4	GEN 1:4	Kɛ̀ kùu pɛ́nsìrì kuwenniku kɛ́ kù cã̀ńnɛ́ nɛ̀ dibiìnnì,
24	GEN 1:24	Kɛ̀ Kuyie ndɔ̀: Kɛtenkɛ̀ɛ pɛitɛ́ iwũɔ̃ imɔu botí. Icɛ̃wũɔ̃ diɛyì nɛ̀ isám̀pɔ́ì nɛ̀ ikpawũɔ̃ ibotí ibotí nɛ̀ dɛbambaànnɛ̀ dɛbotí dɛbotí. Kɛ̀ dɛ̀ɛ dɔɔ̀ kù yɛ̃mmɛ̀.
25	GEN 1:25	Kɛ̀ Kuyie ndɔɔ̀ iwũɔ̃ ibotí ibotí nɛ̀ icɛ̃wũɔ̃ nɛ̀ dɛbambaànnɛ̀ dɛmɔu. Kɛ̀ kùu dɛ̀ pɛ́nsìrì.
34	GEN 2:3	Kù dì pãmu mɛsàà nkɛ dì cã̀ńnɛ́ kɛ̀ dì tu ku kpɛri, kɛ yɛ̃́ kù dèèmɛ̀ ku tɔ̃mmú mumɔu kɛ òmpɛ̀ diì yiè.
40	GEN 2:9	Kɛ̀ ti Yiɛ̀ nKuyie nduɔ́ nkɛ̀ dɛtesààrɛ̀ dɛbotí dɛbotíi yɛ̀nní, kɛ́mpɛí yɛbɛ kɛ̀ yɛ̀ wenni kɛ naati. Kɛ̀ kùu soó nkupúú cuokɛ̀ mutie mùù duɔ̀ mmufòmmu nɛ̀ mùù yĩ́ɛ̃́kùnko mɛsàà ǹnɛ̀ mɛyɛi.
41	GEN 2:10	Kɛ̀ kukó ndiɛkù nyiɛ̀ní Edɛnni kɛ yɔ́ɔ́rì dɛ kó kupúú kɛ́totɛ́ kucɛ mɛ̀nàà.
51	GEN 2:20	Kɛ̀ Adammuu duɔ́ nyicɛ̃wũɔ̃ i yètɛ̀ kɛ́duɔ́ nyikpakpɛyi i yètɛ̀, kɛ́duɔ́ nsinɔɔ si yètɛ̀. Ò mɛ nyí mpɛ̀tɛ́ wèè bo nhò dònnɛ̀ koò teénnɛ̀.
52	GEN 2:21	Kɛ̀ ti Yiɛ̀ nKuyie nduɔ́ nkòo yɛ̃̀ nkɛ́duɔ́, kɛ̀ kùu dɛitɛ kucĩntóo kùmáà kɛ́wɛ̃tɛ kɛ́pɔ̃nnɛ́ tikɔ̃̀ntì,
53	GEN 2:22	kɛ́túótɛ́ dɛ kó kucĩntóo kɛ́dɔɔ̀nɛ̀ onitipòkù kóò duɔ́ nhonitidɔ̀ù.
55	GEN 2:24	Dɛɛ̀ te kòo nitidɔ̀ù bo yóu o cicɛ nɛ̀ o yɔ̃, kɛ́taunnɛ̀ o pokù kɛ̀ bɛ̀ɛ naá nhonìtì omáà.
57	GEN 3:1	Fɛwààfɛ̀ fɛɛ̀ do ciìnɛ̀ tiwanwantì timɔu ti Yiɛ̀ nKuyie ndɔ̀ɔ̀ tì. Kɛ̀ fɛ̀ɛ bekɛ onitipòkù kɛ dɔ̀: Mɔ́mmuɔ nwe Kuyie nyɛ̃mmɛ̀ di bá nyo nkupúú kó yɛtebɛ yɛmɔuà?
