357	GEN 14:20	Eo Eaubada Saesae‐aririna ia i nuawoiwoinaem, am waiunuyao wa taulediwa nimam eai!” Eo Aberama ginauri gamagaridi wa i soiedi, hesaudoudoina lausoisoina esega i mosei.
387	GEN 16:5	Sara abo ie ribalau Aberama arinai i ene, “Se abi‐baaeaigu ta oa hinage am giru! Egu heaheari sinena eau ea leawa nuapoum eai em haitalagado eai, i lau e i itayao ie boga abotai i isuewaigu. GUIAU abo i hegiruda, oa eo eau!”
416	GEN 17:18	Abo Aberahama i riba Eaubada arinai, i ene, “Ae, taba Isamaela i mia matam eai mo!”
440	GEN 18:15	Na Saraha i halele, i ene, “Eau nige ea maruhi” — paana i matausi. GUIAU i ene, “Nige’e, na u maruhi wa!”
478	GEN 19:20	Au italau nei, eanua esau hanahanau eai, gonoagu arinai taba ea dago hinage eanua gagirina wa. Metai bena ea dago — i gagiri, e nige’e? — abo nei eai egu mauri ea abi!”
549	GEN 22:1	Ina ginauri ta muridi eai Eaubada lauita i mosei Aberahama arinai, i ribalau arinai ie ene, “Aberahama e!” I riba heuio i ene, “Eau ede ina.”
559	GEN 22:11	na GUIAU ena aneru galewa eai i eogalau, i ene, “Aberahama e! Aberahama e!” To i heuio, “Eau ede ina.”
652	GEN 24:60	Eo Rebeka se ribahelolo, se ribalau si ene, “Loumai e, oa abo tausani eo tausani saudoudoi sinadi ede: eo am isimurita tau hewaiunuedi edi aba‐lau se abi enadi!”
689	GEN 25:30	Isoa i ribalau Iakobo arinai i ene, “Liu buiabuiana u leama ea ai paana ea wesari matemate!” (Arinai esana esau ede Edoma.)
757	GEN 27:29	Hari tatao abo enam se paisoa, basileia abo se taba’ohuim. Em tataoyao oa abo tanuagadi ede, eo sinam nanatunayao arim eai abo se turibono. Tau ribahebaaeam, ia abo se hebaaea aririei, eo tau ribahelolom abo se helolo aririei!”
759	GEN 27:31	Ia hinage aiai anihu i abinonohayao, i leama tamana arinai. I ribalau tamana arinai i ene, “Ehei, u toro, hage natum ena ailoea aiaina u ai, abo u ribahelologu!”
761	GEN 27:33	Isaako abo i tabutabubu ariariri, i ene, “Eai meta sarai i ailoea to i leama, oa soram, na ea aihe’ohiyao eo hinage ea ribaheloloyao? Mamohoi, ia hinage abo se helolo!”
762	GEN 27:34	Isoa tamana ena riba i ataei abo ie dou ma arina lailaina, ena dou i kalapi ariri, i ribalau tamana arinai i ene, “Aioi, tamagu e, eau hinage u ribahelologu!”
766	GEN 27:38	Isoa i ribalau tamana arinai i ene, “Tamagu e, em ribahelolo esega dumaduma mo, wa? U hedebasaegu, eau hinage, aioi, tamagu e!” Isoa abo arinana i helai to i dou lailai.
778	GEN 28:4	Aberahama ribahelolona taba i leawa arim eai wa, ma’am isimurita hinage, bena em aba‐mia tanodi abo u abidi enamyao, isi ede Eaubada Aberahama i mosei wa!”
810	GEN 29:14	Labana abo i ribalau ia arinai i ene, “Mamohoi ariri, oa siadagu eo bulumagu!” Abo nawalai esega sorasorana arinai ie mia.
832	GEN 30:1	Rahela ie ita ia nige merumeru i labasidi Iakobo arinai ena doga i aiaromagigiriei, i ribalau Iakobo arinai i ene: “Merumeru u ledima, e besi ea mate!”
