29	GEN 1:29	Kɛ̀ Kuyie ndɔ̀: N di duɔ́mmu timútì timɔu tìì pɛí nɛ̀ dɛtie ndɛmɔu dɛ̀ɛ̀ pɛí, kɛ̀ dɛ̀ bo ntú di kó mudiì.
30	GEN 1:30	N duɔ́mmu timútì nɛ̀ titieti kɛ̀ tì bo ntú iwũɔ̃ imɔu nɛ̀ tinɔ̀tì timɔu, nɛ̀ dɛbambaànnɛ̀ dɛmɔu dɛ kó mudiì. Kɛ̀ dɛ̀ɛ dɔɔ̀ kù yɛ̃mmɛ̀.
54	GEN 2:23	Kòo ò yà kɛ dɔ̀: ɛ̃̀hɛ̃́ɛ̃̀! Ntɛ wèè tu n kṹɔ̃̀ kó dikɔ̃́ũ̀, n kɔ̃̀ntì kó tikɔ̃̀ntì. Bɛ̀ bo nhò yu kɛ tú onitipòkù kɛ yɛ̃́ Kuyie nhò dɔ̀ɔ̀nɛ̀mɛ̀ onitidɔ̀ù kó dikɔ̃́ũ̀ ndi.
66	GEN 3:10	Kòo kù tɛ̃̀ńnɛ́ kɛ dɔ̀: N kèè a tammɛ̀ mmɛ kupúú miɛkɛ kɛ̀ kufɔ̃waá nni mpĩ nkɛ̀ n sɔ̀ri, kɛ yɛ̃́ m bomɛ̀ difɔ̃̀kperì.
71	GEN 3:15	Nɛ̀ a bo mbomɛ̀, fɔ̃́ nnɛ̀ onitipòkù di báá narikɛ, o fuku nɛ̀ a kɔku dɛ̀ báá narikɛ. O fuku bo pɔntɛ a yuu, kàa kɔkuu dɔntɛ́ o nacɛ̀nkénnì.
75	GEN 3:19	A níí yóó kã́tɛ́ mɛyɔ̃́ɔ̃̀ mmɛ kɛ́na kɛ́pɛ́tɛ́ kɛ́di, kɛ yàa wɛ̃tɛnɛ̀ mutã́ã́ mmiɛkɛ n da dɔ̀ɔ̀nɛ̀ mù. N da dɔ̀ɔ̀nɛ̀ mutã́ã́ mmu kàa yóó wɛ̃tɛ kɛ́naá mmutã́ã́.
89	GEN 4:9	Kɛ̀ ti Yiɛ̀ nKuyie mbekɛ Kayɛ̃ɛ̃ kɛ dɔ̀: Yé a nantɛ̀ Abɛɛdi borɛ̀? Kɛ̀ Kayɛ̃ɛ̃ dɔ̀: N yí yɛ̃́ tɛ̀ borɛ̀, n túmu n nantɛ̀ kóo bàràà?
96	GEN 4:16	Kɛ̀ Kayɛ̃ɛ̃ ítɛ́ ti Yiɛ̀ nKuyie mborɛ̀, kɛ́kɔtɛ kɛ́mbo bɛ̀ tu dɛ̀ Nɔdi, kupúú Edɛnni, diyiè yìɛ̀ní kɛ̀ɛ̀ bíɛ́kɛ̀.
102	GEN 4:22	Kɛ̀ Sida yie múnkɛɛ pɛitɛ́ dɛnitidabirɛ, Tubaadi-Kayɛ̃ɛ̃, kòo mmáátí tinɛntì tibotí tibotí, mɛnatimɛ̀ kpɛti nɛ̀ mɛbiɛrimɛ nɛ̀ timátì. Kòo tãũ̀ yètìrì ntú Naama.
