31	GEN 1:31	Abo Eaubada ginauri gamagaridi i hetubudi wa ie italau aridi eai, ie ita, se lolo ariri. Abo maimailahi eo maratomtom, asubena hehaligigi‐esegana.
114	GEN 5:8	Arinai Seta ena mauri asubenadi maudoidi ede borimai handere haligigi‐hasi eo saudoudoi‐labui. Abotai ie mate.
180	GEN 7:20	Goila i helahelai oea tupidi potadi eai i lau e oea deba pogadi edi gabotum doha kubita saudoudoi‐haligigi.
186	GEN 8:2	edi aba‐ota gabotum lailaidi eai wa, eo galewa tomlapaidi wa, se gududi, nabu galewa eai se abi‐nuahi.
330	GEN 13:11	Arinai Lota Ioridana gonuna iabom enana i hineri, eo Lota ie lau tupo aruabu; arinai se hai‐tausuaraedi.
470	GEN 19:12	Abotai wau tatao labui se ribalau Lota arinai si ene, “Em tataoyao aidobudi inai? Bosiamyao, eo nanatumyao tatao, e nanatumyao sisine, enamyao eai eanua eai ta, teha eai ta u woea‐hepesadi.
716	GEN 26:23	Nei eai i torohai ie sae Biera‐siba.
726	GEN 26:33	Esana ie tore Siba; ia ede eanua esana wa i laoma e wauta ede Biera‐siba.
826	GEN 29:30	Iakobo hinage Rahela arinai ie lau, na Rahela mo i gadosisi aririei, abo Lea, eo Labana enana i paisoa uio borimai haligigi‐labui.
1020	GEN 35:8	Na Debora, Rebeka tauabihelaina, ie mate, to se tore Beteli eai, oeagi lailai paana eai. Abo oea wa esana se tore Alona‐bakuta.
1023	GEN 35:11	Abo Eaubada i ribalau arinai i ene, “Eau Eaubada Gigibori‐aririna. Am isimurita abo se gamagari ariri. Basileia eo hinage basileia gamagaridi oa arim eai abo se laoma, eo oa tumam eai abo wasawasa se labasidi.
1034	GEN 35:22	Abo Isaraela nei tupo eai ne ie mia, na huia esau Reubena i laoma Bilaha arinai, tamana monena esau wa, maena se enobili, abo Isaraela wasana i ataiei. Iakobo nanatunayao tatao saudoudoi‐labui.
1284	GEN 42:31	To ai heriba ai ene, ‘Ai riba mamohoi tataomai, ai nige tau‐itaitasipo.
1409	GEN 46:22	Isi gamagaridi Rahela nanatunayao tatao i labasidi Iakobo arinai, gamagaridi saudoudoi‐hasi.
1412	GEN 46:25	Bilaha hinage nanatunayao tatao: Labana wa i mosei natuna sine Rahela arinai. Iakobo arinai i labasidi, tatao gamagaridi haligigi‐labui.
1449	GEN 47:28	Iakobo Aigupito eanuana eai ie mia borimai saudoudoi‐haligigi‐labui, abo ena borimai gamagaridi handere‐esega‐tatao‐labui‐se‐mate haligigi‐labui.
1504	GEN 49:30	Ia ede duha wa Makepela tanona eai, Mamare tupo mahana ena aba‐dalasae eai, Kanana tanona eai, iaede Aberahama i uneyao ma tanona Eperona Hito tauna arinai bena ena aba‐toretoretau.
1815	EXO 11:8	Em heaheari gamagaridi abo se dobima arigu eai, se debatutu matagu eai, abo si ene, “U lausuara eo tatao gamagaridi isi tauhemuriwataim”: eo murina eai abo ea pesa.’” To Parao matana i pesagabaei ma ouyalayala‐aririna.
2194	EXO 24:16	GUIAU ena namanamari ie ota Sinai oea tupina eai, eo eada wa i buburi asubena haligigi‐esega. Abo asubena hehaligigi‐labuina eai eada wa boeana eai i eogalau Mose arinai.
5965	JOS 6:14	Asubena helabuina eai ma esega eanua se hetaiiri abo se uio edi aba mia eai: hinage se abi doha nei asubena haligigi‐labui.
6056	JOS 9:17	Isaraela tataodi se lau, asubena hehaionana eai edi eanua eai se lage. Edi eanua va esadi ede Gibeona, eo Sepaira, Birota, eo Keriga‐gerimi.
6219	JOS 15:15	Ia abo i sae Debiri tataodi aridi eai: Debiri esana beabeana ede Kiriata‐sepa.
14879	PSA 62:5	Edi nuatu esega mo ede bena ena abatoro eai se oiheguri. Ao borabora se henua aririei. Awadi eai se ribalolo, na nuaboeadi eai se riba‐hemate.
