9	GEN 1:9	Abo Eaubada i ene, “Bena goila galewa ubuna eai i abigogoi ena aba’ota esega, bena tano pitapitarina i taumasaraha.” Hinage doha, ie tubu.
10	GEN 1:10	Eaubada tano pitapitarina wa esana ie tore Tanoubu, eo goila se he’esegaidi wa esadi ie tore Gabogabo. Eo Eaubada ie ita i lolo.
11	GEN 1:11	Abo Eaubada i ene, “Bena tano ginauri ini’inidi se ini, ma tumadi, eo uaua oeagidi, uauadi se toredi boeadi eai tumadi, esa, esa ano ao i lauwatai tano potana eai.” Hinage doha, ie tubu.
12	GEN 1:12	Tano ginauri ini’indi i he’inidi, ma tumadi adi ao udoi udoi eai, eo oeagi uauadi se toredi, uauadi wa ma tumadi, adi ao udoi udoi se lauwataidi. Eo Eaubada ie ita i lolo.
29	GEN 1:29	Eo Eaubada i ene, “Au ita, ginauri ini’inidi gamagaridi tuma se hetuhetubudi, tanoubu maudoina potana eai, isi ede ea lediwa’o, oeagi gamagaridi hinage uauadi eai tumadi; abo au abidi ami aiai.
30	GEN 1:30	Eo tano suisuidi gamagaridi, eo eada manudi eo ginauri gamagaridi tano eai taudala, ginauri maudoidi aridi eai mauri eahuana aridi eai hinage ginauri in’inidi ea mosedi’o adi aiai.” Hinage doha, ie tubu.
36	GEN 2:5	Huiana ne sora nige oea ginaurina ini’inina esau tano eai i tubu, eo sora nige oea lagauna i inisaema, paana GUIAU Eaubada sora nige nabu i hetaru tano eai, eo sora nige tau esau tano i giari;
43	GEN 2:12	eanua ne ena gold i lolo dumaduma; bedelium eo onyx we’una hinage metai.
80	GEN 3:24	Arinai tau wa i aiduiei; to oeana tupo aruabu eai serubim esau i hetoro, eo elepa balebalelemna i he’ode tupo gamagari eai, mauri oeagina dobilana wa i taugudui.
88	GEN 4:8	Kaina i ribalau ena tau Abela arinai i ene, “U laoma ta lau oea eai.” Isi taudi labui se lage’o oea eai abo Kaina i toro ena tau Abela i lului abo i eatu’nui.
103	GEN 4:23	Lameka i ribalau monenayao aridi eai, “Ada eo Silaha e, arinagu ta au ataiei, Omi Lameka monenayao e, hage egu riba au ataiei: tau esau ea eatu’nui paana agu gai ie tore, hewari esau paana i talaigu:
141	GEN 6:3	Abo GUIAU i ene, “Earuagu taba nige i haiabi da’oi tau nuana eai, ia buluma, ena asubena abo se lau borimai handere esega eo tau‐esega‐i‐mate.”
150	GEN 6:12	Eaubada tanoubu ie ita, hede ie posa, paana buluma gamagari edi dobila se hebaaea’o tanoubu eai.
155	GEN 6:17	Paana u ita, eau abo dibori utu’utu lailaididigana ea leama tanoubu eai ta, buluma maudoina arinai abo ea hebaaeadi, saha eo saha mauri eawasina aridi eai, galewa ubuna eai, ginauri gamagari tanoubu potana eai abo se mate.
161	GEN 7:1	Abotai GUIAU i ribalau Noa arinai i ene, “U awasae ake arona eai, oa eo maem numa taumia gamagaridi, paana ea itam’o oa tau abidudurai matagu eai, teina isi ta boeana eai.
166	GEN 7:6	Noa ena borimai handere haligigi‐esega, nei huia ne dibori utu’utu i lagema tanoubu potana eai.
167	GEN 7:7	Abo Noa ma nanatunayao tatao, ma monena, ma nanatunayao wa monediyao, se awasaegogo ake eai dibori utu’utu goilana wa bena se dagoei.
170	GEN 7:10	Asubena haligigi‐labui muridi eai, abotai abo dibori utu’utu tanoubu i unuhai.
177	GEN 7:17	Dibori utu’utu wa i laulau asubena tatao‐labui‐se‐mate tanoubu potana eai; goila tanoubu i laugirihai abo ake wa i lausini, i poupouli, i sae ariri tanoubu ewana eai.