107	GEN 5:1	Ntɛ Adammu kó kufuku. Kuyie ndɔ̀ɔ̀ dìì mɔ̀nnì onìtì kóò dònnɛnɛ̀ kumáà ndi.
135	GEN 5:29	kɛ́ dɛ̀ yu kɛ dɔ̀ Nɔwee, kɛ́nnáá nkɛ tú: Yie nweè yóó ti bántɛ̀ nɛ̀ mutɔ̃mmú ti pĩ́ mmù yɛwe yɛmɔu, kɛ yɛ̃́ ti Yiɛ̀ nKuyie ncɔ̃ɔ̃mɛ̀ kɛtenkɛ̀.
136	GEN 5:30	Ò pɛitɛ́ Nɔwee kɛ́deè, kɛ́wɛ̃tɛ kɛ́mɔɔtɛ yɛbie nsikɔusìnùmmù nɛ̀ sipísìwɛi nɛ̀ yɛ̀nùmmù (595), kɛ́piɛ́ initidabí nɛ̀ initipobí pɛ́u.
138	GEN 5:32	Nɔwee do yóó mɔɔtɛ initidabí ìtããti ìì yètɛ̀ tu Sɛmmu nɛ̀ Kammu nɛ̀ Safɛti kɛ mɔkɛ yɛbie nsikɔusìnùmmù (500) ndi.
146	GEN 6:8	Kɛ̀ Nɔwee yie mɛ mpɛ́tɛ́ mɛsàà nti Yiɛ̀ nKuyie mborɛ̀.
147	GEN 6:9	Nɔwee do tú onitisàù nwe kɛ dɔɔri Kuyie ndɔ́mɛ̀ kɛ kù tũ,
151	GEN 6:13	Kɛ̀ Kuyie nnákɛ́ Nɔwee kɛ dɔ̀: M bo kuɔ dì mmɔ̀nnì bɛnìtìbɛ̀ bɛmɔu bɛ̀ dɔ̀nnɛmu, kɛ̀ bɛ yonku dɛukɛ, m bo bɛ̀ kùɔ.
153	GEN 6:15	Ntɛ a yóó tɛ̀ dɔ̀ɔ̀ mɛ̀ɛ̀ botí: Tɛ okùmɛ̀ ḿbo mɛ́tìrì tɛkɔ̀ùtɛ̀ nɛ̀ sipísìnùmmù (150), mɛpɛ̃kùmɛ̀ mɛ́tìrì sipísìdɛ́ nɛ̀ bɛ̀nùmmù, mɛcómmɛ̀ mɛ́tìrì tɛpíítɛ̀ nɛ̀ bɛ̀nùmmù.
160	GEN 6:22	Kɛ̀ Nɔwee yie nkɛ́dɔɔ̀ Kuyie nhò nàkɛ́ tì timɔu.
161	GEN 7:1	Kɛ̀ ti Yiɛ̀ nKuyie nnákɛ́ Nɔwee kɛ dɔ̀: Ta tɛdabɛɛcĩ́ɛ̃̀tɛ̀ fɔ̃́ nnɛ̀ a cĩ́ɛ̃̀tɛ̀ kɔbɛ. N sɔ̃́ nfɔ̃́ɔ̃̀ máà yie n kpɛti a kɔbɛ cuokɛ̀.
165	GEN 7:5	Kɛ̀ Nɔwee yie nkɛ́dɔɔ̀ ti Yiɛ̀ nKuyie nhò nàkɛ́ tì timɔu.
166	GEN 7:6	Mɛniɛ ndo yóó píɛ nkɛtenkɛ̀ kɛ sɔ̃́ nNɔwee mɔ̀kɛ yɛbie nsikɔusìkuɔ̀ (600) ndi.
169	GEN 7:9	Kɛ̀ dɛ̀ nkɔrìní dɛdaarɛ̀ nɛ̀ dɛniirɛ, kɛ taà tɛdabɛɛcĩ́ɛ̃̀tɛ̀ Nɔwee borɛ̀ Kuyie mbɛ́i mmɛ̀ɛ̀ botí.
171	GEN 7:11	Nɔwee do mɔkɛ yɛbie nsikɔusìkuɔ̀ (600) ndi, dibenni kóo tã̀nkù dɛ́ríwè diyiè tɛpíítɛ̀ nɛ̀ diyiénnì, kɛ̀ yɛbirɛ ntɔ̃nní mɛniɛ nkɛ̀ iwɛtiborii kpetɛ́.
