3	GEN 1:3	Na Eaubada i ene, “Bena i mara;” to ie mara.
33	GEN 2:2	Na asubena hehaligigi‐labuina eai Eaubada paisoa i paisoaei wa, i heohi, arinai asubena hehaligigi‐labuina eai ana paisoa gamagaridi wa i aiyawasiedi.
49	GEN 2:18	Abo GUIAU Eaubada i ene, “Nige i lolo tau iabom mo i mia; ana sagu abo ea ginauri abo i lau loloei.”
57	GEN 3:1	Nuura suisuidi GUIAU Eaubada i hetubudi wa, boeadi eai mota iabom i sonoga ariri. I ribalau sine arinai i ene, “Eaubada i ene taba nige oea ta oeagina uauadi au aidi, wa?”
65	GEN 3:9	Na GUIAU Eaubada i eogalau Adamu arinai i ene, “Oa ede haedi?”
84	GEN 4:4	Na Abela ena mamoe eawoina natu‐ealahoudi, tubutubu‐lolodi i ledima. GUIAU Abela ena ainauia i heasisiei,
96	GEN 4:16	Kaina GUIAU matana abo i laugabaei, ia abo Nodi oeana eai ie mia, Edena teha aruabu eai.
102	GEN 4:22	Silaha abo Tubala‐kaina i labasi; ia ena aba‐paisoa poasi, iron eo bronze tauginaurina. Tubala‐kaina louna ede Naama.
135	GEN 5:29	To esana wa ie tore Noa, i ene, “Tano GUIAU i ribahemate wa boeana eai te ina ta abo aba‐aiyawasina i leama, ada paisoa arinai eo nimada edi paipaisoa aridi eai.”
136	GEN 5:30	Noa se labasi wa murina eai Lameka ie mia borimaina handere haligigi eo tatao‐hasi‐semate‐saudoudoi‐haligigi, eo nanatunayao headi, tatao eo sisine i abidi.
138	GEN 5:32	Noa borimai handere haligigi ie mia, abo i hemala Sema, Hama eo Iapeta tamadi.
146	GEN 6:8	Na GUIAU matana eai Noa iabom arinai i nualoloei.
147	GEN 6:9	Noa wa isina ede ina. Noa tau laulau duduraina, isina boeana eai iabom nige giruna; Noa maena Eaubada se laulau esega.
148	GEN 6:10	Eo Noa nanatunayao haiona, Sema, Hama eo Iapeta.
151	GEN 6:13	Abo Eaubada Noa arinai ie riba, i ene, “Nuagu bena buluma gamagari ea helautomdi; paana isi debadi eai manamanabara tanoubu i monau; besi, maedi tanoubu abo ea hebaaeadi.
156	GEN 6:18	Na oa mo arim eai egu aigora abo ea hetoro; oa abo u awasaema ake arona eai, oa eo nanatumyao tatao wa, eo monem, eo nanatumyao monediyao maemyao.
160	GEN 6:22	Noa teina i ginauri; riba maudoina Eaubada i ribahasahasai wa, i ginauri heohidi.
161	GEN 7:1	Abotai GUIAU i ribalau Noa arinai i ene, “U awasae ake arona eai, oa eo maem numa taumia gamagaridi, paana ea itam’o oa tau abidudurai matagu eai, teina isi ta boeana eai.
165	GEN 7:5	Abo Noa riba gamagaridi GUIAU i lauhesom wa, i ginauriheohidi.
166	GEN 7:6	Noa ena borimai handere haligigi‐esega, nei huia ne dibori utu’utu i lagema tanoubu potana eai.
167	GEN 7:7	Abo Noa ma nanatunayao tatao, ma monena, ma nanatunayao wa monediyao, se awasaegogo ake eai dibori utu’utu goilana wa bena se dagoei.
169	GEN 7:9	labui labui, tamoana eo bawesina, Noa maena i abiesegaidi ake wa alona eai, doha Eaubada Noa i lauhesom wa.
171	GEN 7:11	Noa ena borimai handere hehaligigi‐esegana eai, nawalai helabuina eai, nawalai asubenana hesaudoudoi‐haligigi‐labuina eai, temeta asubenana eai ne, goila edi aba‐ota gabotum lailaidi eai se malapai, se boriri saema, eo galewa tomlapaidi se soeauridi.
172	GEN 7:12	Nabu abo i taru esegai, tanoubu potana eai asubena tatao‐labui‐se‐mate eo maiona tatao‐labui‐se‐mate.
173	GEN 7:13	Asubena eai ne Noa ma nanatunayao Sema, Hama, eo Iapeta, eo Noa monena, eo nanatunayao monediyao haiona, se awasae ake eai wa.
