20	GEN 1:20	Kɛ̀ Kuyie ndɔ̀: Dɛsĩ́ntɛ́kpɛrɛ dɛmɔuu buotɛ́ mɛniɛ mmiɛkɛ, kɛ̀ sinɔɔ buotɛ́ kɛ́nhɛintɛ kɛĩ́nkɛ̀, kɛ̀ dɛ̀ɛ dɔɔ̀ kù bɛ́immɛ̀.
42	GEN 2:11	Kuketikù yètìrì tu Pisɔ̃ɔ̃ kɛ̀ kù fitɛ́ dihɛì bɛ̀ tu dì Afidaa. Kɛ̀ mɛsɔɔ mbo dɛ kó dihɛì miɛkɛ,
43	GEN 2:12	mɛsɔɔ nkperímɛ̀ nɛ̀ tihúúntì fɔ̃ɔ̃ti nɛ̀ yɛtã́sààyɛ̀ yɛ̀ɛ̀ donku dɛu.
44	GEN 2:13	Kɛ̀ kudɛ́ríkù yètìrì tu Kiyɔ̃ɔ̃ kuù fitɛ́ dihɛì bɛ̀ tu dì Kuusi.
45	GEN 2:14	Kɛ̀ kutãã́nkù kpɛri tú Tikidi, kuù pũɔ̃̀ ndiyiè yìɛ̀ní kɛ̀ɛ̀ bíɛ́kɛ̀ kɛ firì dihɛì bɛ̀ tu dì Asidii, kɛ̀ kunaankù kpɛri tú Efadati.
47	GEN 2:16	Kɛ̀ ti Yiɛ̀ nKuyie nhò nàkɛ́ yɛtannɔ̀ kɛ dɔ̀: A bo na kɛ́nyo ndɛtie ndɛmɔu dɛ̀ɛ̀ bo kupúú dɛ kó yɛbɛ.
49	GEN 2:18	Kɛ̀ ti Yiɛ̀ nKuyie mbɛ́i nkɛ dɔ̀: Dɛ̀ í wenni onìtì bo mbomɛ̀ omáà, m bo ò dɔ̀ɔ̀ wèè yó nhò dònnɛ̀ koò teénnɛ̀.
51	GEN 2:20	Kɛ̀ Adammuu duɔ́ nyicɛ̃wũɔ̃ i yètɛ̀ kɛ́duɔ́ nyikpakpɛyi i yètɛ̀, kɛ́duɔ́ nsinɔɔ si yètɛ̀. Ò mɛ nyí mpɛ̀tɛ́ wèè bo nhò dònnɛ̀ koò teénnɛ̀.
53	GEN 2:22	kɛ́túótɛ́ dɛ kó kucĩntóo kɛ́dɔɔ̀nɛ̀ onitipòkù kóò duɔ́ nhonitidɔ̀ù.
54	GEN 2:23	Kòo ò yà kɛ dɔ̀: ɛ̃̀hɛ̃́ɛ̃̀! Ntɛ wèè tu n kṹɔ̃̀ kó dikɔ̃́ũ̀, n kɔ̃̀ntì kó tikɔ̃̀ntì. Bɛ̀ bo nhò yu kɛ tú onitipòkù kɛ yɛ̃́ Kuyie nhò dɔ̀ɔ̀nɛ̀mɛ̀ onitidɔ̀ù kó dikɔ̃́ũ̀ ndi.
55	GEN 2:24	Dɛɛ̀ te kòo nitidɔ̀ù bo yóu o cicɛ nɛ̀ o yɔ̃, kɛ́taunnɛ̀ o pokù kɛ̀ bɛ̀ɛ naá nhonìtì omáà.
62	GEN 3:6	Kòo nitipòkùu wéntɛ́ kɛ́yà yɛtebɛ bo nnaatimɛ̀, kɛ wenni fɛnɔ̀nfɛ̀, kɛ bo na kóò duɔ́ mmɛciì, kɛ́tɔ̃tɛ, kɛ́di kɛ́duɔ́ nho dɔù wèè ò bonɛ̀, kòo di.
