2	GEN 1:2	Tanoubu nige ana ao, eo aha’ahana, eo gabogabo potana eai masigiri mo; na Eaubada Earuana gabogabo wa i moimoiutawaidi.
12	GEN 1:12	Tano ginauri ini’indi i he’inidi, ma tumadi adi ao udoi udoi eai, eo oeagi uauadi se toredi, uauadi wa ma tumadi, adi ao udoi udoi se lauwataidi. Eo Eaubada ie ita i lolo.
29	GEN 1:29	Eo Eaubada i ene, “Au ita, ginauri ini’inidi gamagaridi tuma se hetuhetubudi, tanoubu maudoina potana eai, isi ede ea lediwa’o, oeagi gamagaridi hinage uauadi eai tumadi; abo au abidi ami aiai.
130	GEN 5:24	Enoka Eaubada maena se laulau esega, i lau e ia nige’e, paana Eaubada ia i abiya’o.
152	GEN 6:14	Oa bena ake enam u ginauri, gopa oeagina eai, aroarona u biliutu’utusidi, murimurina eai eo arona eai tar arinai u aibadini.
168	GEN 7:8	Suisui aa’aadi, eo suisui nige se aa, ea manu eo ginauri tano eai tau daladalausi,
194	GEN 8:10	I bagibagiuio asubena haligigi‐labui se lau’o, abotai bunebune ake eai wa i hetamariuioi.
204	GEN 8:20	Noa abo aitalasam hatahatana i hetoro GUIAU arinai, eo suisui aa’aadi udoi udoi wa, eo manu aa’aadi, esega esega i abidi ena aitalasam hatana eai i gabudi.
270	GEN 11:3	Abo se oiriba si ene, “Ehei, hage bricks tano eai ta ginauridi, ta gabu komakomanidi.” Wau bricks wa se wa se hepaisoaedi doha edi we’u, eo tar se hepaisoa aba hepatu guduidi.
316	GEN 12:17	Na GUIAU Parao i heai’iwala, ma ena numa taumiana, iwala lailaidi se hearodi, Sara, Aberama monena wa, debana eai.
351	GEN 14:14	Aberama wasa i ataiei ana boga esau se abi se pai, abo ia ena tataoyao se heata komakomanidi’o, ena numa eai se labasidi, tataodi handere haiona eo saudoudoi‐haligigi‐haiona, i woeaidi se aihenau se lau e se lage Dani eai.
361	GEN 14:24	Eau taba nige saha ea abi, egu hewari adi aiai mo se aiya’o, eo tatao maeguyao taulau wa edi tupo abo se abi, Anera, Esekola, eo Mamare isi hinage edi tupo taba se abi.”
378	GEN 15:17	Mahana i dui’o eo i masigiri’o, abo ne gulewa ginaha aba baheina ma asuasuna, eo osiri ala‐balebalelemna se taumasaraha wau aitalasam suisui eaudi wa boeadi eai.
385	GEN 16:3	Arinai Aberama Kanana tehana eai borimai saudoudoi i mia’o, abotai Sara, Aberama monena, ena heaheari Aigupito sinena wa Hagara i woeai monena Aberama arinai, bena monena.
395	GEN 16:13	Arinai GUIAU enana tauriba wa esana i atai, “Oa tauitagu Eaubadana,” paana i ene “Mamohoi ede, wa, Eaubada ea i’ita, ea itayao na sora mamaumaurigu.”
435	GEN 18:10	I ene, “Abo ea uioma arimiu eai, borimai sigana eai, monem Saraha abo natum i labasi.” Na Saraha wa ia numa‐lulu guduna murina eai i ata’atai, dagelana eai.
437	GEN 18:12	Arinai Saraha nuaboeana eai i maruhi, i ene, “Ea sinesinebada’o, eo monegu i tautaubada’o, abo gonoamai kodena ai lobai?”
444	GEN 18:19	Nige’e, paana ia egu hineri tauna, abo nanatunayao eo ena numa tataodi murina eai i heatadi GUIAU ena laulau se sogohidi, laulau dudurai eo abi dudurai hinage; bena GUIAU saha i ribahesunumadi wa abo i hetubudi Aberahama arinai.”
446	GEN 18:21	Arinai abo ea dobi ea ita, lauhegiru i laoma arigu eai wa, mamohoi se ginauri ede; eo ena nige’e, abo abina ea ata.”
489	GEN 19:31	Abo tau‐bagunana i ribalau taumuritana arinai i ene, “Tamada i tautaubad’o, eo tanoubu eai ta nige tau esau taba arida eai i laoma, doha tanoubu ta kamanina.
490	GEN 19:32	Ehei, tamada hage waina ta henom, arinai abo ta eno’enoei, doha nei ada isimurita abo se tubu, tamada debana eai.”
501	GEN 20:5	Ia i heribagu, e nige’e, i ene, ‘Lougu ina.’ Sine wa hinage i ene, ‘Tau ta lougu.’ Ma nua‐duduraigu eai, eo ma nima‐aagu eai laulau ta ea abi.”
507	GEN 20:11	Aberahama i ene, “Ea ginauri paana egu nuatu ea ene, Eaubada matausina ina tupo maudoina eai ta nige’e, arinai abo se unuigu monegu debana eai.
514	GEN 20:18	Paana GUIAU Abimeleko ena numa taumia sisinedi gamagaridi bogadi i he’agaridi, Saraha, Aberahama monena wa debana eai.
579	GEN 23:7	Aberahama i toro, abo i taba’ohu, Hito, eanua tataodi aridi eai,
593	GEN 24:1	Aberahama i tautaubada’o, ena borimai se gamagari’o, eo ginauri gamagaridi eai GUIAU Aberahama i ainauiai,
619	GEN 24:27	I ene, “GUIAU, tanuagagu Aberahama ena Eaubada ea hedebasaei, ena gadosisi ota’otahaina, eo ena abilolo tanuagagu arinai nige i nuagabaei, na eau, GUIAU egu eda eai ta i woeaigu, ea lage tanuagagu ana bogaoyao edi numa eai.”
628	GEN 24:36	Na Saraha, tanuagagu monena, tanuagagu natuna i labasi na i sinesinebada’o, eo ena gogo maudoina i moseyao.
730	GEN 27:2	I ene, “U itagu, ea tautaubada’o, egu mate asubenana nige abina ea ata.
749	GEN 27:21	Abo Isaako i ribalau Iakobo arinai, “Natugu u sigilaoma bena ea abi’itam, bena abina ea ata, mamohoi, oa natugu tau Isoa e nige’e?”
750	GEN 27:22	To Iakobo i sigilau tamana Isaako gegesina eai, tamana i abi’ita, i ene, “Arinam doha Iakobo arinana, na nimam doha Isoa nimana.”
805	GEN 29:9	Ma’ediyao sora ma ribaribadi, na Rahela ie lage tamana ena mamoe ma’enayao, paana ia tautitawataidi ede.
824	GEN 29:28	Iakobo i awaabi, ena sabati sorasorana i he’ohi, abo Labana natuna Rahela i mosei ie abi monena.
827	GEN 29:31	GUIAU i itayo’o, Lea se hewaiunuei, arinai abo i abiabi, na Rahela i agari.
837	GEN 30:6	Abo Rahela i ene, “Eaubada i heduduraigu’o, arinagu hinage i ataieyao to natugu tau i leama.” Arinai esana ie tore Dani.
847	GEN 30:16	Iakobo maimailahi eai oea eai i laoma Lea i pesa i hailobai, i ene, “Abo u laoma arigu eai paana ea sagenaim’o, natum ena gadosisi uauadi aridi eai maisana ea tore?” To maiona eai ne ia maena se eno.
849	GEN 30:18	Lea i ene, “Eaubada egu maisa i leama’o, paana egu heaheari sinena ea mosei monegu arinai.” Abo esana ie tore Isakara.
860	GEN 30:29	Iakobo ena riba i heuio i ene, “Oabom abina u ata’o, egu abiheayayem ana ao, eo em bulumakau edi laulolo eau nimagu eai.
875	GEN 31:1	Iakobo riba i ataiei Labana nanatunayao si ene, “Tamamai ena gogo Iakobo i abihe’ohi, eo ena gogo lailaina ta ena abalaoma ede tamamai enana wa.”
884	GEN 31:10	Edi huia hemohemone eai matagu ea helabaisinidi, eo enosuai eai goti tamoadi taukamposisae bawesinadi aridi eai ea itadi uriuridi aha’ahadi, eo tupodi se posiposi, eo headi uriuridi.
959	GEN 32:31	Iakobo eanua wa esana ie tore Penuela paana i ene, “Inai Eaubada ea itayao, eo ai hai’itaita, na sora ma miagu.”
971	GEN 33:10	To Iakobo i ene, “Taba nige’e, ea awanorilaowa, taba nuam i lolo arigu eai, ina egu ainauia ta u abi, paana mamohoi ariri am ao ea ita ia ede doha Eaubada ana ao, eo hinage ma nualolom u hailobaigu ta.
1098	GEN 37:14	Iakobo hinage i ene, “Ea aibodaim bena u lau em tataoyao eo edi suisui u itadi, se lolo e nige’e, abo wasadi u uioyama.” Arinai i hetamari, Heberona gonuna wa i laugabaei ie lage Sekema eai.
1100	GEN 37:16	Iosepa i heuio, “Egu tataoyao ea eo’oidi, ea aibodaim abo u heribagu haedi edi mamoe eawoidi se suidi?”
1108	GEN 37:24	Se abilau ia arinai se gabadobei duha lailai alona eai. Duha wa aha’ahana, nige goilana.
1113	GEN 37:29	Murina eai Reubena i uioma duha eai to ie ita, Iosepa duha eai nige’e, abo ana lulu i purisidi.
1114	GEN 37:30	Abo ie uio ena tataoyao aridi eai i ene, “Gama wa nei eai nige’e, to eau, abo haedi ea lau?”
1212	GEN 41:16	Abo Iosepa Parao i heuio i ene, “Eau nige’e, na Eaubada iabom abo aniona lolona i hemasaraha Parao arinai.”
1229	GEN 41:33	Hage abo Parao tau esau i eo’oi, tau sibasibana eo tau sonosonogana abo i hetoro Aigupito i tanuagai.
1263	GEN 42:10	Isi si ene, “Ema guiau e, nige’e, na em heaheari tataodi se laoma bena aiai se uneune.
1275	GEN 42:22	Abo Reubena i heuioidi i ene, “Ea heribamiu e nige’e, ea ne tabu ina gama ta ta hebaaea, na omi nige au henua au ataiei? Arinai au ita ia osinana maisana ede ina potada eai.”
1286	GEN 42:33	Abo tau wa, eanua ne guiauna i heribamai i ene, ‘Doha ina abo abina ea ata omi ribamamohoi tataomiu e nige’e, abo emi tau esega au laugabaei inai arigu eai, eo aiai au bahei emi numa tataodi guriguriamdi adi, eo au lau.
1289	GEN 42:36	Abo tamadi Iakobo i ribalau aridi eai i ene, “Nanatuguyao au abihaidi arigu eai! Iosepa ie mate, eo Simiona inai nige’e, na abo hinage Beniamina au abihesuara. Ginauri gamagaridi se lau baaea arigu eai!”
1320	GEN 43:29	Abo matana i helabaisinidi ena tau Beniamina ie ita, sinana tahunuana natuna, to i ene, “Ina emi goloa ede e nige’e, wasana au heribagu wa?” Abo i ene, “Natugu e, Eaubada ena abilolo abo oa arim eai.”
1352	GEN 44:27	Abo tamamai em heaheari tauna, i ribalaoma arinai eai i ene, ‘Abina au ata’o, monegu nanatuguyao labui i labasidi enaguyao;
1357	GEN 44:32	Paana eau, em heaheari tauna, gama porohena ea bahei tamagu arinai, ea heriba ea’ne, ‘Ena nige ea woeauioiyama arim eai abo giruna ea bahei tamagu matana eai i lau e nige mosina.’
1379	GEN 45:20	Hinage tabu omi emi ginauri au nuatuda’oiedi, paana Aigupito tanona ena lolo maudoina ede omi enamiu.’”
1509	GEN 50:2	Arinai Iosepa ena heaheari i lauhesomdi isi sinare taumuramura, bena tamana se he’eausi, arinai Isaraela se he’eausi.
1533	GEN 50:26	Abo Iosepa i tubahai, ena borimai handere esega eo saudoudoi, arinai se he’eausi, abo lasi esau alona eai se tore Aigupito eai.
