| 3 | GEN 1:3 | मिनु परमप्रभुमी “छेङछेङ दुमो” देंमेनु, छेङछेङ दुम्माक्त। भजन संग्रह ३३:९; हिब्रू ११:३; यसैया ४५:७ |
| 4 | GEN 1:4 | मेको तशा “रिम्शो दुम्त” देंमाक्त। मिनु छेङछेङ नु छिङछिङ फ्रादीम्सी बाक्त। |
| 6 | GEN 1:6 | मिनु परमप्रभुमी “ब्वाक्कु आ दातेमी फ्रातीक दुमो। ब्वाक्कु ब्राशा बाक्मल” देंमाक्त। |
| 9 | GEN 1:9 | मिनु परमप्रभुमी “सरीङ आगा ङा ब्वाक्कु काथा दुमीन। सोव़शो रू ग्रूङो” देंमाक्त। मेको यो दुम्माक्त। अय्युब ३८:८-११; भजन संग्रह २४:२; २पत्रुस ३:५ |
| 10 | GEN 1:10 | मिनु परमप्रभुमी सोव़शो रू कली रागी नु ब्वाक्कु देम्शा लीशो कली समुन्द्र, दे नें वोदा बाक्त। मिनु मेको आ सेल्शो तशा “रिम्शो दुम्त” देंमाक्त। |
| 11 | GEN 1:11 | मिनु परमप्रभुमी रागी ङा खप कली “घांस, फू नु रवापुकी दुम्मल। घांस नु फूपुकीम वांचेर बाक्मल। फल फुल सिप्ब रवापुकी वाशा, आंम आंम फल सिम्मल। मेको आन वांचेर चहिं आन फलपुकीम बाक्मल” देंमाक्त। मिनु मोदेंशो दुम्माक्त। |
| 12 | GEN 1:12 | रागीम घांस नु फूपुकी वाशा, आन वांचेर यो वामा बाक्त। फल फुल रवापुकी वाशा, आन वांचेर यो वामा बाक्त। मिनु परमप्रभुमी आ सेल्शो तशा “रिम्शो दुम्त” देंमाक्त। |
| 14 | GEN 1:14 | मिनु परमप्रभुमी “नाक्ती नु नाक्दो फ्राचा कली सरीङमी छेङछेङ पा ब्राइबपुकी दुमीन। मेको ब्राइबपुकीम हिंउद नु बर्खा, नाक्ती नु बर्स कली फ्रातीक गेय पामेक्ल। ब्यवस्था ४:१९; भजन संग्रह ७४:१६; यसैया ४७:१३ |
| 18 | GEN 1:18 | नाक्त नु नाक्दो कली फ्राचा नु छेङछेङ छिङछिङ रे फ्राचा कली सरीङम वोदा बाक्त। परमप्रभुमी मेको तशा “रिम्शो दुम्त” देंमाक्त। |
| 20 | GEN 1:20 | मिनु परमप्रभुमी “ब्वाक्कुमी मारेइ मारेइ ब्रोंइशा बाक्बपुकीम ब्रीमल। रागी तारी मारेइ मारेइ चिक्ब सरीङम बेरमल” देंमाक्त। |
| 21 | GEN 1:21 | मोपा परमप्रभुमी ब्वाक्कुम बाक्ब ठेयब हिंचा ङा जन्तु नु मारेइ मारेइ ब्रोंइशा बाक्ब सेल्मी बाक्त। मेको शुश दुम्शा, समुन्द्र ब्रीशा बाक्मा बाक्त। चिक्ब यो शुश दुम्मा बाक्त। मिनु परमप्रभुमी मेको तशा “रिम्शो दुम्त” देंमाक्त। भजन संग्रह ७४:१३-१४; १४८:७ |
| 22 | GEN 1:22 | परमप्रभुमी मेको नेल्ल आन कली आसीक गेशा “सोशा बोशा, शुश दुमीन, समुन्द्र ङा ब्वाक्कु ब्रीङीने” देंमाक्त। चिक्ब आन कली यो “सोशा बोशा, रागीमी शुश दुमीन” देंमाक्त। |
| 24 | GEN 1:24 | मिनु परमप्रभुमी “रागीम मारेइ मारेइ ब्रोंइशा बाक्ब ग्रूचा माल्नीम। मार ग्रूचा माल्नीम देंशा हना बी ब्यफ, खपीम ग्रेशा गाक्ब आइक्च जन्तु नु मार मार ब्वाकी ङा जन्तु दुमीन” देंमाक्त। मिनु मेको दुम्माक्त। |
