42	GEN 2:11	Kuketikù yètìrì tu Pisɔ̃ɔ̃ kɛ̀ kù fitɛ́ dihɛì bɛ̀ tu dì Afidaa. Kɛ̀ mɛsɔɔ mbo dɛ kó dihɛì miɛkɛ,
45	GEN 2:14	Kɛ̀ kutãã́nkù kpɛri tú Tikidi, kuù pũɔ̃̀ ndiyiè yìɛ̀ní kɛ̀ɛ̀ bíɛ́kɛ̀ kɛ firì dihɛì bɛ̀ tu dì Asidii, kɛ̀ kunaankù kpɛri tú Efadati.
47	GEN 2:16	Kɛ̀ ti Yiɛ̀ nKuyie nhò nàkɛ́ yɛtannɔ̀ kɛ dɔ̀: A bo na kɛ́nyo ndɛtie ndɛmɔu dɛ̀ɛ̀ bo kupúú dɛ kó yɛbɛ.
48	GEN 2:17	A nɛ́ báá di mùù yĩ́ɛ̃́kùnko mɛsàà nnɛ̀ mɛyɛi mmu bɛ, kàa yɛ̀ di dìì yiè a kumu.
51	GEN 2:20	Kɛ̀ Adammuu duɔ́ nyicɛ̃wũɔ̃ i yètɛ̀ kɛ́duɔ́ nyikpakpɛyi i yètɛ̀, kɛ́duɔ́ nsinɔɔ si yètɛ̀. Ò mɛ nyí mpɛ̀tɛ́ wèè bo nhò dònnɛ̀ koò teénnɛ̀.
65	GEN 3:9	Kɛ̀ ti Yiɛ̀ nKuyie nyú onitidɔ̀ù kɛ dɔ̀: A borɛ?
72	GEN 3:16	Kɛ̀ ti Yiɛ̀ nKuyie nnákɛ́ onitipòkù kɛ dɔ̀: A pɛitímù bo yonkɛ mɛdiɛ̀. A níí bo fɛ̃́ṹtɛ́ mɛdiɛ̀ nkɛ nɛ́ na kɛ́pɛitɛ́, a bo mbúɔ́ a dɔù kòò da bakɛ́.
73	GEN 3:17	Kɛ̀ ti Yiɛ̀ nKuyie nnákɛ́ onitidɔ̀ù kɛ dɔ̀: A mɛ̀ nyiemmɛ̀ a pokù kpɛti kɛ di ditebii n yɛ̃ nha báá di dì. M bo cɔ̃ɔ̃ kɛtenkɛ̀, a níí bo kúútí kɛ́fɛ̃́ṹtɛ́ mɛdiɛ̀ nkɛ nɛ́ na kɛ́pɛ́tɛ́ kɛ́di.
75	GEN 3:19	A níí yóó kã́tɛ́ mɛyɔ̃́ɔ̃̀ mmɛ kɛ́na kɛ́pɛ́tɛ́ kɛ́di, kɛ yàa wɛ̃tɛnɛ̀ mutã́ã́ mmiɛkɛ n da dɔ̀ɔ̀nɛ̀ mù. N da dɔ̀ɔ̀nɛ̀ mutã́ã́ mmu kàa yóó wɛ̃tɛ kɛ́naá mmutã́ã́.
76	GEN 3:20	Kɛ̀ Adammuu yú o pokù kɛ dɔ̀ Ɛfu, dɛ̀ɛ̀ tu mufòmmu, kɛ yɛ̃́ weè tumɛ̀ bɛnìtìbɛ̀ bɛmɔu yɔ̃.
81	GEN 4:1	Kɛ̀ Adammuu duɔ́nɛ̀ o pokù Ɛfu, kòo púó nkɛ́pɛitɛ́ dɛnitidabirɛ kɛ́ dɛ̀ yu kɛ dɔ̀ Kayɛ̃ɛ̃, kɛ dɔ̀: Ti Yiɛ̀ nKuyie nkuù te kɛ̀ m̀ pɛitɛ́ onìtì.