191	GEN 8:7	Ao’ao i heloi; ie loi sae, ie loi dobi i lau e goila tanoubu eai se guma’o.
192	GEN 8:8	Abotai bunebune esau i heloi, bena i ita, goila tanoubu eai se guma’o e sora.
195	GEN 8:11	Maimailahi eai bunebune wa i uioma arinai, to ne, awana eai olive luguluguna harihariuna ie losi arinai Noa ie ita, omihede goila se guma’o tanoubu eai.
196	GEN 8:12	Abo i bagibagiuio asubena haligigi‐labui headi se lau’o bunebune wa i heloiuioi, na nige i uioma ia arinai.
197	GEN 8:13	Borimai handere hehaligigi‐esegana eai, nawalai bagubagunana asubenana bagubagunana eai, goila se guma’o tanoubu eai; Noa ake atohina abo i abihai, i italau tanoubu ana ao ie ita, i pitari’o.
204	GEN 8:20	Noa abo aitalasam hatahatana i hetoro GUIAU arinai, eo suisui aa’aadi udoi udoi wa, eo manu aa’aadi, esega esega i abidi ena aitalasam hatana eai i gabudi.
208	GEN 9:2	Tano suisuina eo malagaibu manuna abo matausimiu eo mae’emiu eai se laulau, ginauri gamagaridi tano eai se daladalausi hinage gabogabo eamana; nimamiu eai ede se lediwa.
209	GEN 9:3	Ginauri maumauridi moimoyudi isi abo ami aiai ede, doha hinage ginauri ini’inidi eo ginauri gamagaridi eau ea lediwa’o.
217	GEN 9:11	Egu aigora ea ribaei arimiu eai, ede taba nige huia esau buluma maudoina ea tomgabaeuioidi dibori utu’utu goiladi eai, eo taba nige huia esau i diboriuio doha nei bena tanoubu i hebaaea.”
234	GEN 9:28	Dibori utu’utu wa murina eai, Noa borimai handere haiona eo tatao‐labui‐se‐mate‐saudoudoi ie mia.
236	GEN 10:1	Noa ma nanatunayao Sema, Hama eo Iapeta, isidi ede ina; ma nanatudiyao hinage dibori utu’utu wa murina eai se labasidi.
267	GEN 10:32	Teina Noa nanatunayao adi bogaoyao ede, ma adi isi edi basileia eai; basileia ta aridi eai se tadada tanoubu tupo gamagari eai, dibori utu’utu wa murina eai.
271	GEN 11:4	Abo si ene, “Ehei, hage eda eanua lailaina ta hetoro, eo numa lailaina ewana i sae e galewa, abo esada edi aba’ataina abo tanoubu matana eai taba nige se hetatagorigorida.”
277	GEN 11:10	Sema ana isimurita ede ina. Sema ena borimai handere esega, abotai i hemala Arepakasa tamana borimai labui dibori utu’utu murina eai.
304	GEN 12:5	Aberama monena Sara i woeai, eo Lota ena tau natuna wa, eo edi gogo gamagari se lauheagogo, eo edi tataoyao Harana eai se abidi; eo se torohai bena se lau Kanana tanona eai. Se lage’o Kanana tanona eai.
333	GEN 13:14	Lota i abihesuara’uioi wa murina eai GUIAU i ribalau Aberama arinai, i ene, “Matam u helabaisinidi, em aba‐toro eai me u italau, tupo bauri, tupo eawana, tupo aruabu, tupo ealasi,
360	GEN 14:23	Oa em ginauri taba nige maina bodibodi e ae’um aba‐auna e oa em ginauri esa enam ea abilau arinai, ata u ene, ‘Eau Aberama ana gogo lailai taumoseina.’
378	GEN 15:17	Mahana i dui’o eo i masigiri’o, abo ne gulewa ginaha aba baheina ma asuasuna, eo osiri ala‐balebalelemna se taumasaraha wau aitalasam suisui eaudi wa boeadi eai.
399	GEN 17:1	Aberama ena borimai se lage’o tatao‐hasi‐se‐mate‐saudoudoi‐harigigi‐hasi GUIAU i taumasaraha Aberama arinai, i ribalau i ene, “Eau Gigibori‐aririna Eaubadana; matagu eai bena u laulau eo nige aba hegirum.
415	GEN 17:17	Aberahama abo i gurisalaoba matana eai, to i maruhi iabom nuana eai, ie riba i ene, “Abo merumeru se labasi tau ena borimai handere esega arinai? Abo Saraha natuna i labasi, ia i lage’o borimai tatao‐hasi‐se‐mate saudoudoi?”
418	GEN 17:20	Na Isamaela wa, em riba ea ataieiya’o; u ita, abo ea ainauiai hinage, ea he’ua eo ea hegamagari aririei; wasawasa saudoudoi‐labui ia abo tamadi ede, abo ea hetoro i hemala basileia saesaena.
430	GEN 18:5	Na aiai ami begana ea leama, amnamiu se lolo abotai emi eda eai au lau; paana au laoma’o ina emi heaheari tauna arinai.” To si ene, “Besi, doha u ribaei wa u ginauri.”
433	GEN 18:8	Abo bata eo susu ie abi, eo bulumakau natuna se henonohaiya’o wa, eo i toredi matadi eai wa na isi se aiai.
438	GEN 18:13	GUIAU abo ie riba Aberahama arinai, i ene, “Paana saha Saraha i maruhi, eo i ene, ‘Mamohoi abo merumeru ea labasi, ea sinesinebada’o ta?’
481	GEN 19:23	Mahana i dalasaema’o tanoubu i sinai abotai Lota ie lage Soara eai.
482	GEN 19:24	Abo GUIAU we’u gigibori eo alaalasi galewa eai GUIAU arinai i hetarudobei Sodoma eo Gomara potadi eai.
486	GEN 19:28	ie itadobi Sodoma eo Gomara eo gonu ne tehana maudoina arinai, ie ita, eanua asuasuna i ini’inisae doha um lailai abagabugabuna asuasuna.
488	GEN 19:30	Lota abotai Soara i laugabaei, ie sae oea tupidi eai ie mia, ma nanatunayao sisine labui, paana Soara miana i matausiei; to we’u duhana esau eai ie mia, ma nanatunayao sisine labui.
554	GEN 22:6	Abo Aberahama aitalasam gabugabuna oeagina ie abi ie tore natuna tau Isaako dabayarona eai; eo nimana eai oeagi ala’alasina eo nigo i abidi, abo taudi labui se lau esega.
557	GEN 22:9	Dimo wa Eaubada i ribaei wa arinai se lage, abotai Aberahama aba‐aitalasam i tarini, potana eai oeagi i hatai komakomanidi, natuna Isaako abo ie pai, eo i he’enosaei oeagi wa potadi eai.
584	GEN 23:12	Aberahama i taba’ohu eanua tataodi matadi eai,
614	GEN 24:22	Kamela se nom lautom abo tau wa nima’au gold porohena sekela tupona, eo arima gold labui, porohedi sekela gold saudoudoi i abidi,
622	GEN 24:30	Nima’au ie ita, eo arima louna nimana eai, eo louna Rebeka ena riba i ataiei i ene, “Tau ta ena ribariba arigu eai doha ina” abo ie lau tau wa arinai; tau wa ie ita ena kamela hasaridi eai i totoro goila huana eai.
639	GEN 24:47	Abo ea oimuri ea ene, ‘Oa eai natuna?’ I ene, ‘Eau Betuela natuna siu, ia Nahora natuna, Mileka i labasi wa.’ Arinai bea omo’omo ea toredi, eo arima imana eai.
641	GEN 24:49	Ehei, ena emi abi se dudulai, eo em abi se lolo tanuagagu arinai au heribagu, ena nige’e au heribagu, hinage abo ea nuatui, tupo tutu eai ea lau e tupo seuseuri.”
718	GEN 26:25	Arinai nei eai aba’aitalasam hatana i hetoro eo GUIAU esana i atai eo nei eai ena numa‐lulu i hetoro. Nei eai hinage Isaako ena heaheari tataodi goila huana esau se sara.
736	GEN 27:8	Ehei, natugu e, egu riba u awa’abiei ina ea lauhesom ta.
751	GEN 27:23	I hekau paana nimana se oro’oro doha ena tau Isoa nimana, arinai i ribahelolo.
761	GEN 27:33	Isaako abo i tabutabubu ariariri, i ene, “Eai meta sarai i ailoea to i leama, oa soram, na ea aihe’ohiyao eo hinage ea ribaheloloyao? Mamohoi, ia hinage abo se helolo!”
778	GEN 28:4	Aberahama ribahelolona taba i leawa arim eai wa, ma’am isimurita hinage, bena em aba‐mia tanodi abo u abidi enamyao, isi ede Eaubada Aberahama i mosei wa!”
