29	GEN 1:29	عَ نَشّ، «ٱ بَرَ سَنسِ بِرِن نُن سَنسِ بٌفِ بِرِن قِ وٌ مَ بَلٌي رَ.
30	GEN 1:30	ٱ بَرَ سَنسِ بِرِن قِ سُبٍ بِرِن مَ نَشَن نَ بْشِ مَ، عَ نُن شْنِ بِرِن مَ، عَ نُن بُبُسٍ بِرِن مَ، نِمَسٍ بِرِن مَ نَشٍيٍ حّنفِمَ. سَنسِ بِرِن بَرَ قِندِ عٍ بَلٌي رَ.» عَ رَبَشِ نَ كِ نّ.
49	GEN 2:18	مَرِفِ عَلَتَلَ نَشَ عَ قَلَ، «عَ مُ قَن شّمّ شَ لُ بٍ عَ كٍرٍن. ٱ قَمَ مَلِمَ قَنيِ دَالِدٍ عَ بّ.»
54	GEN 2:23	عَدَ مَ نَشَ عَ قَلَ، «يِ فِنّ قَتَنشِ ٱ شْرِ نُن ٱ سُبٍ نَن نَ. عَ شِلِ نّ ‹فِنّ›، بَرِ مَ عَ مِنِشِ شّمّ نّ عِ.»
66	GEN 3:10	عَدَ مَ نَشَ عَ يَابِ، «ٱ بَرَ عِ شُي مّ عٍدٍن كُي، كْنْ ٱ بَرَ فَاشُ، بَرِ مَ ٱ مَفٍلِ نَ عَ رَ. نَ نَن عَ رَ، ٱ نَن ٱ نْشُنشِ.»
67	GEN 3:11	مَرِفِ عَلَتَلَ نَشَ عَ مَشْرِن، «ندٍ عَ مَسٍنشِ عِ بّ عِ مَفٍلِ نَ عَ رَ؟ كَ عِ بَرَ نَ وُرِ بٌفِ دٌن بَ، ٱ نَشَن مَ قٍ قَلَ عِ بّ عِ نَشَ عَ دٌن؟»
68	GEN 3:12	عَدَ مَ نَشّ، «عِ فِنّ نَشَن قِشِ ٱ مَ، نَ نَن يِ وُرِ بٌفِ سٌ ٱ يِ رَ، ٱ نَشَ عَ دٌن.»
69	GEN 3:13	نَ شَنبِ، مَرِفِ عَلَتَلَ نَشَ فِنّ مَشْرِن، «عِ يِ رَبَشِ مُنقٍ رَ؟» فِنّ نَشَ عَ يَابِ، «بْشِمَسٍ بَرَ ٱ مَدَشُ هَن ٱ بَرَ نَ وُرِ بٌفِ دٌن.»
70	GEN 3:14	عَوَ، مَرِفِ عَلَتَلَ نَشَ عَ قَلَ بْشِمَسٍ بّ، «عِ تٌ بَرَ يِ رَبَ، عَوَ، ٱ قَن ٱ بَرَ عِ دَنكَ شُرُ سٍ نُن بُورُنيِ سُبٍ بِرِن يَ مَ. عِ قِندِ مَ بُبُسٍ نَن نَ عِ قُرِ قَرِ. عِ شُبٍ نَن دٌنمَ عِ شَ دُنِحّءِفِرِ كُي.
71	GEN 3:15	ٱ بَرَ دّحَاشُي رَ سٌ عِ تَن نُن فِنّ تَفِ. ٱ بَرَ عَ رَ سٌ عِ شَ دِيٍ نُن عَ شَ دِيٍ تَفِ. فِنّ شَ دِ عِ شُنيِ بُتُشُنمَ نّ. عِ قَن عَ تِنفِلِنيِ شِنمَ نّ.»
72	GEN 3:16	مَرِفِ عَلَتَلَ نَشَ عَ قَلَ فِنّ بّ، «عِ قَن، ٱ عِ تْورْ مَ نّ عِ شَ دِ بَرِ كُي. نَ تْورّ فبٌمَ نّ. عِ بِرَ مَ نّ عِ شَ مْرِ قْشْ رَ، عَ عِ يَمَرِ.»
73	GEN 3:17	مَرِفِ عَلَتَلَ نَشَ عَ قَلَ عَدَ مَ بّ، «عِ بَرَ بِرَ عِ شَ فِنّ قْشْ رَ. عِ بَرَ نَ وُرِ بٌفِ دٌن، ٱ نَشَن مَ قٍ قَلَ عِ بّ، عِ نَشَ عَ دٌن. يَكْسِ ٱ بَرَ بْشِ دَنكَ عِ شَ قٍ رَ. عِ تْورْ مَ نّ بَلٌي سْتْدٍ عِ شَ دُنِحّءِفِرِ كُي.