67	GEN 3:11	Kɛ̀ ti Yiɛ̀ nKuyie ndɔ̀: We nda nàkɛ́ kɛ tú a bo difɔ̃̀kperì, yáà a di ditebii n yɛ̃ nha báá di dì ndi?
73	GEN 3:17	Kɛ̀ ti Yiɛ̀ nKuyie nnákɛ́ onitidɔ̀ù kɛ dɔ̀: A mɛ̀ nyiemmɛ̀ a pokù kpɛti kɛ di ditebii n yɛ̃ nha báá di dì. M bo cɔ̃ɔ̃ kɛtenkɛ̀, a níí bo kúútí kɛ́fɛ̃́ṹtɛ́ mɛdiɛ̀ nkɛ nɛ́ na kɛ́pɛ́tɛ́ kɛ́di.
80	GEN 3:24	Mɛm̀mɛ ti Yiɛ̀ nKuyie mbɛtimɛ̀ onìtì kupúú Edɛnni miɛkɛ, kɛ́cónnɛ́ bɛĩ́nkɛ̀mbàrìbɛ̀ diyiè yìɛ̀ní kɛ̀ɛ̀ bíɛ́kɛ̀ kɛ̀ bɛ̀ mbaa mutie mùù duɔ̀ mmufòmmu, kɛ ɛinko yɛse kɛ̀ yɛ̀ cɔ̀ú nkɛ dò mmuhãã́.
86	GEN 4:6	Kɛ̀ ti Yiɛ̀ nKuyie nhò bekɛ kɛ dɔ̀: Kayɛ̃ɛ̃ dɛ̀ dòmmɛ kàa miɛkɛ pɛikɛ kàa ììkɛ̀ sɔ̀ùtɛ?
87	GEN 4:7	Kàa dɔ̀ɔ̀ mɛsàà nha yɛ̀mmɛ̀ yóó narikɛmu, kàa mɛ ndɔ̀ɔ̀ dɛ̀ɛ̀ í wenni, mɛyɛi mbo a bòrì kɛ da díí, yetoo kɛ́ mɛ̀ na.
88	GEN 4:8	Mɛm̀mɛ kɛ̀ Kayɛ̃ɛ̃ nákɛ́ o nantɛ̀ Abɛɛdi kɛ dɔ̀: Tí kɔ̃tɛ́. Bɛ̀ kɔ̃tɛ́ dìì mɔ̀nnì kɛ̀ Kayɛ̃ɛ̃ pĩ́ nho nantɛ̀ Abɛɛdi kɛ́kuɔ.
91	GEN 4:11	Di mmɔ̀nnì n da cɔ̃ɔ̃mu kàa bo ítɛ́ kɛ́dɛ́tɛ́nɛ̀ kɛtenkɛ̀ kɛ̀ɛ̀ yã̀ a nantɛ̀ kó mɛyĩ̀ĩ̀ nha kùɔ tɛ̀.
97	GEN 4:17	Kɛ̀ Kayɛ̃ɛ̃ duɔ́nɛ̀ o pokù, kòo púó nkɛ́pɛitɛ́ Enɔki. Kòo maá dihɛì kɛ́ dì yu o birɛ yètìrì kɛ dɔ̀ Enɔki.
103	GEN 4:23	Kɛ̀ Demɛkii nákɛ́ o pobɛ̀ kɛ dɔ̀: Ada nɛ̀ Sida, kéntɛ́nɛ̀ n kpɛti! Díndi Demɛki pobɛ̀ keènɛ̀ n tú mù! Onìtì n kɔ̀ùtɛ kɛ̀ nh ò kùɔ, odapàà nni mpotɛ́ kɛ̀ dɛ̀ màtìnnɛ kɛ̀ nh ò kùɔ.
105	GEN 4:25	Kɛ̀ Adammuu duɔ́nɛ̀ o pokù kòo púó nkɛ́pɛitɛ́ dɛnitidabirɛ, kòo dɛ̀ yu kɛ dɔ̀ Sɛti, dɛ̀ɛ̀ tu Kuyie nhò duɔ́ ndɛbirɛ kɛ̀ dɛ̀ còḿmú Abɛɛdi fɔ̃̀tìrì Kayɛ̃ɛ̃ do kùɔ wè.
109	GEN 5:3	Adammu mɔ̀kɛ dìì mɔ̀nnì yɛbie ntɛkɔ̀ùtɛ̀ nɛ̀ sipísìtããti (130) kɛ́pɛitɛ́ dɛnitidabirɛ kɛ̀ dɛ̀ nhò dònnɛ̀ sósó. Kòo dɛ̀ yu kɛ dɔ̀: Sɛti.