82	GEN 4:2	Kòo yíɛ́ kɛ́pɛitɛ́ o nantɛ̀ Abɛɛdi. Kɛ̀ Abɛɛdi ntú owũɔ̃cɛ̃nti kɛ̀ Kayɛ̃ɛ̃ tu otenkútì.
84	GEN 4:4	Kɛ̀ Abɛɛdi yie tɔní o pedakɛ̀ yɛketiyɛ̀ kó dìmarì, dìì ã mɛkùɔ̀ nkɛ́pã ti Yiɛ̀ nKuyie. Kɛ̀ kùu ò pɛ́nsìrì kɛ́cɔutɛ́ o pãnnì,
88	GEN 4:8	Mɛm̀mɛ kɛ̀ Kayɛ̃ɛ̃ nákɛ́ o nantɛ̀ Abɛɛdi kɛ dɔ̀: Tí kɔ̃tɛ́. Bɛ̀ kɔ̃tɛ́ dìì mɔ̀nnì kɛ̀ Kayɛ̃ɛ̃ pĩ́ nho nantɛ̀ Abɛɛdi kɛ́kuɔ.
89	GEN 4:9	Kɛ̀ ti Yiɛ̀ nKuyie mbekɛ Kayɛ̃ɛ̃ kɛ dɔ̀: Yé a nantɛ̀ Abɛɛdi borɛ̀? Kɛ̀ Kayɛ̃ɛ̃ dɔ̀: N yí yɛ̃́ tɛ̀ borɛ̀, n túmu n nantɛ̀ kóo bàràà?
90	GEN 4:10	Kɛ̀ Kuyie ndɔ̀: A dɔ̀ɔ̀ ba? A nantɛ̀ yĩ̀ĩ̀ nkuɔ̀ nkɛtenkɛ̀ kɛ tú ḿ pɛitɛ.
92	GEN 4:12	A níí bo kúútí, a báá dɛitɛ, a bo nfirì tipíìtì timɔu kɛ tú ocièntì.
93	GEN 4:13	Kɛ̀ Kayɛ̃ɛ̃ nákɛ́ ti Yiɛ̀ nKuyie nkɛ dɔ̀: A n toú ndìì tɔu cɛ̃́ɛ̃̀mu, m báá na kɛ́ dì tɔ.
94	GEN 4:14	A mɛ nni mbɛ̀timɛ̀ yíe nkɛtensààkɛ̀, kɛ̀ n yóó da dɛ́tɛ́nɛ̀ kɛ́nfirì tipíìtì timɔu kɛ tú ocièntì, kòò mɔù ǹ yà ò yó n kuɔmu.
99	GEN 4:19	Kɛ̀ Demɛkii puokɛ bɛnitipòbɛ̀ bɛ̀dɛ́bɛ̀, kòo ketiwè yètìrì ntú Ada, kòo dɛ́rì kpɛri ntú Sida.
100	GEN 4:20	Ada weè do pɛitɛ́ Yabaadi bɛ̀ɛ̀ ã titouti, kɛ cɛ̃mmù inààkɛ bɛ yààrì.
103	GEN 4:23	Kɛ̀ Demɛkii nákɛ́ o pobɛ̀ kɛ dɔ̀: Ada nɛ̀ Sida, kéntɛ́nɛ̀ n kpɛti! Díndi Demɛki pobɛ̀ keènɛ̀ n tú mù! Onìtì n kɔ̀ùtɛ kɛ̀ nh ò kùɔ, odapàà nni mpotɛ́ kɛ̀ dɛ̀ màtìnnɛ kɛ̀ nh ò kùɔ.