74	GEN 3:18	ٱ تُنبٍ نُن بَافِ رَ مِنِمَ نّ بْشِ مَ، عِ بَلٌي سْتْمَ شّ نَن مَ.
81	GEN 4:1	عَدَ مَ نُن مَهَوَ تٌ كَقُ، مَهَوَ نَشَ تّيفّ. عٍ نَشَ دِ سْتْ نَشَن شِلِ كَبِلَ. مَهَوَ نَشّ، «عَلَتَلَ بَرَ ٱ مَلِ دِ شّمّ سْتْقٍ رَ.»
87	GEN 4:7	شَ عِ قٍ قَنيِ رَبَ، ٱ نَ تٌنفٌمَ نّ، كْنْ شَ عِ قٍ حَاشِ رَبَ، سٍنتَنّ عِ رَتَنتَنمَ نّ. عِ كَتَ، عِ شَ عِ يّتّ بَ عَ يِ رَ.»
89	GEN 4:9	نَ شَنبِ عَلَتَلَ نَشَ كَبِلَ مَشْرِن، «عِ شُنيَ هَبِلَ نَ مِندٍن؟» عَ نَشَ عَ يَابِ، «ٱ مُ عَ كٌلٌن. قٌ ٱ شَ مّينِ ٱ شُنيَ مَ؟»
90	GEN 4:10	عَلَتَلَ نَشَ عَ قَلَ، «عِ مُنسٍ رَبَشِ؟ ٱ نَ عِ شُنيَ وُلِ فبٍلٍفبٍلٍ شُي مّقٍ كٍلِ بْشِ مَ.
91	GEN 4:11	ٱ بَرَ عِ دَنكَ بَرِ مَ عِ بَرَ عِ شُنيَ قَشَ. ٱ عِ كٍرِ مَ نّ يِ بْشِ مَ عِ شُنيَ وُلِ نَ دّننَشّ.
93	GEN 4:13	كَبِلَ نَشَ عَلَتَلَ يَابِ، «نَ حَشَنكَتّ فبٌ ٱ تَن بّ.
94	GEN 4:14	شَ عِ بَرَ ٱ كٍرِ يِ بْشِ مَ تٌ، وٌن تَفِ عِكُيَمَ نّ. ٱ قِندِ مَ حّرّتِ نَن نَ. مِشِ نَشَن نَ سَ ٱ تٌ، عَ ٱ قَشَمَ نّ.»
95	GEN 4:15	عَلَتَلَ نَشَ عَ يَابِ، «عَدٍ، شَ مِشِ يٌ عِ قَشَ، ٱ عِ فبٍحْشْمَ نّ دْشْ سٌلٌقٍرٍ.» عَلَتَلَ نَشَ تْنشُمَ سَ كَبِلَ مَ عَلَكٌ شَ نَشَن سَ عَ تٌ عَ نَشَ نْ عَ فٍرٍدٍ.
103	GEN 4:23	لَمٍكِ نَشَ عَ قَلَ عَ شَ فِنّيٍ بّ، «عَدَ نُن سِلَهِ وٌ شَ وٌ هَاكّ تٌ ٱ بّ. لَمٍكِ شَ فِنّيٍ، وٌ شَ وٌ تُلِ مَتِ ٱ مَ وْيّنيِ رَ. ٱ بَرَ شّمّ ندٍ قَشَ فبٍحْشْي رَ. ٱ بَرَ نَ سّفّتَلَ قَشَ بَرِ مَ عَ بَرَ ٱ مَشْنْ.
104	GEN 4:24	شَ مِشِ سٌلٌقٍرٍ نَن قَشَمَ كَبِلَ فبٍحْشْقٍ رَ، مِشِ تٌنفٌ سٌلٌقٍرٍ نُن سٌلٌقٍرٍ نَن قَشَمَ ٱ تَن لَمٍكِ فبٍحْشْقٍ رَ.»
141	GEN 6:3	نَ شَنبِ، عَلَتَلَ نَشَ عَ قَلَ، «ٱ مُ تِنمَ نِي شَ بُ عَدَ مَ قَتٍ عَبَدَن، بَرِ مَ دَالِسٍ نَ عَ رَ. عَ مُ دَنفِمَ حّ كّمّ حّ مْشْحّن نَ.»
145	GEN 6:7	عَلَتَلَ نَشَ عَ قَلَ، «عَدَ مَ بِرِن ٱ نَشَن دَاشِ، ٱ نَ بِرِن تٌنفٌمَ نّ دُنِحَ مَ. مِشِ يٌ، سُبٍ يٌ، بُبُسٍ يٌ، شْنِ نَشَن حّرّ مَ كٌورٍ مَ يٌ، ٱ نَ بِرِن تٌنفٌمَ نّ دُنِحَ مَ، بَرِ مَ ٱ بَرَ نِمِسَ عَدَ مَ دَاقٍ رَ.»
