33	GEN 2:2	Na asubena hehaligigi‐labuina eai Eaubada paisoa i paisoaei wa, i heohi, arinai asubena hehaligigi‐labuina eai ana paisoa gamagaridi wa i aiyawasiedi.
34	GEN 2:3	Arinai Eaubada asubena hehaligigi‐labuina i ainauiai eo i hetabuei, paana arinai Eaubada ana paisoa wa i aiyawasiei, ena hetuhetubu paisoana wa.
52	GEN 2:21	Arinai GUIAU Eaubada Adamu i heenomate, ia ma eno‐matena oitarina esau i abihai eo bulumana i hemauuioi;
84	GEN 4:4	Na Abela ena mamoe eawoina natu‐ealahoudi, tubutubu‐lolodi i ledima. GUIAU Abela ena ainauia i heasisiei,
90	GEN 4:10	GUIAU i ene, “Saha ue abi ina? Em tau osinana arinana tano eai i dou‐saema arigu eai.
100	GEN 4:20	Ada Iabala i labasi, ia numa‐lulu taumia eo bulumakau tauitawata tamadi ede.
102	GEN 4:22	Silaha abo Tubala‐kaina i labasi; ia ena aba‐paisoa poasi, iron eo bronze tauginaurina. Tubala‐kaina louna ede Naama.
111	GEN 5:5	Arinai Adamu ena mauri asubenadi maudoidi ede borimai handere haligigi‐hasi eo tau‐esega‐i‐mate‐saudoudoi; abotai ie mate.
113	GEN 5:7	Inosi se labasi wa murina eai Seta ie mia borimai handere haligigi‐haiona eo haligigi‐labui; ia nanatunayao headi tatao eo sisine i abidi hinage.
114	GEN 5:8	Arinai Seta ena mauri asubenadi maudoidi ede borimai handere haligigi‐hasi eo saudoudoi‐labui. Abotai ie mate.
116	GEN 5:10	Kenana se labasi wa murina eai Inosi borimai handere haligigi‐haiona eo saudoudoi‐haligigi ie mia, eo nanatunayao headi tatao eo sisine ie abidi hinage.
117	GEN 5:11	Arinai Inosi ena mauri asubenadi maudoidi ede handere haligigi‐hasi eo haligigi; abotai ie mate.
119	GEN 5:13	Mahalalela se labasi murina eai Kenana ie mia borimai handere haligigi‐haiona eo tatao‐labui‐se‐mate, eo nanatunayao tatao eo sisine headi i abidi.
120	GEN 5:14	Arinai Kenana ena mauri asubenadi maudoidi ede borimai handere haligigi‐hasi eo saudoudoi; abotai ie mate.
122	GEN 5:16	Iareda se labasi wa murina eai Mahalalela borimai handere haligigi‐haiona eo tau‐esega‐i‐mate‐saudoudoi, eo nanatunayao tatao eo sisine headi i abidi.
123	GEN 5:17	Arinai Mahalalela ena mauri asubenadi maudoidi ede borimai handere haligigi‐haiona eo tatao‐hasi‐se‐mate‐saudoudoihaligigi; abotai abo ie mate.
125	GEN 5:19	Enoka se labasi wa murina eai Iareda borimai handere haligigi‐haiona ie mia, eo nanatunayao tatao eo sisine headi i abidi hinage.
126	GEN 5:20	Arinai Iareda ena mauri asubenadi ede borimai handere haligigi‐hasi eo tatao‐haiona‐se‐mate eo labui; abotai ie mate.
132	GEN 5:26	Lameka se labasi wa murina eai Metusela ie mia borimai handere haligigi‐labui eo tatao‐hasi‐se‐mate eo labui, eo nanatunayao tatao eo sisine headi i abidi.
133	GEN 5:27	Arinai Metusela ena mauri asubenadi maudoidi ede borimai handere haligigi‐hasi eo tatao‐haiona‐se‐mate eo haligigi‐hasi; abo ie mate.
135	GEN 5:29	To esana wa ie tore Noa, i ene, “Tano GUIAU i ribahemate wa boeana eai te ina ta abo aba‐aiyawasina i leama, ada paisoa arinai eo nimada edi paipaisoa aridi eai.”
137	GEN 5:31	Arinai Lameka ena mauri asubenadi maudoidi ede borimai handere haligigi‐labui eo tatao‐haiona‐se‐mate‐sau‐doudoi‐haligigi‐labui; abo ie mate.
