23214	MAT 1:1	Yaŋak e irig ipalu den iŋ Jesus Kristus san tubun bagen a. Jesus iŋ Dawid lo ilasa ya, agod Dawid man iŋ Abraham lo ilasa ya.
23215	MAT 1:2	Abraham log ipalug Kiŋ Dawid lo man, tubun bagen san yaŋak igo iri a: Abraham, Aisak, Jakob, Juda iŋ tein muroun dida. Aria, Juda man Peres iŋ Serah da tamadi, agod uraru an tinadi Tamar. Aria, Peres, Hesron, Ram, Aminadab, Nason, Salmon, Boas (Boas tinan Rahab), Obed (iŋanen tinan Rut), agod Jesi. Aria, Jesi man Kiŋ Dawid taman.
23225	MAT 1:12	Aria, Juda adi Babilon na dumado yan san saen ibiseig ipalug, Jesus ilasa yan san saen lo man, tubun bagen sad yaŋak igo iri a: Jehoyakin, Sealtiel, Serubabel, Abiud, Eliakim, Asor, Sadok, Akim, Eliud, Eliasar, Matan, Jakob, agod Josef nek a Maria iŋane ama ya. Maria nek a Jesus igansi a, iŋ tamol nek a Kristus tabol dama ya.
23230	MAT 1:17	Aria, Abraham log ipalug Dawid ilasa yan tubun 14 lo dar igile ya. Anteg, Dawid log ipalug Juda adi Babilon na dumado yan san saen lo, tubun 14 taida lo dar igile ya. Aria, anteg tubun 14 taida lo dar igile gug Kristus ilasag malan ipuk a.
23231	MAT 1:18	Aria, Jesus Kristus dugo ilasa amaiak san dal man igo ya. Maria tinan taman iŋ Josef iŋane san ŋien dupani, ago yak man Josef pein an da gamugo dien dugo, Awan Urgun san dabai iganeg Maria luan anda yan tamolpein fidian dile duloŋ a.
23242	MAT 2:4	Agog Herod pris gurman adi, agod kubiaeŋ san girek maŋau adi dida itumanai go isumianaig ibol, “Aben dugo amaiak lo Kristus ilasa wak i?”
23256	MAT 2:18	“Kilagun ta panu Ramah lo duloŋ a, tinaŋ igane dugo tubun mi isasai se ya. An man Rasel nanun muroun niŋedi wo tinaŋ yabi se ya. Ilon diŋane gug imoi, man dugo, iŋanen nanun muroun fidian dumat pasik a.”
23291	MAT 4:13	Iŋsiŋanen panu Nasaret ibiseig, yaug Kaperniam na imado ya. Taun an you tilianek ta, you uyanan ak man, yaŋan You Galili dubol dan, siŋiren na yen da. Distrik an gugoi uraru a yaŋad Sebulun agod Naftali amaiak sad tan.
23320	MAT 5:17	“Kabelan Moses san kubiaeŋ agod profet sad ru an ŋai ŋigane itout o ŋupalu abol banau. Ŋai mel uraru an ŋigane itout o ta ŋupalu na ya, tia, ŋai tinig lo iŋaned ru idaisuda wo ŋupalu ya.
23328	MAT 5:25	Saen oŋ kot ab naon na wau dop, tamol a iŋiliog kot lo wau o dan, dabai ganep ida ŋiŋeŋ an dal te mi akubune kisaek oŋ gup aup alasa wa. Kabelan kot lo alasa dop, tamol an tulek tamol banin lo iginiop, iŋ oŋ ai katuk banid lo iganep, subanek ab lo dibilio waup, dusubano banau.
23338	MAT 5:35	Agod tan san yaŋan patep lo oŋane ru dabai ta pani na wa, man dugo, tan en man aben Anut san ŋien ate yaes ibal da. Jerusalem san yaŋan patep lo ago gane wan niŋen o umoi a, man dugo, aben an man Kiŋ tubun amaiak san panu malan te ya.
23352	MAT 6:1	“Kagin gane wo uyan a, oŋane kagin uyan uyan man tamolpein naod na gane dop lo dilio wo ago ta gane na wa. Oŋ ago gane tap, Tama kumaen panu lo imado dan naon ta ipano na wa.
