1	GEN 1:1	Bagubagunana eai Eaubada galewa eo tanoubu i hetubudi.
3	GEN 1:3	Na Eaubada i ene, “Bena i mara;” to ie mara.
9	GEN 1:9	Abo Eaubada i ene, “Bena goila galewa ubuna eai i abigogoi ena aba’ota esega, bena tano pitapitarina i taumasaraha.” Hinage doha, ie tubu.
11	GEN 1:11	Abo Eaubada i ene, “Bena tano ginauri ini’inidi se ini, ma tumadi, eo uaua oeagidi, uauadi se toredi boeadi eai tumadi, esa, esa ano ao i lauwatai tano potana eai.” Hinage doha, ie tubu.
20	GEN 1:20	Eaubada i ene, “Bena gabogabo ginauri maumauridi eawoidi i hetubudi, eo manu tano ewana eai se loiloiusi galewa tehana eai.”
24	GEN 1:24	Eaubada i ene, “Bena tano ginauri maumauridi adi ao udoi udoi eai i hetubudi; bulumakau ginauri se daladalausi, suisui udoi udoi adi ao udoi udoi eai.” Hinage doha, ie tubu.
26	GEN 1:26	Abotai Eaubada i ene, “Bena tau ta hetubu tautauda eai, eo ada ao eai; eo isi bena gabogabo eamadi se tanuagaidi, eo eada manudi, eo bulumakau, eo tano maudoina, eo ginauri gamagaridi tano eai tau‐daladalausi.”
42	GEN 2:11	Bagubagunana esana Pisona; ia ede i lau Havila tehana maudoina i hetaiiri, temetai gold wa;
181	GEN 7:21	Buluma maudoina tanoubu eai se moimoiu ede se mate ohi, manu, bulumakau, suisui, eo ginauri maumauridi eawoidi tanoubu eai se laulau; eo tatao gamagaridi.
197	GEN 8:13	Borimai handere hehaligigi‐esegana eai, nawalai bagubagunana asubenana bagubagunana eai, goila se guma’o tanoubu eai; Noa ake atohina abo i abihai, i italau tanoubu ana ao ie ita, i pitari’o.
245	GEN 10:10	Ena basileia ena aba‐tubu ede Babela, Ereke, eo Akada eai, gamagaridi Sinara oeana eai.
274	GEN 11:7	Besi, ta dobi arinadi ta hepilipilidi, abo esau esau arinadi nige se atailobaidi.”
276	GEN 11:9	Arinai esana se ribaei Babela, paana nei eai GUIAU tanoubu tataodi arinadi i hepilipilidi, eo nei eai i hetatagorigoridi tanoubu potana eai se lau tupo gamagari.
307	GEN 12:8	Abo i taulau oea tupina Beteli tupo aruabuna eai, ena numa‐lulu i hetoro, Beteli tupo ealasi eai, eo Eiai tupo aruabu eai, nei eai aba‐aitalasam esau i hetoro GUIAU enana, eo GUIAU esana i atai.
322	GEN 13:3	Ena lauwasi wa Negeba eai i taudaru ie lau e Beteli eai ie lage, ena numa‐lulu ena aba‐hetorona bagubagunana eai wa, Beteli eo Eiai sorasoradi eai.
328	GEN 13:9	Tano maudoina ede matam eai me, e nige’e? Besi u abihesuara’uioim. Ena tupo nima‐seuseurim eai u abi, eau abo tupo tutu eai ea lau; e ena oa bena tupo tutu u abi, eau abo ea lau tupo seuseuri eai.”
339	GEN 14:2	teina wasawasa ta iala se hetubu Bera, Sodoma edi wasawasa arinai, eo Birisa, Gomara edi wasawasa arinai, eo Sinaba, Adama edi wasawasa arinai, eo Semeba, Seboima edi wasawasa arinai, eo Bela edi wasawasa hinage (ia ede Soara wa.)
341	GEN 14:4	Borimai saudoudoi‐labui Kedorolaoma se heayaiyei, na borimai hesaudoudoi‐haiona na na se oipiriei.
345	GEN 14:8	Abotai Sodoma edi wasawasa, Gomara edi wasawasa, Adama edi wasawasa Seboima edi wasawasa eo Bela edi wasawasa, (ia ede Soara) se torohai se lau iala hesabana Sidima gonuna eai wa,
363	GEN 15:2	Na Aberama i ene, “Guiau EAUBADA, saha abo u leama, paana eau nige natugu, eo egu numa tanuagana hede Eliesera, Damaseko tauna wa.”