| 25 | GEN 1:25 | मोपा परमप्रभुमी मारेइ मारेइ ब्वाकी ङा जन्तु, मारेइ मारेइ बी ब्यफ, खपीम ग्रेशा गाक्ब नु मारेइ मारेइ आइक्च जन्तु सेल्मी बाक्त। मिनु परमप्रभुमी आ सेल्शो तशा “रिम्शो दुम्त” देंमाक्त। |
| 26 | GEN 1:26 | मिनु नोले परमप्रभुमी “इं खोदेंशो पा मुर का सेल्य। मिनु समुन्द्र ङा ङांइ, सरीङम बेरब चिक्ब, बी ब्यफ, ब्वाकी ङा जन्तु नु खपीम ग्रेशा गाक्ब आइक्च जन्तु नेल्ल आन कली हुकुम पाइब दुम्ल” देंमाक्त। भजन संग्रह ८:६-९; एफिसी ४:२४; कलस्सी १:१५; याकूब ३:९ |
| 28 | GEN 1:28 | मिनु परमप्रभुमी मुर आस कली आसीक गेशा “सोशा बोशा, तमी तौ थिशा, रागी प्रिंशा, रिम्शो पा हुकुम पस। समुन्द्र ङा ङांइ, सरीङम बेरब चिक्ब, रागीम बाक्ब जन्तु नेल्ल नु खपीम ग्रेशा गाक्ब आइक्च जन्तु नेल्ल आन कली रिम्शो पा हुकुम पसे” देंमाक्त। |
| 29 | GEN 1:29 | मिनु परमप्रभुमी “नेनीस, गो इस कली वांचेर सिप्ब, गिग खाइ, फल सिप्ब नु वांचेर सेल्ब रवा गेतन्सी। मेको इस कली जचा ब्वचा दुम्ब। मत्ती ६:२५-३४ |
| 31 | GEN 1:31 | मिनु परमप्रभुमी आ सेल्शो नेल्ल तशा “शुश रिम्शो दुम्त” देंमाक्त। मिनु नां रिक्शा, नां सोव़शा, मेको ६ नाक्त दुम्माक्त। मत्ती १९:१७; १तिमोथी ४:४ |
| 47 | GEN 2:16 | मिनु परमप्रभु यावेमी मेको मुर कली “नेल्ल रवा ङा फल जने ब्वने चाप्नेवे। |
| 49 | GEN 2:18 | मिनु परमप्रभु यावेमी “मुर का ला बाक्चा मरिम्शो दुम्ब। गो मेको नु बाक्चा कली वारच पाइब का सेल्नुङ” देंमाक्त। उपदेसक ४:३० |
| 54 | GEN 2:23 | मिनु आदममी “ओहो, एको रुश, आं रां ङा रुश बाक्त। एको श्ये आं रां ङा श्ये बाक्त” दे तुइक्ता बाक्त। मिनु मेकोमी “मेको आ नें मीश मुर वोइक्चा माल्ब। मारदे हना वोंइश मुर आ रां रे शोल्शो बाक्ब” देंमाक्त। |
| 57 | GEN 3:1 | मिनु परमप्रभु यावे आ सेल्शो जन्तु आन दातेमी नेल्ल क्येङा निप्स पाइश्शो बुस्स दुम्माक्त। मिनु बुस्सुमी मीश मुर कली “परमप्रभुमी इस कली ‘एको रू ङा रवा आन फल मारेइ मब्वसे’ देंमे?” दे हिल्लो पवा बाक्त। प्रकाश १२:९; प्रकाश २०:२ |
| 58 | GEN 3:2 | मिनु मीश मुरुमी बुस्स कली “गो एको रू ङा रवा आन फल ब्वचा दुम्नस्कु। उत्पत्ती २:१६ |
| 60 | GEN 3:4 | तन्न बुस्सुमी “गे बेक्सीन मबेक्नीसी। यूहन्ना ८:४४ |
| 64 | GEN 3:8 | मिनु नाक्नाक्दो मेको निक्शीमी परमप्रभु यावे रूमी हिरशो नेन्से बाक्त। मिनु “परमप्रभु यावेम मतचा ङा पा ख्रुइक्चा” दे रवा आन दातेमी लशा, ख्रुइक्ससा बाक्त। भजन संग्रह १३९:७-१०; येरमीया २३:२४ |
