24	GEN 1:24	Kɛ̀ Kuyie ndɔ̀: Kɛtenkɛ̀ɛ pɛitɛ́ iwũɔ̃ imɔu botí. Icɛ̃wũɔ̃ diɛyì nɛ̀ isám̀pɔ́ì nɛ̀ ikpawũɔ̃ ibotí ibotí nɛ̀ dɛbambaànnɛ̀ dɛbotí dɛbotí. Kɛ̀ dɛ̀ɛ dɔɔ̀ kù yɛ̃mmɛ̀.
98	GEN 4:18	Kɛ̀ Enɔkii pɛitɛ́ Idadi, kɛ̀ Idadi pɛitɛ́ Mɛuyɛɛdi. Kɛ̀ Mɛuyɛɛdii pɛitɛ́ Mɛtusayɛɛdi, kɛ̀ Mɛtusayɛɛdii pɛitɛ́ Demɛki.
208	GEN 9:2	Tiwanwantì timɔu: Iwũɔ̃ nɛ̀ sinɔɔ nɛ̀ siyĩĩ, dɛbambaànnɛ̀ dɛmɔu dɛ̀ bo ndi dé, kɛ̀ dí ndɛ̀ bakɛ́.
296	GEN 11:29	Kɛ̀ Abarammuu puokɛ Saraii kɛ̀ Naɔɔ puokɛ Midikaa Atãã kóo sapàà. Atãã weè múnkɛ do pɛitɛ́ Isikaa.
381	GEN 15:20	nɛ̀ Itiibɛ nɛ̀ Pedisiibɛ nɛ̀ Defaiibɛ,
393	GEN 16:11	A púó nkɛ yóó pɛitɛ́ dɛnitidabirɛ ndɛ, á dɛ̀ yu kɛ dɔ̀ Isimayɛɛri, kɛ yɛ̃́ ti Yiɛ̀ nKuyie nkèèmɛ̀ a sáútìi.
397	GEN 16:15	Kɛ̀ Akaa pɛitɛ́ dɛnitidabirɛ, kɛ̀ dɛ cicɛ Abarammuu dɛ̀ yu kɛ dɔ̀ Isimayɛɛri.
416	GEN 17:18	Kɛ̀ Abarahammuu nákɛ́ Kuyie nkɛ dɔ̀: Kɛ̀ Isimayɛɛri cɛ̃́nkɛ fòù, kàa ò dɔ̀ɔ̀ mɛsàà, m báá bekɛ òmɔù tɛ̃́nkɛ!
417	GEN 17:19	Kɛ̀ Kuyie nnákɛ́ Abarahammu kɛ dɔ̀: A pokù Saraa bo da pɛitɛ́ dɛnitidabirɛ, kàa dɛ̀ yu kɛ dɔ̀ Isaki. M bo nhò taunɛ̀ nɛ̀ o yaàbío sã́ã̀.
418	GEN 17:20	A m bekɛ tì Isimayɛɛri kpɛ́í, n yiemmu kɛ yóó ò dɔɔ̀ mɛsàà. Ò bo pɛitɛ́ mɛsàà, nkòo botíi sṹṹ, bɛkpààtìbɛ̀ tɛpíítɛ̀ nɛ̀ bɛ̀dɛ́bɛ̀ bo yɛ̀nní o botí miɛkɛ, kòò ntú kubotí diɛkù yààrì.
419	GEN 17:21	N nɛ́ yó n taunɛ̀ Isaki nwe, dɛ̀ yàa yó nkã́ã́kɛ́ miɛ nkɛ̀ Saraa pɛitɛ́ wè.
421	GEN 17:23	Kɛ̀ Abarahammuu túótɛ́ o birɛ Isimayɛɛri nɛ̀ tidaatì tìì piɛ́ o cĩ́ɛ̃̀tɛ̀ nɛ̀ ò do ntìì kó dimàà kɛ́ tì cãmmú dɛ kó diyiè Kuyie nhò nàkɛ́ kɛ yɛ̃ ndɛ̀ ndòmmɛ̀.