59	GEN 3:3	Mutie mùù nɛ́ bo kupúú cuokɛ̀, Kuyie ntú ti báá di mu kó yɛtebɛ, ti ketɛ́ kɛ báá yɛ̀ kàákɛ́. Kɛ̀ ti yɛ̀ di ti bo kú.
62	GEN 3:6	Kòo nitipòkùu wéntɛ́ kɛ́yà yɛtebɛ bo nnaatimɛ̀, kɛ wenni fɛnɔ̀nfɛ̀, kɛ bo na kóò duɔ́ mmɛciì, kɛ́tɔ̃tɛ, kɛ́di kɛ́duɔ́ nho dɔù wèè ò bonɛ̀, kòo di.
64	GEN 3:8	Kuyuoku mɔ̀nnì kɛ̀ ti Yiɛ̀ nKuyie nní nceǹtì kupúú miɛkɛ kɛ náá nkɛ̀ bɛ̀ yo, kɛ́sɔri titieti miɛkɛ.
70	GEN 3:14	Kɛ̀ ti Yiɛ̀ nKuyie nnákɛ́ fɛwààfɛ̀ kɛ dɔ̀: Fɔ̃́ɔ̃̀ mɛ ntemɛ̀ kɛ̀ dɛ̀ dɔ̀ɔ̀ miɛ n da cɔ̃ɔ̃mu tiwanwantì timɔu miɛkɛ, a bo nfũrì a pɔutì, kɛ yo mmutã́ã́ nsã́ã̀.
71	GEN 3:15	Nɛ̀ a bo mbomɛ̀, fɔ̃́ nnɛ̀ onitipòkù di báá narikɛ, o fuku nɛ̀ a kɔku dɛ̀ báá narikɛ. O fuku bo pɔntɛ a yuu, kàa kɔkuu dɔntɛ́ o nacɛ̀nkénnì.
73	GEN 3:17	Kɛ̀ ti Yiɛ̀ nKuyie nnákɛ́ onitidɔ̀ù kɛ dɔ̀: A mɛ̀ nyiemmɛ̀ a pokù kpɛti kɛ di ditebii n yɛ̃ nha báá di dì. M bo cɔ̃ɔ̃ kɛtenkɛ̀, a níí bo kúútí kɛ́fɛ̃́ṹtɛ́ mɛdiɛ̀ nkɛ nɛ́ na kɛ́pɛ́tɛ́ kɛ́di.
80	GEN 3:24	Mɛm̀mɛ ti Yiɛ̀ nKuyie mbɛtimɛ̀ onìtì kupúú Edɛnni miɛkɛ, kɛ́cónnɛ́ bɛĩ́nkɛ̀mbàrìbɛ̀ diyiè yìɛ̀ní kɛ̀ɛ̀ bíɛ́kɛ̀ kɛ̀ bɛ̀ mbaa mutie mùù duɔ̀ mmufòmmu, kɛ ɛinko yɛse kɛ̀ yɛ̀ cɔ̀ú nkɛ dò mmuhãã́.
82	GEN 4:2	Kòo yíɛ́ kɛ́pɛitɛ́ o nantɛ̀ Abɛɛdi. Kɛ̀ Abɛɛdi ntú owũɔ̃cɛ̃nti kɛ̀ Kayɛ̃ɛ̃ tu otenkútì.
84	GEN 4:4	Kɛ̀ Abɛɛdi yie tɔní o pedakɛ̀ yɛketiyɛ̀ kó dìmarì, dìì ã mɛkùɔ̀ nkɛ́pã ti Yiɛ̀ nKuyie. Kɛ̀ kùu ò pɛ́nsìrì kɛ́cɔutɛ́ o pãnnì,
