23268	MAT 3:7	Ak gug saen iŋ tamol wei mi Farisi agod Sadyusi ago iŋ isuguai o naon na dupalug dilasa dugo yil a, agog ru dabai ipidinaig ibol, “Aŋ mot nanun moroun! Enti Anut san tiŋae saian mitep ilasa wan niŋen o ru kagin ipanaŋ dugo asol dak i?
23323	MAT 5:20	Aloŋ uyan a, man dugo, ŋai itaot ŋurupaiaŋ da, aŋ gidad maeg aganep aŋanem kagin itaot an, kubiaeŋ girek maŋau adi, agod Fasidi adi dam, sad kagin itaot ak iriŋani wa. Tia tap, aŋ Anut san kagin panek lo aladu san man tia geig a.
23326	MAT 5:23	Fun an niŋen o, saen oŋ Anut ilo uyan pani wo mel ta alta san yai fo mari san niŋen o sini palu dop, tei mel ta niŋen oŋ lo ilon saian an ilo sou tap,
23353	MAT 6:2	Fun an niŋen o, saen oŋ talpein enti mel aman tia yan mel ta pani wo ilo ibol tap, talpein ta imug mi dinip yaup dugo gane wo dan niŋen o tour ta iwi na wa. Tamol balek uraru san kagin diri dan man, ubou ab lo, agod dal te dam, tamolpein dil o kagin naok ago yak digane na ya. Ŋai rumok ŋurupaiaŋ da, tamol naok an iŋaned naon idaisuda mi diŋane la ya.
23360	MAT 6:9	Fun an niŋen o aŋ igo agudani wa. O Bai, oŋ did lo mado da. Oŋane yaŋa gun migane da.
23370	MAT 6:19	“Aŋ tan en lo filian tubun mok afuti wo urat maeg ta agane na wa. Fun dugo, ente man kadum diani wak, teirteir dam malad dusue wak, gumagam dam ab digilep diladup digam a.
23396	MAT 7:11	Fun an niŋen o gidad oŋ tamol saia bo man, nanu murou mel uyan uyan ak pidinai o uloŋ a. An niŋen o mel uyan uyan ak sapita taida dop oŋ Tama kumaen panu lo yan tamolpein a dusumiani dan ipidinai ak i?
23402	MAT 7:17	Fun an niŋen o saen ai ta uyan tap, san nuŋon ifu ilasa man dam uyan mi a. Ak man saen ai ta saian tap, san nuŋon dam saian a.
23414	MAT 7:29	Fun dugo, iŋ nek ibol iŋsad kubiaeŋ san girek maŋau adi igo woŋ maŋau ta ipidinai se na ya, tia, tamol tubun yaŋan anda yak oŋ ipiteŋanai se ya.
23458	MAT 9:10	Murnag saen Jesus Matyu san ab lo imasig imado dugo sisem anaŋ diani man, takis ŋilaŋal wei mok, agod tamolpein aenta wei mi a Farisi adi niŋedi wo “aupasek tamol” dubol dan dam, dupalug dumasig Jesus iŋanen megeloum dida sisem anaŋ diani a.
23459	MAT 9:11	Saen Farisi adi ago dile man Jesus san megeloum dusumianai, “En ata wo aŋsam girek maŋau takis ŋilaŋal, agod aupasek tamolpein dida sisem anaŋ diani dak i?”
23462	MAT 9:14	Agog Jon san megeloum Jesus san na dupalug dusumiani, “Maŋ agod Farisi dida nal kadi anaŋ lo sema geg ipanama da, ago gug ata wo oŋsigane megeloum anaŋ lo geg ta digane na dak i?”
23465	MAT 9:17	Agod tamol dam wain foun ak bilelek suŋulon wagam ak lo ta diwali na da. Man dugo, ago digane tap, wain foun an iganep bilelek suŋulon wagam an ikafut yaup ipuk dop, wain ikulmaek pe tan fo idu dop, bilelek suŋulon dam daoŋ ipani wa. Fun an niŋen o iŋ wain foun ak bilelek suŋulon foun ak lo mi diwali da, ago dop bilelek suŋulon an iŋ wain da sisem ka uyanan mi dien yau a.”
23482	MAT 9:34	Ak man Farisi adi dubol, “Ur saiak sad gurman iŋanen tuon nam ur saiak tamol tinid ilon lo yak ikudai da.”
