6	GEN 1:6	Abo Eaubada i ene, “Galewa tehana abo goila duaduaridi eai, abo goila i soiedi.”
9	GEN 1:9	Abo Eaubada i ene, “Bena goila galewa ubuna eai i abigogoi ena aba’ota esega, bena tano pitapitarina i taumasaraha.” Hinage doha, ie tubu.
11	GEN 1:11	Abo Eaubada i ene, “Bena tano ginauri ini’inidi se ini, ma tumadi, eo uaua oeagidi, uauadi se toredi boeadi eai tumadi, esa, esa ano ao i lauwatai tano potana eai.” Hinage doha, ie tubu.
15	GEN 1:15	Eo wau maradi wa galewa tehana eai abo hinage tanoubu se hemara.” Hinage doha, ie tubu.
20	GEN 1:20	Eaubada i ene, “Bena gabogabo ginauri maumauridi eawoidi i hetubudi, eo manu tano ewana eai se loiloiusi galewa tehana eai.”
22	GEN 1:22	Eo Eaubada i ribahelolodi, i ene, “Au ua, au hegamagarimiu gabogabo goiladi au hemonaudi, manu hinage tano potana eai bena se gamagari.”
24	GEN 1:24	Eaubada i ene, “Bena tano ginauri maumauridi adi ao udoi udoi eai i hetubudi; bulumakau ginauri se daladalausi, suisui udoi udoi adi ao udoi udoi eai.” Hinage doha, ie tubu.
28	GEN 1:28	Eo Eaubada i ribahelolodi, eo Eaubada i ribalau aridi eai i ene, “Au ua, au hegamagarimiu, tanoubu au hemonau eo tanoubu tanuagaina eai au lau; gabogabo eamadi hinage au tanuagaidi, eada manudi hinage eo ginauri maumauridi gamagaridi isi ede tano potana eai se moimoiu.”
30	GEN 1:30	Eo tano suisuidi gamagaridi, eo eada manudi eo ginauri gamagaridi tano eai taudala, ginauri maudoidi aridi eai mauri eahuana aridi eai hinage ginauri in’inidi ea mosedi’o adi aiai.” Hinage doha, ie tubu.
48	GEN 2:17	na lolo eo baaea italobaina oeagina iabom mo taba nige au ai, nei asubenana eai ne au ai abo au mate.”
49	GEN 2:18	Abo GUIAU Eaubada i ene, “Nige i lolo tau iabom mo i mia; ana sagu abo ea ginauri abo i lau loloei.”
54	GEN 2:23	Abo Adamu i ene, “Teina abotai ede siadagu siadana, eo bulumagu bulumana; ia esana abo se atai Sine, paana tau arinai se abihaiyama.”
61	GEN 3:5	Eaubada abina i ata huiana eai ena omi au ai abo matamiu se lala, abo omi doha Eaubada, lolo eo baaea italobaina abo au italobai.”
66	GEN 3:10	Ia abo i heuioi i ene, “Dagugum ea ataiei oea eai, na ea matausi paana ma kohakohagu ina, arinai ea bawayamui.”
68	GEN 3:12	Tau wa i ene, “Sine u leama ia bena maegu wa, ia oeagi wa uauana i leama, to ea ai.”
69	GEN 3:13	GUIAU Eaubada sine wa arinai ie riba, i ene: “Saha ina u ginauri ta?” Sine i ene, “Mota i boraigu, to ea ai.”
71	GEN 3:15	Hewaiununa abo ea tore oa eo sine duaduarimiu eai, eo oa tumamyao eo sine tumanayao duaduaridi eai hinage; ia abo urum i utuhegaro, eo oa abo ae gedurina u oihegaro.”
72	GEN 3:16	Sine arinai i ene, “Abi‐merumeru arinai abo em amamna ea hegamagari; amamna boeadi eai abo nanatumyao u labasidi, taiede, em gadosisi abo otana mo monem arinai, ia hinage abo i tanuagaim.”
75	GEN 3:19	Debam muiasana eai aiai abo u ai, i lau e u uio tano arinai, ede tano eai se hetubum wa; oa tano ede, arinai abo u hemalatanouio.”
78	GEN 3:22	Abo GUIAU Eaubada i ene, “Paana tau i hemala doha ita esau, lolo eo baaea italobaina i italobaiyao, ata nimana i helele mauri oeagina uauana hinage i ai, abo maurina i lau esegai e nige nosina.”