842	GEN 30:11	Lea i ene, “I lolo ariri!” Arinai esana ie tore Gada.
855	GEN 30:24	To esana ie tore Iosepa, i ene, “Taba GUIAU natugu esau mo i leama!”
1092	GEN 37:8	Abo ena tataoyao si ene, “Mamohoi abo u saepoimai! Mamohoi abo u hemala ama tanuaga!” Arinai ena enosuai debana eai se hewaiunu aririei, eo ena riba debadi eai hinage.
1105	GEN 37:21	Reubena edi riba i ataiei, na i abihemauri isi nimadi eai, i ene, “Tabu ta unui!”
1117	GEN 37:33	To i nuatulobai eo i ene, “Ina ta natugu tau ana lulu ede, suisui manamanabalana esau ie ai, mamohoi Iosepa i purisigorigori!”
1162	GEN 39:12	Na sine wa i abilau ana lulu arinai, i ene, “U laoma, ta eno!” Na ana lulu i laugabaei ia nimana eai na ie dago numa i pesagabaei.
1239	GEN 41:43	Abo i heriba to ena kariota helabuina i gerui, abo tau eda bagunaena se eogaeoga, “Au turibono!” Eo i hetoro tanuaga lailai Aigupito maudoina boeana eai.
1281	GEN 42:28	To i ribalau ena tataoyao aridi eai, i ene, “Egu moni se toreuioiyama to ia ede ina egu baeki eai!” Abo nuadi se welo, to se matausi ariri, esau esau se ribariba si ene, “Eaubada ena abiabi saha arida eai?”
1289	GEN 42:36	Abo tamadi Iakobo i ribalau aridi eai i ene, “Nanatuguyao au abihaidi arigu eai! Iosepa ie mate, eo Simiona inai nige’e, na abo hinage Beniamina au abihesuara. Ginauri gamagaridi se lau baaea arigu eai!”
1360	GEN 45:1	Abo nige gonoana bena Iosepa i abididiniuioi, isi gamagaridi tautorotoro gegesina eai matadi eai, to i eoga lailai, i ene, “Tatao gamagarimiu au pesagabaegu!” Arinai nige tau esau maena, abo Iosepa i hemasarahauioi ena tataoyao aridi eai.
1389	GEN 46:2	Abo maiona eai Eaubada i taumasaraha Isaraela arinai, i ribalau i ene, “Iakobo, Iakobo!” To i ene, “Eau ede ina.”
1525	GEN 50:18	Abo ena tataoyao se lau se guridobi ia matana eai si ene, “U itamai ai em heaheari tataomai!”
1561	EXO 2:6	Huiana wa ie so’e kaimou wa ie ita, to i doudou, arinai i nuatoatoaei, i ene, “Ina Heberu esau natuna!”
1584	EXO 3:4	Huiana wa GUIAU ie ita i utu gesilau bena i aiewai oeagi boeana eai, Eaubada i eogalau ia arinai i ene, “Mose! Mose!” Abo i ene, “Eau ede ina.”
1637	EXO 5:4	Aigupito ena wasawasa i ribalau Mose eo Arona aridi eai i ene, “Paana saha tatao edi paisoa arinai au laehesuaradi? Au lau emi porohe au baheidi!”
1638	EXO 5:5	Eo Parao i ene, “Au ita, ina huia ta, eanua tataodi se gamagari ariri, eo omi adi paisoa aridi eai au heaieawasidi!”
1730	EXO 8:15	Abo tau tabutabusima se ribalau Parao arinai si ene, “Ina Eaubada nimagigina ede!” Na Parao nuana i heoiura aririei nige i atailau aridi eai, gonogonoana doha GUIAU i ribaei.
1806	EXO 10:28	Abo Parao i ribalau Mose arinai i ene, “U lausuaraegu; u ita komakomani, tabu u awaseuioma matagu eai, paana asubenana wa arinai matagu u itauioi abo u mate!”
1951	EXO 16:3	Eo Isaraela tataodi se ribalau aridi eai si ene, “I lolo to GUIAU nimana eai ai mate Aigupito eanuana eai, huiana eai wa aie bawa anihu gulewadi gegesidi eai, eo falawa arinai bogamai se sese; paana omi au woeaimai ina barabara eai ta bena moutuana maudoina ta au unuimai guriam debana eai!”