369	GEN 15:8	Na ia i heuio i ene, “Guiau EAUBADA e, edohana abo ea nuatui, hede abo ea abi enagu?”
370	GEN 15:9	Arinai i ene, “Bulumakau bawesina ena borimai haiona u leama, eo goti bawesina ena borimai haiona, eo mamoe tamoana ena borimai haiona, eo bunebune, eo gabubu natuna.”
396	GEN 16:14	Arinai goila wa esana se ribaei Biera‐lahai‐roi; ia ede Kadesa eo Bereda duaduaridi eai.
430	GEN 18:5	Na aiai ami begana ea leama, amnamiu se lolo abotai emi eda eai au lau; paana au laoma’o ina emi heaheari tauna arinai.” To si ene, “Besi, doha u ribaei wa u ginauri.”
466	GEN 19:8	Besi eau nanatuguyao sisine labui, isi sora nige tau se hailobai, besi ea hepesadiwa, saha au henua aridi eai au abi abo au abi; ia mo tatao ta aridi eai tabu saha au abi, paana isi se laoma egu numa tauaitaumana.”
470	GEN 19:12	Abotai wau tatao labui se ribalau Lota arinai si ene, “Em tataoyao aidobudi inai? Bosiamyao, eo nanatumyao tatao, e nanatumyao sisine, enamyao eai eanua eai ta, teha eai ta u woea‐hepesadi.
479	GEN 19:21	I ribaheuio i ene, “Besi, em aiboda ta ea leawa hinage, arinai eanua u ribaei ne taba nige ea hebaaea.
496	GEN 19:38	Taumurita ia hinage natuna tau i labasi, eo esana ie tore Ben‐ami; ie Amona tataodi tamadi ede, i laoma e wau ta.
503	GEN 20:7	Besi, tau wa monena u moseuioi; paana ia peroweta, ia abo enam i lau‐uura arinai oa abo u mauri. Na ena nige u moseuioi, u nuatui mamohoi ariri abo u mate, oa maem tataoyao gamagaridi.”
528	GEN 21:14	Arinai maratomtom eai Aberahama i toroheula ariri falawa ie abi, eo sarai opina eai goila i hegoi, Hagara i mosei, i toresae dabayarona eai, natuna hinage, eo i hetamari ie lau. To ie lau abo i laulau gaibu Biera‐siba barabarana eai.
545	GEN 21:31	Arinai teha ne esana se tore Biera‐siba paana nei eai taudi labui se riba aigora.
546	GEN 21:32	Arinai Biera‐siba eai edi ribahesunuma se ginauri, abotai Abimeleko maena Pikolo ena iala bodana tauwoeaina wa se torohai se uio Pilistia edi tano eai.
547	GEN 21:33	Aberahama oeagi tabuna esau i umai Biera‐siba eai abo nei eai GUIAU esana i atai, Mauri Nige Nosina Eaubadana.
567	GEN 22:19	Arinai Aberahama ie uio ana hewari aridi eai to se torohai se lau esega se lau Biera‐siba, Aberahama ena aba mia Biera‐siba eai.
569	GEN 22:21	Husa taubaguna, maena tau Busa, Kemuela, Arama tamana.
570	GEN 22:22	Kesa, Haso, Piledasa, Iedelapa eo Betuela.
571	GEN 22:23	Betuela abotai Rebeka tamana ede, tataodi haligigi haiona Mileka i labasidi Nahora enana, Aberahama ena tau.
587	GEN 23:15	“Egu guiau e, u ataiegu wa, tano maisana silver sekela handere hasi, oa eo eau arida eai meta saha? Bena em taumate u tore mo.”
607	GEN 24:15	Na Rebeka ie ita, sora ma ribaribana, Betuela natuna, ia Mileka natuna, Nahora Aberahama ena tau wa monena. Siu wa i pesama dabayarona eai goila leduna i bahei, i laolaoma.
616	GEN 24:24	Siuna i ribaheuio i ene, “Eau Betuela natuna sine, ia Mileka natuna tau, Nahora arinai i labasi.”
639	GEN 24:47	Abo ea oimuri ea ene, ‘Oa eai natuna?’ I ene, ‘Eau Betuela natuna siu, ia Nahora natuna, Mileka i labasi wa.’ Arinai bea omo’omo ea toredi, eo arima imana eai.
642	GEN 24:50	Abo Labana eo Betuela ribana se heuio si ene, “Ginauri ta GUIAU arinai i laoma, ai taba nige saha ai ribaei lolona e baaeana.
