| 23376 | MAT 6:25 | “थेतबासेलमा एनीगदेसे ङाला ताम ङ्यान्गो, सोबाला लागिरी तिग चसे तिग थुङ्से ओच्छे तिग क्वान्से भिसी धन्दा सुर्दा थालउ। तिग्दा भिसम चबा थुङ्बादेन क्वान्बा भन्दा एनीगदेला प्राणदेन ल्हुइ घ्रेन आहिन? |
| 23759 | MAT 16:18 | च्यागो, एसे ङाला ताम ङ्यान्गो, एला मिन पत्रुस हिन्ना। चु युङबाला पहराथोरी ङाइ ङाला मण्डली स्होला। चु मण्डलीदा कालला शक्तिगदेसे खाइमै ढाबारी आखम। |
| 23813 | MAT 18:17 | थे म्हिसे थेनीगदेला तामएनोन आङ्यान्नी भिसम एसे मण्डलीदा पाङ्गो। मण्डलीला तामएनोन आङ्यान्नी भिसम एसे थेदा परमेश्वरदा आतेन्बा म्हिदेन तिरो दुइबा म्हि ह्रङ्बान म्हन्सी ख्लापिन्गो। |
| 23873 | MAT 20:12 | ‘लिच्छा खसी घण्टा गिक जे गे लबा चुगदेदा ङनी स्य्होहेन्से धिन गिकनोन छेप्बा छबा नासी गे लबागदेदा तेनोन तिग्दा ह्राङसे ज्याला पिन्बा’ भिसी थेनीगदेसे भिजी, |
| 23978 | MAT 22:37 | येशूसे थेदा चुह्रङ् भिसी सुङ्जी, “च्यागो, परमेश्वरसे कुल्बा जम्मान भन्दा मुल ताम चा चुनोन हिन्ना। एसे ह्राङला परमप्रभु परमेश्वरदा ह्राङला जम्मान सेमहेन्से, जम्मान प्राणसे, जम्मान बुद्धिसे माया लउ। |
| 24163 | MAT 26:40 | जमाहेन्से येशू चेला सोम मुबा ग्लारी दोःसी फेप्खमा थेनीगदे म्हेर्सी चिबा म्राङ्सी येशूसे पत्रुसदा चुह्रङ् भिसी सुङ्जी, “एनीगदे ङादेन छ्याम घण्टा गिक सुत्तै छोर्सी चिआखम्नी? |
| 24188 | MAT 26:65 | जमाहेन्से परमेश्वरला मन्दिररी पूजा लबा मुल म्हिसे ह्राङला क्वान ढेबान, “चु म्हिसे परमेश्वरला बिरोध लसी ताम पाङ्बा मुला। दाहेन्से य्हाङदा अर्गु प्रमाण तिग्दा तोःजी? ह्राङनीसे दान्दे चुसे ह्राङसे ह्राङदान परमेश्वर स्होसी पाङ्बा ताम य्हाङसे थेःनोन थेःजी। |
| 24191 | MAT 26:68 | “ए थार्बा पिन्बा ख्रीष्ट हिन्सम, लु, अगमवाणी पाङ्गो। एदा खाल्से तोबा हिन्ना?” भिसी पाङ्जी। |
| 24772 | MRK 12:30 | एसे ह्राङला परमप्रभु परमेश्वरदा सेमहेन्से, जम्मान प्राणसे, जम्मान बुद्धिसे, जम्मान शक्तिसे माया लउ।’ |
| 24775 | MRK 12:33 | ओच्छे परमेश्वरदान सेमहेन्सेन, जम्मान प्राणसे, जम्मान बुद्धिसे, जम्मान शक्तिसे माया लबा, ओच्छे ह्राङदा ह्रङ्नोन ह्राङला खिम्जेमदाएनोन माया लबा चा मेरी ख्राङ्सी पिन्बा जम्मान बलिदेन बलिदानगदे भन्दा मुल ताम हिन्ना” भिसी भिजी। |
| 24860 | MRK 14:37 | जमाहेन्से येशू ह्राङला चेला सोम मुबा ग्लारी दोःसी फेप्खमा थेनीगदे म्हेर्सी चिबा स्याप्जी। येशूसे पत्रुसदा चुह्रङ् भिसी सुङ्जी, “सिमोन, तिग ए म्हेर्सी चिबा? ए घण्टा गिक सुत्तै छोर्सी चिआखम्नी? |
| 24878 | MRK 14:55 | जमाहेन्से परमेश्वरला मन्दिररी पूजा लबा मुल म्हिगदेदेन यहूदी सभाला जम्मान म्हिगदेसे येशूदा साइबाला लागिरी प्रमाण म्हाइबारी छ्याइजी। तर थेनीगदेसे तिगै प्रमाण आस्याप्नी। |
