23268	MAT 3:7	Ak gug saen iŋ tamol wei mi Farisi agod Sadyusi ago iŋ isuguai o naon na dupalug dilasa dugo yil a, agog ru dabai ipidinaig ibol, “Aŋ mot nanun moroun! Enti Anut san tiŋae saian mitep ilasa wan niŋen o ru kagin ipanaŋ dugo asol dak i?
23288	MAT 4:10	Ak man Jesus ru naon irupeig ibol, “O Satan sen lasa wau! Man dugo, girek ta buk lo igo ibol, ‘Oŋ Tubun en oŋane Anut mi ubou an ule wa. Iŋsen mi niŋen o bigabeg urat gane wa.’”
23408	MAT 7:23	Ak gug ŋai ŋurupidaip ŋabol a, ‘Ŋai nal fidian aŋ ta ŋaloŋ na ya. Aŋ kulob saiak saiak san tamolpein, abisawag pe sen alasa!’
23475	MAT 9:27	Jesus aben an ibiseig yau dugo tamol uraru malad itau an ŋien aban duri se ya. Iŋ tubun mok disasai dugo duwagiŋ se, “O Dawid Nanun, gidad ilo panama wo!”
23478	MAT 9:30	Agog maladi uyan ilasag abaŋ dile uyan a. Ak gug Jesus ru dabai nam ru kagin igo irupidai, “Kagin agane wa, talpein ta kulob e ilasa yen duloŋ o ta arupidai na wa!”
23547	MAT 11:19	Ago dugo Tamol Nanun dam ipalug anaŋ tubun mi yani dugo you sakar dam iluk da, an niŋen o ago dubol, ‘Ale wo, tamol en tuŋalek tamol, agod lukluk tamol, iŋ man takis ŋilaŋal agod aupasek adi dam sad turadi!’ Ak man, kankan a milaen mok amaiak, iŋanen kagin naok naok an lo mi tamolpein malad lo man itaot geig an ago ikubiai pidinai a.”
23592	MAT 12:34	Aŋ mot wagai ak sad nanud muroudi! En dugo woŋ aŋ saian geig amado yan ru uyan ak ka abol ilasa wak i? Man tia geig a. Man ata wo? Kagin saian ak boi, uyan ak boi, tamol ilon iŋanefute yan iŋanep awan lo ibol ilasa wa.
23664	MAT 13:56	Agod lun moroun e dida tumado da! Amaiak niŋen o tamol en dugon te mel a fidian igane dan san dabai iŋane yak i?”
23674	MAT 14:8	Ago tag yaug tinan, dal dugo ipani wak o isumiani a. Agog imul go Herod irupei, “Gamu geig Jon suguek san an kabuŋan daeg lo ganep sini palup panag a!”
23683	MAT 14:17	Ago gug iŋ Jesus durupeig dubol, “Maŋ etna bret faiv o lian a, agod iy dam uraru o lian a!”
23692	MAT 14:26	Ak man saen iŋanen megeloum ago dile man direr dudug dubol, “An man tamol ŋutun a!” Agog disasai dugo disuruwor se ya.
23693	MAT 14:27	Agog Jesus irupidai kisaek oŋ go ibol, “Dabai aŋane! Ŋaiseg o, asuruwor amoi!”
23695	MAT 14:29	Agog Jesus ibol, “Palu!” An lo man Pita imasag wog lo yak ilasag fun iganeg you fufo mi yau se ya.
23696	MAT 14:30	Ak man malan yaug tim tubun ak ifure dugo ile man irer saian geig a. Agog fun iganeg you lo isarir idiau dugo iwagiŋ, “Tubun en, binawag!”
23699	MAT 14:33	Agog iŋsan megeloum turud disaluwig ubou an dile dugo dubol, “Rumok geig, oŋ Anut Nanun mok a!”
23709	MAT 15:7	Aŋ balem rararu a! Profet ru a Aisaia gubak mi aŋ niŋemi wo ibol ilasa yan rumok geig a. Iŋ igo ibol,
23712	MAT 15:10	Agog Jesus tamolpein iŋsan na dutumani wo igiai a. Dupalu dugo irupidaig ibol, “En aloŋ dop aŋane o uyanan a!
