3	GEN 1:3	मिनु परमप्रभुमी “छेङछेङ दुमो” देंमेनु, छेङछेङ दुम्‍माक्‍त। भजन संग्रह ३३:९; हिब्रू ११:३; यसैया ४५:७
4	GEN 1:4	मेको तशा “रिम्‍शो दुम्‍त” देंमाक्‍त। मिनु छेङछेङ नु छिङछिङ फ्रादीम्‍सी बाक्‍त।
6	GEN 1:6	मिनु परमप्रभुमी “ब्‍वाक्‍कु आ दातेमी फ्रातीक दुमो। ब्‍वाक्‍कु ब्राशा बाक्‍मल” देंमाक्‍त।
9	GEN 1:9	मिनु परमप्रभुमी “सरीङ आगा ङा ब्‍वाक्‍कु काथा दुमीन। सोव़शो रू ग्रूङो” देंमाक्‍त। मेको यो दुम्‍माक्‍त। अय्‍युब ३८:८-११; भजन संग्रह २४:२; २पत्रुस ३:५
10	GEN 1:10	मिनु परमप्रभुमी सोव़शो रू कली रागी नु ब्‍वाक्‍कु देम्‍शा लीशो कली समुन्‍द्र, दे नें वोदा बाक्‍त। मिनु मेको आ सेल्‍शो तशा “रिम्‍शो दुम्‍त” देंमाक्‍त।
11	GEN 1:11	मिनु परमप्रभुमी रागी ङा खप कली “घांस, फू नु रवापुकी दुम्‍मल। घांस नु फूपुकीम वांचेर बाक्‍मल। फल फुल सिप्‍ब रवापुकी वाशा, आंम आंम फल सिम्‍मल। मेको आन वांचेर चहिं आन फलपुकीम बाक्‍मल” देंमाक्‍त। मिनु मोदेंशो दुम्‍माक्‍त।
12	GEN 1:12	रागीम घांस नु फूपुकी वाशा, आन वांचेर यो वामा बाक्‍त। फल फुल रवापुकी वाशा, आन वांचेर यो वामा बाक्‍त। मिनु परमप्रभुमी आ सेल्‍शो तशा “रिम्‍शो दुम्‍त” देंमाक्‍त।
15	GEN 1:15	मिनु मेको सरीङ ङा ब्राइबपुकीम रागी कली छेङछेङ गेचा माल्‍नीम” देंमाक्‍त। मिनु मेको दुम्‍माक्‍त।
18	GEN 1:18	नाक्‍त नु नाक्‍दो कली फ्राचा नु छेङछेङ छिङछिङ रे फ्राचा कली सरीङम वोदा बाक्‍त। परमप्रभुमी मेको तशा “रिम्‍शो दुम्‍त” देंमाक्‍त।
20	GEN 1:20	मिनु परमप्रभुमी “ब्‍वाक्‍कुमी मारेइ मारेइ ब्रोंइशा बाक्‍बपुकीम ब्रीमल। रागी तारी मारेइ मारेइ चिक्‍ब सरीङम बेरमल” देंमाक्‍त।
21	GEN 1:21	मोपा परमप्रभुमी ब्‍वाक्‍कुम बाक्‍ब ठेयब हिंचा ङा जन्‍तु नु मारेइ मारेइ ब्रोंइशा बाक्‍ब सेल्‍मी बाक्‍त। मेको शुश दुम्‍शा, समुन्‍द्र ब्रीशा बाक्‍मा बाक्‍त। चिक्‍ब यो शुश दुम्‍मा बाक्‍त। मिनु परमप्रभुमी मेको तशा “रिम्‍शो दुम्‍त” देंमाक्‍त। भजन संग्रह ७४:१३-१४; १४८:७
22	GEN 1:22	परमप्रभुमी मेको नेल्‍ल आन कली आसीक गेशा “सोशा बोशा, शुश दुमीन, समुन्‍द्र ङा ब्‍वाक्‍कु ब्रीङीने” देंमाक्‍त। चिक्‍ब आन कली यो “सोशा बोशा, रागीमी शुश दुमीन” देंमाक्‍त।
24	GEN 1:24	मिनु परमप्रभुमी “रागीम मारेइ मारेइ ब्रोंइशा बाक्‍ब ग्रूचा माल्‍नीम। मार ग्रूचा माल्‍नीम देंशा हना बी ब्‍यफ, खपीम ग्रेशा गाक्‍ब आइक्‍च जन्‍तु नु मार मार ब्‍वाकी ङा जन्‍तु दुमीन” देंमाक्‍त। मिनु मेको दुम्‍माक्‍त।