422	GEN 17:24	Abarahammu do mɔkɛ yɛbie nsipísìwɛi nɛ̀ yɛ̀wɛi ndi, kòo birɛ Isimayɛɛri mɔ̀kɛ tɛpíítɛ̀ nɛ̀ yɛ̀tããti, kɛ̀ bɛ̀ɛ ò cãntɛ́.
424	GEN 17:26	Abarahammu nɛ̀ o birɛ Isimayɛɛri bɛ̀ ɛ̀nnɛ kɛ́cãntɛ́ diyiè dìmáà ndì,
433	GEN 18:8	Imaa mbi dìì mɔ̀nnì kòo ì tùótɛ́ kɛ́waá mmɛnaamiɛ̀ mmɛ̀ɛ̀ kãntɛ́ nɛ̀ mɛ̀ɛ̀ ũmmú bàmbà nkɛ́ bɛ̀ ĩ̀ńnɛ́, kɛ̀ bɛ̀ nyo nkòò còḿmú bɛ takɛ́, kɛ dírí mutie.
517	GEN 21:3	Kɛ̀ Abarahammuu yú o pokù Saraa ò pɛitɛ́ dɛ̀ɛ̀ birɛ kɛ dɔ̀ Isaki.
519	GEN 21:5	Bɛ̀ do yóó pɛitɛ́ Isaki kɛ sɔ̃́ nhAbarahammu mɔ̀kɛ yɛbie ntɛkɔ̀ùtɛ̀ (100) ntɛ.
520	GEN 21:6	Kɛ̀ Saraa bɛ́i nkɛ dɔ̀: Kuyie nni n dɔ̀ɔ̀ diwɛ̀ì ndi. Bɛ̀ɛ̀ kó dimàà bo keè Isaki kpɛ́í diwɛ̀ì bo bɛ̀ pĩ n kpɛ́í.
523	GEN 21:9	Kɛ̀ Esibiti kóo nitipòkù pɛitɛ́ dɛ̀ɛ̀ birɛ Abarahammu, Isimayɛɛri ndaú Isaki kɛ̀ Saraa dɛ̀ yà,
524	GEN 21:10	kɛ́nákɛ́ Abarahammu kɛ dɔ̀: Bɛti kudaakù kuù nnɛ̀ ku birɛ. Dɛdaabirɛ báá wɛ̃nnɛ́nɛ̀ n kpɛrɛ Isaki kɛ́tiekɛ a kpɛrɛ a kṹṹ nkó difɔ̃nkúò.
525	GEN 21:11	Kɛ̀ dɛ kó tináaǹtìi yonkɛ Abarahammu mɛdiɛ̀, kɛ yɛ̃́ Isimayɛɛri múnkɛ do túmɛ̀ o birɛ ndɛ.
526	GEN 21:12	Kɛ̀ Kuyie nnákɛ́ Abarahammu kɛ dɔ̀: Kudaakù nɛ̀ ku birɛ kó tináaǹtì báá da yonkɛ, yie nSaraa da náá ntì. Isaki kó kufuku miɛkɛ nkɛ a yóó pɛ́tɛ́mɛ̀ iyaàbí, kɛ̀ dɛ̀ɛ dɔɔ̀ n da nàkɛ́ tì.
550	GEN 22:2	Kɛ̀ kù dɔ̀: Túótɛ́ a birɛ Isaki dɛ̀ɛ̀ bo dɛmáà, kàa dɛ̀ dɔ́, kɛ́kɔtɛnɛ̀ Mɔdiyaa kó dihɛì, ditãrì n yóó da bɛnkɛ dì ĩ́nkɛ̀ kɛ́ dɛ̀ nni féútɛ́ kɛ́tuɔ.
551	GEN 22:3	Kɛ̀ dɛ̀ɛ wentɛ́, dikṹnweńnì sɛ̀ì, kɛ̀ Abarahammuu ítɛ́ kɛ́yarí idɛí, kɛ́ãnnɛ́ sãmmarímú tinɛntì, kɛ́túótɛ́ o tɔ̃mbɛ̀ bɛ̀dɛ́bɛ̀ nɛ̀ o birɛ Isaki, kɛ̀ bɛ̀ɛ kétɛ́ kɛ́nkɔri Kuyie nhò bɛnkɛ dɛ̀.