23230	MAT 1:17	Isidi gamagaridi Aberahama i hetubudi i lau e Davida arinai, isidi saudoudoi‐hasi, eo Davida ena huia eai i lau e se toaidi se laedi Babulonia eai, isidi saudoudoi‐hasi hinage, eo se laedi Babulonia i lau e Keriso arinai, isidi saudoudoi‐hasi.
23375	MAT 6:24	“Nige tau esau abo tanuaga labui i heaeaiedi; esau abo i hewaiunuei, esau i gadosisiei, e esau i nuatuaririei, esau i isuewaei. Eaubada eo mamona taba nige au heaeai‐esegaidi.
23438	MAT 8:24	Gabogabo eai mana lailai i lagelage, butubutu waga i poii: na ia ma‐enona.
23512	MAT 10:26	“Arinai tabu au matausiedi: paana ede ginauri esana se hebuitawai, abotai abo i masaraha; eo se toreyamui, hinage abo se ita‐lobai.
23881	MAT 20:20	Sebedaio nanatunayao sinadi, nanatunayao labui maenayao abo se laoma Iesu arinai, i tabaohu ia arinai, ginauri esau i aiboda‐gadogadolaei.
24109	MAT 25:32	Ia nuanuana eai hari basileia, hari basileia tataodi se oigogo: ia abo i pei‐labuidi, doha mamoe taumiataunidi mamoe eo bokania i pei‐labuidi.
24319	MRK 1:35	Mara sora nige i iuiari Iesu i torohai ie pesa, ie lau malatupama eai, nei eai i lau‐uura.
24458	MRK 5:25	Sine esau ana asiebo osina i laulau miana borimai saudoudoi‐labui.
24475	MRK 5:42	Siuna ne i torohai, eo i laulau; ena borimai saudoudoi‐labui. Isi se nooariariri.
24577	MRK 8:8	Isi se aiai, e, bogadi se sese; aiai mapulana isi abo se tanogogoi bosa haligigi‐labui.
24972	LUK 1:10	Huia wa muramura panepanena se gabu tatao moutuadi lailai murimuri eai se laulau‐uura.
25043	LUK 2:1	Nei asubenana ne Kaisara Aoguso ena laugagaeo ribana esau i lauhesomdi, tanoubu se ohihai esadi abo se lau‐uri.
25045	LUK 2:3	Tatao gamagaridi se laulau edi eanua mamohoi eai esadi se lau‐uridi.
25176	LUK 4:44	Galilaia sunago alodi eai i lau‐guguia.
25387	LUK 9:17	Isi se aiai, e bogadi se sese: aitoredi se tanogogoidi bosa saudoudoi‐labui.
25398	LUK 9:28	Teina riba ta i ribaedi wa i lau e asubena haligigi‐haiona se ohi, Petero, eo Ioane, eo Iamesi i woeaidi, i dalasae oea tupina eai, bena i lau‐uura.
25508	LUK 11:34	Tauhemara ede mata: ena matam i lolo esegai taum i ohihai hinage abo i mara‐gudui: ena matam i baaea taum hinage i masigiri‐gudui.
25685	LUK 15:28	Ia abo i ouyalayala, nige i awasae numa alo eai: arinai tamana ie pesa ia i heriba‐hebigabiga.
25974	LUK 22:41	Ia i lausuara siuna lohana doha we’u ta tu, i turibono, i lau‐uura.
26049	LUK 23:45	Mahana i wahuwahuhuri, eo numa tabuna woeona duaduari eai i tapurisi‐helabuini.
26073	LUK 24:13	Na, nei asubenana ne adi sasaguyao labui se lau eanua esau esana Emausa, Ierusalema i laoma eanua wa edana lohana maila haligigi‐esega.
26231	JHN 4:6	Iakobo ana goila huana nei eai. Iesu ena tautausi eai e tauna se beruberu, arinai i bawabigabiga goila hasarina eai. Huiana ne mahana haligigi‐esega.
26401	JHN 7:4	Taba tau i henua ia i hemasarahauioi ginauri nige i ginauri‐yamuyamui. Ena ginauri u ginauridi u hemasaraham, tanoubu abo se itam.”
26630	JHN 11:38	Iesu nuana i hisihisiliuio i lagema bousa eai. Bousa wa duhana ede, we’u esau i ota‐tawai.
26848	JHN 17:20	“Hinage nige ea lau‐uura isibom mo enadi, na isi wa hinage edi riba arinai abo se sunusunumaegu, enadi ea lau‐uura.
27036	ACT 2:18	e, abo egu heaheari tatao, eo egu heaheari sisine potadi eai Earuagu ea hegoidobei, abo se riba‐peroveta.
27145	ACT 5:17	Abotai abo kohena lailai i toro, isi gamagaridi maenayao hinage (isi ede Sadukea peledi), se aiaromagigiri‐aririedi.