23724	MAT 15:22	Aria, gob pein ta tan Kenan dubol dan ate imado dan isusag awan tubun ak lo iwagiŋ, “O Tubun ak, Dawid Nanun, ilo imuŋanag! Ur saian ta ŋai nanug pein itirni dugo muruan ipani geig da.”
23727	MAT 15:25	Ak man pein an siŋiren na ipalug turun isaluwig irupei, “O Tubun ak, binawag!”
23730	MAT 15:28	Agog Jesus ru naon irupeig ibol, “O pein, oŋane ilo rumok an tubun geig a! Nek oŋ ilo yen dak ago mi oŋ lo ilasa wa.” Ago ibol dugo pein an nanun pein uyan isusa kisaek oŋ a.
23763	MAT 16:22	Ago ibol go Pita Jesus yabig iŋaneg ida gigin na diaug san ru an niŋen o igo ibol, “Tubun en, tia geig a, kulob ago oŋ lo ta ilasa na wa!”
23764	MAT 16:23	Agog Jesus idaŋsag irupei, “Satan, ŋai patug fo sen lasa! Oŋ ŋai naog dal fou da, man dugo, ilo sou uri dan man Anut san tia ya, an man tamol san mi a.”
23773	MAT 17:4	Agog Pita imasa kisaek oŋ go Jesus irupeig ibol, “Tubun en, nek uyanan geig maŋ ente mumado da! Oŋ ilo ibol tap, lalai utol etna ŋabi wa, oŋsa kisaek, Mosen san kisaek, agod Elaijah san kisaek dam ŋususe wa.”
23774	MAT 17:5	Saen iŋiŋeŋ se man timtaen ta ided dak ipalug, ibuluwai dugo, ŋiŋeŋ ta timtaen an ilon lo yak ibol, “En man ŋaineg Nanug mok, ŋaineg bubeg mok, iŋ niŋen o ŋai ilog tubun mi uyanan da. Awan aloŋ!”
23784	MAT 17:15	“O Tubun ak, ŋaineg nanug ilo imuŋani! Saen wei mok kurbarib ifunig an lo madai tubun geig ile da. Saen aenta ilon iŋaoŋ dop yai lo idu dak, saen aenta dam you lo idu da.
23802	MAT 18:6	Ak man nanuk ta ŋai o ilon rumok dan, talpein ta iganep aupasek lo idu tap, talpein an gidad kagin igane wa. Man dugo, pat tinan buron lo disisi idup beig lo dibal pe isarir o man bo, uyan mok a. Man ata wo? An tia tap, ai wadan ŋupani san man iriŋani geig a!
23803	MAT 18:7	“Tan en san tamolpein ensauta a mel ta lo ilo rumok adi aupasek lo dudu wo dududuwai dan, naon muruan tubun geig ak diŋane wa! Rumok, melmel ta tamolpein ilod diŋanep lo au dupas dan, dilasa san dal tufutani san tia ya. Ak man talpein enti ilo ŋanek an igane ilasa dan, naon saian geig ak iŋane wa!
23804	MAT 18:8	Amaiak niŋen o oŋ bani boi, tia, ŋie boi, iganep aupasek lo udu tap, tutep wabi yau! Gidad ŋie bani tia man ago madok yen yau san lo ladu man ta saian na ya, man dugo, kabelan ŋie bani ama da yak ago diŋilio dop yai pempem ided dan lo dubulo wau banau.
23891	MAT 20:30	Ante man tamol uraru maladi itau ak dal gigin na dumasig dumado ya. Saen Jesus iriŋanai o igane dugo duloŋ man diwagiŋ, “O Tubun ak, Dawid Nanun, ilo imuŋanama!”
