23376	MAT 6:25	› Neka alekeri aníguru: Tase regá na'tawa: «Jipe rawé ¿tachiri go'póaché?, 'lige ¿tachiri bajíwaché?, peka i'tékuru ba'wí. 'Lige ¿tachiri o'pachátuwaché? Peka i'tékuru napurigá raliboa nuebo o'pacha.» ¿Tacha abé najteme júkó alawá me'tigá go'ame? 'Lige ¿tacha abé najteme júkó mué alawala me'tigá alué o'pacha?
23379	MAT 6:28	› ¿Tachiri sirbe nímalawé pe o'páchacho na'talia? 'We a'lá na'táwabala churigá o'chérame ka sewá jami nerúgame. Aka alué sewaka peka nóchame júkuru, nibilé o'páchati newame júkuru.
23459	MAT 9:11	'Lige alé sébale jaré bariseo, 'lige anele alué Esusi oyérame olagá: ―Alué 'emi benírame enomí goblálome 'yuga ajtíkuru go'yá, 'lige uché jaré cha nokame ralámulitiri 'yuga. ¿Chonigá alué 'yuga go'áaché?
23476	MAT 9:28	Napu'lige Esusi bilena galírale pachami bajkisá, alué oká rió abiena alé sébale. 'Lige rukele Esusi alué oká rió: ―¿'Émika 'la bijchígilia ne 'la umabamio 'emi sa'wá? ―Ramueka 'we a'lá bijchígilia ―anile alué oká rió.
23536	MAT 11:8	¿Tachiri e'nemia simárukó 'liko? ¿Simáruchalá e'nemia bilé rió 'we a'lá semátiri o'páchigime? 'Emi 'la machilke alué 'we a'lá a'ká o'páchigime ralámulika alué e'wélala galílachi mochime ko.
23569	MAT 12:11	'Lige Esúsika nejele: ―Bilé rawé bilé bo'á wijchisá 'emi bujkula bilena rejkolíchimi bilé rawé resíbilichi, ¿'Lacha ta ma'chí pámala 'we 'emi na'temaka?
23570	MAT 12:12	¿Tacha abé najtékame júkó bilé ralámuli me'tigá bilé bo'á? Bilé ralámulika uché rajpé najtékame júkuru me'tigá bilé bo'á. 'Liko abiena 'la ikiáréleke napurigá 'yowa ralámuli nayume bilé rawé resíbilichi.
23662	MAT 13:54	Napu'lige sebasa alé we'ká riógichi napu bejtégame nílige alué bo'né Esusi re'malí ka (Nasareta anilichi), chojkile ralámuli ra'íchali beniria alé u'tá re'obachi «sinagoga» anilime. 'Lige ralámulika 'we e'negá jale. Pe laa jale alué ralámuli: ―¿Koche benílepeché suwábaga ye ra'íchali? ¿Koche narélepeché a'walí napurigá newámala ye 'we semátiri tábiri napu tabilé gayéname ju newá ralámuli? ―regá rukele a'bopi ra'íchaga—.
23735	MAT 15:33	'Lige alué Esusi 'yuga járomeka anele: ―¿Churigá kóchimiyéna rewibówé go'ame napurigá ye ralámuli go'mela? Jénaka pe jami júkuru tabilé riógichi.
23756	MAT 16:15	―'Lige 'émika, ¿chieri koriágó ne'chí? —anile Esusi.
23786	MAT 17:17	'Lige Esúsika anile: ―¡Tachiti ralámuli! ¿Tabilé bijchígime ju 'emi Onorúgame a'walí nígame ko napurigá 'la umbámala sa'wá? ¿Chekí rawé asiati káréko ne 'emi 'yuga napurigá 'emi 'we a'lá benimela? ¿Chiéniko si anachamio ne 'emi 'yuga? Jeka o'tobógó 'liko alué re'malí.
23817	MAT 18:21	'Liko Pegro rukele Esusi: ―Mué Wa'lula, bilé rió Onorúgame oyérame abisibi cha olasa ne'chí, ¿chekisá e'kawa? ¿Gicháosa?