91	GEN 4:11	Di mmɔ̀nnì n da cɔ̃ɔ̃mu kàa bo ítɛ́ kɛ́dɛ́tɛ́nɛ̀ kɛtenkɛ̀ kɛ̀ɛ̀ yã̀ a nantɛ̀ kó mɛyĩ̀ĩ̀ nha kùɔ tɛ̀.
92	GEN 4:12	A níí bo kúútí, a báá dɛitɛ, a bo nfirì tipíìtì timɔu kɛ tú ocièntì.
93	GEN 4:13	Kɛ̀ Kayɛ̃ɛ̃ nákɛ́ ti Yiɛ̀ nKuyie nkɛ dɔ̀: A n toú ndìì tɔu cɛ̃́ɛ̃̀mu, m báá na kɛ́ dì tɔ.
94	GEN 4:14	A mɛ nni mbɛ̀timɛ̀ yíe nkɛtensààkɛ̀, kɛ̀ n yóó da dɛ́tɛ́nɛ̀ kɛ́nfirì tipíìtì timɔu kɛ tú ocièntì, kòò mɔù ǹ yà ò yó n kuɔmu.
95	GEN 4:15	Dɛ mɔ̀nnì kɛ̀ ti Yiɛ̀ nKuyie ndɔ̀: Kòò mɔù kùɔ Kayɛ̃ɛ̃ m bo pɛitɛ kucɛ mɛ̀yiekɛ̀. Kɛ̀ ti Yiɛ̀ nKuyie ncannɛ Kayɛ̃ɛ̃ mɛcannimɛ̀ mamɛ̀ mɛ̀ɛ̀ yó nte kɛ̀ wèè ò yà ò báá ò kùɔ.
100	GEN 4:20	Ada weè do pɛitɛ́ Yabaadi bɛ̀ɛ̀ ã titouti, kɛ cɛ̃mmù inààkɛ bɛ yààrì.
105	GEN 4:25	Kɛ̀ Adammuu duɔ́nɛ̀ o pokù kòo púó nkɛ́pɛitɛ́ dɛnitidabirɛ, kòo dɛ̀ yu kɛ dɔ̀ Sɛti, dɛ̀ɛ̀ tu Kuyie nhò duɔ́ ndɛbirɛ kɛ̀ dɛ̀ còḿmú Abɛɛdi fɔ̃̀tìrì Kayɛ̃ɛ̃ do kùɔ wè.
130	GEN 5:24	Ò do taunɛ̀ Kuyie nku, kɛ̀ kùu ò tùótɛ́ kɛ́kònnɛ̀ ku ciɛ kɛ̀ bɛ̀ɛ ò mɔ̀ńtóo.
135	GEN 5:29	kɛ́ dɛ̀ yu kɛ dɔ̀ Nɔwee, kɛ́nnáá nkɛ tú: Yie nweè yóó ti bántɛ̀ nɛ̀ mutɔ̃mmú ti pĩ́ mmù yɛwe yɛmɔu, kɛ yɛ̃́ ti Yiɛ̀ nKuyie ncɔ̃ɔ̃mɛ̀ kɛtenkɛ̀.
144	GEN 6:6	Kɛ̀ ti Yiɛ̀ nKuyie nyɛ̀mmɛ̀ɛ caàrɛ̀ kɛ̀ kùu demmu kù dɔ̀ɔ̀mɛ̀ onìtì.
150	GEN 6:12	Kɛ̀ kùu wéntɛ́ kutenkù kɛ́nsɔ̃́ nkù cààrɛ̀, kɛ̀ bɛnìtìbɛ̀ bɛmɔu dɔ̀ri bá bɛ borimɛ í wenni.
152	GEN 6:14	Á dɔɔ̀ tɛdabɛɛcĩ́ɛ̃̀tɛ̀ nɛ̀ idɛí ìì kpeńnì, kɛ́cíékɛ́ tidieti kɛ̀ tì nsũ, kɛ́waá mmumɔ̀mmu kɛ́fiɛtí mɛfíè ntɛ miɛkɛ nɛ̀ tɛ ĩ́nkɛ̀.