164	GEN 7:4	Paana asubena haligigi‐labui eai abo nabu ea hetaru tanoubu potana eai abo asubena tatao‐labui‐se‐mate, maiona tatao‐labui‐se‐mate, i lauesegai; ginauri maumauridi ea ginauridi, gamagaridi abo ea hearugabaedi tano potana eai ta.”
170	GEN 7:10	Asubena haligigi‐labui muridi eai, abotai abo dibori utu’utu tanoubu i unuhai.
171	GEN 7:11	Noa ena borimai handere hehaligigi‐esegana eai, nawalai helabuina eai, nawalai asubenana hesaudoudoi‐haligigi‐labuina eai, temeta asubenana eai ne, goila edi aba‐ota gabotum lailaidi eai se malapai, se boriri saema, eo galewa tomlapaidi se soeauridi.
186	GEN 8:2	edi aba‐ota gabotum lailaidi eai wa, eo galewa tomlapaidi wa, se gududi, nabu galewa eai se abi‐nuahi.
188	GEN 8:4	Eo nawalai hehaligigi‐labuina eai, nawalai asubenana hesaudoudoi‐haligigi‐labuina eai, ake wa ie otadobi Ararata oea tupidi eai.
193	GEN 8:9	Na bunebune wa aena nige ena aba‐toa i lobai, arinai ie uioma ake eai, paana goila wa sorana tanoubu maudoina potana eai. Arinai nimana i helele, bunebune wa i abiuioi ia arinai, ake alona eai.
194	GEN 8:10	I bagibagiuio asubena haligigi‐labui se lau’o, abotai bunebune ake eai wa i hetamariuioi.
196	GEN 8:12	Abo i bagibagiuio asubena haligigi‐labui headi se lau’o bunebune wa i heloiuioi, na nige i uioma ia arinai.
197	GEN 8:13	Borimai handere hehaligigi‐esegana eai, nawalai bagubagunana asubenana bagubagunana eai, goila se guma’o tanoubu eai; Noa ake atohina abo i abihai, i italau tanoubu ana ao ie ita, i pitari’o.
227	GEN 9:21	arinai waina i ginauri, to i nom‐eaueaure to ena numa‐lulu alona eai ie guri, ie ota tau aha’ahana.
233	GEN 9:27	Eaubada abo Iapeta i helai, Sema ena numa‐lulu aridi eai abo i mia. abo Kanana ia ena heaheari tauauauna.”
235	GEN 9:29	Noa ena asubena gamagaridi ede borimai handere haligigi‐hasi eo tatao labui‐se‐mate‐saudoudoi; abotai ie mate.
245	GEN 10:10	Ena basileia ena aba‐tubu ede Babela, Ereke, eo Akada eai, gamagaridi Sinara oeana eai.
286	GEN 11:19	Reu se labasi murina eai Pelege borimai handere labui eo haligigi‐hasi ie mia eo nanatunayao headi, tatao eo sisine, i hetubudi.
288	GEN 11:21	Seruga se labasi murina eai Reu ena borimai handere labui eo haligigi‐labui ie mia, eo nanatunayao headi, tatao eo sisine, i hetubudi.
291	GEN 11:24	Nahora borimai tau‐esega‐i‐mate eo haligigi‐hasi ie mia, abotai i hemala Teraha tamana;
295	GEN 11:28	Harana ia i mate baguna, sora tamana ma miana eai, edi eanua edi aba‐labasina eai, ede Uro, Kalidea tataodi enadi wa.
298	GEN 11:31	Teraha natuna Aberama eo tubuna Lota, Harana wa natuna, eo bosiana‐sine Sara natuna Aberama wa monena, i woeahaidi Uro, Kalidea tataodi edi eanua, se laugabaei se lau Kanana oeana eai; na Harana eai se lage abo se tarutoro eo nei eai se miahai.
306	GEN 12:7	Abo GUIAU i taumasaraha Aberama arinai, i ene, “Am isimurita aridi eai tano ta abo ea mosedi.” Arinai aba‐aitalasam esau i hetoro metai, GUIAU enana wa i taumasaraha arinai.
307	GEN 12:8	Abo i taulau oea tupina Beteli tupo aruabuna eai, ena numa‐lulu i hetoro, Beteli tupo ealasi eai, eo Eiai tupo aruabu eai, nei eai aba‐aitalasam esau i hetoro GUIAU enana, eo GUIAU esana i atai.
322	GEN 13:3	Ena lauwasi wa Negeba eai i taudaru ie lau e Beteli eai ie lage, ena numa‐lulu ena aba‐hetorona bagubagunana eai wa, Beteli eo Eiai sorasoradi eai.