23489	MAT 10:3	Filip, Bartolomiu, Tomas, Matyu tamolpein sad na moni takis isi dan, Jems Alfeus nanun, agod Tadaeus.
23560	MAT 12:2	Iŋ ago digane dugo Farisi adi dil a, ago tag Jesus durupeig ago dubol, “Ule, urat a Sabat nal lo tigane san niŋen o idsad kubiaeŋ ipadau amaiak, gamu oŋane megeloum adi urat an digane da.”
23572	MAT 12:14	Ak man Farisi adi dumasag ubou ab dibiseig Jesus palaŋ an dumari wo diaug dutumani a. Dal dugo man lo Jesus daoŋ dupani san niŋen o diŋiŋeŋ se ya.
23582	MAT 12:24	Ak man saen Farisi adi ŋiŋeŋ an duloŋ man ago dubol, “Tia, ur sisaiak sad gurman yaŋan Belsebul tabol damaiak, san dabai lo mi iŋ ur sisaiak ikudai diau da.”
23585	MAT 12:27	Taida mi, ŋai Belsebul tuon lo ur sisaiak ŋukudai diau dak an rumok tap, enti mok aŋ muroumi ibinawaig ur sisaiak dukudai diau dak i? Fun amaiak niŋen o aŋ muroumi iŋsed mi, kubianek tamol oŋ dilasap bitinaek lo didiraŋ a.
23596	MAT 12:38	Agog kubiaeŋ san girek maŋau aenta, agod Farisi aenkadi dam Jesus durupei, “Girek maŋau, maŋ iloma igo ya, oŋ gidad kulob girager ta ganep an lo kob igo woŋ oŋ Anut san ak ago kubiai panama wa.”
23665	MAT 13:57	Fun an niŋen o naod ikafut go patud dupani a. Ago gug Jesus irupidaig ibol, “Panu fidian lo tamolpein profet ta yaŋan diabisa wa, nek iŋsiganen panu fun lo, agod iŋsiganen dar lo man tia ya.”
23669	MAT 14:3	Imug Herod iŋ Herodias iwon igo iŋane ya, ak man pein an iŋsiganen tein Filip san iwon a. Ak niŋen o Jon suguek san an niŋen o Herod irupeig ibol, “Oŋ Herodias iwo igo woŋ ŋane amaiak niŋen o kubiaeŋ pilali a.” Fun an lo Herod iŋanen ai katuk irupidaig Jon diabig, dusubanig, subanek ab lo digane yau a.
23686	MAT 14:20	Fidian diani man luadi ipuk a. Diani itout man megeloum diaug samsamun disini wo ditiliani se ya. Samsamun disini an sareg 12 tutubu yak digane inawai a.
23703	MAT 15:1	Agog Farisi iŋ kubiaeŋ san girek maŋau da Jerusalem dibiseig Jesus san na diaug dusumianig igo dubol,
23714	MAT 15:12	Agog iŋanen megeloum adi siŋiren na dupalug durupei, “Ak dugo, saen Farisi adi ŋiŋeŋ an duloŋ man, oŋ niŋe wo ilod saian an uloŋ ak i?”
23715	MAT 15:13	Jesus Farisi adi niŋedi wo ru naon megeloum irupidaig igo ibol, “Ai fidian ŋai Tamag tan lo ta ipae na yan, ibilani yau a.
23739	MAT 15:37	Fidian anaŋ an dianig luad ipuk. Diani itout go megeloum dumasag anaŋ samsamun dutumanig sareg seven lo ditaneg awad isa ya.
23742	MAT 16:1	Farisi adi Sadyusi dida Jesus san na dupalug dusubani wo bitinaek lo digane ya. Iŋ Anut san dabai nam kulob girager ta kob igo woŋ igane dop dile wo dusumiani a.
23747	MAT 16:6	Agog Jesus irupidai, “Kagin agane wa, Farisi iŋ Sadyusi da sad yis an niŋen o kagin agane wo uyanan a.”
23752	MAT 16:11	En dugo woŋ go ŋai bret niŋen o ta ŋiŋiŋen na yan, ta aloŋ siŋaokan na yak i? Aria, afon kududom agurep kagin agane: Farisi iŋ Sadyusi da sad yis niŋen o sen alasa wa.”