175	GEN 7:15	Se awasae ake alona eai, maedi Noa, buluma maudoina mauri eawasina aridi eai wa, labui to labui se awasae.
183	GEN 7:23	Ginauri maumauridi tanoubu potana eai ta, i saugabae‐heohidi, tau, suisui, ginauri daladalausidi, malagaibu manudi, tanoubu eai se saugabaedi. Noa iabom ie mia, eo isi wa ia maenayao ake alona eai wa.
185	GEN 8:1	Na Eaubada Noa i nuatui, eo suisui gamagaridi eo bulumakau gamagaridi ia maena ake eai wa. Abo Eaubada mana i hetoa tanoubu eai, abo goila i hetubu ie dobi;
190	GEN 8:6	Asubena tatao‐labui‐se‐mate muridi eai Noa ake i ginauri wa tomlapaina ie soe.
193	GEN 8:9	Na bunebune wa aena nige ena aba‐toa i lobai, arinai ie uioma ake eai, paana goila wa sorana tanoubu maudoina potana eai. Arinai nimana i helele, bunebune wa i abiuioi ia arinai, ake alona eai.
195	GEN 8:11	Maimailahi eai bunebune wa i uioma arinai, to ne, awana eai olive luguluguna harihariuna ie losi arinai Noa ie ita, omihede goila se guma’o tanoubu eai.
197	GEN 8:13	Borimai handere hehaligigi‐esegana eai, nawalai bagubagunana asubenana bagubagunana eai, goila se guma’o tanoubu eai; Noa ake atohina abo i abihai, i italau tanoubu ana ao ie ita, i pitari’o.
198	GEN 8:14	Nawalai helabuina eai, nawalai asubenana tau esega‐i‐mate‐haligigi‐labuina eai, tanoubu abo i pitari mamohoi.
199	GEN 8:15	Abo Eaubada i ribalau Noa arinai, i ene,
202	GEN 8:18	Arinai abo Noa ie pesa, ma nanatunayao, ma monena eo nanatunayao ma monediyao.
204	GEN 8:20	Noa abo aitalasam hatahatana i hetoro GUIAU arinai, eo suisui aa’aadi udoi udoi wa, eo manu aa’aadi, esega esega i abidi ena aitalasam hatana eai i gabudi.
207	GEN 9:1	Abo Eaubada Noa mananatunayao i ainauiaidi, aridi eai i ene, “Au ua hegamagari, tanoubu au hemonau.
213	GEN 9:7	Na omi, au ua eo au gamagari, aniomiu bena se tubu ariri tanoubu eai ta, eo arinai bena au tadada.”
214	GEN 9:8	Abo Eaubada i ribalau Noa ma nanatunayao aridi eai i ene,
223	GEN 9:17	Eaubada i ribalau Noa arinai i ene, “Aigora heiheinoina ede ina, eau ea hetoro ede, eau eo buluma maudoudoina tanoubu eai ta matada eai.”
224	GEN 9:18	Noa nanatunayao tatao wa, isi ede ake se pesagabaei wa, ede Sema, Hama eo Iapeta. Hama ede Kanana tamana.
225	GEN 9:19	Teina tataodi haiona ta ede Noa nanatunayao, isi aridi eai tanoubu maudoina se tubuma.
226	GEN 9:20	Noa ede tano tau giarina bagubagunana. Ia vine oeana i umai;
230	GEN 9:24	Abotai Noa ena waina nomna arinai i siliata, natuna taumurita wa ena abi i nuatuiya’o.
234	GEN 9:28	Dibori utu’utu wa murina eai, Noa borimai handere haiona eo tatao‐labui‐se‐mate‐saudoudoi ie mia.
235	GEN 9:29	Noa ena asubena gamagaridi ede borimai handere haligigi‐hasi eo tatao labui‐se‐mate‐saudoudoi; abotai ie mate.
236	GEN 10:1	Noa ma nanatunayao Sema, Hama eo Iapeta, isidi ede ina; ma nanatudiyao hinage dibori utu’utu wa murina eai se labasidi.
243	GEN 10:8	Kusa i hemala Nimoroda tamana; ia taubagubagunana tanoubu eai ta i hemala tau didididigana.
244	GEN 10:9	Ia tauailoea saesaena GUIAU matana eai; arinai ede se ribaei si ene, “Doha Nimoroda, tauailoea saesaena GUIAU matana eai.”