23379	MAT 6:28	Agod aŋ ata wo biouŋ direk san niŋedi wo ilom muruan dak i? Garaŋ san kakak dugo woŋ disa dak ilom isou a. Kakak an urat ta digane na dak, agod iŋaned biouŋ dam ta diwei na da.
23418	MAT 8:4	Ago dugo Jesus irupeig ibol, “Kagin gane, kulob ilasa yen niŋen o aenta ta rupidai na wa. Tia, itaot waup, tini Juda sad pris mi kubiaip ile dop, mudan a Moses san kubiaeŋ lo ibol dan ŋanep Anut yai gane pani. An lo dop tamolpein duloŋ ak oŋane subam itout a.”
23419	MAT 8:5	Jesus Kaperniam na yaug saen iladu wo dugo Rom san yu gurman ta iŋsan na ipalug binawek ipani wo imosiai a.
23478	MAT 9:30	Agog maladi uyan ilasag abaŋ dile uyan a. Ak gug Jesus ru dabai nam ru kagin igo irupidai, “Kagin agane wa, talpein ta kulob e ilasa yen duloŋ o ta arupidai na wa!”
23520	MAT 10:34	Kabelan ŋai maror tan en lo ŋigane ilasa san ŋupalu yak ago ilom isou banau. Tia, ŋai muruan ale yau o aŋ luluŋam lo ŋupalu ya.
23530	MAT 11:2	Aria, saen Jon subanek ab lo imado se man, Kristus urat naok naok igane dan iloŋ, iŋsiganen megeloum aenta idinaig ru disinig Jesus san na diau a.
23533	MAT 11:5	malad itau ak afon abaŋ dile dugo, ŋied saian ak afon tureŋ diabi dugo, a tinid lepra amad da yan tinid siŋaokan dilasa ya. Kududod itau ak ŋiŋeŋ afon duloŋ dugo, a dumat ak kumaen dumasag dumado dugo, agod tamolpein mel amad tia yak bilaluŋ uyanan ak ŋufulale pidinai dugo duloŋ da.
23541	MAT 11:13	Man dugo, profet adi agod Moses san Kubiaeŋ dam profet ru lo dubol ilasag yaug saen Jon ilasa yan lo iŋaned urat itout a.
23549	MAT 11:21	“O Korasin san tamolpein, muruan tubun geig ale wa; O Betsaida san tamolpein, aŋ dam muruan tubun geig ale wa. Man dugo, kulob girager a ŋai aŋ luluŋam lo ŋigane se amaiak, wagam geig taun Tair agod Saidon dam ante ŋigane wo tap, taun uraru an sad tamolpein ilod ibilsag, muguŋ san kulos didirig, yai san utut fo dumasig dumado ya.
23551	MAT 11:23	Agod aŋ Kaperniam tamolpein, sem yaŋam abisap timtaen lo isuda wak i? Tia mok, Anut iŋsen iŋiliaŋ pe au adu dop tan ilon lo aben yaŋan Ades dubol dan lo idiraŋ pe amado wa. Man dugo, kulob girager a ŋai luluŋam lo ŋigane yan taun Sodom ante ago mi ŋigane yak man, gamu taun an yen dop na wa.
23575	MAT 12:17	Kagin nek amaiak lo, awak aban ta profet Aisaia ibol an nuŋon ilasa ya. Iŋ ago ibol,
23583	MAT 12:25	Jesus iŋsad ilo sou iloŋ dugo irupidaig ibol, “Kiŋ ta san kagin panek aben ilon lo man, iŋsan tamolpein sed itarpaleg malan ururu dilasap nug dufuni tap, kiŋ an san ager iŋsan na yu diŋane dupalup aben an daoŋ dupani wo man pasauman geig a. Agod taun ta boi, tia, warou ta boi, san tamolpein tarpalek uraru dilasap nug dufuni tap, taun an, warou an dam, sed ipitiŋinai dop ririan sad kagin fidian itout yau a.
23592	MAT 12:34	Aŋ mot wagai ak sad nanud muroudi! En dugo woŋ aŋ saian geig amado yan ru uyan ak ka abol ilasa wak i? Man tia geig a. Man ata wo? Kagin saian ak boi, uyan ak boi, tamol ilon iŋanefute yan iŋanep awan lo ibol ilasa wa.