| 24886 | MRK 14:63 | चु ताम थेःसी परमेश्वरला मन्दिररी पूजा लबा मुल म्हिसे ह्राङला क्वान ढेबान, “दाहेन्से य्हाङदा अर्गु प्रमाण तिग्दा तोःजी?” भिसी भिजी। |
| 24888 | MRK 14:65 | थेरी मुबा म्हिगदे न्हङला कोइ कोइ म्हिगदेसे येशूदा थो स्वाबारी छ्याइजी। ओच्छे येशूला मी घप्सी तोबान, “लु, अगमवाणी पाङ्गो” भिसी ङ्योइजी। जमाहेन्से थेरी मुबा स्य्हान्दो सिपाहीगदेसेनोन येशूदा तोबारी छ्याइजी। |
| 25064 | LUK 2:22 | ओच्छे मोशाला ठिम अन्छार थेनीगदे चोख्याब लबा धुइ तमाहेन्से येशूदा थेला आबादेन आमासे परमप्रभुला ङाच्छा अर्पण लबाला लागिरी यरूशलेमरी परमेश्वरला मन्दिररी भजी। |
| 25200 | LUK 5:24 | तर च्यागो, परमेश्वरसे पुइखबा म्हिदा चु जम्बुलिङरी म्हिगदेला पापला दोष मेटब लबा अधिकार मुला भिबा तामला प्रमाण ङाइ एनीगदेदा उन्ना।” जमाहेन्से येशूसे थे कुज्या म्हिदा “ए रेःगो, ओच्छे एला तीबा नान्बा पुइसी दिमरी निउ।” |
| 25459 | LUK 10:27 | जमाहेन्से थेसे येशूदा “ह्राङला सेमहेन्सेन, ह्राङला प्राणसे, ह्राङला बुद्धिसे ओच्छे ह्राङला शक्तिसे एसे परमप्रभु ह्राङला परमेश्वरदा माया लउ। ओच्छे एसे ह्राङला खिम्जेमदा ह्राङदा ह्रङ्नोन माया लउ” भिसी भ्रिबा मुला। |
| 25548 | LUK 12:20 | “तर परमेश्वरसे थेदा ‘मूर्ख, तिनी म्हुनङनोन एला प्राण ङाइ किन्ना, एसे पोप लसी थान्बा धन सम्पत्ति खाल्से चला?’ भिसी सुङ्जी।” |
| 25551 | LUK 12:23 | तिग्दा भिसम चबा थुङ्बादेन क्वान्बा भन्दा एनीगदेला प्राणदेन ल्हुइ घ्रेन हिन्ना। |
| 25634 | LUK 14:12 | येशूसे ह्राङदा निम्तो पिन्बा म्हिदाएनोन चुह्रङ् भिसी सुङ्जी, “एसे चबा थुङ्बारी ह्रोगदे, ह्राङला ज्योज्यो आलेगदे, ह्राङला म्हिगदेदेन फ्युक्पो खिम्जेमगदेदा जे थाङ्योइगो। तिग्दा भिसम थेनीगदेसेनोन एसे ह्रङ् लसीन निम्तो पिन्सी एला गुण फाला। |
| 25636 | LUK 14:14 | थेह्रङ् लजी भिसम एसे मोलम याङ्ला। तिग्दा भिसम थेनीगदेसे एसे लबा गुण फाबारी आखम्सै परमेश्वरसे म्हन्बा अन्छारला गे लबा म्हिगदे सिबाग्याम सोबा धुइरी परमेश्वरसेन एसे लबा गुण फाला।” |
| 25992 | LUK 22:59 | ओस्पन घण्टा गिक लिच्छा स्य्हान्दो म्हि गिकसे “चु म्हिएनोन पक्कान येशूदेन छ्यामनोन मुबा, तिग्दा भिसम चुएनोन गालीलला हिन्ना” भिसी भिमा, |
| 25997 | LUK 22:64 | ओच्छे येशूला मी घप्सी तोबान, “लु, अगमवाणी पाङ्गो, एदा खाल्से तोजी?” भिसी भिजी। |
| 26004 | LUK 22:71 | येशूसे चुह्रङ् सुङ्माहेन्से थेनीगदेसे “थेलान सुङग्याम य्हाङसे चु जम्मान ताम थेःसी जिन्माहेन्से दाहेन्से य्हाङदा थेला बिरोधरी अर्गु प्रमाण तिग्दा तोःजी” भिसी भिजी। |
