chu buidhat pɨx jiiñak bɨttu am bɨɨx guiꞌ nam jɨꞌk bɨɨpɨꞌ dɨr jiim gio guiꞌ nam gatuuk dɨr jup jiim, jup kaiꞌchim am: ―¡Taxchaab baꞌ guch Gɨꞌkoraꞌ nat bhaiꞌ bach joochxi gu boxiiꞌñ gu Dabii guiꞌ na bɨjɨk yaꞌr gɇꞌkam kat!
23910	MAT 21:15	Baꞌ giilhim bhaiꞌ ji bhaak jamɨt gu ja gɇꞌgɇrkam tuk guiꞌ nam bhaiꞌ gɇꞌ chiop ja palhbuiꞌñdhaꞌ gu Israel kam jaꞌtkam nam tu daandaꞌ buiñor gu Dios gio baꞌ guiꞌ nam sap jix mat kaꞌ gu ñioꞌkiꞌñ gu Dios, na mɨt tɨɨ gu Jesuus nat ja duduaꞌñ gux kakoꞌk kam. Gio guꞌ gu aꞌaalh miꞌ dhɨr jaꞌp pɨx jiiñak jup bɨɨt am nam jix bhaiꞌm taat buiñor gu Jesuus, jup kaiꞌch am: “Taxchaab baꞌ guch Gɨꞌkoraꞌ nat bhaiꞌ bach joochxi gu boxiiꞌñ gu Dabii guiꞌ na bɨjɨk yaꞌr gɇꞌkam kat.”
24164	MAT 26:41	Guꞌ pim ji tɨ nɨiꞌñdhaꞌ ji, chaꞌpim koksodaꞌ. Tu daandaꞌ pim na baꞌ cham jam maiꞌchiaꞌ gu jaꞌook. Na pim guꞌ aapiꞌm dɨɨlh tɨix aaꞌ jia na pim miꞌ puiꞌ jiimdaꞌ gɨt na jax jix aaꞌ guñ Gɨꞌkoraꞌ, guꞌ pɨx ji na pim guꞌ giilhim jix xijaim ɨlhiiꞌñ na pim jum tulhiiñaꞌ.
24178	MAT 26:55	Miꞌ dhɨr baꞌ moop ja tɨtda guiꞌ na mɨt miꞌ ba daa: ―¿Guꞌ aapiꞌm jax ku pim baꞌ bɨxchuꞌ kukxir ji chu uaꞌkat bha jaꞌk jiim gam uꞌuux jix kaapak? ¿Tuꞌ ɨxkum jiñ ɨlhiiꞌñ japim aa? ¿Moo cham bhaaiꞌ aa na pim bhammɨ puñ dhagiaꞌ gɨt gɇꞌ chiop nañ moo bhaiꞌ pu oirɨt tu jam aꞌgiꞌñdhaꞌ gammɨjɨ nabap tanoolh?
24186	MAT 26:63	Guꞌ ji na guꞌ cham ñiok gu Jesuus, miꞌ pɨx pu tuꞌiiꞌ. Baꞌp tɨtda ɨp gio gu Kaipaas: ―Tuꞌ sɨlhkam kɨꞌn jañ yaꞌ pum tɨtda buiñor gu Dios nap jich aagiꞌñdhaꞌ noꞌp moo sɨlhkam aap jir diꞌ guch Xoiꞌkam gu Dios gu Maraaꞌn guiꞌ na saak bha jootsaꞌ gɨt jix dhaam dɨr.
24196	MAT 26:73	Baꞌ jaꞌxpɨx jup tɨtda am ɨp jaiꞌ gu Peegro guiꞌ nam miꞌp tuꞌiiꞌ, jup kaiꞌch am: ―Aap dho maadɨt jir diꞌ guiꞌ nam kaichuꞌ gu Jesuus. Tɨɨꞌ nap baꞌ moo jaꞌp puiꞌ tu ñiok nam jax tu ñiok gu mu kam nar paiꞌ kam guiꞌ.
24221	MAT 27:23	Baꞌp kaiꞌch ɨp gio gu Pilaato: ―¿Guꞌ tuꞌ gi moo gɇꞌkam kɨꞌn jix buam jum duukam jax jam duiñ ku pim baꞌ moo jaꞌp jup jix bhaamkiꞌñ? Guꞌ ji nam guꞌ guiꞌ cham tuꞌ kɇkɇɇ, dai nam jup kaiꞌch gɇꞌ kɨꞌn: ―¡Tu chian kum mu sissapaꞌ kuruus taꞌm!
24311	MRK 1:27	Baꞌ dappaam miꞌ puiꞌ pup tuꞌiiꞌ am dho gi ji baꞌx ioꞌm gu jaꞌtkam, dai nam naiꞌ tɨim tɨ tɨkkaꞌn dɨɨlh jix dhuꞌnpiꞌñ kɨꞌn, jup kaiꞌch am: ―¿Jax baꞌr jum duukam chi dhiꞌ puiꞌ? Gi nach cham jɨꞌxkat paiꞌ dhuuk puiꞌ chɨ nɨidhat na jax tu buim dhi Jesuus. Tɨɨꞌ na sia gu cham kɨkɨɨꞌ iꞌiiꞌmdaꞌ tuꞌ pɨx ja ɨlhiiꞌñ, jix jɨɨgiꞌñ am.