173	GEN 7:13	Dɛ mɔ̀nnì Nɔwee nɛ̀ o pokù nɛ̀ o bí Sɛmmu nɛ̀ Kammu nɛ̀ Safɛti nɛ̀ bɛ pobɛ̀, kɛ̀ bɛ̀ ta tɛdabɛɛcĩ́ɛ̃̀tɛ̀
175	GEN 7:15	Dɛ̀ɛ̀ kó dimàà weí kɛ̀ dɛ̀ nkɔrì Nɔwee borɛ̀ dɛbotí dɛbotí, dɛdaarɛ̀ nɛ̀ dɛniirɛ.
176	GEN 7:16	Kɛ̀ dɛ̀ɛ kɔtoo bá dɛ̀ kɛ̀ dɛ̀ nnɛínɛ̀ dɛ pokù kɛ́ta tɛdabɛɛcĩ́ɛ̃̀tɛ̀ ti Yiɛ̀ nKuyie ndo nàkɛ́ Nɔwee kɛ dɔ̀ dɛ̀ yóó ndòmmɛ̀. Kɛ̀ Kuyie nkpetínnɛ́ dibòrì.
183	GEN 7:23	Mɛm̀mɛ dɛ̀ɛ̀ kó dimàà weí: Bɛnìtìbɛ̀ nɛ̀ iwũɔ̃ nɛ̀ tiwanwantì, dɛ̀ kumɛ̀. Kɛ̀ Nɔwee weè máà nkpaá nɛ̀ o cĩ́ɛ̃̀tɛ̀ kɔbɛ bɛ̀ɛ̀ do ò bonɛ̀ tɛdabɛɛcĩ́ɛ̃̀tɛ̀ miɛkɛ.
185	GEN 8:1	Kuyie nyí nyɛ̃̀ nNɔwee kpɛ́í nnɛ̀ iwũɔ̃ nɛ̀ tiwanwantì dɛ̀ɛ̀ do ò bonɛ̀ tɛdabɛɛcĩ́ɛ̃̀tɛ̀ miɛkɛ, kɛ́duɔ́ nkɛ̀ kuyaakù nfuu kɛtenkɛ̀ kɛ̀ mɛniɛ nní nkɛ̃́kú.
190	GEN 8:6	Diyiè sipísìnàà yiè kɛ̀ Nɔwee kpetɛ́ tɛbòtɛ̀ ò do ãnnɛ́ tɛ̀,
195	GEN 8:11	Kɛ̀ tɛ̀ nwɛ̃tiní kuyuoku kɛ tɔní kufãã̀sũ̀ũ̀kù makù, kɛ̀ Nɔwee bantɛ́ mɛniɛ ncɔ̀ɔ̀tɛmɛ̀,
197	GEN 8:13	Dibenni pànnì kó diyiè ketirì yiè, kɛ sɔ̃́ nNɔwee mɔ̀kɛ yɛbie nsikɔusìkuɔ̀ nɛ̀ dìmáà (601) kɛ̀ mɛniɛ nkṹṹ, kòo dátɛ́ tipĩ́mpĩ́ntì kɛ́yà mɛ̀ kũ̀ṹmɛ̀.
199	GEN 8:15	Kɛ̀ Kuyie nnákɛ́ Nɔwee kɛ dɔ̀:
202	GEN 8:18	Kɛ̀ Nɔwee yɛ̀ nɛ̀ o pokù nɛ̀ o bí nɛ̀ i pobɛ̀,
204	GEN 8:20	Kɛ̀ Nɔwee maá diwũɔ̃tɔ̀nnì ti Yiɛ̀ nKuyie nkpɛ́í, kɛ́túótɛ́ iwũɔ̃ nɛ̀ sinɔɔ bɛ̀ feu dɛ̀ ti Yiɛ̀ nKuyie ndɛ̀marɛ̀ marɛ̀, kɛ́ dɛ̀ fìé ti Yiɛ̀ nKuyie ndiwũɔ̃tɔ̀nnì ĩ́nkɛ̀ kɛ́tuɔ.