| 26222 | JHN 3:33 | जुन म्हिसे थेला तामदा विश्वास लला, थेसे चा परमेश्वर सत्य हिन्ना भिबा तामला प्रमाण उन्ना। |
| 26567 | JHN 10:17 | “ङाइ ङाला प्राण पिन्बा चा दोःसी किन्बाला लागिरी हिन्ना। थेतबासेलमा ङाला आबासे ङादा माया लबा हिन्ना। |
| 26568 | JHN 10:18 | खालैसे ङाग्याम ङाला प्राण किन्बारी आखम, तर ङाइ ङालान सेमसे ङाला प्राण पिन्ना। ङादा ङाला प्राण पिन्बा अधिकारएनोन मुला, दोःसी किन्बा अधिकारएनोन मुला। ङाला आबासे ङादा कुल्बा तामएनोन चुनोन हिन्ना।” |
| 26572 | JHN 10:22 | यरूशलेम शहररी परमेश्वरला मन्दिर अर्पण लबा चाड खबा मुबा। थे धुइ चा सेर्खरी मुबा। |
| 26601 | JHN 11:9 | येशूसे थेनीगदेदा चुह्रङ् भिसी सुङ्जी, “तिग धिन गिकरी च्युक न्ही घण्टा आत? धिनीरी भ्रबा म्हिला काङ आठोक। तिग्दा भिसम थेसे जम्बुलिङरी धिनीग्याम य्हाल याङ्ला। |
| 27035 | ACT 2:17 | ‘परमेश्वरसे सुङ्बा मुला, लिच्छाला धिनरी ङाइ जम्मान म्हिगदेथोरी ङाला आत्मा पुइखला, जमाहेन्से एनीगदेला झा झामेगदेसे अगमवाणी पाङ्ला, ओच्छे एनीगदेला ठिटा कोलागदेसे परमेश्वरसे उन्बा ताम म्राङ्ला, ओच्छे एनीगदेला आखे मम म्हेमेगदेसे म्हाङ म्राङ्ला। |
| 27045 | ACT 2:27 | तिग्दा भिसम ह्राङसे ङाला प्राणदा सिबागदे निबा ग्लारी आख्ला। ओच्छे ह्राङदा जे तेन्बा म्हिला ल्हुइदा ह्राङसे नइना आल। |
| 27135 | ACT 5:7 | ओस्पन घण्टा सोम लिच्छा चु ताम था आयाङ्नान हननियाला म्रिङ न्हङरी खजी। |
| 27139 | ACT 5:11 | जमाहेन्से जम्मान मण्डलीदेन चु ताम थेःबा जम्मान म्हिगदेदा ल्हानान लोङ्बा खजी। |
| 27246 | ACT 8:1 | स्तिफनसदा साइबारी शाऊलएनोन ढिक्बा मुबा। थेनोन धिनकुनुहेन्से यरूशलेमरी मुबा मण्डलीला बिरोधरी ल्हानान दुख तबारी छ्याइजी, ओच्छे मुल चेलागदे बाहेक थेनीगदे जम्मान ससा बङबङ तसी यहूदियादेन सामरियाला ग्लारीक्यार यार्जी। |
| 27316 | ACT 9:31 | जमाहेन्से यहूदियादेन गालील ओच्छे सामरिया भिबा ग्लारी मुबा जम्मान मण्डलीदा शान्ति तजी। ओच्छे प्रभुला चेलागदेसे परमेश्वरला आत्माग्याम आँट याङ्जी ओच्छे मण्डलीएनोन बढब तजी। चेलागदे परमेश्वरसे कुल्बा अन्छार भ्रमुबा ओच्छे प्रभुदा विश्वास लबा म्हिगदेएनोन ल्हानान तबान निजी। |
| 27398 | ACT 11:22 | चु ताम यरूशलेमरी मुबा मण्डलीसे थेःजी, जमाहेन्से थेनीगदेसे एन्टिओखिया भिबा शहररी बारनाबासदा पुइजी। |
| 27402 | ACT 11:26 | थेसे शाऊलदा स्याप्माहेन्से एन्टिओखिया भिबा शहररी भजी। जमाहेन्से थेनीगदेसे तिदिङधोना मण्डलीला म्हिगदेदेन छ्याम स्याप्बान ल्हानान म्हिगदेदा परमेश्वरला बचन लोप्बारी छ्याइजी। चेलागदेदा जम्मान भन्दा ङाच्छा एन्टिओखिया भिबा शहररीन ख्रीष्टियान भिसी भिजी। |
| 27406 | ACT 11:30 | चुह्रङ् लसी बारनाबासदेन शाऊलसे भेटी ह्रुप्सी मण्डलीदा च्याबा म्हिगदे मुबा ग्लारी पुइजी। |