24361	MRK 3:4	Baꞌ puiꞌ xi chɨɨdak jup ja tɨtda ɨp gu jaiꞌ guiꞌ nam miꞌx bhaamut nɨiꞌñ: ―¿Jax pɨn jum kaiꞌch gu ñioꞌkiꞌñ gu Dios miꞌ na paiꞌ tu uaꞌñix? ¿Tuꞌ pɨn jix bhaaiꞌ nach jax buadaꞌ na paiꞌ dhuuk cham tum juandaꞌ, nach jix bhaiꞌ tu buadaꞌ aa pɨn, kaꞌ pɨn nach jix buam tu buadaꞌ aa? Puiꞌ na jax gu jaroiꞌ noꞌx ioꞌm jix kaꞌook, ¿jax jaꞌk jum aagidhaꞌ, nañ dhuaꞌñdhaꞌ aa, kaꞌ nañ miꞌ pɨx xi ñɨiꞌñdhaꞌ aa noꞌ mi jaꞌp ba mumkɨ jiñ chaagiob? Alh pu ni jaroiꞌ ku ñiok, miꞌ pɨx pu tuꞌiiꞌ am.
24365	MRK 3:8	Gio jaiꞌm muiꞌp jimchuꞌ gu bhammɨ dɨr jaꞌk kam Jerusaleen, gio gu Idumea kam, jaiꞌ gu baasɨꞌn dɨr jaꞌk kam xiaꞌlhbui na paiꞌ bhɨix gu Jordaan Ak, gio guiꞌ nam bɨɨx xikoolh oiꞌdhaꞌ mummu na paiꞌ gɇꞌgɇr jir kikcham na paiꞌ Tiiro tɨ tɨɨꞌ gio jaꞌp jaꞌk na paiꞌ Sidoon tɨ tɨɨꞌ, nam guꞌ puiꞌ tɇ kɇɇ na gɇꞌgɇr jup jum duuꞌnkam jix bhaiꞌ tu buim gu Jesuus.
24375	MRK 3:18	Gio baꞌ miꞌ dhɨr moo gu Anrees, Piliip, Bartolomee, Mateo, Tomaas, gio gu jumai Jakoobo, maraaꞌn gu Alpeo, gio gu Tadeo, gio baꞌ gu jumai Simoon, guiꞌ na ja kaichgɨdaꞌ guiꞌ nam kananiistas jum tɨɨtɨꞌndaꞌ,
24385	MRK 3:28	’Tuꞌ sɨlhkam kɨꞌn jañ yaꞌ pu jam tɨɨdaꞌ, bɨɨx na jɨꞌk jaꞌtkam jix bhaaiꞌ na jax jaꞌk duuji uañchudhix kaꞌ gu ja uaꞌtulhdharaꞌ, sia kum giilhim jix buam tu ñiok, dai na bɨɨpɨꞌm aaꞌ nam soiꞌm ɨlhdhaꞌ buiñor guñ Gɨꞌkoraꞌ.
24411	MRK 4:19	Na guꞌ noꞌ mɨt tɨi ba tɨ jɨɨꞌñ, bhaiꞌ ji ja tukgidhaꞌ gu tuꞌ na yaꞌ dhi oiꞌñgaꞌn jix chu jaiꞌch. Tuꞌ nam pɨx bax joiꞌñdhaꞌ nam biaꞌkaꞌ jix dhaꞌram namkɨm, piam ku tuꞌ nam pɨx jax bax dhuñiik kaꞌ na tuꞌ cham jum aagidhaꞌ, nam jax dhui pɨx miꞌ bhaan jim iatat cham miꞌ puiꞌ ka tuiꞌñgɨdaꞌ na jax jix aaꞌ guñ Gɨꞌkoraꞌ. Baꞌ cham tuꞌ puiꞌ kaꞌ kiaꞌ, na guꞌ naiꞌ pɨx ji jugiidhaꞌ gux Uañ Iiꞌmdaꞌ.
24422	MRK 4:30	Baꞌ miꞌ dhɨr gio muiꞌp ji chu ja aꞌgi gu Jesuus gu jaꞌtkam, jup ja tɨtda: ―¿Tuꞌñ gɨt bhaan ji uaꞌrgidhai jam aaꞌñdhaꞌ na jax jaꞌk duuji ja aꞌm tɨ nɨiꞌñdhaꞌ gu Dios guiꞌ nam buiñor bax biiñak kaꞌ?
24430	MRK 4:38	Baꞌ gu Jesuus miꞌ dhɨr jaꞌp kuuꞌ dɨr gu kanuub kooxchuꞌ jim moꞌxdhat. Baꞌ ma ñiñiich jamɨt gu noonbiꞌñ, jup tɨtda am: ―Aapiꞌñ jaduuñ, ¡bi ñiñia! ¡Tɨɨꞌ na jax jum bua gu suudaiꞌ! ¿Chaꞌch baꞌ yaꞌ bhaiꞌkuꞌ?