81	GEN 4:1	Adamu monena Eva i nuatui, to ie boga abo Kaina i labasi, i ene, “Tau esau GUIAU arinai ea aabi.”
87	GEN 4:7	Ena em abi se dudurai, abo se nualoloem, e nige’e? Ena em abi nige se dudurai, baaea dobila eai i wesewesem, ena gadosisi bena i abim, na oa mo bena u saepoini.”
88	GEN 4:8	Kaina i ribalau ena tau Abela arinai i ene, “U laoma ta lau oea eai.” Isi taudi labui se lage’o oea eai abo Kaina i toro ena tau Abela i lului abo i eatu’nui.
92	GEN 4:12	Oa tano abo u giari, iamo adidirina taba nige i leawa’uioi; oa abo taudago eo tauelitata tanoubu eai ta.”
94	GEN 4:14	U ita, wau tano eai ta u aiduiegu; oa matam eai hinage abo ea tauyamui; eau abo taudago eo tauelitata tanoubu eai ta, ena esau i lobaigu abo i unuigu.”
105	GEN 4:25	Abo Adamu monena i nuatuiuioi, to natuna i labasi esana ie tore Seta, i ene, “Eaubada natugu esau i tauribaei enagu, Abela Kaina i unui wa helaudamaina.”
135	GEN 5:29	To esana wa ie tore Noa, i ene, “Tano GUIAU i ribahemate wa boeana eai te ina ta abo aba‐aiyawasina i leama, ada paisoa arinai eo nimada edi paipaisoa aridi eai.”
145	GEN 6:7	Abo GUIAU i ene, “Tau ea hetubu wa abo ea saugabaei tanoubu potana eai, tau eo suisui eo ginauri se daladalausi eo malagaibu manudi, hede nuagu i baaea ea hetubudi wa.”
159	GEN 6:21	Aiai udoi udoi se aiaidi, hinage adi.”
164	GEN 7:4	Paana asubena haligigi‐labui eai abo nabu ea hetaru tanoubu potana eai abo asubena tatao‐labui‐se‐mate, maiona tatao‐labui‐se‐mate, i lauesegai; ginauri maumauridi ea ginauridi, gamagaridi abo ea hearugabaedi tano potana eai ta.”
201	GEN 8:17	Ginauri maumauridi arim eai wa, buluma maudoina u woea‐hepesadi, manu, suisui, ginauri daladalausidi tano eai taudaladalausi wa, bena tanoubu eai ta se hegamagariuioidi, eo au ua, au gamagari tanoubu eai ta.”
206	GEN 8:22	Tanoubu ma otana eai, umauma huiana eo masuri huiana, huia gogoma eo huia gigibori, huia siwaro eo borimai, taba nige se lautom.”
213	GEN 9:7	Na omi, au ua eo au gamagari, aniomiu bena se tubu ariri tanoubu eai ta, eo arinai bena au tadada.”
217	GEN 9:11	Egu aigora ea ribaei arimiu eai, ede taba nige huia esau buluma maudoina ea tomgabaeuioidi dibori utu’utu goiladi eai, eo taba nige huia esau i diboriuio doha nei bena tanoubu i hebaaea.”
222	GEN 9:16	Ena wari i taumasaraha eada eai, abo ea italau arinai, abo egu aigora wa i laulau e huia nige nosina wa, ea nuatui, iaede Eaubada eo buluma ginauridi maumauridi gamagaridi eai tanoubu eai.”
223	GEN 9:17	Eaubada i ribalau Noa arinai i ene, “Aigora heiheinoina ede ina, eau ea hetoro ede, eau eo buluma maudoudoina tanoubu eai ta matada eai.”
231	GEN 9:25	I ene, “Kanana ea ribahebaaea ta; abo i hemala ena tataoyao edi tauauau edi heaheari.”
233	GEN 9:27	Eaubada abo Iapeta i helai, Sema ena numa‐lulu aridi eai abo i mia. abo Kanana ia ena heaheari tauauauna.”
244	GEN 10:9	Ia tauailoea saesaena GUIAU matana eai; arinai ede se ribaei si ene, “Doha Nimoroda, tauailoea saesaena GUIAU matana eai.”
270	GEN 11:3	Abo se oiriba si ene, “Ehei, hage bricks tano eai ta ginauridi, ta gabu komakomanidi.” Wau bricks wa se wa se hepaisoaedi doha edi we’u, eo tar se hepaisoa aba hepatu guduidi.
271	GEN 11:4	Abo si ene, “Ehei, hage eda eanua lailaina ta hetoro, eo numa lailaina ewana i sae e galewa, abo esada edi aba’ataina abo tanoubu matana eai taba nige se hetatagorigorida.”