105	GEN 4:25	Kɛ̀ Adammuu duɔ́nɛ̀ o pokù kòo púó nkɛ́pɛitɛ́ dɛnitidabirɛ, kòo dɛ̀ yu kɛ dɔ̀ Sɛti, dɛ̀ɛ̀ tu Kuyie nhò duɔ́ ndɛbirɛ kɛ̀ dɛ̀ còḿmú Abɛɛdi fɔ̃̀tìrì Kayɛ̃ɛ̃ do kùɔ wè.
107	GEN 5:1	Ntɛ Adammu kó kufuku. Kuyie ndɔ̀ɔ̀ dìì mɔ̀nnì onìtì kóò dònnɛnɛ̀ kumáà ndi.
109	GEN 5:3	Adammu mɔ̀kɛ dìì mɔ̀nnì yɛbie ntɛkɔ̀ùtɛ̀ nɛ̀ sipísìtããti (130) kɛ́pɛitɛ́ dɛnitidabirɛ kɛ̀ dɛ̀ nhò dònnɛ̀ sósó. Kòo dɛ̀ yu kɛ dɔ̀: Sɛti.
110	GEN 5:4	Adammu pɛitɛ́ dìì mɔ̀nnì Sɛti kɛ́deè, kɛ́nfòù kɛ́tuɔkɛ yɛbie nsikɔusìnì (800), kɛ́piɛ́ initidabí nɛ̀ initipobí.
188	GEN 8:4	Otã̀nkù yiénwè diyiè tɛpíítɛ̀ nɛ̀ diyiénnì kɛ̀ tɛdabɛɛcĩ́ɛ̃̀tɛ̀ɛ cómmú ditãrì bɛ̀ yu dì kɛ tú Adadati di ĩ́nkɛ̀.
231	GEN 9:25	kɛ́bɛ́i nkɛ dɔ̀: A bo yà fɔ̃́ nKannahãã! A bo ntú a tebìí miɛkɛ kudaakù sɔnsɔnku,
238	GEN 10:3	Kɔmɛɛ kó ibí tú: Asekenaasi nɛ̀ Difati nɛ̀ Tokadima.
242	GEN 10:7	Kuusi kó ibí tú: Sebaa nɛ̀ Afidaa nɛ̀ Sabitaa nɛ̀ Dayemaa nɛ̀ Sabitekaa. Dayemaa kó ibí tú: Sebaa nɛ̀ Dedanni.
245	GEN 10:10	Ntɛ yɛhɛkɛ̀ ketiyɛ̀ ò do bakɛ́ yɛ̀: Babɛɛdi nɛ̀ Edɛsi nɛ̀ Akadi nɛ̀ Kadinɛɛ. Dɛ kó yɛhɛkɛ̀ do bo Sindeaa miɛkɛ nkɛ.
246	GEN 10:11	Kɛ̀ Nɛmmudotii ítɛ́ dɛ kó dihɛì kɛ́kɔtɛ Asidii kɛ́maá Ninifu nɛ̀ Debotidii nɛ̀ Kadaa.
248	GEN 10:13	Misidaimmu yaàbí tú Dudimmu nɛ̀ Anamimmu nɛ̀ Deabimmu nɛ̀ Nafutuyimmu
251	GEN 10:16	Kɛ̀ Kannahãã yaàbí ntú: Yebusiibɛ nɛ̀ Amɔriibɛ nɛ̀ Kidikasiibɛ
252	GEN 10:17	nɛ̀ Efiibɛ nɛ̀ Adikiibɛ nɛ̀ Siniibɛ
253	GEN 10:18	nɛ̀ Adifadiibɛ nɛ̀ Semadiibɛ nɛ̀ Amatiibɛ. Dɛ kó difɔ̃nkúò kɛ̀ Kannahãã kɔbɛɛ cíɛ́tɛ́,
254	GEN 10:19	kɛ́kari Sidonni bɛ tenkɛ̀ dɛ nketɛ́ kɛ́cuó nKedaadi nɛ̀ Kasaa, Sodɔmmu nɛ̀ Komɔɔ bíɛ́kɛ̀, Adimaa nɛ̀ Seboimmu kɛ́ntɔ kɛ́tuɔkɛ Desa.