23600	MAT 12:42	Kwin a saut lo ilasa yan man, aŋ gamu saen en san tamolpein dida Anut san bitinaek nal lo sisem amasap, kot lo atur a. Ago dop kwin an aŋ niŋemi wo ru ibol ilasa dop boum ipanaŋ a. Man ata wo? Kwin an iŋ tan asau mok imado bo man, Solomon san kankan milaen amaiak ibol ilasa dop iloŋ o ipalu ya. Ago yak gug tamol ta dam iŋ ente imado da, tamol an man Solomon iriŋani geig a.
23603	MAT 12:45	Amaiak niŋen o iŋ imul yaup, ur saiadi geig ak 7 taidam iŋal a. Ur an kulob sisaiak digane san man iŋ diriŋani geig a. Iŋ sisem ab an lo diladup dumado wa. Gubak mi tamol an san madok saian a, ak man gamu gup san madok saian geig a. Kagin nek amaiak tamolpein saiadi a gamu saen en lo dumado dan ilasa pidinai a.”
23621	MAT 13:13	Ŋai iŋsad na ru faŋan lo ŋiŋiŋeŋ dan san fun man igo ya. ‘Iŋ leil digane bo man, ilod ta itarpasi na da. Kududod nam duloŋ bo man, fun mok ta diŋane na da.’
23626	MAT 13:18	“Kududom agurep tamol ai patun tan fufo iratitale yak, san ru faŋan san fun mok ŋisafulale wo da.
23675	MAT 14:9	Kiŋ Herod ilon muruan geig a, ak man ru dabai geig pein baras an Herod turan muroun naod na ipani an niŋen o, iŋanen yu tamol irupidaig nek pein an ibol ago mi digane ya.
23721	MAT 15:19	Man ata wo? Kagin naok naok igo yan tamolpein sad ŋutud lo ilasa da: ilo sou saian ak san kagin, tamol ifuni imat dak, turan iwon ida dien dak, jeit kagin, gumagam kagin, supalek ru agod uf ru dam mi a.
23724	MAT 15:22	Aria, gob pein ta tan Kenan dubol dan ate imado dan isusag awan tubun ak lo iwagiŋ, “O Tubun ak, Dawid Nanun, ilo imuŋanag! Ur saian ta ŋai nanug pein itirni dugo muruan ipani geig da.”
23747	MAT 16:6	Agog Jesus irupidai, “Kagin agane wa, Farisi iŋ Sadyusi da sad yis an niŋen o kagin agane wo uyanan a.”
23757	MAT 16:16	Agog Saimon Pita iŋsan ru naon irupei, “Oŋ Kristus, oŋ Anut ipiliano ama ya, oŋ Anut a kumaen imado dan Nanun mok a.”
23761	MAT 16:20	Agog Jesus iŋanen megeloum adi ru kubiaeŋ dabai mok an ipidinai man, iŋsen mi Kristus, an ago ta dubol ilasa na wa.
23769	MAT 16:28	Rumok ŋurupaiaŋ da, tamolpein aenta igo dutur dan gamugo dumat dop, Tamol Nanun amaiak Kiŋ igo woŋ ipalu dop dile gup, murnap dumat a.”
23779	MAT 17:10	Agog iŋanen megeloum utol dusumianig dubol, “En ata wo kubiaeŋ san girek maŋau, Elaija imug ipalu dop Kristus murna ilasa wak ago dubol dak i?”
23793	MAT 17:24	Saen Jesus iŋanen megeloum dida Kaperniam na dupalu man, tempel san takis ŋilaŋal dupalug Pita dusumiani, “Dugo, oŋane girek maŋau tempel san takis idad o dak i?”
23805	MAT 18:9	Agod oŋ mala iganep au upas tap, mala an bilanip biliau a. Gidad mala kisaek o lian da ago madok yen yau san lo ka ladu wa. Kabelan mala uraru mi dop diŋiliop Ades san yai lo dubulo wau banau.
23811	MAT 18:15	“Saen Kris tei ta oŋ lo aupasek igane tap, san na waup iŋsan aupasek an kibiai ile. Ak man nuŋom uraru mi nug lo aŋiŋeŋ a. Aria, oŋ awa iloŋ tap man, oŋ oŋane tei da ilom kisaek da wa.
23813	MAT 18:17	Aria, iŋ oŋane tei uraru an awad ta iloŋ na tap, muruan an gidad Kris midaeŋ naod na abol ilasa wa. Aria, Kris midaeŋ dam sad ru ta iloŋ na tap, tamol an gob igo woŋ, tia, takis ŋilaŋal tamol igo woŋ, ago ale dop abiseip asau mi au.