23892	MAT 20:31	Agog tamolpein an dububuŋanaig durupidai, “Awam itaup atokabol pe amado!” Ago tag tamol uraru an nen maeg nam duwagiŋ dugo disasai, “O Tubun ak, Dawid Nanun, ilo imuŋanama!”
23904	MAT 21:9	Tamolpein aenkadi, Jesus dida inug mi diau dugo, tamolpein aenta murna dupalu ya. Iŋ fidian mi igo dubol duwagiŋ se ya, “Hosana, Dawid Nanun, per mupano da! Tamol Anut yaŋan lo ipalu den bar iŋane ya! Hosana lak na geig!”
23910	MAT 21:15	Ak man pris gurman adi agod kubiaeŋ san girek maŋau dam iŋ kulob girager igane se yan dile dugo, nanuk tempel san ar ilon lo yak igo duwagiŋ, “Hosana Dawid Nanun, per mupano da!” Saen gurman adi ago dile man ilod saian dugo tiŋaed wananan a.
24000	MAT 23:13	“Aŋ kubiaeŋ san girek maŋau, Farisi dida man, muruan tubun geig ak ale wa. Aŋ tamol awam rararu amam mi a! Man ata wo? Aŋ tamolpein naod na Anut san kagin panek aben an san dalawan afutani da. Aŋsem ta aladu na da, ago dugo tamolpein a diladu wo dan, nek amaiak aŋ sad dal afou da.
24001	MAT 23:14	Aŋ kubiaeŋ san girek maŋau, Farisi dida man, muruan tubun geig ak ale wa. Aŋ tamol awam rararu amam mi a! Man ata wo? Aŋ pein suos sad ab agam da, agod gudanek milaen kasik, tamolpein diliaŋ o agane da. Amaiak niŋen o naon a aŋane wan nen tubun mi ilasa wa.
24002	MAT 23:15	“Aŋ kubiaeŋ san girek maŋau, Farisi dida man, muruan tubun geig ak ale wa. Aŋ tamol awam rararu amam mi a! Man ata wo? Aŋ weiŋ abi dak, agod tan na dam ator dak, tamol ta kisaek o lian abaŋ an ale dop, an lo aganep, Juda sad dal iri san tamol ago ilasa wa. Gug saen aŋ tamol naok ago yak ale dop, nek ibol aŋsem Ades lo aup amado wak igo, iŋ dam Ades lo yaup imado wan niŋen o tubun geig iriŋanaŋ a.
24004	MAT 23:17	Aŋ mala tapul buraurau! Ata mel malan te yak i? Ak dugo, gol malan te yak i? Tia, tempel an san gol gun igane damaiak malan te yak i?
24006	MAT 23:19	Aŋ malam itapul amami a! Ata mel malan te yak i? Ak dugo, lou panek an malan te yak i? Tia, alta a lou panek an gun igane damaiak malan te yak i?
24010	MAT 23:23	“Aŋ kubiaeŋ san girek maŋau, Farisi dida man, muruan tubun geig ak ale wa. Aŋ tamol awam rararu amam mi a! Man ata wo? Abi san pinapaŋ kititik wei mi abitig malan 10 dilasa ya, agog malan kisaek Anut apani a. Ak man aŋ kubiaeŋ san ru malan te yak, nek ibol kot lo atarpasai uyanan dak, aenta ilom imuŋanai dak, agod aŋsiganem ru aganuri dan, kagin naok naok ago yak ari san niŋen o kagin ta apani na da. Kagin malan te yak agane wa, agod kubiaeŋ san ru kagin kititik dam ta abisei na wa.
24011	MAT 23:24	Aŋ gurman adi, aŋ malam itapul ami a! Aŋ tuor fufo na gubudai akudai da, gug ta aloŋ dugo kamel atuŋali da!
24012	MAT 23:25	“Aŋ kubiaeŋ san girek maŋau, Farisi dida man, muruan tubun geig ak ale wa. Aŋ tamol awam rararu amam mi a! Man ata wo? Aŋ gab iŋ daeg da, tinid patud fo yak mi afulani da, ak man ilodi nun tinan a. Aŋ ilo sek san kagin, agod ilo masa san kagin abituani san ta idaisuda na ya, kagin sisaiak an aŋ ida isuda geig a.