257	GEN 10:22	Kɛ̀ Sɛmmu kó ibí ntú Edammu nɛ̀ Asuu nɛ̀ Adipakisadi nɛ̀ Dudi nɛ̀ Aramu.
258	GEN 10:23	Kɛ̀ Aramu kó ibí ntú: Uusi nɛ̀ Udi nɛ̀ Ketɛɛ nɛ̀ Maasi.
259	GEN 10:24	Kɛ̀ Adipakisadi ntú Sedaa cicɛ, kɛ̀ Sedaa ntú Ebɛɛ cicɛ.
261	GEN 10:26	Kɛ̀ Yokitãã pɛitɛ́ Adimɔdadi nɛ̀ Sedɛfu nɛ̀ Asadimafɛti nɛ̀ Yedaki,
262	GEN 10:27	nɛ̀ Adodammu nɛ̀ Usadi nɛ̀ Dikida,
263	GEN 10:28	nɛ̀ Obaadi nɛ̀ Abimmayɛɛdi nɛ̀ Sebaa,
264	GEN 10:29	nɛ̀ Ofiidi nɛ̀ Afidaa nɛ̀ Yobabu. Bɛmɔu mɛmmɛ bɛ̀ tu Yokitãã bí nyi.
277	GEN 11:10	Sɛmmu kó kufuku tú kuu: Ò do mɔkɛ yɛbie ntɛkɔ̀ùtɛ̀ (100) ntɛ kɛ́pɛitɛ́ Adipakisadi kɛ sɔ̃́ ndɛ̀ mɔ̀kɛ yɛbie nyɛ̀dɛ́ɛ̀ nɛ̀ mɛniɛ nkùɔmɛ̀ bɛnìtìbɛ̀.
279	GEN 11:12	Kɛ̀ Adipakisadi mmɔkɛ yɛbie nsipísìtããti nɛ̀ yɛ̀nùmmù kɛ́pɛitɛ́ Sedaasi.
293	GEN 11:26	Kɛ̀ Tedaa mmɔkɛ yɛbie nsipísìyiekɛ̀, kɛ́pɛitɛ́ Abarammu nɛ̀ Naɔɔ nɛ̀ Atãã.
294	GEN 11:27	Tedaa kó kufuku nku, weè pɛitɛ́ Abarammu nɛ̀ Naɔɔ nɛ̀ Atãã. Kɛ̀ Atãã pɛitɛ́ dɛnitidabirɛ Dɔti,
296	GEN 11:29	Kɛ̀ Abarammuu puokɛ Saraii kɛ̀ Naɔɔ puokɛ Midikaa Atãã kóo sapàà. Atãã weè múnkɛ do pɛitɛ́ Isikaa.
298	GEN 11:31	Kɛ̀ Tedaa túótɛ́ o kóo dapàà nhAbarammu nɛ̀ o yaàbirɛ Dɔti Atãã birɛ nɛ̀ o cɔ̀kù Saraii o kóo dapàà nhAbarammu pokù. Kɛ̀ bɛ̀ɛ ítɛ́ Uudi ɛì Babidɔnni tenkɛ̀ kɛ́kɔtɛ Kannahãã tenkɛ̀, kɛ́tuɔkɛ Anaa ɛì kɛ́ nkɛ mbo.
300	GEN 12:1	Kɛ̀ ti Yiɛ̀ nKuyie nnákɛ́ Abarammu kɛ dɔ̀: Ítɛ́ a tenkɛ̀, a kɔbɛ borɛ̀, a cicɛ cĩ́ɛ̃̀tɛ̀, kɛ́kɔtɛ n yóó da bɛnkɛ kɛ̀ɛ̀ tenkɛ̀.
303	GEN 12:4	Dɛ mɔ̀nnì kɛ sɔ̃́ nhAbarammu mɔ̀kɛ yɛbie nsipísìyiekɛ̀ nɛ̀ yɛ̀nùmmù. Kɛ̀ ti Yiɛ̀ nKuyie nhò nàkɛ́ kɛ dɔ̀: Ítɛ́ Anaa ɛì.
304	GEN 12:5	Kòo yie nkɛ́ítɛ́ kɛ́nnɛínɛ̀ o pokù Saraii nɛ̀ o nantɛ̀ birɛ Dɔti kɛ́ntɔ o kpɛrɛ dɛmɔu nɛ̀ o daatì ò do dontɛ́ tì Anaa ɛì, kɛ́kétɛ́ kɛ́cuó nKannahãã bíɛ́kɛ̀, kɛ́tuɔkɛ Kannahãã.
305	GEN 12:6	Mɛm̀mɛ kɛ̀ Abarammuu pɛ̃ɛ̃tɛ́ Sisɛmmu ɛì kɛ́tuɔkɛ dibòrì marì bɛ̀ tu dì Mɔdee mutie mamù borɛ̀. Dɛ kó dimɔ̀nnì Kannahãã kɔbɛ bɛɛ̀ do dɛ̀ bo.
306	GEN 12:7	Kɛ̀ ti Yiɛ̀ nKuyie mbɛnkɛ kumáà Abarammu kóò nàkɛ́ kɛ dɔ̀: N yóó duɔ́ nkɛ ntenkɛ̀ nkɛ a yaàbí. Kɛ̀ Abarammuu maá ti Yiɛ̀ nKuyiendiwũɔ̃tɔ̀nnì dɛ kó dibòrì.
307	GEN 12:8	Ò dɛ nyìtɛ́ kɛ́kɔtɛ yɛtãrɛ̀ kó dihɛì Betɛɛdi diyiè yìɛ̀ní kɛ̀ɛ̀ bíɛ́kɛ̀, kɛ́kari Betɛɛdi nɛ̀ Aii dɛ cuokɛ̀ kɛ tó maá ti Yiɛ̀ nKuyie ndiwũɔ̃tɔ̀nnì tɛrì kɛ́bántɛ̀ ti Yiɛ̀ nKuyie nkɛ́ kù yu kɛ dɔ̀ o Yiɛ̀.
308	GEN 12:9	Kɛ̀ Abarammu ńkàtì kɛ sɔɔti kɛ wetí Nɛkɛbu tempɛ̃ mbíɛ́kɛ̀.
309	GEN 12:10	Kɛ̀ dikònnì diɛrìi tanní dihɛì kɛ̀ Abarammuu ítɛ́, kɛ́kɔtɛ Esibiti tenkɛ̀ kɛ́mbo kɛ dɔ̀ yɛmɔ̀rɛ̀ mayɛ̀.
310	GEN 12:11	Bɛ̀ tùɔ̀kɛ dìì mɔ̀nnì Esibiti kɛ́ntati dihɛì, kɛ̀ Abarammuu nákɛ́ o pokù Saraii kɛ dɔ̀: N yɛ̃́mu a túmɛ̀ oposáátì,
315	GEN 12:16	Nɛ̀ o kpɛ́í nkòo kpààtìi dɔ̀ɔ̀ mɛsàà nhAbarammu kóò pãmmú ipe nɛ̀ sibɔɔ́ nɛ̀ inààkɛ nɛ̀ tidaatì bɛnitipòbɛ̀ nɛ̀ bɛnitidaabɛ̀ nɛ̀ sãmmarímúbɛ̀ nɛ̀ yòyóbɛ̀.
316	GEN 12:17	Kɛ̀ ti Yiɛ̀ nKuyie mpotɛ́ okpààtì nɛ̀ o cĩ́ɛ̃̀tɛ̀ kɔbɛ mɛdiɛ̀ nhAbarammu pokù Saraii kpɛ́í.
317	GEN 12:18	Kɛ̀ Esibiti kóo kpààtìi yú Abarammu kóò bekɛ kɛ dɔ̀: Dɛ̀ yĩ́mɛ kàa n dɔ̀ɔ̀ miɛ? Dɛ̀ dòmmɛ̀ kàa í n nàkɛ́ kɛ tú a pokù nwe?