151	GEN 6:13	نَ كُي عَلَ نَشَ عَ مَسٍن نُهَ بّ، «ٱ وَ مَ عَدَ مَ بِرِن تٌنفٌقٍ دُنِحَ مَ، بَرِ مَ دُنِحَ بَرَ كٌبِ عَ حَاشِ رَ. ٱ وَ مَ عَدَ مَ بِرِن نُن دُنِحَ بِرِن كَنَقٍ.
155	GEN 6:17	«نَ شَنبِ ٱ تَن قَمَ يٍ رَدِندٍ دُنِحَ مَ. عَ مِشِ بِرِن سْنتْ. نِمَسٍ بِرِن قَشَمَ نّ.
156	GEN 6:18	كْنْ ٱ بَرَ سَاتّ تٌنفٌ عِ بّ. عِ سٌمَ نّ يِ كُنكُي كُي، عِ تَن نُن عِ شَ دِيٍ، عَ نُن عِ شَ فِنّ، عَ نُن عِ شَ دِيٍ شَ فِنّيٍ.
164	GEN 7:4	«شِ سٌلٌقٍرٍ نَ دَنفِ، ٱ تُنّ رَفٌرٌ مَ بْشِ مَ. شِ تٌنفٌ نَانِ تُنّ قَمَ كْي نُن يَنيِ. نِمَسٍ بِرِن ٱ نَشَن دَاشِ، نَ بِرِن سْنتْمَ نّ.»
205	GEN 8:21	نَ تُورِ تٌ تٍ، عَلَتَلَ نَشَ نَ فَن شِرِ مّ. عَ نَشَ رَقَن عَ مَ. عَ نَشَ عَ قَلَ عَ بْحّ مَ، «ٱ مُ بْشِ دَنكَمَ سْنْن عَدَ مَ شَ قٍ رَ، بَرِ مَ ٱ نَ كٌلٌن عَدَ مَ بْحّ مُ قَن كَقِ عَ دِ مّدِ تّمُي. ٱ مُ نِمَسٍ بِرِن سْنتْمَ سْنْن عَلْ ٱ نَ سِنفٍ رَبَ كِ نَشّ.
206	GEN 8:22	سَنسِ سِ تّمُي نُن سَنسِ شَبَ تّمُي، شِنبٍلِ نُن كُيٍقُرٍ، سٌفٌقُرٍ نُن حّمّ، يَنيِ نُن كْي، ٱ مُ نَ بَمَ سْنْن هَن دُنِحَ حْن.»
208	GEN 9:2	سُبٍ نَشٍيٍ نَ دُنِحَ مَ نُن شْنِ نَشٍيٍ نَ كٌورٍ مَ، عٍ فَاشُمَ نّ وٌ يَ رَ. بُبُسٍ نَشٍيٍ نَ بْشِ مَ نُن يّشّ نَشٍيٍ نَ بَا مَ، عٍ عٍ فِمَ نّ وٌ يَ رَ. ٱ بَرَ عٍ بِرِن سَ وٌ سَفٌ،
209	GEN 9:3	ٱ بَرَ عٍ بِرِن قِندِ بَلٌي رَ وٌ بّ عَلْ سَنسِيٍ ٱ نَشَن سِنفٍ قِ وٌ مَ دٌنسٍ رَ.»
215	GEN 9:9	«ٱ بَرَ سَاتّ تٌنفٌ وٌ نُن وٌ شَ دِيٍ بّ،
217	GEN 9:11	ٱ بَرَ سَاتّ تٌنفٌ وٌ بّ، بَنبَرَنيِ تَن مُ نِي بِرِن بَمَ سْنْن، عَ مُ دُنِحَ بِرِن كَنَمَ قَ.»
218	GEN 9:12	عَلَ نَشَ عَ مَسٍن، «ٱ بَرَ سَاتّ تٌنفٌ وٌ نُن نِمَسٍ بِرِن بّ، سَاتّ نَشَن مُ كَنَمَ عَبَدَن.
219	GEN 9:13	سَاتّ تْنشُمَ نَن يَ، ٱ سٍنكُي مَسٍنمَ نّ كٌورٍ مَ.
220	GEN 9:14	شَ ٱ بَرَ كُندَ سَ كٌورٍ مَ، نَ سٍنكُي مِنِمَ نّ.
221	GEN 9:15	نَ تّمُي ٱ نَتُمَ نّ سَاتّ شَ قٍ مَ، ٱ سَاتّ نَشَن تٌنفٌشِ وٌ نُن نِمَسٍ بِرِن بّ. ٱ مُ نِي بِرِن بَمَ دُنِحَ مَ بَنبَرَنيِ رَ سْنْن.