27183	ACT 6:13	Tauboraborasom abo se hetorodi, si ene, “Teina tau ta eda asa tabuna ta, eo eda laugagaeo ie riba baaeaidi, nige i riba‐lautom.
27276	ACT 8:31	Tau wa abo i ene, “Abo edoha egu ataataiena, nige taulauhasahasaigu ta?” I awanori Pilipo arinai ia bena i awasaema se bawa‐labulabui.
27296	ACT 9:11	Guiau i ribalau ia arinai, i ene, “U toro, u lau dobila esau arinai esana ede Dudurai, Iuda ena numa eai tau esau esana Saulo, Tareso tauna, hage u hesio arinai, ia i laulau‐uura.
27352	ACT 10:24	Asubena helabuina isi se lage Kaisaria. Konelio isi i bagibagiedi, ia ana bogao, eo ia ehanayao i heoigogo‐nonohaidima.
27418	ACT 12:12	Ena dobila i nuatui, abo i ene ea lau Maria, Ioane Mareko sinana, ena numa eai, nei eai tatao gamagaridi se oigogo se laulau‐uura.
27437	ACT 13:6	Isi bonabonarua wa se eona se lau se lulage Papo eai arinai tabusima esau se lobai, ia peroveta borabora, Iudea tauna esana ede Ba‐Iesu.
27462	ACT 13:31	Isi maenayao Galilaia eai se saema Ierusalema, asubena gamagamagari ia se itaitai eo isi tatao enadi tau‐ribahemasaraha.
27489	ACT 14:6	isi se ataiei, se dago, se lau Lukaonia eanuadi eai esadi Luseta eo Derebe, eo dimodi ne se tau‐hetaiiridi.
27490	ACT 14:7	Nei eai isi wasa lolona se guguia‐hemasaraha.
27520	ACT 15:9	Ita ede ina, isi ede nei, nige i abiudoiedi, edi sunuma eai nuadi i deuri‐heaadi.
27552	ACT 15:41	Ia ie lau Suria eo Kilikia i utudio, ekalesia gamagamagari i riba‐headidiridi.
27633	ACT 18:7	To nei eai i laugabaedi, i awasae tau esau ena numa eai, tau wa esana Tito Iuseto, Eaubada tauaihelahuina esau, ia ena numa eo sunago se haitore‐siribebe.
27660	ACT 19:6	Paulo nimana i saosaeyao isi potadi eai, Earua Tabuna abo i taru isi potadi eai: isi hari arina, hari arina arinai se ribariba, eo hinage se riba‐peroveta.
27661	ACT 19:7	Isi gamagari tataodi saudoudoi‐labui.
27724	ACT 20:30	Headi hinage omi arimiu eai abo se toro, se ribahilihilimiu, bena tauataataiena se niuridi aridi‐ena.
27741	ACT 21:9	Teina tau ta ia nanatunayao hasara hasi, nige se tawasora, isi hinage tau‐peroveta.
27904	ACT 26:13	Guiau e, asuasubenalai eai marana ea ita galewa eai i sinadobima, i mara ariri, nige doha mahana marana, eau eo isi hinage agu sasaguyao maeguyao i sinahetaiiri‐esegaimai.
27929	ACT 27:6	Nei eai Alesana wagana esau senturion i lobai abo i lau Italia, arinai i hegeru‐awasimai.
27951	ACT 27:28	Gabogabo se liei, liena tau‐i‐mate; se taulau begana abo se lieuioi, liena saudoudoi‐haligigi.
27991	ACT 28:24	Isi headi riba wa ie ribaei se ataiei, na headi hinage nige se atai‐lobai.
28041	ROM 2:11	Paana ede Eaubada tatao nige i heasisi‐napaidi.
28095	ROM 4:5	Ia wa nige i paisoa, na tatao baaea tauheduduraidi i nuatuwatai mo, ena sunuma abo se ribaei laulau‐dudurai.
28101	ROM 4:11	Ia se heperitome doha heiheinoi mo, ena sunuma laulaududuraina heiheinoina huia ne sora nige se heperitome wa; ia abo tauataiena gamagamagari tamadi eai ie lau, isi wa nige se heperitomedi, edi sunuma debana eai mo se awaawa‐taulaulaududuraiedi.
28112	ROM 4:22	Arinai ede ena sunuma ia arinai se awa‐laulaududuraiei. (Gen. 15.6.)
28126	ROM 5:11	Na meta mo nige’e, Eaubada ta kodei hinage eda Guiau Iesu Keriso debana eai, ia arinai maeda ta labini‐esegaidao.