23958	MAT 22:17	Alekeri najkiá napurigá ruwimela mué: ¿Pala 'la ju nejilia alué enomí napu nejílime ju alué wa'lula rey Sesar i'lime? ¿Tabiléchala?
23959	MAT 22:18	Alué Esúsika 'we a'lá machile pe resítiri 'nátaga aníligo alué ralámuli, machile pe Esusi resí olániliga aníligo, 'lige anile Esusi: ―¿Chonigá alaníbiché 'émika pe resí olániliga ne'chí? 'Émika 'we a'lá ra'íchame ju pe iligá chátiri 'nátame júkó.
23972	MAT 22:31	Aka alué bo'né Moisesi osálige'é pe u'kabi osilí, napu Onorúgame anílige napu ruwí rewagachi simíbame ko alué ralámuli suwisá. ¿Tabilé siné leérame ju 'emi alué ra'íchali? Anime ju:
24028	MAT 24:2	'Lige Esúsika anele: ―¿'La etiá 'emi alué re'obá? Neka 'la bijchiá aní, 'ma na'mináwili ko ye re'obá. Tabilé pe bilé rejté rejpimio uché bilé rejtechi amoba.
24138	MAT 26:15	'lige rukele: ―¿Chekí enomí najtétamala 'emi, ne nejkúrisa Esusi cha'piá? 'Liko alué e'wélala baleka baisá makué ijchirúlime enomí plata najtétamoríle nejkúrisaká Esusi cha'piachi.
24145	MAT 26:22	'Lige alué Esusi 'yuga járome ka 'we cha lale alieti akisá,'lige chojkile regá rukea Esusi: ―Mué Wa'lula, ¿ne júpá ala'símili?
24185	MAT 26:62	'Lige o'weti ilísaga alué wa'lula balé rukele Esusi: ―¿Tabilé aké mué napu aní mué e'chéwaga? ¿Tabilé pe'tá nejé mué? ¿Chongá lanilí mué alué ralámulite?
24219	MAT 27:21	'Lige alué selígame uchéchigo siné rukele alué we'ká ralámuli: ―¿Chieri 'la niti káréko napurigá su'panawa? 'Lige ralámulika anele: ―¡Barabasi!
24308	MRK 1:24	―Mué Esusi Nasareta anilichi ajtígame Rabí rijimala, mueka pe nejkumemia nawale. ¿Mueka nawapa ramué me'limea? Ne 'la machí Onorúgamete wanápurigame ko mué ―anile alué rió chátiri alawá ajchágame.
24361	MRK 3:4	A'lige Esúsika rukele bariseo: ―¿Choní 'emi nila nulalí? ¿Chu'simía 'la ju resíbilichi rawé? ¿Tachiri abé a'lá ju, ralámuli nayúkame sa'walía o tabilé sa'walía chalá? ¿Cha 'sika enalia o tabilé cha 'sika enalia? ¿Gu'írilia o me'liá? Bariséoka pe i'kilí jábale tabilé pe'tá ra'íchiga.
24405	MRK 4:13	Esusi abiena 'la ruyele alué ralámuli: ―¿Tabilé 'la nama 'emi ye ra'íchili? A'liko ¿churigá 'la inámamaché 'emi uché bilé ra'íchili rejcholi oká 'nátili ruwime? 'Lige ruyele choniame ka alaniá:
24463	MRK 5:30	Aba'lige yati sayele Esusi, bo'né Esusi a'walílate bilé ralámuli sa'wáliga. Abajá ilíbale, 'lige gu'liga rukele ralámuli: ―¿Chieri nochá ne'chí o'páchala?
24464	MRK 5:31	'Lige Esusi 'yuga járomeka anele: ―¿Chonigá rukéché mué chieri nocháligo mué o'páchala? Aliena we'ká rajchiga e'yénachi kachi ralámuli jena ―anele.
24478	MRK 6:2	Resíbilichi rawé sebasa, simile u'tá re'obachi «sinagoga» anilime, Onorúgame ra'ichálila benírimia. We'ká ralámuli kilí mochile gepuga Esusi ra'íchachi. 'Lige ra'íchale rukigá a'bopi: ―¿Koche ma'chí páleché ye 'nátili? ¿Koche beníleché alueka alakí ra'íchili? 'We a'lá sa'wame ju nayúkome 'lige 'la ajalí 'yame ju suwígame.
24479	MRK 6:3	¿Tacha pe alué mesa newame ju, María ranala, Akobo ba'chila, José ba'chila, Jurasi ba'chila, 'lige Simoni ba'chílachigó? ¿Tacha jena riógichi mochí alué rió waíla? ―anile alué ralámuli. Tabilé niraga etele.
24482	MRK 6:6	'Lige Esúsika lale: ¿Chonigá ta bijchígiché ne ra'ichálila? 'Lige Esusi we'kaná riógichi eyénale Onorúgame ra'ichálila beníriga.
24581	MRK 8:12	'Liko Esusi sewékame iwile. Tabilé galele 'lige regá anele: ―¿Chonigá machinali 'emi pala 'la Onorúgame júlaligo ne'chí? 'Emi etériga tabilé che'simia ne napu 'emi tani ne'chí ―anele.
24588	MRK 8:19	napu a'lige ne chi'wana maligi baní a'tabé, maligi mili miná rasígame ralámuli kógimia? ¿Tabilé nélá 'emi alakí rasírigo baní a'tabé chi'wágame? ―Makué oká atabé rasiro ―regá nejele alué Esusi 'yuga járomeka.
24593	MRK 8:24	―¿Jipe 'la ma'chí? ¿'La etiá mué tábiri? ―Etiá ne ralámuli e'yéname, 'la rojá kárépaché ―nejele alué rió.
24596	MRK 8:27	Esusi, 'lige alué makué oká rió bo'né 'yuga járome, simíbale Sesarea Belipo anilichi ejiro a'tabemi riógichi. Boichimi enagá rukele Esusi bo'né 'yuga járome: ―¿Chieri korí ralámuli ne'chí?
24752	MRK 12:10	› ¿Tabiléchala machí 'emi napurigá aní alué osilí napu chujkú Onorúgame nila ra'íchili? Alué rejté napu gawélile nóchame galí newame, 'lige alué rejteka abé a'lá ma'chínale alé chijtochi ajchalía.
24756	MRK 12:14	'Lige alué bariseo 'lige alué Erore gompaniérola alemi sigá napu ajtile alué Esusi. Regá rukele: ―Mué beníriame Onorúgame nila ra'íchili, suwábaga ramué 'we a'lá machiaa 'we a'lá bijchiga anió mué suwábaga napu aní mué. Tabilé chéláme ko mué napu aní uché jaré ralámuli. Rekó cha anichi ralámuli mueka abisibi 'we a'lá beníriame ju Onorúgame nila ra'íchili. Mueka tabilé 'yégali ra'íchili beníriame ju. ¿Pala 'la ju nejilia alué enomí napu jena nejílime ju alué wa'lula rey Sesar i'lime? ¿Tabiléchala?
24757	MRK 12:15	Alué Esúsika 'we a'lá machile pe resítiri 'nátaga anió alué ralámuli, machile pe resí olániliga anió Esusi alué ralámuli 'yégiga ra'íchanelega, 'lige anile alué Esusi: ―¿Chonigá alaníbiché 'émika pe resí olániliga 'yégiga ra'íchaga? Aka jeka a'pásigo bilé enomí.
24779	MRK 12:37	Rabí «Wa'lula» aneme ju 'lige ¿'lacha Rabí inolá nímalawé alué Wa'lula? 'Lige alué ralámulika 'we a'lá gepua jale 'we ra'sálagá.
24790	MRK 13:4	―¿Chiéniko gajúmala alué wa'lú re'obá napurigá anié mué? ¿Churigá 'la machiboa 'ma sebamio raweli 'ma gajúmili ko alué wa'lú re'obá?