554	GEN 22:6	Kòo toú nho birɛ Isaki idɛí kɛ́ntɔ muhãã́ nnɛ̀ disiè, kɛ̀ bɛ̀ nkérí bɛdɛ́.
555	GEN 22:7	Kɛ̀ Isakii yú o cicɛ kɛ dɔ̀: N cicɛ! Kòò dɔ̀: Ntɛ mí. Kɛ̀ Isaki dɔ̀: Ti tɔ muhãã́ nnɛ̀ idɛí, yé fɛpìèfɛ̀ ti yóó kuɔ fɛ̀?
557	GEN 22:9	Bɛ̀ tùɔ̀kɛ dìì mɔ̀nnì Kuyie nhò bɛnkɛ dɛ̀, kɛ̀ Abarahammuu maá diwũɔ̃tɔ̀nnì, kɛ́dɔɔ̀ idɛí kɛ́daá nkɛ́boú o birɛ Isaki kɛ́nɔ́ɔ́,
561	GEN 22:13	Kɛ̀ Abarahammuu wéntɛ́ kɛ́yà dipedaà, kɛ̀ dì còḿmú kɛ̀ di yìè nsàkɛ difãpèù, kòo dì dɛ̀tɛ kɛ́kuɔ o birɛ Isaki kó difɔ̃̀tìrì,
569	GEN 22:21	Uusi, weè do tú Mpo kɛ́nantɛ Buusi, nɛ̀ Kemmuyɛɛdi Aramu cicɛ nɛ̀ Kesɛdi, nɛ̀ Asoo nɛ̀ Pididaasi nɛ̀ Idudafu nɛ̀ Betuyɛɛdi.
575	GEN 23:3	kɛ́deè kɛ́ítɛ́ kɛ́kɔtɛ kɛ́yà Ɛti kó ibí Itiibɛ kɛ dɔ̀:
577	GEN 23:5	Kɛ̀ Ɛti kó ibíi Itiibɛɛ ò tɛ̃̀ńnɛ́ kɛ dɔ̀:
582	GEN 23:10	Kɛ̀ Efunɔɔ kàri o kɔbɛ Itiibɛ borɛ̀, kɛ́tɛ̃́nnɛ́ Abarahammu ditĩ̀nnì dìì tìí ndihɛì kó dibòrì borɛ̀ kɛ dɔ̀:
588	GEN 23:16	Kɛ̀ Abarahammu bantɛ́ Efunɔɔ yɛ̀mmɛ̀, kɛ́kaa nyidíítí Itiibɛ ììkɛ̀, mɛdítíbii nsikɔusìnàà (400), dɛ mɔ̀nnì kó idíítí, kóò duɔ́.
590	GEN 23:18	kɛ̀ dɛ̀ɛ naá nhAbarahammu kpɛrɛ, Itiibɛ bɛ̀ɛ̀ tìí ndihɛì kó dibòrì bɛ ììkɛ̀.
592	GEN 23:20	Dɛ mɔ̀nnì, kɛ̀ Abarahammuu tiekɛ kupaku nɛ̀ kufɔ̃ti dɛ̀ɛ̀ do tú Itiibɛ kpɛrɛ, kɛ́nkũrì o círíbɛ̀.
596	GEN 24:4	Kàa kɔ̀ri n ciɛ nkɛ, n naàmùnkù miɛkɛ kɛ yóó kɛ nwaá nhonitipòkù, kɛ́puó m birɛ Isaki.
606	GEN 24:14	M bo mɔɔ wèè sapàà nkɛ dɔ̀: Bíi nha dúù kɛ̀ ǹ yã̀, kòo n tɛ̃́nnɛ́ kɛ yĩ́: Yã̀ kɛ̀ n duɔ́ nha yòyóbɛ̀ kɛ̀ bɛ̀ɛ yã̀. M bo bantɛ́ kɛ dɔ̀ weǹwe a tããtɛ́mɛ̀ a kóo tɔ̃ntì Isaki kpɛ́í, kɛ dɔ̀ɔ̀ mɛsàà n yiɛ̀ nhAbarahammu.