654	GEN 24:62	Isaako Biera‐lahai‐roi huana eai wa i laoma, Negeba tehana eai i miamia.
670	GEN 25:11	Aberahama ena mate murina eai natuna Isaako, Eaubada i helolo, Isaako wa Biera‐lahai‐roi eai ie mia.
679	GEN 25:20	Isaako ena borimai tatao labui se mate, na Rebeka ie abi monena, ia Betuela natuna siu, Arama tauna wa Padana‐arama eai ie mia, eo louna Labana Arama tauna.
682	GEN 25:23	GUIAU i ribalah ia arinai i ene, “Basileia labui oa bogam eai, tatao peledi labui oa arim eai se labasidi, abo se peilabuiedi, esau abo i adidiri, ena tau abo i saepoi, taubaguna abo tau murita ena heaheari eai i lau.”
684	GEN 25:25	Bagubagunana i laoma i buiabuia, tauna maudoina se orooro doha lulu oroorona; arinai esana se tore Isoa.
709	GEN 26:16	Abimeleko i ribalau Isaako arinai i ene, “Besi, u lausuaraemai, paana u didiga ariri, nige doha ai.”
716	GEN 26:23	Nei eai i torohai ie sae Biera‐siba.
726	GEN 26:33	Esana ie tore Siba; ia ede eanua esana wa i laoma e wauta ede Biera‐siba.
727	GEN 26:34	Isoa ena borimai tatao‐labui‐se‐mate abo monena Iudita ie hai Bieri Hito tatuna natuna sine, eo Basemata, Elona, Hito tauna natuna sine;
776	GEN 28:2	U torohai u lau Padana‐arama eai, sinam tamana Betuela, ena asa eai, nei eai Labana, sinam louna wa, natuna esau u abi u tawasorai.
779	GEN 28:5	Doha ina Isaako Iakobo i hetamari ie lau, to ie lau Padana‐arama eai, Labana arinai Betuela natuna, Arama tauna wa, ia Iakobo eo Isoa sinadi, Rebeka, louna.
784	GEN 28:10	Iakobo Biera‐siba i laugabaei, eo Harana hesabana i laulau,
793	GEN 28:19	Dimo ne esana ie tore Beteli na dimo ne eanuana bagubagunana eai wa esana Lusa.
825	GEN 29:29	(Abo Labana ena heaheari sinena Bilaha i mosei natuna Rahela arinai abo ena heaheari.)
834	GEN 30:3	Abo Rahela i ene, “Te, egu heaheari sinena Bilaha wa, u lau arinai merumeru i labasidi eau nuanuagu eai, abo nanatuguyao ea abidi ia arinai.”
835	GEN 30:4	Arinai ena heaheari sinena Bilaha i mosei ie abi monena, eo Iakobo ie lau arinai.
836	GEN 30:5	Abo Bilaha ie boga, eo Iakobo arinai natuna tau i labasi.
838	GEN 30:7	Rahela ena heaheari sinena Bilaha i bogauio, eo Iakobo natuna helabuina i labasi.
846	GEN 30:15	Na ia wa i heuio i ene, “U ene ginauri gagirina mo monegu arigu eai u woeahesuara, eo abo natugu ana uaua u abidi hinage?” Rahela i ene, “Besi maiona ta arim eai abo i eno, natum ana uaua maisadi.”
858	GEN 30:27	Na Labana i ribalau arinai, i ene, “Besi abo ea ribaei, heiheinoi headi aridi eai ea italabaiyao, hede oa debam eai GUIAU i ainauia aririegu.
887	GEN 31:13	Eau Beteli Eaubadana, temeta we’u duna enagu u hetoro eo u he’eausi eo em aigora u aigoraei arigu eai. Aboina u torohai eanua ta u torohaigabaei, eo u uio aba‐labasim tanona eai.’”
912	GEN 31:38	Borimai tau‐esega‐i‐mate boeadi eai ta miaesega, em mamoe bawesinadi eo em goti bawesinadi nanatudiyao nige se gabaedi, to em mamoe tamoadi nige ea aidi.
915	GEN 31:41	Borimai tau‐esega‐i‐mate em numa eai ea miamia, eo borimai saudoudoi‐hasi enam ea paipaisoa nanatumyao sisine debadi eai, abo hinage borimai haligigi‐esega em bulumakau debadi eai, eo masaudoudoi egu maisa u buidi.
969	GEN 33:8	Abo Isoa i hesio i ene, “Dodoga pelena lailaina wau ea hailobai aniona saha?” Iakobo i heuio i ene, “Bena abo arinai em nualolo ea hearo.”
1013	GEN 35:1	Abotai Eaubada i ribalau Iakobo arinai i ene, “U torohai u sae Beteli, abo nei eai u mia, abo Eaubada ena aitalasam hatahatana u ginauri, Eaubada ia wa i taumasaraha arim eai huiana eai wa em tau Isoa u dagogabaei.”
