| 105 | GEN 4:25 | मिनु आदम लेंशा आ मीश नु इप्शा, तौ का थिमाक्त। मेको कली सेथ नें वोदा बाक्त। हव्वामी “परमप्रभुमी हाबील आ पा ङा अर्को तौ का गेती। मारदे हना काइनमी हाबील कली साइक्तु” देंमाक्त। |
| 238 | GEN 10:3 | गोमेर आ तौपुकी अश्केनज, रीफत नु तोगारमाह बाक्मा बाक्त। |
| 491 | GEN 19:33 | मेको नाक्दो आस आफ कली अङगुर शांबुम दुक्पदसे बाक्त। मिनु आ ठेयब तमी आ आफ नु इम्माक्त। लोतमी आ तमी आं नु इप्शो, बोक्शो मारेइ मतुइक्ता बाक्त। |
| 582 | GEN 23:10 | मेना एफ्रोन हित्ती आन दातेमी निश्शो बाक्माक्त। मेको आन सहर ङा गारो ङा ठेयब लाप्चो आ नेक्था बाक्शा, अब्राहाम आ लोव़ नेन्मेनु, मेको हित्ती एफ्रोनमी अब्राहाम कली |
| 750 | GEN 27:22 | मिनु याकूब आ आफ आ नेक्था लमाक्त। इसहाकम मेको कली सुल्शा “आ सेंदा याकूब के बाक्त, आ गुइ चहिं एसाव के बाक्त” देंमाक्त। |
| 960 | GEN 32:32 | मिनु नां दाप्मेनु, याकूब पेनुएल रे खोङ चेङ पा गाक्माक्त। |
| 983 | GEN 34:2 | हिव्वी ङा हमोर आ तौ शेकेम, मेको रागी ङा पिप आ तौमी दीना कली तशा, ग्याइश्शा मेको नु इप्शा, बिथोलो पवा बाक्त। न्यायाधीस ९:२८ |
| 988 | GEN 34:7 | मिनु मेको नेंशा, याकूब आ तौपुकी यो रू रे जाक्मा बाक्त। आन थुं मनुथु, शुश चुरमा बाक्त। मारदे हना शेकेमम इस्राएल आ तमी नु इप्शा, बिथोलो पशो बाक्माक्त। मो पचा मदुम्शो बाक्माक्त। |
| 1117 | GEN 37:33 | मिनु मेको वा तशा “आं तौ आ फेक्शो वा बाक्त, दे तुइक्ता बाक्त। मिनु ब्वाकी ङा जन्तुमी मेको कली साइश्शा, नेक्ग्मे बाक्त” दे ङाक्माक्त। उत्पत्ती ३७:२० |
| 1403 | GEN 46:16 | मिनु गाद आ तौपुकी सिफ्योन, हाग्गी, शुनी, एस्बोन, एरी, अरोदी नु अरेली बाक्मा बाक्त। |
| 1491 | GEN 49:17 | दान लांमी बाक्शो बुस्स खोदेंशो दुम्शा, मेको बीस पाइश्शो बुस्स खोदेंशो दुम्शा, आइक्च लांम बाक्ब। शारा ङोइक्ब मुर तोक्चा कली शारा आ गेंग्रेम कोक्ब। मिनु शारा ङोइक्ब मुर नोले गे दोक्ब। |
| 1588 | EXO 3:8 | मिनु मेको आन कली इजीप्त रागी ङा मुरपुकीम गेशो श्येत रे प्रोंइनुङमी। गो आं मुर आन कली रिम्शो नु ठेयब रागी लाइक्नुङमी। मेको रागीम दूध नु खुदो शुश बाक्ब। मारेइ मारेइ यो शुश ग्रेल्ब। मेको रागी कनानी, हित्ती, एमोरी, परिज्जी, हिव्वी नु यबुसी आन बाक्तीक रागी बाक्ब। |
| 2168 | EXO 23:23 | आं स्वर्ग ङा गेय पाइब थमा पा इन ङोंइती लाइब। मिनु इन कली एमोरी, हित्ती परिज्जी, नानी, हिव्वी नु यबुसी कनानी आन रागी चोव़दीब। मिनु गो मेको नेल्ल आन कली क्याम्नुङ। |
| 3821 | NUM 5:28 | तन्न मेको मीश मुरुम आंम कली ग्रांग्रा दिशो मसेल्सीशो नु मरिम्शो मपशो बाक्त हना, मेको ब्वाक्कु मखाइक्थु, आल थीब दुम्ब। |