23819	MAT 18:23	“Amaiak niŋen o Anut san kagin panek man igo ya. Kiŋ ta gubun funfun a iŋsan urat tamol tinidi lo dien dan ikubunep itout o ilon ibol se ya.
23820	MAT 18:24	Saen iŋsad pani naon iŋane san urat an fun igane dugo, urat tamol kisaek diŋaneg san na dupalu ya. Kiŋ san gubun tamol an tinin lo yen dan man ten milion kina ago ya.
23830	MAT 18:34	Kiŋ tiŋaen wananan geig a, ago yan lo urat tamol an dam subanek ab lo igane yau a. Ante man subanek ab san tirnek adi tinin malan dusue dop yaup, kiŋ san gubun isopasi gup ilasa da wa.
23900	MAT 21:5	“Ru en Saion san Nanun Pein naod na ubol ilasa wa. Ale, aŋanem Kiŋ gamu aŋsam na ipalu da. Tamol mos aman ak igo woŋ ipalu da, doŋki ta fufo na imasig imado da. Doŋki an foun ak fo na imasig imado dugo ipalu da.”
23928	MAT 21:33	Jesus tamol tutubu yak ago irupidai, “Kududom agure dop ru faŋan taidam ŋurupaiaŋ o da. Tamol ta iŋ wain san abi yabig ar ifou a. Abi an ilon lo wain patun dupartitale san gib yabi a. Agod ab a ate abi titianek dumado san dam abi ilon lo yabi a. Agog tamol ta abi an kagin dupani san urat digane wo ipilianaig, banid lo igane ya. Aria, saen abi taman iŋ urat an fidian igane itout man, imasag panu asau ak ate yau a.
23943	MAT 22:2	“Anut san kagin panek man igo ya. Kiŋ ta iŋsinan nanun tamol ak o nug ŋanek san soubul yabi a.
23958	MAT 22:17	An niŋen o oŋ ka mel en niŋen o rupaiama wa. Dugo, Kaisa takis moni tupani wan uyan ak i? Tia, saian ak i? Oŋ dugo ilo isou dak i?”
23962	MAT 22:21	Agog iŋ dubol, “Kaisa san.” An niŋen o irupidai, “Mel ta Kaisa san tap, Kaisa apani wa, agod mel ta Anut san tap, Anut apani wa.”
23979	MAT 22:38	Kubiaeŋ en tubun a, agod iŋ malan te geig a.
23980	MAT 22:39	Kubiaeŋ turan en dam nek ago mi a. Nek oŋse niŋe wo umat dak ago mi, tamolpein aenta dam niŋedi wo umat a.
23981	MAT 22:40	Kubiaeŋ uraru en malan te yen da, Moses san kubiaeŋ fidian, agod profet sad awak aban an dam, kubiaeŋ uraru en paed na diyuk dien da.”
23983	MAT 22:42	“Aŋ Kristus niŋen o dugo ilom isou di? Iŋ enti nanun ak i?” Ago man iŋ durupei, “En man Dawid nanun.”
23984	MAT 22:43	Ago tag iŋ irupidai, “Aria, en dugo woŋ go, Kristus niŋen o, Dawid iŋsen mi Awan Urgun san dabai lo mi iŋiŋeŋ dugo tamol an yaŋan man, Tubun ak ibol ak i? Iŋ igo ibol,
23989	MAT 23:2	“Kubiaeŋ san girek maŋau iŋ Farisi dida Moses naon diŋane ya.
23997	MAT 23:10	Agod tamolpein aenta iŋ aŋ girek maŋau adi ak ago ta dubol na wa, man dugo, aŋ girek maŋau kisaek o lian am da ya, iŋ Kristus.
24010	MAT 23:23	“Aŋ kubiaeŋ san girek maŋau, Farisi dida man, muruan tubun geig ak ale wa. Aŋ tamol awam rararu amam mi a! Man ata wo? Abi san pinapaŋ kititik wei mi abitig malan 10 dilasa ya, agog malan kisaek Anut apani a. Ak man aŋ kubiaeŋ san ru malan te yak, nek ibol kot lo atarpasai uyanan dak, aenta ilom imuŋanai dak, agod aŋsiganem ru aganuri dan, kagin naok naok ago yak ari san niŋen o kagin ta apani na da. Kagin malan te yak agane wa, agod kubiaeŋ san ru kagin kititik dam ta abisei na wa.