222	GEN 9:16	سٍنكُي نَ مِنِ كٌورٍ مَ، ٱ نَ تٌمَ، ٱ نَتُمَ سَاتّ شَ قٍ مَ، سَاتّ نَشَن مُ كَنَمَ عَبَدَن، ٱ سَاتّ نَشَن تٌنفٌشِ وٌ نُن نِمَسٍ بِرِن بّ نَشٍيٍ نَ دُنِحَ مَ.»
223	GEN 9:17	عَلَ نَشَ عَ مَسٍن نُهَ بّ، «سَاتّ تْنشُمَ نَن يَ، ٱ نَ سَاتّ نَشَن تٌنفٌشِ نِمَسٍ بِرِن بّ.»
231	GEN 9:25	نُهَ نَشَ عَ قَلَ، «ٱ بَرَ كَنَان دَنكَ. عَ شَ قِندِ كٌنيِ بِرِن دْنشْي رَ عَ تَارَيٍ بّ.»
232	GEN 9:26	عَ مَن نَشَ عَ قَلَ، «ٱ بَرَ سٍمِ مَرِفِ عَلَتَلَ مَتْشْ. كَنَان شَ قِندِ سٍمِ شَ كٌنيِ رَ.
300	GEN 12:1	عَلَتَلَ نَشَ عَ مَسٍن عِبُرَ مَ بّ، «عِ شَ بْشِ بّحِن، عِ شَ مِشِيٍ بّحِن، عِ شَبِلّ بّحِن. عِ شَ سِفَ بْشِ مَ ٱ دّننَشّ مَسٍنمَ عِ بّ.
301	GEN 12:2	ٱ عِ قِندِ مَ نّ سِ بٍلٍبٍلٍ رَ. ٱ بَرَكّ سَمَ نّ عِ شَ قٍ. ٱ عِ شِلِ فبٌمَ نّ. مِشِيٍ قَن بَرَكّ سْتْمَ عِ تَن نَن سَابُي رَ.
302	GEN 12:3	مِشِ نَشَن دُبَمَ عِ بّ، ٱ قَن بَرَكّ سَمَ نّ نَ كَنيِ مَ. مِشِ نَشَن عِ دَنكَمَ، ٱ قَن نَ كَنيِ دَنكَمَ نّ. دُنِحَ بِرِن بَرَكّ سْتْمَ عِ تَن نَن سَابُي رَ.»
306	GEN 12:7	عَلَتَلَ نَشَ عَ يّتّ مَسٍن عِبُرَ مَ بّ. عَ نَشَ عَ قَلَ، «ٱ يِ بْشِ نَن قِمَ عِ بْنسْي مَ.» نَ كُي عِبُرَ مَ نَشَ سّرّشّبَدٍ يَءِلَن عَلَتَلَ بّ نَشَن مِنِشِ عَ مَ.
310	GEN 12:11	بٍينُ عٍ شَ سٌ مِسِرَ بْشِ مَ، عِبُرَ مَ نَشَ عَ قَلَ عَ شَ فِنّ سَرَيِ بّ، «ٱ عَ كٌلٌن، فِنّ تٌقَنيِ نَن عِ رَ.
311	GEN 12:12	مِسِرَكَيٍ نَ عِ تٌ يَ، عٍ عَ قَلَمَ نّ ٱ مَ فِنّ نَن عِ رَ. نَ شَنبِ، عٍ ٱ قَشَمَ نّ، عَلَكٌ عٍ شَ عِ تٌنفٌ.
312	GEN 12:13	عِ شَ عَ قَلَ عٍ بّ ٱ شُنيَ نَن لَنشِ عِ مَ، عَلَكٌ عٍ شَ مّينِ ٱ مَ عِ شَ قٍ رَ. نَ كُي، ٱ مُ قَشَمَ عِ تَن سَابُي رَ.»
317	GEN 12:18	مِسِرَ مَنفّ نَشَ عِبُرَ مَ شِلِ. عَ نَشَ عَ قَلَ عَ بّ، «عِ مُنسٍ رَبَشِ ٱ نَ؟ مُنقٍ رَ عِ مُ عَ قَلَ ٱ بّ عِ شَ فِنّ نَن عَ رَ.
318	GEN 12:19	مُنقٍ رَ عِ عَ قَلَشِ عِ شُنيَ نَ عَ رَ، هَن ٱ تَن بَرَ عَ قِندِ ٱ مَ فِنّ رَ؟ عَوَ، ٱ كٌ، عِ شَ فِنّ نَن يَ. وٌ سِفَ!»