323	GEN 13:4	Eanua wa arinai aba‐aitalasam ena aba‐hetorona wa; temetai Aberama GUIAU esana i atai.
324	GEN 13:5	Lota ia Aberama i hemuriwatai wa, ia hinage ena mamoe eawoidi eo ena bulumakau eo ena numa‐lulu se gamagari.
328	GEN 13:9	Tano maudoina ede matam eai me, e nige’e? Besi u abihesuara’uioim. Ena tupo nima‐seuseurim eai u abi, eau abo tupo tutu eai ea lau; e ena oa bena tupo tutu u abi, eau abo ea lau tupo seuseuri eai.”
331	GEN 13:12	Aberama Kanana oeana eai ie mia, na Lota eanua lailaidi gonu eai wa boeadi eai ie mia eo ena numa‐lulu i hesigilaei i lau Sodoma eai.
333	GEN 13:14	Lota i abihesuara’uioi wa murina eai GUIAU i ribalau Aberama arinai, i ene, “Matam u helabaisinidi, em aba‐toro eai me u italau, tupo bauri, tupo eawana, tupo aruabu, tupo ealasi,
337	GEN 13:18	Arinai Aberama ena numa‐lulu i hesigilaei, i laoma Mamare aiarudi boeadi eai ie mia, isi ede Heberona eai wa; nei eai hinage aba‐aitalasam hatana i hetoro GUIAU enana.
341	GEN 14:4	Borimai saudoudoi‐labui Kedorolaoma se heayaiyei, na borimai hesaudoudoi‐haiona na na se oipiriei.
342	GEN 14:5	Kedorolaoma ena borimai hesaudoudoi‐hasina eai ia eo wasawasa maenayao wa se laoma tatao ta se saepoidi, Repaima Aseterota‐karanaima eai wa, eo Susim Hama eai wa, eo Emima Save‐kiriataima eai wa.
343	GEN 14:6	Eo Hori tataodi edi oea‐tupina Seira eai wa i lau Elparana eai, barabara lailai sigasigana eai.
344	GEN 14:7	Abotai se sinibui se laoma Eni‐misapata (ia ede Kadesa) eo tano maudoina se saepoi, Amaleka tataodi enadi eo Amore tataodi enadi hinage, isi wa Hasasona‐tamara eai se miamia.
355	GEN 14:18	Abo Melekisedeka Salem edi wasawasa falawa eo waina i bahema, ia Eaubada Saesae‐aririna ena kohena tauna.
356	GEN 14:19	Eo i ribaheloloei i ene, “Eaubada Saesae‐aririna Aberama i ribahewoiwoinaei, ia wa galewa eo tanoubu tauginauridi;
357	GEN 14:20	Eo Eaubada Saesae‐aririna ia i nuawoiwoinaem, am waiunuyao wa taulediwa nimam eai!” Eo Aberama ginauri gamagaridi wa i soiedi, hesaudoudoina lausoisoina esega i mosei.
360	GEN 14:23	Oa em ginauri taba nige maina bodibodi e ae’um aba‐auna e oa em ginauri esa enam ea abilau arinai, ata u ene, ‘Eau Aberama ana gogo lailai taumoseina.’
364	GEN 15:3	Aberama i ene, “U ita, nige natugu u leama, arinai tau‐auau esau egu numa eai se labasi, ia abo egu gogo tauabina.”
367	GEN 15:6	Na ia GUIAU ena riba i awa‐mamohoiei, arinai ede se nuatulaei si ene laulau‐duduraina meta.
368	GEN 15:7	Eo i ribalau arinai i ene, “Eau GUIAU tau‐woeahaim Uro eai, Kalidea tataodi enadi wa, bena eanua ta ea leawa u abi enam.”
374	GEN 15:13	Abo GUIAU i ribalau Aberama arinai i ene, “Nuam eai bena i masaraha ariri, am isimurita abo eanua udoi arinai se mia, eanuana nige enadi, na ma‐auaudi abo se mia, eo abo se heporohedi borimai handere hasi sorasoradi eai.
378	GEN 15:17	Mahana i dui’o eo i masigiri’o, abo ne gulewa ginaha aba baheina ma asuasuna, eo osiri ala‐balebalelemna se taumasaraha wau aitalasam suisui eaudi wa boeadi eai.
387	GEN 16:5	Sara abo ie ribalau Aberama arinai i ene, “Se abi‐baaeaigu ta oa hinage am giru! Egu heaheari sinena eau ea leawa nuapoum eai em haitalagado eai, i lau e i itayao ie boga abotai i isuewaigu. GUIAU abo i hegiruda, oa eo eau!”
