23538	MAT 11:10	tamol nek emaiak niŋen o girek e Anut san ru lo digire idug yen den, igo ibol, ‘Ule, ŋaisag ru sinek tamol ŋidinip, oŋ nao na imug mi yau a. An lo man oŋsa dal ikubune wa.’
23635	MAT 13:27	Agog tamol an san urat tamol iŋsan na dilasag durupeig dubol, ‘Gurman, ai patun a oŋ pae yan uyan a. En dugo woŋ go ud dam dida disa kisaek ak i?’
23874	MAT 20:13	“Ak man abi muroun tamol ta luluŋad lo imado yan irupeig ibol, ‘Turag, ŋai oŋ ta ŋiginio saian na da. Dugo, oŋ kina kisaek o lian lo urat gane wo awok ta ubol na yak i?
23923	MAT 21:28	“Aŋ mel emaiak niŋen o dugo woŋ ilo sou agane di? Tamol ta nanun uraru a. Iŋ nanun matu ak san na yaug igo irupei, ‘Nanug, oŋ gamu waup wain abi lo urat gane wa.’
23953	MAT 22:12	Agog naon na isusag isumiani, ‘Turag, en dugog oŋ nug ŋanek san kulos ta gane na gug ente sadu yak i?’ Agog tamol an ru ta ibol san tia ya.
24049	MAT 24:23	Saen ante talpein ta irupaiaŋ a, ‘Ale, Kristus ebe ya!’ Tia, ta ibol, ‘Iŋ obo imado da!’ Ago dubol tap, aŋ ilom ta rumok na wa.
24052	MAT 24:26	“Amaiak niŋen o talpein ta aŋ durupaiaŋ pe dubol, ‘Ale, iŋ onte aben kawan talpein tia yak ate imado da!’ Iŋ ago dubol tap, aŋ ante ta au na wa. Nag igo dubol, ‘Ale, ab on san galuŋ ilon lo mok imado da!’ Aŋ ilom ta rumok na wa. Tia geig a.
24083	MAT 25:6	“Ak man tidom luak talpein ta igo iwagiŋ dugo duloŋ a, ‘Ale, tamol, pein iŋane wo damaiak ipalu wo da! Amaiak niŋen o apalup tau, dal te tile dop tiŋanep ida tamul tupalu wa.’
24105	MAT 25:28	Agog gurman an iŋsan urat gurman irupeig ibol, ‘Aria, tamol an san na 1,000 kina ŋanep, tamol a 10,000 kina aman da yan pani wa.
24807	MRK 13:21	Nal en lo talpein ta aŋ irupaiaŋ pe ibol, ‘Ale, Kristus ente imado da!’ tia, ‘Iŋ onte imado da!’ ago ibol dop, aŋ ilom ta rumok na wa.
25155	LUK 4:23	Agog Jesus irupidai, “Ŋai mel en niŋen o ilo uraru amag tia ya, aŋ ru faŋan en ŋai arupaiag o da, ‘Dokta, oŋse ikubinio gup! Kulob girager funfun a oŋ Kaperniam na gane yan san ru maloŋ a, gamu kulob naon kisaek oŋsigane fun panu lo dam gane wa.’”
25291	LUK 7:27	tamol nek emaiak niŋen o girek e Anut san ru lo digire idug yen den, igo ibol, ‘Ule, ŋaisag ru sinek tamol ŋidinip, oŋ nao na imug pe yau a. An lo oŋsa dal ikubune wa.’
25632	LUK 14:10	Tia. Saen tamol ta soubul lo igio tap, waup, imug mi gidad kapal wadan na yan fo masi wa. Ago dop soubul taman oŋsa na ipalup, irupaiop igo ibol, ‘Turag, oŋ masap palup aben uyan en lo masi wa.’ Ago tap oŋ tamolpein dumado dan malad lo oŋ yaŋa ama da wa.
25639	LUK 14:17	Murnag biabi fidian itout dugo iŋanen urat pinein idinig yaug, tamolpein igiai an irupidai, ‘Apalu, biabi fidian itout la ya.’
25645	LUK 14:23	“Ago tag tamol tubun an urat pinein afon idini dugo irupeig ibol, ‘Waup, dal garaŋ lo, abi dal lo tamolpein man sodudunaip uŋal pe dida apalu wa. Agop ŋaisag ab awan isa wa.’