319	GEN 12:20	Kòo kpààtìi duɔ́ nkòo tɔ̃mbɛ̀ɛ bɛti Abarammu nɛ̀ o kpɛrɛ dɛmɔu dihɛì.
320	GEN 13:1	Mɛm̀mɛ kɛ̀ Abarammuu túótɛ́ o pokù nɛ̀ o kpɛrɛ ò mɔ̀kɛ dɛ̀, kɛ̀ Dɔti nwe nɛínɛ̀ kɛ̀ bɛ̀ɛ wɛ̃tɛ Nɛkɛbu tempɛ̃ mbíɛ́kɛ̀.
321	GEN 13:2	Abarammu do mɔkɛ tikpàtì nti mɛsàà, nnɛ̀ timátì pɛ́ítì nɛ̀ mɛsɔɔ.
322	GEN 13:3	Kɛ̀ Abarammuu ítɛ́ Nɛkɛbu tempɛ̃ kɛ́tuɔkɛ Betɛɛdi nɛ̀ Aii dɛ cuokɛ̀ ò do ketɛ́ kɛ́bátɛ́ dɛ̀.
324	GEN 13:5	Dɔti wèè do nɛínɛ̀ Abarammu ò múnkɛ do mɔkɛmu ipe nɛ̀ sibɔɔ́ nɛ̀ inààkɛ. Kɛ mɔkɛ tiyààtì bɛ̀ dɔ̀ɔ̀rinɛ̀ tì titouti.
326	GEN 13:7	Kɛ̀ Abarammu kó bɛnaacɛ̃mbɛ nɛ̀ Dɔti kɔbɛ kɛ̀ bɛ̀ɛ kpa. Kannahãã kɔbɛ nɛ̀ Pedisiibɛ do dɛ mbo.
327	GEN 13:8	Kɛ̀ Abarammuu nákɛ́ Dɔti kɛ dɔ̀: Mí nnɛ̀ fɔ̃́ ti í dò nkɛ́kpa, ti naacɛ̃mbɛ mɛ nyí dò nkɛ́kpa, kɛ yɛ̃́ ti wɛ̃ḿmɛ̀ tɛcĩ́ɛ̃̀tɛ̀.
331	GEN 13:12	Kɛ̀ Abarammu ḿbo Kannahãã kó dihɛì, kɛ̀ Dɔti ḿbo kubiriku kó yɛhɛkɛ̀, kɛ cónnɛ́ tiyààtì kó titouti kɛ́tuɔkɛnɛ̀ Sodɔmmu.
333	GEN 13:14	Dɔti nɛ̀ Abarammu bɛ̀ yàtɛ dìì mɔ̀nnì, kɛ̀ ti Yiɛ̀ nKuyie nnákɛ́ Abarammu kɛ dɔ̀: Wéntɛ́ a cómmú dɛ̀, kɛ́wéntɛ́ diyiè yìɛ̀ní kɛ̀ɛ̀ bíɛ́kɛ̀, kɛ́wéntɛ́ a bakù yoú nɛ̀ kucã̀nku.
334	GEN 13:15	A mɛ̀ nwùó nkɛ̀ɛ̀ tenkɛ̀ n yóó kɛ̀ nda duɔ́mmu fɔ̃́ nnɛ̀ a yaàbío sã́ã̀.
337	GEN 13:18	Kɛ̀ Abarammuu ítɛ́ dɛborɛ̀ kɛ́sɔɔ́ nkɛ́kari dibòrì marì bɛ̀ tu dì Mammudee kó mutie borɛ̀ Ebunɔɔ takɛ́, kɛ́maá diwũɔ̃tɔ̀nnì kɛ́bántɛ̀ ti Yiɛ̀ nKuyie.
