51	GEN 2:20	Kɛ̀ Adammuu duɔ́ nyicɛ̃wũɔ̃ i yètɛ̀ kɛ́duɔ́ nyikpakpɛyi i yètɛ̀, kɛ́duɔ́ nsinɔɔ si yètɛ̀. Ò mɛ nyí mpɛ̀tɛ́ wèè bo nhò dònnɛ̀ koò teénnɛ̀.
111	GEN 5:5	Ò do mɔkɛ yɛbie nsikɔusìwɛi nɛ̀ sipísìtããti (930) ndi kɛ́kú.
113	GEN 5:7	Ò pɛitɛ́ dìì mɔ̀nnì Enɔsi kɛ́deè kɛ́mmɔkɛ yɛbie nsikɔusìni nɛ̀ yɛ̀yiekɛ̀ (807), kɛ́piɛ́ initidabí nɛ̀ initipobí pɛ́u.
117	GEN 5:11	Ò do mɔkɛ yɛbie nsikɔusìwɛi nɛ̀ yɛ̀nùmmù (905) ndi kɛ́kú.
120	GEN 5:14	Ò do mɔkɛ yɛbie nsikɔusìwɛi nɛ̀ tɛpíítɛ̀ (910) ntɛ kɛ́kú.
122	GEN 5:16	Ò pɛitɛ́ Yederi kɛ́deè, kɛ́mmɔkɛ yɛbie nsikɔusìni nɛ̀ sipísìtããti (830), kɛ́wɛ̃tɛ kɛ́piɛ́ initidabí nɛ̀ initipobí pɛ́u.
123	GEN 5:17	Ò do mɔkɛ yɛbie nsikɔusìni nɛ̀ sipísìwɛi nɛ̀ yɛ̀nùmmù (895) ndi kɛ́kú.
125	GEN 5:19	Ò pɛitɛ́ Enɔki kɛ́deè kɛ́yíɛ́ kɛ́mɔɔtɛ yɛbie nsikɔusìni (800), yɛ miɛkɛ nkɛ ò piɛ́mɛ̀ initidabí nɛ̀ initipobí pɛ́u.
126	GEN 5:20	Ò do mɔkɛ yɛbie nsikɔusìwɛi nɛ̀ sipísìkuɔ̀ nɛ̀ yɛ̀dɛ́ɛ̀ (962) ndi kɛ́kú.
128	GEN 5:22	Ò pɛitɛ́ Matusadɛmmu kɛ́deè, kɛ́mmɔkɛ yɛbie nsikɔusìtããti (300), kɛ́ntaunɛ̀ Kuyie, kɛ́piɛ́ initidabí nɛ̀ initipobí pɛ́u.
129	GEN 5:23	Ò do mɔkɛ yɛbie nsikɔusìtããti nɛ̀ sipísìkuɔ̀ nɛ̀ yɛ̀nùmmù (365) ndi.
130	GEN 5:24	Ò do taunɛ̀ Kuyie nku, kɛ̀ kùu ò tùótɛ́ kɛ́kònnɛ̀ ku ciɛ kɛ̀ bɛ̀ɛ ò mɔ̀ńtóo.
132	GEN 5:26	Ò pɛitɛ́ Demɛki kɛ́deè kɛ́mmɔkɛ yɛbie nsikɔusìyiekɛ̀ nɛ̀ sipísìni nɛ̀ yɛ̀dɛ́ɛ̀ (782), kɛ́piɛ́ initidabí nɛ̀ initipobí pɛ́u.
133	GEN 5:27	Ò do mɔkɛ yɛbie nsikɔusìwɛi nɛ̀ sipísìkuɔ̀ nɛ̀ yɛ̀wɛi (969) ndi kɛ́kú.
136	GEN 5:30	Ò pɛitɛ́ Nɔwee kɛ́deè, kɛ́wɛ̃tɛ kɛ́mɔɔtɛ yɛbie nsikɔusìnùmmù nɛ̀ sipísìwɛi nɛ̀ yɛ̀nùmmù (595), kɛ́piɛ́ initidabí nɛ̀ initipobí pɛ́u.
137	GEN 5:31	Ò do mɔkɛ yɛbie nsikɔusìyiekɛ̀ nɛ̀ sipísìyiekɛ̀ nɛ̀ yɛ̀yiekɛ̀ (777) ndi kɛ́kú.
277	GEN 11:10	Sɛmmu kó kufuku tú kuu: Ò do mɔkɛ yɛbie ntɛkɔ̀ùtɛ̀ (100) ntɛ kɛ́pɛitɛ́ Adipakisadi kɛ sɔ̃́ ndɛ̀ mɔ̀kɛ yɛbie nyɛ̀dɛ́ɛ̀ nɛ̀ mɛniɛ nkùɔmɛ̀ bɛnìtìbɛ̀.
307	GEN 12:8	Ò dɛ nyìtɛ́ kɛ́kɔtɛ yɛtãrɛ̀ kó dihɛì Betɛɛdi diyiè yìɛ̀ní kɛ̀ɛ̀ bíɛ́kɛ̀, kɛ́kari Betɛɛdi nɛ̀ Aii dɛ cuokɛ̀ kɛ tó maá ti Yiɛ̀ nKuyie ndiwũɔ̃tɔ̀nnì tɛrì kɛ́bántɛ̀ ti Yiɛ̀ nKuyie nkɛ́ kù yu kɛ dɔ̀ o Yiɛ̀.