153	GEN 6:15	Ntɛ a yóó tɛ̀ dɔ̀ɔ̀ mɛ̀ɛ̀ botí: Tɛ okùmɛ̀ ḿbo mɛ́tìrì tɛkɔ̀ùtɛ̀ nɛ̀ sipísìnùmmù (150), mɛpɛ̃kùmɛ̀ mɛ́tìrì sipísìdɛ́ nɛ̀ bɛ̀nùmmù, mɛcómmɛ̀ mɛ́tìrì tɛpíítɛ̀ nɛ̀ bɛ̀nùmmù.
154	GEN 6:16	Á tɛ̀ dɔ̀ɔ̀ kɛ́pĩ́ĩ́ ntipĩ́mpĩ́ntì nɛ̀ kumarí dɛ cuokɛ̀, kɛ̀ mɛfíè nní nfeí kɛ mànnɛ̀ mɛ́tìrì kó dikéè. Kàa keutɛ́ dibòrì tɛ píkù, kɛ́ãnnɛ́ timùmmùntì tìtããti.
156	GEN 6:18	Dɛ mɔ̀nnì m bo da dɔɔ̀nɛ̀ mɛtaummɛ̀ kàa ta tɛdabɛɛcĩ́ɛ̃̀tɛ̀ miɛkɛ nɛ̀ a pokù nɛ̀ a bí nɛ̀ i pobɛ̀.
157	GEN 6:19	Á tannɛ́ dɛ̀ɛ̀ kó dimàà fòù kɛtenkɛ̀ ĩ́nkɛ̀ tɛdabɛɛcĩ́ɛ̃̀tɛ̀ miɛkɛ, dɛdaarɛ̀ nɛ̀ dɛniirɛ kɛ̀ dɛ̀ɛ yentɛ́.
161	GEN 7:1	Kɛ̀ ti Yiɛ̀ nKuyie nnákɛ́ Nɔwee kɛ dɔ̀: Ta tɛdabɛɛcĩ́ɛ̃̀tɛ̀ fɔ̃́ nnɛ̀ a cĩ́ɛ̃̀tɛ̀ kɔbɛ. N sɔ̃́ nfɔ̃́ɔ̃̀ máà yie n kpɛti a kɔbɛ cuokɛ̀.
162	GEN 7:2	Á túótɛ́ iwũɔ̃ ibotí ibotí bɛ̀ n feu ì ìdɛ́ì ìdɛ́ì, fɛdaafɛ̀ nɛ̀ fɛnifɛ kucɛ mɛ̀yiekɛ̀ kɛ́túótɛ́ bɛ̀ í n feu ì ìdɛ́ì máà fɛdaafɛ̀ nɛ̀ fɛnifɛ,
163	GEN 7:3	kɛ́túótɛ́ sinɔɔ sibotí sibotí sìdɛ́sì dɛ́sì, tɛdaatɛ̀ nɛ̀ tɛniitɛ kucɛ mɛ̀yiekɛ̀, kɛ̀ sìi sɔɔtɛ́ kubotí kɛtenkɛ̀ ĩ́nkɛ̀.
164	GEN 7:4	Yɛwe yɛ̀yiekɛ̀ kó difɔ̃nkúò n yóó cṹũnko fɛtaafɛ̀ nfɛ kɛ̀ fɛ̀ nniu kɛ dɔ̀ yɛwe sipísìnàà nɛ̀ dɛyènnɛ̀ sipísìnàà, kɛ́kuɔ n dɔ̀ɔ̀ dɛ̀ɛ̀ kó dimàà kɛtenkɛ̀ ĩ́nkɛ̀.