205	GEN 8:21	Kɛ̀ ti Yiɛ̀ nKuyie nkeè dɛ kó kufɔ̃ɔ̃ku kɛ̀ dɛ̀ɛ kù narikɛ kɛ̀ kù dɔ̀: N tɛ̃́nkɛ í yóó cɔ̃ɔ̃ kɛtenkɛ̀, kɛ yɛ̃́ onìtì yɛ̀mmɛ̀ í wennimɛ̀ nɛ̀ ò bomɛ̀. N tɛ̃́nkɛ báá kuɔ dɛ̀ɛ̀ kó dimàà weí m mɛ ndɔ̀ɔ̀ mɛ̀ɛ̀ botí.
206	GEN 8:22	Nɛ̀ kɛtenkɛ̀ bo mbomɛ̀, mubɔtimù nɛ̀ mudidɛ̀ì, muséé nnɛ̀ kuyiìnkù, dipaà nɛ̀ diyɔ̃ɔ̃̀, kuyie nnɛ̀ kɛyènkɛ̀, dɛ̀ yó mbomu sã́ã̀.
207	GEN 9:1	Kɛ̀ Kuyie mpã Nɔwee mɛsàà wenwe nɛ̀ o bí kɛ dɔ̀: Piɛ́nɛ̀ kɛ́sṹṹ nkɛ́píɛ nkɛtenkɛ̀.
211	GEN 9:5	Nyɛ̃́nɛ̀ kɛ tú n yóó pɛitɛmu bɛ̀ɛ̀ kɔ̀ù bɛnìtìbɛ̀ kɛ́pɛitɛ iwũɔ̃ nɛ̀ tiwanwantì tìì kɔ̀ù bɛnìtìbɛ̀.
214	GEN 9:8	Kɛ̀ Kuyie nyíɛ́ kɛ́nákɛ́ Nɔwee nɛ̀ o bí kɛ dɔ̀:
215	GEN 9:9	N di dɔúnnɛ̀ dinùù ndi fɔ̃́ nnɛ̀ a yaàbío,
217	GEN 9:11	N di dɔúnnɛ̀ dinùù ndi kɛ tú, n tɛ̃́nkɛ báá duɔ́ nkɛ̀ mɛniɛ mpíɛ nkɛtenkɛ̀ kɛ́kuɔ dɛ̀ɛ̀ kó dimàà bo.
218	GEN 9:12	Ntɛ n yóó dɔɔ̀ mɛ̀ɛ̀ bɛnkùmɛ̀ kɛ̀ mɛ̀ mbo sã́ã̀, kɛ bɛnkú mí nnɛ̀ díndi nɛ̀ dɛ̀ɛ̀ kó dimàà weí ti kó mɛtaummɛ̀.
219	GEN 9:13	Nh ãnnɛ́ kutãmmɛyãrí nku tiwɛtì kɛ̀ kù bo mbɛnkú mí nnɛ̀ díndi ti kó mɛtaummɛ̀,
223	GEN 9:17	Kɛ̀ Kuyie nnákɛ́ Nɔwee kɛ dɔ̀: Kutãmmɛyãrí kuù yó mbɛnkú n taunɛ̀mɛ̀ kɛtenkɛ̀ kɔbɛ.
224	GEN 9:18	Nɔwee bí ì do yɛ̀nnímɛ̀ tɛdabɛɛcĩ́ɛ̃̀tɛ̀ iǹyi: Sɛmmu nɛ̀ Kammu nɛ̀ Safɛti. Kammu weè naá nKannahãã kɔbɛ kóo cicɛ.