24014	MAT 23:27	“Aŋ kubiaeŋ san girek maŋau, Farisi dida man, muruan tubun geig ak ale wa. Aŋ tamol awam rararu amam mi a! Man ata wo? Aŋ bem milkouk ak nam mutou san ab diabi ak igo woŋ a. Kuai te man mutou an san leil siŋaokan mok a, ago gug ilon lo man tamol dumat ak sad tatumadi, iŋ melmel nun amad da yak wei mi dam dida awa nag dien da.
24031	MAT 24:5	Tamol wei mi dupalup ŋai yaŋag dupatep dubol a, ‘Ŋaiseg Kristus.’ Ago dop tamolpein wei kasik dirawai a.
24049	MAT 24:23	Saen ante talpein ta irupaiaŋ a, ‘Ale, Kristus ebe ya!’ Tia, ta ibol, ‘Iŋ obo imado da!’ Ago dubol tap, aŋ ilom ta rumok na wa.
24062	MAT 24:36	“Ak gug talpein ta auwa dugo, agod nal dugon lo melmel en dilasa wan ta iloŋ na wa. Kumaen panu san eŋel adi agod Nanun dam ta duloŋ na ya. Bai sen mi iloŋ a.
24063	MAT 24:37	Kulob a Noa san saen lo digane yan, nek amaiak mi saen Tamol Nanun imul ipalu dop digane wa.
24111	MAT 25:34	“Agop Kiŋ tamolpein a tuon won ak ate dumado dan, igo irupidai, ‘Aŋ ŋaineg Bai san bar aŋane ya. Apalup kagin panek aben e Anut fun lo mok tan igane ilasa wo dugo ikubuneg yen den aŋane wa.
24117	MAT 25:40	“Agop Kiŋ ru naon igo irupidaip ibol, ‘Ŋai rumok ŋurupaiaŋ da, kulob dugo ŋai teig e yaŋan tia yen lo agane man, kulob ago agane yan, an ŋai lo dam ago agane ya.’
24126	MAT 26:3	Saen an lo pris tutubu, agod Isrel san tamol gurman adi, pris gurman yaŋan Kaiafas dubol dak san ab lo dutumani a.
24180	MAT 26:57	Tamol a Jesus diabi an, diŋaneg pris gurman Kaiafas san ab lo diau a. Kubiaeŋ san girek maŋau, agod pris tutubu dida imug mi diaug ab ante dutumanig Jesus dititianig dumado se ya.
24186	MAT 26:63	Ak man Jesus ru ta, ta ibol na ya, itokibol itur se ya. Ago dugo pris gurman irupei, “Ŋai Anut kumaen imado dan san yaŋan lo, oŋ ŋurupaio dak an niŋen o, itaot mi rupaiama wa. Oŋ Kristus, Anut Nanun i? Rupaiamap maloŋ.”
24191	MAT 26:68	“Kristus, oŋ gamu profet ru ubol a, tamol e ifuno den enti ak i?”
24196	MAT 26:73	Kitekan taidag tamolpein a dutur na yan Pita san na diaug durupeig dubol, “Rumok geig, oŋ iŋsad kisaek a. Oŋane ŋiŋeŋ lo se kuai te ibulo lasa ya.”
24213	MAT 27:15	Aria, anaŋar fidian, Pasova san saen lo, gabman gurman subanek tamol kisaek o lian yaŋan dupate dop, ipasip kawan imado wa. Kagin nek an san nal idu ya.
24215	MAT 27:17	Amaiak niŋen o saen tamolpein dutumani itout man, Pailat igo ibol isumianai, “En dugo woŋ ilom isou di? Enti ŋubuseip aŋsam na imul o? Ŋai Barabas ŋubusei wo, tia, Jesus e Kristus dubol damaiak ŋubuseip imul o?”
24220	MAT 27:22	Agog Pailat ibol isumianai, “Aŋsam ilo sou lo, Jesus e Kristus dubol den niŋen o ŋai dugo ŋigane wak i?” Ago man fidian mi duwagiŋ dugo dubol, “Aigim fo bali wa!”