167	GEN 7:7	Wenwe nɛ̀ o pokù kɛ̀ bɛ̀ɛ ta tɛdabɛɛcĩ́ɛ̃̀tɛ̀ nɛ̀ o bí nɛ̀ i pobɛ̀ kɛ bo yentɛ́nɛ̀ mɛnɛ́diɛmɛ̀,
169	GEN 7:9	Kɛ̀ dɛ̀ nkɔrìní dɛdaarɛ̀ nɛ̀ dɛniirɛ, kɛ taà tɛdabɛɛcĩ́ɛ̃̀tɛ̀ Nɔwee borɛ̀ Kuyie mbɛ́i mmɛ̀ɛ̀ botí.
173	GEN 7:13	Dɛ mɔ̀nnì Nɔwee nɛ̀ o pokù nɛ̀ o bí Sɛmmu nɛ̀ Kammu nɛ̀ Safɛti nɛ̀ bɛ pobɛ̀, kɛ̀ bɛ̀ ta tɛdabɛɛcĩ́ɛ̃̀tɛ̀
176	GEN 7:16	Kɛ̀ dɛ̀ɛ kɔtoo bá dɛ̀ kɛ̀ dɛ̀ nnɛínɛ̀ dɛ pokù kɛ́ta tɛdabɛɛcĩ́ɛ̃̀tɛ̀ ti Yiɛ̀ nKuyie ndo nàkɛ́ Nɔwee kɛ dɔ̀ dɛ̀ yóó ndòmmɛ̀. Kɛ̀ Kuyie nkpetínnɛ́ dibòrì.
177	GEN 7:17	Kɛ̀ fɛtaafɛ̀ nniu kɛ dɔ̀ yɛwe sipísìnàà, kɛ̀ mɛniɛ nsṹũnko kɛ̀ tɛdabɛɛcĩ́ɛ̃̀tɛ̀ nɔ̀ńkɛ́ mɛ ĩ́nkɛ̀.
178	GEN 7:18	Kɛ̀ mɛniɛ mpíɛ mmɛdiɛ̀ nkɛ̀ tɛdabɛɛcĩ́ɛ̃̀tɛ̀ nnɔ́nkɛ́ mɛ ĩ́nkɛ̀.
183	GEN 7:23	Mɛm̀mɛ dɛ̀ɛ̀ kó dimàà weí: Bɛnìtìbɛ̀ nɛ̀ iwũɔ̃ nɛ̀ tiwanwantì, dɛ̀ kumɛ̀. Kɛ̀ Nɔwee weè máà nkpaá nɛ̀ o cĩ́ɛ̃̀tɛ̀ kɔbɛ bɛ̀ɛ̀ do ò bonɛ̀ tɛdabɛɛcĩ́ɛ̃̀tɛ̀ miɛkɛ.
185	GEN 8:1	Kuyie nyí nyɛ̃̀ nNɔwee kpɛ́í nnɛ̀ iwũɔ̃ nɛ̀ tiwanwantì dɛ̀ɛ̀ do ò bonɛ̀ tɛdabɛɛcĩ́ɛ̃̀tɛ̀ miɛkɛ, kɛ́duɔ́ nkɛ̀ kuyaakù nfuu kɛtenkɛ̀ kɛ̀ mɛniɛ nní nkɛ̃́kú.
186	GEN 8:2	Kɛ̀ yɛbirɛɛ yóu yɛ̀ bo ntɔ̃mmɛ̀ mɛniɛ, kɛ̀ iwɛtiborii ĩ́tínnɛ́ kɛ̀ fɛtaafɛ̀ɛ cómmú.
188	GEN 8:4	Otã̀nkù yiénwè diyiè tɛpíítɛ̀ nɛ̀ diyiénnì kɛ̀ tɛdabɛɛcĩ́ɛ̃̀tɛ̀ɛ cómmú ditãrì bɛ̀ yu dì kɛ tú Adadati di ĩ́nkɛ̀.
192	GEN 8:8	Dɛ kó difɔ̃nkúò kòo dennɛ tɛnɔ́nkpetɛ kɛ bo yà kɛ̀ mɛniɛ ncɔ̀ɔ̀tɛ.
193	GEN 8:9	Tɛ̀ mɛ nyí mpɛ̀tɛ́ tɛ̀ bo cómmú dɛ̀, kɛ yɛ̃́ mɛniɛ ndo kpaá píɛ́kɛ́mɛ̀ kɛtenkɛ̀ kɛmɔu, kɛ̀ tɛ̀ɛ wɛ̃tɛní o borɛ̀, kòo youtɛ o nɔ̀ùtɛ̀ kɛ́ tɛ̀ pĩ nkɛ́tannɛ́ kudieku,
195	GEN 8:11	Kɛ̀ tɛ̀ nwɛ̃tiní kuyuoku kɛ tɔní kufãã̀sũ̀ũ̀kù makù, kɛ̀ Nɔwee bantɛ́ mɛniɛ ncɔ̀ɔ̀tɛmɛ̀,
205	GEN 8:21	Kɛ̀ ti Yiɛ̀ nKuyie nkeè dɛ kó kufɔ̃ɔ̃ku kɛ̀ dɛ̀ɛ kù narikɛ kɛ̀ kù dɔ̀: N tɛ̃́nkɛ í yóó cɔ̃ɔ̃ kɛtenkɛ̀, kɛ yɛ̃́ onìtì yɛ̀mmɛ̀ í wennimɛ̀ nɛ̀ ò bomɛ̀. N tɛ̃́nkɛ báá kuɔ dɛ̀ɛ̀ kó dimàà weí m mɛ ndɔ̀ɔ̀ mɛ̀ɛ̀ botí.
210	GEN 9:4	Di nɛ́ báá cáákɛ́ fɛɔ̃̀fɛ̀ yĩ̀ĩ̀, mmufòmmu bo mɛɛ̀ miɛkɛ.
216	GEN 9:10	nɛ̀ iwũɔ̃ ìì do di bonɛ̀ tɛdabɛɛcĩ́ɛ̃̀tɛ̀ miɛkɛ sinɔɔ nɛ̀ iwũɔ̃ nɛ̀ tiwanwantì dɛ̀ɛ̀ yóó buotɛ́.
221	GEN 9:15	kɛ̀ n dentɛní mɛtaummɛ̀ mɛ̀ɛ̀ bo mí nnɛ̀ díndi nɛ̀ dɛ̀ɛ̀ kó dimàà weí kɛtenkɛ̀ ĩ́nkɛ̀ ti cuokɛ̀, mɛniɛ ntɛ̃́nkɛ báá píɛ nkɛtenkɛ̀ kɛ́ di kuɔ.
222	GEN 9:16	Kutãmmɛyãrí níí bo yɛ̀nní yɛwɛtɛ̀ ĩ́nkɛ̀, kɛ̀ n kù yà, kɛ́dentɛní mɛtaummɛ̀ mɛ̀ɛ̀ bo mí nnɛ̀ díndi nɛ̀ dɛ̀ɛ̀ kó dimàà weí kɛtenkɛ̀ ĩ́nkɛ̀ ti cuokɛ̀.
224	GEN 9:18	Nɔwee bí ì do yɛ̀nnímɛ̀ tɛdabɛɛcĩ́ɛ̃̀tɛ̀ iǹyi: Sɛmmu nɛ̀ Kammu nɛ̀ Safɛti. Kammu weè naá nKannahãã kɔbɛ kóo cicɛ.
228	GEN 9:22	Kɛ̀ Kammu Kannahãã kɔbɛ kóo cicɛɛ yà o cicɛ Nɔwee fũ̀ɔ̃̀ feímɛ̀, kɛ́yɛ̀ kɛ́nákɛ́ o tebìí sidɛ́ ditowaà.
229	GEN 9:23	Kɛ̀ Sɛmmu nɛ̀ Safɛti kɛ̀ bɛ̀ɛ buutɛ́ kuyààkù kɛ́nkérí bɛ fɔ̃nkúò kɛ́tuɔkɛ kóò dàtínnɛ́, bá bɛ̀ í nyà bɛ cicɛ fũ̀ɔ̃̀.