225	GEN 9:19	Nɛ̀ Nɔwee bí itããti miɛkɛ nkɛ ibotí sũ̀ṹmmɛ̀ kɛtenkɛ̀ ĩ́nkɛ̀.
226	GEN 9:20	Nɔwee weè tu otenkútì ketiwè weè fìíkú dɛtie mbɛ̀ tu dɛ̀ fínyĩ̀,
228	GEN 9:22	Kɛ̀ Kammu Kannahãã kɔbɛ kóo cicɛɛ yà o cicɛ Nɔwee fũ̀ɔ̃̀ feímɛ̀, kɛ́yɛ̀ kɛ́nákɛ́ o tebìí sidɛ́ ditowaà.
230	GEN 9:24	Nɔwee naà nyɛ̀ dìì mɔ̀nnì kòo keè o bíyããtɛ̀ dɔ̀ɔ̀ dɛ̀,
234	GEN 9:28	Mɛniɛ nkùɔ dìì mɔ̀nnì bɛnìtìbɛ̀ kɛ́deè, kɛ̀ Nɔwee mmɔkɛ yɛbie nsikɔusìtããti nɛ̀ sipísìnùmmù (350) ndi,
236	GEN 10:1	Ntɛ Nɔwee bí, Sɛmmu nɛ̀ Kammu nɛ̀ Safɛti kó kufuku mɛniɛ ndo kùɔ bɛnìtìbɛ̀ kɛ́deè, kɛ̀ bɛ̀ɛ piɛ́mu ibí.
243	GEN 10:8	Kuusi weè do wɛ̃̀tɛ kɛ́pɛitɛ́ Nɛmmudoti wèè do naá nhokpàrì ketiwè kɛtenkɛ̀ ĩ́nkɛ̀.
244	GEN 10:9	Nɛmmudoti do tú opaawaà ndiɛwè nwe kɛ̀ ti Yiɛ̀ nKuyie nwùó. Dɛɛ̀ te kɛ̀ bɛ̀ ɔ̃ɔ̃ yĩ́ ti Yiɛ̀ nKuyie nda teennɛ̀ kàa ntú opaawaà ndiɛwè Nɛmmudoti do dòmmɛ̀.
245	GEN 10:10	Ntɛ yɛhɛkɛ̀ ketiyɛ̀ ò do bakɛ́ yɛ̀: Babɛɛdi nɛ̀ Edɛsi nɛ̀ Akadi nɛ̀ Kadinɛɛ. Dɛ kó yɛhɛkɛ̀ do bo Sindeaa miɛkɛ nkɛ.
246	GEN 10:11	Kɛ̀ Nɛmmudotii ítɛ́ dɛ kó dihɛì kɛ́kɔtɛ Asidii kɛ́maá Ninifu nɛ̀ Debotidii nɛ̀ Kadaa.
247	GEN 10:12	Kɛ̀ Desãã ɛì dii ḿbo Ninifu nɛ̀ Kadaa dihɛidiɛ̀ dɛ cuokɛ̀.
248	GEN 10:13	Misidaimmu yaàbí tú Dudimmu nɛ̀ Anamimmu nɛ̀ Deabimmu nɛ̀ Nafutuyimmu
267	GEN 10:32	Nɔwee bí kó iwuɔ nyi mɛmmɛ, bɛ̀ ì cã̀ńnɛ́mɛ̀ ibotí ibotí. Mɛniɛ ndo kùɔ bɛnìtìbɛ̀ kɛ́deè kɛ̀ bɛɛ̀ piɛ́ ibotí imɔu ìì bo kutenkù miɛkɛ.
289	GEN 11:22	Kɛ̀ Seduki mmɔkɛ yɛbie nsipísìtããti kɛ́pɛitɛ́ Naɔɔ.
291	GEN 11:24	Kɛ̀ Naɔɔ mmɔkɛ yɛbie nsipísìdɛ́ nɛ̀ yɛ̀wɛi kɛ́pɛitɛ́ Tedaa.
293	GEN 11:26	Kɛ̀ Tedaa mmɔkɛ yɛbie nsipísìyiekɛ̀, kɛ́pɛitɛ́ Abarammu nɛ̀ Naɔɔ nɛ̀ Atãã.
294	GEN 11:27	Tedaa kó kufuku nku, weè pɛitɛ́ Abarammu nɛ̀ Naɔɔ nɛ̀ Atãã. Kɛ̀ Atãã pɛitɛ́ dɛnitidabirɛ Dɔti,
296	GEN 11:29	Kɛ̀ Abarammuu puokɛ Saraii kɛ̀ Naɔɔ puokɛ Midikaa Atãã kóo sapàà. Atãã weè múnkɛ do pɛitɛ́ Isikaa.
306	GEN 12:7	Kɛ̀ ti Yiɛ̀ nKuyie mbɛnkɛ kumáà Abarammu kóò nàkɛ́ kɛ dɔ̀: N yóó duɔ́ nkɛ ntenkɛ̀ nkɛ a yaàbí. Kɛ̀ Abarammuu maá ti Yiɛ̀ nKuyiendiwũɔ̃tɔ̀nnì dɛ kó dibòrì.