328	GEN 13:9	يِ بْشِ بِرِن نَن عِ يَ عِ يِ كِ. وٌن نَشَن نَبَمَ، وٌن شَ قَتَن. شَ عِ سِفَ كْولَ مَ، ٱ تَن سِفَمَ يِرٍقَنيِ نَن مَ. شَ عِ سِفَ يِرٍقَنيِ مَ، ٱ تَن سِفَ كْولَ مَ.»
334	GEN 13:15	عِ بْشِ نَشَن بِرِن تٌشِ، ٱ عَ قِمَ عِ تَن نُن عِ بْنسْي مَ عَبَدَن.
335	GEN 13:16	ٱ عِ بْنسْي رَوُيَمَ نّ عَلْ شُبٍ نَشَن نَ بْشِ مَ. شَ مِشِ ندٍ نْمَ شُبٍ كْنتِدٍ، عَ نْمَ نّ عِ بْنسْي كْنتِ قَن كٌلٌندٍ.
336	GEN 13:17	كٍلِ، عِ بْشِ عِحّرّ، عَ كُيّيَ نُن عَ فبٌيَ، عِ شَ عَ بِرِن مَتٌ بَرِ مَ ٱ عَ قِمَ عِ تَن نَن مَ.»
358	GEN 14:21	سٌدٌ مَ مَنفّ نَشَ عَ قَلَ عِبُرَ مَ بّ، «ٱ مَ مِشِيٍ رَفبِلٍن ٱ مَ، كْنْ نَاقُلِ تَن شَ لُ عِ بّ.»
359	GEN 14:22	عِبُرَ مَ نَشَ عَ يَابِ، «ٱ بَرَ ٱ كَلِ عَلَتَلَ رَ، عَلَ شِلِ شُنفبٍ كَنيِ نَشَن كٌورٍ نُن بْشِ دَاشِ،
360	GEN 14:23	ٱ مُ سٍسٍ تٌنفٌمَ نَشَن قِندِ عِ فبٍ رَ، هَلِ لُوتِ دِ، شَ نَ مُ عَ رَ سَنكِرِ لُوتِ، عَلَكٌ عِ نَشَ قَ عَ قَلَ، ‹ٱ بَرَ عِبُرَ مَ قِندِ بَننَ رَ.›
361	GEN 14:24	ٱ مُ سٍسٍ تٌنفٌمَ، قٌ ٱ مَ سْورِيٍ نَشَن دٌنشِ. عِ مَن شَ عَنٍرِ، عٍسٍكٌلِ، نُن مَمِرٍ فبٍ سٌ عٍ يِ رَ، بَرِ مَ عٍ قَن نُ نَ ٱ سّيتِ مَ.»
362	GEN 15:1	نَ شَنبِ عَلَتَلَ نَشَ مِنِ عِبُرَ مَ مَ، عَ نَشَ عَ مَسٍن عَ بّ، «عِبُرَ مَ عِ نَشَ فَاشُ، ٱ تَن نَن نَ عِ كَنتَمَ رَ. عِ سَرٍ شُنفبٍ سْتْمَ نّ.»
363	GEN 15:2	عِبُرَ مَ نَشَ عَ يَابِ، «مَرِفِ عَلَتَلَ، عِ مُنسٍ حَنِفٍشِ ٱ بّ عَ قِقٍ رَ ٱ مَ؟ ٱ تٌ يِ كِ، دِ يٌ مُ نَ ٱ بّ. مِشِ مُ نَ ٱ بّ نَشَن ٱ كّ تٌنفٌمَ قٌ ٱ مَ وَلِكّ عٍلِيٍسٍرِ دَ مَسِ.
364	GEN 15:3	عِ مُ دِ يٌ قِشِ ٱ تَن مَ. نَشَن بَرِشِ ٱ مَ بَنشِ كُي، نَ نَن قِندِ مَ ٱ كّ تٌنفٌمَ رَ.»
368	GEN 15:7	عَلَ نَشَ عَ مَسٍن عَ بّ، «ٱ تَن نَن نَ عَلَتَلَ رَ، نَشَن عِ رَ مِنِشِ عُرُ تَا كُي بَبِلْن بْشِ مَ. ٱ بَرَ عِ شَنِن بْشِ مَ، ٱ دّننَشّ قِشِ عِ مَ.»