274	GEN 11:7	Besi, ta dobi arinadi ta hepilipilidi, abo esau esau arinadi nige se atailobaidi.”
302	GEN 12:3	Isi tauainauiaim abo hinage ea ainauiaidi, eo ia tauribahematem abo hinage ea ribahemate; na oa debam eai boga gamagari tanoubu eai helolona abo se lobai.”
306	GEN 12:7	Abo GUIAU i taumasaraha Aberama arinai, i ene, “Am isimurita aridi eai tano ta abo ea mosedi.” Arinai aba‐aitalasam esau i hetoro metai, GUIAU enana wa i taumasaraha arinai.
312	GEN 12:13	U riba u ene oa lougu, arinai abo i lau loloegu oa debam eai eo abo se eari ea mauri.”
318	GEN 12:19	Paana saha u ene, ‘Ia lougu’ arinai ea abi bena monegu? Ehei, monem ede ina, u woeai au lau.”
328	GEN 13:9	Tano maudoina ede matam eai me, e nige’e? Besi u abihesuara’uioim. Ena tupo nima‐seuseurim eai u abi, eau abo tupo tutu eai ea lau; e ena oa bena tupo tutu u abi, eau abo ea lau tupo seuseuri eai.”
336	GEN 13:17	U toro, tano ta u taudadai, lohana eo magagana, paana eau abo ea leawa.”
358	GEN 14:21	Sodoma edi wasawasa Aberama arinai ie riba i ene, “Dodoga mo u ledima, na gogo u abi oabom enam.”
361	GEN 14:24	Eau taba nige saha ea abi, egu hewari adi aiai mo se aiya’o, eo tatao maeguyao taulau wa edi tupo abo se abi, Anera, Esekola, eo Mamare isi hinage edi tupo taba se abi.”
362	GEN 15:1	Teina ginauridi ta muridi eai GUIAU ena riba i laoma Aberama arinai, enosuai eai, “Aberama e, tabu u matausi, eau em opea ede, em ainauia abo i lai ariri.”
363	GEN 15:2	Na Aberama i ene, “Guiau EAUBADA, saha abo u leama, paana eau nige natugu, eo egu numa tanuagana hede Eliesera, Damaseko tauna wa.”
364	GEN 15:3	Aberama i ene, “U ita, nige natugu u leama, arinai tau‐auau esau egu numa eai se labasi, ia abo egu gogo tauabina.”
365	GEN 15:4	Na hedeona, GUIAU ena riba i uioma arinai, i ene, “Teina tau ta ia taba nige em gogo tauabina; oabom natum tahunuana em gogo abo i abi.”
366	GEN 15:5	Ia abo i woea‐hepesa, i ene, “U itasae galewa eai, ipora hage u hasiridi ena gonoana u hasiridi.” Abo i ribalau arinai i ene, “Am isimurita abo doha ede.”
368	GEN 15:7	Eo i ribalau arinai i ene, “Eau GUIAU tau‐woeahaim Uro eai, Kalidea tataodi enadi wa, bena eanua ta ea leawa u abi enam.”
370	GEN 15:9	Arinai i ene, “Bulumakau bawesina ena borimai haiona u leama, eo goti bawesina ena borimai haiona, eo mamoe tamoana ena borimai haiona, eo bunebune, eo gabubu natuna.”
377	GEN 15:16	Isi abo se uioma inai, isi hehasina huiana eai; paana Amore tataodi edi baaea sora nige se ohi mamohoi.”
382	GEN 15:21	Eo Amore, eo Kanana, eo Girogaso, eo Iebusi enadi.”
384	GEN 16:2	Abo Sara i ribalau Aberama arinai i ene, “U itayao GUIAU abi merumeru eai i nuahigu; besi, u lau egu heaheari sinena arinai; ata bena ia debana eai abo nanatuguyao ea lobaidi.” Aberama Sara arinana ea i awaabiei.
388	GEN 16:6	Na Aberama Sara ena riba i heuio i ene, “Taiede, em heaheari sinena ta ede oa nimam eai; saha u henua u abi arinai abo u abi.” Abo Sara sine wa i abi‐baaeai, to ie dago.
390	GEN 16:8	I ribalau arinai i ene, “Hagara, Sara ena heaheari sinena e, haedi eai u laoma eo haedi u laulau ina?” I ene, “Tanuagagu Sara arinai ea dadago.”
391	GEN 16:9	GUIAU ena aneru abo i ribalau i ene, “U seuio am tanuaga arinai, eo arinai u awaabi.”
392	GEN 16:10	GUIAU ena aneru ie riba hinage, i ene, “Am isimurita abo ea hegamagari aririedi, edi gamagari taba nige si hasiridi.”