23753	MAT 16:12	Agog iŋanen megeloum duloŋ ak iŋ yis bret ate digane dan niŋen o ru kagin ta ipidinai se na ya. Tia, piteŋanek a Farisi iŋ Sadyusi da tamolpein durupidaid amaiak niŋen o ru kagin ipidinai se ya.
23754	MAT 16:13	Saen Jesus iŋanen megeloum dida distrik a taun Sisaria Filipai siŋiren na yen dan te dilasa man, igo isumianai, “Tamol Nanun en enti mok ak i? Tamolpein iŋ niŋen o ru dugo dubol dak i?”
23834	MAT 19:3	Agog Farisi aenkadi san na dupalug diabi wo bitinaek diganeg dusumiani, “Idaned kubiaeŋ dugo ibol ak i? Mel ta niŋen o, tia, mel dugo dugo yak niŋen o, tamol ta iŋanen pein ka ibisei wak i?”
23835	MAT 19:4	Jesus ru naon irupidaig ibol, “Aŋ dag girek en ta asuti na ya, ‘Fun lo mok Mel Niganag Tamol man tamol iŋ pein da idirai a,’
23836	MAT 19:5	agog ibol, ‘Fun an niŋen o tamol iŋ tinan taman ibisawaip iwon iŋanep nug dupini dupini wa, an lo dop uraru an kisaek mi dilasa wa.’
23838	MAT 19:7	Ago ibol tag Farisi dusumiani, “Agog ata wo kubiaeŋ Moses igire yan igo ibol ak i? Tamol ta iwon ikudi wo ilon ago yen tap, aria, girek ta igirep, iwon ipani gup ikudip yau a. Girek an nug banin diabi amaiak itute san girek.”
23940	MAT 21:45	Saen pris tutubu agod Farisi adi, Jesus ru faŋan a ibol se yan duloŋ man, iŋ duloŋ uyanan ak Jesus iŋanen ru lo iŋ isiai se ya.
23956	MAT 22:15	Agog Farisi adi diaug, Jesus san ŋiŋeŋ lo dal dugo diabi san niŋen o dutumanig dukubiai se ya.
23975	MAT 22:34	Saen Farisi, Jesus ru a ibol an lo Sadyusi awad yabituani an duloŋ man, naon na dutumani a.
23982	MAT 22:41	Farisi adi dutumanig dumado dugo Jesus ibol go isumianai,
23989	MAT 23:2	“Kubiaeŋ san girek maŋau iŋ Farisi dida Moses naon diŋane ya.
24000	MAT 23:13	“Aŋ kubiaeŋ san girek maŋau, Farisi dida man, muruan tubun geig ak ale wa. Aŋ tamol awam rararu amam mi a! Man ata wo? Aŋ tamolpein naod na Anut san kagin panek aben an san dalawan afutani da. Aŋsem ta aladu na da, ago dugo tamolpein a diladu wo dan, nek amaiak aŋ sad dal afou da.
24001	MAT 23:14	Aŋ kubiaeŋ san girek maŋau, Farisi dida man, muruan tubun geig ak ale wa. Aŋ tamol awam rararu amam mi a! Man ata wo? Aŋ pein suos sad ab agam da, agod gudanek milaen kasik, tamolpein diliaŋ o agane da. Amaiak niŋen o naon a aŋane wan nen tubun mi ilasa wa.
24002	MAT 23:15	“Aŋ kubiaeŋ san girek maŋau, Farisi dida man, muruan tubun geig ak ale wa. Aŋ tamol awam rararu amam mi a! Man ata wo? Aŋ weiŋ abi dak, agod tan na dam ator dak, tamol ta kisaek o lian abaŋ an ale dop, an lo aganep, Juda sad dal iri san tamol ago ilasa wa. Gug saen aŋ tamol naok ago yak ale dop, nek ibol aŋsem Ades lo aup amado wak igo, iŋ dam Ades lo yaup imado wan niŋen o tubun geig iriŋanaŋ a.
24010	MAT 23:23	“Aŋ kubiaeŋ san girek maŋau, Farisi dida man, muruan tubun geig ak ale wa. Aŋ tamol awam rararu amam mi a! Man ata wo? Abi san pinapaŋ kititik wei mi abitig malan 10 dilasa ya, agog malan kisaek Anut apani a. Ak man aŋ kubiaeŋ san ru malan te yak, nek ibol kot lo atarpasai uyanan dak, aenta ilom imuŋanai dak, agod aŋsiganem ru aganuri dan, kagin naok naok ago yak ari san niŋen o kagin ta apani na da. Kagin malan te yak agane wa, agod kubiaeŋ san ru kagin kititik dam ta abisei na wa.
24012	MAT 23:25	“Aŋ kubiaeŋ san girek maŋau, Farisi dida man, muruan tubun geig ak ale wa. Aŋ tamol awam rararu amam mi a! Man ata wo? Aŋ gab iŋ daeg da, tinid patud fo yak mi afulani da, ak man ilodi nun tinan a. Aŋ ilo sek san kagin, agod ilo masa san kagin abituani san ta idaisuda na ya, kagin sisaiak an aŋ ida isuda geig a.
24013	MAT 23:26	Oŋ Farisi, oŋ mala itapul an a! Oŋ imug gab ilon fulani uyan a, ago gup tinin patun fufo na yak dam ikok aman ilasa wa.
24014	MAT 23:27	“Aŋ kubiaeŋ san girek maŋau, Farisi dida man, muruan tubun geig ak ale wa. Aŋ tamol awam rararu amam mi a! Man ata wo? Aŋ bem milkouk ak nam mutou san ab diabi ak igo woŋ a. Kuai te man mutou an san leil siŋaokan mok a, ago gug ilon lo man tamol dumat ak sad tatumadi, iŋ melmel nun amad da yak wei mi dam dida awa nag dien da.
24016	MAT 23:29	“Aŋ kubiaeŋ san girek maŋau, Farisi dida man, muruan tubun geig ak ale wa. Aŋ tamol awam rararu amam mi a! Man ata wo? Aŋ profet sad mutou san ab abi da, nek ago mi tamol uyadi ak sad mutou dam bala apani da.
24021	MAT 23:34	Fun amaiak niŋen o ŋai profet adi ŋidinai dugo, maŋau tamol adi, agod girek maŋau adi, dupalu dugo aŋsam na dilasa da. Ago bo man aŋ aenta afu dumat a, aenkadi aigim fo abalai a, aenkadi sinam ubou ab ilod lo asukutai a. Aenkadi akudaip taun an dibiseip taun sen ak lo diau a, kagin nek agom digane yau a.
24022	MAT 23:35	Fun an niŋen o, tamol uyadi fidian a tan en lo ager adi banid lo mateŋ dile yan, kagin amaiak san ai wadan Anut aŋsem mi ipanaŋ a. An man aŋsinam muruan mi a. An lo Abel imat ak san saen log ipalug kiŋ Joas san saen lo, Sakarias iŋ Berekaia nanun tempel san galuŋ gun ak, alta da titiŋae mi tubum bagemi dufunig imat a, kagin an san ai wadan man aŋsiganem muruan mi a.
24104	MAT 25:27	Fun an niŋen o ŋaineg moni an moni ab san urat tamol pani ak man, iŋ ka urat ipani wa, an lo moni en san tim anda ŋane wa.’
24260	MAT 27:62	Nal a Soubul Kubunek San dubol dan itout la gug, nal tinin te yak lo, pris tutubu adi agod Farisi adi diaug Pailat naon na dutumani a.
24321	MRK 1:37	Saen iŋ dile man durupeig dubol, “Fidian mi oŋ dilio wo abaŋa diabi da.”
24345	MRK 2:16	Kubiaeŋ san girek maŋau adi luluŋad lo ensauta a iŋ dam Farisi adi amaiak mel en Jesus megeloum dida digane dan dile dugo iŋsan megeloum adi igo dusumianai, “En ata wo tamol en takis ŋilaŋal tamol adi agod aupasek tamolpein dida sisem anaŋ diani dak i?”
24347	MRK 2:18	Aria, nal ta lo suguek san Jon iŋsan megeloum adi agod Farisi adi dam iŋ anaŋ lo geg diganeg dumado se ya. Tamolpein ta Jesus san na dupalug dusumiaeŋ, “Jon san megeloum agod Farisi adi dida nal kadi anaŋ lo sed geg ipidinai da, ago gug ata wo oŋsiŋane megeloum anaŋ lo geg ta digane na dak i?”