246	GEN 10:11	Oea eai ne i torohai i lau Asiria, eo Ninive eanuana i hetoro, eo Rehobote‐iro, Kalaha,
247	GEN 10:12	eo Reseni Ninive eo Kalaha duaduaridi eai; ia eanua lailaina wa.
248	GEN 10:13	Aigupito i hemala Ludim, Anamino, Lehabim, eo Naputuhim tamadi.
267	GEN 10:32	Teina Noa nanatunayao adi bogaoyao ede, ma adi isi edi basileia eai; basileia ta aridi eai se tadada tanoubu tupo gamagari eai, dibori utu’utu wa murina eai.
289	GEN 11:22	Seruga borimai tau‐esega‐i‐mate saudoudoi ie mia, abotai i hemala Nahora tamana;
290	GEN 11:23	Nahora se labasi murina eai Seruga borimai handere labui ie mia, eo nanatunayao headi, tatao eo sisine i hetubudi.
291	GEN 11:24	Nahora borimai tau‐esega‐i‐mate eo haligigi‐hasi ie mia, abotai i hemala Teraha tamana;
292	GEN 11:25	Teraha se labasi murina eai Nahora borimai handere esega eo saudoudoi‐haligigihasi‐ie‐mia, eo nanatunayao headi, tatao eo sisine, i hetubudi.
293	GEN 11:26	Teraha ena borimai tatao‐haiona‐se‐mate‐saudoudoi ie mia, abotai i hemala Aberama tamana eo Nahora, eo Harana.
294	GEN 11:27	Teraha ana isimurita ede ina. Teraha ia Aberama, Nahora, eo Harana tamadi; na Harana ia Lota tamana.
296	GEN 11:29	Aberama eo Nahora monediyao se tawasoraidi; Aberama monena wa esana Sara, eo Nahora monena esana Mileka, ia Harana natuna, Mileka eo Iseka tamadi wa.
297	GEN 11:30	Na Sara mo i agari; ia nige natuna.
305	GEN 12:6	Aberama eanua i baeawai i lau e ie lage teha esau Sekema eai, More aiaruna wa arinai. Nei huiana eai ne Kanana tataodi ma miadi tano eai ne.
308	GEN 12:9	Abotai Aberama ena lauwasi i lauei Negeba hesabana ie lau.
316	GEN 12:17	Na GUIAU Parao i heai’iwala, ma ena numa taumiana, iwala lailaidi se hearodi, Sara, Aberama monena wa, debana eai.
320	GEN 13:1	Arinai Aberama Aigupito i laugabaei, ia ma monena, eo ena ginauri maudoidi, maena Lota hinage, se seuio Negeba eai.
322	GEN 13:3	Ena lauwasi wa Negeba eai i taudaru ie lau e Beteli eai ie lage, ena numa‐lulu ena aba‐hetorona bagubagunana eai wa, Beteli eo Eiai sorasoradi eai.
325	GEN 13:6	Nige gonoadi tanona ne i heaidi ena se mia esega, paana edi gogo se lai ariariri, nige gonoadi se mia gogo.
347	GEN 14:10	Na Sidima gonuna tar ipudi se monau; Sodoma eo Gomara edi wasawasa se dagodago, na isi headi wau ipudi aridi eai se beu maudoidi se dago se sae oea tupidi eai.
359	GEN 14:22	Na Aberama Sodoma edi wasawasa arinana i heuio i ene, “GUIAU Eaubada Saesaearirina galewa eo tanoubu tauginauridi, arinai ea riba aigora’o.
363	GEN 15:2	Na Aberama i ene, “Guiau EAUBADA, saha abo u leama, paana eau nige natugu, eo egu numa tanuagana hede Eliesera, Damaseko tauna wa.”
365	GEN 15:4	Na hedeona, GUIAU ena riba i uioma arinai, i ene, “Teina tau ta ia taba nige em gogo tauabina; oabom natum tahunuana em gogo abo i abi.”
367	GEN 15:6	Na ia GUIAU ena riba i awa‐mamohoiei, arinai ede se nuatulaei si ene laulau‐duduraina meta.
369	GEN 15:8	Na ia i heuio i ene, “Guiau EAUBADA e, edohana abo ea nuatui, hede abo ea abi enagu?”
374	GEN 15:13	Abo GUIAU i ribalau Aberama arinai i ene, “Nuam eai bena i masaraha ariri, am isimurita abo eanua udoi arinai se mia, eanuana nige enadi, na ma‐auaudi abo se mia, eo abo se heporohedi borimai handere hasi sorasoradi eai.
375	GEN 15:14	Na basileia wa se heayaiyei eau abo heduduraina ea ginauri, eo abotai abo se pesagabaei ma edi gogo maudoidi.
376	GEN 15:15	Na oa mo abo u lau tamamyao aridi eai ma nuabigam; u tautaubada‐ariri’o abotai se torem.
388	GEN 16:6	Na Aberama Sara ena riba i heuio i ene, “Taiede, em heaheari sinena ta ede oa nimam eai; saha u henua u abi arinai abo u abi.” Abo Sara sine wa i abi‐baaeai, to ie dago.
