23215	MAT 1:2	Abraham nu Isakara mama. Isaka nu Yakobora mama. Yakobo nu Yuda ata namisini nuso ata amira mama.
23244	MAT 2:6	O Betelehem nata, Yudaya zebura itia. Nata awa Yudaya zebura nata giti kopi amira osai zo oko aewa. Nata amira ana giti kopi bamubake zo kei awero Isreli ema dubu naso dia wero baitamunoya.”
23251	MAT 2:13	Nukare ewesemuro susauwa Yosefe atua inoinu Tuara angelo zo meni nuso nana kei awero tugata wero ego senua awa, “Ni eriro mia maire pumuro Izip zebura baro ago ge naso dia nuawe. Nera kota, Herode meni mai kau inoma tamuro damu toya.”
23252	MAT 2:14	Ago senu Yosefe meni eriro mia maire pumuro pire tara awero Izip zebura bamuwa awa.
23253	MAT 2:15	Nukare baro ago noiwa Herode betenua awa. Nena ago ine kei awenu amire ge porofete zo meni Tuara bera ego senua awa me wenua awa, Mai naso Izip zebura noinu zawa sena doro ewesemunua.
23257	MAT 2:19	Herode betenu Yosefe Izip zebura noise atua inoinu Tuara angelo zo meni nuso nana kei awero ego senua awa,
23258	MAT 2:20	“Mai dara betaise sisera nukare awa betitara, are ni eriro mia maire pumuro Isreli zebura ewesemawe.”
23259	MAT 2:21	Ago senu giro Yosefe meni eriro mai miere pumuro Isreli zebura ewesemuwa awa.
23340	MAT 5:37	Are nikare ge me samu wero giro “Iyo” gege, o “Tepo” gege ago sewo. Ge eni susumuro sai awa wayara mama amira nana ena tupewia.
23347	MAT 5:44	Ota nane meni awa nikare ego tugata inona awa. Iwo nisokare otao wewo. Ota nikare dero tuninowera awa nukare emo Anutu isa seu.
23424	MAT 8:10	Ago senu Yesu meni ge awa niniro di tainiro ema dubu nu ama ganinoiwa amire ego senua awa, “Na me nimorekare sane. Isreli ema nisokare nana ema tuma diai ago inere zo oko tapisena.
23425	MAT 8:11	Are ego tugata wana niniu. Waiko osaira enata witaira ena ema Yudako saisai meni kei awero Abrahamto Isakare ata Yakobo awa numorekare dai utura mokara auniro ana-bona wero arumuro ninoise yawa sara wamunora awa.
23476	MAT 9:28	Yesu susaumite sora witinu nuto nuso nana zorage bamuro kei awewato awa. Nuso nana kei awewato giro Yesu meni nuto atata wero senua awa, “Giti moka kora waira putou naso nana itia asero gewato me weti mewitota?” Ago senu nuto sewato awa, “Iyo, Tua. Genato me inoya.”
23481	MAT 9:33	Are Yesu meni bi tunenu bamunu ema awa ge senua awa. Ge senu ema dubu bamu ami di tainiro ego sewa awa, “Isreli zebura ena gita nena ago ine zo oko kei awenu ginakai.”
23490	MAT 10:4	Simon Zelote ata Yudas Iskeriot nu noe Yesu kereninua awa.
23492	MAT 10:6	Isreli ema dubura lama tara awewenai amira nana daba bamuwo.
23505	MAT 10:19	Nukare nikare puro ema giti kopira nana potara ge nogo samunonikai asinoise kotumu-katumu oko wawe. Ina saira be kei awai amire ge samu wawa Ozana meni nimorekare ge potai samunowa awa.
23509	MAT 10:23	Are nata zora nuawa dero tunara giro nata awa doro noko zora bamuwo. Na me sane. Nikare bua isusauma Isreli nata sero ena bua kaka wero pesunamu inuawa na Emara Mai meni noko kei awamunona awa.