13952	PSA 2:3	“Edi auau ta oimotudi, eo edi maina poasi ta gabahesuaradi!”
14229	PSA 22:9	“Ena sunuma ie tore GUIAU arinai; besi ia i lebohai! Hage ia i saguhai, paana ena nualolo ia arinai!”
14372	PSA 31:23	Ma nuaberuberugu ea ene, “Oa matam eai se henauhesuaragu!” Na oa egu awanori u ataiei huiana ne ea eogalaowa bena u saguigu.
14653	PSA 46:11	“Au monou, eo abina au ata eau mo Eaubada, Eau mo se lauisinigu eanua tataodi boeadi eai, Eau mo se lauisinigu tanoubu eai!”
14705	PSA 50:5	“Tausunusunumaegu au heoigogoidima, isi aitalasam arinai edi aigora arigu eai se ginauri wa!”
15446	PSA 90:3	Oa tatao u hebuidi se hemala tanouio; u ene, “Tatao nanatudiyao gamagarimiu e, au uio!”
15920	PSA 116:4	Abotai ea eogalau GUIAU esana ea atai: “GUIAU e, ea dousaewa, oa bena u abihemaurigu!”
16158	PSA 122:1	Ea kode ariri huiana eai wa se heribagu, si ene, “Ta awasaei GUIAU ena numa eai!”
16164	PSA 122:7	Em gana alodi eai bena loni nei eai, em numa lailaidi alodi eai bena nuataru!”
16165	PSA 122:8	Egu tataoyao eo egu dodogayao debadi eai abo ea ribaei, ea ene, “Loni enamiu!”
16226	PSA 132:7	“I lolo ta lau ena aba mia eai; aena ana bou arinai ta tabaohu!”
16293	PSA 137:3	Nei eai isi tauitawataimai se riba bena enadi ai wana, eo isi tauheamamnamai se riba bena ai kode, si ene, “Siona wanana enamai au wana!”
16297	PSA 137:7	GUIAU e, Edoma tataodi edi laulau bena u nuanuatui nei asubena na eai ne Ierusalema se saetawatawai, si ene, “Ta hebaaea auri, ta hebaaea auri! I dobi e paa eai!”
23441	MAT 8:27	Tatao wa se noo, si ene, “Tau ta edohana ina, mana eo gabogabo ena riba se ataiei!”
23892	MAT 20:31	Moutuana wa se ribasuuidi si ene, “Au monou:” na se eogalailai si ene, “Guiau e, oa Davida natuna e, u nuatoatoaimai!”
23915	MAT 21:20	Ena heaheatayao se ita se noo, si ene, “Kuhou wa nige eawalana i wowoeaohi!”
24172	MAT 26:49	Abo i lagema Iesu arinai, i ene, “Guiau e, Eauedo!” Abo ia i alagoiei.
24227	MAT 27:29	Oeagi nurinuridi arinai korona se haturi se heousaei ia uruna potana eai, eo didiari se tore ia nimatutuna eai: se turituribono ia matana eai, se liuliuaei, si ene, “Eauedo, Iudea edi Wasawasa e!”
24252	MAT 27:54	Kenturion, ma ana sasaguyao Iesu se itawatai wa, tanoubu i tabutabubu se ita, eo wau, ginauri headi wa hinage, arinai se matausi ariri, si ene, “Mamohoi ina Eaubada Natuna ede!”
24431	MRK 4:39	Ie toro, mana abo i ribahetaru, eo ie ribalau butubutu arinai, i ene, “Besi, u lautom!” Mana abo ie motu; i daumori ariri.
24704	MRK 10:47	Wasana i ataiei Iesu Nasareta nei, ia i hetubu i eogalau, i ene, “Iesu e, Davida natuna, u nuatoatoaeguma!”
24705	MRK 10:48	Gamagaridi ia si siooei si ene, u monou: ia abo ie eoga lailai i ene, “Davida natuna e, u nuatoatoaeguma!”
24718	MRK 11:9	Headi se baguna, eo headi se murita, se wowo, si ene, “Hosana: ia i laoma Guiau esana eai se helolo!”
24719	MRK 11:10	Ita tamada Davida ena basileia i laolaoma Guiau esana eai se helolo: Hosana ini puripurina eai!”
24787	MRK 13:1	Ia numa uura i pesagabaei, ia ena heaheata esau ie ribalau ia arinai, i ene, “Tanuagamai e, we’u lailai ta, eo numa lalalai ta, u itadi!”