407	GEN 17:9	Eaubada ie riba Aberahama arinai i ene, “Na oa mo, oa abo egu aigora ribadi u sogohidi, oa eo am isimurita se murimuritama wa, isidi gamagaridi eai.
413	GEN 17:15	Eaubada abo i ribalau Aberahama arinai, i ene, “Na Sara monem wa, tabu esana u atai Sara, ia esana abo Saraha.
417	GEN 17:19	Eaubada i ene, “Nige’e, na monem Saraha abo natum i labasi, eo esana abo u atai Isaako. Egu aigora abo ea hemamohoiei ia arinai, aigora miamiatahitahina eo ana isimurita murina eai enadi hinage.
418	GEN 17:20	Na Isamaela wa, em riba ea ataieiya’o; u ita, abo ea ainauiai hinage, ea he’ua eo ea hegamagari aririei; wasawasa saudoudoi‐labui ia abo tamadi ede, abo ea hetoro i hemala basileia saesaena.
419	GEN 17:21	Na egu aigora wa Isaako arinai abo ea hetoro, ia wa Saraha abo enam i labasi, inata arinai ie lau borimai esega.”
423	GEN 17:25	Natuna tau Isamaela ena borimai saudoudoihaiona se lauo abo se heperitome bulumana opina eai.
430	GEN 18:5	Na aiai ami begana ea leama, amnamiu se lolo abotai emi eda eai au lau; paana au laoma’o ina emi heaheari tauna arinai.” To si ene, “Besi, doha u ribaei wa u ginauri.”
435	GEN 18:10	I ene, “Abo ea uioma arimiu eai, borimai sigana eai, monem Saraha abo natum i labasi.” Na Saraha wa ia numa‐lulu guduna murina eai i ata’atai, dagelana eai.
440	GEN 18:15	Na Saraha i halele, i ene, “Eau nige ea maruhi” — paana i matausi. GUIAU i ene, “Nige’e, na u maruhi wa!”
444	GEN 18:19	Nige’e, paana ia egu hineri tauna, abo nanatunayao eo ena numa tataodi murina eai i heatadi GUIAU ena laulau se sogohidi, laulau dudurai eo abi dudurai hinage; bena GUIAU saha i ribahesunumadi wa abo i hetubudi Aberahama arinai.”
460	GEN 19:2	I ene, “Egu guiau e, ea aibodaimiu bena au awasaema emi heaheari ta ena numa eai au eno, eo aemiu au deuridi; maraitom abo au toro heula emi dobila eai au lau.” Si ene, “Nige’e, ai abo maiona ta ai abi eanua dobiladi eai.”
461	GEN 19:3	Na i dudu adidiri; arinai se utugesi, se awasae ena numa eai; adi mataasi i ginauri eo falawa ahaaha adi ie gabu, to se ai.
462	GEN 19:4	Na sora nige se eno, eanua tataodi, Sodoma tataodi, hewahewaridi eo tatao lailaidi, tau maudoina, numa se hetaiiri.
467	GEN 19:9	Na isi mo si ene, “U torohihisi.” Eo si ene, “Tau ta ia taulaolaoma mo, na bena i toro doha tauhedudurai! Sora oa abo ai abi‐baaea aririem, abotai isi.” Lota se dudui aririei, se hanahanaui arinai bena dobila guduna se eatulopa.
468	GEN 19:10	Na wau tatao labui wa numa‐alo eai wa nimadi se helele Lota se toai se niuriama aridi eai, dobilana se gudu.
472	GEN 19:14	Arinai Lota ie pesa, i ribalau tatao bosianayao aridi eai, isi bena abo nanatunayao sisine se tawasoraidi wa, i ene, “Ehei, eanua ta au torohaigabaei; paana GUIAU eanua ta abo i hebaaea.” Na bosianayao wa aridi eai riba doha talawasi mo.
474	GEN 19:16	Na Lota i laulau bebeda, arinai tatao labui wa se tabelaeidi, ia ma monena, ma nanatunayao sisine labui, nimadi eai se abilau, GUIAU hede i nuatoatoaedi, arinai i woeaidi eo i hetorohaidi eanua murimurina eai.
477	GEN 19:19	Na emi heaheari tauna ta nualolomiu i hearo ina, eo emi abi se lolo ariri arinai au hemaurigu ta; na taba nige ea dago ea lau oea tupidi eai, ata nei eai sabom i hearogu to ea mate.
484	GEN 19:26	Na Lota monena ia murina eai i laulau, i itasinibui, to i hemala arita we’una.