| 65 | GEN 3:9 | मिनु परमप्रभु यावेमी आदम कली “ते बाक्ङे?” दे ब्रेत्ता बाक्त। |
| 66 | GEN 3:10 | मेकोमी “गो इन गाक्शो नेंता। मिनु गो शिश्रा बाक्तीके, हिंशा ख्रुइक्साक्यी” देंमाक्त। |
| 67 | GEN 3:11 | मिनु “गे शिश्रा बाक्नेवे, दे दोपा तुइक्नेवे? मब्वचा देंशो रवा आ फल ब्ववी?” दे हिल्लो पवा बाक्त। |
| 68 | GEN 3:12 | मिनु मुरुमी “इन गेशो मीश मुरुमी आं कली मेको रवा आ फल गेती। मिनु गो ब्वाता” देंमाक्त। २कोरिन्थी ११:३ |
| 69 | GEN 3:13 | मिनु परमप्रभु यावेमी मेको मीश मुर कली “मार पवी?” दे हिल्लो पवा बाक्त। मीश मुरुमी “बुस्सुमी आं कली जोल पा ब्वपाइक्ती। मिनु गो ब्वाता” देंमाक्त। २कोरिन्थी ११:३ |
| 70 | GEN 3:14 | मिनु परमप्रभु यावेमी बुस्स कली “बी ब्यफ नु ब्वाकी ङा जन्तु नेल्ल आन दातेम गे सराप राइनेवे। मारदे हना मोदेंशो मरिम्शो पाप्तीवी। इ रांमी ग्रेशा गाक्चा माल्नेवे। इ ब्रोंइतीक नाक्त सम्म खप जशा, बाक्चा माल्नेवे। |
| 72 | GEN 3:16 | मिनु मेकोमी मेको मीश मुर कली “कोव़ज कुरशा, आल थिवेनु, इ कली ठेयब श्येत गेनुङ। आल थिचा रोइ पाइनेवे। मो हना यो इ वोंइश कली माल्नेवे। मिनु मेकोमी इ कली हुकुम पाइब” देंमाक्त। एफिसी ५:२२-२३; १तिमोथी २:१२ |
| 73 | GEN 3:17 | मिनु आदम कली “मारदे हना गे इ मीश आ लोव़ नेंशा, मब्वचा देंशो रवा आ फल ब्वाप्तीवी, इ पतीके आ पर्बम इ रू नेल्लेमी सराप ताइनीम। इ जचा थोव़क श्येत पा ख्रुम्चा माल्नेवे। उत्पत्ती ८:२१-२२; अय्युब ३१:३८-३९ |
| 78 | GEN 3:22 | मिनु परमप्रभु यावेमी “मुर इं खोदेंशो दुम्त। रिम्शो नु मरिम्शो तुइक्ब दुम्त। मेको ब्रोंइपाइक्ब रवा आ फल यो सेक्शा, ब्वाप्तु हना, गेना हना यो ब्रोंइब, गेनायो मबेक्ब दुम्ब” देंमाक्त। |
| 81 | GEN 4:1 | मिनु नोले आदम आ मीश हव्वा नु इम्माक्त। मिनु हव्वाम कोव़ज कुरशा, तौ का थिमाक्त। हव्वामी “परमप्रभु यावेमी आं कली वारच पा आल का गेती” देंमाक्त। मिनु आ नें काइन वोदा बाक्त। |
| 86 | GEN 4:6 | मिनु परमप्रभु यावेमी काइन कली “मारदे चुरे? मारदे राव किक्ङे? |
| 88 | GEN 4:8 | मिनु काइनमी आ लोक्ब हाबील कली “रूमी लस” देंमाक्त। मिनु रूमी बाक्सानु, काइनमी हाबील कली सदा बाक्त। १यूहन्ना ३:१२,१५ |
| 89 | GEN 4:9 | मिनु परमप्रभु यावेमी काइन कली “इ लोक्ब ते बाक्म?” दे हिल्लो पवा बाक्त। मिनु काइनमी “ङाद, गो आं लोक्ब आ गोठला नङा ङा?” देंमाक्त। उत्पत्ती ३:९ |