24827	MRK 14:4	'Lige jaré alemi mochígame tabilé galele, 'we ayole, 'lige regá anile a'boi: ―¿Chonigá suwábaga ro'éleché alué nawá ba'wila Esusi mo'ólachi? 'Ma cha olákuru, 'ma suwábaga go'líkuru.
24835	MRK 14:12	Sébale raweli Páskua piesta oliame, baní go'achi tase kawali ro'igá newárigime, a'lige rawé napu ekiná riógichi me'liame nile galírale bilé bo'á Onorúgame kógimia. (Alueka pe 'nátaga nokame nile napu'lige alué santo ánjeli tabilé me'ale alué bajchá o'chérigame ejtemali israelita alé Ejipto.) A'lige rawé alué Esusi 'yuga járome rukele alué Esusi: ―¿Koche 'la nítékó alué go'ame newalía Páskua piesta oliachi go'yame?
24864	MRK 14:41	'Lige uchéchigo siné simile Onorúgame si ra'ichamia 'lige uchéchigo nawale Esusi alé napu a'rélige bo'né 'yuga járome, 'ma baisá nile. 'Lige regá anele bo'né 'yuga járome: ―¿Abijí okoka bi'tirú? 'A bujsirésibá. 'Ma we'lisi okole 'emi, ya 'ma cha'piboli júpá ne jipe kulipi alué napu Onorúgamete julárigame ju 'pa rewagáchika napurigá rió neraga. 'Ma aleka e'yena alué ralámuli cha nokame.
24871	MRK 14:48	'Lige Esúsika regá anele alué we'ká ralámuli: ―¿Chonigá sirúpaché siparina o'ká igútiri ne'chí cha'pimea? ¿Chigórigame ju ne?
24983	LUK 1:21	'Lige Sakaríasi pachá ilígichi, ralámulika ma'chige jale buigá, aniá: ―¿Chonigá ta'wé ma'chínaché alué Sakaríasika alé pachaka ye wa'lú re'obáchika? ―anile we'ká 'nátaga.
25090	LUK 2:48	Napu'lige alué o'nola 'lige eyela etesa aliena benegá ra'icha ajtígichi alué ralámuli 'yuga, pe i'kilí jábale, 'lige pe'tá nujubapi eyélaka anele: ―Mué towí, ¿mueka chonigá ala'simípiché? Ramueka 'we chálagá e'yénilie 'yaga mué.
25091	LUK 2:49	'Liko alué re'malí Esusi anele: ―¿Chonigá 'yárupaché 'émika ne'chí? ¿Tacha machíché 'émika neka nochámali ko ne O'nola galílachi?
25218	LUK 6:3	Esúsika regá rukele: ―¿Tacha machíché 'emi alarigá 'sílego siné rawé alué Rabí 'ya bejtégame e'lowisa 'lige aminami alué rió 'yuga e'yéname?
25254	LUK 6:39	'Lige aminami alué Esusi rukele: ―¿'La 'yúrimeréle bilé rió tase ma'chílime uché bilé rió tase ma'chílime? ¿Ta rujsúmerélé okáraga alé bilénami rejkolichi?
25289	LUK 7:25	'Lige ta alieti rió e'néniga e'yénisiká 'emi, 'liko ¿tachiri e'néniga e'yéniliché 'emi alemi? ¿E'néniga e'yénilie 'emi bilé rió 'we semati o'páchigime? 'Lige 'emi 'we machíguru alué rió 'we semati o'páchigime ka 'we ganíliga semárikáchi bejtégame ko alé wa'lú galichi napurigá bilé rió 'we enomígame. 'Liko ¿tachiri e'néniga e'yéniliché 'emi alemi alué ralámuli?
25313	LUK 7:49	Alué ralámuli bayérigame napu mochile alé si, alueka chojkile ra'icha a'bopi, regá anigá: ―¿Chieri júché ye rió síkaniá napu 'la e'kágorianíguru? Pe alué Onorúgameka 'la e'kame ju.