654	GEN 24:62	Dɛ mɔ̀nnì kɛ̀ Isaki ìtɛ́ Daayii-Doyii kɛ konní kɛ bo Nɛkɛbu.
655	GEN 24:63	Kuyuoku makù kɛ̀ Isakii yɛ̀ kɛ́ncentì dikpáà, kɛ́wéntɛ́ kɛ́yà yòyóbɛ̀ kɛ̀ bɛ̀ kèríní.
656	GEN 24:64	Kɛ̀ Debekaa wéntɛ́ kɛ́yà Isaki kɛ́cútɛ́ní yòyó ĩ́nkɛ̀,
658	GEN 24:66	Kòo tɔ̃ntìi nákɛ́ Isaki ò dɔ̀ɔ̀ dɛ̀ɛ̀ kó dimàà.
659	GEN 24:67	Dɛ kó difɔ̃nkúò kɛ̀ Isakii tannɛ́ Debekaa o yɔ̃ Saraa kó kudieku kɛ́puokɛ, kɛ́ nhò dɔ́ kòo yɛ̀mmɛ̀ɛ cátɛ́ kɛ yɛ̃́ o yɔ̃ kumɛ̀ kòo yɛ̀mmɛ̀ cààrɛ̀.
661	GEN 25:2	Kòo o pɛitɛ́ Simmudanni Yokisãã nɛ̀ Mɛdanni nɛ̀ Mandiyãã nɛ̀ Isibaki nɛ̀ Suaa.
664	GEN 25:5	Kɛ̀ Abarahammuu duɔ́ nyIsaki o kpɛrɛ dɛmɔu,
668	GEN 25:9	Kòo bí Isaki nɛ̀ Isimayɛɛri kɛ̀ bɛ̀ɛ o kũnnɛ́ Makpedaa kó kufɔ̃ti, Efunɔɔ, Soaa birɛ, Itiibɛ ɛì kou paku miɛkɛ, kùù wetí Mammudee,
669	GEN 25:10	Abarahammu do dontɛ́ kùnku nɛ̀ Itiibɛ. Dɛndɛ bɛ̀ múnkɛ do kũnnɛ́mɛ̀ Abarahammu nɛ̀ o pokù Saraa.
670	GEN 25:11	Abarahammu ku dìì mɔ̀nnì kɛ̀ Kuyie nkó mɛsàà nsɔɔtɛ́ o birɛ Isaki ĩ́nkɛ̀ kòò mbo Daayii-Doyii kó tɛbintɛ takɛ́.
671	GEN 25:12	Ntɛ Abarahammu pokù Saraa kó kudaakù, Esibiti ɛì kou Akaa kó dɛbirɛ Isimayɛɛri kó kufuku, bɛ̀ bɛ̀ pɛí kɛ̀ bɛ̀ tũmmɛ̀ bɛtɔbɛ̀:
675	GEN 25:16	Isimayɛɛri kó ibí nyi tɛpíítɛ̀ nɛ̀ ìdɛ́ì. Bá wè kòo ḿbakɛ́ o botí kɛ́duɔ́ nho yètìrì o karì, o ɛitɛ̀.
676	GEN 25:17	Isimayɛɛri do mɔkɛ yɛbie ntɛkɔ̀ùtɛ̀ nɛ̀ sipísìtããti nɛ̀ yɛ̀yiekɛ̀ (137) ndi, kɛ́kú kɛ̀ bɛ̀ɛ ò kũnnɛ́ o yɛmbɛ̀ borɛ̀.
678	GEN 25:19	Ntɛ Abarahammu birɛ Isaki kó tináaǹtì, Abarahammu weè do pɛitɛ́ Isaki.
679	GEN 25:20	Isaki do mɔkɛ yɛbie nsipísìnàà ndi kɛ́puokɛ Debekaa, Betuyɛɛdi Aramu botí kou kóo sapàà, Damaa tãũ̀. Bɛ̀ do ã Mɛsopotamii nwe.
680	GEN 25:21	Isaki pokù Debekaa do tú tɛhãũntɛ ntɛ, kòo bántɛ̀ ti Yiɛ̀ nKuyie nkɛ̀ kùu yie nkòo pùó nyitáátɛ́bí.
685	GEN 25:26	Kòo nantɛ̀ nyɛtìní kɛ pĩ́ nho nacɛ̀nkénnì, kɛ̀ bɛ̀ɛ ò yu kɛ dɔ̀ Sakɔbu. Bɛ̀ yóó bɛ̀ pɛitɛ́ kɛ sɔ̃́ nyIsaki mɔ̀kɛ yɛbie nsipísìkuɔ̀ ndi.