24472	MRK 5:39	Baꞌ gu Jesuus mu baakɨk baꞌk chɨr jup ja tɨtda: ―¿Tuꞌ ma jam duu jiñ jaaduñ na pim baꞌ moo jaꞌp giilhim kaiꞌch? Gɇꞌgɇr suan japim. Jax dhui na cham tuꞌ muukix gu tɨɨyax, matgam miꞌ pɨx ji na koos.
24474	MRK 5:41	Baꞌ gu Jesuus nobiꞌran xi dhaagɨk jup tɨtda: ―Talita kumi ―na jaꞌp kaiꞌñkam jup jum kaiꞌch: Xi bamiiꞌ tɨɨyax.
24478	MRK 6:2	Baꞌ nat bam ai na paiꞌ dhuuk cham tum juandaꞌ, muiꞌ ma jii maaꞌn kap mu nam paiꞌ tu daandaꞌ gu Israel kam jaꞌtkam. Baꞌ miꞌ ɇɇk bhaiꞌ ji chu ja aꞌgi guiꞌ nam jɨꞌk miꞌp tuꞌiiꞌ. Bɨɨx miꞌ puiꞌ pup tuꞌiiꞌ am na mɨt kai, na guꞌ giilhim jix bhaiꞌ xi bua na xi chu aꞌga. Baꞌp kaiꞌch am dɨɨlh: ―¿Paa baꞌ ji chum mamtuxdhak puiꞌ pɨk joidham jix bhaiꞌ xi bua? ¿Jax moo duukat jix aix na jax tɨꞌyaꞌ? Tɨɨꞌ na guꞌ bɨxchuꞌ pɨx nar jix bhaiꞌm duukam jup tu buim.
24487	MRK 6:11	Piam ku pimɨt guꞌ miꞌ pɨk ai nam paiꞌ cham jam kɨɨgalhiꞌñdhaꞌ, nam cham jɨꞌx jam kaim kaꞌ, pu jimiaꞌ pim maakam jaꞌk, dai na pim xi xiixkai gu dɨbɨɨr mi jam tooton am na pim jax gamaiꞌ ji jimiaꞌ, na baꞌ bhaan jix maatɨꞌ kaꞌ na mɨt cham jam kɨɨgalh. Tuꞌ sɨlhkam kɨꞌn jañ yaꞌ jam aagiꞌñdhaꞌ, chaꞌpim jax jum aaꞌndaꞌ sia kum jaiꞌ cham jam kaim. Na guꞌ janoꞌ na paiꞌ dhuuk jum aayaꞌ na tum kuugalhdhaꞌ yaꞌ dhi oiꞌñgaꞌn nam baꞌ puiꞌ tɨi bam aaꞌndaꞌ, nam guꞌ giilhim jum tulhiiñaꞌ jix ioꞌm, cham tuꞌ puiꞌ na gu Sodooma kam gio gu Gomorra kam.
24498	MRK 6:22	Baꞌ miꞌ dhɨr jaꞌxpɨx nam miꞌ ka tu kuaꞌ, miꞌ ba baa gu tɨyaa, baꞌ mi jaꞌp ma chɨ nɨi ja nɨiꞌñchudat gu jaꞌtkam. Alh iam koꞌraaru gu Eroodis puiꞌ nat jax jaꞌk tɨ nɨi, gio guiꞌ nam miꞌp tuꞌiiꞌ bɨɨmaꞌn ba puiꞌ ɨp. Baꞌp tɨtda gu Eroodis: ―¿Tuꞌm aꞌm jum aaꞌ? Yaꞌñ dhop tuꞌiiꞌ noꞌp tuꞌx aaꞌ nañ jum makiaꞌ.
24500	MRK 6:24	Baꞌ xi mɨɨ gu tɨyaa nat tɨkkam gu dɨꞌɨɨꞌn, jup tɨtda mu ɇɇk: ―Jup jiñ chɨtda gu yaꞌ kiokam na sap jiñ makiaꞌ nañ tuꞌx aaꞌndaꞌ. ¿Tuꞌñ bha tañiaꞌ? Baꞌp tɨtda gu dɨꞌɨɨꞌn: ―Jaꞌp jap tɨɨdaꞌ na ɨɨkɨi bham makiaꞌ gu maꞌooꞌn gu Juan jaꞌtkam bopkondam.
24511	MRK 6:35	Baꞌ jaꞌxpɨx jurnidhak mu jaꞌp ba baabu mɨt gu noonbiꞌñ gu Jesuus, jup tɨtda am: ―¿Jax jach jich dhuñiaꞌ? Tɨɨꞌ nat yaꞌ pɨx ba ji jur. ¿Cham aach ba jimiaꞌ nach ba tu koiꞌpoꞌ? Na guꞌ yaꞌ cham bhaaiꞌ nach paiꞌ tu jugiaꞌ, na guꞌ yaꞌr gampɨx.