| 5117 | DEU 7:4 | मारदे हना मेकोपुकीमी इन तौ आन कली आंम देवी देवता गे कीनीम। परमप्रभु यावे कली गेय मपथु, देवी देवता आन नोले खोइक्पाइक्नीम। मो दुम्मेनु, परमप्रभु यावे शुश गाइश्शा, इन कली रीब पा साइक्ब। |
| 5314 | DEU 14:22 | गेपुकीमी गेनायो मप्रोंइचा ङा पा बर्स बर्स ङा इन रूम नु खेतम वाशा सिश्शो नेल्ल रे १० भागम भाग का तिल्शा वोइश्शा, गेचा माल्नीनी। लेवी २७:३० |
| 5409 | DEU 19:1 | मिनु परमप्रभु यावे, इन परमप्रभुमी रागी रागी ङा मुर आन कली खेरशा इन कली गेशो रागीमी आन सहर नु खिंपुकी इन के दुम्मेनु, |
| 5886 | JOS 2:15 | मिनु मेको मीश मुरुमी मेको निक्शी आस कली झेल रे डोरी तोक्शा, उइ तोइक्चा गेम्सी बाक्त। मारदे हना मेको आ खिं मेको सहर ङा गारोम बाक्माक्त। |
| 6227 | JOS 15:23 | केदेश, हासोर नु इथ्नान, |
| 6247 | JOS 15:43 | इफ्ताह, अश्ना नु नेजीब, |
| 6365 | JOS 19:42 | शा-आलब्बीन, आइयालोन नु इथ्लाह, |
| 6914 | JDG 14:3 | मिनु आ आम आफोमी “मार, आंइ मुर नु इं थर ङा मीश आल मबाक्बा? मिनु गे ख्रोइक्तीक चिनु मख्रोइश्शो, मेको पलिस्ती आ तमी का चाक्चा दाक्नेवे?” देंसा बाक्त। तन्न सिम्सोनमी “मेको मीश आल आं कली चाक्कीन। मारदे हना गो मेको कली दाक्नुङ” देंमाक्त। उत्पत्ती ३४:१४; प्रस्थान ३४:१६ |
| 7706 | 1SA 18:28 | मिनु सावलमी परमप्रभु यावे दाऊद नु बाक्ब, दे तुइक्ता बाक्त। आ तमी मिकालम मेको कली दाक्ब, दे यो तुइक्ता बाक्त। |
| 7922 | 1SA 26:14 | मिनु दाऊदम नेर आ तौ आब्नेर आ नें थिशा “ए आब्नेर, गे आं लोव़ लेत्ती” देंमाक्त। मिनु आब्नेरमी “गे पिप कली हुइश्शा लोव़ पाइब सु नवे” देंमाक्त। |
| 8122 | 2SA 3:38 | मिनु पिपमी आ गेय पाइब आन कली “मुलाक्ती इस्राएलमी लडाइ पाइब नु ठेयब मुर का बेक्त, दे तुइक्चा माल्नीनी। १सामुएल २६:१५ |
| 8471 | 2SA 17:19 | मेको खिं ङा मुर आ मीशेमी सुम्तीक का चाक्शा, मेको तार बिस्कुन हामा बाक्त। सुइम मारेइ मतुइक्तमे बाक्त। |
| 8557 | 2SA 19:44 | मिनु इस्राएल ङा मुरपुकीम यहूदा ङा मुर आन कली “पिप इन क्येङा १० खेयप शुश आंइ पिप बाक्ब। गे मारदे आइक्च सेल्नीनी? पिप दाऊद कली लेश्शा चाक्ता, दे गोपुकीम ङोंइती देंशो बाक्नीकी, मेको मप्रेंदीन” देंमा बाक्त। तन्न इस्राएल ङा मुर क्येङा यहूदा ङा मुरपुकीमी ठेयब लोव़ पामे बाक्त। २सामुएल १९:१०-११ |
| 8716 | 2SA 24:21 | मिनु अरौनाहमी “मारदे आं प्रभु पिप इन वाइल कली ग्रुम्थ जाक्नी” दे हिल्लो पवा बाक्त। मिनु दाऊदमी “गो परमप्रभु यावे कली चढ़ेतीक का सेल्चा, दे इ खला ग्याप्थ जाक्ती। मो पाता हना, एको मुर बेक्तीक रोइ दिक्बा कों?” देंमाक्त। |