785	GEN 28:11	ie lage dimo esau arinai ie mia meta maionana, paana mahana i duio. Dimo ne we’una esau ie abi uruna eai ie tore, i aiunuaei to nei eai ie eno.
792	GEN 28:18	Iakobo i toro heuheula maratomtom gagirina eai, we’u i ai’unuaei wa ie abi, i hetoro doha du, eausi i hegoi potana eai.
796	GEN 28:22	Eo we’u ta ea hetoro doha du, abo Eaubada ena numa, eo ginauri gamagaridi u ledima abo lausoisoi hesaudoudoina enam abo ea leawa.”
799	GEN 29:3	Mamoe eawoidi nei eai se henau gogoidi, abo tau itawataidi we’u se buihesuara, mamoe se henomdi, abo we’una se toreuioi huana awana eai.
804	GEN 29:8	Na si ene, “Taba nige’e. Sora gamagaridi se woealageedima we’u se buihai huana awana eai, abotai abo ai henomdi.”
805	GEN 29:9	Ma’ediyao sora ma ribaribadi, na Rahela ie lage tamana ena mamoe ma’enayao, paana ia tautitawataidi ede.
806	GEN 29:10	Iakobo Rahela ie ita, sinana louna Labana wa natuna siu, eo sinana louna Labana ena mamoe i itadi, Iakobo ie sae we’u huana guduna i buihai, eo sinana louna Labana ena mamoe eawoina adi goila i henomdi.
818	GEN 29:22	Arinai eanua ne tataodi Labana i he’oigogoidi eo mataasi se ginauri.
823	GEN 29:27	Teina ta ena sabati sorasorana u he’ohi abo esau ea leawa, maisana borimai haligigi‐labui abo hinage enagu u paisoa.”
887	GEN 31:13	Eau Beteli Eaubadana, temeta we’u duna enagu u hetoro eo u he’eausi eo em aigora u aigoraei arigu eai. Aboina u torohai eanua ta u torohaigabaei, eo u uio aba‐labasim tanona eai.’”
889	GEN 31:15	I abimai doha laolaoma tataodi e nige’e? Paana i unegabaemai’o eo ema maisa monina i hepaisoa he’ohiyao.
893	GEN 31:19	Labana wa i lao’o ena mamoe wieadi bena i aitom, na Rahela tamana ena numa oitaudi i aiyaharidi.
906	GEN 31:32	Eai nimana eai em oitau wa u lobaidi tabu i mauri. I lolo ehadayao matadi eai em ginauri u eo’oidi arigu eai eo u abiuioidi.” Paana Iakobo nige abina i ata Rahela oitau wa i aiyaharidio.
908	GEN 31:34	Rahela oitau i abidi wa, na ababawa se tore kamela dagelana eai, boeana eai i toreamuidi, abo potadi eai ie bawa. Labana numa‐lulu alona eai i eo’o komakomani, na oitau wa nige i lobaidi.
909	GEN 31:35	Abo Rahela i ribalau tamana arinai i ene, “Egu guiau tabu nuam i baaea, paana matam eai nige ea toro, na sisine adi iwala ea hearo.” To i eo’o asa eai, oitau wa nige i lobaidi.
919	GEN 31:45	Arinai Iakobo we’u lailaina ie abi i hetoro, i hemala du.
920	GEN 31:46	Eo Iakobo i ribalau ena dodogayao aridi eai i ene, “We’u au tanogogoidi.” To we’u se peidi, abo we’u peina potana eai se aiaigogo.
925	GEN 31:51	Abo Labana ie ribalau Iakobo arinai i ene, “Ina we’u peina ta u ita, eo ina du ea hetoro ta oa eo eau duaduarida eai.
926	GEN 31:52	Ina pei ta abo eda heiheinoi, eo ina du ta hinage taba nige we’u peina eo ina du ta u dioidi bena u hebaaeagu.
939	GEN 32:11	eau nige ea lolo abo em ainauia gagiliaririna arinai u ainauiaigu, em gadosisi otaotahaina eo em abi lolo u heita em heaheari tauna arinai; paana nabada egu tu’e mo nimagu eai na ina Ioridana sagana ta ea awasi, na ina huia ta ea laoma pele labui lailaidi nimagu eai.