240	GEN 10:5	Bɛɛ̀ do sũ̀ṹ nkɛ́cíɛ́tɛ́ kɛ́maá dàmɛ́ɛ̀rì takɛ́ kɛ́cã́nnɛ́ cã́nnɛ́ ibotí bɛ náaǹtì dò ndòmmɛ̀.
247	GEN 10:12	Kɛ̀ Desãã ɛì dii ḿbo Ninifu nɛ̀ Kadaa dihɛidiɛ̀ dɛ cuokɛ̀.
253	GEN 10:18	nɛ̀ Adifadiibɛ nɛ̀ Semadiibɛ nɛ̀ Amatiibɛ. Dɛ kó difɔ̃nkúò kɛ̀ Kannahãã kɔbɛɛ cíɛ́tɛ́,
254	GEN 10:19	kɛ́kari Sidonni bɛ tenkɛ̀ dɛ nketɛ́ kɛ́cuó nKedaadi nɛ̀ Kasaa, Sodɔmmu nɛ̀ Komɔɔ bíɛ́kɛ̀, Adimaa nɛ̀ Seboimmu kɛ́ntɔ kɛ́tuɔkɛ Desa.
255	GEN 10:20	Kammu kó ibí nyi ìì do yàtɛ tinaàmùntì, kɛ́kari yɛhɛkɛ̀ bɛ náaǹtì cã̀ã́ ncã́ã́mmɛ̀ nɛ̀ bɛ botí.
259	GEN 10:24	Kɛ̀ Adipakisadi ntú Sedaa cicɛ, kɛ̀ Sedaa ntú Ebɛɛ cicɛ.
266	GEN 10:31	Kɛ̀ Sɛmmu kɔbɛ múnkɛɛ yɛ̀ kɛ́cã́nnɛ́ yɛhɛkɛ̀, yɛhɛkɛ̀ bɛ náaǹtì dò mmɛ̀ɛ̀ botí.
267	GEN 10:32	Nɔwee bí kó iwuɔ nyi mɛmmɛ, bɛ̀ ì cã̀ńnɛ́mɛ̀ ibotí ibotí. Mɛniɛ ndo kùɔ bɛnìtìbɛ̀ kɛ́deè kɛ̀ bɛɛ̀ piɛ́ ibotí imɔu ìì bo kutenkù miɛkɛ.
268	GEN 11:1	Bɛnìtìbɛ̀ bɛmɔu do náá ntináaǹtì timáà ndi, onìtì náaǹtì do í cã́ã́.
271	GEN 11:4	Kɛ̀ tí maá dihɛì, kɛ́maá didènnì kɛ̀ dìi káákɛ́ tiwɛtì, kɛ̀ ti yètìrìi feitɛ́, kɛ̀ ti báá cíɛ́tɛ́ kɛtenkɛ̀ kɛmɔu.
272	GEN 11:5	Kɛ̀ ti Yiɛ̀ nKuyie ncútɛ́ní kɛ bo yà bɛnìtìbɛ̀ maá dìì ɛì nɛ̀ didènnì.
274	GEN 11:7	Ti cútɛ́nɛ̀ kɛ́kɔkɛ́ bɛ náaǹtì, kɛ̀ bɛ̀ nnáá nkɛ í yo bɛtɔbɛ̀ tu mù.
275	GEN 11:8	Kɛ̀ ti Yiɛ̀ nKuyie mbɛ̀ cíɛ nkɛtenkɛ̀ kɛmɔu, bá bɛ̀ í mmaá dɛ kó dihɛì.
276	GEN 11:9	Dɛɛ̀ te kɛ̀ bɛ̀ yu dɛ kó didènnì kɛ tú Babɛɛdi. Ti Yiɛ̀ nKuyie ndɛ nkɔkɛ́ bɛnìtìbɛ̀ náaǹtì, kɛ́ bɛ̀ cíɛ nkɛtenkɛ̀ kɛmɔu miɛkɛ.