394	GEN 16:12	Ia abo tau‐hemanabara tauna, doha nuura asinina, nimana abo tatao gamagaridi i ialaidi, tatao gamagaridi hinage nimadi ia abo se ialai; eo ana bogaoyao abo i miasuaraedi eo i hewaiunuedi.”
395	GEN 16:13	Arinai GUIAU enana tauriba wa esana i atai, “Oa tauitagu Eaubadana,” paana i ene “Mamohoi ede, wa, Eaubada ea i’ita, ea itayao na sora mamaumaurigu.”
406	GEN 17:8	Em aba‐tautausi tanona ta abo ea leawa oa arim eai, eo am isimurita se muritama aridi eai, Kanana tanona maudoudoina ta, abo enamiu i lau e huia nige nosina; eau hinage abo edi Eaubada.”
412	GEN 17:14	Tau esa nige se peritome bulumana opina eai abo ena tataoyao boeadi eai se tomhai; egu aigora i utusi ede.”
414	GEN 17:16	Ia abo ea ainauiai, hinage oa natum abo eo leawa, ia debana eai; abo ea ainauiai to i hemala basileia gamagaridi sinadi; tatao edi wasawasa ia boeana eai abo se tubuma.”
419	GEN 17:21	Na egu aigora wa Isaako arinai abo ea hetoro, ia wa Saraha abo enam i labasi, inata arinai ie lau borimai esega.”
430	GEN 18:5	Na aiai ami begana ea leama, amnamiu se lolo abotai emi eda eai au lau; paana au laoma’o ina emi heaheari tauna arinai.” To si ene, “Besi, doha u ribaei wa u ginauri.”
431	GEN 18:6	Abo Aberahama i heuheula ie lau numa‐lulu alona eai wa, Saraha arinai, eo i ene, “U heula falawa lolololona nonoina haiona u henonohaidi, u helasa eo keke u ginauridi.”
434	GEN 18:9	Se ribalau ia arinai si ene, “Monem Saraha wa ia haedi?” Ia i ene, “Ia hede numa‐lulu alona eai.”
435	GEN 18:10	I ene, “Abo ea uioma arimiu eai, borimai sigana eai, monem Saraha abo natum i labasi.” Na Saraha wa ia numa‐lulu guduna murina eai i ata’atai, dagelana eai.
439	GEN 18:14	Au ene bena ginauri esau i piripiri ariri GUIAU arinai? Huiana se tauribaei, arinai abo ea uioma, borimai sigana eai, Saraha natuna tau abo i abi.”
444	GEN 18:19	Nige’e, paana ia egu hineri tauna, abo nanatunayao eo ena numa tataodi murina eai i heatadi GUIAU ena laulau se sogohidi, laulau dudurai eo abi dudurai hinage; bena GUIAU saha i ribahesunumadi wa abo i hetubudi Aberahama arinai.”
446	GEN 18:21	Arinai abo ea dobi ea ita, lauhegiru i laoma arigu eai wa, mamohoi se ginauri ede; eo ena nige’e, abo abina ea ata.”
451	GEN 18:26	Abo GUIAU i ene, “Ena Sodoma eai tau laulau dudurai tatao‐labui‐se‐mate‐saudoudoi ea lobaidi, eanuana abo ea nuatoatoaei, isi debadi eai.”
453	GEN 18:28	Ena taba ta ene, wau tau laulau duduraidi tatao‐labui‐se‐mate‐hesaudoudoina wa haligigi wa nige’e? Abo eanua maudoina u hebaaea, paana haligigi wa nige’e?” I ene, “Taba nige ea hebaaea ena tatao‐labui‐se‐mate‐haligigi nei eai ea lobaidi.”
454	GEN 18:29	Abo i ribauio, i ene, “Ena taba tatao‐labui‐se‐mate mo u lobaidi nei eai?” I heuio i ene, “Tatao labui‐se‐mate mo debadi eai taba nige eo ginauri.”
455	GEN 18:30	Abo i ene, “Agutoi, tabu Guiau i ouyalayala, na egu riba ea ribaei mo. Ena tau esega‐i‐mate‐saudoudoi se lobaidi nei eai?” I heuio i ene “Taba nige ea ginauri, ena tau‐esega‐i‐mate‐saudoudoi ea lobaidi nei eai.”
456	GEN 18:31	Abo i ene, “U itagu ta, awagu ea dabariyao Guiau arinai. Ena taba tau‐esege‐i‐mate se lobaidi?” I heuio i ene, “Tau‐esega‐i‐mate debadi eai taba nige ea hebaaea.”