308	GEN 12:9	Kɛ̀ Abarammu ńkàtì kɛ sɔɔti kɛ wetí Nɛkɛbu tempɛ̃ mbíɛ́kɛ̀.
310	GEN 12:11	Bɛ̀ tùɔ̀kɛ dìì mɔ̀nnì Esibiti kɛ́ntati dihɛì, kɛ̀ Abarammuu nákɛ́ o pokù Saraii kɛ dɔ̀: N yɛ̃́mu a túmɛ̀ oposáátì,
315	GEN 12:16	Nɛ̀ o kpɛ́í nkòo kpààtìi dɔ̀ɔ̀ mɛsàà nhAbarammu kóò pãmmú ipe nɛ̀ sibɔɔ́ nɛ̀ inààkɛ nɛ̀ tidaatì bɛnitipòbɛ̀ nɛ̀ bɛnitidaabɛ̀ nɛ̀ sãmmarímúbɛ̀ nɛ̀ yòyóbɛ̀.
318	GEN 12:19	Dɛ̀ dòmmɛ̀ kàa n nàkɛ́ kɛ yɛ̃ nha tãũ̀ nwe kɛ̀ nh ò tùótɛ́ kɛ bo puokɛ? Nto a pokù kɛ́pɛ̃ɛ̃tɛ́.
320	GEN 13:1	Mɛm̀mɛ kɛ̀ Abarammuu túótɛ́ o pokù nɛ̀ o kpɛrɛ ò mɔ̀kɛ dɛ̀, kɛ̀ Dɔti nwe nɛínɛ̀ kɛ̀ bɛ̀ɛ wɛ̃tɛ Nɛkɛbu tempɛ̃ mbíɛ́kɛ̀.
322	GEN 13:3	Kɛ̀ Abarammuu ítɛ́ Nɛkɛbu tempɛ̃ kɛ́tuɔkɛ Betɛɛdi nɛ̀ Aii dɛ cuokɛ̀ ò do ketɛ́ kɛ́bátɛ́ dɛ̀.
358	GEN 14:21	Kɛ̀ Sodɔmmu kóo kpààtìi nákɛ́ Abarammu kɛ dɔ̀: N duɔ́ mbɛnìtìbɛ̀ kɛ́nte tinɛntì a ɛí tì.
359	GEN 14:22	Kɛ̀ Abarammuu ò tɛ̃̀ńnɛ́ kɛ dɔ̀: N youtɛ n nɔ̀ùtɛ̀ ntɛ, ti Yiɛ̀ nKuyie nkùù bakɛ́ kɛĩ́nkɛ̀ nɛ̀ kɛtenkɛ̀ ku ììkɛ̀,
361	GEN 14:24	N yí yóó túótɛ́ dɛ̀marɛ̀, kɛ̀ dɛ̀ í tú n kó bɛnìtìbɛ̀ di dɛ̀. Bɛ̀ɛ̀ n cíe mbɛɛ̀ tu: Anɛɛ nɛ̀ Ɛsikɔɔdi nɛ̀ Mammudee, bɛɛ̀ bo túótɛ́ bɛ kpɛrɛ.
363	GEN 15:2	Kɛ̀ Abarammu dɔ̀: Ti Yiɛ̀ nKuyie nha bo n duɔ́ mba? N yí mɔkɛ dɛbirɛ, kɛ̀ n kóo tɔ̃ntì Ediesɛɛ Damaasi ɛì kou, wèè bo n cĩ́ɛ̃̀tɛ̀, weè yóó túótɛ́ n kpɛrɛ.