323	GEN 13:4	Ò do maá dɛ̀ diwũɔ̃tɔ̀nnì kɛ́bántɛ̀ ti Yiɛ̀ nKuyie nkɛ́ kù yu kɛ dɔ̀ o Yiɛ̀.
386	GEN 16:4	Kɛ̀ Abarammuu duɔ́nɛ̀ Akaa kòo púó. Ò bantɛ́ dìì mɔ̀nnì ò pùómmɛ̀ kɛ́senkɛ̀rì Saraii ò tu wèè kó kudaakù.
418	GEN 17:20	A m bekɛ tì Isimayɛɛri kpɛ́í, n yiemmu kɛ yóó ò dɔɔ̀ mɛsàà. Ò bo pɛitɛ́ mɛsàà, nkòo botíi sṹṹ, bɛkpààtìbɛ̀ tɛpíítɛ̀ nɛ̀ bɛ̀dɛ́bɛ̀ bo yɛ̀nní o botí miɛkɛ, kòò ntú kubotí diɛkù yààrì.
434	GEN 18:9	Kɛ̀ bɛ̀ɛ bekɛ Abarahammu kɛ dɔ̀: A pokù Saraa borɛ? Kòò dɔ̀: Ò bo kutouku miɛkɛ.
503	GEN 20:7	Tɛ̃́nnɛ́ dɛ kóo nitipòkù o dɔù. Ò dɔù tu m pããnáaǹtì náaǹtò nwe. Ò bo m bántɛ̀ a kpɛ́í kàa nfòù. Kàa mɛ nyí ò tɛ̃̀ńnɛ́, á nyɛ̃́ kɛ tú a yóó kúmu nɛ̀ a kɔbɛ bɛmɔu.
508	GEN 20:12	Ò tu n tãũ̀ nwe bakɛ yie, kɛ̀ ti wɛ̃ nti cicɛ omáà kɛ̀ ti yɔ̃bɛ̀ nɛ́ cã́ã́. Kɛ̀ nh ò puokɛ.
574	GEN 23:2	Ò ku Kidiyati-Adiba kó dihɛì ndi, bɛ̀ tu dì Ebunɔɔ Kannahãã kó kutempɛ̃ mmiɛkɛ, kɛ̀ Abarahammuu dɔɔ̀ ikuɔ́ kɛ́kɔmmú o pokù kṹṹ,
603	GEN 24:11	Ò tùɔ̀kɛ dìì mɔ̀nnì tɛbintɛ dihɛì mànku kɛ́duɔ́ nkɛ̀ yòyóbɛ̀ɛ nínkú. Dɛ̀ do tú kuyuoku nku dikónnɛ́tarì mɔ̀nnì.
607	GEN 24:15	Ò kpaá mɛ nnáá nkɛ̀ Abarahammu nantɛ̀ Naɔɔ pokù Midikaa birɛ Betuyɛɛdi kóo sapàà Debekaa yɛ̀nní kɛ tɔ didúù.
611	GEN 24:19	Ò dèè dìì mɔ̀nni kòò dɔ̀: M bo duɔ́ nha yòyóbɛ̀, kɛ̀ bɛ̀ɛ yã̀ kɛ́nsànnɛ̀.
667	GEN 25:8	Ò do kòtɛ́ mɛdiɛ̀ mmɛ kɛ́mbo diwɛ̀ì miɛkɛ kɛ́kúnɛ̀.
802	GEN 29:6	Kòò dɔ̀: Ò bo kɛ̀ dɛ̀ naataà? Kɛ̀ bɛ̀ dɔ̀: Ɛ̃ɛ̃, dɛ̀ naatimu! Ntɛ o kóo sapàà nDasɛɛdi kɛ kéríní nɛ̀ o pecɛ̃nku.
805	GEN 29:9	Kɛ̀ bɛ̀ nkpaá kɛ mɛ nnáá nkɛ̀ Dasɛɛdii tuɔkɛní nɛ̀ o cicɛ pecɛ̃nku. Ò do tú opecɛ̃nti nwe.
863	GEN 30:32	Ò bɛ́i mɛmmɛ kɛ dɔ̀: M bo batɛ yíe nha pe nɛ̀ sibɔɔ́ kɛ́cã́nnɛ́, dɛ̀ɛ̀ ã sisuɔ, nɛ̀ dɛ̀ɛ̀ dò nyàùyàù dɛɛ̀ yó ntú n kó tiyeti.
882	GEN 31:8	Ò yĩ dìì mɔ̀nnì ìì ã sisuɔ ì bo ntú n kpɛyi kɛ̀ ìi piɛ́ ìì ã sisuɔ, kòò dɔ̀ ìì dò nyàùyàù ì bo ntú n kpɛyi, kɛ̀ ìi piɛ́ ìì dò nyàùyàù.
889	GEN 31:15	Ò ti wèńtɛ́ bɛpɔ̀ɔ̀bɛ̀ mbɛ, kɛ tì fìtɛ́ kɛ di ti díítí, bá wè í ti duɔ́ nwe do dò nkɛ́ ti duɔ́ nyì.
958	GEN 32:30	Kɛ̀ Sakɔbu dɔ̀: N da báámmu n nákɛ́ a yètìrì, kòò dɔ̀: Ba nte kàa m bèkú n yètìrì? Ò mɛ nyĩ kóò dɔ̀ɔ̀ mɛsàà.
1043	GEN 36:2	Ò do puokɛ Kannahãã kó bɛnitipòbɛ̀ mbɛ, Ada Edonni birɛ, Itiibɛ kó kubotí kou, nɛ̀ Odibamaa Ana birