56	GEN 2:25	Wau tau wa ma monena isi taudi labui ma kohakohadi, na nige se taumaeamaea.
270	GEN 11:3	Abo se oiriba si ene, “Ehei, hage bricks tano eai ta ginauridi, ta gabu komakomanidi.” Wau bricks wa se wa se hepaisoaedi doha edi we’u, eo tar se hepaisoa aba hepatu guduidi.
332	GEN 13:13	Wau Sodoma tataodi se hemanabara ariri, GUIAU tauhebaaeana saesaedi ede isi.
354	GEN 14:17	Kedorolaoma eo wasawasa maenayao wa tausaguina wa i hetatagorigoridi to i uioma na Sodoma edi wasawasa i torohai bena i hailobai Save gonuna eai (ia ede Wasawasa ena Gonu.)
582	GEN 23:10	Wau Eperona wa i babawa Hito tataodi boeadi eai, abo Eperona, Hito tauna wa, Aberahama ena riba i hemaisa Hito tataodi gamagaridi matadi eai, eo isi ena eanua dobilana aba‐lusorana matadi eai, i ene:
634	GEN 24:42	“Wauta ea lalage goila huana eai ea ene, ‘GUIAU e, tanuagagu Aberahama ena Eaubada e, taba egu lauwasi bena u heanio.
722	GEN 26:29	bena taba nige u hebaaeamai, doha ai nige saha ai ginauri arim eai na lolo mo eo ai hetamarim ue lau ma nuabigam. Wauta oa GUIAU i helolom.”
863	GEN 30:32	Wauta bena em suisui eawoina wa ea taudadaidi, arinai mamoe wieadi uriuridi eo mamoe nanatudi dubadubadi ea woeahaidi, eo goti hinage uriuridi eo tupona se dubaduba ea abidi hinage, temeta mo abo egu maisa?
920	GEN 31:46	Eo Iakobo i ribalau ena dodogayao aridi eai i ene, “We’u au tanogogoidi.” To we’u se peidi, abo we’u peina potana eai se aiaigogo.
1180	GEN 40:7	Arinai i hesiolau isi wa Parao ena paisoa tanutanuagadi aridi eai maenayao ana tanuaga ena numatutugudu eai wa, i ene, “Wauta paana saha ami ao se porohe?”
1484	GEN 49:10	Wasawasa tu’ena taba nige Iuda arinai se laeihesuara, eo taba nige tanuaga tu’ena aena duaduaridi eai se abihai i lau e tanuagana i laoma, eo ia abo tatao gamagaridi se awaabiei.
1498	GEN 49:24	Na ia ena pidu i adidiri esegai, paana Iakobo ena Eaubada Gigiborina ia nimana eai (Mamoe Tauitawataina esana eai, ia Isaraela ena We’utau.)
1930	EXO 15:9	Waiunu i ribaei, i ene, ‘Abo ea lauwataidi, abo ea lagewataidi, gogo abo ea soiei; egu henua aridi eai abo ea abiheohi. Egu elepa sumana eai abo ea niusi nimagu abo i unuhematedi.’
2019	EXO 18:19	Wauta arinagu u ataiei, abo ea riba hasahasaim, eo Eaubada abo maem. Oa abo u torolau Eaubada matana eai tatao enadi, eo edi aba‐haiabi wa abo u toredi Eaubada matana eai.
14265	PSA 24:7	Urumiu au lauisinidi, omi gana dobilamiu e! Omi se lauisinimiu, gudu lailaimiu beabeamiu e! Namanamari Wasawasana bena i lusorama!
14266	PSA 24:8	Wau namanamari Wasawasana wa eai? GUIAU ede, ma adidirina, ma gigiborina, GUIAU ia iala eai i gigibori wa!
14267	PSA 24:9	Urumiu au lauisinidi, omi gana dobilamiu e! Omi se lauisinimiu, gudu lailaimiu beabeamiu e! Namanamari Wasawasana bena i lusorama!