| 8834 | 1KI 3:15 | मिनु नोले सोलोमन सेंसे बाक्त। मिनु एको दा ङोमु कका बाक्त, दे तुइक्ता बाक्त। मिनु मेको नोले यरूसलेम लेम्माक्त। मिनु परमप्रभु यावे आ कबल पशो सन्दोस आ नेक्था राम्माक्त। मिनु मेकेर चोशा चढ़ेतीक नु दुशा बाक्तीक आ पर्बम चढ़ेतीके चढ़ेवा बाक्त। मिनु मेकोमी आ गेय पाइब नेल्ल आन कली भोज का गेमी बाक्त। |
| 9043 | 1KI 8:55 | मिनु मेको राप्शा, ठेयब सेंदा पा बुक्शा बाक्शो इस्राएली नेल्ल आन कली आसीक गेमी बाक्त। |
| 9144 | 1KI 11:33 | मेकोमी आं कली प्रोंइतीके, गो मो पाइनुङ। मेकोमी सीदोनी आन देवी अश्तोरेथ, मोआब ङा देवता केमोश नु अम्मोनी आन देवता मोलेक कली पूजा पाप्तु। मेको आं लांम मगा। मेकोमी आं ङोंइती मार ठीक बाक्मे, मेको मपावो। मेकोम आ आफ दाऊदम पशो खोदेंशो पा, आं फुल्लुम मुशा ब्रेक्शो लोव़ नु आं निसाफ पतीक लोव़ मपावो। मोलेक देवता कली मिल्कोम यो देंशो बाक्त। |
| 9448 | 1KI 20:37 | मिनु मेको परमप्रभु यावे आ लोव़ पाइबमी अर्को मुर का कली ग्रुम्शा, मेको कली “आं कली तुब्यी” देंमाक्त। मोपतीके मेकोमी मेको कली तुप्शा, गार सेला बाक्त। |
| 11484 | 2CH 14:3 | मिनु मेकोमी यहूदा ङा मुर आन कली परमप्रभु यावे, आन किकी पिपी आन परमप्रभु आ माल्शा, आ अरेशो नु आ शेंशो लोव़ नेल्ल पचा, दे सासन पवा बाक्त। |
| 11599 | 2CH 20:7 | आंइ परमप्रभु, मार, गे इन मुर इस्राएली जाक्मानु, एको रागी ङा मुर आन कली मखेरनी ङा? इन वारच अब्राहाम नु आ चच युइ आन कली मेको रागी गेना हना यो कली गेशो मननी ङा? |
| 11629 | 2CH 20:37 | मारेशा ङा दोदा-वाहु आ तौ एलीएजेरमी येहो-शाफात आ पर्बम परमप्रभु आ लोव़ पवा बाक्त। मेकोमी “गे अहाज्याह नु वारच्बु दुम्तीके, परमप्रभु यावेम इन गेय खतम सेल्ब” देंमाक्त। मिनु मेको ठेयब जहाजपुकी खतम दुम्मा बाक्त। टारशीश लचा मतामे बाक्त। |
| 12007 | 2CH 36:9 | येहो-याकीन पिप दुम्मेनु, ८ बर्स दुम्शो बाक्माक्त। मिनु मेकोमी यरूसलेमम महिना सां नु १० नाक्ती सासन पवा बाक्त। मिनु मेकोमी परमप्रभु यावे आ ङोंइती मार मरिम्शो बाक्मे, मेको पवा बाक्त। येहो-याकीन पिप दुम्मेनु, २राजामी १८ बर्स देंब। २राजा २४:८ |
| 12077 | EZR 2:45 | लेबानाह, हगावाह, अक्कुब, |
| 12106 | EZR 3:4 | मिनु मेकोपुकीमी गोठ सेल्शा बाक्तीक चाड मानेम्तेक्म। मिनु दोपा पतीके ब्रेक्शो बाक्मे, मोपा नाक्त किंत किंत ङा पचा माल्शो चोशा चढ़ेतीके दोशो चढ़ेचा माल्मा, मोशो चढ़ेम्तेक्म। लेवी २३:३४-४३ |
| 12377 | NEH 4:7 | मोपतीके गो गारो आ नेल्ल क्येङा आइक्च दुम्तीके, आंइ जोरी सत्रु आन शुश श्येत मजथु, ओव़ने चाप्तीकेम, मुर आन कली खुप्ताक्ङमी। मेको आन कली तरवार, तूतीक नु लिब्रा कुरपाइश्शा मेकेर वोइक्तामी। |