| 90 | GEN 4:10 | मिनु मेकोमी “नेनो, मार पवी? इ लोक्ब आ हुशेमी आं कली खप रे ब्रेश्शो नेंता। भजन संग्रह ९:१३; मत्ती २३:३५; हिब्रू १२:२४ |
| 93 | GEN 4:13 | मिनु काइनम परमप्रभु यावे कली “इन गेशो सजाइ ठेयब बाक्ब। मोमो श्येत गेतीनी हना, फाल्ने मचाप्नुङ। |
| 95 | GEN 4:15 | मिनु परमप्रभु यावेमी “ममाइ, सुइमी इ कली साइक्तेमी हना, इ तशो सराप मेको कली ७ खेयप रचा माल्ब” देंमाक्त। मिनु परमप्रभु यावेमी “काइन कली सुइमी मसदमेक्ल” दे आ रांम चिनु वोदा बाक्त। इजीकीएल ९:६; प्रकाश ७:३-४ |
| 103 | GEN 4:23 | मिनु लमेकमी आ मीश निक्शी आस कली “आदाह नु चिल्लाह, आं लोव़ नेनीस, गे लमेक आ मीश निक्शी, आं सेंदा नेंशा, होस पसे। गो मुर का साइक्ता। मारदे हना मेको ठिटामी आं कली तुप्ती। |
| 105 | GEN 4:25 | मिनु आदम लेंशा आ मीश नु इप्शा, तौ का थिमाक्त। मेको कली सेथ नें वोदा बाक्त। हव्वामी “परमप्रभुमी हाबील आ पा ङा अर्को तौ का गेती। मारदे हना काइनमी हाबील कली साइक्तु” देंमाक्त। |
| 135 | GEN 5:29 | मेको कली नोआह नें वोदा बाक्त। मेको नें आ अर्थ थुं बारपाइक्तीक बाक्ब। मिनु लमेकमी “परमप्रभु यावेमी खप कली सराप पाप्तु। आं तौ रूम गेय पपाइक्तीके श्येत रे प्रोंइब बाक्ब” देंमाक्त। उत्पत्ती ३:१७-१९ |
| 140 | GEN 6:2 | मिनु परमप्रभु आ तौपुकीमी मुर आन तमी आन कली तशा “दारशो बाक्नीम” दे मिम्तमे बाक्त। मिनु मेको आन दाते रे योव़शा चाक्ग्मे बाक्त। अय्युब १:६; २पत्रुस २:४; यहूदा ६ |
| 141 | GEN 6:3 | मिनु परमप्रभु यावेमी “आं सोक्त मुर आन कली शुश बर्स बाक्चा मगेनुङ। मुर बेक्चा माल्नीम। आन ब्रोंइतीक सहे का २० बर्स ला दुम्ब” देंमाक्त। |
| 143 | GEN 6:5 | मिनु परमप्रभु यावेमी “रागीम बाक्शो मुर आं अरेशो मटीब नु मरिम्शो पाइब ला बाक्नीम। मार मिम्ताक्म हना यो, मरिम्शो बाक्त” दे मिम्ता बाक्त। उत्पत्ती ८:२१ |
| 145 | GEN 6:7 | मिनु परमप्रभु यावेमी “आं सेल्शो मुर आन कली रागी रे क्याम्नुङ। मुर नु जन्तु नेल्ल क्याम्नुङ। खपीम ग्रेशा गाक्ब आइक्च जन्तु नु सरीङम बेरब चिक्ब यो क्याम्नुङ। मारदे हना गो मेको आन कली सेल्शा यो, आं थुं मनुङ” दे मिम्ता बाक्त। गन्ती २३:१९; रोमी ३:३-४; २तिमोथी २:१३ |
| 147 | GEN 6:9 | नोआह आ तौ सां बाक्मा बाक्त। नोआह शुश रिम्शो मुर बाक्माक्त। मुर नेल्लेमी “ठीक पाइब दोस मताइब मुर बाक्ब” दे तुइक्तमे बाक्त। नोआह परमप्रभु नु गाक्बाक्माक्त। उत्पत्ती ५:२२ |
| 151 | GEN 6:13 | मिनु परमप्रभुमी नोआह कली “गो मुर नेल्ल आन कली क्याम्नुङमी। मारदे हना मेको आन पर्बम रागी हुश ख्राक्श पोक्तीकेमी ब्रीत। मुर नु रागी नेल्ल आन कली क्याम्नुङ। आमोस ८:२ |