687	GEN 25:28	Kɛ̀ Isaki ndɔ́ Esayuu o tãũ mɛ̀ɛ̀ kpɛ́í nsiweí kòò càá, kɛ̀ Debekaa ndɔ́ Sakɔbu.
694	GEN 26:1	Kɛ̀ dikònnì diɛrìi tanní kɛ́ndònnɛ̀ dìì do tanní Abarahammu kó dimɔ̀nnì, kɛ̀ Isakii kɔtɛ Fidisitɛ̃ɛ̃bɛ kóo kpààtì Abimɛdɛki borɛ̀ Kedaari ɛì.
695	GEN 26:2	Kɛ̀ ti Yiɛ̀ nKuyie mbɛnkɛ kumáà Isaki, kóò nàkɛ́ kɛ dɔ̀: A báá kɔtɛ Esibiti, ḿbo n yóó da bɛnkɛ dìì ɛì,
699	GEN 26:6	Kɛ̀ Isaki ḿbo Kedaari ɛì.
701	GEN 26:8	Kɛ̀ bɛ̀ ḿbo dɛborɛ̀ kɛ́mɔntɛ, kɛ̀ Abimɛdɛki nsíékɛ́ diyiè marì fenɛ́tì, kɛ́yà Isaki kòò kpɛ̀itinɛ̀ o pokù Debekaa.
705	GEN 26:12	Dɛ benni kɛ̀ Isakii buɔtí tidiitì, kɛ́kɔ̃ṹ kɛ̀ dɛ̀ mmànnɛ̀ ò do buɔtí dɛ̀ kucɛ tɛkɔ̀ùtɛ̀ (100). Kɛ yɛ̃́ ti Yiɛ̀ Kuyie nhò dɔ̀ɔ̀mɛ̀ mɛsàà.
709	GEN 26:16	Kɛ̀ Abimɛdɛkii nákɛ́ Isaki kɛ dɔ̀: Ítɛ́ ti ɛì, a kpenkɛ kɛ tì pɛ̃ɛ̃tɛ́mu.
710	GEN 26:17	Kɛ̀ Isakii ítɛ́ dɛborɛ̀ kɛ́kɔtɛ kɛ́kari Kedaari kó kubiriku,
712	GEN 26:19	Kɛ̀ Isaki tɔ̃mbɛ̀ɛ keú tɛbintɛ kubiriku kɛ́pɛ́tɛ́ mɛnɛ́sààmɛ̀.
713	GEN 26:20	Kɛ̀ bɛnaacɛ̃mbɛ bɛ̀ɛ̀ bo Kedaari kɛ̀ bɛ̀ɛ kpannɛ̀ Isaki kɔbɛ kɛ dɔ̀: Tíì te tɛbintɛ. Kɛ̀ Isakii yú dɛ kó tɛbintɛ kɛ dɔ̀ Esɛki (dɛ̀ɛ̀ tu dikpànnì).
714	GEN 26:21	Kòo tɔ̃mbɛ̀ɛ keú tɛbintɛ tɛtɛ̀ kɛ̀ bɛ̀ɛ yíɛ́ kɛ́kpa ntɛ kpɛ́í nkɛ̀ Isakii tɛ̀ yu kɛ dɔ̀ Sitinaa (dɛ̀ɛ̀ tu mɛbootimɛ̀).