24513	MRK 6:37	Baꞌp ja tɨtda gu Jesuus: ―Yaaꞌ pim dho ka tu ja makiaꞌ aapiꞌm. ¿Tuꞌ gi pɨk? Baꞌp kaiꞌch am ɨp gio: ―Jax dhui na guꞌ sia kut maadɨt tɨi ma chu jua jɨꞌk xijum baik masaaꞌn, pu cham ja aix nam tu jugiaꞌ siat tɨi ma chu sabaꞌlh bɨɨx kaꞌm na jɨꞌk maiꞌchiaꞌ gu tuumiñ.
24537	MRK 7:5	Miꞌ dhɨr baꞌ bhaiꞌ ji chɨkka mɨt gu Jesuus guiꞌ nam pariseos jum tɨɨtɨꞌndaꞌ gio guiꞌ nam sap jix mat kaꞌ gu ñioꞌkiꞌñ gu Dios, jup tɨtda am: ―¿Jax kum baꞌ dhim jaꞌtkam tuk cham miꞌ puiꞌ ka jimchuꞌ nam jax tu jimdat guch bopxikat? Tɨɨꞌ nam cham muiꞌkim jum iꞌkoimdhat tu kuaꞌ.
24539	MRK 7:7	¿Tuꞌm gi miꞌp tɨgiaꞌ siam bɨɨx aixim tu daan? Nam guꞌ cham tuꞌ miꞌ puiꞌ jiim nañ jax jix aaꞌ, gio na guꞌ nam jɨꞌk jax tu ja aꞌgiꞌñdhaꞌ gu jaꞌtkam, dɨɨlh pɨx nam jax ɨlhiiꞌñdhaꞌ.
24542	MRK 7:10	¿Moo jaꞌp cham jam aꞌm baapak aa? Gi nat jaꞌpni tu uaꞌnak bo gu Moisees nap jum kaiꞌch miꞌ uꞌuan taꞌm: “Tuꞌ kaꞌm jap nɨidhat gum taat gio gum naan.” Gio baꞌ moo jaꞌpnip jum kaiꞌch ɨp: “Gu jaroiꞌ na cham tuꞌ kaꞌm nɨiꞌñdhaꞌ gu taataꞌn piam gu dɨꞌɨɨꞌn, pɨx am tɨꞌñchokaꞌ na joodai kɨꞌn maꞌyaxix kam muukix kaꞌ.”
24556	MRK 7:24	Miꞌ dhɨr baꞌ ma jii gu Jesuus mummu maaꞌn kap, miaꞌn pɨx iam na paiꞌ gɇꞌr kiicham Tiiro tɨ tɨɨgim. Baꞌ miꞌ nat paiꞌ ai, tɨi cham paiꞌ jimmɨdaꞌ na tɨi cham aagɨt na jaroiꞌx mat kaꞌ na pa jaꞌk jax chuiꞌkaꞌ. Guꞌ ji nat guꞌ cham puiꞌ ji chu buus, moo janoꞌ puiꞌ ba tɨm tɨi.
24563	MRK 7:31	Baꞌ miꞌ na paiꞌ daakat gu Jesuus miaꞌn gɇꞌ kiicham Tiiro tɨ tɨɨgim, miꞌ dhɨr giop ma jii, moo bhaiꞌ buus na paiꞌ Sidoon tɨ tɨɨꞌ, na puiꞌp jir gɇꞌ kiicham. Bhaiꞌ dhɨr jaꞌp gakoolh bhɨɨk mummu ba buus na paiꞌ Dekaapolis bhaan bipioꞌ gu dɨbɨɨr. Mu ji ai miaꞌn na paiꞌ gɇꞌ suuꞌnkaꞌ gu suudaiꞌ, na Galilea bhaan ba bipioꞌ.
24596	MRK 8:27	Baꞌ mɨkkat giop ma jii gu Jesuus ja bɨɨm gu noonbiꞌñ mummu jaꞌk jɨꞌkchi kap na paiꞌr kikcham, miaꞌn gɇꞌ kiicham na Sesarea Piliipo tɨ tɨɨꞌ. Baꞌ nam nammɨ ka jimchuꞌ bɨɨx boi, ba ja tɨkka, jup ja tɨtda: ―¿Jax jam kaiꞌchdhaꞌ gu jaꞌtkam? ¿Jaroo sap daꞌ iñ? ¿Tuꞌñ sap jir jup tuꞌm daꞌ?