25359	LUK 8:45	'Liko Esúsika rukele: ―¿Chieri nochá ne'chí o'páchala se'wala? 'Lige o'maka anile: ―Ta'wésigurú. 'Lige Pégroka anile: ―Mué Wa'lula, alué ralámulika 'we namó járo'é jemi 'we rajchiní. «¿Chieri nochá ne'chí o'páchala se'wala?», aniá aníguru mueka. Ramueka tabilé machirú.
25383	LUK 9:13	'Lige alué Esúsika anele: ―Aka 'emi kógiwagurú go'ame. 'Lige alué makué oká rioka anile: ―Tase we'ká nerú baní, pe malígipi mochí, 'lige pe okabi ro'chí bi'tí. Wa'lú ralisúká go'ame 'la nímaleké 'liko 'la o'pasámaleké ye we'ká ralámuli. ¿Koche ralibóaché alakí go'ame? ―anile alué makué oká rió.
25388	LUK 9:18	Bilé rawé alué Esusi Onorúgame 'yuga ra'icha ilígachi waná bi'neli alué makué oká rió alué Esúsite benírilime alemi mochílechigó. 'Lige rukele: ―¿Chieri korí alué ralámuli ne'chí?
25390	LUK 9:20	'Liko Esúsika rukele: ―'Émika ¿chieri koriágó ne'chí? Pégroka anile: ―Mueka pe alué Kristo ju.
25569	LUK 12:41	'Liko Pégroka rukele: ―Mué Wa'lula, ¿chieri 'nalina ruigá aní mué ye ra'íchali? ¿Pe ramuecho, suwábaga chalá?
25584	LUK 12:56	Rekó 'émika 'la machime ke chiéniko u'kumeo 'lige chiéniko rajtálimio, 'lige ¿chonigá ta machíché 'emi alarigá ikimeo nujubami rawé rekó 'la etee ne'chí nochálila 'lige rekó 'la akéeme ke ne ra'ichálila? Abiena anile Esusi:
25585	LUK 12:57	―¿Chonigá ta gateme júkó 'emi a'boi alué na'áwali?
25607	LUK 13:20	Abiena anile Esusi: ―¿Churigá ruyésiga 'la nímalaché napurigá 'la námamala 'emi churigá ka napu'lige ralámuli 'la sébali olachi Onorúgame ra'ichálila?
25737	LUK 17:17	'Liko alué Esusi regá rukele alué ralámuli alé jágame e'negá: ―¿Tacha makué rió ke sa'wígame? 'Lige ¿koche mo'íbaleché alué uché jaré gi makué rió?
25776	LUK 18:19	Esúsika regá nejele: ―Mueka ¿chonigá «'we a'lá rió» anéché ne'chí? Alué 'we a'laka pe Onorúgame ju.
25823	LUK 19:23	'Lige ¿chonigá ta nochari ko mué alué enomí alé enomí gatélachi mo'ogá? Alarigaka 'la uché rajpé narémikuru ne alué enomí ku nawagá.»
25863	LUK 20:15	'Liko alésíko 'minami mejkabé o'togá me'ale. Alarigá anele Esusi alué ralámuli 'lige rukele: ―¿Cholámalawé alué wasá i'wilí nígame alué ralámuli alué re'malí me'ágame?
25902	LUK 21:7	A'liko rukéliru alué Esusi: ―Mué Wa'lula, ¿chiéniko gajunáwili júkó ye wa'lú re'obá? ¿Churigá 'la machiboa 'ma sebamio raweli gajunáwili ko ye wa'lú re'obá?
25960	LUK 22:27	¿Chieri júkó abé najtékame, alué mésachi asíbame go'ame go'mea, alué chalá go'ame ro'ame? ¿Tacha alué mésachi ajtígame abé najtékame ju? Neka pe napurigá bilé rió ju go'ame ro'ame. 'Émichigó a'chigóriga niwa napurigá ne.