14268	PSA 24:10	Namanamari Wasawasana wa ia ede eai? Tauiala tataodi moutuadi GUIAUNA, ia ede namanamari Wasawasana!
14388	PSA 33:3	Wana harihariuna enana au wanai, au oi‐huelele komakomani ma arina lailaimiu!
14401	PSA 33:16	Wasawasa esau ena tauiala gamagaridi taba nige se hemauri; tauiala nuakipikipina iabom ena adidiri lailaina eai taba nige i mauri.
15324	PSA 84:4	Manu gagiridi edi abamia se lobaidi, manu hinage se abinoi, bena nanatudiyao edi abaota, oa em aitalasam hatahatana, tauiala moutuana GUIAUNA e, egu Wasawasa eo egu Eaubada.
15664	PSA 104:26	Waga hinage se adau se lau, ulaulasi hinage u ginarui abo nei eai i aiaihea.
16391	PSA 145:1	Egu Eaubada e, eo egu Wasawasa, oa abo ea hatoem, oa esam abo ea ribatausaei i lau e huia nige nosina.
16414	PSA 146:3	Wasawasa tabu au sunumaedi, tanoubu tauna hinage tabu au sunumaei, ia arinai nige aba haisagusagu.
23247	MAT 2:9	Wasawasa arinana se ataiei nonohai, abo se lau ipola wa tupo aruabu eai se ita wa, i eda‐bagunaedi, i lau e kaimou wa ena abamia potana eai i alasi.
23463	MAT 9:15	Iesu i heribadi i ene, “Wa, tautawasora harihariu ena heriam se nuadubu tautawasora maedi sora se miaesega? Na huiana abo i lagema, tautawasora harihariu abo se laesuara, nei asubenadi eai abo se aiaiudi.”
23478	MAT 9:30	Matadi abo se lala; arinai abo Iesu awadi i tawaidi, i ene, “Wasa ta tabu tau esau i ataiei,”
23606	MAT 12:48	Wau tau wa, tauheribana, arinana i heuio i ene, “Sinagu eai? eo egu tataoyao aidimodi?”
23636	MAT 13:28	I ribalau aridi eai i ene, ‘Waiunu esau ena laulau meta.’ Ena heaheari wa se ribalau ia arinai si ene, ‘U ene edoha, abo ai lau sisania ai laahaidi wa?’
23647	MAT 13:39	Waiunu tauhesuhesuruna ia ede diabolo: na ena huia suna tanoubu ena abalautom: na tau‐tanogogoi ede aneru.
23675	MAT 14:9	Wasawasa abo nuana i baaea; paana mo i aigorayao, eo isi maenayao se aiaisega debadi eai, arinai i hetaladuidi.
23690	MAT 14:24	Waga wa gabogabo awaawasina eai wowori i hetahetaipiledi: mana i loaoa.
23744	MAT 16:3	Eo maratomtom eai, au ene, ‘Wau ta abo ania i eabatutu’: paana ede ania i baaea. Omi tau boraborasom, galewa matana au nuatuiyao; na huiadi heiheinoidi abidi nige aue ata?
23778	MAT 17:9	Abo oea eai wa se leta se dobi, Iesu awadi i tawaidi, i ene, “Wau ginauri wa tabu tau esau au heriba, i lau e, Tau Natuna mate eai se hetorouioi.”
23824	MAT 18:28	Wau taupaisoa wa, ie pesa murimuri eai, helena taupaisoa esau i lobai denari tatao‐haligigi‐se‐mate i mosehagahagaidi: ia i toai, gadona i lamosi, i ene, ‘Am haga wa maisadi u ledima.’
23900	MAT 21:5	“Omi, Siona natuna siu au heriba, au ene, Hage u ita, em Wasawasa i lagema arim eai, i bulobulou, asini potana eai ie bawa, iaede asini natuna.” (Is. 62.11; Zech. 9.9).