| 27407 | ACT 12:1 | थे धुइरी हेरोद अग्रिपा भिबा ग्लेसे मण्डलीला कोइ कोइ म्हिगदेदा चुङ्सी ल्हानान दुख पिन्बारी छ्याइजी। |
| 27411 | ACT 12:5 | थेतबासेलमा पत्रुसदा झ्याल्खानरी झाङ्जी, तर मण्डलीसे पत्रुसला लागिरी परमेश्वरदेन छ्याम झन प्रार्थना लबाला लबान लजी। |
| 27427 | ACT 12:21 | तोगब लबा धिनकुनु ग्लेसे जे क्वान्बा क्वान क्वान्सी हेरोद ग्ले निसाफ लबा ठिरी चिसी म्हिगदेला ङाच्छा भाषण लजी। |
| 27432 | ACT 13:1 | एन्टिओखियाला मण्डलीरी मुबा अगमवक्तागदेदेन लोप्बा म्हिगदे चुनोन हिन्ना। बारनाबास, म्लाङगै भिबा शिमियोन, कुरेनी भिबा लुकियस, शासन लबा हेरोददेन छ्याम छर्बा मनेन ओच्छे शाऊल, |
| 27506 | ACT 14:23 | जमाहेन्से बारनाबासदेन पावलसे जम्मान मण्डलीरी मण्डलीदा च्याबा म्हिगदे धम्सी थान्जी। ओच्छे फोइथान चिसी प्रार्थना लसी थेनीगदेदा ह्राङसे विश्वास लबा प्रभुला छ्यारी जिम्मा पिन्जी। |
| 27510 | ACT 14:27 | एन्टिओखियारी धोखमाहेन्से पावलदेन बारनाबाससे मण्डलीला जम्मान म्हिगदेदा ङ्योइजी। ओच्छे परमेश्वर थेन्नीदेन छ्याम तसी लबा गेदेन अर्गु य्हुलला म्हिगदेसेनोन विश्वास लबारी खम्ला भिबा ताम थेनीगदेदा पाङ्सी पिन्जी। |
| 27513 | ACT 15:2 | पावलदेन बारनाबासला ताम थेनीगदेदेन छ्याम आढिक्बासे लमा थेनीगदेसे ह्राङ ह्राङलान ताम थान्जी। थेतबासेलमा पावलदेन बारनाबास ओच्छे कोइ कोइ विश्वासीगदेदा चु ताम सल्लाह लबारी यरूशलेमरी मुबा मुल चेलागदेदेन मण्डलीदा च्याबा म्हिगदे मुबा ग्लारी पुइबाला लागिरी धम्जी। |
| 27514 | ACT 15:3 | जमाहेन्से मण्डलीला म्हिगदेसे थेनीगदेदा थे ग्याम पुइजी। थेनीगदे फोनिकेदेन सामरियाग्याम तबान निबा धुइरी स्याप्बा विश्वासीगदेदा अर्गु य्हुलला म्हिगदेसेनोन प्रभुदा विश्वास लजी भिबा ताम पाङ्जी। चु ताम थेःसी थेरी मुबा विश्वासीगदे ल्हानान ताङ्जी। |
| 27515 | ACT 15:4 | थेनीगदे यरूशलेमरी धोखमाहेन्से थेनीगदेदा मण्डलीला म्हिगदेदेन मुल चेलागदे ओच्छे मण्डलीदा च्याबा म्हिगदेसे मान लजी। जमाहेन्से परमेश्वरसे थेनीगदेग्याम लबा जम्मान गे थेरी मुबागदेदा पाङ्जी। |
| 27517 | ACT 15:6 | चु तामला बारेरी सल्लाह लबाला लागिरी मुल चेलागदेदेन मण्डलीदा च्याबा म्हिगदे ह्रुप तजी। |
| 27533 | ACT 15:22 | जमाहेन्से मुल चेलागदेदेन मण्डलीदा च्याबा म्हिगदे ओच्छे जम्मान मण्डली ढिक्सी ह्राङ न्हङला कोइ कोइ म्हिगदेदा धम्सी पावलदेन बारनाबासदा छ्यामनोन एन्टिओखियारी पुइबा ज्यबा तला भिसी म्हन्जी। ओच्छे विश्वासीगदे न्हङला मुल म्हिगदे यहूदा भिबा बारसाबासदेन सिलासदा धम्जी। |