1545	EXO 1:12	Na se heamamanada’oiedi, se gamagarida’oi, eo eanua se laugirihai. To Aigupito tataodi se nuabaaea, eo se matausi ariri Isaraela tataodi debadi eai.
1558	EXO 2:3	I lau e nige gonoana bena i toreamuida’oiei to bosa esau i haturi leiaha arinai, abo tar arinai ie pati. Murina eai merumeru wa alona eai i he’eno, eo ie tore saga lagaudi boeadi eai, saga hasarina eai.
1567	EXO 2:12	I itasae, i itadobi, nige doga esau ie ita, arinai Aigupito tauna i eatu’unui, eo gelegele eai i toreamui.
1578	EXO 2:23	Borimai gamagari se lao’o na Aigupito ena wasawasa i mate’o, eo Isaraela tataodi se dou ariri edi auau debadi eai, eo se eoga lailai bena tausaguidi, abo edi lepalepa edi auau wa debadi eai se lage Eaubada arinai.
1593	EXO 3:13	Abo Mose i ribalau Eaubada arinai i ene, “U ita ena ea laoma Isaraela tataodi aridi eai ea ribalau aridi eai ea’ne, ‘Tamamiuyao edi Eaubada i hetamariguma arimiu eai,’ abo se ribalaoma si ene, ‘Esana ede eai?’ abo saha ea heribadi?”
1612	EXO 4:10	Mose i ribalau GUIAU arinai i ene, “O Guiau e, eau nige tauribasibasiba, huia bagubagunana eai nige’e eo huiana wa u ribalaoma em heaheari arinai nige’e, na eau ea bebeda ribariba arinai eo memenagu i porohe.”
1613	EXO 4:11	Eo GUIAU i ribalau arinai, i ene, “Eai tau awana i ginauri? Eai tauuna’una, e taudo’odo’o, e taumatalala, eo tau matagibugibu i ginauridi? Iaede eau GUIAU e nige’e?
1706	EXO 7:20	Mose eo Arona se ginauri doha GUIAU i lauhesomdi. Parao matana eai eo ena heaheari gamagaridi matadi eai ena tu’e i lausini eo goila saga eai i oi’ita, abo saga goiladi gamagaridi se hemala osina.
1755	EXO 9:12	Na GUIAU Parao nuana i he’oiura, eo taba nige i ataiedi gonogonoana doha GUIAU Mose i heriba wa.
1895	EXO 14:5	Huiana wa Aigupito edi wasawasa se heriba tatao wa se dago’o, Parao eo ena heaheari nuadi se buidi tatao wa aridi eai, to si ene, “Saha ina ta ginauri arinai Isaraela ta abigabaedi edi heaheari paisoana enada wa arinai?”
1901	EXO 14:11	Se ribalau Mose arinai si ene, “Aigupito eanuana eai bousa nige’e, arinai u abihesuaramai bena barabara eai ai mate wa? Paana saha u abimai doha ina, eo Aigupito eai u woeahaimai?
1937	EXO 15:16	Matausi lailai didigana ie beudobi potadi eai; nimam gigiborina eai isi se toreesegaidi doha we’u, i lau e em tatao se baeawa, O GUIAU e, i lau e tatao u hemauridi se baeawa’o.
1996	EXO 17:12	Na Mose nimana se ape’ape, arinai we’u se abi se torelaei ena ababawa, eo i bawa potana eai, eo Arona eo Hura nimana se lausinidi esau tupo esau eai, esau tupo esau eai; abo nimana se adidiri esegai i lau e mahana ie dui.
2032	EXO 19:5	Arinai ena arinagu au awa’abiei, eo egu ribahesunuma au sogohididinidi, omi abo enaguyao dumadumadi tatao gamagaridi boeadi eai, paana tanoubu maudoina eau enagu ede.
2040	EXO 19:13	Taba nige esau i abi’ita, na abo se lauwe’ui, e abo pidi se tu arinai: taba tau e suisui, taba nige i mauri’. Ena bogigi se iuhiheloha abo se laoma oea tupina arinai.”
2104	EXO 21:26	“Ena tau esau ena tauauau matana i oi’ita, tau e sine, eo i hebaaea, tauauau abo i eairigabaei matana wa maisana.
2106	EXO 21:28	“Ena bulumakau tau esau i gorihemate, bulumakau abo se lauwe’ui, na bulumana wa taba nige se ai, na tanuagana abo se eairigabaei.