25669	LUK 15:12	Nanun bakan an taman irupeig ibol, ‘Bai, oŋane filia ŋai teig da wabitip ŋaineg ŋutug gamu en panag.’ Ago tag taman iŋanen filian an yabitig nanun uraru mi anen anen ipidinai a.
25688	LUK 15:31	“Ago tag taman ibol, ‘Nanug, oŋ ŋai da nal pempem tumado da. Agod ŋaisag mel fidian man oŋsa.
25696	LUK 16:7	“Agog neinta isumiani, ‘Oŋ gubun sapita gane yak i?’ “Agog ibol, ‘Wan tausen bek wit.’ “Ago ibol tag irupei, ‘Masip, girek an suas pe 8 handet gire.’
25714	LUK 16:25	“Ago tag Abraham ru naon irupei, ‘Nanug, ilo isou. Saen oŋ tan na kumae mado dugo, oŋ oŋsa mel uyan uyan ak ŋane na ya, ago dugo Lasarus mel saian saian ak mi iŋane na ya. Gug gamu iŋ ilon pasa ibol dugo oŋ madai tubun geig ak sini da.
25761	LUK 18:4	“Gug tulek tamol an saen kitek milaen mi pein suos an awan yabi an imoi. Agog yau na gug ilon lo ibol, ‘Rumok, ŋai Anut, iŋ tamolpein dam niŋedi wo ta ŋarut na da.
25885	LUK 20:37	Moses dam kuai tem ikubiai panaŋ, tamolpein a dumat an fon kumaen dumasa da wa. Man ata wo? Ai nanunan yai inani an san sai lo, Moses Anut niŋen o igo ibol, ‘Abraham, Aisak, Jakob sad Anut.’
26478	JHN 8:28	Ago tag Jesus ibol, “Murnap aŋ Tamol Nanun abisa dop, an lo gup aŋ ilom isafulale wak, ‘Ŋaiseg, Ŋai Ŋumado Dan’ nek ema ya. Ŋai mel ta seg ilog nam ŋigane san tia ya, tia, ŋai ru ŋabol den man Bai mi ŋai ikubiai panag a, ru nek an mi ŋurupaiaŋ go aloŋ da.
27211	ACT 7:26	Nal tinin te man, Isrel tamol uraru nug dufuni dugo yil tag, maror igansi wo yaug irupidai, ‘Aloŋ, aŋ nug tein taon, en ata wo nug tinin malan asue wo agane dak i?’
27359	ACT 10:31	Agog irupaiag, ‘Konilias, Anut oŋane gudanek iloŋ a. Agod binawek urat gane dan ile dugo oŋ ilon isou da.
27383	ACT 11:7	Agog awan ta irupaiag go ibol, ‘Pita, masap, melmel an ufu idup wani.’”
27620	ACT 17:28	Man dugo, talpein ta igo ibol, ‘Iŋ lo man, id kumaen tumado dugo tala taso da, agod iŋ lo dam idsad madok san fun yen da.’ Taida mi, aŋanem profet aenkadi dam igo dubol, ‘Rumok, id man iŋanen malan kubulan.’
27779	ACT 22:7	Agog tan na ŋau ŋadug, awan ta iwagiŋ go ibol, ‘Sol, Sol! Ata wo ŋai malag sue dak i?’
27782	ACT 22:10	“Agog ŋusumiani, ‘Tubun en, dugo ŋigane wak i?’” “Agog Tubun en irupaiag, ‘Masap, Damaskus na wau gup, Tubun en san ilon oŋ lo dugo isou dan fidian durupaio uloŋ a.’
27947	ACT 27:24	‘Pol, oŋ urer umoi! Oŋ Kaisar naon na utur o Anut ilon ago yen. Iŋsan ilo muŋanek lo tamol dida au dan kisaek ta ideg yau san tia ya.’
27993	ACT 28:26	‘Waup, tamolpein en igo rupidai: Saen aŋ ru aloŋ man, ka aloŋ oŋ se ya, ak man san fun ta aŋane na ya, agod saen abaŋ ale man, malami ka yau oŋ se ya, ak man ilom ta itarpasi na ya.