369	GEN 15:8	عِبُرَ مَ نَشَ عَ مَرِفِ عَلَتَلَ مَشْرِن، «ٱ نَ كٌلٌنمَ دِ، ٱ قَمَ نَ سْتْدٍ؟»
375	GEN 15:14	كْنْ ٱ قَمَ نّ نَ بْشِكَيٍ مَكِيتِدٍ، عِ بْنسْي قِندِ مَ كٌنيِيٍ رَ دّننَشّ. نَ دَنفِ شَنبِ، عِ بْنسْي كٍلِمَ نّ نَا، عٍ قَ نَاقُلِ شُنفبٍ شَنِن عٍ شُن مَ.
379	GEN 15:18	نَ لْشْي، عَلَتَلَ نَشَ يِ سَاتّ تٌنفٌ عِبُرَ مَ بّ، «ٱ بَرَ يِ بْشِ قِ عِ بْنسْي مَ، كٍلِ مِسِرَ شُرٍ مَ، سَ دْشْ عٍقِرَتِ شُرٍ بٍلٍبٍلٍ رَ.»
384	GEN 16:2	سَرَيِ نَشَ عَ قَلَ عِبُرَ مَ بّ، «عِ بَرَ عَ تٌ، عَلَتَلَ مُ دِ بَرِ قٍ رَفِرِشِ ٱ تَن مَ. كْنْ تّمُندٍ ٱ نْمَ دِ سْتْدٍ ٱ مَ كٌنيِ فِنّ سَابُي رَ عِ بّ. وٌ شَ لُ يِرٍ كٍرٍن تٌ كْي رَ.» عِبُرَ مَ نَشَ تِن سَرَيِ شَ وْيّنيِ رَ.
387	GEN 16:5	سَرَيِ نَشَ عَ قَلَ عِبُرَ مَ بّ، «عِ تَن نَن عَ نِيَشِ يِ بْتّ رَبَ شَ عِلَن ٱ نَ! ٱ تَن نَن ٱ مَ كٌنيِ فِنّ قِشِ عِ مَ عَ شَ قِندِ عِ شَ فِنّ رَ. كَبِ عَ نَشَ عَ كٌلٌن عَ قُرُشِ، عَ قَ قٍ كٌبِ نَن تُن عِلَنمَ ٱ نَ. عَلَتَلَ شَ وٌن تَن قِرِنيِ مَكِيتِ.»
390	GEN 16:8	مَلٍكّ نَشَ هَفَرَ مَشْرِن، «سَرَيِ شَ كٌنيِ فِنّ هَفَرَ، عِ كٍلِشِ مِندٍن؟ عِ سِفَقٍ مِندٍن؟» هَفَرَ نَشَ مَلٍكّ يَابِ، «ٱ نَن ٱ فِشِ ٱ كَنيِ نَن مَ.»
392	GEN 16:10	عَلَتَلَ شَ مَلٍكّ نَشَ عَ قَلَ عَ بّ، «ٱ قَمَ بْنسْي وُيَشِ قِدٍ عِ مَ، عِ مُ نْمَ نَشَن كْنتِ كٌلٌندٍ.»
395	GEN 16:13	هَفَرَ نَشَ شِلِ سَ عَلَتَلَ شُن، نَشَن وْيّن عَ بّ، «عَلَتَلَ نَشَن ٱ تٌشِ.» عَ نَشَ عَ قَلَ، «ٱ بَرَ ٱ تٌمَ تٌ.»
396	GEN 16:14	نَ نَن عَ تٌشِ عٍ نَ كْلْنيِ شِلِ قَلَمَ، «عَلَ حِحّ نَشَن ٱ تٌشِ.» نَ كْلْنيِ نَ كَدٍ سِ نُن بٍرٍدَ نَن تَفِ.
399	GEN 17:1	عِبُرَ مَ تٌ بَرَ حّ تٌنفٌ سٌلٌمَنَانِ نُن سٌلٌمَنَانِ سْتْ سِمَيَ رَ، عَلَتَلَ نَشَ مِنِ عَ مَ، عَ قَ يِ مَسٍن عَ بّ، «ٱ تَن نَن نَ عَلَ سّنبّ كَنيِ رَ. عِ مَحّرّ ٱ يَ تٌدٍ رَ تِنشِنيِ كُي.
400	GEN 17:2	ٱ قَمَ نّ سَاتّ تٌنفٌدٍ وٌن قِرِن تَفِ. ٱ قَمَ بْنسْي فبٍفبٍ قِدٍ عِ مَ.»
402	GEN 17:4	«ٱ بَرَ يِ سَاتّ تٌنفٌ عِ بّ. عِ قَمَ نّ قِندِدٍ سِ وُيَشِ بَبَ رَ.
403	GEN 17:5	عِ شِلِ مُ قَلَمَ سْنْن عِبُرَ مَ، عِ شِلِ قَمَ نّ قَلَدٍ عِبُرَهِمَ، بَرِ مَ ٱ عِ قِندِ مَ سِ وُيَشِ بَبَ نَن نَ.