26161	JHN 1:48	Natanaélika akele alanichi Esusi 'lige anile: ―¿Churigá machígó mué ne'chí? 'Lige Esúsika nejele: ―Neka alé 'mi chunachi pachárale ilígichi eté ne mué abé bajchabé ta'chó bailichi mué Belípete.
26258	JHN 4:33	'Lige alué oyérameka tabilé námale napu anile alué Esusi, 'lige anile alué oyérame a'bopi ra'íchaga: ―¿Siné kachi pe jaré ralámuli a'pílegeréko go'ame?
26387	JHN 6:61	Esúsika tabilé akele regá ra'íchachi ye ralámuli, nobi 'láchigo machíleko se'wináriga ra'icha jago alué ralámuli, 'lige regá rukele: ―¿Ya 'ma guwana rujsúnale 'emi tabilé námame kóriká? ¿'Ma tabilé oyéranili 'emi ne'chí?
26393	JHN 6:67	'Lige Esusi rukele alué makué oká rió Esusi oyérame napu abé gompaniérola nile Esusi 'yuga: ―¿'Émichigó simánili 'lige 'ma a'rénili 'emi ne'chí?
26412	JHN 7:15	'Lige jurío e'wélala pe e'negá ejtebile, 'lige regá anile alué ralámuli a'bopi: ―Ye rioka tabilé simígame ke eskuélachi. ¿Churigá 'la machíbeché suwábaga alué ra'íchali?
26416	JHN 7:19	―¿'La bijchiá ju Moisesi 'síligo beniria alué nulalí 'emi? 'Lige 'emi tabilé 'wesi 'la sébali olá alué nulalí. 'Liko ¿chonigá ne'chí 'yaga e'yénaché 'emi ne'chí me'lináliga?
26422	JHN 7:25	'Lige jaré ralámuli napu Rusaleni ejperégame nile regá anile: ―¿Tabilé ye rió ju napu e'wélala me'lináliga e'yena?
26442	JHN 7:45	'Lige 'ma ku ro'isa alué sontalo, alué e'wélala balé 'lige bariseo rukele alué sontalo regá: ―¿Chonigá tabilé a'párupaché?
26444	JHN 7:47	'Lige bariséoka anile: ―¿'Ma umériru 'émichigó alué riote alarigá ra'íchiga?
26445	JHN 7:48	¿Alué e'wélala ralámuli jurío nuleme 'lige alué bariseo e'wélala 'ma bijchígile alué rió ra'ichálila? Tabilé siné bijchígilime niru ramueka nibilé alué e'wélala.
26469	JHN 8:19	'Liko rukéliru Esusi alué ralámulite: ―¿Kochiena ajtí mué o'nola? 'Lige Esúsika regá anele: ―'Émika tabilé machí chieri ko ne, 'lige tabilé machí chieri ko ne O'nola. 'La machime nísaká 'emi chieri ko ne a'lígeko 'la machimeli ke 'emi chieri ko ne O'nola.
26493	JHN 8:43	¿Chonigá tabilé námaché 'emi napu ruwí ne? ¿Tabilé akénili ne ra'ichálila?
26496	JHN 8:46	¿Chieri 'emi 'la machígó ne cha 'sika ilírome ka? Ruisígó. Neka peka siné 'yégiga ra'íchame kachi, 'lige ¿chonigá tabilé bijchígibeché 'emi napu aní alué ra'íchali?
26503	JHN 8:53	¿Mueka abé najtékame ju me'tigá alué Abraámi napu ramué rijimala ju, alué napu 'ya asale jena? Alueka 'ma 'ya mukule 'lige alué ralámuli napu ruwime nile napu anele Onorúgame 'ya mochígame abiénachigó 'ma suwile. ¿Mueka chieri korígó mué bo'nepi?
26574	JHN 10:24	'Liko we'ká ralámuli jurío napuíle noligá alé napu ilile Esusi rukéniliga uché rajpé. 'Lige rukele: ―¿Chiéniko ruimé olá mué chieri ko mué bo'né? 'La bijchiá ruipóguru, ¿mué ju Kristo napu buinámala ralámuli chátiri bowechi?