| 27534 | ACT 15:23 | थेनीगदेदेन छ्याम चुह्रङ् भिसी भ्रिबा चिठी पुइजी, “ह्राङनीलान ज्योज्यो आले ङनी मुल चेलागदेदेन मण्डलीदा च्याबा म्हिगदेग्याम एन्टिओखियादेन सिरिया ओच्छे किलिकियारी मुबा अर्गु य्हुलला विश्वासीगदेदा फ्याफुल्ला। |
| 27552 | ACT 15:41 | पावलदेन सिलास सिरियादेन किलिकियारी निसी थेरी मुबा मण्डलीगदेदा विश्वासरी कोङ्ना लबान भ्रजी। |
| 27556 | ACT 16:4 | जमाहेन्से थेनीगदे शहर शहररी निबान यरूशलेमरी मुबा मुल चेलागदेदेन मण्डलीदा च्याबा म्हिगदेसे पक्का लबा ताम ङ्यान्गो भिसी पाङ्बान भ्रजी। |
| 27557 | ACT 16:5 | थेतबासेलमा मण्डलीगदे विश्वासरी कोङ्बान धिन धिननोन प्रभुदा विश्वास लबा म्हिगदे बढब तबान निजी। |
| 27648 | ACT 18:22 | जमाहेन्से कैसरिया शहररी धोखसी पावल यरूशलेमरी निसी थेरी मुबा मण्डलीला म्हिगदेदेन छ्याम ह्रुप तजी। ओच्छे पावल एन्टिओखिया शहररी धोजी। |
| 27688 | ACT 19:34 | तर थेनीगदेसे थे म्हि यहूदी चीम भिबा था याङ्सी जम्मान म्हिगदे ढिक्सी ओस्पन घण्टा न्ही ते “एफिससला म्हिगदेला आर्तेमिसनोन घ्रेन हिन्ना” भिसी क्रिङ्जी। |
| 27711 | ACT 20:17 | पावलसे मिलेटसग्याम एफिससरी मुबा मण्डलीला मण्डलीदा च्याबा म्हिगदेदा ङ्योइबारी म्हि पुइजी। |
| 27722 | ACT 20:28 | “दाहेन्से ह्राङ ह्राङलान लागिरी ओच्छे परमेश्वरला आत्मासे ह्राङनीदा जिम्मा पिन्बा ग्युगदेला लागिरी होशियार तसी चिउ। परमेश्वरला मण्डलीदा ज्यना लसी च्याबा म्हि दोगो, तिग्दा भिसम प्रभु येशूसे थे म्हिगदेदा ह्राङलान कासे ग्लुबा मुला। |
| 27750 | ACT 21:18 | ओच्छे न्हङगरदङ पावल ङन्देन छ्याम याकूब मुबा ग्लारी निजी। थेरी जम्मान मण्डलीदा च्याबा म्हिगदे ह्रुप तबा मुबा। |
| 28018 | ROM 1:20 | म्हिसे म्राङ्आखम्बा परमेश्वरला गुण, खाइमै आम्हबा थेला शक्तिदेन बानीबेहोर चु जम्बुलिङ छ्यामाहेन्से परमेश्वरसे स्होबा जम्मान स्हेगदेग्यामसेन म्राङ्बा मुला। थेतबासेलमा थेनीगदेसे तिगै निउ लबा ग्याम आरे। |
| 28047 | ROM 2:17 | तर एनीगदे यहूदी हिन्ना भिसी परमेश्वरसे मोशादा पिन्बा ठिमला भररी भ्रमुला, ओच्छे ङनी परमेश्वरसे धम्बा म्हि हिन्ना भिसी घमण्डएनोन लमुला भिसम, |
| 28053 | ROM 2:23 | ङन्दा ठिम था मुला भिसी घमण्ड लबा म्हिसे तिग्दा ठिमरी मुबा ताम अन्छार आभ्रना परमेश्वरदा हेला लबा? |
| 28086 | ROM 3:27 | थेह्रङ् भिसम य्हाङसे तिग तामला लागिरी घमण्ड लसे? घमण्ड लतोःबा तामनोन आरे। तिग्दा भिसम चु गे खजिबै ठिम अन्छार भ्रसी तबा आहिन। तर विश्वास लबासे लमान तबा हिन्ना। |
| 28092 | ROM 4:2 | चुदे अब्राहाम थेसे लबा गेग्याम परमेश्वरदा सेम निबा म्हि दोबा हिन्सम घमण्ड लम्याङ्सेला मुबा। तर परमेश्वरला ङाच्छा चा आहिन। |