23647	MAT 13:39	Iwo meni iwe me apenua awa Satan. Wuit me pumaira be awa be bamu. Bua waira ema awa angelo dubu.
23648	MAT 13:40	Iwe sokero niaora moinowera susu da ago ine awa be bamura ena kei awamunoya.
23726	MAT 15:24	Ago sewa giro Yesu meni ego senua awa, “Na Isreli ema dubu lama tara awai ine numorekare daba gegenai.”
23733	MAT 15:31	Ago wenu dau meni ge uge-mage wewa, ota te wana amai meni ewanana wewa, ota te dimai meni ewanana wero aita wewa, ota giti guma wai meni awa giti panewa awa. Are ema bama diti bamu meni awa giro yaba dasiga bamu inoise Isreli emara Anutu poti ike nitinoise bowi wewa awa.
23756	MAT 16:15	Ago sewa giro noko nukare atata wero senua awa, “Ina nikare nitopekare na are asinowewi?”
23790	MAT 17:21	Bi ago ine tunai awa nena zota zo meni oko aewa. Isa saire nena sienaire meni gege tunai te awa.]” Ago senua awa.
23794	MAT 17:25	Ago sewa Petoro meni ego senua awa, “Iyo, potitinowia awa.” Ago sero nu noko tera Yesura nana sora witiro ge awa kaka kerenamu inoinu Yesu nu nutope Petoro atata wero senua awa, “Simon, susu ei awa gasa nogo wai giro ina se gane: Zebura ema tua nukare arakara nana takista kastam* pupinoweri, dubu nusokare nanata dubu zora nana ni?”
23824	MAT 18:28	Ago wenu sora ena osero bamuro soumai otao nuso zo tamunua, awa nuso nana ina nuso l00 kina itinua. Nu awa tamuro duba ziro doinoise ego senua awa, ‘Ina naso zeme-zemeke eya poti!’
23826	MAT 18:30	Nu begomo senu ge nuso kaka ninamu baro senu otao nusore ego toise benai sora potiwa awa, ‘Ina nuso potiro tepo wero amire kei awamunosa.’
23859	MAT 19:28	Ago atata wenu Yesu meni ego senua awa, “Na me memeka sane. Noma nena bamubamu seka wero ewanana kei awamunoya be amire na Emara Mai meni arumai simaire nasora arumuro itana na ama ganewa nikare da ago ine ema tuara arumai 12 amira arumuro itise amire Isreli ema dubu 12 awa awina-dawina wamunowa.
23883	MAT 20:22	Ago senu Yesu meni ina ego senua awa, “Nikare ge towa amira susu oko gosinowa. Na ou dokaka zo namunona, awa nito te nanowato?” Ago senu nuto sewato awa, “Iyo, te namunonato.”
23908	MAT 21:13	Ago inoise ego senua awa, “Ge gayai zo ego itia ewa, Ibu naso awa isa saira ibu itaise. Ota nikare wetewa ibu awa bewana wai emara bezai masi ine inoya.” Ago senua awa.
23909	MAT 21:14	Ibu bamura ago noinu ema giti guma waire zabura waire nuso nana bamuwa kora wenua awa.
23925	MAT 21:30	Are mama meni mai zore ge da awa tugata wero senua awa. Senu giro ina ego senua awa, ‘Iyo, nama wamunona.’ Ago sero kaka bayamu dago itinua.
23952	MAT 22:11	Itiwa ema tua meni nukare gamu sero witiro ema zo ana-bona waira tama woi tepo itinu giro numore ego senua awa,
23962	MAT 22:21	“Ititire zazore monira itia ewa awara ni?” Ago senu nukare sewa awa, “Awa Sisara.” Ago sewa giro numorekare ego senua awa, “Nena Sisara asero giro Sisare potiu. Ota nena Anutura asero giro Anuture potiu.”
23973	MAT 22:32	Nu ego senua awa, Na Abrahamto Isakare ata Yakobo amira Tua wero itewena. Anutu nu erama bebetenai asinowenakai awa gawi seka gege inowera. Are nu erama betaira Tua kota, nu erama seka itewera amira Tua wero itewia.”
24001	MAT 23:14	Yei, lo ge gipai ema ata Farisayo. Nikare opi ema me sao inowewa. Nikare bama iu betai amira wau awa soero pupinowewa. Ago inoise pasina nisokare gogo wero me irora inoise isa iboi-tatana towewa. Isa iboi-tatana meni pasina nisokare kaka gogo wamu wamewa sia, awa ama ina nisokare waya pei-kaka gege pumamewa. Ata nikare isa iboi-tatana meni pasina nisokare gogo wero me irora inowewa, are amira ama ina nisokare mou-mau bamu tamamunowa.]