25	GEN 1:25	मोपा परमप्रभुमी मारेइ मारेइ ब्‍वाकी ङा जन्‍तु, मारेइ मारेइ बी ब्‍यफ, खपीम ग्रेशा गाक्‍ब नु मारेइ मारेइ आइक्‍च जन्‍तु सेल्‍मी बाक्‍त। मिनु परमप्रभुमी आ सेल्‍शो तशा “रिम्‍शो दुम्‍त” देंमाक्‍त।
26	GEN 1:26	मिनु नोले परमप्रभुमी “इं खोदेंशो पा मुर का सेल्‍य। मिनु समुन्‍द्र ङा ङांइ, सरीङम बेरब चिक्‍ब, बी ब्‍यफ, ब्‍वाकी ङा जन्‍तु नु खपीम ग्रेशा गाक्‍ब आइक्‍च जन्‍तु नेल्‍ल आन कली हुकुम पाइब दुम्‍ल” देंमाक्‍त। भजन संग्रह ८:६-९; एफिसी ४:२४; कलस्‍सी १:१५; याकूब ३:९
28	GEN 1:28	मिनु परमप्रभुमी मुर आस कली आसीक गेशा “सोशा बोशा, तमी तौ थिशा, रागी प्रिंशा, रिम्‍शो पा हुकुम पस। समुन्‍द्र ङा ङांइ, सरीङम बेरब चिक्‍ब, रागीम बाक्‍ब जन्‍तु नेल्‍ल नु खपीम ग्रेशा गाक्‍ब आइक्‍च जन्‍तु नेल्‍ल आन कली रिम्‍शो पा हुकुम पसे” देंमाक्‍त।
30	GEN 1:30	मिनु गो रागीम बाक्‍ब जन्‍तु, बी ब्‍यफ, रागी ङा चिक्‍ब, खपीम ग्रेशा गाक्‍ब आइक्‍च जन्‍तु नु मारेइ मारेइ ब्रोंइशा बाक्‍ब आन कली घांस, सुवा ब्‍वचा गेतामी” देंमाक्‍त। मिनु मोदेंशो दुम्‍माक्‍त। भजन संग्रह १४५:१६
31	GEN 1:31	मिनु परमप्रभुमी आ सेल्‍शो नेल्‍ल तशा “शुश रिम्‍शो दुम्‍त” देंमाक्‍त। मिनु नां रिक्‍शा, नां सोव़शा, मेको ६ नाक्‍त दुम्‍माक्‍त। मत्ती १९:१७; १तिमोथी ४:४
48	GEN 2:17	तन्‍न रिम्‍शो नु मरिम्‍शो तुइक्‍पाइक्‍ब रवा रे ब्‍वचा मदुम्‍ब। तेको नाक्‍त ब्‍वाइनेवे, मेको नाक्‍तीन बेक्‍नेवे” दे अरेवा बाक्‍त। रोमी ६:२३
49	GEN 2:18	मिनु परमप्रभु यावेमी “मुर का ला बाक्‍चा मरिम्‍शो दुम्‍ब। गो मेको नु बाक्‍चा कली वारच पाइब का सेल्‍नुङ” देंमाक्‍त। उपदेसक ४:३०
54	GEN 2:23	मिनु आदममी “ओहो, एको रुश, आं रां ङा रुश बाक्‍त। एको श्‍ये आं रां ङा श्‍ये बाक्‍त” दे तुइक्‍ता बाक्‍त। मिनु मेकोमी “मेको आ नें मीश मुर वोइक्‍चा माल्‍ब। मारदे हना वोंइश मुर आ रां रे शोल्‍शो बाक्‍ब” दें‍माक्‍त।
57	GEN 3:1	मिनु परमप्रभु यावे आ सेल्‍शो जन्‍तु आन दातेमी नेल्‍ल क्‍येङा निप्‍स पाइश्‍शो बुस्‍स दुम्‍माक्‍त। मिनु बुस्‍सुमी मीश मुर कली “परमप्रभुमी इस कली ‘एको रू ङा रवा आन फल मारेइ मब्‍वसे’ देंमे?” दे हिल्‍लो पवा बाक्‍त। प्रकाश १२:९; प्रकाश २०:२
59	GEN 3:3	तन्‍न रू आ दातेमी बाक्‍शो रवा आ फल आ पर्बम परमप्रभुमी ‘मब्‍वचा, मथिचा यो। ब्‍वाइतीसी हना, गे बेक्‍नीसी’ देंत” देंमाक्‍त। उत्‍पत्ती २:१७
61	GEN 3:5	ब्वाइतीसी हना, इस कली रिम्‍शो नु मरिम्‍शो मार बाक्‍बा तुइक्‍पाइक्‍ब। मिनु गे परमप्रभु खोदेंशो दुम्‍नीसी। मेकोन परमप्रभुमी तुइक्‍ताक्‍व” देंमाक्‍त।