| 153 | GEN 6:15 | मिनु परमप्रभुमी “डोंगा दोपा सेल्चा माल्नेवे देंशा हना, मेको आ लाइश्शो सहे सां कुबीत दुम्चा माल्ब। आ ब्रेम्शो ५० कुबीत दुम्चा माल्ब। आ ग्येत्थ लाइश्शो ३० कुबीत दुम्चा माल्ब। कुबीत का ०.५ मिटर खोदेंशो बाक्ब। |
| 161 | GEN 7:1 | मिनु परमप्रभु यावेमी नोआह कली “गे नु इ खिं ङा मुर नेल्ल शी के ठेयब डोंगामी ओव़ङीन। मारदे हना एको पाला ङा मुर आन दातेमी गे का ला ठीक पाइब बाक्नेवे। उत्पत्ती ६:८ |
| 192 | GEN 8:8 | मिनु नोआहमी “ब्वाक्कु नेल्ल सोव़मा कों” दे तुइक्चा कली ढुकुर का यो सोइक्ता बाक्त। |
| 195 | GEN 8:11 | मिनु नाक्नाक्दो ढुकुरमी आ ठुंडमी नक वाशो तेल रवा आ सफा का कुरशा जाक्माक्त। मिनु नोआहमी “ब्वाक्कु नेल्ल सोव़माक्त” दे तुइक्ता बाक्त। |
| 197 | GEN 8:13 | मेको नोआह ६ सहे बर्स का दुम्मे आ ङोंइती ङा महिना ङा ङोंइती ङा नाक्तीम रागीमी ब्वाक्कु सोव़माक्त। नोआहमी ठेयब डोंगा आ छाना थूशा, कोव़शा “लो, ब्वाक्कु नेल्ल सोव़माक्त” देंमाक्त। उत्पत्ती ७:११ |
| 200 | GEN 8:16 | “गे, इ मीश, इ तौपुकी नु इ चाइमीपुकी डोंगा रे ग्रूङीन” देंमाक्त। |
| 201 | GEN 8:17 | मिनु “मारेइ मारेइ ब्रोंइशा बाक्ब, चिक्ब, जन्तु नु खपीम ग्रेशा गाक्ब आइक्च जन्तु नेल्ल आन कली यो ग्रुंइदो। मेकोपुकी सोशा बोशा रागीम शुश दुम्चा माल्नीम” देंमाक्त। |
| 205 | GEN 8:21 | मिनु परमप्रभु यावेमी मेको ब्रोव़शो रिना नाम्शा, ग्येरसे बाक्त। आ थुंमी “मुरुम मरिम्शो पतीकेम खप कली मुल सराप गेनायो मपाइनुङ। मुर आ थुं मरिम्शो बाक्त हना यो, गेनायो सराप मपाइनुङ। गो ब्रोंइशा बाक्ब नेल्ल आन कली साइश्शा क्याम्ताक्ङ। मोदेंशो गेनायो लेंशा मपाइनुङ। उत्पत्ती ६:५; अय्युब १४:४; भजन संग्रह १४:३; मत्ती १५:१९; रोमी ३:२३ |
| 207 | GEN 9:1 | मिनु परमप्रभुमी नोआह नु आ तौ आन कली आसीक गेमी बाक्त। मेकोमी “तमी तौ थिशा, सोशा बोशा शुश दुमीन। रागी प्रिंदीने। उत्पत्ती १:२८ |
| 215 | GEN 9:9 | “नेनीन, गे नु इन नोले ङा चच युइ नु आं कबल पाइनुङ। उत्पत्ती ६:१८ |
| 218 | GEN 9:12 | मिनु परमप्रभुमी “गे नु गे नु ब्रोंइशा बाक्ब नेल्ल इन कली आं कबल पतीके चिनु का गेनुङ। मेको इन नोले ङा पाला नेल्ल आन कली यो बाक्ब। |
| 223 | GEN 9:17 | मिनु परमप्रभुमी नोआह कली “मेको वाक्श कबल आ चिनु बाक्ब। गो गे नु रागीम ब्रोंइशा बाक्ब नेल्ल नु कबल पाता” देंमाक्त। |