24028	MAT 24:2	Ago wewa nu ge ina ego senua awa, “Nena bamubamu iti gosinowa amira na me memeka sana giu. Iwo meni ibu ziwero sisara tepo wamunoya. Ibura omata zo oko duara zora nana tame itamunoya.”
24088	MAT 25:11	Itera ama bama diri dau nukare muro zawa toise ego tora awa, ‘O Tua nasokare, toyai be pieyo.’
24137	MAT 26:14	Are bua mai nuso 12 nusokare nana zo zazo nuso Yudas Iskeriot nune ami pris babezinomara nana bamuro
24163	MAT 26:40	Isa ago sero mai etorobara nana ewesemuro nukare gitawa inoiwa giro Petorore ego senua awa, “Nikare namore dai aua daimata gege seka zisero itai ine tepo, atonua!
24166	MAT 26:43	Isa ago sero ewesemuro bua mai nukare giti moweninu gitawara dago itiwa ginua awa.
24168	MAT 26:45	Isa sero tepo wero bua mai nana ewesemuro ego senua awa, “Nikare gitawa gege inoise itewa, atonua! Be kei awetia. Emara Mai kerenera pasina emara nana wanera wititinona.
24170	MAT 26:47	Ago tuaise bua mai 12 amira otao nusokare Yudas meni iwo dubu bamu gita wenu kei awewa awa. Iwo dubu awa pris babezinoma ata Yuda emara simai ami iyetiwa goroba wamu sero kasiware dobare pumuro puro kei awewa awa.
24192	MAT 26:69	Ago inoise noiwa Petoro nu goma mokara nate kakame itinua awa. Itinu soumai bama diri zo meni nuso nana bamuro ego senua awa, “Nine ami Yesu Galilaya ema omire dai nowesa awa.”
24207	MAT 27:9	Are porofete Yeremiara ge me wenua awa. Ge awa ego awa, Isreli ema nukare zuma nuso silva moni 30* asewa awa.
24209	MAT 27:11	Nukare Yesu puro bamuwa ema tua nana benaura dopenu ema tua meni atata wero senua awa, “Ni Yuda emara ema tua ni?” Ago senu Yesu meni ego senua awa, “Iyo, tosa awa.”
24240	MAT 27:42	“Nu gita ema eni soremuro kora inoisia, ata nu nutope soremai ine tepo awa. Nu Isreli emara ema tua nasokai nowita, awa ni pasinaira ena zeme osai nu Soyai Ema nasokai me asamunonakai.
24295	MRK 1:11	Iri niro gosinoinu ge zo ego ine utura ena osenua awa, “Ni Mai naso. Ni wama naso. Na ni emo yawa sara inona.”
24325	MRK 1:41	Ago senu Yesu meni nu emo zo wenu giro nu kora wamu sero wana potiro nu kimuro ego senua awa, “Iyo, na ago wamu kotupitinona. Tama niso kokopai kei awaise.”
24365	MRK 3:8	ema nata Yerusalem amire ema Idumia zebura amire ema ou Yodan enibara amire ema nata Tayato Saidonre ami bua dapikarago Yesu meni inoisonua amira ge niniwa, are nukare witai ami nuso nana muwa.
24376	MRK 3:19	Yudas Iskeriot nu Yesu kereniro iwora wanera potai ema. Yesu meni bua mai awa buara potiro nu bamu nuso nana ninua awa.
24598	MRK 8:29	Ago sewa giro nu nukare atata wero senua awa, “Ina ninekare nitopekare na are asinowewi?” Ago senu Petoro meni ego senua awa, “Ni Kristo, Soyai Ema nasokare.”
24657	MRK 9:50	Ima awa nena kokopai. Ata ima berusa wamunoya, awa nakai nogo wanakai bapu nuso ewanana kei awamunoi? Nakai ewa puro nena tame tetawenakai ewanana inowia, da ago ine nikare duba-ozaire nuawa ewanana wamunoya.” Ago senua awa.