24013	MAT 23:26	Oŋ Farisi, oŋ mala itapul an a! Oŋ imug gab ilon fulani uyan a, ago gup tinin patun fufo na yak dam ikok aman ilasa wa.
24014	MAT 23:27	“Aŋ kubiaeŋ san girek maŋau, Farisi dida man, muruan tubun geig ak ale wa. Aŋ tamol awam rararu amam mi a! Man ata wo? Aŋ bem milkouk ak nam mutou san ab diabi ak igo woŋ a. Kuai te man mutou an san leil siŋaokan mok a, ago gug ilon lo man tamol dumat ak sad tatumadi, iŋ melmel nun amad da yak wei mi dam dida awa nag dien da.
24016	MAT 23:29	“Aŋ kubiaeŋ san girek maŋau, Farisi dida man, muruan tubun geig ak ale wa. Aŋ tamol awam rararu amam mi a! Man ata wo? Aŋ profet sad mutou san ab abi da, nek ago mi tamol uyadi ak sad mutou dam bala apani da.
24019	MAT 23:32	Amaiak niŋen aup, kagin naok a tubum bagem digane se yan, ago mi aganep idaisuda wa. An lo dop kob a iŋ ante dilasa yan aŋ dam ante alasa wa!
24020	MAT 23:33	“O aŋ mot adi, mot wagai ak sad nanud muroudi! En dugo woŋ Anut aŋ Ades lo au o irupaiaŋ an abiseip asol au ak i?
24024	MAT 23:37	“O Jerusalem, Jerusalem, oŋ profet ufu dumat na ya, oŋ tamol a Anut idinaig oŋsa na dupalu na yan ufu wo pat ubal na ya! Saen sapta, nek ibol kurek tinan subarin roun paen na nanun ituanai o dak ago mi, ŋai oŋsa nanu murou ŋutumanaip kagin ŋupidinai o, ilog tubun mi yen da. Ak gug aŋ amoi a.
24045	MAT 24:19	O kabel, nal en san pein luam anda yak, agod aŋ pein aŋanem nanuk su apidinai dan dam, ŋai ilog tubun mi imuŋanaŋ da! Nal en man saian geig a.
24049	MAT 24:23	Saen ante talpein ta irupaiaŋ a, ‘Ale, Kristus ebe ya!’ Tia, ta ibol, ‘Iŋ obo imado da!’ Ago dubol tap, aŋ ilom ta rumok na wa.
24052	MAT 24:26	“Amaiak niŋen o talpein ta aŋ durupaiaŋ pe dubol, ‘Ale, iŋ onte aben kawan talpein tia yak ate imado da!’ Iŋ ago dubol tap, aŋ ante ta au na wa. Nag igo dubol, ‘Ale, ab on san galuŋ ilon lo mok imado da!’ Aŋ ilom ta rumok na wa. Tia geig a.
24083	MAT 25:6	“Ak man tidom luak talpein ta igo iwagiŋ dugo duloŋ a, ‘Ale, tamol, pein iŋane wo damaiak ipalu wo da! Amaiak niŋen o apalup tau, dal te tile dop tiŋanep ida tamul tupalu wa.’
24088	MAT 25:11	“Murnag pein baras aenta dupalug igo dubol, ‘O tamol tubun ak, palup maŋ dalawan pasi panama!’
24147	MAT 26:24	Tamol Nanun ru a iŋ niŋen o buk lo digire yan nek ago mi iŋ lo ilasa wa. Ak gug tamol enti a Tamol Nanun iganep iŋanen ager adi sad tuod lo ilasa wan, rumok iŋ muruan tubun kasik ak ile wa! Gidad tinan ta igansi na yak man, an uyan a.”
24158	MAT 26:35	Agog Pita irupei, “Gidad, ŋai oŋ da tamat bo man, ŋai oŋ niŋe wo ta ŋatot na wa, tia geig a!” Ago dugo megeloum fidian dam nek ago mi dubol se ya.