457	GEN 18:32	Abo i ene, “Agutoi, tabu Guiau i ouyalayala, na ma esegana ta ea ribauio. Ena taba saudoudoi se lobaidi nei eai?” I heuio i ene, “Saudoudoi debadi eai taba nige ea hebaaea.”
460	GEN 19:2	I ene, “Egu guiau e, ea aibodaimiu bena au awasaema emi heaheari ta ena numa eai au eno, eo aemiu au deuridi; maraitom abo au toro heula emi dobila eai au lau.” Si ene, “Nige’e, ai abo maiona ta ai abi eanua dobiladi eai.”
463	GEN 19:5	Lota arinai se eoga si ene, “Tatao wa haedi, maiona ta se laowa arim eai wa? U hepesadima arimai eai bena abidi ai ata.”
466	GEN 19:8	Besi eau nanatuguyao sisine labui, isi sora nige tau se hailobai, besi ea hepesadiwa, saha au henua aridi eai au abi abo au abi; ia mo tatao ta aridi eai tabu saha au abi, paana isi se laoma egu numa tauaitaumana.”
467	GEN 19:9	Na isi mo si ene, “U torohihisi.” Eo si ene, “Tau ta ia taulaolaoma mo, na bena i toro doha tauhedudurai! Sora oa abo ai abi‐baaea aririem, abotai isi.” Lota se dudui aririei, se hanahanaui arinai bena dobila guduna se eatulopa.
471	GEN 19:13	Paana teha ta abo ai hebaaea, paana oipilina taumiaina debadi eai i lai ariri, GUIAU matana eai, arinai ede GUIAU i hetamarimai bena ai hebaaea.”
472	GEN 19:14	Arinai Lota ie pesa, i ribalau tatao bosianayao aridi eai, isi bena abo nanatunayao sisine se tawasoraidi wa, i ene, “Ehei, eanua ta au torohaigabaei; paana GUIAU eanua ta abo i hebaaea.” Na bosianayao wa aridi eai riba doha talawasi mo.
473	GEN 19:15	Huiana mara i iuiari, aneru wa Lota se dudui, si ene, “U torohai, monem ma nanatumyao sisine labui inai wa u woeahaidi, ata eanua ta ena maisa eai abo au putuhai.”
475	GEN 19:17	Se woea‐hepesadi abo si ene, “Au dago emi mauri debana eai; tabu au itasinibui, e haedi gonu eai ta au tarutoro, ata se unuimiu.”
480	GEN 19:22	U dago heula arinai; taba nige saha ea ginauri i lau e u lage nei eai.” Arinai eanuana esana wa Soara.
490	GEN 19:32	Ehei, tamada hage waina ta henom, arinai abo ta eno’enoei, doha nei ada isimurita abo se tubu, tamada debana eai.”
492	GEN 19:34	Mara ie ton eai taubaguna wa abo i ribalau taumurita arinai ie ene, “U ita boni tamada maegu aie eno; hage maiona ta waina eai ta henomuioi; oa abo u lau maem au eno, abo ada isimurita se tubu, tamada debana eai.”
498	GEN 20:2	Aberahama abo monena Saraha wa i ribaei i ene, “Ia lougu ede.” Arinai Abimeleko, Gerara edi wasawasa, i lauhetamari eo Saraha ie abi.
499	GEN 20:3	Na Eaubada i laoma Abimeleko arinai, enosuai eai, maiona eai, i ribalau arinai, i ene, “U ita, oa taumate, sine ue abi wa debana eai, paana ia tau esau monena.”
501	GEN 20:5	Ia i heribagu, e nige’e, i ene, ‘Lougu ina.’ Sine wa hinage i ene, ‘Tau ta lougu.’ Ma nua‐duduraigu eai, eo ma nima‐aagu eai laulau ta ea abi.”
503	GEN 20:7	Besi, tau wa monena u moseuioi; paana ia peroweta, ia abo enam i lau‐uura arinai oa abo u mauri. Na ena nige u moseuioi, u nuatui mamohoi ariri abo u mate, oa maem tataoyao gamagaridi.”
505	GEN 20:9	Abimeleko abo Aberahama i eogai, i ribalau arinai i ene, “U sahaimai ina? Eo eau saha arinai ea hebaaeam arinai baaea lailai u leama eau eo egu basileia potamai eai? Ginauri nige i lolo se ginauridi, arigu eai u abidi ede.”
511	GEN 20:15	Abimeleko abo i ene, “U ita, egu tano ede matam eai, aisega dimo u henua arinai u mia.”