24227	MAT 27:29	Ago dugo iŋ kam dudurun aman da yak, kiŋ san kitikat igo woŋ ditiladeg, Jesus kabuŋan fo na digane ya. Makud ta diŋaneg tuon won ak ate diganeg kiŋ igo woŋ yabi a. Ago dugo naon na turud disoluwig, kukok an digane dugo igo dubol, “Per o, Juda sad Kiŋ!”
24231	MAT 27:33	Iŋ diaug aben ta, yaŋan Golgota dubol dak, ate dilasa ya. Yaŋak an san fun igo ya, “Kabuŋa tatu san aben.”
24235	MAT 27:37	Ru ate kot dupani amaiak ai lapan fo digireg, aigim kabuŋan fufo na dubali a. Ru en san sutek lo man igo ya, “En Jesus, Juda sad Kiŋ.”
24240	MAT 27:42	“Iŋ tamol aenta patud ipasi na yak gug, iŋsen patun ipasi san man tia ya. Iŋ Isrel sad Kiŋ, an niŋen o iŋ aigim ibiseip idu dop, an lo na id ilod rumok a.
24260	MAT 27:62	Nal a Soubul Kubunek San dubol dan itout la gug, nal tinin te yak lo, pris tutubu adi agod Farisi adi diaug Pailat naon na dutumani a.
24262	MAT 27:64	Amaiak niŋen o, oŋ gidad ubol dop yu tamol adi mutou fun na nal utol tawaŋ diganep dumado wa. Kabelan iŋanen megeloum adi sisanun gumagam aman diŋane dop, mutou lo imasa la yak ago dubol tamolpein durupidai banau. Ago dop man iŋsad ru sewak foun en, iŋsiganen ru sewak gubak mi ibol an iriŋani banau.”
24285	MRK 1:1	Dal en bilaluŋ uyanan Jesus Kristus Anut Nanun niŋen o fun igane ya.
24305	MRK 1:21	Agog diaug, panu tubun yaŋan Kaperniam atna dilasa ya. Ubou nal, Sabat dubol dan lo, Jesus ubou ab ta lo iladug tamolpein ipiteŋanai o fun igane.
24328	MRK 1:44	“Kagin gane, kulob ilasa yen niŋen o aenta ta rupidai na wa. Tia, itaot waup, tini Juda sad pris mi kubiaip ile dop, mudan a Moses san kubiaeŋ lo ibol an ŋanep Anut yai gane pani. An lo dop tamolpein duloŋ ak oŋane subam itout a.”
24330	MRK 2:1	Nal wei tiag Jesus fon imul panu Kaperniam na ipalu ya. Agog tamolpein Jesus ante imado dan niŋen ru duloŋ a.
24345	MRK 2:16	Kubiaeŋ san girek maŋau adi luluŋad lo ensauta a iŋ dam Farisi adi amaiak mel en Jesus megeloum dida digane dan dile dugo iŋsan megeloum adi igo dusumianai, “En ata wo tamol en takis ŋilaŋal tamol adi agod aupasek tamolpein dida sisem anaŋ diani dak i?”
24361	MRK 3:4	Agog Jesus tamol en isumianai, “Kubiaeŋ dugo ibol ak i? Ubou nal lo, id ka kagin uyan ak tigane wo? Tia, kagin saian ak tigane wak i? Patu pasek tupani wo? Tia, tufuni imat ak i?” Ago man iŋ fidian tok dubol go dumado ya.
24373	MRK 3:16	Aria, megeloum 12 e itarpasai en yaŋadi igo ya. Ta Saimon, iŋ Jesus yaŋan foun ak Pita ipate. Ta Jems, iŋ tein Jon da, nuŋod urarum Sebedi nanun muroun, uraru en Jesus yaŋadi foun ak Boargenes ipate ya, (yaŋak an fun man weil fufu tamol.) Ta Andru, ta Filip, ta Bartolomiu, ta Matyu, ta Tomas, ta Jems iŋ Alfeus nanun, ta Tadeus, ta Saimon iŋ ru wagai san tamol, agod Judas iŋ man panu Keriot san tamol, emaiak murnag iŋ Jesus niŋen o palaŋ imarig ager tamol banid lo igane ya.
24381	MRK 3:24	Kiŋ san kagin panek aben lo, iŋsan tamolpein sed itarpalaip malan uraru dilasap nug dufuni tap, kiŋ an san kagin panek aben an dabai itur san tia geig a.