24726	MRK 11:17	Nu numorekare ego senua awa, “Ge gayai zo ego itia ewa, Ibu naso awa zebu serora isa saira ibu itaise. Ge gayai ago itia, ata nikare wetewa ibu awa bewana wai emara bezai masi ine inoya.” Ago senua awa.
24758	MRK 12:16	“Nikare nogoro na gaero gamu inowi? Moni zo potiu mai gane.” Ago senu nukare moni zo potiwa pumuro ego senua awa, “Ititire owere monira itia ewa awara ni?” Ago senu nukare ego sewa awa, “Awa Sisara.”
24768	MRK 12:26	Nikare bebetenai eramunorita asero atata inowa, ata nikare ge Mose meni gaenua awa kaka azimuro gamu meni sago inowa, atonua! Nu ni payai zo awero kaka tepo wamu wenua amira uge awa gainomite amire ge zo Anutu meni numore senua awa ego gaenua awa, Na Abrahamto Isakare ata Yakobo amira Tua wero itewena. Nikare ge awa azipitinowewita?
24771	MRK 12:29	Ago senu Yesu meni ego senua awa, “Lo namba wan awa ego itia, O Isreli ema, ge ei awa niniu. Bamu nasokai nu Anutu. Nu imata Tua nasokai.
24787	MRK 13:1	Yesu bua maire dai ibu bamu doro kei damu nitinoiwa bua mai zo meni numore ego senua awa, “Gipai ema, ibura omata babezinoma awa giyo. Ibu neine-naine awa.”
24833	MRK 14:10	Be amire Yudas Iskeriot, nu bua mai 12 amira zo, ami Yesu kereniro gera potamu sero pris babezinomara nana bamunua awa.
24859	MRK 14:36	Isa ago toise ego senua awa, “O Mama naso, ni tani dapikarago wai te inoya. Ni yaya ei awa naso nana ena pumuyo. Ata kotumai nasora kota, kotumai nisora weyo.”
24860	MRK 14:37	Isa ago sero ewesemuro nukare gitawa inoise itiwa giro nu Petorore ego senua awa, “Simon, gitawa inosua. Ni be pei-kaka gege seka zisero itai ine tepo ni?
24863	MRK 14:40	Isa sero ewesemuro nukare giti moweninu gitawara dago itiwa ginua. Giro senu nukare ne seri wero dowa.
24866	MRK 14:43	Ago tuaise bua mai 12 amira otao nusokare Yudas meni iwo dubu bamu gita wenu kei awewa awa. Iwo dubu awa pris babezinoma ata lo ge gipai ema ata simai ami iyetiwa goroba wamu sero kasiware dobare pumuro puro kei awewa awa.
24897	MRK 15:2	Puro bamuwa Pilato meni nu atata wero senua awa, “Ni Yuda emara ema tua ni?” Ago senu Yesu meni ina ego senua awa, “Iyo, tosa awa.” Ago senua awa.
24927	MRK 15:32	Kristo nu Isreli emara ema tua nasokai nowia ami zeme ni pasinaira ena osaise. Osai giro, ‘Me sisia,’ asamunonakai.” Ago ina-sa wewa awa. Ema eto ni pasinaira itiwato ami dai nu isewato awa.
24978	LUK 1:16	Numa Isreli ema bama dainiro zumai kapeteniro bamu Tua nusokare Anutura nana niro nuamunora.
25016	LUK 1:54	Nu awa-diai nuso itewia amira gege bua mai nuso Isreli dubu sorepitinoise nuamunoya.
25023	LUK 1:61	Ago senu nukare numore ego sewa awa, “Imo mamai nisora zazo ago zo tepo awa.”
25030	LUK 1:68	“Nakai Isrelira Tua Anutu amira zazo nuso puro witanekai. Nu muro nakai ema bama nuso soremuro zuma gayamunoya.
25042	LUK 1:80	Mai Yohane awa kei awero baziro bamubake wenu kotumai nuso zazero ewanana wenua awa. Ago wero nu Isreli dubura nana benaura kei awai amira be nuso dia inoise zebu erama tepo amira noisonua awa.