24605	MRK 8:36	¿Tuꞌ gix bhaiꞌ sia ku jaroiꞌ bɨxchuꞌ tu biaꞌ gu tuꞌ na yaꞌ dhi oiꞌñgaꞌn jix chu jaiꞌch? Na guꞌ puiꞌ pɨx cham jup palhbuidhaꞌ na jax dhui tɨsdiaꞌ jix dhaam jaꞌk,
24608	MRK 9:1	Jaꞌpni baꞌ moop ja tɨtda: ―Tuꞌ sɨlhkam kɨꞌn jañ yaꞌ pu jam tɨɨdaꞌ, jaiꞌ dhɨt na pim jɨꞌk yaꞌp tuꞌiiꞌ xib, ka tɨgiaꞌ pim na pim tuꞌ cham paiꞌ nɨiꞌñ na baꞌ bhaan matgilhiaꞌ nañ aañ jaꞌxbuiꞌp jir gɇꞌkam na jax gu Dios, baꞌ bhaankam bhañ joot nañ ya jaꞌp jup tuiꞌñgɨdaꞌ ja bui guiꞌ nam jɨꞌk jix biiñak kaꞌ buiñor na baꞌ cham tuꞌ ja duñiaꞌ.
24623	MRK 9:16	Baꞌ nat miꞌ ba ai na paiꞌ pɨx tuꞌ tum kaiꞌch, ba ja tɨkka gu noonbiꞌñ nam tuꞌ aꞌgat pɨx tuꞌ kaiꞌch, jup ja tɨtda: ―¿Tuꞌ pim baꞌ kɨꞌn ñiokbo ja bɨɨm dhi jaaduñ?
24625	MRK 9:18	Paiꞌjɨ jix ioꞌm ba xi bhɨɨyaꞌ, jotmodaꞌ iarɨi bhaiꞌ jim totbhiopaꞌ, gio na bhaiꞌ ji choksolhiaꞌ gu chiñiiꞌñ, gio baꞌ na kioꞌñchoꞌndaꞌ gu taatmuꞌn. Jaꞌp baꞌ moox gak pɨx baꞌ. Tɨi ñich ba ja umuaꞌ dhiñ jaaduñ dhiꞌ nam jum kaichuꞌ nam maiꞌ jootsaꞌ gɨt, guꞌ ji na guꞌ chix xijai, jax ña jaꞌk.
24639	MRK 9:32	Guꞌ ji na mɨt guꞌ cham maatɨt kai na jax kaiꞌñkam jup ja tɨtda. Tɨi xix chɨkkam kaꞌ am, guꞌ ji nam guꞌx ɨɨbhiꞌñdhaꞌ.
24640	MRK 9:33	Baꞌ mummu ba ai mɨt gɇꞌ kiicham na paiꞌ Kapernaum tɨ tɨɨꞌ. Baꞌ nam miꞌ ka daraa nam paiꞌ tɨbiapkaꞌ, ba ja tɨkka gu Jesuus gu jaꞌtkam tugiꞌñ nam tuꞌ aꞌgim bhɨjɨ bɨɨx boi nam paiꞌ dhuuk bha jimchuꞌ, jup ja tɨtda: ―¿Tuꞌ pim baꞌ aꞌgim bhɨjɨ bɨɨx boi nach bha jim na pim baꞌx dhuꞌnpiꞌñ kɨꞌn pɨx chuꞌ kaiꞌchim?
24660	MRK 10:3	Baꞌ xi ja tɨkka ɨp gu Jesuus, jup ja tɨtda: ―¿Jax gi jaꞌk jum kaiꞌch mi uꞌuan taꞌm nat tu uaꞌnak gu Moisees? Tɨix maat, guꞌ ji na guꞌ pɨx jap ja tɨtda.
24672	MRK 10:15	Tuꞌ sɨlhkam kɨꞌn jañ yaꞌ pu jam tɨɨdaꞌ, gu jaroiꞌ noꞌx aaꞌ na bhaan tɨ nɨidhidhaꞌ gu Dios, jum aaꞌ na soiꞌm duukaꞌ gio na soiꞌm ɨlhiiꞌñdhaꞌ gammɨjɨ. Baꞌ dhiꞌ jaꞌp ji busaak na jax gu alhii noꞌx chɨ kɇɇ nam tuꞌ chiandaꞌ.
24680	MRK 10:23	Baꞌ gu Jesuus bhaiꞌ xi ja tɨɨgɨk gu jaꞌtkam tugiꞌñ nam mi jaꞌp guguuk bɨɨx xikoolh dhɨr, jup ja tɨtda: ―¿Jax japim ɨlhdhat tɨ nɨiꞌñ jiñ jaaduñ? Tɨɨꞌ na jax jix xijai na tɨ jɨɨꞌñdhaꞌ buiñor gu Dios gu jaroiꞌ noꞌr jix chumñigam.
24686	MRK 10:29	Baꞌp kaiꞌch gu Jesuus: ―Tuꞌ sɨlhkam kɨꞌn jañ yaꞌ pu jam tɨɨdaꞌ, gu jaroiꞌ noꞌt jaꞌp xi dhuuk gu tuꞌ na tu biaꞌkaꞌ, puiꞌ na jax gu baꞌpkiꞌñ, piam gu xiixioꞌgiꞌñ, piam gu sɨspidhiꞌñ, piam gu taataꞌn, piam gu dɨꞌɨɨꞌn, piam gu bɨngaꞌn, piam gu maamraꞌn, piam gu dɨppɨr paiꞌ nar gaꞌn kaꞌ, noꞌt aañ jiñ bui ba tɨ jɨɨꞌñ na baꞌ miꞌ dhɨr dai nañ aꞌmkam ba tu aꞌgadaꞌ gux bhaiꞌm kaiꞌchdham ñiꞌook,
24693	MRK 10:36	Baꞌ xi ja tɨkka gu Jesuus, jup ja tɨtda: ―¿Jax gi jaꞌk ɨlhiiꞌñ japim jiñ jaaduñ? ¿Tuꞌ pim jix aaꞌ nañ jax dhuñiaꞌ aapiꞌm jam bui?