| 28295 | ROM 11:18 | थेतबासेलमा एसे थे क्युइसी निबा हाँगा ह्रङ्बा इस्राएलीगदेदेन छ्याम घमण्ड थालउ। चुदे घमण्डन लबा हिन्सम चु ताम ढन्गो, तिग्दा भिसम ए चा हाँगा जे हिन्ना, एसे टादा ताबा आहिन। तर टासे चा एदा ताबा हिन्ना। |
| 28297 | ROM 11:20 | एसे पाङ्बा तामएनोन ठीकनोन हिन्ना, येशूदा विश्वास आलबासे लमा थेनीगदे क्युइबा हाँगा ह्रङ्बान मुबा। तर एनीगदे चा विश्वास लबासे लमा सोबा हिन्ना। थेतबासेलमा एनीगदेसे घमण्ड थालउ, तर परमेश्वर म्राङ्सी लोङ्गो। |
| 28319 | ROM 12:6 | थेतबासेलमा परमेश्वरसे दयामाया लसी य्हाङदा पिन्बा थरी थरीला मोलमगदे अन्छार य्हाङसे गे लइ। अगमवाणी पाङ्बा मोलम याङ्बा म्हिसे ह्राङला विश्वास अन्छार पाङ्गै, |
| 28329 | ROM 12:16 | जम्मान म्हिगदेदेन छ्याम ढिक्सी चिउ। एनीगदेसे खाइमै घमण्ड थालउ, तर सोजो म्हिगदेदेन छ्याम भ्रउ। ओच्छे ह्राङसे ह्राङदान घ्रेन म्हि स्होसी थाभ्रउ। |
| 28405 | ROM 16:1 | दाहेन्से ङाइ मण्डलीदा ह्रो लबा य्हाङला आङा फिबी गाते ज्यबा मुला भिसी एनीगदेदा ङोसेना लला। थे किंक्रिया भिबा ग्लाला मण्डलीरी ह्रो लबा म्हि हिन्ना। |
| 28408 | ROM 16:4 | थेनीगदेसे ङादा जोगब लबाला लागिरी ह्राङला ज्याननोन पिन्बारी तयार तजी। ङाइ थेनीगदेदा खाइमै म्लेःबारी आखम, ङाइ जे आहिन, अर्गु य्हुलला जम्मान मण्डलीगदेसेएनोन थेनीगदेदा म्लेःबारी आखम। |
| 28409 | ROM 16:5 | थेनीगदेला दिमरी मुबा मण्डलीदाएनोन फ्याफुल्ला। ओच्छे एशिया अञ्चलरी जम्मान भन्दा ङाच्छा ख्रीष्टदा विश्वास लबा ङाला सेम निबा ह्रो इपेनितसदा फ्याफुल्ला। |
| 28420 | ROM 16:16 | एनीगदे ह्राङ ह्राङ न्हङरी गिकसेम गिकदा सेमहेन्सेन माया लसी फ्याफुल्गो। ङन्से सेमहेन्सेन माया लसी फ्याफुल्बा मुला भिसी जम्मान मण्डलीगदेसे पाङ्बा मुला। |
| 28427 | ROM 16:23 | ङा चिबा दिमला धनी गायसदेन थेला दिमरी मुबा मण्डलीगदेसेनोन फ्याफुल्ला भिसी पाङ्बा मुला। ओच्छे चु शहरला कोष अध्यक्ष इरास्तसदेन आले क्वार्टससेनोन एनीगदेदा फ्याफुल्बा मुला। |
| 28433 | 1CO 1:2 | चु चिठी ङन्से कोरिन्थ शहररी मुबा परमेश्वरला मण्डलीला म्हिगदेदा भ्रिबान मुला। परमेश्वरसे एनीगदेदा ह्राङलान म्हिगदे दोबारी ख्रीष्ट येशूग्याम चोखो स्होबा मुला। थेसे प्रभु येशू ख्रीष्टदा तेन्बा जम्मान ग्लारी मुबा म्हिगदेदा ह्राङला म्हि स्होबा ह्रङ् लसीन एनीगदेदाएनोन ह्राङला म्हि स्होबारी ङ्योइबा मुला। थेनीगदेदेन य्हाङला प्रभु गिकनोन हिन्ना। |
| 28441 | 1CO 1:10 | ज्योज्यो आले नाना आङागदे, दाहेन्से ङाइ एनीगदेदा य्हाङला प्रभु येशू ख्रीष्टला अधिकारग्याम एनीगदे ह्राङ ह्राङ न्हङरी ढिक्सी चिउ भिबा ङाला बिन्ती मुला। ओच्छे मण्डली न्हङरी तिगै आढिक्बा ताम खआपुङ्गो। बरु एनीगदेसे लबारी म्हाइबा तामगदेरी सेम गिक तसी चिउ। |
| 28460 | 1CO 1:29 | खालैसेन ह्राङला ङाच्छापट्टि घमण्ड थालगै भिसीन परमेश्वरसे चुह्रङ् लबा हिन्ना। |