160	GEN 6:22	Kɛ̀ Nɔwee yie nkɛ́dɔɔ̀ Kuyie nhò nàkɛ́ tì timɔu.
165	GEN 7:5	Kɛ̀ Nɔwee yie nkɛ́dɔɔ̀ ti Yiɛ̀ nKuyie nhò nàkɛ́ tì timɔu.
219	GEN 9:13	Nh ãnnɛ́ kutãmmɛyãrí nku tiwɛtì kɛ̀ kù bo mbɛnkú mí nnɛ̀ díndi ti kó mɛtaummɛ̀,
224	GEN 9:18	Nɔwee bí ì do yɛ̀nnímɛ̀ tɛdabɛɛcĩ́ɛ̃̀tɛ̀ iǹyi: Sɛmmu nɛ̀ Kammu nɛ̀ Safɛti. Kammu weè naá nKannahãã kɔbɛ kóo cicɛ.
228	GEN 9:22	Kɛ̀ Kammu Kannahãã kɔbɛ kóo cicɛɛ yà o cicɛ Nɔwee fũ̀ɔ̃̀ feímɛ̀, kɛ́yɛ̀ kɛ́nákɛ́ o tebìí sidɛ́ ditowaà.
231	GEN 9:25	kɛ́bɛ́i nkɛ dɔ̀: A bo yà fɔ̃́ nKannahãã! A bo ntú a tebìí miɛkɛ kudaakù sɔnsɔnku,
232	GEN 9:26	Kòo yíɛ́ kɛ́bɛ́i nkɛ dɔ̀: Ti Yiɛ̀ nKuyie ńdɔɔ̀ mɛsàà nSɛmmu kɛ̀ Kannahãã ńtú o kó kudaakù.
233	GEN 9:27	Kuyie ńdɔɔ̀ mɛsàà nSafɛti nɛ̀ Sɛmmu kɛ̀ bɛ̀ ńwɛ̃ nkɛ bo, kɛ̀ Kannahãã ńtú bɛ kó kudaakù.
241	GEN 10:6	Kammu kó ibí tú: Kuusi nɛ̀ Misidaimmu nɛ̀ Puti nɛ̀ Kannahãã.
243	GEN 10:8	Kuusi weè do wɛ̃̀tɛ kɛ́pɛitɛ́ Nɛmmudoti wèè do naá nhokpàrì ketiwè kɛtenkɛ̀ ĩ́nkɛ̀.
245	GEN 10:10	Ntɛ yɛhɛkɛ̀ ketiyɛ̀ ò do bakɛ́ yɛ̀: Babɛɛdi nɛ̀ Edɛsi nɛ̀ Akadi nɛ̀ Kadinɛɛ. Dɛ kó yɛhɛkɛ̀ do bo Sindeaa miɛkɛ nkɛ.