24702	MRK 10:45	Tɨi pɨk aañ nañ jix ioꞌm jir gɇꞌkam, cham paiꞌ iam jax jiñ aaꞌ iñ nañ pɨx am cham ja nɨnɨiꞌñdhaꞌ guiꞌ nam alh gampaiꞌ tuutuꞌm. Na ñich guꞌ cham tuꞌ pu kaiꞌñkam bha jii nañ yaꞌ ɇɇji dai gɇꞌkam bañ chaat kaꞌ, nañ moo pɨx chuꞌ ja tɨtdadaꞌ bɨɨx na jɨꞌk jaꞌtkam nam miꞌ puiꞌ jimiaꞌ nañ jax ɨlhiiꞌñdhaꞌ. Guꞌ jaꞌpji nañ jix ja joiꞌgɨꞌn na ñich baꞌ bhaiꞌ ma jii nañ baꞌ yaꞌ maaxik jiñ kɨɨsaꞌ nam boiñ bhɨichdhaꞌ, na baꞌ tu namkix kaꞌ gu ja uaꞌtulhdharaꞌ buiñor guñ Gɨꞌkoraꞌ.
24708	MRK 10:51	baꞌ xi chɨkka gu Jesuus, jup tɨtda: ―¿Tuꞌni aam duuk jiñ jaduuñ nap baꞌ bhañ jiiñkaiꞌñ? Baꞌ guiꞌp kaiꞌch: ―Dho nañ jaꞌp tɨi ɨlhdhat noꞌp moo puiꞌp ɨlhiiꞌñdhaꞌ gɨt nap iam xiñ dhuaꞌñdhai gɨt nañ cham ñia.
24712	MRK 11:3	Noꞌ moo jaroiꞌ ba jam tɨkka, noꞌ jax jam tɨtda: “¿Jax japim baꞌ duñiaꞌ dhi bhuruꞌx ku pimɨt baꞌ gamaiꞌ ba ji chɨɨmɨrak?”, jaꞌp japim tɨɨdaꞌ: “Bhach joot gu Gɇꞌkam. Tuꞌ chi na mi bhiiñoraꞌ. Ku guꞌ sap gio yaꞌp aichdhaꞌ ji jaꞌxñi.”
24718	MRK 11:9	Baꞌ jaiꞌ bɨɨpɨꞌ jii mɨt jaiꞌ gatuuk dɨr pɨx jiiñak bɨɨt am, jup kaiꞌchim am: ―¡Taxchaab baꞌ guch Gɨꞌkoraꞌ nat bhaiꞌ bach joochxi nach jaroiꞌ nɨɨrat!
24719	MRK 11:10	¡Taxchaab baꞌ guch Gɨꞌkoraꞌ guiꞌ nax dhaam jup tuꞌiiꞌ! Na guꞌ dhiꞌr diꞌ nat yaꞌ ba ai nat bha joot, dhiꞌ yaꞌ bar gɇꞌkam kaꞌ jaꞌp na jax gu Dabii. Iam gɨt baꞌ moo gammɨjɨ bhaan tɨ nɨiꞌñdhaꞌ guch Gɨꞌkoraꞌ.
24732	MRK 11:23	Tuꞌ sɨlhkam kɨꞌn jañ yaꞌ pu jam tɨɨdaꞌ, noꞌ jaroiꞌ jax tɨtda dhi oidhaꞌ: “Jaꞌk jim yaꞌ dɨr, mup jimiaꞌ na paiꞌ gɇꞌ suuꞌn gu suudaiꞌ”, noꞌ moo jaꞌp tuꞌ sɨlhkam jix biiñak bɨɨx juraaꞌn kɨꞌn, noꞌ moo pɨx pum aaꞌ nar puiꞌ kaꞌ na jax tɨꞌyaꞌ, puiꞌ dho ji chu buusniaꞌ, kux baꞌ cham ɨp.
24756	MRK 12:14	Baꞌ mu ɇɇk jup tɨtda am: ―Aach bhaiꞌ ma jiich jaduuñ nap jich aagiꞌñdhaꞌ noꞌr am nach aach jax ɨlhiiꞌñ, nach guꞌx maat nap aap sɨlhkam jup kaiꞌchdhaꞌ nap paiꞌ dhuuk tu aꞌgadaꞌ, gio nap cham jax tɨ ɨlhiiꞌñ sia kum giilhim jum aꞌga, nap guꞌ bhaankam tu aꞌga na jax jix aaꞌ gu Dios, cham tuꞌ nam jax jaꞌk ɨlhiiꞌñ gu jaꞌtkam. Tɨɨꞌ nap guꞌ moo cham jaroiꞌ ɨɨbhiꞌñ, sia ku tɨir gɇꞌkam. Baꞌ jaꞌp tuꞌm jachich bham tɨkkam: ¿Jir am aa nach namkiꞌñdhaꞌ gux ioꞌm gɇꞌkam Rooma kam Seesar tɨɨgim guiꞌ na jɨꞌk aagix nach tu namkiꞌñdhaꞌ, kaꞌ cham aa? Dhiꞌ pɨx kɨꞌn jachich moo bhaiꞌ xi jii, noꞌr am nach namkiꞌñdhaꞌ piam ku guꞌ cham.