26586	JHN 10:36	'Lige alarigá nisa, 'lige ¿chonigá gastigáriniliché ne'chí Onorúgame Inolá korichi ne bo'né? Onorúgameka ne'chí wanápale 'lige alekeri júlale ne'chí jékana wijchimoba. ¿Chonigá laníché 'émika ne tabilé nirame ko Onorúgame?
26604	JHN 11:12	'Liko alué oyérameka regá anile: ―Mué Wa'lula, ¿pe gojchigá bo'isáká, a'liko 'la sa'wimela?
26746	JHN 14:9	'Liko Esusi anile: ―Mué Belipe, 'ma asíriga we'ká rawé ajtíkuru ne 'emi 'yuga, ¿bijí tabilé 'cho machí mué ne'chí? Bilé rió ne'chí eteme ka, alueka ne O'nola Onorúgame abiena eteme júkuru. 'Liko ¿chonigá tánebeché mué ne'chí napurigá elawa napurigá mué 'la etémala alué O'nó Onorúgame?
26871	JHN 18:17	'Lige alué mukika alé yochi repume regá rukele Pegro: ―¿Tabilé alué ju mué alué rió gompaniérola napu a'paru? ―Tabilé ―anile Pégroka―. Tabilé alué gompaniérola ju ne.
26875	JHN 18:21	¿Chonigá ne'chí rukéliaché suwábaga ye ra'íchali? Alué ralámuli napu ne'chí gepule, alué rukéwaguru suwábaga ra'íchali rukewa napu aníligo ne. Alué ralámuli 'la machí suwábaga napu aníligo ne.
26877	JHN 18:23	Esúsika regá nejele: ―Ne se'winá charigá aniákó, ruwígó churigá ko. 'Láchigo 'la bijchiá kágobá napu aní ne. ¿'Lige chonigá wejpápaché mué ne'chí?
26892	JHN 18:38	'Lige Pilátoka regá rukele: ―¿Tachiri júkó alué 'la bijchiá ra'íchali? 'Lige 'ma rukésaká, Pilátoka ma'chínale alué ralámuli jurío 'yuga ra'ichamia, 'lige regá anele: ―Neka tabilé se'wináriga etiá ye rió napurigá me'liboa. Tabilé cha 'síkame ju.
26983	JHN 21:16	'Lige uchéchigo siné rukele Esusi: ―Simoni Pegro, Juani inolá, ¿'we 'la galegá eté mué ne'chí? Simoni Pégroka regá nejele: ―Alarigá ju, mué 'we a'lá machí 'we a'lá gompaniero nírigo. 'Lige Esusi regá anele: ―'We a'lá repúpua ne bukula bo'á.
27017	ACT 1:25	alué nóchali napu Jurasi a'rélige? 'Yako alué Esusi 'yálige alué nóchali, 'lige alué Jurasi tabilé 'la 'nátale, 'ma simile napu simeli nile ―alarigá anele.
27030	ACT 2:12	Suwábaga alé jale e'negá. Tabilé machiá alarigá ko. Jaré rukele machináliga: ―¿Chonigá alieri ra'icháliché? ―anile.
27281	ACT 8:36	'Lige aba 'we simíbale alué alé karétachi mochiga, 'lige sébale alé ba'wí ilígichi. ―Aka jena 'la ilípaché ba'wí, ¿chonigá ta rewaráwabaché mué ne'chí? 'Ma 'la oyérame ju ne Esukristo ―anile alué rió Etiopía bejtégame alé ba'wí ilígichi sebasa. 'Lige anile alué Belipe: ―'La nímaleké.
27332	ACT 10:4	'Lige alué Kornelio 'we majale alué alieti etega. 'Lige alué rió Kornelio rukele: ―¿Tachiri najkí mué Wa'lula? ―anele alué rió Kornelio. 'Lige anele alué santo ánjeli: ―Onorúgame 'la aké mué e'kali tánichi. 'Lige Onorúgame 'we galegá etiá mué Kornelio napugiti 'we a'lá gu'írime kame mué alué ralámuli tabilé nígame.