25067	LUK 2:25	Are ema zo Yerusalem itisonua zazo nuso Simion. Nu ema ewanana, ata nu Tuara ge ninai ema. Nu Isreli emara Soyai Ema awa kei awai gamu dia itisonua. Are Ozana meni Simionra nana itisonua.
25074	LUK 2:32	Nu awa zasimai ine awa. Are nu ebata niso ema Yudakore gipamunoya. Ago wero Isreli dubu amira zazo de ike namunoya.”
25076	LUK 2:34	Are Simion meni nukare gawa wero maira mia Maria amire ego senua awa, “Sana niniyo. Mai ei awa Isreli ema bama zaumaise sai itia awa. Are eni meni nu giro duro waya wamunora. Ota eni meni awa nu giro zewai wero dopamunora. Nu awa Anutura ebata gipai ema awa. Are ema witai meni numore ge waya-kawaya samunora.
25095	LUK 3:1	Zekarayara mai Yohane nu zebu erama tepo amira noinu Anutu meni ge numore sero numa buara potinua. Awa ema emi ema babezinoma wero noisowa amire ago wenua awa: Roma emara ema tua Taibirias nu ema tua wero noinu zepa 15 tepo wenua, be amire Pontias Pilao numa Yudaya zebura ema dia wero noinua; ota Herode nu Galilaya zebura ema dia wero noinua; ota nami nuso Filip nu zebu eto zazo nusoto Ituriato Trekonaitisre amira ema dia wero noinua; ota Anasito Kayafare nuto pris bamu wero noiwato, be amire Anutu meni Yohane buara potinua.
25118	LUK 3:24	Yosefe nu Hilaira mai, Hilai nu Matatira mai, Matati nu Lewira mai, Lewi nu Melikaira mai, Melikai nu Yanaira mai, Yanai nu Yosefera mai, Yosefe nu Matatayara mai, Matataya nu Amosira mai, Amosi nu Neamra mai, Neam nu Esilira mai, Esili nu Nagaira mai, Nagai nu Meatira mai, Meati nu Matatayara mai, Matataya nu Semenra mai, Semen nu Yosekera mai, Yoseke nu Yodara mai, Yoda nu Zoananra mai, Zoanan nu Resara mai, Resa nu Zerababora mai, Zerababo nu Siatielra mai, Siatiel nu Neraira mai, Nerai nu Melikaira mai, Melikai nu Adira mai, Adi nu Kosamra mai, Kosam nu Elimadamra mai, Elimadam nu Erera mai, Ere nu Yosuara mai, Yosua nu Eliesara mai, Eliesa nu Yorimra mai, Yorim nu Matatira mai, Matati nu Lewira mai, Lewi nu Simionra mai, Simion nu Yudara mai, Yuda nu Yosefera mai, Yosefe nu Yonamra mai, Yonam nu Elayakimra mai, Elayakim nu Meliara mai, Melia nu Menara mai, Mena nu Matatara mai, Matata nu Netanra mai, Netan nu Dawidira mai, Dawidi nu Zesira mai, Zesi nu Obedera mai, Obede nu Boasira mai, Boasi nu Salara mai, Sala nu Nasonra mai, Nason nu Aminadapra mai, Aminadap nu Adaminra mai, Adamin nu Anira mai, Ani nu Hesronra mai, Hesron nu Peresera mai, Perese nu Yudara mai, Yuda nu Yakobora mai, Yakobo nu Isakara mai, Isaka nu Abrahamra mai, Abraham nu Terara mai, Tera nu Nehorira mai, Nehori nu Serakra mai, Serak nu Riyura mai, Riyu nu Pelekra mai, Pelek nu Ibara mai, Iba nu Selara mai, Sela nu Kainanra mai, Kainan nu Apasatra mai, Apasat nu Semra mai, Sem nu Noara mai, Noa nu Lemekra mai, Lemek nu Metusalara mai, Metusala nu Inokra mai, Inok nu Yeretra mai, Yeret nu Mahalalilira mai, Mahalalili nu Kainanra mai, Kainan nu Inosira mai, Inosi nu Setira mai, Seti nu Adamra mai, Adam nu Anutura mai.