| 12501 | NEH 8:4 | मिनु परमप्रभु यावे आ लोव़ जोक्ब तुइक्ब एज्रा मुर नेल्ल आन कली रिम्शो नेंपाइक्चा कली शी के सेल्शो लाइश्शो राप्तीकेमी राप्शो बाक्त। मेको आ ग्युरा गे मत्तीथ्याह, शेमा, आनायाह, उरीयाह, हिल्कीयाह नु मासेयाह राप्शो बाक्तेक्म। मिनु आ पेरा गे पेदायाह, मीशाएल, माल्कीयाह, हाशुम, हश्बादानाह, जकरिया नु मेशुल्लाम राप्शो बाक्तेक्म। |
| 12519 | NEH 9:4 | येशुआ, बानी, कदमीएल, शेबान्याह, बुन्नी, शेरेब्याह, बानी नु केनानी लेवी आन शी के सेल्शो राप्तीके ङा क्रेसीमी बाक्शा, ठेयब सेंदामी परमप्रभु यावे, आन परमप्रभु कली लोव़ पाम्तेक्म। |
| 12950 | JOB 4:16 | मेको दिक्शा बाक्त। तन्न मेको मार बाक्मे, गो मारेइ मतुइक्तु। आं ङोंइती मार कका राप्त। नोले सिक्सी दुम्शा, सेंदा का ग्रूत। |
| 13157 | JOB 12:25 | मिनु मेकोपुकी हाम्सो मबाक्तीके, छिङछिङम सुल्शा गाक्नीम। मेको आन कली दुक्शो मुर खोदेंशो पा गोल्चा चिक्शा गाक्पाइक्ब। |
| 13448 | JOB 24:8 | मेको पहाडम बाक्शा रेउम जित्नीम। फाम्सीतीके मबाक्तीके, फुल्लु आ नेक्था फाम्सीनीम। |
| 13490 | JOB 27:5 | गो गेपुकी ठीक बाक्नीनी, दे मदेंनुङ। गो मबेक्ङा सम्म आं रिम्शो पतीक मप्रोंइनुङ। |
| 13669 | JOB 33:15 | ङोमुमी, नाक्दो ततीकेमी, निन्द्रा पशोनु, बेक्शा लाइब मुर ब्राख्येम गोल्शा इम्मानु, अय्युब ४:१२-१६ |
| 14227 | PSA 22:7 | गो चहिं मुर मदुम्थु, लुस्पु खोदेंशो दुम्ती। मुरपुकीम आं कली शुक्शी पा ग्रांग्रा दित्नीम। अय्युब २५:६; यसैया ४१:१४ |
| 14497 | PSA 37:26 | मिनु मेकोपुकीमी नेल्ल नाक्ती हाइश्शो दुम्शा, प्रुङग आन कली मार मार गेनीम। मिनु मेको आन आलपुकीमी आसीक ताइनीम। |
| 14721 | PSA 50:21 | गे मेको नेल्ल पाइतीनी हना यो, गो सिक्सी पा बाक्ती। गे आं खोदेंशो मिम्साक्नी। तन्न गो इन कली हुइश्शा, इन दोस कोंइनन्नी। |
| 15308 | PSA 83:7 | मेको एदोम, इश्माएल, मोआब नु हाग्री आ मुरपुकी, |
| 15448 | PSA 90:5 | गे मुर आन कली फिक्शा, लाइक्नीनी। मुर आन ब्रोंइतीक ङोमु तशो खोदेंशो बाक्ब। मेकोपुकी सुनी नक वाशो घांस खोदेंशो बाक्नीम। भजन संग्रह १०२:१२; भजन संग्रह १०३:१५; अय्युब १४:२; यसैया ४०:६; १पत्रुस १:२४-२५ |
| 15660 | PSA 104:22 | मिनु नां दाप्मेनु, मेको आन पुक्खीम लशा, ख्रुइश्शा गोल्नीम। |
| 16952 | PRO 17:9 | सुमी अरु आन मरिम्शो पशो सुम्बा, मेकोम वारच सेल्ब। तन्न मुर आन मरिम्शो पशो देंना देंन बाक्बमी वारच आन कली फ्राब। |
| 17211 | PRO 25:28 | सुमी आंम कली ठीक पा चलेने मचाप्बा, मेको गारो ब्रेश्शो सहर खोदेंशो बाक्ब। हितोपदेस २९:११ |
| 17335 | PRO 30:14 | का निक्शी मुर आन ख्रुइ तरवार नु छूरी खोदेंशो बाक्ब। मेकोपुकीमी प्रुङग आन कली नाक्शा, श्येत जाइब आन कली ब्वाइनीम। |
| 17579 | ECC 10:16 | आबी, तेको रागी ङा पिप आल का बाक्बा, तेको रागी ङा सासन पाइबपुकीमी सुनी कना भोज जाइनीमी, मेको रागी खतम दुम्शा लाइब। यसैया ३:४; यसैया ५:११ |