24351	MRK 2:22	Agod tamol dam wain foun ak bilelek suŋulon wagam ak lo ta diwali na da. Man dugo, ago digane tap, wain foun an iganep bilelek suŋulon wagam an ikafut yaup ipuk dop, wain ikulmaek pe tan fo idu dop, bilelek suŋulon dam daoŋ ipani wa. Fun an niŋen o iŋ wain foun ak bilelek suŋulon foun ak lo mi diwali da.”
24353	MRK 2:24	Gug Farisi adi dil tag Jesus durupei, “Ule, en ata wo kagin a Sabat nal lo tigane san niŋen o idsad kubiaeŋ ipadau amaiak gamu oŋane megeloum adi digane dak i?”
24357	MRK 2:28	Fun amaiak niŋen o, Tamol Nanun man ubou nal an dam iŋsan muroun a.”
24363	MRK 3:6	Agog Farisi adi kuai te dilasag silei nam iŋ kiŋ Herod san warou adi dida sisem fun diganeg palaŋ an dumari a. Iŋ dugo woŋ Jesus daoŋ dupani wak o nug lo dukubiai ila iso se ya.
24373	MRK 3:16	Aria, megeloum 12 e itarpasai en yaŋadi igo ya. Ta Saimon, iŋ Jesus yaŋan foun ak Pita ipate. Ta Jems, iŋ tein Jon da, nuŋod urarum Sebedi nanun muroun, uraru en Jesus yaŋadi foun ak Boargenes ipate ya, (yaŋak an fun man weil fufu tamol.) Ta Andru, ta Filip, ta Bartolomiu, ta Matyu, ta Tomas, ta Jems iŋ Alfeus nanun, ta Tadeus, ta Saimon iŋ ru wagai san tamol, agod Judas iŋ man panu Keriot san tamol, emaiak murnag iŋ Jesus niŋen o palaŋ imarig ager tamol banid lo igane ya.
24422	MRK 4:30	Fon igo ibol, “Anut san kagin panek niŋen o ata ru man ate tou ŋabip aloŋ ak i? Ata lo ŋututuŋanip ŋabol pe ilom itarpasi fufei wak i?
24493	MRK 6:17	Iŋ ago ibol a, man dugo, imug mi iŋ yu tamol adi idinaig Jon diabi wo diau a. Ŋien banin dusubanig subanek ab lo digane ya. Man ata wo? Herod iŋanen tein Filip san iwon, yaŋan Herodias, ilo uyan ipani san niŋen o iŋ Jon subanek ab lo igane ya. Imug mi Herod pein en iŋsan tein banin na iŋaneg iŋ da nug diŋane ya.
24533	MRK 7:1	Aria, saen Farisi adi, kubiaeŋ san girek maŋau aenta dida Jerusalem na dupalu man, Jesus dulubanig,
24535	MRK 7:3	(Man dugo, iŋaned kagin igo ya. Farisi adi, agod Juda adi fidian mi dam, iŋ imug mi banid dufulani gup anaŋ diani wa. Iŋ ta dufulani na tap, iŋ dida anaŋ ta diani na wa. Dal an lo iŋ tubud baged sad tamol kagin diri dupani na yan ago mi iŋ dam duri da.
24537	MRK 7:5	Aria, Farisi adi iŋ kubiaeŋ san girek maŋau adi dida awad dutumanig Jesus dusumiani, “En ata wo oŋane megeloum adi iŋ tubud baged sad tamol kagin iri panim ago ta dutor dumado na dak i? Iŋaned banid ikok tia yak ate anaŋ diani da.”
24558	MRK 7:26	Pein en man Grik, agod distrik tubun ate imado dan Siria provins, agod titin ta dugon te tinan igansi an aben ta loŋ siŋiren na yaŋan Fonesia dubol da. Aria, Jesus naon na turun isoluwig, Jesus iŋ nanun pein tinin lo ur saiak ikudip yau wo ilo muŋanek ru lo isumiani a.
24580	MRK 8:11	Ante man Farisi adi dupalug Jesus dusumiani wo fun digane ya. Iŋ ilod man Jesus bitinaek lo digane wo ago yen se ya. Amaiak niŋen o iŋ kulob kumaen panu san ta kob igo woŋ igane dop dile wo dusumiani a.
24584	MRK 8:15	Jesus ru kagin ipidinaig ibol, “Kagin agane, Farisi sad yis, agod Herod san dam niŋen o kagin agane uyanan a.”