719	GEN 26:26	Kɛ̀ Abimɛdɛkii ítɛ́ní Kedaari ɛì kɛ bo yà Isaki kɛ nɛínɛ̀ o nɛ́po Ausati nɛ̀ Pikɔdi wèè bakɛ́ o ããpɔ̀mbɛ̀.
720	GEN 26:27	Kɛ̀ Isaki dɔ̀: Di kɔ̀tɛní kɛ yɛ̃ mba? Díndi bɛ̀ɛ̀ í n dɔ́ kɛ m bɛ̀ti di ciɛ?
723	GEN 26:30	Kɛ̀ Isakii bɛ̀ ãnnɛ́ kupɔ̀ɔ̀kù kɛ̀ bɛ̀ɛ di kɛ́yã̀,
724	GEN 26:31	kɛ́ítɛ́ dikṹnweńnì sɛ̀ì kɛ cannɛnɛ̀ bɛtɔbɛ̀ yɛnɔ̀ kɛ dɔ̀, bɛ̀ báá dɔɔ̀ bɛtɔbɛ̀ mɛyɛi, kɛ̀ bɛ̀ɛ cau nyIsaki kɛ́kònnɛ̀ diwɛ̀ì.
725	GEN 26:32	Diì yiè dimáà miɛkɛ nkɛ Isaki tɔ̃mbɛ̀ ò nàkɛ́mɛ̀ kɛ dɔ̀: Ti nìntɛ mɛniɛ nti keù tɛ̀ɛ̀ bintɛ.
726	GEN 26:33	Kɛ̀ Isakii yú dɛ kó tɛbintɛ kɛ dɔ̀ Sibaa (dɛ̀ɛ̀ tu mɛnucannimɛ̀). Kɛ̀ dɛ kó dihɛì kpaá tɔ dɛ kó diyètìrì nɛ̀ yíenní, kɛ̀ bɛ̀ dì tu Bɛɛrisebaa.
727	GEN 26:34	Esayuu do mɔkɛ yɛbie nsipísìnàà ndi kɛ́puokɛ Itiibɛ, Suditi Bedii kóo sapàà nnɛ̀ Basimati Edonni kóo sapàà.
728	GEN 26:35	Kɛ̀ dɛ̀ɛ yonkɛ Isaki nɛ̀ Debekaa.
729	GEN 27:1	Kɛ̀ Isakii kótɛ́ kɛ tɛ̃́nkɛ í nwúó, kɛ́yú o kóo Po Esayuu, kòò dɔ̀: Ntɛ mí.
730	GEN 27:2	Kɛ̀ Isaki dɔ̀: N kòtɛ́mu, n yí yɛ̃́ n kṹṹ nyiè.
733	GEN 27:5	Kɛ̀ Debekaa keè Isaki nàkɛ́ tì Esayuu kɛ tú wèe ta dikpáà kóò kùɔní tɛhontɛ̀,
748	GEN 27:20	Kɛ̀ Isaki dɔ̀: A pã̀nkɛ pɛ̀tɛ́mu dɛndɛ bàmbà ntɛhontàà? Kòò dɔ̀: A Yiɛ̀ nKuyie nkuù tɛ̀ kɔ̀tɛnɛ̀ní n yììkɛ̀.
749	GEN 27:21	Kɛ̀ Isaki dɔ̀: Tɔ́ɔ́nní kɛ̀ n da káákɛ́ kɛ́yà kɛ̀ nsà kɛ̀ fɔ̃́ nwe m birɛ Esayuu.
750	GEN 27:22	Kɛ̀ Sakɔbuu tɔ́ɔ́nko, kòo cicɛ Isakii ò kàákɛ́ kɛ dɔ̀: Mɛtammɛ̀ dònnɛ̀ Sakɔbu kɔ̃mɛ kɛ̀ dɛbaà ndònnɛ̀ Esayuu kpɛrɛ.
753	GEN 27:25	Kɛ̀ Isaki dɔ̀: Nh ãnnɛ́, kɛ̀ n cáákɛ́ iorimaa nkɛ́ da pã mɛsàà. Kɛ̀ Sakɔbuu ãnnɛ́ o cicɛ, kòo cáákɛ́, kòo ò duɔ́ mmɛnaà nkòo yã̀.
758	GEN 27:30	Isaki pã dìì mɔ̀nnì Sakɔbu mɛsàà nkɛ dèè kòo nyiti, kòo kóo kótì Esayuu konní kupaawaá,
760	GEN 27:32	Kɛ̀ Isakii bekɛ kɛ dɔ̀: Fɔ̃́ nwennìnwe? Kòò dɔ̀: Mínwe Esayuu a kóo Po.
761	GEN 27:33	Kɛ̀ dɛ̀ɛ di Isaki mɛdiɛ̀ nkòo kɔ̃̀ntìi aá, kòò dɔ̀: Wenninwe wèè kùɔní tɛhontɛ̀ kɛ n duɔ́ nkɛ̀ n càákɛ́ kɛ dèè kàa kpaaní, kɛ̀ nh ò pã mɛsàà nkòo yóó mɛ̀ pɛ̀tɛ́?