24169	MAT 26:46	Amasap, tau. Ale, tamol a palaŋ ag imari amaiak ipalu da!”
24195	MAT 26:72	Ago man fon Pita itot go ru sakar nam irupidai, “Rumok geig ŋai tamol an ta ŋaloŋ na ya!”
24197	MAT 26:74	Agog fun iganeg sen imisilanig ibol, “Ŋai sewak ŋigane tap Anut ka imisilanag a! Ŋai tamol an ta ŋaloŋ na ya!” Saen ago ibol itout man, kurek ibob.
24220	MAT 27:22	Agog Pailat ibol isumianai, “Aŋsam ilo sou lo, Jesus e Kristus dubol den niŋen o ŋai dugo ŋigane wak i?” Ago man fidian mi duwagiŋ dugo dubol, “Aigim fo bali wa!”
24221	MAT 27:23	Gug iŋ ibol, “Ata mel o? Iŋ ata mel saian ak igane yak i?” Ago bo man iŋ awad tubun mi duwagiŋ go disasai, “Aigim fo bali wa!”
24223	MAT 27:25	Agog tamolpein fidian ru naon durupeig igo dubol, “Ai wadan en man maŋsigama, agod nanum murouma dida lo, ka yen a!”
24227	MAT 27:29	Ago dugo iŋ kam dudurun aman da yak, kiŋ san kitikat igo woŋ ditiladeg, Jesus kabuŋan fo na digane ya. Makud ta diŋaneg tuon won ak ate diganeg kiŋ igo woŋ yabi a. Ago dugo naon na turud disoluwig, kukok an digane dugo igo dubol, “Per o, Juda sad Kiŋ!”
24238	MAT 27:40	Ago dugo igo dubol se ya, “Oŋ tamol amaiak tempel subarip, nal utol lo mi foun wabisap guni wak ubol a, an niŋen o oŋ se ka patu pasi wa! Oŋ Anut Nanun mok tap, aigim biseip udu.”
24273	MAT 28:9	Dal dirig diau dugo Jesus naod na ilasag ibol, “Tidom lom mi!” Agog pein an siŋiren na diaug ŋien diabig ubou an dile ya.
24309	MRK 1:25	Ak man Jesus ru dabai nam igo irupei, “Oŋ awa itau. Tamol en biseip lasa wau!”
24336	MRK 2:7	“En ata wo ru naon ago ibol ak i? Iŋ Anut lo ru kukok igane da! Ak dugo, tamol ta iŋ ka aupasek isasi yau ak i? Tia geig, kulob an Anut san mi a.”
24341	MRK 2:12	Agog tamolpein malad lo man, tamol an imasa kisaek oŋ go san kapal yabisag isinig kuai te ilasa ya. An lo man iŋ fidian durut saian mok dugo Anut yaŋan diabisa dugo dubol, “Maŋ kulob ta naok igo yak gubak mi mileu man tia geig a!”
24380	MRK 3:23	Ago tag Jesus igiaig iŋsan na dupalug ru mitilaen funfun nam irupidai duloŋ se ya. “En dugo woŋ pe Satan iŋ ka sen ikudip yau ak i? An ago igane san tia geig a!
24391	MRK 3:34	Ago dugo malan yaug tamolpein giraŋen na dumado dan yil go ibol, “Ŋaisag tinag di teig muroug nek en mi a!
24430	MRK 4:38	Ago gug Jesus man iŋ wog taen te kalik iganeg yen padal a. Ago tag megeloum adi diaug dufufunig durupei, “Girek maŋau, id tumayau o tator da. Oŋ ata wo idsed o ilo ta isou na dak i!”
24431	MRK 4:39	Agog Jesus imasag, tim tamun da ipidaig igo ibol, “Itout! Tokabol!” Agog tim ifure na yan itout dugo you malin idu geig a.