246	GEN 10:11	Kɛ̀ Nɛmmudotii ítɛ́ dɛ kó dihɛì kɛ́kɔtɛ Asidii kɛ́maá Ninifu nɛ̀ Debotidii nɛ̀ Kadaa.
247	GEN 10:12	Kɛ̀ Desãã ɛì dii ḿbo Ninifu nɛ̀ Kadaa dihɛidiɛ̀ dɛ cuokɛ̀.
250	GEN 10:15	Kɛ̀ Kannahãã pɛitɛ́ Sidonni o kóò Po nɛ̀ Ɛti.
251	GEN 10:16	Kɛ̀ Kannahãã yaàbí ntú: Yebusiibɛ nɛ̀ Amɔriibɛ nɛ̀ Kidikasiibɛ
253	GEN 10:18	nɛ̀ Adifadiibɛ nɛ̀ Semadiibɛ nɛ̀ Amatiibɛ. Dɛ kó difɔ̃nkúò kɛ̀ Kannahãã kɔbɛɛ cíɛ́tɛ́,
255	GEN 10:20	Kammu kó ibí nyi ìì do yàtɛ tinaàmùntì, kɛ́kari yɛhɛkɛ̀ bɛ náaǹtì cã̀ã́ ncã́ã́mmɛ̀ nɛ̀ bɛ botí.
266	GEN 10:31	Kɛ̀ Sɛmmu kɔbɛ múnkɛɛ yɛ̀ kɛ́cã́nnɛ́ yɛhɛkɛ̀, yɛhɛkɛ̀ bɛ náaǹtì dò mmɛ̀ɛ̀ botí.
269	GEN 11:2	Kɛ̀ bɛ̀ɛ kɔtɛ diyiè yìɛ̀ní kɛ̀ɛ̀ bíɛ́kɛ̀ kɛ́yà kubiriku makù, dihɛì bɛ̀ tu dì Sindeaa kɛ bo maá,
271	GEN 11:4	Kɛ̀ tí maá dihɛì, kɛ́maá didènnì kɛ̀ dìi káákɛ́ tiwɛtì, kɛ̀ ti yètìrìi feitɛ́, kɛ̀ ti báá cíɛ́tɛ́ kɛtenkɛ̀ kɛmɔu.
275	GEN 11:8	Kɛ̀ ti Yiɛ̀ nKuyie mbɛ̀ cíɛ nkɛtenkɛ̀ kɛmɔu, bá bɛ̀ í mmaá dɛ kó dihɛì.
297	GEN 11:30	Saraii do tú tɛhãũntɛ ntɛ kɛ́nkpa dɛbirɛ.
298	GEN 11:31	Kɛ̀ Tedaa túótɛ́ o kóo dapàà nhAbarammu nɛ̀ o yaàbirɛ Dɔti Atãã birɛ nɛ̀ o cɔ̀kù Saraii o kóo dapàà nhAbarammu pokù. Kɛ̀ bɛ̀ɛ ítɛ́ Uudi ɛì Babidɔnni tenkɛ̀ kɛ́kɔtɛ Kannahãã tenkɛ̀, kɛ́tuɔkɛ Anaa ɛì kɛ́ nkɛ mbo.
303	GEN 12:4	Dɛ mɔ̀nnì kɛ sɔ̃́ nhAbarammu mɔ̀kɛ yɛbie nsipísìyiekɛ̀ nɛ̀ yɛ̀nùmmù. Kɛ̀ ti Yiɛ̀ nKuyie nhò nàkɛ́ kɛ dɔ̀: Ítɛ́ Anaa ɛì.
304	GEN 12:5	Kòo yie nkɛ́ítɛ́ kɛ́nnɛínɛ̀ o pokù Saraii nɛ̀ o nantɛ̀ birɛ Dɔti kɛ́ntɔ o kpɛrɛ dɛmɔu nɛ̀ o daatì ò do dontɛ́ tì Anaa ɛì, kɛ́kétɛ́ kɛ́cuó nKannahãã bíɛ́kɛ̀, kɛ́tuɔkɛ Kannahãã.
305	GEN 12:6	Mɛm̀mɛ kɛ̀ Abarammuu pɛ̃ɛ̃tɛ́ Sisɛmmu ɛì kɛ́tuɔkɛ dibòrì marì bɛ̀ tu dì Mɔdee mutie mamù borɛ̀. Dɛ kó dimɔ̀nnì Kannahãã kɔbɛ bɛɛ̀ do dɛ̀ bo.
307	GEN 12:8	Ò dɛ nyìtɛ́ kɛ́kɔtɛ yɛtãrɛ̀ kó dihɛì Betɛɛdi diyiè yìɛ̀ní kɛ̀ɛ̀ bíɛ́kɛ̀, kɛ́kari Betɛɛdi nɛ̀ Aii dɛ cuokɛ̀ kɛ tó maá ti Yiɛ̀ nKuyie ndiwũɔ̃tɔ̀nnì tɛrì kɛ́bántɛ̀ ti Yiɛ̀ nKuyie nkɛ́ kù yu kɛ dɔ̀ o Yiɛ̀.