23937	MAT 21:42	Iesu i ribalau aridi eai, i ene, “Omi, uriuri eai nige au hasiri wa, si ene, ‘We’u numa tauabidi se otaotaei, ia abo we’u tubeina eai ie lau: Guiau teina ie abi, ta itaitai, eo ta noonooei?’
23948	MAT 22:7	Wasawasa wa, wasana i ataiei, abo i ouyalayala: tauiala i hetamaridi, tauaiunu wa se unuidi, edi eanua hinage se gabugorigori.
23952	MAT 22:11	“Wasawasa wa i awasae numa alona eai taumana bena i itadi, na tau esau nei eai ie ita, ena hetahetawasora luluna wa nige i lui:
23954	MAT 22:13	Wasawasa abo i ribalau heaheari wa aridi eai, i ene, ‘Nimana eo aena au auauidi, au laehesuara, au gabadobei masigiri boeana eai: nei eai abo se doudou, eo moadi se taburueahisidi.’
23964	MAT 22:23	Wau asubenana eai wa Sadukea tataodi, isi si ene nige torouiona, se laoma ia arinai se oimuri.
24105	MAT 25:28	Wau taleni wa ia arinai au abi, au laei abo saudoudoi tauabidi arinai au mosei.
24111	MAT 25:34	Abo Wasawasa ie ribalau isi ia nimatutuna eai aridi eai, i ene, ‘Au laoma, omi Tamagu i nuawoiwoinaemiu, basileia mumuga eai tanoubu se hetubu se abi nonohaiao au abi enamiu.
24117	MAT 25:40	Wasawasa abo i ribalau isi aridi eai, i ene, ‘Mamohoi ea heribamiu ta, egu tau i hegehegegepo arinai ina laulau ta au laulauedi wa, doha ede au laulauedi arigu eai.’
24153	MAT 26:30	Wana esau se wana nonohai, abo se lau murimuri eai. Oliveta tupina eai. (Ioane 15, 16, 17 au hasiri.)
24185	MAT 26:62	Kohena saesaedaoina i toro i ribalau ia arinai, i ene, “Oa nige arinam? Wau taudi labui wa se ribataubigaim, u ene edoha?”
24209	MAT 27:11	Iesu gavana matana eai i totoro: gavana i oimurini i ene, “Oa Iudea edi Wasawasa wa?” Iesu ia i heriba i ene, “Oa u ribaei.”
24227	MAT 27:29	Oeagi nurinuridi arinai korona se haturi se heousaei ia uruna potana eai, eo didiari se tore ia nimatutuna eai: se turituribono ia matana eai, se liuliuaei, si ene, “Eauedo, Iudea edi Wasawasa e!”
24235	MAT 27:37	Uruna ewana eai ana mata se tore, se urisae, si ene, “TEINA TA IESU IUDEA EDI WASAWASA.”
24240	MAT 27:42	“Hari tatao mo i hemahemauridi: iabom hemauriuioina abina nige i ata. Ena ia Isaraela edi Wasawasa, satauro eai abo i pesadobima, ia abo ta sunusunumaei.
24428	MRK 4:36	Isi tatao moutuana se hetamaridi se lau, ia se abi waga eai, isi maedi. Waga headi maedi se lau.
24490	MRK 6:14	Heroda, Wasawasa, Iesu wasana i ataiei, i ene, “Nuana Ioane Bapatiso ede ina, ia mate eai ie torouioma, arinai ede paisoa gigibori ia i hemasarahadi.”
24502	MRK 6:26	Wasawasa wa nuana i baaea ariri; na paana ana matagabanu ena aigora se ataieyao, arinai ede ia nige i talaoriori.
24503	MRK 6:27	Wasawasa tauaiaiunu esau ie heribalaei, i ene, “Ioane uruuruna u abiyama.” Ia abo ie lau numa tutugudu eai, ia gadona ie tomutusi.
24704	MRK 10:47	Wasana i ataiei Iesu Nasareta nei, ia i hetubu i eogalau, i ene, “Iesu e, Davida natuna, u nuatoatoaeguma!”