2128	EXO 22:13	“Tabu tau esau ginauri esana i sagenai helena taumia tauna arinai, eo se heamamna to ie mate, tanuagana nei eai nige’e, abo i hedudulai he’ohi.
2135	EXO 22:20	“Tabu hari eanua tauna au boraei, e au he’amamna, paana omi hinage laolaoma Aigupito eai.
2139	EXO 22:24	“Ena gogogesagesa tauna esau egu tatao boeadi eai moni i sagenai arim eai tabu nuam u he’oiura, doha ia tau abihagahaga, eo tabu i hemaisadioim.
2154	EXO 23:9	“Tabu laolaoma tauna u heamamna: mamohoi omi laolaoma tauna abina au ata’o, paana omi laolaoma tataodi Aigupito eanuana eai.
2166	EXO 23:21	Ia au nuatui komakomani, eo ena riba au awa’abiei, tabu au oipiliei, paana emi baaea taba nige i ribagigiri; paana esagu ia boeana eai.
2169	EXO 23:24	Edi eaubada tabu u taba’ohuidi, e u heayaiyedi na abo u oiheguri mamaohoiedi, eo edi we’u dudi abo u hetamagorugorudi.
14095	PSA 14:3	Isi gamagaridi se gegege, isi gamagaridi edi miamia doha ie boha, nige esau i mia dudurai, nige’e, nige ariariri.
14096	PSA 14:4	Edi sonoga nige’e, tatao baabaaeadi ta, agu bogaoyao se aidi doha falawa se aiaini, eo nige se eogalau GUIAU arinai?
14191	PSA 19:10	GUIAU matausina ie a’a, i mia i lau e huia nige nosina; GUIAU ena hesanapu ribadi mamohoidi ede, eo se dudurai ariri.
14196	PSA 19:15	Taba awagu ribadi eo nuagu nuanuatuna oa matam eai bena se dudurai, GUIAU e, egu we’utau, eo tau unehemaurigu.
14262	PSA 24:4	Ia wa ena nimana se a’a, eo nuana i a’a mamohoi hinage, ia wa nuana taba nige i sae ginauri borabora arinai, eo nige i aigora borabora.
14352	PSA 31:3	U ataatailaoma arigu eai, u heurama u saguhaigu! Oa bena egu ababawayamui we’una, egu abamia adiadidirina abo arinai ea mauri!
14416	PSA 34:9	Omi hage au ai’ita, abo au italobai GUIAU i lolo ede! Tausunusunumaena abo nuana i kode!
14422	PSA 34:15	Laulau gewagewa u tausuaraei, laulau lolo mo u laulauei; loni u eo’oi, eo u miawatai.
14507	PSA 37:36	Huia esau ea baeawa ea lau, na hedeomi, ia nei eai nige’e, ea eo’oi komakomani, na taba nige ea lobai.
14590	PSA 42:10	Ea ribalau Eaubada arinai ia egu we’utau, “Paana saha u nuahuiegu ta? Paana saha ea nuanuadubu, waiunu ena hebahebaaea debana eai?”
14711	PSA 50:11	Galewa manudi gamagaridi hinage abidi ea ata’o, eo ginauri maumauridi gamagamagaridi oea eai isi eau enaguyao ede.
14728	PSA 51:5	Paana egu awayagara abidi ea ata’o, eo egu baaea hinage huia gamagari eau matagu eai i totoro.
14732	PSA 51:9	Hyssop arinai u hea’agu, eau hinage abo arinai ea a’a; oa u deurigu, abo ea posiposi ariri abotai snow.
14893	PSA 63:6	Earuagu i mata’asi, gonogonoana doha siada aroarodi eo momona ea aiaini, eo awagu i hedebasaem ma kodegu, sopagu eai,
15266	PSA 80:10	Tano enana u hea’a, lamna ie dobi, eo eanua maudoina i hemonau.
15465	PSA 91:5	Maiona hematausina ginaurina taba nige u matausiei, asubena eai pidu se tu hinage taba nige’e,
15470	PSA 91:10	taba nige baaea esau i abi’itam, nige iwala saha i laoma oa em numalulu gegesina eai.
15472	PSA 91:12	Isi nimadi eai abo se abi’isinim, ata aem u hetupanei we’u eai.