338	GEN 14:1	Dɛ kó dimɔ̀nnì kɛ̀ Amudafɛɛdi Sindeaa ɛì kóo kpààtì nɛ̀ Adiyɔki Edasaa ɛì kóo kpààtì nɛ̀ Kedɔɔdaomɛɛ Edammu ɛì kóo kpààtì nɛ̀ Tideadi Koyimmu ɛì kóo kpààtì.
339	GEN 14:2	Kɛ̀ bɛ̀ɛ ítɛ́ kɛ́ndokùnɛ̀ Bedaa Sodɔmmu kóo kpààtì nɛ̀ Bidisaa Komɔɔ kóo kpààtì, nɛ̀ Sinɛabu Adima kóo kpààtì, nɛ̀ Simmɛbɛɛ Seboimmu kóo kpààtì nɛ̀ Bedaa bɛ̀ tu dìì ɛì Soaa kóo kpààtì.
342	GEN 14:5	Yɛbie ntɛpíítɛ̀ nɛ̀ dinaannì miɛkɛ kɛ̀ Kedɔɔdaomɛɛ nɛ̀ bɛkpààtìbɛ̀ bɛ̀ɛ̀ ò wɛ̃ńnɛ̀ kɛ̀ bɛ̀ɛ ítɛ́ kɛ́pɔntɛ Defaiibɛ bɛ̀ɛ̀ bo Asitadoti-Kannaimmu ɛì, nɛ̀ Susiibɛ bɛ̀ɛ̀ bo Ammu ɛì nɛ̀ Emiibɛ bɛ̀ɛ̀ bo Kidiyataimmu ɛì
344	GEN 14:7	kɛ́nkũntiní kɛ́pɔntɛ Ammisipati bɛ̀ tu dìì ɛì Kadɛɛsi, kɛ́pɔntɛ Amadesiibɛ kó kɛtenkɛ̀ kɛmɔu, nɛ̀ Amɔriibɛ bɛ̀ɛ̀ bo Asasɔnni-Tamaa.
345	GEN 14:8	Mɛm̀mɛ kɛ̀ Sodɔmmu kóo kpààtì nɛ̀ Komɔɔ kou nɛ̀ Adima kou nɛ̀ Seboimmu kóo kpààtì nɛ̀ Bedaa, nɛ̀ Soaa kó bɛkpààtìbɛ̀, kɛ̀ bɛ̀ɛ wɛ̃nnɛ́ kɛ́kɔtɛ Sidimmu kó kubiriku,
346	GEN 14:9	kɛ́dokɛ́nɛ̀ Kedɔɔdaomɛɛ Edammu kóo kpààtì, nɛ̀ Tedeadi Koyimmu ɛì kóo kpààtì Amudafɛɛdi Sinnɛaa ɛì kóo kpààtì nɛ̀ Adiyɔki Edasaa ɛì kóo kpààtì. Kɛ̀ bɛkpààtìbɛ̀ bɛ̀nùmmù ndokùnɛ̀ bɛkpààtìbɛ̀ bɛ̀nàà.
349	GEN 14:12	Kɛ múnkɛɛ túótɛ́nɛ̀ Dɔti Abarammu nantɛ̀ birɛ nɛ̀ o kpàtì timɔu kɛ́kònnɛ̀.
350	GEN 14:13	Kòò mɔùu cokɛ́ kɛ́kɔtɛ kɛ́nákɛ́ Abarammu, Ebedeebɛ botí kou, ò borɛ̀ Amɔriibɛ botí kou Mammudee kó dɛtie mborɛ̀. Mammudee tebìí do tú Ɛsikɔɔdi nɛ̀ Anɛɛ. Bɛtããti mɛmmɛ bɛ̀ do wɛ̃ńnɛ̀ Abarammu nwe didootitĩ̀nnì.