| 231 | GEN 9:25 | मिनु नोआहमी “कनान सराप रल। आ लोक्ब आस नेल्ल क्येङा आइक्च वाइल दुम्ल” दे सराप पवा बाक्त। |
| 232 | GEN 9:26 | मिनु मेकोमी लेंशा “परमप्रभु, शेम आ परमप्रभु यावे ठेयब बाक्ब। कनान मेको आ नेल्ल क्येङा आइक्च वाइल दुम्ल” दे शेम कली आसीक गेवा बाक्त। |
| 233 | GEN 9:27 | मिनु लेंशा “परमप्रभुमी यफेथ कली ‘सोशा बोशा शुश दुम्पदल। मेको शेम आ ताम्बुम बाक्चा तवल। कनान चहिं मेको आ वाइल दुम्ल’ ” दे लोव़ पवा बाक्त। |
| 244 | GEN 10:9 | मेको परमप्रभु यावे आ ङोंइती सक्ति पाइश्शो सिखारी बाक्माक्त। मोपतीके मुरुमी बोल्यो मुर का तशा “परमप्रभु यावे आ ङोंइती निम्रोद खोदेंशो सक्ति पाइश्शो सिखारी बाक्बाक्त” दे देंतीके देंमा बाक्त। मत्ती ५:५ |
| 270 | GEN 11:3 | मिनु मुरपुकीमी “लो, इंटा सेल्य। मिनु मीमी रिम्शो पा चोय” देंमा बाक्त। मिनु फुल्लु आ पा ङा इंटा नु हिलो आ पा ङा अल्कत्रा ग्रुंइदमे बाक्त। |
| 271 | GEN 11:4 | मिनु नोले मेकोपुकीमी “गोपुकी इं कली सहर का सेल्सीय, ठेयब लाइश्शो सरीङ थिचा ङा खिं का सेल्य। इं नें ठेयब सेल्सीशा, इं मुरपुकी रागी नेल्लेमी मब्राथु बाक्य” देंमुमा बाक्त। |
| 273 | GEN 11:6 | मिनु परमप्रभु यावेमी “लो, मेको नेल्ल थुं का ङा मुर नमी। मेको नेल्ल लोव़ का ब्वाक्नीम। मेको आन नक गोशो गेय ला बाक्ब। मार मार मिम्त्मे, मेको नेल्ल पने चाप्नीम। प्रेरित २:१-११ |
| 300 | GEN 12:1 | मिनु परमप्रभु यावेमी अब्राम कली “इ रागी, इ खिं खिं ङा मुर नु इ आफ आ खिं रे लावो। तेको रागी लचा माल्नेवे, गो इ कली कोंइनन। गन्ती २३:९; प्रेरित ७:३; हिब्रू ११:८ |
| 306 | GEN 12:7 | मेकेर जाक्दीम्मेनु, परमप्रभु यावे अब्राम आ ङोंइती ग्रूशा, मेको कली “एको रागी इ चच युइ आन कली गेनुङ” दे लोव़ गेवा बाक्त। मिनु अब्राममी “गो परमप्रभु यावे कली ताता” दे चढ़ेतीक का सेला बाक्त। उत्पत्ती १३:१५; उत्पत्ती १५:१८; उत्पत्ती १७:८; उत्पत्ती ३५:१२; प्रस्थान ६:४,८; प्रस्थान ३२:१३; यहोसु २१:४३; प्रेरित ७:५ |
| 310 | GEN 12:11 | मिनु इजीप्त ओव़चा क्येङा ङोंइती अब्राममी आ मीश साराइ कली “नेनो, गे दारशो मीश मुर बाक्नेवे। |
| 313 | GEN 12:14 | मिनु अब्राम इजीप्त रागीम जाक्दीम्मेनु, इजीप्त ङा मुरपुकीमी साराइ आ पर्बम “मेरे मीश मुर थम दारशो बाक्ब” देंमुमा बाक्त। |
| 314 | GEN 12:15 | मिनु फाराओ माइश्शो पिप आ मुरपुकीमी साराइ कली तशा “थम दारशो मीश मुर का ताइतक” दे मदमे बाक्त। मिनु साराइ कली फाराओ आ खिं लदमे बाक्त। |
| 317 | GEN 12:18 | मिनु फाराओमी अब्राम कली ब्रेश्शा “गे आं कली मार पवी? मारदे ‘इ मीश बाक्ब’ मदेने? |