379	GEN 15:18	Dɛ yiè ndi ti Yiɛ̀ nKuyie ntàunnɛ̀mɛ̀ kumáà Abarammu kɛ dɔ̀: N yóó duɔ́ ndɛ kó kɛtenkɛ̀ a yaàbí nyi kɛ̀ ì nkɛ̀ te, kɛ́túótɛ́ kukó kùù bo Esibiti mànku, kɛ́kã́ã́ kukó ndiɛkù Efadati.
390	GEN 16:8	Kóò bekɛ kɛ dɔ̀: Akaa a bonní dɛ, a kɔri kɛ? Kòò dɔ̀: N cokù Saraii nwe n tú wèè kó kudaakù.
402	GEN 17:4	Ntɛ n yóó da taunnɛ̀ mɛ̀ɛ̀ botí m máà, fɔ̃́ɔ̃̀ yóó naá nyibotí pɛ́u cicɛ.
405	GEN 17:7	N yó nda taummu, a kó difɔ̃nkúò kɛ́ntaunɛ̀ a yaàbí, itɔ̃ntì itɔ̃ntì, kɛ́ nda te fɔ̃́ nnɛ̀ a yaàbí sã́ã̀.
408	GEN 17:10	Ntɛ di dò nkɛ́ndɔɔrimɛ̀ ti kó mɛtaummɛ̀ miɛkɛ: Di fuku miɛkɛ bɛ̀ɛ̀ kó dimàà tu bɛnitidaabɛ̀ bɛ̀ ncãmmù.
419	GEN 17:21	N nɛ́ yó n taunɛ̀ Isaki nwe, dɛ̀ yàa yó nkã́ã́kɛ́ miɛ nkɛ̀ Saraa pɛitɛ́ wè.
437	GEN 18:12	Kɛ̀ Saraa daá omáà borɛ̀ kɛ dɔ̀: N kòtɛ́mu n tɛ̃́nkɛ í yuɔ, kɛ̀ n dɔù múnkɛ kòtɛ́.
440	GEN 18:15	Kɛ̀ Saraa kɔ̃m̀bùɔ̀tìi do, kòo nɛnni kɛ dɔ̀: N yí daá. Kɛ̀ ti Yiɛ̀ nKuyie ndɔ̀: A daámu.
444	GEN 18:19	N we ntããtɛ́ kɛ bo duɔ́ nkòo bí nɛ̀ o yaàbí kɛ̀ bɛ̀ nyíé n kuɔ́, kɛ̀ i borimɛ ńwenni kɛ̀ ì dɔ̀ɔ̀ri n dɔ́mɛ̀, kɛ̀ dɛ̀ɛ yie nkɛ̀ nh ò dɔ̀ɔ̀ mɛsàà n yɛ̃ n yóó ò dɔ̀ɔ̀ mɛ̀.
456	GEN 18:31	Kɛ̀ Abarahammu dɔ̀: N da báámmu yóu kɛ̀ n yíɛ́ kɛ́bɛ́i, kɛ̀ bɛ̀ bo sipísìdɛ́ tá? Kɛ̀ ti Yiɛ̀ nKuyie n dɔ̀: Kɛ̀ bɛ̀ bo sipísìdɛ́ m báá pɔntɛ dihɛì.
457	GEN 18:32	Kɛ̀ Abarahammu yíɛ́ kɛ́bɛ́i nkɛ dɔ̀: N Yiɛ̀ nKuyie nha báá nh ɔunɛ̀, n yóó bɛ́i mmɛsɔmmɛ mmɛ. Bɛ̀ɛ̀ wenni kɛ̀ bɛ̀ bo tɛpíítɛ̀ tá? Kɛ̀ ti Yiɛ̀ nKuyie ndɔ̀: Kɛ̀ bɛ̀ bo tɛpíítɛ̀ m báá pɔntɛ dihɛì.