24490	MRK 6:14	Kiŋ Herod iŋ melmel e Jesus san megeloum adi digane se yan niŋen o iloŋ a. Man dugo, nal an lo man Jesus san yaŋak tamolpein malad lo tubun geig ilasa la ya. Ta dubol, “Suguek san Jon iŋ tamolpein dumat la yak luluŋad lo fon imasag kumaen imado da, nek fun amaiak niŋen o dabai funfun en tinin ilon lo urat digane da.”
24514	MRK 6:38	Agog Jesus isumianai, “Aŋ bret sapita da yak i? Aup ale.” Agog diaug dileg dumul dupalug durupei, “Kafen, agod iy uraru a.”
24543	MRK 7:11	Ak man aŋ abol, ‘Tamol ta taman boi, tinan boi, igo irupei, mel ta ate ŋai ka ŋibinawo san niŋen o man Korban’ (ru an fun man, Anut mel an ŋien ŋupani la ya), ‘an niŋen o man, o kabel, ŋai mel an ŋupanaŋ san tia ya.’
24584	MRK 8:15	Jesus ru kagin ipidinaig ibol, “Kagin agane, Farisi sad yis, agod Herod san dam niŋen o kagin agane uyanan a.”
24598	MRK 8:29	Iŋ isumianai, “Ak man aŋsem ŋai enti mok ago abol di?” Pita awan yabig ibol, “Oŋ Kristus.”
24640	MRK 9:33	Iŋ Kaperniam na dilasa ya. Saen iŋ ab ilon lo dumado dugo, Jesus isumianai, “Dal na aŋsem ata mel niŋen o nug lo akubiai yau imul se yak i?”
24648	MRK 9:41	An lo ŋai ŋurupaiaŋ da, talpein enti iŋ, aŋ Kristus san ak niŋen o you kitek gab lo iganeg aluk o ipanaŋ dan, iŋanen naon ibisei san tia geig a.”
24654	MRK 9:47	Agod oŋ mala turan iginiop au upas tap, mala an bilanip biliau a. Mala kisaek ama da madok kumaen yen san lo ka ladu wa. Kabelan mala uraru mi diŋiliop Ades san yai lo dubulo wau banau.
24658	MRK 10:1	Go Jesus imasag, panu Kaperniam ibiseig, you Jordan ituteg, titin ta Judea distrik a you an aen ate yen dan lo yau a. Ante tamolpein wei mi fon iŋsan na dutumani a. Agod Jesus iŋ fon iŋsinan kagin iri panim ipiteŋanai se ya.
24711	MRK 11:2	irupidaig ibol, “Aŋ urarum panu o malad yaug tile dan ate au. Aup aladu dop doŋki foun ak ta dususeg imado dak ale wa. Doŋki an fufo talpein ta imasi man tia ya. Kam apasip aŋanep ŋaisag na apalu wa.
24743	MRK 12:1	Kubiaek an itout gug, Jesus ru faŋan lo kubiaeŋ tamol adi naod na igo ibol ilasa, “Tamol ta iŋ ai wain san abi yabig ar ifou ya. Abi an ilon lo wain patun dupartitale dop dupipi san gib yabi a. Agod iŋ ab dam abi ilon lo yabi a. Agog iŋ tamol ta abi an kagin dupani san ipilianaig, abi an banid lo idiri a. Aria, saen abi taman iŋ urat an fidian igane itout man, imasag tan asau ak ate yau a.
24756	MRK 12:14	Aria, iŋ Jesus san na dilasag durupei, “Girek maŋau, maŋ maloŋ ak oŋ ru rumok san tamol. Oŋ tamol senamo yak oŋ niŋe wo ilod isou dan niŋen o ta urer na da. Man dugo, gidad yaŋad amad da yak, tia yak dam, niŋedi wo oŋ ilo ta weiwei na da. Fun an lo oŋ tamolpein Anut san dal an niŋen o ru rumok nam itaot mi piteŋanai da. Id Kaisa takis moni tupani wan uyan ak i? Tia, saian ak i? Idsad kubiaeŋ mel en niŋen o dugo ibol dan ubol maloŋ.
24758	MRK 12:16	Agog moni ta disinig san na dupalug dupani a. Agog isumianai, “Mitilaen e fufo yaŋak digire yen enti san ak i?” Agog awan diabig dubol, “Kaisa san.”