| 17580 | ECC 10:17 | तेको रागीमी रिम्शो खिं ङा मुर पिप दुम्बा, मेको रागी ग्येरसीशो बाक्ब। मेको रागी ङा सासन पाइब भोज जची ना जाइनीम। मेकोपुकी दुक्चा कली ममाइ बोल तचा कली जाइनीम। |
| 17670 | SNG 5:2 | गो गोल्ती, तन्न मइम्ङ। नेनीन, आं दाक्शो मुरुमी लाप्चो ख्रोकोल पाप्तु। “आं समी, आं दाक्शो मीश आल, आ ढुकुर, मारेइ मारेइम रिम्शो बाक्शो मीश आल लाप्चो रोक्को। आं पिया सीतम जिश्शो बाक्ब। आं चां नाक्दो ङा सीतम जिश्शो बाक्ब” देंत। |
| 17767 | ISA 2:12 | मिनु मुर नेल्ल आन परमप्रभु यावेमी काबु नाक्ती ठेयब लेश्शो, बोरशो मुर नु “गो ठेयब नङ” देंब आन कली आइक्च सेल्ब। येरमीया ४६:१०; इजीकीएल ३०:३; योएल १:१५; आमोस ५:१८; सेफन्याह १:१४ |
| 17916 | ISA 9:16 | मोपतीके परमप्रभु यावेम मेको आन वोंइश आल आन कली तशा, शिशी मपावो। मेको आन रोम रोइक्च नु वोंइश बेक्शो मीश मुर आन कली तशा यो शिशी मपावो। मारदे हना मेको नेल्ल परमप्रभु आ अरेशो मटीब दुम्शा, काइ मरिम्शो पाइब ला बाक्तेक्म। मिनु नेल्लेमी मरिम्शो लोव़ पाम्तेक्म। मोपा यो परमप्रभु आ गाइश्शो मनाइक्थु, आ गुइ दिंस ङा दिंस बाक्त। |
| 18537 | ISA 41:16 | गे मेको आन कली हारशा, फशेम योल्पाइक्नेवे। मिनु फश गिवारम मेको आन कली एर ओंथ फ्रशा योल्ब। मेना गे परमप्रभु यावे कली तुइश्शा, ग्येरनेवे। इस्राएली आन का ला बाक्शो परमप्रभु आ मुर दुम्शा, ग्येरसीनेवे” देंत। |
| 18541 | ISA 41:20 | मुर नेल्लेमी परमप्रभु यावे आ पशो बाक्ब, दे तशा, तुइश्शा, मिम्शा रुप्चा माल्नीम। इस्राएली आन का ला बाक्शो परमप्रभुमी मोदेंशो सेल्तु” देंत। |
| 18614 | ISA 44:11 | मेको आ नोले खोइक्ब नेल्ल मुने दोक्नीम। मेको मूर्ति सेल्चा जोक्ब मुर ला बाक्नीम। मेकोपुकी बुक्शा, राम्मल। ग्रीचोक पा हिंमल। मिनु गेना हना यो मुने दोक्मल। यसैया ४२:१७ |
| 18937 | ISA 63:1 | एदोम रे सु जाक्ना जाक्न बाक्बा? लल जिशो वा फेक्शा, बोज्रा रे जाक्ब सु बाक्मे? मेको दारशो वा फेक्शा, ठेयब सक्तिमी गाक्ब सु बाक्म। “गो ठीक पतीके लोव़ पाइनुङ। गो पाप रे प्रोंइतीक सक्ति पाइश्शो नङ” देंत। यसैया ३४:६ |
| 18945 | ISA 63:9 | मेको आन श्येत तशा, आं सोइश्शो मुर ममाइ, परमप्रभु यावे आ स्वर्ग ङा गेय पाइब यो ममाइ, परमप्रभुमी मेको आन कली प्रोंइतु। आ दाक्तीके नु शिशी पतीकेमी मेको आन कली साइ ङोंइती रे पाप रे प्रोंइशा, मेको आन कली मुप्शा, कुरशो बाक्त। प्रस्थान ३३:१४-१५ |
| 19829 | JER 32:29 | एको सहर कली लडाइ तोइब कल्दी जाक्शा मी सुइक्नीम। तेको खिं तारी आं कली गाइक्पाइक्चा कली बाल देवता कली चढ़ेमे नु देवी देवता आन कली तूचा थोव़क चढ़ेशा लुक्तमे, मेको नेल्ल क्रोइक्नीम। येरमीया १७:१३ |