460	GEN 19:2	Kɛ dɔ̀: N di báámmu kɛ tú dí kɔtɛ n cĩ́ɛ̃̀tɛ̀ kɛ́ɔ́ú di naàcɛ̀i, kɛ́yié nkɛ̀ dɛ̀ɛ wentɛ́ kɛ̀ dí pɛ̃ɛ̃tɛ́. Kɛ̀ yɛ̀ dɔ̀: Áà, ti bo yiénko tikãtitouti.
465	GEN 19:7	kɛ́ bɛ̀ nàkɛ́ kɛ dɔ̀: N nɛ́pobɛ̀, báá dɔɔ̀nɛ̀ mɛyɛi.
477	GEN 19:19	A n dɔ̀ɔ̀mu mɛsàà, kɛ n kuɔ́ mmɛsémmɛ̀ kɛ n dɛɛtɛ́. N yí yóó na kɛ́cokɛ́ kɛ́tuɔkɛ di ntãrì kɛ̀ mɛyɛi nkpaaní, n yó nkpaá cokù kɛ̀ mɛ̀ n nìntɛmu kɛ́ n kuɔ.
478	GEN 19:20	Ntɛ tɛhɛitɛ̀ sám̀pɔ́tɛ̀ tɛ̀ɛ̀ tɔ̀kɛ́ní, n yóó na kɛ́cokɛ́ kɛ́tuɔkɛ tɛ̀. Tɛ̀ mà sám̀pɔ́rɛ̀ ndɛ, yóu kɛ̀ n cokɛ́ kɛ́ dɛ nsɔri kɛ́dontɛ́ nh ɔ̃nnì.
489	GEN 19:31	Kɛ̀ Nkɔɔ nákɛ́ o nantɛ̀ kɛ dɔ̀: Ti cicɛ kòtɛ́mu, òmɔù mɛ nyí bo wèè bo ti puokɛ kɛ́ndònnɛ̀ ibotí imɔu dɔ̀ɔ̀rimɛ̀.
491	GEN 19:33	Dɛ kó kuyuoku kɛ̀ bɛ̀ɛ duɔ́ mbɛ cicɛ mɛnaà nkòo muɔ́, kɛ̀ Nkɔɔ kɔtɛ bá o cicɛ í yɛ̃́ ò taroo dìì mɔ̀nnì yoo ò yɛ̀ dìì mɔ̀nnì.
492	GEN 19:34	Kɛ̀ dɛ̀ɛ wentɛ́ kòo nákɛ́ o nantɛ̀ kɛ dɔ̀: Nɛ̀ n cicɛ ti duɔ́mu kɛyènkɛ̀. Tí wɛ̃tɛ kóò duɔ́ mmɛnaà nkòo muɔ́, nkàa mɛ ntó kɔtɛ kɛ nyènkɛ̀ kóò duɔ́nɛ̀, ti yóó mɛ nyĩ́ kɛ́pɛitɛ́ ibí kɛ̀ ìì sɔɔtɛ́ o cĩ́ɛ̃̀tɛ̀.
495	GEN 19:37	Kɛ̀ Nkɔɔ pɛitɛ́ dɛnitidabirɛ kɛ́ dɛ̀ yu kɛ dɔ̀: Mɔabu. Weè yaàbí tú Mɔabiibɛ yíe nkó diyiè.
497	GEN 20:1	Kɛ̀ Abarahammuu ítɛ́ Nɛkɛbu tempɛ̃ kɛ́kari Kadɛɛsi nɛ̀ Suudi ɛì dɛ cuokɛ̀, kɛ́ dɛ̀ ìtɛ́ kɛ́kari Kedaari ɛì,
500	GEN 20:4	Kɛ sɔ̃́ nhAbimɛdɛki mu nyí ò duɔ́nɛ̀, kɛ́nákɛ́ Kuyie nkɛ dɔ̀: N Yiɛ̀, n yí cààrɛ̀, a bo sɔ̃́ntɛ́ kɛ́ n kuɔà?
501	GEN 20:5	Abarahammu n nàkɛ́ kɛ tú o tãũ̀ nwe, kòo nitipòkù múnkɛ yɛ̃ nho tãũ̀ nwe. N yí ò tòú kɛ yĩɛ̃̀kù, n yí cààrɛ̀.