64	GEN 3:8	मिनु नाक्‍नाक्‍दो मेको निक्‍शीमी परमप्रभु यावे रूमी हिरशो नेन्‍से बाक्‍त। मिनु “परमप्रभु यावेम मतचा ङा पा ख्रुइक्‍चा” दे रवा आन दातेमी लशा, ख्रुइक्‍ससा बाक्‍त। भजन संग्रह १३९:७-१०; येरमीया २३:२४
65	GEN 3:9	मिनु परमप्रभु यावेमी आदम कली “ते बाक्‍ङे?” दे ब्रेत्‍ता बाक्‍त।
66	GEN 3:10	मेकोमी “गो इन गाक्‍शो नेंता। मिनु गो शिश्रा बाक्‍तीके, हिंशा ख्रुइक्‍साक्‍यी” देंमाक्‍त।
67	GEN 3:11	मिनु “गे शिश्रा बाक्‍नेवे, दे दोपा तुइक्‍नेवे? मब्‍वचा देंशो रवा आ फल ब्‍ववी?” दे हिल्‍लो पवा बाक्‍त।
68	GEN 3:12	मिनु मुरुमी “इन गेशो मीश मुरुमी आं कली मेको रवा आ फल गेती। मिनु गो ब्‍वाता” देंमाक्‍त। २कोरिन्‍थी ११:३
69	GEN 3:13	मिनु परमप्रभु यावेमी मेको मीश मुर कली “मार पवी?” दे हिल्‍लो पवा बाक्‍त। मीश मुरुमी “बुस्‍सुमी आं कली जोल पा ब्‍वपाइक्‍ती। मिनु गो ब्‍वाता” देंमाक्‍त। २कोरिन्‍थी ११:३
71	GEN 3:15	गे नु मेको मीश मुर जिशा, बाक्‍चा मलीसे। मेको आ युइ नु इ युइ जिशा बाक्‍नीमी। मीश मुर आ युइ कामी इ पिया दिम्‍शा प्रोल्‍ब। गे चहिं मेको आ गेंग्रेम कोक्‍नेवे” दे सराप पदा बाक्‍त। प्रकाश १२:४-५,१५-१७
72	GEN 3:16	मिनु मेकोमी मेको मीश मुर कली “कोव़ज कुरशा, आल थिवेनु, इ कली ठेयब श्‍येत गेनुङ। आल थिचा रोइ पाइनेवे। मो हना यो इ वोंइश कली माल्‍नेवे। मिनु मेकोमी इ कली हुकुम पाइब” देंमाक्‍त। एफिसी ५:२२-२३; १तिमोथी २:१२
75	GEN 3:19	इ कुप्‍फी रे गाल यिपाइश्‍शा शोब्‍ले जचा माल्‍नेवे। गे खप मदुमे सम्‍म मोदेंशो पचा माल्‍नेवे। मारदे हना गो इ कली खप रे सेल्‍शो नङ” दे परमप्रभु यावेमी आदम कली देंमाक्‍त। उत्‍पत्ती २:७; भजन संग्रह ९०:१०; भजन संग्रह १०४:२९; उपदेसक १२:७; २थिस्‍सलोनिकी ३:१०
78	GEN 3:22	मिनु परमप्रभु यावेमी “मुर इं खोदेंशो दुम्‍त। रिम्‍शो नु मरिम्‍शो तुइक्‍ब दुम्‍त। मेको ब्रोंइपाइक्‍ब रवा आ फल यो सेक्‍शा, ब्‍वाप्‍तु हना, गेना हना यो ब्रोंइब, गेनायो मबेक्‍ब दुम्‍ब” देंमाक्‍त।
81	GEN 4:1	मिनु नोले आदम आ मीश हव्‍वा नु इम्‍माक्‍त। मिनु हव्‍वाम कोव़ज कुरशा, तौ का थि‍माक्‍त। हव्‍वामी “परमप्रभु यावेमी आं कली वारच पा आल का गेती” देंमाक्‍त। मिनु आ नें काइन वोदा बाक्‍त।
87	GEN 4:7	गे रिम्‍शो पाप्‍तीवी हना, गो इ कली मब्राइनुङा ङा? ब्राइनुङ। गे मरिम्‍शो पाप्‍तीवी हना, मुर साइक्‍ब जन्‍तु खोदेंशो पा, पाप इ लाप्‍चोमी बाक्‍ब। मिनु इ कली माल्‍ब। गे इ मरिम्‍शो थुं कली ग्राङो” देंमाक्‍त। गलाती ५:१७; रोमी ६:१२