961	GEN 32:33	Ginauri ta debana eai Isaraela tataodi suisui gotudi bulumadi taba nige se aidi i laoma e wauta, paana Iakobo gotuna tau wa i abi’ita to danana i tarumo.
1016	GEN 35:4	Arinai isi gamagaridi edi oitau udoi udoi, eo omo’omodi beadi eai se toredi, se toredi Iakobo nimana eai, abo Iakobo i wuidi oeagi lailaina esau paana eai, Sekema gegesina eai.
1026	GEN 35:14	Arinai Iakobo du lailaina i hetoro edi aba‐ribariba oeana eai wa, ie ede we’u duna. Abo aitalasam nom‐nomna i hegoilaei potana eai, eo eausi hinage i hegoi.
1138	GEN 38:18	Iuda i ene, “Abo egu riba heiheinoina aisana?” Na sine wa i ene, “Em nimaau, ma mainana, eo em tu’e nimam eai.” Abo i mosedi arinai, na maena se eno, abo ia arinai ie boga.
1145	GEN 38:25	Huiana wa se woeai, riba i hetamarilaei bosiana arinai i ene, “Ina ginauri ta aisega tau enana, tau wa ia i hebogagu.” Eo i ene, “Hage au ita ina ginauri ta meta eai enana, ina nimau ma mainana eo ina tu’e ta?”
1201	GEN 41:5	Abo i enouio abo i enosuaiuio: na sitona aiaidi haligigi‐labui se ini pa’a esega arinai, lolodi eo lailaidi.
1210	GEN 41:14	Abo Parao ie riba to Iosepa se eogai, numa masigiri eai se hepesa heuraeyama, i gaeagaeaom, ana lulu a’ana ie lui, abo i laoma Parao matana eai.
1218	GEN 41:22	Abo egu enosuai esau doha ina, sitona aiaidi haligigi‐labui se ini pa’a esega arinai, se lailai eo se lolo.
1267	GEN 42:14	Na Iosepa i ribalau aridi eai i ene, “Ia ede doha wau ea ribaei wa, ea’ne omi ede tau itasipo.
1283	GEN 42:30	“Tau wa ia eanua ne guiauna ena riba i he’oiura arimai eai, eo i ene bena ai eanua ne tau‐itasipoina ede.
1337	GEN 44:12	Abo ie eo’o taubaguna arinai i hetubu ie dobi e taumurita arinai, to bia wa se lobai Beniamina ena baeki eai.
1353	GEN 44:28	esau i laugabaegu, to ea’ne nuana se purisigorigoriyao, eo nige ea itauioi.
1433	GEN 47:12	Eo Iosepa aiai i mosei tamana eo ena tataoyao, eo tamana ena numa tataodi aridi eai, i he’ona gonogonoadi.
1442	GEN 47:21	Abo tatao gamagaridi se hemala tauau’au tataodi Aigupito sigasigana esau eai, i lau e sigasigana esau eai.
1484	GEN 49:10	Wasawasa tu’ena taba nige Iuda arinai se laeihesuara, eo taba nige tanuaga tu’ena aena duaduaridi eai se abihai i lau e tanuagana i laoma, eo ia abo tatao gamagaridi se awaabiei.
1510	GEN 50:3	Asubena tatao‐labui‐se‐mate se ohi, ia enana iaede sinare he’eausina huiana dudulaina; eo Aigupito tataodi se dou asubena tatao‐haiona‐se‐mate eo saudoudoi.
1512	GEN 50:5	‘Tamagu i he’aigoragu i ene, “Nige baaeaona abo ea mate; egu bousa ea sara nonohaiyao Kanana tanona eai, abo nei eai au toregu.” Ea aiboda abo u abigabaegu ea sae tamagu ea tore, na abo ea uioma.’”
1532	GEN 50:25	Iosepa hinage Isaraela tataodi i he’aigoradi i ene, “Abo Eaubada i nuatuimiu, eo siadagu abo au bahelaedi.”
1546	EXO 1:13	Arinai Isaraela tataodi adi paisoa se he’oiura aririei;
1557	EXO 2:2	Sine wa i boga’o abo natuna tau i labasi, to huiana wa ie ita ana ao i lolo ariri, arinai i toreamui nawarai haiona.
1558	EXO 2:3	I lau e nige gonoana bena i toreamuida’oiei to bosa esau i haturi leiaha arinai, abo tar arinai ie pati. Murina eai merumeru wa alona eai i he’eno, eo ie tore saga lagaudi boeadi eai, saga hasarina eai.