1015	GEN 35:3	abo hage ta torohai ta sae Beteli eai, abo nei eai Eaubada ena aitalasam hatahatana ea ginauri, ia, huiana wa ea nuadubu ariri egu uura i ataiei, eo hinage egu abalau gamagaridi aridi eai ia maegu.”
1018	GEN 35:6	Abo Iakobo ie lage Lusa eai, ia ede Beteli, Kanana tanona eai wa ia eo ana bodao gamagaridi maenayao.
1020	GEN 35:8	Na Debora, Rebeka tauabihelaina, ie mate, to se tore Beteli eai, oeagi lailai paana eai. Abo oea wa esana se tore Alona‐bakuta.
1023	GEN 35:11	Abo Eaubada i ribalau arinai i ene, “Eau Eaubada Gigibori‐aririna. Am isimurita abo se gamagari ariri. Basileia eo hinage basileia gamagaridi oa arim eai abo se laoma, eo oa tumam eai abo wasawasa se labasidi.
1027	GEN 35:15	Eo Iakobo Eaubada maena edi aba‐ribariba dimona wa esana ie tore Beteli.
1028	GEN 35:16	Beteli se torohaigabaei nige baeaona abo se lage Eparata eai, na Rahela dagelana i amamna ariri to ana paisoa i pilipili ariri.
1030	GEN 35:18	Na earuana bena i torohai, paana abo i odalele, kaimou esana ie tore Benoni, na tamana esana ie tore Beniamina.
1031	GEN 35:19	Rahela i lautom to Eparata dobilana gegesina eai se tore, iaede Betelehema.
1034	GEN 35:22	Abo Isaraela nei tupo eai ne ie mia, na huia esau Reubena i laoma Bilaha arinai, tamana monena esau wa, maena se enobili, abo Isaraela wasana i ataiei. Iakobo nanatunayao tatao saudoudoi‐labui.
1036	GEN 35:24	Rahela nanatunayao tatao: Iosepa eo Beniamina.
1037	GEN 35:25	Bilaha, Rahela ena heaheari sinena, nanatunayao tatao: Dani, Napatali.
1044	GEN 36:3	Eo Basemata, Isamaela natuna sine, Nebaiota louna.
1045	GEN 36:4	Ada Elipasi i labasi Isoa arinai, eo Basemata Reuela i labasi.
1051	GEN 36:10	Isoa nanatunayao tatao esadi ede ina, Elipasi, Ada, Isoa monena natuna tau; Reuela, Basemata, Isoa monena, natuna tau.
1054	GEN 36:13	Reuela nanatunayao tatao ede ina: Nahata, Seraha, Sama eo Misa; isi ede Basemata Isoa monena nanatunayao tatao.
1058	GEN 36:17	Isoa natuna tau Reuela nanatunayao tatao ede ina: bada Nahata, bada Seraha, bada Sama, bada Misa. Isi babada ede Reuela arinai se laoma, Edoma tanona eai, Basemata Isoa monena nanatunayao tatao.
1068	GEN 36:27	Esera nanatunayao ede ina: Bilihani, Saavani, eo Eikani.
1071	GEN 36:30	Bada Disoni, bada Esera eo bada Disani; ina Hori tataodi Seira tanona edi babadayao.
1073	GEN 36:32	Bela, Beora natuna tau Edoma tanona i tanuagai, eo ena eanua esana ede Dinaba.
1074	GEN 36:33	Bela ie mate abo Iobaba, ia Seraha, Bosira tauna natuna i helaudamaei, i hemala wasawasa.
1076	GEN 36:35	Husami ie mate, lauhedamaina abo Hadadi, Bedadi natuna tau ia Midiani tataodi Moaba oeana eai i saepoidi, i hemala wasawasa. Ena eanua esana ede Avita.
1079	GEN 36:38	Saulo i odalele abo Baal‐hanana, Akebore natuna tau, i hemala wasawasa.
1080	GEN 36:39	Baal‐hanana, Akebore natuna tau i lautom, abo Hadara i helaudamai i hemala wasawasa: ena eanua esana Pau, monena esana Mehetabele, ia Matareda natuna sine, Matareda wa Mesahaba natuna sine.
1082	GEN 36:41	Bada Oholibama, bada Ela, bada Pinoni.
1083	GEN 36:42	Bada Kenasi, bada Temani, bada Mibisa.
1084	GEN 36:43	Bada Magadiela, eo bada Irami. Isi ede Edoma edi babadayao, esau esau edi tano eai se mia, ia ede Isoa tanona, ia Edoma tataodi tamadiyao.