88	GEN 4:8	मिनु काइनमी आ लोक्‍ब हाबील कली “रूमी लस” देंमाक्‍त। मिनु रूमी बाक्‍सानु, काइनमी हाबील कली सदा बाक्‍त। १यूहन्‍ना ३:१२,१५
89	GEN 4:9	मिनु परमप्रभु यावेमी काइन कली “इ लोक्‍ब ते बाक्‍म?” दे हिल्‍लो पवा बाक्‍त। मिनु काइनमी “ङाद, गो आं लोक्‍ब आ गोठला नङा ङा?” देंमाक्‍त। उत्‍पत्ती ३:९
92	GEN 4:12	मुल रे गे रू ङा गेय पवीनु, मारेइ मग्रेल्‍ब। रागी प्रोंइशा, गाक्‍ब मुर दुम्‍चा माल्‍नेवे” दे परमप्रभु यावेमी देंमाक्‍त।
94	GEN 4:14	मुलाक्‍ती आं कली आं रू रे ग्रुंइ‍ताक्‍यीनी। मिनु इन नेक्‍था बाक्‍चा मताइनुङ। गो मुल रागी प्रोंइशा, गाक्‍ब मुर दुम्‍नुङ। आं कली सुम थित्‍तेक्‍म हना यो, साइक्‍नीम” देंमाक्‍त। अय्‍युब १५:२०-२४
95	GEN 4:15	मिनु परमप्रभु यावेमी “ममाइ, सुइमी इ कली साइक्‍तेमी हना, इ तशो सराप मेको कली ७ खेयप रचा माल्‍ब” देंमाक्‍त। मिनु परमप्रभु यावेमी “काइन कली सुइमी मसदमेक्‍ल” दे आ रांम चिनु वोदा बाक्‍त। इजीकीएल ९:६; प्रकाश ७:३-४
104	GEN 4:24	काइन साइक्‍ब ७ खेयप क्‍येक्‍क लेत्‍चा पुंइसीब हना, लमेक साइक्‍ब ७७ खेयप क्‍येक्‍क लेत्‍चा पुंइसीब” देंमाक्‍त। उत्‍पत्ती ४:१५; लेवी १९:१८; ब्‍यवस्‍था ३२:३५; मत्ती १८:२२
105	GEN 4:25	मिनु आदम लेंशा आ मीश नु इप्‍‍शा, तौ का थि‍माक्‍त। मेको कली सेथ नें वोदा बाक्‍त। हव्‍वामी “परमप्रभुमी हाबील आ पा ङा अर्को तौ का गेती। मारदे हना काइनमी हाबील कली साइक्‍तु” देंमाक्‍त।
135	GEN 5:29	मेको कली नोआह नें वोदा बाक्‍त। मेको नें आ अर्थ थुं बारपाइक्‍तीक बाक्‍ब। मिनु लमेकमी “परमप्रभु यावेमी खप कली सराप पाप्‍तु। आं तौ रूम गेय पपाइक्‍तीके श्‍येत रे प्रोंइब बाक्‍ब” देंमाक्‍त। उत्‍पत्ती ३:१७-१९
140	GEN 6:2	मिनु परमप्रभु आ तौपुकीमी मुर आन तमी आन कली तशा “दारशो बाक्‍नीम” दे मिम्‍तमे बाक्‍त। मिनु मेको आन दाते रे योव़शा चाक्‍ग्‍मे बाक्‍त। अय्‍युब १:६; २पत्रुस २:४; यहूदा ६
141	GEN 6:3	मिनु परमप्रभु यावेमी “आं सोक्‍त मुर आन कली शुश बर्स बाक्‍चा मगेनुङ। मुर बेक्‍चा माल्‍नीम। आन ब्रोंइतीक सहे का २० बर्स ला दुम्‍ब” देंमाक्‍त।
143	GEN 6:5	मिनु परमप्रभु यावेमी “रागीम बाक्‍शो मुर आं अरेशो मटीब नु मरिम्‍शो पाइब ला बाक्‍नीम। मार मिम्‍ताक्‍म हना यो, मरिम्‍शो बाक्‍त” दे मिम्‍ता बाक्‍त। उत्‍पत्ती ८:२१
145	GEN 6:7	मिनु परमप्रभु यावेमी “आं सेल्‍शो मुर आन कली रागी रे क्‍याम्‍नुङ। मुर नु जन्‍तु नेल्‍ल क्‍याम्‍नुङ। खपीम ग्रेशा गाक्‍ब आइक्‍च जन्‍तु नु सरीङम बेरब चिक्‍ब यो क्‍याम्‍नुङ। मारदे हना गो मेको आन कली सेल्‍शा यो, आं थुं मनुङ” दे मिम्‍ता बाक्‍त। गन्‍ती २३:१९; रोमी ३:३-४; २तिमोथी २:१३