24752	MRK 12:10	Riba se uriyao au hasiri, e nige’e, si ene, ‘We’u numa tauabidi se gabaei ia abo we’u tubeina eai ie lau.
24904	MRK 15:9	Na, Pilato ie ribalau isi aridi eai, i ene, “Iudea tataodi edi Wasawasa ea eairigabaei omi arimiu eai wa?”
24921	MRK 15:26	Riba wa arinai ia se hegiru se urisaei ewana eai, IUDEA TATAODI EDI WASAWASA.
24927	MRK 15:32	Keriso e, Isaraela Wasawasa e, hage satauro eai me u pesa dobima, ai itam, abo ai awamamohoiem.” Isi hinage maena se hesatauro esegaidi wa ia se ribahebaaea hinage.
24945	MRK 16:3	Isi isibom se ribariba, si ene, “We’u wa bousa awana eai se tore, eai abo i buihai?”
24980	LUK 1:18	Sakaria i ribalau aneru arinai, i ene, “Wau wa ginauri edohana abo ea nuanuatui? Ea tautaubadao, eo monegu hinage ena borimai se gamagari.”
24996	LUK 1:34	Maria abo i ribalau aneru arinai i ene, “Wau wa abo edoha egu abiabina, eau nige monegu?”
25028	LUK 1:66	Wau riba tauataiena gamagaridi isi se nuatuwatai, si ene, “Teina gama ta abo i hemala saha! Guiau nimana ia potana eai.”
25053	LUK 2:11	Wau ta Davida ena eanua eai Tauhemahemauri se labasi, ia ede Keriso Guiau.
25092	LUK 2:50	Wau riba wa i ribalau aridi eai nige abina se ata.
25178	LUK 5:2	Waga labui nei eai i itadi se loidi gabogabo hasarina eai: tauyamayama se laugabaei, edi hiana se gusegusedi.
25214	LUK 5:38	Waina harihariuna taba se ledu ile harihariudi alodi eai; abo se loloesegaidi.
25604	LUK 13:17	Wau riba wa i ribaedi, abo ana papate se taumaeamaea: na tatao gamagaridi se kode ariri paana ginauri lolololodi gamagaridi i ginauridi.
25691	LUK 16:2	Tau wa i eogai, i ribalau ia arinai, i ene, ‘Wasam ta ea ataiei, edoham, ue saha? oa gogo tanuagadi em abiabidi hage u heribaguma: ata gogo ta abo u tanuaga lautom.’
25775	LUK 18:18	Wasawasa esau i hesiolau ia arinai, i ene, “Tanuagagu lolona e, saha abo ea ginauri, mauri nige nosina abo ea abi?”
25812	LUK 19:12	Arinai i ene, “Wasawasa esau i lau eanua esau eda lohaloha eai ena basileia esau bena i abi, eo i uioma.
25838	LUK 19:38	si ene, “Wasawasa i lolo, ia i laoma Guiau esana eai: loni galewa eai, ma ana tepo i mia iniini puripurina eai!”
25865	LUK 20:17	Ia i itadi, i ene, “Ina riba ta saha se uriyao si ene, ‘We’u wa numa tauabina se gabaei, iaede i hemala we’u tubeina eai i lau.’
25890	LUK 20:42	Wana bukana eai Davida hinage i ene, ‘Guiau i ribalau egu Guiau arinai, i ene, U bawabigabiga nima‐tutugu eai.
25900	LUK 21:5	Tatao headi numa uura ribana se oioiribaei, si ene, “We’u lolodi eai eo ainauia lolodi eai numa wa se hepasa,” ia i ene,
26006	LUK 23:2	Isi ia se hegiru, si ene, “Tau ta ai lobai ema eanua tataodi i hegegewaridi, eo i heribadi, i ene, tabu Kaisara enana se mosei, eo hinage i ene, iabom mo Keriso ede, ia Wasawasa.”