| 19886 | JER 34:16 | तन्न नोले इन थुं फाइश्शा आं नें ग्रांग्रा दिशो सेल्तीनी। गे नेल्लेम इन ङोंइती प्रोंइशो वाइलीम वाइल आन कली लेश्शा चाक्तीनी, देंशो बाक्ब” देंत। |
| 20031 | JER 41:5 | शेकेम, शिलो नु सामरीया रे आन गाल शोक्रे प्रेक्शो, आन वा खाक्शो नु आन रां चेश्शो ८० जना मुरपुकी परमप्रभु यावे आ खिंम अन्न चढ़ेचा कली नु धूप चोचा कली जाक्तेक्म। येरमीया १६:६ |
| 20709 | EZK 10:7 | मिनु करूब काम आ गुइ करूब आन बाक्तीक ङा मी गे दिंताक्व। मिनु मेकोमी मी आ कोइला हुइश्शा, मेको सुती के वा फेक्सीशो मुर आ गुइम कुर पाप्तु। मिनु मेको मी कुरशा लाङगा ग्रूत। |
| 20719 | EZK 10:17 | मिनु मेको करूब दिक्मानु, मेको गुगील यो दिक्बाक्तेक्म। मेको करूब इर गे बोक्मानु मेको गुगील यो मेको नु बोक्बाक्तेक्म। मारदे हना मेको सोक्त पाइश्शो आन सोक्त मेको गुगीलमीन बाक्त। |
| 20817 | EZK 14:17 | मिनु परमप्रभु, परमप्रभु यावेमी “गो रागी आ पर्बम तरवार सोइश्शा, मेको तरवार कली ‘मुर नु बी ब्यफ, क्यारश भेडा नेल्ल साइक्मी’ देंती हना, |
| 21239 | EZK 28:13 | गे परमप्रभु आ रू एदेनम खोदेंशो बाक्ते। गे हीराम ग्योम्सीशो बाक्ते। लल मानीक, हाव पुश्पराज, बुश नु नीलो पन्ना, पीतमनी, लल रङ ङा ओनीक्स, नीलो बिलौरा, बुश नीर, लल फिरोजा नु गिगी बेरूज माइश्शो हीराम ग्योम्सीशो बाक्ते। मिनु मेको हीरा ग्याइक्तीके नु आप्तीके सुन के बाक्तेक्म। गे दुमे नाक्तीन मेको नेल्ल ठीक पशो बाक्तेक्म। प्रस्थान २८:१७-२०; इजीकीएल ३१:८-९; उत्पत्ती २:८ |
| 21499 | EZK 38:5 | पारसी, एथीयोपीया नु पूत ङा मुरपुकी, मेकोपुकी नु बाक्नीम। मिनु मेको नेल्लेम आन तेक्तीक शेश्शा, लडाइ ङा ताकी गुक्शो बाक्नीम। |
| 21726 | EZK 46:2 | सासन पाइब मेको पिंडी रे लाङगा ङा लाप्चो रे पा ओव़चा माल्ब। मिनु लाप्चो आ नेक्था राप्शा बाक्चा माल्ब। मिनु चढ़ेबपुकीम सासन पाइब आ चोशा चढ़ेतीक नु दुशा बाक्तीक आ पर्बम चढ़ेतीक चढ़ेचा माल्नीम। मिनु सासन पाइबमी लाप्चो आ नेक्था राप्शा, खुम्की पा परमप्रभु यावे कली ठेयब सेल्चा माल्ब। मिनु नोले मेको लाङगा रे ग्रूचा माल्ब। तन्न मेको लाप्चो नां मरिक्म सम्म रोक्स ङा रोक्स बाक्चा माल्ब। इजीकीएल ४४:३ |
| 22085 | DAN 10:1 | मिनु पारसी रागी ङा कोरेस पिप दुम्शो बर्स सां दुम्मेनु, परमप्रभुमी बेल्त-शजर माइश्शो दानीएल कली लोव़ का तुइक्पाइक्तु। मेको लोव़ थमा बाक्त। ठेयब श्येत आ पर्बम बाक्त। मेको दानीएलमी मेको कोंइतीक तशा, रुप्तीक थुं यो ताप्तु। दानीएल १:२१; दानीएल १:७ |
| 22578 | AMO 9:14 | गो आं मुर इस्राएली आन कली आन मार मार लेश्शा गेनुङमी। मिनु मेको आन ब्रेश्शो सहर कली लेंशा सेल्शा, मेकेर बाक्नीम। मेकोपुकीम अङगुर ख्रुम्शा, अङगुर शांबु तूनीम। मेकोपुकीम फल फुल ख्रुम्शा, मेको आन फल जाइनीम। ब्यवस्था ३०:३; यसैया ६५:२१ |