| 327 | GEN 13:8 | मिनु अब्राममी लोत कली “गो पोबु नस। जिचा मदुम्ब। इ गोठलापुकी नु आं गोठलापुकी यो जिचा मदुम। |
| 333 | GEN 13:14 | लोत नु अब्राम ब्रासा नोले परमप्रभु यावेमी अब्राम कली “इ बाक्तीके रे पूर्ब, पच्छिम, उत्तर, दक्खिन गे कोव़ङो। |
| 341 | GEN 14:4 | मारदे हना मेकोपुकीमी लडाइ का ब्रुशा नोले, १२ बर्स सम्म श्येत जशा, पिप केदोर-लाओमेर कली मार मार गेचा माल्मा बाक्त। मोपतीके मेकोपुकीम १३ बर्समी “मगेय, लडाइ पय” दे सल्ला पामे बाक्त। |
| 356 | GEN 14:19 | मिनु मेकोमी अब्राम कली आसीक गेशा “सरीङ नु रागी सेल्ब नेल्ल क्येङा ठेयब परमप्रभु आ आसीक इ कली रल। |
| 358 | GEN 14:21 | मिनु सोदोम ङा पिपमी अब्राम कली “मुर ला गेयी। अरु मार मार इन कली दुम्ल” देंमाक्त। |
| 359 | GEN 14:22 | मिनु अब्राममी सोदोम ङा पिप कली “गो आं गुइ परमप्रभु यावे, नेल्ल क्येङा ठेयब सरीङ नु रागी सेल्ब परमप्रभु गे पोक्शा कसम जाता। |
| 362 | GEN 15:1 | मिनु नोले परमप्रभु यावेमी अब्राम कली ङोमु खोदेंशो पा कोंइतीक कोंइदा बाक्त। मिनु मेकोमी अब्राम आ नें थिशा “अब्राम महिनो। गो इ कली कोव़नन। शुश आसीक गेनन” देंमाक्त। गन्ती २४:४,१६; भजन संग्रह ३:४ |
| 363 | GEN 15:2 | तन्न अब्राममी “आं कली मार गेनीनी ङा? आं के आल मबाक्नीम। आ अङस ताइब दमस्कस ङा एलीएजर दुम्ब। |
| 365 | GEN 15:4 | मिनु परमप्रभु यावेमी लेंशा “मेको मुरुम इ अङस मताइब। इ आंम रां ङा इ तौमी इ अङस ताइब” देंमाक्त। |
| 366 | GEN 15:5 | मिनु मेकोमी अब्राम कली ताम्बु रे ग्रुंइशा “सरीङ गे कोव़ङो, सोरुल आन कली हिक्को। मेको हिक्ने चाप्नेवे? गिश बाक्मा, इ चच युइ यो मिश दुम्नीम” देंमाक्त। उत्पत्ती २२:१७; प्रस्थान ३२:१३; ब्यवस्था १:१०; हिब्रू ११:१२ |
| 367 | GEN 15:6 | मिनु अब्राममी परमप्रभु यावे आ लोव़ थमा सुदा बाक्त। मिनु परमप्रभु यावेमी अब्राममी थमा सुइश्शो तशा “ठीक पाइब मुर का बाक्त” दे तुइक्ता बाक्त। रोमी ४:३-५; याकूब २:२३ |
| 368 | GEN 15:7 | मिनु लेंशा अब्राम कली “गो परमप्रभु यावे नङ। गो एको रागी इ कली गेचा कली कल्दी ङा ऊर सहर रे ग्रुंइताक्न” देंमाक्त। उत्पत्ती ११:३१; प्रस्थान ३:१४; यसैया ४५:५; यूहन्ना ८:२४-२९ |
| 369 | GEN 15:8 | मिनु अब्राममी “परमप्रभु, परमप्रभु यावे, आं के रागी दुम्ब, दे दोपा तुइक्नुङा ङा?” दे हिल्लो पवा बाक्त। |
| 370 | GEN 15:9 | मिनु मेकोमी “आं कली बर्स सां ङा बी का, बर्स सां ङा क्यारश का, बर्स सां ङा सांड का, ढुकुर का परवा आ चाइक्ब का चाक्ती” देंमाक्त। |