394	GEN 16:12	Ia abo tau‐hemanabara tauna, doha nuura asinina, nimana abo tatao gamagaridi i ialaidi, tatao gamagaridi hinage nimadi ia abo se ialai; eo ana bogaoyao abo i miasuaraedi eo i hewaiunuedi.”
399	GEN 17:1	Aberama ena borimai se lage’o tatao‐hasi‐se‐mate‐saudoudoi‐harigigi‐hasi GUIAU i taumasaraha Aberama arinai, i ribalau i ene, “Eau Gigibori‐aririna Eaubadana; matagu eai bena u laulau eo nige aba hegirum.
405	GEN 17:7	Egu aigora, oa eo eau matada eai wa, abo ea hemamohoiei am isimurita se tubu‐muritama aridi eai, i lau e hari isi to hari isi, aigora miatahitahina, eau abo em Eaubada, am isimurita enadi hinage.
406	GEN 17:8	Em aba‐tautausi tanona ta abo ea leawa oa arim eai, eo am isimurita se muritama aridi eai, Kanana tanona maudoudoina ta, abo enamiu i lau e huia nige nosina; eau hinage abo edi Eaubada.”
410	GEN 17:12	Eai boeamiu eai ena asubena hehaligigi‐haionana eai abo se heperitome; merumeru tatao, am isi gamagaridi eai, numa eai se labasidi e em moni eai ue uneidi murimuri tauna esau arinai ia nige natumiu mamohoi.
418	GEN 17:20	Na Isamaela wa, em riba ea ataieiya’o; u ita, abo ea ainauiai hinage, ea he’ua eo ea hegamagari aririei; wasawasa saudoudoi‐labui ia abo tamadi ede, abo ea hetoro i hemala basileia saesaena.
425	GEN 17:27	Eo tatao gamagaridi ena numa eai se labasidi, eo isi wa moni eai se unehaidi murimuri‐tataodi aridi eai, maenayao se heperitome esegaidi.
426	GEN 18:1	GUIAU i taumasaraha ia arinai, Mamare aiarudi eai, ia ena numa‐lulu dobilana eai i babawa, asuasubenalai gigiborina eai.
427	GEN 18:2	Matana i helabaisinidi ie italau, hede tatao haiona matana eai se totoro. Ie itadi abo ena numa‐lulu wa dobilana i laugabaei ie tau hesabadi bena i hailobaidi, abo tano eai i tabaohu.
431	GEN 18:6	Abo Aberahama i heuheula ie lau numa‐lulu alona eai wa, Saraha arinai, eo i ene, “U heula falawa lolololona nonoina haiona u henonohaidi, u helasa eo keke u ginauridi.”
434	GEN 18:9	Se ribalau ia arinai si ene, “Monem Saraha wa ia haedi?” Ia i ene, “Ia hede numa‐lulu alona eai.”
435	GEN 18:10	I ene, “Abo ea uioma arimiu eai, borimai sigana eai, monem Saraha abo natum i labasi.” Na Saraha wa ia numa‐lulu guduna murina eai i ata’atai, dagelana eai.
467	GEN 19:9	Na isi mo si ene, “U torohihisi.” Eo si ene, “Tau ta ia taulaolaoma mo, na bena i toro doha tauhedudurai! Sora oa abo ai abi‐baaea aririem, abotai isi.” Lota se dudui aririei, se hanahanaui arinai bena dobila guduna se eatulopa.
468	GEN 19:10	Na wau tatao labui wa numa‐alo eai wa nimadi se helele Lota se toai se niuriama aridi eai, dobilana se gudu.
475	GEN 19:17	Se woea‐hepesadi abo si ene, “Au dago emi mauri debana eai; tabu au itasinibui, e haedi gonu eai ta au tarutoro, ata se unuimiu.”
489	GEN 19:31	Abo tau‐bagunana i ribalau taumuritana arinai i ene, “Tamada i tautaubad’o, eo tanoubu eai ta nige tau esau taba arida eai i laoma, doha tanoubu ta kamanina.
501	GEN 20:5	Ia i heribagu, e nige’e, i ene, ‘Lougu ina.’ Sine wa hinage i ene, ‘Tau ta lougu.’ Ma nua‐duduraigu eai, eo ma nima‐aagu eai laulau ta ea abi.”