| 28463 | 1CO 2:1 | ङाला ज्योज्यो आले नाना आङागदे, परमेश्वरला बारेरी पाङ्बारी ङा एनीगदे मुबा ग्लारी खमा ङाइ ङाला ज्ञान बुद्धिरी घमण्ड लसी एनीगदेदेन छ्याम घ्रेन घ्रेन ताम आलनी। |
| 28499 | 1CO 3:21 | थेतबासेलमा खालैसेन म्हिसे लबा गेरी घमण्ड थालगै। तिग्दा भिसम जम्मान स्हे एनीगदेलान हिन्ना, |
| 28508 | 1CO 4:7 | खाल्से एनीगदेदा स्य्हान्दो म्हिगदे भन्दा घ्रेन स्होजी? तिग एनीगदेदेन छ्याम मुबा जम्मान स्हे परमेश्वरसेन पिन्बा आहिन? परमेश्वरसे पिन्बा स्हेगदेन एनीगदेदेन छ्याम मुला भिसम दोःसी तिग्दा एनीगदे ह्राङसेन स्होबा ह्रङ् लसी घमण्ड लबा? |
| 28518 | 1CO 4:17 | थेतबासेलमा ङाइ माया लबा तिमोथीदा एनीगदे मुबा ग्लारी पुइखबान मुला। थे ख्रीष्टदेन छ्याम गिक तबादेन विश्वास लखम्बा ङाला झा ह्रङ्बान हिन्ना। ङाइ जम्मान ग्लाला मण्डलीगदेरी लोप्बा अन्छार येशू ख्रीष्टरी ङा खाह्रङ् लसी भ्रबा मुला भिबा ताम थेसेन एनीगदेदा ढन्ना लला। |
| 28519 | 1CO 4:18 | एनीगदे न्हङरी कोइ कोइ चा ङा एनीगदे मुबा ग्लारी आख भिबा म्हन्सी घमण्ड लसी भ्रमुला रो, |
| 28520 | 1CO 4:19 | तर प्रभुसे सेम लजी भिसम ङा योनान एनीगदे मुबा ग्लारी खला। ओच्छे थे घमण्ड लसी भ्रबा म्हिसे पाङ्बासे लमा आहिन, तर थेनीगदेला शक्ति खाह्रङ्बा चीम थे च्याला। |
| 28524 | 1CO 5:2 | तर एनीगदेसे मी घमण्ड लबा मुला। बरु एनीगदेसे मी दुख म्हन्तोःमुबा, ओच्छे थेह्रङ्बा गे लबा म्हिदा एनीगदेला गुङग्याम तेःतोःमुबा। |
| 28528 | 1CO 5:6 | एनीगदेसे घमण्ड लबा ज्यबा आहिन। ज्योप्बा ब्रारी जजाकी खमीर युमाहेन्से ज्योप्बा जम्मान ब्रादा भोना लमुला भिबा ताम एनीगदेदा था आरे? |
| 28534 | 1CO 5:12 | ख्रीष्टदा विश्वास आलबा मण्डली न्हङरी आरेबा म्हिगदेला निसाफ लबा गे ङाला आहिन। तर ख्रीष्टदा विश्वास लबा मण्डली न्हङला म्हिगदेला निसाफ लबा गे एनीगदेला हिन्ना। |
| 28535 | 1CO 5:13 | ख्रीष्टदा विश्वास आलबा मण्डली न्हङरी आरेबा म्हिगदेला निसाफ मी परमेश्वरसेन लला। परमेश्वरला बचनरी चुह्रङ् भिसी भ्रिबा मुला, “नइबा गे लबा म्हिदा एनीगदेला गुङग्याम तेःगो।” |
| 28539 | 1CO 6:4 | चुह्रङ् लसी छेबा बङ्बा तमा तिग्दा एनीगदे मण्डलीसे मान आलबा स्य्हान्दो म्हिगदे मुबा ग्लारी निसी निसाफ लसी पिन्गो भिसी पाङ्बा? |
| 28572 | 1CO 7:17 | प्रभुसे एनीगदे जम्मादान खाह्रङ् लसी भ्रगै भिसी म्हन्बा मुला थेनोन अन्छार भ्रउ। ओच्छे एनीगदेदा ङाच्छा परमेश्वरसे धम्माहेन्से खाह्रङ् लसी भ्रमुबा थेह्रङ् लसीन भ्रउ। ङाइ पाङ्बा चु ताम जम्मान मण्डलीगदेला लागिरी हिन्ना। |