309	GEN 12:10	Kɛ̀ dikònnì diɛrìi tanní dihɛì kɛ̀ Abarammuu ítɛ́, kɛ́kɔtɛ Esibiti tenkɛ̀ kɛ́mbo kɛ dɔ̀ yɛmɔ̀rɛ̀ mayɛ̀.
310	GEN 12:11	Bɛ̀ tùɔ̀kɛ dìì mɔ̀nnì Esibiti kɛ́ntati dihɛì, kɛ̀ Abarammuu nákɛ́ o pokù Saraii kɛ dɔ̀: N yɛ̃́mu a túmɛ̀ oposáátì,
312	GEN 12:13	Á bɛ̀ nàkɛ́ kɛ dɔ̀ n tú a tãũ̀ nwe kɛ̀ bɛ̀ nni ndɔɔri mɛsàà nha kpɛ́í, kɛ̀ nní nfòù.
314	GEN 12:15	Kɛ̀ Esibiti kóo kpààtì kó bɛtɔ̃mbɛ̀ɛ kɔtɛ kɛ́ nhò sãntí okpààtì ììkɛ̀, kóò tùótɛ́ kɛ́kɔtɛnɛ̀ okpààtì cĩ́ɛ̃̀tɛ̀.
315	GEN 12:16	Nɛ̀ o kpɛ́í nkòo kpààtìi dɔ̀ɔ̀ mɛsàà nhAbarammu kóò pãmmú ipe nɛ̀ sibɔɔ́ nɛ̀ inààkɛ nɛ̀ tidaatì bɛnitipòbɛ̀ nɛ̀ bɛnitidaabɛ̀ nɛ̀ sãmmarímúbɛ̀ nɛ̀ yòyóbɛ̀.
316	GEN 12:17	Kɛ̀ ti Yiɛ̀ nKuyie mpotɛ́ okpààtì nɛ̀ o cĩ́ɛ̃̀tɛ̀ kɔbɛ mɛdiɛ̀ nhAbarammu pokù Saraii kpɛ́í.
318	GEN 12:19	Dɛ̀ dòmmɛ̀ kàa n nàkɛ́ kɛ yɛ̃ nha tãũ̀ nwe kɛ̀ nh ò tùótɛ́ kɛ bo puokɛ? Nto a pokù kɛ́pɛ̃ɛ̃tɛ́.
319	GEN 12:20	Kòo kpààtìi duɔ́ nkòo tɔ̃mbɛ̀ɛ bɛti Abarammu nɛ̀ o kpɛrɛ dɛmɔu dihɛì.
326	GEN 13:7	Kɛ̀ Abarammu kó bɛnaacɛ̃mbɛ nɛ̀ Dɔti kɔbɛ kɛ̀ bɛ̀ɛ kpa. Kannahãã kɔbɛ nɛ̀ Pedisiibɛ do dɛ mbo.
331	GEN 13:12	Kɛ̀ Abarammu ḿbo Kannahãã kó dihɛì, kɛ̀ Dɔti ḿbo kubiriku kó yɛhɛkɛ̀, kɛ cónnɛ́ tiyààtì kó titouti kɛ́tuɔkɛnɛ̀ Sodɔmmu.
335	GEN 13:16	M bo duɔ́ nkàa yaàbíi sṹṹ mmɛsàà mmubirímú kɔ̃mɛ. Wèè bo na kɛ́kaa mmubirímú, weè bo na kɛ́kaa nha yaàbí.
343	GEN 14:6	nɛ̀ Oriibɛ bɛ̀ɛ̀ bo Seii kó yɛtãrɛ̀ miɛkɛ, kɛ́ bɛ̀ bɛ̀ti kɛ́tuɔkɛnɛ̀ Edi-Padanni kó dihɛì dìì tɔ̀kɛ́nɛ̀ tɛdɔntɛ̀,
352	GEN 14:15	Kɛ̀ Abarammu bɛ̀ totí yɛtĩ̀rɛ̀ yɛtĩ̀rɛ̀ pɛ́u, kɛ̀ bɛ̀ɛ cɛ̃tìnnɛ bɛ dootitɔbɛ̀ kɛ́ bɛ̀ na, kɛ́ bɛ̀ bɛ̀ti kɛ́tuɔkɛnɛ̀ Obaa, dihɛì dìì bo Damaasi bakù yoú bíɛ́kɛ̀,
356	GEN 14:19	kɛ́mɔɔ Kuyie nkó mɛsàà nhAbarammu kpɛ́í nkɛ dɔ̀: Kuyie nkùù bakɛ́ kɛĩ́nkɛ̀ nɛ̀ kɛtenkɛ̀ kù da dɔɔ̀ mɛsàà.
360	GEN 14:23	kɛ pàrìkɛ̀ kɛ tú n yí yóó túótɛ́ a kpɛrɛ marɛ̀ bá fɛpààkonyĩɛ̃̀fɛ̀ yoo kunɛùkù kó kuhɔ̃ũ, a yàà bo yĩ́ fɔ̃́ɔ̃̀ te mí nhAbarammu kɛ̀ n naá nhokpààtì.