24913	MRK 15:18	Isi se hetubu ia se laulautoiei si ene, “Iudea edi wasawasa e, Eauedo!”
24990	LUK 1:28	Aneru wa i laoma ia arinai i ene, “Eauedo, oa se hedebasaem, Guiau maem: sisine aridi eai oabom u sae!”
25338	LUK 8:24	Arinai abo se lau ia se hanoi, si ene, “Tanuagamai e, abo ta mate!” Ia abo i toro, mana eo butubutu lailai wa i ribahetarudi: se lautom, abo i daumori.
25587	LUK 12:59	Ea heribam ta, taba nige u pesagabaei, sora moni gamagaridi wa u hemaisaheohidi i lau e pene gagirina anasiga!”
25796	LUK 18:39	Isi se bagubaguna ia se ribasuui, si ene bena i monou: ia abo i eogalailai, i ene, “Oa Davida natuna e, u nuatoatoaigu!”
25838	LUK 19:38	si ene, “Wasawasa i lolo, ia i laoma Guiau esana eai: loni galewa eai, ma ana tepo i mia iniini puripurina eai!”
25864	LUK 20:16	Ia abo i laoma oea tauitaitawataina wa abo i unuhematedi, vine oeana abo i mosei hari tatao aridi eai.” Isi riba ta se ataiei abo si ene, “Eaubada taba nige meta doha!”
25955	LUK 22:22	Mamohoi tau Natuna abo i lau doha se nuatui nonohai: kapore nei tau ne ia i morui ne!”
26025	LUK 23:21	Na isi abo se eogayoga, si ene, “Ia au hesatauroeawa, ia au hesatauroeawa!”
26149	JHN 1:36	I itaitalau Iesu i laulau, i ene, “Au ita, Eaubada ena Arenio!”
26160	JHN 1:47	Iesu Natanaela ie ita i laolaoma ia arinai, i ene, “Au ita, Isaraela tauna tahunuana nei, ia arinai nige borabora!”
26894	JHN 18:40	Arinai abo gamagaridi se eogayogauio si ene, “Meta tau me nige’e, na Baraba u eairi!” Baraba wa ia tauaiaiyahari.
26897	JHN 19:3	Si ene, “Iei, Iudea edi Wasawasa e!” nimadi eai se lubilubini.
26899	JHN 19:5	Iesu abo i taumasaraha, korona nurinurina wa ie ou, eo lulu buiabuiana ie lui. Pilato i ribalau isi aridi eai i ene, “Tau ta, au ita!”
26900	JHN 19:6	Kohena lailaidi eo polisimani ia se ita abo se eogayoga, si ene, “U hesatauro mo, U hesatauro mo!” Pilato i heribadi i ene, “Omi ia au laei, au hesatauroyawa; nige ena baaea esau ea lobai.”
26908	JHN 19:14	Pasova se abinonohai doha mahana hehaligigi‐esegana eai: Pilato Iudea tataodi i heribadi, i ene, “Emi Wasawasa au ita!”
26909	JHN 19:15	Isi se eogayoga si ene, “Ia u laei, u laei, u hesatauro!” Pilato i heribadi i ene, “Emi Wasawasa abo ea hesatauro wa?” Kohena lailaidi se heuio, si ene, “Ai nige ema wasawasa esau, Kaisara iabom mo.”
26920	JHN 19:26	Iesu sinana ie ita eo ena gadosisi heaheatana i totoro hasarina eai, i ribalau sinana arinai, i ene, “Sine e, natum tau u ita!”
26921	JHN 19:27	Ia abo heaheata wa i heriba i ene, “Sinam u ita!” Nei huiana eai ne heaheata wa ia i woeai ena numa eai.
26952	JHN 20:16	Iesu ie riba i ene, “Maria e.” I torobui, i ene, “Raboni e!” heaheasonina ede, Tanuagagu e.
26964	JHN 20:28	Toma abo i ribalau i ene, “Egu Guiau eo egu Eaubada!”
26974	JHN 21:7	Arinai abo heaheata Iesu i gadosisiei wa, i ribalau Petero arinai i ene, “Ia ede Guiauna!” Simona Petero abo i ataiei ia ede Guiauna, ena eama luluna ie lio, (ia tau ahaahana mo) abo i tubapesa gabogabo eai.