24441	MRK 5:8	Iŋ Jesus ago isumiani a, man dugo, Jesus iŋ imug mi ur an irupei la yak igo ya, “Oŋ ur saiak, tamol en biseip lasa wau!”
24474	MRK 5:41	Jesus pein bakan an banin te yabig, Arameik ru lo igo ibol, “Talita koum!” Ru an fun man “Pein bakan ŋurupaio da, masa!”
24476	MRK 5:43	Agog Jesus nanuk tinan taman an kudod yabig irupidai, “Ru mel en niŋen o tamolpein aenta ta arupidai na wa!” Agog nanuk an anaŋ dupanip yani wo irupidai a.
24478	MRK 6:2	Ubou nal idu dugo Jesus siganed ubou ab lo iladug tamolpein naod na Anut san ru ifulale pidinai se ya. Tamolpein wei mi iŋsan ru duloŋ go durut saian a. Agog nug dusumiani ila iso dugo igo dubol se, “Aben dugon te mok tamol en mel en fidian iŋane yak i? Maŋau e iŋ lo yen den dugon te iŋane yak i? Ale, kulob e banin nam igane na yen man tubun geig a!
24526	MRK 6:50	Man dugo, iŋ fidian Jesus ago dile an lo tubun mi direr dugo dusuruwor se ya. Ak man Jesus irupidaig ibol, “Dabai aŋane, en ŋaiseg, arer amoi!”
24541	MRK 7:9	Agog iŋ fon irupidaig igo ibol, “Aŋ luluŋam lo kagin igo yak yen da. Aŋ ru kubiaeŋ Anut ibol an gigin na agansi, an lo aŋsiganem tamol kagin ari apani da. Agod aŋ ilom lo kagin en uyanan geig ago abol da!
24602	MRK 8:33	Ak gug Jesus idaŋsag Pita patun ipani dugo naon megeloum aenta ipidinai dugo Pita ipeig ibol, “Satan, oŋ patug fo lasa wau! Man dugo, oŋ Anut san ilo girek ta uri pani na da, tia, oŋ tamol adi sad ilo girek an mi uri pani da.”
24612	MRK 9:5	Agog Pita Jesus irupeig ibol, “Girek maŋau, nek uyanan geig maŋ dam e mumado da! Oŋ ubol tap, lalai utol ente mabi wa, oŋane kisaek, Moses anen kisaek, agod Elaija anen kisaek dam mususe wa.”
24614	MRK 9:7	Agog timtaen ta idug yafutanai dugo awak ta timtaen an ilon lo ilasag ago ibol, “En man ŋaineg Nanug, ŋai bubeg mok a. Awan aloŋ!”
24631	MRK 9:24	Ago dugo taman ririan iwagiŋ go ibol, “Ŋai ilog lo rumok. Ŋai binawag dop ŋaisag ilog yau imul dan ŋabi idu!”
24650	MRK 9:43	Uloŋ. Oŋ bani turan aupasek lo udu san iginio tap, tutep ubal yau! Ago dop oŋ bani tia madok kumaen yen san lo ladu wo tap, an ta saian na ya. Man dugo, kabelan bani uraru mi diŋiliop Ades lo yai pempem ided dan lo dubulo wau banau.
24652	MRK 9:45	Agod oŋ ŋie turan aupasek lo udu san iginio tap, tutep ubal yau! Oŋ gidad ŋie tia madok kumaen yen san lo ladu wo tap, an ta saian na ya. Man dugo, kabelan ŋie uraru mi diŋiliop Ades lo dubulo wau banau.
24680	MRK 10:23	Agog Jesus idaŋsag malan yaug megeloum adi yil dugo irupidai, “Tamolpein ensauta a filian tubun amad da yan, Anut san kagin panek aben ilon lo diladu san muruan kasik a!”
24681	MRK 10:24	Iŋanen megeloum adi ru an duloŋ go durut saian a. Ak gug Jesus fon ibol, “O nanug muroug, talpein Anut san kagin panek aben lo isadu san man muruan geig a!