26007	LUK 23:3	Pilato ia i oimurini, i ene, “Oa Iudea edi Wasawasa?” Iesu ia arinana i heuio, i ene, “Oa u ene doha meta.”
26042	LUK 23:38	Uriuri esau hinage se urisae ia potana eai, Heleni, eo Roma, eo Heberu arinadi, si ene, “IA EDE TEINA TA IUDEA EDI WASAWASA.”
26056	LUK 23:52	Wau tau wa ie lau Pilato arinai, Iesu sinarena i awanorini.
26062	LUK 24:2	We’u wa bousa eai se ita se buihaiyao.
26095	LUK 24:35	Wau dobila eai wa wasana se heriheribadi, eo hinage areto ihina arinai ia se italobai.
26121	JHN 1:8	Wau marana ia nige’e; i laoma mo bena marana i riba hemasaraha.
26153	JHN 1:40	Wau taudi labui wa Ioane ena riba se ataiei, eo ia se hemuriwatai wa, esau Anederea, Simona Petero ena tau.
26163	JHN 1:50	Iesu ie ribalau ia arinai, i ene, “Wau ea ’ne kuhou paana eai ea itam wa, arinai u awamamohoiegu ede? Sora ginauri tahutahunuadi abo u itadi.”
26170	JHN 2:6	We’u ledudi haligigi‐esega se hebawadi, Iudea tataodi edi aba heaa laulauna, lailaidi headi nonoi labui, headi nonoi haiona.
26176	JHN 2:12	Wau wa murina eai abo ie dobi Kaperenauma eai ia eo, sinana eo, ena tataoyao eo, ena heaheatayao: nei eai se mia asubena eseesegadi.
26271	JHN 4:46	Arinai abo Iesu ie uio Kana Galilaia eai, lahinae nei eai goila ena aba hemala waina wa. Wasawasa esau Kaperenauma eai natuna‐tau i asiebo.
26274	JHN 4:49	Wasawasa wa ia i heriba i ene, “Taubada e, u dobima natugu ata i mate.”
26289	JHN 5:10	Iudea tataodi se ribalau tau se hemauri wa arinai, si ene, “Wau Sabati ina: em aba‐eno u baheidi arinai laugagaeo u utusi.”
26343	JHN 6:17	Waga esau eai se gerusae, gabogabo se tataawasi se lau Kaperenauma tehana eai. I masigirigudui, Iesu sora nige i laoma aridi eai.
26445	JHN 7:48	Wasawasa headi, e Parisea headi ia se sunumaei wa?
26598	JHN 11:6	Wasana wa i ataiei i asiebo, asubena labui ena aba mia eai ie mia.
26631	JHN 11:39	Iesu i ene, “We’u me au buihesuara.” Mareta, taumatematena louna wa, ia i heriba i ene, “Guiau e, nuana abo i boha’o; paana i mateo asubena hasi.”
26664	JHN 12:15	“Siona natuna siu e, tabu u matausi: em Wasawasa i laoma, i bawasae asini natuna potana eai.”
26679	JHN 12:30	Iesu i ribalau isi aridi eai i ene, “Wau arina wa eau nige agu riba, na omi debamiu eai i laoma.
26711	JHN 13:12	Ia aedi i deuri nonohaidi, ana lulu i abidi, eo i bawabigabigauio, abo i heribadi i ene, “Wau egu abiabi wa au nuatui?
26726	JHN 13:27	Wau aiai wa ie abi abotai Satani nuana eai ie lu. Iesu abo i heriba i ene, “Em nuatu saha, u abi heuheulai.”
26814	JHN 16:19	Iesu i nuatulobai isi bena ia se oimurini, arinai i heribadi i ene, “Wau riba wa omibom au eooi ea ’ne, “Huia kuukuu abo nige au itagu: eo nige baeaona hinage abo au itagu?’
26860	JHN 18:6	Wau riba wa i heribadi i ene, “Eau ede ia,” arinai abo se uio muridi eai eo se guri tano eai.