25157	LUK 4:25	Ewowo-kawowo nisokare meni porofete Eliara ge kaka ninamu wewa. Are Anutu meni senu wa kaka osamu waiko gege inoinu zepa etorobara ata inua 6 ago tepo wenua. Be amire dora botiyo bamubake kei awenu bama kuma dainiro meni Isreli zebura noise nena nai kau inoisowa.
25158	LUK 4:26	Ata Anutu nu Elia oko senu Isrelira bama kuma zora nana bamunua. Tepo awa. Nu numa iyetinu Saidon zebura baro nata Sarefat amira gege kei awenua awa. Awa bama kuma zora nana kei awero nu nena naira sorepitinoise itisonua.
25159	LUK 4:27	Noko da ago ine porofete Elisare wewa awa. Nu noisonua be amire ema boya ayare dainiro Isreli emara nana itisowa. Ata nu nusokare nana zo oko korawenu ewanana wenua. Tepo awa. Siria zebura ema zo zazo Neaman nu awa gege kora wenu ewanana wenua awa.” Yesu meni ago senua awa.
25189	LUK 5:13	Ago senu Yesu meni wana potiro nu kimuro ego senua awa, “Iyo, na ago wamu kotupitinona. Are boya niso tepo wai ni saramase.” Ago tuaise boya aya nuso eya tepo wewa.
25231	LUK 6:16	ota Yuda awa Yakobora mai; ota Yudas Iskeriot, nu ami ama Yesu kereniro iwora nana wanera potinua.
25273	LUK 7:9	Ago senu Yesu meni ge awa niniro di tainiro zuzumeniro ema bama dubu bamu nu ama ganinoiwa amire ego senua awa, “Na nimorekare sane. Na Isreli ema nisokare nana ema tuma diai ego inere zo oko tapisena.” Ago senua awa.
25276	LUK 7:12	Are numa bamuro natara goma amira toyai be bamu amira zorage kei awinoinu nukare mai betai zo puro bi ditira bayamu muwa. Mai betai amira mia awa mai da gege awa. Iu uso dai emoko betenua. Are nata amira ema bama witai eriro bama amire dai muwa.
25290	LUK 7:26	Ata nikare ne gamu bamisewi? Nikare porofete zo gamu bamisewita? Iyo. Nikare porofete zo gamu bamisewa. Are na nimorekare me sane. Nu awa porofete awa, ata nune porofete noisowa awa dainitinoya.
25293	LUK 7:29	Ema bama dapikarago ata takis pumai ema nukare ge awa niniro ego sewa awa, “Iyo, Anutura tani awa me awa.” Ago sewa nera kota, gita Yohane meni nukare ge ou gutenua.
25317	LUK 8:3	Ata bama Yoana awa nu Kusara bama. Iu nuso meni Herodera so dia inoisonua. Ota bama zo zazo nuso Susana, ata bama eni numore dai noise Yesu bua mai nusore awa wau nusokare meni sorepitinoise noisowa awa.
25373	LUK 9:3	Iyetitinoise numorekare ego senua awa, “Nikare ebete nuamu inoise nena dainiro oko pumawe. Nikare bogita kaitata nena naita wau moni oko pumawe. Nikare tama woi eto oko pumawe.
25390	LUK 9:20	Ago sewa nu ego senua awa, “Ina nikare nitopekare na are asinowewi?” Ago senu Petoro meni ina ego senua awa, “Nima awa Soyai Ema zazo Kristo, Anutu meni iyetamu senua.” Ago senua awa.
25478	LUK 11:4	Pasina ema eni meni namorekare inowera awa dotinonakare, da ago ine ni pasina nasokare doyo. Ni nakare etete naira oko potase. Isa ago ine sewo.” Ago senua awa.
25593	LUK 13:6	Yesu meni ge bezai zo ego senua awa, “Ema zo gita ni fik awa notu nusora ena urenu itisonua. Iteye donu nu me eni tamamu munua, ata tepo awa.
25615	LUK 13:28	Nikare giu. Abrahamra Isakara Yakobora ata porofete dapikarago Anutu nana mokara itara gamunowa, ata nikare esenara nikare damu itise di zawa gatero zarinoise itamunowa.
25656	LUK 14:34	Ima awa nena ewanana. Ata ima mege tepo wamunoya, awa nakai nogo wanakai amira mege nuso noko kei awamunoi?