502	GEN 20:6	Abo Eaubada enosuai eai i ribalau arinai i ene, “Hedeona, ea nuatuiyao oa ma nua‐duduraim eai laulau ta ue abi, eo eau ede ea abi nuahim to nige baaea u ginauri arigu eai, arinai nige ea eari ia bena u abilau arinai.
503	GEN 20:7	Besi, tau wa monena u moseuioi; paana ia peroweta, ia abo enam i lau‐uura arinai oa abo u mauri. Na ena nige u moseuioi, u nuatui mamohoi ariri abo u mate, oa maem tataoyao gamagaridi.”
513	GEN 20:17	Aberahama i lau‐uura Eaubada arinai; Eaubada abo Abimeleko i helolouioi, monena hinage eo ena heaheari sisinedi, isi abotai merumeru se labasidi.
518	GEN 21:4	Aberahama natuna i heperitome ia ena asubena hehaligigi‐haionana eai, doha Eaubada ena lauhesom wa.
528	GEN 21:14	Arinai maratomtom eai Aberahama i toroheula ariri falawa ie abi, eo sarai opina eai goila i hegoi, Hagara i mosei, i toresae dabayarona eai, natuna hinage, eo i hetamari ie lau. To ie lau abo i laulau gaibu Biera‐siba barabarana eai.
542	GEN 21:28	Aberahama mamoe eawoina eai mamoe nanatudiyao bawesinadi haligigi‐labui i abihesuaradi.
543	GEN 21:29	Abimeleko i ribalau Aberahama arinai i ene, “Ina mamoe nanatunayao bawesinadi haligigi‐labui u abi hesuaradi ta, aniona saha?”
544	GEN 21:30	I heuio i ene, “Ina mamoe nanatudiyao bawesinadi haligigi‐labui ta abo eau nimagu eai u abidi, abo oa enagu tauriba ede, goila huana ta eau tau sarana.”
545	GEN 21:31	Arinai teha ne esana se tore Biera‐siba paana nei eai taudi labui se riba aigora.
546	GEN 21:32	Arinai Biera‐siba eai edi ribahesunuma se ginauri, abotai Abimeleko maena Pikolo ena iala bodana tauwoeaina wa se torohai se uio Pilistia edi tano eai.
547	GEN 21:33	Aberahama oeagi tabuna esau i umai Biera‐siba eai abo nei eai GUIAU esana i atai, Mauri Nige Nosina Eaubadana.
557	GEN 22:9	Dimo wa Eaubada i ribaei wa arinai se lage, abotai Aberahama aba‐aitalasam i tarini, potana eai oeagi i hatai komakomanidi, natuna Isaako abo ie pai, eo i he’enosaei oeagi wa potadi eai.
562	GEN 22:14	Arinai dimo ne esana Aberahama ie tore ‘GUIAU enada abo i leama’, doha se ribaribaei i laoma e wauta, si ene, “GUIAU ena oea‐tupina eai enada abo se leama.”
567	GEN 22:19	Arinai Aberahama ie uio ana hewari aridi eai to se torohai se lau esega se lau Biera‐siba, Aberahama ena aba mia Biera‐siba eai.
574	GEN 23:2	Abotai Saraha i odalele Kiriata‐araba eai, (ia ede Heberona) Kanana tanona eai. Aberahama ie lau Saraha enana i muromuroro eo douna i dou.
576	GEN 23:4	“Eau laolaoma tauna mo, ea miamia boeamiu eai ta: egu tano au leama bena egu aba‐toretoretau emi tupo eai, abo egu taumate edi aba‐puruyamuidi.”
582	GEN 23:10	Wau Eperona wa i babawa Hito tataodi boeadi eai, abo Eperona, Hito tauna wa, Aberahama ena riba i hemaisa Hito tataodi gamagaridi matadi eai, eo isi ena eanua dobilana aba‐lusorana matadi eai, i ene:
623	GEN 24:31	I ene, “GUIAU ena helolo tauna e, u awasaema; paana saha murimuri eai u totoro? Em abamia ea henonohayao, eo kamela aba‐toredi hinage.”
652	GEN 24:60	Eo Rebeka se ribahelolo, se ribalau si ene, “Loumai e, oa abo tausani eo tausani saudoudoi sinadi ede: eo am isimurita tau hewaiunuedi edi aba‐lau se abi enadi!”
659	GEN 24:67	Isaako abo Rebeka wa i woeai sinana Sahara ena numa‐lulu eai, abo Rebeka ie abi, i hemala monena, eo i gadosisiei. Abotai Isaako ena abo nuabiga i lobai sinana ena mate murina eai.