24772	MRK 12:30	Tu daandaꞌ pim bɨɨx jam jujur kɨꞌn jix dhaam jaꞌk na paiꞌp tuꞌiiꞌ, gio bɨɨx na jɨꞌx jam iꞌiiꞌmdaꞌ kɨꞌn. Dai guiꞌ pim pɨx tɨꞌñchukaꞌ gammɨjɨ, muiꞌ pim xim biiñkadaꞌ na pim jɨꞌx pup jum taat.” Dhiꞌ jaꞌpni moo bɨɨpɨꞌ kat jum aaꞌ nam tuiꞌñgɨdaꞌ gu jaꞌtkam.
24785	MRK 12:43	Baꞌ gu Jesuus maap xi ja jumpadak gu noonbiꞌñ, jup ja tɨtda: ―Tuꞌ sɨlhkam kɨꞌn jañ yaꞌ pu jam tɨɨdaꞌ, dhi ubii na cham jir jix chumñigam nat gook pɨx mi chua gu tuumiñ, jaꞌp ji buusan nat jix ioꞌm muiꞌ mi chua, nat guꞌ soiꞌm ɨlhdhak mi chua. Guꞌ baꞌ gu jaiꞌ na mɨt panaas muiꞌ miꞌ tɨi xi chua, pur cham tuꞌ,
24816	MRK 13:30	Tuꞌ sɨlhkam kɨꞌn jañ yaꞌ pu jam tɨɨda, bɨɨpɨꞌ puꞌñi xi chum duuji nam baꞌ pɨk ba koꞌyaꞌ dappaam gu jaꞌtkam guiꞌ nam jɨꞌk ka duduakaꞌ janoꞌ.
24827	MRK 14:4	Baꞌ jɨꞌkchi gu jaꞌtkam nam miꞌp tuꞌiiꞌ bhaiꞌ ji bhaak jamɨt, jup kaiꞌch am: ―¿Jax baꞌm aagɨt puiꞌ tu bua dhi ubii? Tɨɨꞌ nat bɨɨx xi dhoodak dhiꞌ na tuꞌx dhaꞌram namkɨt.
24832	MRK 14:9	Tuꞌ sɨlhkam kɨꞌn jañ yaꞌ pu jam tɨɨdaꞌ, na paiꞌ dhuuk bhaiꞌ ji chum aꞌgaꞌ gux bhaiꞌm kaiꞌchdham ñiꞌook yaꞌ dhi oiꞌñgaꞌn, bɨɨx jup jum aꞌgidhaꞌ dhi ubii na baꞌ bhaan jix maatɨꞌ kaꞌ nat jix bhaiꞌ dhuu nat bhañ choiꞌ dhi osbhagaꞌn gu nardo na joidham uub.
24841	MRK 14:18	Miꞌ baꞌ bhaiꞌ ji chu juu mɨt. Baꞌ nam miꞌ daraat ka tu kuaꞌ, jup ja tɨtda: ―Tuꞌ sɨlhkam kɨꞌn jañ yaꞌ pu jam tɨɨdaꞌ, maadɨt aapiꞌm na pim yaꞌp tuꞌiiꞌ, maaxik jiñ kɨɨsaꞌ ja bui gu gɇꞌgɇrkam jum aaꞌndam nam boiñ bhɨichdhaꞌ.
24844	MRK 14:21	Jir am kat na pu cham jaiꞌch kaꞌ gɨt gu jaroiꞌ na maaxik jiñ kɨɨsaꞌ nam boiñ bhɨichdhaꞌ. Tɨix joiꞌgɨꞌñ iñ, na guꞌ giilhim jum tulhiiñaꞌ maaxik xiñ kɨɨsai. Ku baꞌ guꞌ dhiꞌ miꞌ pɨx puiꞌ ba jimdaꞌ ji, na bhaan pɨx jum kuugalhdhaꞌ na jax jum kaiꞌch mi uꞌuan taꞌm gu ñioꞌkiꞌñ gu Dios, na puꞌñi jaꞌk jiñ dhoodaꞌ am aañ nat bhañ joot.
24848	MRK 14:25	Tuꞌ sɨlhkam kɨꞌn jañ yaꞌ pu jam tɨɨdaꞌ, daipuꞌ dhi maaꞌn kaam nañ xi ioꞌji dhi uubas baraaꞌ gu xib, nañ guꞌ moo bar boi chaꞌm kam. Janoꞌ baꞌ na paiꞌ dhuuk ba tum kuugalhdhaꞌ nañ baꞌ giop ba iꞌyaꞌ jix dhaam jaꞌk, ku guꞌ gux uañ ji, cham tuꞌ dhiꞌ pu chuꞌm.