24596	MRK 8:27	Agog Jesus iŋsan megeloum adi dida panu an dibiseig dal diŋaneg panu kititik taun Sisaria Filipai lubanek lo dien dan ate diau a. Dal te tureŋ diabi dugo iŋsan megeloum isumianai, “Tamol adi iŋ ŋai enti mok ago dubol di?”
24659	MRK 10:2	Ago dugo Farisi aenta dususag dusubani wo igo dusumiani, “Idaned kubiaeŋ dugo ibol ak i? Mel ta niŋen o tamol ta iŋsan pein ka ibisei ak i?”
24664	MRK 10:7	Fun an niŋen o tamol iŋ tinan taman ibisawaip iwon iŋanep nug dupini dupini wa,
24755	MRK 12:13	Agog tamol tutubui adi iŋ Farisi aenta agod Herod san tamol aenta dam didinaig, Jesus san na diau a. Iŋ Jesus dibitinae dop siganen ru lo diabi wo ilod yen ak atem diau a.
24756	MRK 12:14	Aria, iŋ Jesus san na dilasag durupei, “Girek maŋau, maŋ maloŋ ak oŋ ru rumok san tamol. Oŋ tamol senamo yak oŋ niŋe wo ilod isou dan niŋen o ta urer na da. Man dugo, gidad yaŋad amad da yak, tia yak dam, niŋedi wo oŋ ilo ta weiwei na da. Fun an lo oŋ tamolpein Anut san dal an niŋen o ru rumok nam itaot mi piteŋanai da. Id Kaisa takis moni tupani wan uyan ak i? Tia, saian ak i? Idsad kubiaeŋ mel en niŋen o dugo ibol dan ubol maloŋ.
25078	LUK 2:36	Aria, profet pein ta, yaŋan Ana, iŋ dam tempel lo imado ya. Iŋ Fanuel nanun pein, Asa san gugoi lo ilasa ya. Iŋ mel saiak geig a. Anaŋar 7 tamol ida dumado yau gug tamol imat a.
25095	LUK 3:1	Taibirias Kaisa anaŋar 15 Rom gabman kagin ipani dugo, Pontias Pailat Judea kagin ipani se ya. Ago dugo Herod Galili san tamol tubun geig, iŋ tein Filip dam nek ago mi Iturea iŋ Trakonaitis ida kagin ipidinai dugo, Laisenias provins Abilene kagin ipani se ya.
25193	LUK 5:17	Jesus nal ta tamolpein ipiteŋanai dugo, Farisi iŋ kubiaeŋ san girek maŋau Judea provins lo, Galili Provins lo panu kititik an fidian, agod Jerusalem na yan dam dida dumado ya. Anut san dabai Jesus san kubunek urat igane yan lo yen a.
25197	LUK 5:21	Ago tag kubiaeŋ san girek maŋau, iŋ Farisi dadi kankan diŋaneg ilod lo mi igo dusumiaeŋ, “Tamol en so tamol ta yak i? Ru a ibol dan man Anut kukokan igane da. Tamol ta muruan pasek san dabai anda man tia ya, Anut mi iŋ dabai anda ya.”
25206	LUK 5:30	An niŋen o Farisi, iŋ Farisi sad kubiaeŋ san girek maŋau dida Jesus san megeloum naod na duŋurŋur go dusumianai, “En ata wo aŋsam girek maŋau takis ŋilaŋal, agod aupasek tamolpein dida sisem anaŋ diani dak i?”
25209	LUK 5:33	Tamolpein aenta Jesus igo dubol durupei, “Jon san urat pinein nal kadi anaŋ geg diganep, gudanek mi digane da. Farisi sad megeloum dam ago digane da. Gug oŋsa megeloum man diani duluk oŋ da.”
25217	LUK 6:2	Ak man Farisi aenta dubol, “Enta wo aŋ urat a Sabat nal lo tigane san niŋen o idsad kubiaeŋ ipadau amaiak agane dak i?”
25222	LUK 6:7	Kubiaeŋ san girek maŋau iŋ Farisi dida malad ti ibol dugo, Jesus leil dupani se ya. Jesus Sabat nal lo tamol ta ikubune dop dile wo malad digane da, man dugo, dal abaŋ dilep lo Jesus ru dupani wo ilod ibol se ya.