| 28596 | 1CO 8:1 | दाहेन्से मूर्तिगदेदा फुल्बा स्हेला बारेरी ङाइ पाङ्ला। य्हाङ जम्मानदेन छ्याम ज्ञान बुद्धि मुला भिबा ताम य्हाङ जम्मादान था मुला। थे ज्ञान बुद्धिसे चा य्हाङदा घमण्डी स्होला। तर मायासे चा मण्डलीदा भङ्ना लला। |
| 28624 | 1CO 9:16 | ङाइ थार्बा पिन्बा समाचार थेःना लमा ङाइ घमण्ड लतोःबा ताम आरे। तिग्दा भिसम चु ङाइ थेःना लतोःबान समाचार हिन्ना। चुदे ङाइ थार्बा पिन्बा समाचार थेःना आलनी भिसम ङाला लागिरी चु भन्दा दुखला ताम अर्गु तिगै आरे। |
| 28667 | 1CO 10:32 | एनीगदेसे यहूदीदा तसै, अर्गु य्हुलला म्हिदा तसै, परमेश्वरला मण्डली तसै खालैदान न्होङ्ना लबा गे थालउ। |
| 28672 | 1CO 11:4 | थोबो घप्सी प्रार्थना लबादेन अगमवाणी पाङ्बा ह्रेम्फेबेसे ह्राङलान थोबोला बेइज्जत लबा हिन्ना। |
| 28673 | 1CO 11:5 | तर थोबो आघप्ना प्रार्थना लबादेन अगमवाणी पाङ्बा म्रिङम्हेमेसे चा ह्राङला ह्रेम्बोला बेइज्जत लबा हिन्ना। थेह्रङ्बा म्रिङम्हेमे चा क्रा भ्रेसी भ्रबा म्रिङम्हेमे ह्रङ्बान हिन्ना। |
| 28684 | 1CO 11:16 | तर चु तामदा खालैसे बिरोध लबारी म्हाइजी भिसम य्हाङदेन परमेश्वरला मण्डलीदेन छ्याम चु बाहेक अर्गु खजिबै ठिम आरे। |
| 28686 | 1CO 11:18 | ङाच्छा एनीगदे मण्डलीरी ह्रुप तबा धुइरी ह्राङ ह्राङ न्हङरी आढिक्मुला भिबा ताम ङाइ थेःबा मुला। चु ताम हिन्ना तला भिसी ङाइ विश्वास लबा मुला। |
| 28690 | 1CO 11:22 | एनीगदेसे ह्राङ ह्राङलान दिमरी चसै आत? तिग एनीगदेसे परमेश्वरला मण्डलीदा गे आखेल्बा भिसी म्हन्बा? ओच्छे तिगै आरेबा म्हिगदेदा पेःना लबारी म्हाइबा? दाहेन्से ङाइ एनीगदेदा तिग पाङ्से? तिग एनीगदेसे चुह्रङ् लबा ज्यबा हिन्ना भिसी पाङ्से? अहँ, ङाइ आपाङ्। |
| 28712 | 1CO 12:10 | ओच्छे कोइदा उदेकला गे लखम्बा, कोइदा अगमवाणी पाङ्बा, कोइदा ज्यबा आज्यबा आत्मा फेखम्बा, कोइदा थरी थरीला ग्योइ पाङ्बा, कोइदा चा थेनोन थरी थरीला ग्योइ जम्मादान घोना लखम्बा मोलमगदे पिन्बा मुला। |
| 28730 | 1CO 12:28 | परमेश्वरसेन मण्डलीरी जम्मान भन्दा ङाच्छा मुल चेलागदे, जमाहेन्से अगमवक्तागदे, जमाहेन्से स्य्हान्दोदा लोप्बा म्हिगदे, ओच्छे उदेकला गे लबा म्हिगदे, आखम्बा म्हिदा खम्ना लबा मोलम याङ्बा म्हिगदे, स्य्हान्दोदा ह्रो लबा म्हिगदे, जम्मान ताम ढिक्ना लबा म्हिगदे, ओच्छे थरी थरीला ग्योइ पाङ्बा म्हिगदेदा धम्सी थान्बा मुला। |
| 28735 | 1CO 13:2 | ङाइ अगमवाणी पाङ्खम्सैनोन म्हिला ज्ञान बुद्धिसे घोआखम्बा ताम घोसैनोन, जम्मान ज्ञान बुद्धि याङ्सैनोन, ओच्छे ङादेन छ्याम गङगदे लेःखम्बा विश्वास मुसैनोन ङाइ स्य्हान्दोदा माया लआखम्नी भिसम ङा तिगैनोन आहिन। |
| 28741 | 1CO 13:8 | माया खाइमै म्हासी आनि। तर अगमवाणी पाङ्बा ख्लाला, थरी थरीला ग्योइ पाङ्बा ख्लाला, ओच्छे ज्ञान बुद्धिला तामगदे गे आखेल्बा तला। |