| 22865 | ZEP 1:9 | मेको नाक्त सु सु लाप्चो रे ओव़नीमी, मेको आन कली सजाइ गेनुङ। मारदे हना मेकोपुकीमी आन होव़प आ खिं तुम्मुचा, जिचा खेचा नु जोल पतीकेमी प्रिंनीम” देंत। |
| 22953 | ZEC 1:6 | तन्न गो आं गेय पाइब, आं लोव़ पाइब आन कली पशो लोव़ नु आं फुल्लुम मुशा ब्रेक्शो लोव़ इन किकी पिपी आन पाला रे मुल सम्म मबाक्म ङा?’ मिनु मेकोपुकी परमप्रभु यावे गे लेत्चा माल्शा, मेकोपुकीमी ‘मुर नेल्ल आन परमप्रभु यावेमी आंइ मरिम्शो लां नु आंइ मरिम्शो पशो आ पर्बम आ देंशो खोदेंशो पा पाप्तु’ देंतेक्म” दे मुर नेल्ल आन परमप्रभु यावेमी देंत। |
| 23527 | MAT 10:41 | परमप्रभु यावे आ लोव़ पाइब बाक्माक्त, दे मिम्शा, परमप्रभु यावे आ लोव़ पाइब कली ब्राप्तु हना, परमप्रभु यावे आ लोव़ पाइब आ तचा ङा इनाम मेकोम ताइब। ठीक पाइब मुर बाक्माक्त, दे मिम्शा, ठीक पाइब मुर कली ब्राप्तु हना, ठीक पाइब आ तचा ङा इनाम मेकोम ताइब। १राजा १७:८-२४ |
| 23744 | MAT 16:3 | मिनु नां दाम्मेनु ‘मुलाक्त फश गिवार पाइब। मारदे हना गोस्सुम सुम्शा, सरीङ लल जिशो बाक्ब’ देंनीनी। सरीङ कोव़शा हाक्बा, दे रेउ यीबा देंने चाप्नीनी। तन्न मुल मार दुम्चशो बाक्बा मेको आ चिन्ड मरुप्नीनी। मत्ती ११:४ |
| 24272 | MAT 28:8 | मिनु मेकेर रे ग्रूशा, हिंसा यो बाक्त, ग्येरसीसा यो बाक्त। मिनु गुरुर पा दोरशा, मेको लोव़ शेंचा, दे आ शेंसीब आन कली ग्रुम्थ लसा बाक्त। |
| 24482 | MRK 6:6 | मिनु “थमा मसुइय्यीमी बाक्त” दे तुइश्शा, छक लाक्माक्त। मिनु एर ओंथ ङा गाउं गाउंमी हिरशा, शेंना शेंन गाक्माक्त। |
| 24509 | MRK 6:33 | तन्न शुश मुरुमी येसु नु आ शेंसीब आन कली लशो तुइश्शा, डोंगाम ङोइश्शो तशा, आइक्ची हांबु गे लमा बाक्त दे तुइश्शा, समुन्द्र हिरशा, दोरशा जाक्दीम्मा बाक्त। |
| 25317 | LUK 8:3 | का हेरोद आ गेय पाइब कूजा आ मीश योअन्ना बाक्माक्त। का सुसन्ना बाक्माक्त। मिनु अरु मीश मुरपुकी यो बाक्मा बाक्त। मेको मीश मुरपुकीमी आन बाक्शो थोव़क रे येसु नु आ शेंसीब आन कली मार मार माल्मा, मेको गेशा, वारच पाइक्बाक्मा बाक्त। मर्कूस १५:४०-४१ |
| 25510 | LUK 11:36 | मिनु इन रां छिङछिङ मदुम्थु, छेङछेङम ब्रीशो बाक्त हना, बत्ती दाशो खोदेंशो पा तांइसीनीनी” दे शेंदीमी बाक्त। |
| 26456 | JHN 8:6 | मेकोपुकीमी येसु आ थुं थाम्शा, दोस गेचा कली मो देंतेक्म। मिनु येसुमी बाप्शा, फुरक शाक्शा ब्रेक्ताक्व। |
| 26951 | JHN 20:15 | मिनु येसुमी “गे मारदे ङाक्नेवे? सु कली मली?” दे हिल्लो पवा बाक्त। मरीयममी “मेको फल फुल रूमी गेय पाइब मुर बाक्माक्त” दाप्शा, मेको कली “हजुर, गे मेको बेक्शो रां कली एक रे लाइक्तीनी हना, ते वोइक्नी, आं कली देनीने। गो मेको कली लाइक्नुङ” दे मदा बाक्त। |