147	GEN 6:9	नोआह आ तौ सां बाक्‍मा बाक्‍त। नोआह शुश रिम्‍शो मुर बाक्‍माक्‍त। मुर नेल्‍लेमी “ठीक पाइब दोस मताइब मुर बाक्‍ब” दे तुइक्‍तमे बाक्‍त। नोआह परमप्रभु नु गाक्बाक्‍माक्‍त। उत्‍पत्ती ५:२२
152	GEN 6:14	गे चहिं खिं खोदेंशो पा शी के ठेयब डोंगा का सेलो। मिनु आगामी कोठापुकी सेलो। ब्‍वाक्‍कु मओव़चा ङा पा आगा नु लाङगा अल्‍कत्राम सिल्‍दो” दे नोआह कली देंमाक्‍त।
159	GEN 6:21	मिनु इन कली, मार मार जचा ब्‍वचा ओंइशा, उप्‍शा वोतो। मेको इन कली नु मेको आन कली जचा थोव़क दुम्‍ब” दे परमप्रभुमी नोआह कली अरेवा बाक्‍त।
164	GEN 7:4	गो ७ नाक्‍त नोले ४० नाक्‍त नु ४० नाक्‍दो सम्‍म रेउ यिपाइक्‍नुङ। मिनु आं सेल्‍शो रागीम मार मार ब्रोंइशा बाक्‍मा, मेको नेल्‍ल आन कली साइक्‍नुङमी” देंमाक्‍त।
192	GEN 8:8	मिनु नोआहमी “ब्‍वाक्‍कु नेल्‍ल सोव़मा कों” दे तुइक्‍चा कली ढुकुर का यो सोइक्‍ता बाक्‍त।
195	GEN 8:11	मिनु नाक्‍नाक्‍दो ढुकुरमी आ ठुंडमी नक वाशो तेल रवा आ सफा का कुरशा जाक्‍माक्‍त। मिनु नोआहमी “ब्‍वाक्‍कु नेल्‍ल सोव़माक्‍त” दे तुइक्‍ता बाक्‍त।
197	GEN 8:13	मेको नोआह ६ सहे बर्स का दुम्‍मे आ ङोंइती ङा महिना ङा ङोंइती ङा नाक्‍तीम रागीमी ब्‍वाक्‍कु सोव़माक्‍त। नोआहमी ठेयब डोंगा आ छाना थूशा, कोव़शा “लो, ब्‍वाक्‍कु नेल्‍ल सोव़माक्‍त” देंमाक्‍त। उत्‍पत्ती ७:११
200	GEN 8:16	“गे, इ मीश, इ तौपुकी नु इ चाइमीपुकी डोंगा रे ग्रूङीन” देंमाक्‍त।
201	GEN 8:17	मिनु “मारेइ मारेइ ब्रोंइशा बाक्‍ब, चिक्‍ब, जन्‍तु नु खपीम ग्रेशा गाक्‍ब आइक्‍च जन्‍तु नेल्‍ल आन कली यो ग्रुंइदो। मेकोपुकी सोशा बोशा रागीम शुश दुम्‍चा माल्‍नीम” देंमाक्‍त।
206	GEN 8:22	रागी बाक्‍म सम्‍म शोक्‍चा, ख्रुम्‍चा नु रिक्‍चा तांइसीब। ग्‍यू पाइब, हुप्‍ब, हिंउद नु बर्खा दुम्‍ब। नाक्‍दो नाक्‍त दुम्‍ब” दे लोव़ पवा बाक्‍त। येरमीया ३३:२०,२५
213	GEN 9:7	गे रागीम सोशा बोशा शुश दु‍मीने” दे परमप्रभुमी नोआह कली देंमाक्‍त।
217	GEN 9:11	गो मार कबल पाइनुङ देंशा हना, ब्रोंइशा बाक्‍ब नेल्‍ल आन कली ब्‍वाक्‍कुम मसाइक्‍नुङ। रागी बिग्रेचा कली गेनायो ब्‍वाक्‍कु मबारपाइक्‍नुङ” देंमाक्‍त।
222	GEN 9:16	मेको वाक्‍श गोस्‍सुम बाक्‍मेनु, गो मेको कली ताइनुङ। मिनु गो रागीम बाक्‍ब मुर नु ब्रोंइशा बाक्‍ब नेल्‍ल नु गेना हना यो लीब कबल पाता, दे मिम्‍नुङ” देंमाक्‍त।