363	GEN 15:2	Kɛ̀ Abarammu dɔ̀: Ti Yiɛ̀ nKuyie nha bo n duɔ́ mba? N yí mɔkɛ dɛbirɛ, kɛ̀ n kóo tɔ̃ntì Ediesɛɛ Damaasi ɛì kou, wèè bo n cĩ́ɛ̃̀tɛ̀, weè yóó túótɛ́ n kpɛrɛ.
365	GEN 15:4	Kɛ̀ ti Yiɛ̀ nKuyie nhò tɛ̃̀ńnɛ́ kɛ dɔ̀: Weè í yóó túótɛ́ a kpɛrɛ. A yóó pɛitɛ́ dɛ̀ɛ̀ birɛ dɛɛ̀ yóó dɛ̀ tùótɛ́.
370	GEN 15:9	Kɛ̀ ti Yiɛ̀ nKuyie nhò nàkɛ́ kɛ dɔ̀: Waanní dinaasɛrì nɛ̀ dibɔsɛrì nɛ̀ dipedaà, dɛ̀ɛ̀ mɔ̀kɛ yɛbie nyɛ̀tããti nɛ̀ tɛnɔ́nkpetɛ nɛ̀ dikpɛtìnɔ́nkperi.
373	GEN 15:12	Diyiè tati dìì mɔ̀nnì kɛ̀ inuɔ mpĩ́ nhAbarammu kòo duɔ́ mɛdiɛ̀, kɛ̀ dibiìnnì diɛrì marìi ò sɔ̃̀ńtɛ́, kɛ̀ kufɔ̃waá nhò pĩ mmɛdiɛ̀.
374	GEN 15:13	Kɛ̀ ti Yiɛ̀ nKuyie nhò nàkɛ́ kɛ dɔ̀: A nyɛ̃́ kɛ tú a yaàbí bo kɔtɛ dihɛì marì dìì í tú i kpɛri, kɛ́ nkɛ̀ bo kɛ dɔ̀ yɛbie nsikɔusìnàà (400), kɛ tú tidaatì kɛ̀ bɛ̀ ì fɛ̃́ũnko.
376	GEN 15:15	Fɔ̃́ nha yó mbonɛ̀ diwɛ̀ì ndi kɛ yàa kótɛ́ kɛ́kú, kɛ̀ bɛ̀ da kũnnɛ́ a yɛmbɛ̀ borɛ̀.
378	GEN 15:17	Diyiè ta dìì mɔ̀nnì kɛ̀ dɛ̀ɛ biitɛ sã̀ṹ, kɛ̀ Kuyie nkɔtɛní kɛ́ndò mmuhãã́ nnɛ̀ kuyukú nɛ̀ fɛhããdɛɛ̀nfɛ̀, kɛ pɛ̃nkù iwũɔ̃ bɛ̀ kèkɛ́ ì sàku.
382	GEN 15:21	nɛ̀ Amɔriibɛ nɛ̀ Kannahãã kɔbɛ nɛ̀ Kidikasiibɛ nɛ̀ Yebusiibɛ, bɛɛ̀ te dɛ kó kɛtenkɛ̀.
385	GEN 16:3	Kɛ̀ Saraii túótɛ́ o kó kudaakù Esibiti tenkɛ̀ kɔku Akaa kɛ́puó nho dɔù Abarammu. Dɛ̀ do sɔ̃́ nhò mɔ̀kɛ yɛbie ntɛpíítɛ̀ ntɛ Kannahãã miɛkɛ.
388	GEN 16:6	Kɛ̀ Abarammuu nákɛ́ Saraii kɛ dɔ̀: A kó kudaakù nku, kɛ̀ fɔ̃́ɔ̃̀ kù te, dɔɔ̀ ku a dɔ́mɛ̀. Mɛm̀mɛ kɛ̀ Saraii fɛ̃́ũ nhAkaa mmɛdiɛ̀, kòo cokɛ́ kɛ́ta dikpáà cuokɛ̀.