24853	MRK 14:30	Baꞌp tɨtda gu Jesuus: ―Tuꞌ sɨlhkam kɨꞌn jañ yaꞌ pum tɨɨdaꞌ na gookim ka jiiñkiaꞌ gu takaaruiꞌ xib dhi tukaaꞌ, aap baikim puiꞌ ba tɨꞌyaꞌ nap cham jiñ kaichuꞌ.
24860	MRK 14:37	Baꞌ jaꞌxpɨx nat jaꞌk gɨi miꞌ nat paiꞌ xi ja chianɨk nam ka darkaꞌ gu baik gu noonbiꞌñ, miꞌ pɨx kookos am nat ba ja tɨɨ. Baꞌp tɨtda gu Jesuus gu Peegro: ―Simoon, ¿moo jaꞌp jix kooxim ap aa? Tɨ nɨiꞌñdhaꞌ ap. Moo pich chi moo janoꞌ koi na ñich jax jii. ¿Kaꞌp ji siamri jɨꞌx xi chɨ nɨidhimɨk aa?
24871	MRK 14:48	Baꞌp ja tɨtda gu Jesuus guiꞌ na mɨt ba daa: ―¿Jax ku pim baꞌ bɨxchuꞌ kukxir tu uaꞌdat bha jaꞌk jiim gam uꞌux jix kaapak? ¿Tuꞌ ɨxkum jiñ ɨlhiiꞌñ japim aa?
24886	MRK 14:63	Baꞌ gux ioꞌm ja gɇꞌkam tuk guiꞌ nam jaiꞌ ja palhbuiꞌñdhaꞌ gu Israel kam jaꞌtkam nam tu daandaꞌ buiñor gu Dios, ais saassa gu jannulhiꞌñ na sap baꞌ bhaan jix maatɨꞌ kaꞌ na cham jir am puiꞌ nat jax tɨi gu Jesuus, jup kaiꞌch baꞌ: ―¡Dho jaña! ¿Jarooch baꞌp ka nɨɨra nax bhaiꞌ tu aaꞌndaꞌ? Tɨɨꞌ nat dɨɨlh yaꞌ maaxik bam kɨi.
24893	MRK 14:70	Guꞌ ji na guꞌ gu Peegro jir maaꞌn na jax kaiꞌch. Baꞌ jaꞌxpɨx bhaiꞌp ji chɨkka mɨt guiꞌ nam jɨꞌk miꞌp tuꞌiiꞌ, jup tɨtda am: ―¿Jaꞌp aa moor sɨlhkam nap cham tuꞌ maadɨt jir diꞌ guiꞌ nam kaichuꞌ gu Jesuus Nasareet kam? Chi moo tɨi kaichuꞌ ap ji, guꞌ ji nap guꞌ cham tu aagam. Jax dhui na pim guꞌr miaꞌn jum oiꞌdhagɨm. ¿Kaꞌ cham aa aap jir Galilea kam? Tɨɨꞌ nap baꞌ moo jaꞌp puiꞌ tu ñiok nam jax tu ñiok gu mu kam.
24899	MRK 15:4	Baꞌ gio bhaiꞌp ji chɨkka gu Pilaato, jup tɨtda: ―Jir sɨlhkam chi moo puiꞌ nam jax kaiꞌch nam bɨɨx aixim jum iattulhiꞌñ dhi jaꞌtkam. Tɨɨꞌ nap baꞌ cham ñiok. ¿Puiꞌ aap baꞌ cham tuꞌ bhaan jum palhbuidhaꞌ? Tɨɨꞌ nam jax kaiꞌch dhi jaꞌtkam.
24909	MRK 15:14	Baꞌ gio tɨi muiꞌp ka xi ñio gu Pilaato, jup ja tɨtda: ―¿Tuꞌ gi moo jax dhuu mu paiꞌ ku pim baꞌ moo jaꞌp jix kɨꞌɨɨꞌn? Guꞌ ji nam guꞌ gu jaꞌtkam cham tɇ kɇɇ. Jix ioꞌm gɇꞌ kɨꞌn puiꞌ ba xi chɨtda am: ―¡Mu ja chian gum sandaaruiꞌx chuk kum sissappuꞌ kuruus taꞌm!
24929	MRK 15:34	Baꞌ nat jax kiaꞌpɨx gio bhaiꞌp ji chu maaxir, gɇꞌ kɨꞌn jup kaiꞌch gu Jesuus: ―Eloi, Eloi, ¿lama sabaktani? ―na jaꞌp kaiꞌñkam jup jum kaiꞌch: Dios jiñ Gɨꞌkoraꞌ, ¿jax kup baꞌ cham jiñ aꞌm ka tɨ nɨidhim? Tɨɨꞌ na mɨt jax jiñ dhooda.