295	GEN 11:28	kɛ́kú, bɛ̀ ò pɛitɛ́ dìì ɛì Uudi Babidɔnni kó kɛtenkɛ̀ miɛkɛ, kòo cicɛ Tedaa kpaá fòù.
298	GEN 11:31	Kɛ̀ Tedaa túótɛ́ o kóo dapàà nhAbarammu nɛ̀ o yaàbirɛ Dɔti Atãã birɛ nɛ̀ o cɔ̀kù Saraii o kóo dapàà nhAbarammu pokù. Kɛ̀ bɛ̀ɛ ítɛ́ Uudi ɛì Babidɔnni tenkɛ̀ kɛ́kɔtɛ Kannahãã tenkɛ̀, kɛ́tuɔkɛ Anaa ɛì kɛ́ nkɛ mbo.
300	GEN 12:1	Kɛ̀ ti Yiɛ̀ nKuyie nnákɛ́ Abarammu kɛ dɔ̀: Ítɛ́ a tenkɛ̀, a kɔbɛ borɛ̀, a cicɛ cĩ́ɛ̃̀tɛ̀, kɛ́kɔtɛ n yóó da bɛnkɛ kɛ̀ɛ̀ tenkɛ̀.
304	GEN 12:5	Kòo yie nkɛ́ítɛ́ kɛ́nnɛínɛ̀ o pokù Saraii nɛ̀ o nantɛ̀ birɛ Dɔti kɛ́ntɔ o kpɛrɛ dɛmɔu nɛ̀ o daatì ò do dontɛ́ tì Anaa ɛì, kɛ́kétɛ́ kɛ́cuó nKannahãã bíɛ́kɛ̀, kɛ́tuɔkɛ Kannahãã.
307	GEN 12:8	Ò dɛ nyìtɛ́ kɛ́kɔtɛ yɛtãrɛ̀ kó dihɛì Betɛɛdi diyiè yìɛ̀ní kɛ̀ɛ̀ bíɛ́kɛ̀, kɛ́kari Betɛɛdi nɛ̀ Aii dɛ cuokɛ̀ kɛ tó maá ti Yiɛ̀ nKuyie ndiwũɔ̃tɔ̀nnì tɛrì kɛ́bántɛ̀ ti Yiɛ̀ nKuyie nkɛ́ kù yu kɛ dɔ̀ o Yiɛ̀.
314	GEN 12:15	Kɛ̀ Esibiti kóo kpààtì kó bɛtɔ̃mbɛ̀ɛ kɔtɛ kɛ́ nhò sãntí okpààtì ììkɛ̀, kóò tùótɛ́ kɛ́kɔtɛnɛ̀ okpààtì cĩ́ɛ̃̀tɛ̀.
316	GEN 12:17	Kɛ̀ ti Yiɛ̀ nKuyie mpotɛ́ okpààtì nɛ̀ o cĩ́ɛ̃̀tɛ̀ kɔbɛ mɛdiɛ̀ nhAbarammu pokù Saraii kpɛ́í.
322	GEN 13:3	Kɛ̀ Abarammuu ítɛ́ Nɛkɛbu tempɛ̃ kɛ́tuɔkɛ Betɛɛdi nɛ̀ Aii dɛ cuokɛ̀ ò do ketɛ́ kɛ́bátɛ́ dɛ̀.
326	GEN 13:7	Kɛ̀ Abarammu kó bɛnaacɛ̃mbɛ nɛ̀ Dɔti kɔbɛ kɛ̀ bɛ̀ɛ kpa. Kannahãã kɔbɛ nɛ̀ Pedisiibɛ do dɛ mbo.
327	GEN 13:8	Kɛ̀ Abarammuu nákɛ́ Dɔti kɛ dɔ̀: Mí nnɛ̀ fɔ̃́ ti í dò nkɛ́kpa, ti naacɛ̃mbɛ mɛ nyí dò nkɛ́kpa, kɛ yɛ̃́ ti wɛ̃ḿmɛ̀ tɛcĩ́ɛ̃̀tɛ̀.