223	GEN 9:17	मिनु परमप्रभुमी नोआह कली “मेको वाक्‍श कबल आ चिनु बाक्‍ब। गो गे नु रागीम ब्रोंइशा बाक्‍ब नेल्‍ल नु कबल पाता” देंमाक्‍त।
231	GEN 9:25	मिनु नोआहमी “कनान सराप रल। आ लोक्‍ब आस नेल्‍ल क्‍येङा आइक्‍च वाइल दुम्‍ल” दे सराप पवा बाक्‍त।
232	GEN 9:26	मिनु मेकोमी लेंशा “परमप्रभु, शेम आ परमप्रभु यावे ठेयब बाक्‍ब। कनान मेको आ नेल्‍ल क्‍येङा आइक्‍च वाइल दुम्‍ल” दे शेम कली आसीक गेवा बाक्‍त।
233	GEN 9:27	मिनु लेंशा “परमप्रभुमी यफेथ कली ‘सोशा बोशा शुश दुम्‍पदल। मेको शेम आ ताम्‍बुम बाक्‍चा तवल। कनान चहिं मेको आ वाइल दुम्‍ल’ ” दे लोव़ पवा बाक्‍त।
244	GEN 10:9	मेको परमप्रभु यावे आ ङोंइती सक्ति पाइश्‍शो सिखारी बाक्‍माक्‍त। मोपतीके मुरुमी बोल्‍यो मुर का तशा “परमप्रभु यावे आ ङोंइती निम्रोद खोदेंशो सक्ति पाइश्‍शो सिखारी बाक्‍बाक्‍त” दे देंतीके देंमा बाक्‍त। मत्ती ५:५
270	GEN 11:3	मिनु मुरपुकीमी “लो, इंटा सेल्‍य। मिनु मीमी रिम्‍शो पा चोय” देंमा बाक्‍त। मिनु फुल्‍लु आ पा ङा इंटा नु हिलो आ पा ङा अल्‍कत्रा ग्रुंइदमे बाक्‍त।
271	GEN 11:4	मिनु नोले मेकोपुकीमी “गोपुकी इं कली सहर का सेल्‍सीय, ठेयब लाइश्‍शो सरीङ थिचा ङा खिं का सेल्‍य। इं नें ठेयब सेल्‍सीशा, इं मुरपुकी रागी नेल्‍लेमी मब्राथु बाक्‍य” देंमुमा बाक्‍त।
274	GEN 11:7	मुल उइ लय। मेको आन पशो लोव़ खाल्‍शा पपाइय्‍य। मिनु कामी अर्को आ लोव़ मरुबल” देंमाक्‍त।
302	GEN 12:3	सुमी इ कली आसीक गेवा, गो मेको कली आसीक गेनुङ। सुम इ कली सराप पाइबा, गो मेको कली सराप पाइनुङ। इ पर्बम रागी ङा मुर नेल्‍ल आसीक ताइनीम” देंमाक्‍त। उत्‍पत्ती १८:१८; उत्‍पत्ती २२:१८; उत्‍पत्ती २६:४; उत्‍पत्ती २८:१४; प्रस्‍थान २३:२२; प्रेरित ३:२५; गलाती ३:८
306	GEN 12:7	मेकेर जाक्‍दीम्‍मेनु, परमप्रभु यावे अब्राम आ ङोंइती ग्रूशा, मेको कली “एको रागी इ चच युइ आन कली गेनुङ” दे लोव़ गेवा बाक्‍त। मिनु अब्राममी “गो परमप्रभु यावे कली ताता” दे चढ़ेतीक का सेला बाक्‍त। उत्‍पत्ती १३:१५; उत्‍पत्ती १५:१८; उत्‍पत्ती १७:८; उत्‍पत्ती ३५:१२; प्रस्‍थान ६:४,८; प्रस्‍थान ३२:१३; यहोसु २१:४३; प्रेरित ७:५
312	GEN 12:13	मोपतीके ‘आ समी नङ’ देनो। मिनु इ मो देंशो आ पर्बम गो साइक्‍चा मपुंइसीनुङ, ब्रोंइचा ताइनुङ” दे आ मीश कली मदा बाक्‍त।
313	GEN 12:14	मिनु अब्राम इजीप्‍त रागीम जाक्‍दीम्‍मेनु, इजीप्‍त ङा मुरपुकीमी साराइ आ पर्बम “मेरे मीश मुर थम दारशो बाक्‍ब” देंमुमा बाक्‍त।