763	GEN 27:35	Kɛ̀ Isaki dɔ̀: A nantɛ̀ tɛɛ̀ kɔ̀tɛní kɛ soutɛ́ kɛ cɔutɛ́ a kó mɛsàà.
765	GEN 27:37	Kɛ̀ Isaki dɔ̀: M bɛ́immu kɛ tú ò bo n da bakɛ́, kàa tebìí simɔu ntú o kó bɛtɔ̃mbɛ̀. M bɛ́immu kɛ tú ò bo mmɔkɛ tidiitì nɛ̀ mɛnaà, n tɛ̃́nkɛ bo na kɛ́ da dɔɔ̀ ba m birɛ!
767	GEN 27:39	Kɛ̀ Isaki dɔ̀: A bo mbo kɛ̀ɛ̀ tenkɛ̀ bá nnaati, kɛĩ́nkɛ̀ kó kubooku báá cútɛ́ní a tenkɛ̀.
774	GEN 27:46	Kɛ̀ Debekaa nákɛ́ Isaki kɛ dɔ̀: N dɛmmu mufòmmu nɛ̀ n cɔ̀ɔ̀bɛ̀ Itiibɛ kó mɛdɔɔ̀rìmɛ̀ kpɛ́í, kɛ̀ Sakɔbu puokɛ di nhɛì kóo nitipòkù kɛ̀ n ku dɛ̀ ntɔ̃ũ.
775	GEN 28:1	Kɛ̀ Isakii yú Sakɔbu kóò pã mɛsàà nkɛ dɔ̀: A báá puokɛ Kannahãã kɔbɛ kóo sapàà.
779	GEN 28:5	Kɛ̀ Isakii duɔ́ nkɛ̀ Sakɔbuu kɔtɛ Mɛsopotamii, Betuyɛɛdi birɛ Damaa ciɛ ò do tú Aramu botí kou nwe Debekaa tãũ̀, Sakɔbu nɛ̀ Esayuu bɛ yɔ̃.
780	GEN 28:6	Kɛ̀ Esayuu keè Isaki pãmɛ̀ mɛsàà nSakɔbu, kɛ duɔ́ nkòò kɔ̀tɛ Mɛsopotamii kɛ bo túótɛ́ onitipòkù, kɛ́keè ò nàkɛ́mɛ̀ Sakɔbu kɛ tú: A báá túótɛ́ Kannahãã kɔbɛ kóo nitipòkù.
783	GEN 28:9	kɛ́kɔtɛ kɛ́túótɛ́ onitipòkù Maadati, Abarahammu birɛ Isimayɛɛri kó dɛbirɛ Nɛbayɔti tãũ̀.
787	GEN 28:13	Kɛ̀ ti Yiɛ̀ nKuyie ncòḿmú o takɛ́ koò nàá nkɛ tú: N tú a Yiɛ̀ nKuyie nku a yààrì Abarahammu nɛ̀ Isaki bɛ̀ do tũ nkù. A duɔ́ kɛ̀ɛ̀ tenkɛ̀, n kɛ̀ nda duɔ́mmu fɔ̃́ nnɛ̀ a yaàbí.
849	GEN 30:18	kɛ́bɛ́i nkɛ dɔ̀: Kuyie nni nyietí n duɔ́ mmɛ̀ɛ̀ kpɛ́í nkɛ n kóo tɔ̃ntì n dɔù. Kòo dɛ̀ yu kɛ dɔ̀ Isakaa.
872	GEN 30:41	Iwũɔ̃ ìì kpeńnì kɛ̀ ì dɔ́ kɛ́dekɛ dìì mɔ̀nnì wèe mɛ́ú ndɛ kó idɛí ì yɔ̃̀ ndɛ̀ kɛ̀ ì ndekù kɛ ì wùó.