25224	LUK 6:9	Agog Jesus girek maŋau iŋ Farisi dida isumianai, “Idsad kubiaeŋ dugo ibol i? Id ubou nal lo kagin uyan ak tigane wo? Tia, kagin saian ak tigane wak i? Tamol ta tibinawi wo? Tia, ta daoŋ tupani wak i?”
25229	LUK 6:14	Iŋ yaŋadi igo iri a: Saimon yaŋan neinta Pita ibol, iŋ tein Andru, Jems iŋ Jon da, Filip iŋ Batolomiu da,
25294	LUK 7:30	Gug Farisi iŋ kubiaeŋ san girek maŋau dadi, dal uyan a Anut ikubiai pidinai an diabiani a. An niŋen o suguek an ta diŋane na ya.)
25300	LUK 7:36	Farisi ta yaŋan Saimon dubol dan Jesus ida anaŋ diani wo iwagi tag iŋsan ab lo yaug, anaŋ diani wo dumasi a.
25301	LUK 7:37	Panu an san aupasek pein ta Jesus Farisi dida dumado dan iloŋ tag gureŋ, butol ta pat siŋaokan ak nam digane yak, isinig san na ipalu ya.
25303	LUK 7:39	Agog Farisi tamol an ile dugo, ilon lo mi ibol, “Tamol en profet ak tap man pein en fun iloŋ a. Pein en aupasek tinan.”
25304	LUK 7:40	Ago dugo Jesus Farisi an irupeig ibol, “Saimon, ŋai ru ta ŋurupaio wo da.” Ago tag Saimon awan yabig ibol, “Girek maŋau, ubol pe.”
25359	LUK 8:45	Ago tag Jesus isumianaig ibol, “Enti ŋai isupurag ak i?” Fidian tia dubol go Pita ibol, “Tubun en, tamolpein wei kasik dubuluwo dugo tinid nam oŋ dupuno da!”
25484	LUK 11:10	Fidian dugudani dan diŋane wa. Ta abaŋ yabi dan ile wa. Ta dalawan ituti dan Anut ipasi pani wa.”
25493	LUK 11:19	Gug an rumok tap, aŋsiganem megeloum adi, enti san dabai nam ur saiak dukudai diau dak i? Fun amaiak niŋen o aŋsiganem megeloum iŋsed mi, saen Anut san bitinaek nal ilasa dop, kubianek tamol oŋ dilasap bitinaek lo didiraŋ a.
25511	LUK 11:37	Saen Jesus iŋiŋeŋ go itout an Farisi ta iwagig iŋsan ab lo anaŋ diani wo diau a.
25512	LUK 11:38	Jesus Juda kagin iriŋanig, banin ta ifulani na dugo anaŋ diani wo dumasi a. Farisi an Jesus ago ileg, irut saian.
25513	LUK 11:39	Ago tag Tubun en Farisi an irupei, “Aŋ Farisi man gab daeg da tinid patud fo yak mi afulanai da. Gug ilom lo man mala sek, agod kagin saiak saiak mi awan isa ya.
25514	LUK 11:40	Aŋ Farisi ŋiŋeo tinami. Anut tinim igane dugo ilom dam igane ya. An lo ata wo ilom ta akubune na dak i?
25516	LUK 11:42	“O Farisi, muruan tubun geig ak ale wa! Man dugo, aŋanem abi san anaŋ melmel kitiktik an fidian atumanip, malan 10 ilasa gup malan kisaek atarpalep Anut apani da. Gug aŋ Anut san kubiaeŋ malan te yak ariŋani da. Aŋ tamolpein kot lo ta atarpasai uyanan na dak, agod Anut niŋen o dam ta amat na da. Kagin malan te yak agane wa, agod kubiaeŋ san ru kagin kititik dam ta abisei na wa.”
25517	LUK 11:43	“O Farisi, muruan tubun geig ak ale wa! Man dugo, aŋ ubou ab lo tamolpein malad lo kapal malan te yak fo amado wo agane da. Agod aŋ tamolpein malak malak yaŋam diabisa wo agane da.”
25524	LUK 11:50	Fun an niŋen o, profet fidian ager adi banid lo mateŋ dile yan, kagin amaiak san ai wadan Anut aŋsem mi ipanaŋ a. An man aŋsiganem muruan mi a.