314	GEN 12:15	मिनु फाराओ माइश्‍शो पिप आ मुरपुकीमी साराइ कली तशा “थम दारशो मीश मुर का ताइतक” दे मदमे बाक्‍त। मिनु साराइ कली फाराओ आ खिं लदमे बाक्‍त।
318	GEN 12:19	मारदे ‘आं समी बाक्‍ब’ देंने? गो हेरा आं मीश सेल्‍ता। मुल इ मीश लतो। एकेर रे लावो” दे मदा बाक्‍त।
328	GEN 13:9	गे नु गो ब्राचा रिम्‍शो दुम्‍ब। एको रागी नेल्‍ल इ ङोंइती बाक्‍ब। गे पेरा गे लते हना, गो ग्‍युरा गे लाइनुङ। गे ग्‍युरा गे लते हना, गो पेरा गे लाइनुङ” देंमाक्‍त।
336	GEN 13:17	बोक्‍को, रागी नेल्‍ल हिरशा लावो। मेको नेल्‍ल इ कली गेनन” दे परमप्रभु यावेमी लोव़ गेवा बाक्‍त।
341	GEN 14:4	मारदे हना मेकोपुकीमी लडाइ का ब्रुशा नोले, १२ बर्स सम्‍म श्‍येत जशा, पिप केदोर-लाओमेर कली मार मार गेचा माल्‍मा बाक्‍त। मोपतीके मेकोपुकीम १३ बर्समी “मगेय, लडाइ पय” दे सल्‍ला पामे बाक्‍त।
357	GEN 14:20	मिनु नेल्‍ल क्‍येङा ठेयब परमप्रभु मान ताइब बाक्‍ब। मारदे हना इ जोरी सत्रु इ गुइमी गेशा, इ कली ग्रापाइक्‍तु” दे ठेयब सेला बाक्‍त। मिनु अब्राममी नेल्‍ल थोव़क १० भाग ङा भाग का मेल्‍कीसेदेक कली गेवा बाक्‍त। उत्‍पत्ती २८:२२; लेवी २७:३०-३२
358	GEN 14:21	मिनु सोदोम ङा पिपमी अब्राम कली “मुर ला गेयी। अरु मार मार इन कली दुम्‍ल” देंमाक्‍त।
361	GEN 14:24	आं गेय पाइब आन जशो चहिं लाइक्‍नुङ। गो नु गाक्‍ब आनेर, एश्‍कोल नु माम्रे आन भाग चहिं लाइक्‍चा गेन” देंमाक्‍त।
362	GEN 15:1	मिनु नोले परमप्रभु यावेमी अब्राम कली ङोमु खोदेंशो पा कोंइतीक कोंइदा बाक्‍त। मिनु मेकोमी अब्राम आ नें थिशा “अब्राम महिनो। गो इ कली कोव़नन। शुश आसीक गेनन” देंमाक्‍त। गन्‍ती २४:४,१६; भजन संग्रह ३:४
364	GEN 15:3	गे आं कली तमी तौ मगेयीनी। मुल आं खिंम जरमेशो वाइलम आं अङस ताइब दुम्‍त” देंमाक्‍त।
365	GEN 15:4	मिनु परमप्रभु यावेमी लेंशा “मेको मुरुम इ अङस मताइब। इ आंम रां ङा इ तौमी इ अङस ताइब” देंमाक्‍त।
366	GEN 15:5	मिनु मेकोमी अब्राम कली ताम्‍बु रे ग्रुंइशा “सरीङ गे कोव़ङो, सोरुल आन कली हिक्‍को। मेको हिक्‍ने चाप्‍नेवे? गिश बाक्‍मा, इ चच युइ यो मिश दुम्‍नीम” देंमाक्‍त। उत्‍पत्ती २२:१७; प्रस्‍थान ३२:१३; ब्‍यवस्‍था १:१०; हिब्रू ११:१२
367	GEN 15:6	मिनु अब्राममी परमप्रभु यावे आ लोव़ थमा सुदा बाक्‍त। मिनु परमप्रभु यावेमी अब्राममी थमा सुइश्‍शो तशा “ठीक पाइब मुर का बाक्‍त” दे तुइक्‍ता बाक्‍त। रोमी ४:३-५; याकूब २:२३
368	GEN 15:7	मिनु लेंशा अब्राम कली “गो परमप्रभु यावे नङ। गो एको रागी इ कली गेचा कली कल्‍दी ङा ऊर सहर रे ग्रुंइताक्‍न” देंमाक्‍त। उत्‍पत्ती ११:३१; प्रस्‍थान ३:१४; यसैया ४५:५; यूहन्‍ना ८:२४-२९