24685	MRK 10:28	Agog Pita ibol irupei, “Ule maŋ oŋ ŋie aban muri wo mel fidian mibisei a!”
24704	MRK 10:47	Saen iŋ Jesus Nasaret san tamol dal ante ipalu dan ago iloŋ man, awan tubun mi iwagiŋ go ibol, “Jesus, Dawid Nanun, ilo imuŋanag!”
24705	MRK 10:48	Tamolpein wei mi dububuŋanig, dubol, “Awa itaup tokubol mado!” Ak man iŋ nen tubun mi isasai, “Dawid Nanun, ilo imuŋanag!”
24718	MRK 11:9	Tamolpein aenkadi, Jesus dida imug mi diau dugo, tamolpein aenta murna dupalu se ya, iŋ fidian mi igo dubol duwagiŋ se na ya, “Hosana! Tamol e Tubun ak yaŋan lo ipalu den, Anut san bar iŋane ya!
24719	MRK 11:10	Maŋ tubuma bagema Dawid san kagin panek gamu ipalu dan, bar iŋane wa! Aben lak na geig an lo per dupano wa!”
24730	MRK 11:21	Pita ru a Jesus nor ibol an ilon isoug irupei, “Tubun en, ule. Ai gurab oŋ misilani an ibun idu ya!”
24739	MRK 11:30	En dugo ilom isou di? Jon san suguek man, kagin an dugon te iŋane yak i? An kumaen panu san mel, tia, an tamol sad mi ak i? Abol ŋaloŋ!”
24769	MRK 12:27	Anut man iŋ tamol dumat ak sad Anut tia ya. Tia, iŋ man tamol kumaed dumado dak sadi a. Rumok nuŋon, aŋ afurfi saian geig a!”
24787	MRK 13:1	Saen Jesus tempel ibisei wo dugo megeloum ta igo ibol, “Girek maŋau, ule, tempel san pat tintinan nuŋon a, iŋsan naon man siŋaokan geig a!”
24803	MRK 13:17	O kabel, nal en san pein adi aŋ luam am da, agod aŋ pein aŋsam nanuk su apidinai dan dam, ŋai ilog tubun mi imuŋanaŋ da! Nal en man saian geig a.
24807	MRK 13:21	Nal en lo talpein ta aŋ irupaiaŋ pe ibol, ‘Ale, Kristus ente imado da!’ tia, ‘Iŋ onte imado da!’ ago ibol dop, aŋ ilom ta rumok na wa.
24823	MRK 13:37	Ru e ŋai ŋurupaiaŋ den, ru kisaek mi tamolpein fidian ŋurupidai da: ‘Tawaŋ aganep amado!’”
24829	MRK 14:6	Ak man Jesus ibol irupidai, “Aŋ pein en abisei! En ata wo muruan apani dak i? Iŋ man ŋai niŋeg o kulob siŋaokan geig ak igane ya.
24844	MRK 14:21	Tamol Nanun iŋ nek ibol ru buk lo iŋ niŋen o digire an, nek ago mi yau da. Ak gug tamol enti a Tamol Nanun iganep iŋanen ager adi sad tuod lo yau an, rumok iŋ muruan tubun kasik ak ile wa! An lo gidad tamol an san tinan ta igansi na tap, an iŋ o uyanan mok a.”
24852	MRK 14:29	Pita irupeig ibol, “Tamol fidian iŋ bo oŋ niŋe wo ilod idup dubusawo wak gug, ŋai man tia wa!”
24854	MRK 14:31	Ak man Pita ru dabai ak nam irupei, “Gidad, ŋai oŋ da tamat bo man, ŋai oŋ niŋe wo ta ŋatot na wa, tia geig a!” Ago dugo megeloum fidian mi nek ago mi dubol se ya.
24864	MRK 14:41	Saen utol imosiai itout gug, megeloum adi fon sad na ipalug igo irupidai, “Aŋ ŋioŋ abi dugo yaes abal yau dak i? An nek a! Ale, ŋaisag saen idu wo da, Tamol Nanun aupasek tamol adi tuod lo digane san saen idu la ya.