404	GEN 17:6	ٱ قَمَ نّ عِ قِندِدٍ حَمَ فبٍفبٍ بَبَ رَ. عِ قَمَ نّ دِيٍ سْتْدٍ نَشٍيٍ قِندِ مَ سِ وُيَشِ رَ، مَنفّيٍ قَن قَمَ نّ مِنِدٍ عِ شَ دِيٍ يَ مَ.
405	GEN 17:7	ٱ نَن ٱ مَ سَاتّ مَبَنبَنمَ نّ وٌن قِرِن تَفِ، هَلِ عِ دَنفِ شَنبِ، عَ نُن عِ بْنسْي، فبِلٍن نٍيٍ قَن بْنسْي بْنسْي. عَ قِندِ مَ سَاتّ رَ دَن مُ نَ نَشَن مَ. نَ كُي، ٱ تَن نَن نَ عِ مَرِفِ عَلَ رَ. ٱ تَن نَن نَ عِ بْنسْي مَرِفِ عَلَ رَ، هَلِ عِ دَنفِ شَنبِ.
406	GEN 17:8	ٱ قَمَ نّ يِ بْشِ قِدٍ عِ تَن نُن عِ بْنسْي مَ، وٌ قَشِ سَبَتِدٍ دّننَشّ. كَنَان بْشِ بِرِن قِندِ مَ نّ وٌ فبٍ رَ عَبَدَن. ٱ تَن نَن نَ عِ بْنسْي مَرِفِ عَلَ رَ.»
407	GEN 17:9	عَلَ مَن نَشَ عَ مَسٍن عِبُرَهِمَ بّ، «عِ تَن نُن عِ بْنسْي، فبِلٍن نَ قَن بْنسْي بْنسْي، وٌ لَن نّ وٌ شَ ٱ مَ سَاتّ رَتِنمّ.
408	GEN 17:10	وٌن مَ سَاتّ نَن يَ، ٱ نَشَن سَشِ وٌ مَ، وٌ لَن وٌ شَ نَشَن نَتِنمّ، عِ تَن نُن عِ بْنسْييٍ؛ نَشَن بِرِن قِندِشِ شّمّ رَ وٌ يَ مَ، عٍ بِرِن لَن نّ عٍ شَ سُننَ.
409	GEN 17:11	وٌ شَ سُننَ قِندِ مَ سَاتّ تْنشُمَ نَن نَ وٌ تَن نُن ٱ تَن تَفِ.
411	GEN 17:13	نَ كُي، كٌنيِ نَشَن بَرِشِ عِ شْنيِ عَ نُن عِ نَ نَشَن قَن سَرَ، عٍ بِرِن لَن نّ عٍ شَ سُننَ عَلَكٌ ٱ مَ سَاتّ تْنشُمَ شَ لُ وٌ قَتٍ مَ عَبَدَن.
412	GEN 17:14	شّمّ نَشَن نَ لُ عَ قَتٍ مُ سُننَ، عَ قَمَ نّ رَ مِنِدٍ عَ بْنسْي يَ مَ، بَرِ مَ عَ مُ ٱ مَ سَاتّ رَكَمَلِشِ.»
414	GEN 17:16	ٱ بَرَكّ سَمَ عَ شَ قٍ، عَ قَ دِ شّمّ بَرِ عِ بّ. ٱ بَرَكّ سَمَ نّ سَرَ شَ قٍ، عَ قَمَ قِندِدٍ سِ فبٍفبٍ نفَ رَ. سِ دْشْ وُيَشِ مَنفّيٍ قَمَ نّ مِنِدٍ عَ شَ دِيٍ يَ مَ.»
415	GEN 17:17	عِبُرَهِمَ نَشَ عَ يَتَفِ رَقٍلٍن بْشِ مَ، كْنْ عَ نَشَ يٍلٍ، عَ قَ عَ قَلَ عَ بْحّ مَ، «ٱ تَن نَشَن بَرَ حّ كّمّ سْتْ سِمَيَ رَ، ٱ نْمَ دِ ندٍ سْتْدٍ سْنْن؟ سَرَ نَشَن بَرَ حّ تٌنفٌ سٌلٌمَنَانِ سْتْ سِمَيَ رَ، عَ قَن نْمَ دِ ندٍ بَرِدٍ قَ؟»
416	GEN 17:18	عَ نَشَ عَ قَلَ عَلَ بّ، «عِ حّنفِ سَ سُمَيِلَ شْن مَ. نَ بَرَ ٱ وَ سَ.»
417	GEN 17:19	عَلَ نَشَ عَ يَابِ، «عَدٍ! عِ شَ فِنّ سَرَ قَمَ دِ شّمّ بَرِدٍ عِ بّ عِ نَشَن شِلِ سَمَ عِسِيَفَ. ٱ نَن ٱ مَ سَاتّ مَبَنبَنمَ نّ ٱ تَن نُن عَ تَن تَفِ، عَ نُن عَ بْنسْي رَ هَلِ عَ قَشَ شَنبِ. سَاتّ نَن نَ كِ نَشَن مُ كَنَمَ عَبَدَن.