369	GEN 15:8	मिनु अब्राममी “परमप्रभु, परमप्रभु यावे, आं के रागी दुम्ब, दे दोपा तुइक्‍नुङा ङा?” दे हिल्‍लो पवा बाक्‍त।
370	GEN 15:9	मिनु मेकोमी “आं कली बर्स सां ङा बी का, बर्स सां ङा क्‍यारश का, बर्स सां ङा सांड का, ढुकुर का परवा आ चाइक्‍ब का चाक्‍ती” देंमाक्‍त।
372	GEN 15:11	मिनु ठेयब चिक्‍बपुकी मेको श्‍ये तशा, जुक्‍तमे बाक्‍त। तन्‍न अब्राममी “हाइ हाइ” दे ग्रीशा खेरमी बाक्‍त।
377	GEN 15:16	इ मुरपुकी ४ पाला नोले ला एकेर लेश्‍शा जाक्‍नीम। मारदे हना एमोरी आन मरिम्‍शो पशो मनुप्‍शो बाक्‍त” दे परमप्रभु यावेमी देंमाक्‍त। प्रेरित ७:७
382	GEN 15:21	एमोरी, कनानी, गिरगाशी नु यबुसी आन रागी नेल्‍ल इ कली गेनुङ” दे अब्राम कली लोव़ गेशा, कबल पवा बाक्‍त।
384	GEN 16:2	मिनु साराइमी अब्राम कली “नेनीन, परमप्रभु यावेमी आं कली आल मगेयी। मोपतीके आं वाइलीम नु बाक्‍कीन। मोपा गो आल ताइनुङा, कों?” देंमाक्‍त। मिनु अब्राममी आ मीशेमी मार देंमे, मेको पवा बाक्‍त। उत्‍पत्ती ३०:३,९
387	GEN 16:5	मिनु साराइमी अब्राम कली “आं कली मरिम्‍शो दुम्‍तीके इन कली दुम्‍ल। गो आं वाइलीम इन कली गेता। मुल आंम कली कोव़ज कुरशो तशा, आं कली आइक्‍च सेल्‍ती। परमप्रभु यावेमी गे नु गो, इस दातेम निसाफ पवल” देंमाक्‍त।
388	GEN 16:6	मिनु अब्राममी “नेनो, इ वाइलीम इ गुइमी बाक्‍ब। मेको कली इ दाक्‍शो पावो” दे साराइ कली देंमाक्‍त। मिनु साराइमी हागार कली हुइक्‍तानु, मेको प्रोक्‍माक्‍त।
390	GEN 16:8	मिनु मेकोमी “हागार, साराइ आ वाइलीम, ते लशा पिनी?” दे हिल्‍लो पवा बाक्‍त। मिनु हागारमी “आं होव़पोक्म साराइ आ ङोंइती रे प्रोक्‍ती” दे लोव़ लेत्‍ता बाक्‍त।
391	GEN 16:9	मिनु परमप्रभु यावे आ स्‍वर्ग ङा गेय पाइबमी मेको कली “इ होव़पोक्‍म आ खिं ले‍तो। मिनु मेको आ अरेशो टिशा बाक्‍को” देंमाक्‍त।
392	GEN 16:10	मिनु परमप्रभु यावे आ स्‍वर्ग ङा गेय पाइबमी लेंशा “इ चच युइ आन कली शुश दुम्‍पाइक्‍नुङ। इ मुरपुकी सुइमी हिक्‍ने मचाप्‍चा ङा पा शुश दुम्‍नीम” देंमाक्‍त। उत्‍पत्ती १७:२०
394	GEN 16:12	इ तौ जीब दुम्‍ब। मुर नेल्‍ल नु जीब। मुरपुकी यो मेको नु जीनीम। मेको आ लोक्‍बपुकी नु यो जीब दुम्‍ब” देंमाक्‍त। उत्‍पत्ती २५:१८
395	GEN 16:13	मिनु हागारमी आ नु लोव़ पाइब परमप्रभु यावे कली “गे आं कली ताइब परमप्रभु ननी। गो थमा पा आं कली ताइब कली ताता” देंमाक्‍त। उत्‍पत्ती २२:१४; प्रस्‍थान ३:७; २राजा १३:४