27421	ACT 12:15	Se ribalau ia arinai, si ene, “Oa u eauyaure.” Na ia mo i riba adidiri, i ene, Mamohoi. Isi abo si ene, “Ata bena ena aneru meta!”
27428	ACT 12:22	Abo tatao wa se wowo gogo, si ene, “Arinana ta eaubada arinana, nige tau arinana!”
27494	ACT 14:11	Tatao Paulo ena gigibori se ita, se eoga lailai arina Lukaonia eai, si ene, “Eaubada se dobima arida eai, adi ao doha tatao!”
27682	ACT 19:28	Isi teina riba ta se ataiedi, abo adi ou se ealayala, se eaba lailai si ene, “Diana Epeso edi eaubada, iabom i sae ariri!”
27768	ACT 21:36	paana moutuana gamagamagari se hemuriwataidi, se eabayabalau si ene, “Au aiduiei!”
27919	ACT 26:28	Ageripa abo i ribalau Paulo arinai i ene, “Begana mo abo oa bena nuagu u buihetaiiri ea hemala Keristian!”
28199	ROM 8:15	Paana omi earuamiu taba nige au abiuioidi doha se paiuioimiu, eo doha matausi arinai au guriuio; na omi gigiori earuana au abi, au hemala‐natu. Arinai ena ta eaba lailai ta ene “Aba! Tamada e!”
28271	ROM 10:15	Abo edohana tatao edi laulauguguia, ena nige se hetamaridi? Doha se uriyao si ene, “Aedi adi ao tai se lolo, isi loni wasa‐lolona taulaulauguguiaina, eo ginauri lolodi wasadi lolodi tauleamana!” (Is. 52.7.)
29204	GAL 4:6	Na paana au hemala ia nanatunayao, arinai Eaubada ia Natuna Earuana i hetamariama nuada eai i eoga i ene, “Aba! Tamagu!”
30844	REV 4:8	Wau ginauri maumauridi hasi wa, esa eo esa, mabena haligigi‐esega, matadi se gamagari ariri, tupo gamagaridi eai eo boeadi eai, nige se aiyawasi, asubena to maiona se wanawana, “Tabuna, tabuna, tabuna, iaede Guiau Eaubada gigibori‐aririna, ia beabeana eai wa, eo wau‐ta ia ede, eo maraitom‐asubena abo i laoma!”
30859	REV 5:12	arina lailai eai si ene, “Mamoe i lolo ariri, ia se unui wa, gonoana bena gigibori, eo gogo lailai, eo sonoga, eo adidiri, eo hedebasae, eo namanamari, eo nua‐woiwoina i abi!”
30860	REV 5:13	Na ginauri gamagaridi se hetubudio, galewa eai eo tanoubu eai, eo tanoubu ubuna eai, eo gabogabo potana eai, eo ginauri gamagaridi se hetubudi gabogabo boeana eai hinage, edi riba ea ataiei si ene, “Ia terona eai i babawa, eo Mamoe arinai, bena nua‐woiwoina eo hedebasae, eo namanamarina, eo awa‐tanuagaena, i lau e nige nosina!”
30862	REV 6:1	Hinage ea ita, Mamoe buka aba‐guduna esega ie soe, na ginauri maumauridi hasi wa taudi esau ie riba, arinana doha palepalele, i ene, “U laoma!”
30864	REV 6:3	Buka aba‐guduna helebuina ie soe, abo wau ginauri maumauridi hasi wa, taudi helabuina ie riba, i ene, “U laoma!”
30866	REV 6:5	Buka aba‐guduna hehaionana ie soe, ginauri maumauridi taudi hehaionana arinana ea ataiei i ene, “U laoma!” Abo ea italau na ne, hosi dubadubana ea iita; taugeruina nimana eai aba‐nonoi i bahebahei;
30867	REV 6:6	doha arina esau ea ataiei, ginauri maumauridi hasi wa boeadi eai i laoma, i ene, “Falawa nonoina esega maisana pene esega, bali nonoina haiona maisana pene esega, na eausi eo waina tabu au hebaaeadi!”
30868	REV 6:7	Abo buka aba‐guduna hehasina ie soe, ginauri maumaurina hehasina arinana ea ataiei i ene, “U laoma!”