| 27010 | ACT 1:18 | मेकोमी येसु कली ग्याइक्ब आन कली लां कोंइशा, वारच पा क्येट ताक्गा बाक्त। मिनु मेको क्येटमी रू ग्यबा बाक्त। मोपा मरिम्शो गेय पतीके क्यूली पा दोक्शा, आ कोव़ज ब्रोल्शा आ क्यी ग्रूशा बेक्माक्त। मत्ती २७:३-१० |
| 28627 | 1CO 9:19 | गो आं दाक्शो पने चाप्नुङ, मो हना यो शुश मुरुमी ख्रीस्त आ लोव़ रुप्शा, आ मुर दुम्मल, दे आन वाइल खोदेंशो दुम्शा, शेंना शेंन गाक्ती। मत्ती २०:२७; रोमी १५:२ |
| 28630 | 1CO 9:22 | गो बोल मपाइश्शो मुर आन कली शेंशा, ख्रीस्त आ लोव़ रुप्पाइश्शा, आ मुर दुम्मल, दे गो बोल मपाइश्शो खोदेंशो दुम्ती। का निक्शी ख्रीस्त आ लोव़ रुप्शा, आ मुर दुम्मल, दे गो मेको नेल्ल आन खोदेंशो दुम्ती। रोमी ११:१४ |
| 28674 | 1CO 11:6 | पिया मसुम्नुङ देंबम चहिं आन चां प्रेक्समल। चां प्रेक्शो आन कली मुरपुकीम मरिम्शो मिम्नीम, दे गो नेल्लेमी तुइक्नय। मोपतीके मीश मुरपुकीमी आन पिया सुम्समल। |
| 28849 | 1CO 16:5 | गो मासीडोनीया रागी लाक्शा, इन कली ग्रुम्थ जाक्नुङ। प्रेरित १९:२१ |
| 28960 | 2CO 5:15 | मिनु मेको नेल्ल आन पर्बम बेक्त। मिनु ब्रोंइशोपुकी मुल रे आंम पर्बम मब्रोंइमल। तन्न येसु कली ब्रोंइमल। मारदे हना मेको आन पर्बम साइश्शा, सेंसीचा पुंइसाक्व। रोमी १४:७-८ |
| 30245 | HEB 11:6 | थमा मसुइक्थु मेको आ थुं नुपाइक्ने मजाप्ब। परमप्रभु यावे आ नेक्था जाक्दीन्ने यो मजाप्ब। मेको बाक्ब, दे थमा सुइक्चा माल्ब। मिनु मेको बाक्ब, दे थमा सुइक्बपुकीम मेको कली माल्नीम। मिनु आ कली माल्ब आन कली तपांइसीब। |
| 30271 | HEB 11:32 | में ङा लाक्शा मार देंनुङा? मारदे हना मोदेंशो थमा सुइक्ब शुश बाक्नीम। गिदोन, बाराक, साम्सोन, येफ्ता, दाऊद, सामुएल नु परमप्रभु यावे आ लोव़ पाइब नेल्ल आन पशो मिम्पाइक्तन्नी हना, आं लोव़ गेनायो मनुप्ब। न्यायाधीस ६:११- ८:३२; न्यायाधीस ४:४-२४; न्यायाधीस १३:१-१६,३१; न्यायाधीस ११:१-१२,७; १सामुएल १७:-; दानीएल ६:- |
| 30631 | 1JN 2:14 | मिनु आं आलपुकी, गो इन कली मारदे ब्रेक्ताक्ङ देंशा हना, गे इं आफ कली तुइक्नीनी। गो आम आफ इन कली मारदे ब्रेक्ताक्ङ देंशा हना, गे ङोंइती रे बाक्ब कली तुइक्ब बाक्नीनी। गो ठेयब वोंइश आल इन कली मारदे ब्रेक्ताक्ङ देंशा हना, गेपुकी बोल्यो दुम्तीनी। गे परमप्रभु यावे आ लोव़ इन थुंमी वोइश्शा, सैतान कली ग्रातीनी। मोपतीके गो इन कली ब्रेक्ताक्ङ। एफिसी ६:१०; |
| 30837 | REV 4:1 | मिनु नोले सरीङ गे कोव़ता। मिनु मेकेर लाप्चो का रोक्शा वोइश्शो ताता। मिनु ङोंइती आं नेंशो तुराही ताप्शो खोदेंशो ठेयब सेंदा लेंशा नेंता। मेको सेंदामी “एक कुवो। नोले मार दुम्बा, गो इ कली कोंइनन” दे माइक्ती। प्रकाश १:१० |