391	GEN 16:9	Kɛ̀ ti Yiɛ̀ nKuyie ntɔ̃nnìi ò nàkɛ́ kɛ dɔ̀: Wɛ̃tɛ o borɛ̀ kɛ́nyíé nhò yɛ̃ mmù.
398	GEN 16:16	Akaa do yóó pɛitɛ́ Abarammu dɛbirɛ kɛ sɔ̃́ nhò mɔ̀kɛ yɛbie nsipísìni nɛ̀ yɛkuɔ̀ ndi.
399	GEN 17:1	Abarammu mɔ̀kɛ dìì mɔ̀nnì yɛbie nsipísìwɛi nɛ̀ yɛ̀wɛi, kɛ̀ ti Yiɛ̀ nKuyie nhò bɛnkɛ kumáà, kóò nàkɛ́ kɛ dɔ̀: Míì tu Kuyie mmuwɛ̃rímú mumɔu yiɛ̀. A ndɔɔri n dɔ́mɛ̀ sã́ã̀.
401	GEN 17:3	Kɛ̀ Abarammuu nínkú kɛ́sĩ́nnɛ́ kɛtenkɛ̀, kɛ̀ Kuyie nhò nàkɛ́ kɛ dɔ̀:
403	GEN 17:5	A yètìrì tɛ̃́nkɛ í yó ntú Abarammu, bɛ̀ yó nda yu kɛ tú Abarahammu nwe, kɛ yɛ̃́ fɔ̃́ɔ̃̀ yóó naámmɛ̀ ibotí pɛ́u cicɛ.
406	GEN 17:8	Fɔ̃́ nnɛ̀ a yaàbí m bo di duɔ́ nkɛtenkɛ̀ a mɛ̀ mbo kɛ̀ kupɔ̀ɔ̀kù, di bo tiekɛ Kannahãã omɔu sã́ã̀, mí nKuyie nkɛ̀ nní ndi te.
407	GEN 17:9	Kɛ̀ Kuyie nyíɛ́ kɛ́nákɛ́ Abarahammu kɛ dɔ̀: Fɔ̃́ nnɛ̀ a yaàbí nɛ̀ di bo mbomɛ̀, di mpĩ́ n kó mɛtaummɛ̀.
410	GEN 17:12	kɛ́ncãmmù nɛ̀ tidaatì bɛ̀ piɛ́ tì di cɛ̃́ĩ nɛ̀ di do ntì, nɛ̀ bɛpɔ̀ɔ̀bɛ̀ bɛ̀ɛ̀ di bonɛ̀. Kɛ̀ di níí pɛitɛ́ dɛnitidabirɛ, dɛ̀ mmɔkɛ yɛwe yɛ̀ni kɛ dí dɛ̀ cãntɛ́. Di yó mmɛ nhɔ̃ nkɛ̀ dɛ̀ ntú ti kó mɛtaummɛ̀ kó mɛcannimɛ̀ mí nnɛ̀ díndi sã́ã̀.
413	GEN 17:15	Kɛ̀ Kuyie nnákɛ́ Abarahammu kɛ dɔ̀: A tɛ̃́nkɛ bá nyu a pokù kɛ tú Saraii, o yètìrì yó ntú Saraa nwe.
415	GEN 17:17	Kɛ̀ Abarahammuu nínkú kɛ́sĩ́nnɛ́ kɛtenkɛ̀, kɛ́daá, kɛ́bɛ́i nnɛ̀ o yɛ̀mmɛ̀ miɛkɛ kɛ dɔ̀: M bo yĩ́mɛ kɛ́pɛitɛ́ dɛbirɛ mí nwèè mɔ̀kɛ yɛbie ntɛkɔ̀ùtɛ̀ (100), kɛ̀ Saraa mɔ̀kɛ yɛbie n sipísìwɛi, ò bo yĩ́mɛ kɛ́pɛitɛ́?
416	GEN 17:18	Kɛ̀ Abarahammuu nákɛ́ Kuyie nkɛ dɔ̀: Kɛ̀ Isimayɛɛri cɛ̃́nkɛ fòù, kàa ò dɔ̀ɔ̀ mɛsàà, m báá bekɛ òmɔù tɛ̃́nkɛ!