418	GEN 17:20	ٱ بَرَ عِ شَ مَشَندِ سُشُ سُمَيِلَ شَ قٍ رَ. ٱ بَرَكّ سَمَ نّ عَ شَ قٍ، ٱ مَن قَ دِ فبٍفبٍ بَرِقٍ رَفِرِ عَ مَ، ٱ بْنسْي وُيَشِ قِمَ نّ عَ مَ. عَ قِندِ مَ نّ مَنفّ دِ قُ نُن قِرِن بَبَ رَ، عَ نُن سِ شُنفبٍ كَنيِ رَ.
419	GEN 17:21	كْنْ، نَشَن قِندِ ٱ مَ سَاتّ رَ، ٱ قَمَ عَ مَبَنبَندٍ ٱ تَن نُن عِسِيَفَ نَن تَفِ، سَرَ قَمَ دِ شّمّ نَشَن بَرِدٍ عِ بّ تَمُنَ يِ وَشَتِ.»
428	GEN 18:3	عَ نَشَ عَ مَسٍن عٍ بّ، «ٱ مَرِفِ، ٱ بَرَ وٌ مَشَندِ، وٌ شَ وٌ مَلَبُ ٱ تَن وٌ شَ كٌنيِ شْنيِ،
429	GEN 18:4	ٱ شَ قَ يٍ رَ وٌ بّ عَلَكٌ وٌ شَ وٌ سَنيِيٍ مَشَ. وٌ مَن شَ قٌيٍ تٌنفٌ يِ وُرِ بُن مَ.
430	GEN 18:5	ٱ شَ قَ تَامِ رَ وٌ شْن مَ عَلَكٌ وٌ نْمَ سّنبّ سْتْدٍ كِ نَشّ. نَ شَنبِ، وٌ قَ سِفَ وٌ شَ حّرّ رَ. نَ كُي وٌ عَ كٌلٌنمَ وٌ شَ كٌنيِ نَن ٱ نَ.» نَ شْحّيٍ نَشَ عَ رَتِن، «وٌن بَرَ لَن نَ مَ. عِ نَشَن قَلَشِ، عَ رَبَ.»
435	GEN 18:10	نَ شْحّ مِشِ كٍرٍن نَشَ عَ مَسٍن عِبُرَهِمَ بّ، «ٱ مَن فبِلٍنمَ تَمُنَ يِ حْندْن تّمُي. نَ تّمُي عِ شَ فِنّ قَمَ دِ شّمّ بَرِدٍ عِ بّ.» سَرَ نُ تِشِ عِبُرَهِمَ شَنبِ رَ كِرِ بَنشِ سٌدٍ دّ رَ، عَ تُلِ مَتِشِ عٍ شَ وْيّنيِ رَ.
437	GEN 18:12	سَرَ تٌ نَ مّ، عَ نَشَ يٍلٍ عَ يّتّ مَ، «ٱ تَن نَ كِ نَشّ يِ كِ ٱ بَرَ فّ تَفَندٍ. ٱ مَ شّمّ قَن بَرَ قِندِ شّمّ قٌرِ رَ. مُشُ تَن دِ بَرِ تّمُي بَرَ دَنفِ.»
439	GEN 18:14	نَ قٍ نَ نَ عَلَتَلَ مُ نْمَ نَشَن نَبَدٍ؟ ٱ نَ قَ تَمُنَ عِ شْنيِ بٍ يِ تّمُي، سَرَ قَمَ نّ دِ بَرِدٍ.»
440	GEN 18:15	سَرَ نَشَ فَاشُ، عَ نَشَ وُلٍ قَلَ، «ٱ مُ يٍلٍشِ دٍ.» عَلَتَلَ نَشَ عَ مَسٍن عَ بّ، «عِيٌ، عِ يٍلٍشِ نّ!»
442	GEN 18:17	عَلَتَلَ نَشَ عَ مَسٍن، «ٱ نْمَ عَ نْشُندٍ عِبُرَهِمَ مَ، ٱ وَ مَ نَشَن نَبَقٍ؟
443	GEN 18:18	عَ قَمَ نّ قِندِدٍ سِ بٍلٍبٍلٍ سّنبّمَ رَ. ٱ قَمَ نّ بَرَكّ سَدٍ سِ بِرِن مَ عَ تَن سَابُي رَ.