| 372 | GEN 15:11 | मिनु ठेयब चिक्बपुकी मेको श्ये तशा, जुक्तमे बाक्त। तन्न अब्राममी “हाइ हाइ” दे ग्रीशा खेरमी बाक्त। |
| 374 | GEN 15:13 | मिनु मेकोमी अब्राम कली “इ तौ चच युइ अर्को रागीमी अर्को रागी ङा मुर दुम्नीम। मेकेर बाक्मानु, वाइलीम वाइल यो दुम्नीम। मेकेर ४ सहे बर्स सम्म श्येत जाइनीम। प्रस्थान १:१३; प्रस्थान १२:४०; प्रेरित ७:६ |
| 379 | GEN 15:18 | मेको नाक्ती परमप्रभु यावेमी अब्राम नु कबल पशा “मेको रागी इ चच युइ आन कली गेनुङ। मेको इजीप्त ङा ठेयब खोला रे युफ्रेटीस सम्म बाक्ब। उत्पत्ती १२:७; १राजा ८:६५; १राजा ५:१ |
| 384 | GEN 16:2 | मिनु साराइमी अब्राम कली “नेनीन, परमप्रभु यावेमी आं कली आल मगेयी। मोपतीके आं वाइलीम नु बाक्कीन। मोपा गो आल ताइनुङा, कों?” देंमाक्त। मिनु अब्राममी आ मीशेमी मार देंमे, मेको पवा बाक्त। उत्पत्ती ३०:३,९ |
| 387 | GEN 16:5 | मिनु साराइमी अब्राम कली “आं कली मरिम्शो दुम्तीके इन कली दुम्ल। गो आं वाइलीम इन कली गेता। मुल आंम कली कोव़ज कुरशो तशा, आं कली आइक्च सेल्ती। परमप्रभु यावेमी गे नु गो, इस दातेम निसाफ पवल” देंमाक्त। |
| 388 | GEN 16:6 | मिनु अब्राममी “नेनो, इ वाइलीम इ गुइमी बाक्ब। मेको कली इ दाक्शो पावो” दे साराइ कली देंमाक्त। मिनु साराइमी हागार कली हुइक्तानु, मेको प्रोक्माक्त। |
| 390 | GEN 16:8 | मिनु मेकोमी “हागार, साराइ आ वाइलीम, ते लशा पिनी?” दे हिल्लो पवा बाक्त। मिनु हागारमी “आं होव़पोक्म साराइ आ ङोंइती रे प्रोक्ती” दे लोव़ लेत्ता बाक्त। |
| 391 | GEN 16:9 | मिनु परमप्रभु यावे आ स्वर्ग ङा गेय पाइबमी मेको कली “इ होव़पोक्म आ खिं लेतो। मिनु मेको आ अरेशो टिशा बाक्को” देंमाक्त। |
| 392 | GEN 16:10 | मिनु परमप्रभु यावे आ स्वर्ग ङा गेय पाइबमी लेंशा “इ चच युइ आन कली शुश दुम्पाइक्नुङ। इ मुरपुकी सुइमी हिक्ने मचाप्चा ङा पा शुश दुम्नीम” देंमाक्त। उत्पत्ती १७:२० |
| 393 | GEN 16:11 | मिनु परमप्रभु यावे आ स्वर्ग ङा गेय पाइबमी लेंशा “नेनो, गे कोव़ज कुरशो बाक्नेवे। तौ का थीनेवे। मेको कली इश्माएल नें वोइक्चा माल्नेवे। मारदे हना परमप्रभु यावेमी इ श्येत ताप्तु। प्रस्थान २:२३; अय्युब ३४:२८; भजन संग्रह ९:१३; यसैया ४१:१७; याकूब ५:४ |
| 395 | GEN 16:13 | मिनु हागारमी आ नु लोव़ पाइब परमप्रभु यावे कली “गे आं कली ताइब परमप्रभु ननी। गो थमा पा आं कली ताइब कली ताता” देंमाक्त। उत्पत्ती २२:१४; प्रस्थान ३:७; २राजा १३:४ |