27349	ACT 10:21	'Lige yati re'kísele alué Pegro. 'Lige anile alué Pegro alé yochi ilíbaga alué rió alé jágame etega: ―Ne ju napu 'emi 'ya. ¿Chonigá 'yamí 'emi ne'chí? ―anele Pegro.
27582	ACT 16:30	'Lige yati ma'chí buyánale. 'Lige alué rió repume ma'chí buinasa alué ralámuli Páulo 'lige alué Silasi, 'lige rukele bilé ra'íchili: ―'Emi rió ¿churigá 'símala ne napurigá 'la e'kámala Onorúgame ne'chí? ―anile alué rió alé iligá.
27769	ACT 21:37	Alué sontalo amulí bajchachi alué Páulo alé alué a'boi galílachi, 'lige rukele alué Páulo alué wa'lula sontalo griego ra'íchaga: ―¿'La lisensia nejí mué wa'lula napurigá ne ra'ichámala pe u'kabi ra'íchili? 'Lige alué wa'lula nejele: ―'La benégame ju mué griego ra'íchaga, neka tabilé machié mué griego ra'íchame ko.
27953	ACT 27:30	'Lige alué ralámuli alé bárkochi nóchame 'we majale. Lale alué ralámuli: «¿Jipe churigá neyúsiwa ramué ralámuli jena ba'wichí? 'Ma si'líporéko ramué», láleke'é alué ralámuli. 'Liko anile alué ralámuli bárkochi nóchame: ―Ramué rekibuwa alué e'wele jiero alé 'mimi bajchabemi ―anile alué ralámuli. Pe 'yégaga anile alué ralámuli laniá. 'Lige lanigá, chokile rekibua alué u'tá barko. 'Lige alué ralámuli 'nátale napurigá pe alué 'oni neyúsimala alé ba'wichí.
28060	ROM 3:1	¿Tacha 'la júkó jurío níriga 'lige sikerétigame níriga pe'tá isílala guwala wi'chila?
28062	ROM 3:3	'Lige ¿chukimélawé 'ma a'resa Onorúgame oyeria jaré alué ralámuli 'lige napu 'la sikirétigame nile pe'tá isílala guwala wi'chila? ¿'Lige 'lacha alekeri 'ma tabilé sébili olámalawé Onorúgame napu sébili olámorílige?
28183	ROM 7:24	¡Resí ikí ne! ¿Chieri 'la nejkúrimala napurigá ne 'we a'lá na'támala?
28242	ROM 9:19	¿'Lacha anémalawé Onorúgame 'emi 'we i'níligame ralámuli ko? Peka 'wesi ralámuli abé wa'lula neraga 'nátame kachi me'tigá Onorúgame. Siné kachi bilé 'emi regá animela: «Alarigá nísaká, ¿'liko chonigá gastigari Onorúgame ne'chí? Neka 'la sébali olame ju napu Onorúgame najkí.»
28536	1CO 6:1	Napu'lige jaré 'emi na'áwame nisa uché bilé oyérame 'yuga, 'liko ¿chonigá 'émika nejkúrili tánime júkó alué e'wélala napu tabilé Onorúgame oyérame ju napurigá gatémala alué na'áwali? Iligá tániwakuru nejkúrili bilé Onorúgame oyérame napurigá gatémala alué na'áwali.
28537	1CO 6:2	¿Tabilé machí 'emi abiena gatélime ko ramué suwábaga ralámuli jena wijchimoba ejperégame? Aka 'emi nokimela júpaché ra'íchali gatea ralámuli jena ejperégame 'yuga. 'Liko ¿chonigá tabilé gateme júpaché 'emi alué na'áwili?
28541	1CO 6:6	'Lige 'émi na'áwasaká, ¿chonigá simíbame júpaché alé napu mochí e'wélala nulame napu tabilé Onorúgame oyérame ju napurigá gatémala alué na'áwali?