28128	ROM 5:13	Paana sora laugagaeona nige se hetubu baaea i tubuo tanoubu eai ta; na ena nige laugagaeo taba nige se awa‐laulaubaaeaei.
28134	ROM 5:19	Doha hinage tau esega ena awayagara debana eai tatao gamagamagari se hemala tatao baabaaeadi, tau esega ena awaabi debana eai hinage tatao gamagamagari abo se hemala tatao laulau‐duduraidi.
28135	ROM 5:20	Laugagaeo i lagema, baaea wa bena i hetadada. Na haedi baaea ena aba‐tadada wa, temetai ainauia abo i hetadada‐lailai.
28199	ROM 8:15	Paana omi earuamiu taba nige au abiuioidi doha se paiuioimiu, eo doha matausi arinai au guriuio; na omi gigiori earuana au abi, au hemala‐natu. Arinai ena ta eaba lailai ta ene “Aba! Tamada e!”
28203	ROM 8:19	Ginauri eo abi gamagamagari se hetubudi wa, Eaubada nanatunayao edi hedebasae se bagibagiwatai, ma‐nualelehidi.
28209	ROM 8:25	Na ena ginauri nige ta ita, ta sunumaei, iaede abo ta bagiwatai, ma‐nuapaipaida.
28213	ROM 8:29	Na isi i ita‐nonohaidio hinage i henuatu‐auridio ia Natuna ana ao abo hinage se abiwatai, ena tataoyao gamagamagari aridi eai ia bena abo i hemala natu‐ealahouna.
28231	ROM 9:8	Isi buluma nanatunayao nige Eaubada nanatunayao; na ribahesunuma nanatunayao isi ede se awa‐pesipesiedi.
28318	ROM 12:5	ita hinage ta gamagari, eo Keriso boeana eai tauda esega mo, eo hinage esau eo esau ta he‐eauesegaida.
28321	ROM 12:8	e ia i riba hepaipai, abo i ribahepaipai komakomani; eo ia i aiainauia abo nuana eai i mose‐esegai; ia i hesahesagu abo i abi ma‐nuagigiborina.
28327	ROM 12:14	Isi se heamamnamiu au abiloloedi; au abiabiloloedi, tabu au ariarina‐baaeaidi.
28331	ROM 12:18	Au aipate komakomani tatao gamagamagari gonoamiu au miaheboheboriedi ma‐lonimiu.
28345	ROM 13:11	Ina riba ta abiwataidi paana au nuatui huiana i lagemao bena au eno lautom, na au eno‐toro. Paana abihemaurida i hanahanauma, nige doha nabada wa, huia ne ta nuatuwatabagunai wa.
28379	ROM 15:8	Na ea ’ne Iesu Keriso i hemala Isaraela tataodi edi heaheari, Eaubada ena riba mamohoina bena i hemasaraha eo ribahesunuma wa Tamadayao aridi eai, bena i riba‐hemamohoiedi.
28388	ROM 15:17	Keriso Iesu boeana eai, agu paisoa Eaubada enana taba ea riba‐pasipasiei.
28465	1CO 2:3	Ea miamia arimiu eai wa ma‐beruberugu, ma‐matausigu, eo ma‐tabutabubuaririgu.
28569	1CO 7:14	Paana sine wa monena nige tausunuma, monena abo i hetabuei; eo tau wa monena nige tausunuma, monena abo i hetabuei, ena nige’e abo nanatumiuyao mabiidi, na ia mo isi tau‐tabuna.
28578	1CO 7:23	Omi maisana eai se uneuneimiuo; tabu au hemala tatao edi heaheari‐tauauau.
28659	1CO 10:24	Tau esa eo esa, tabu iabom enana i eooi, na hari tatao edi lolo i eoo‐bagunai.
28700	1CO 11:32	Na se hekirainoda bena Guiau i heduduraida, bena tabu ita maeda tanoubu ta, se hebaaea‐esegaida.
28728	1CO 12:26	Eauna esega i baaea, eanua gamagaridi abo se amamna hinage; eauna esega se helolo, abo eauna gamagaridi maena se kode‐esega.
28747	1CO 14:1	Bena emi aipate gadosisi, abotai earua ena ainauia headi hesabadi au lau, bagubagunana ede ribariba‐peroveta.
28786	1CO 14:40	Ginauri gamagaridi au ginauridi, bena adi ao se dudurai, eo se laulolo‐esegaidi.
28810	1CO 15:24	Abotai abo huia anasigana i lagema, huia ne basileia abo i mosei Eaubada arinai, Tamana ede, sora tanutanuagana, laugagaeo, gigibori, maudoidi i helautom‐bagunaidi.
28905	2CO 2:13	na nuagu nige i taru, paana egu tau Tito ea eooasa‐eai. Arinai ea lauaioniedi ea torohaigabaedi ea lau Makedonia.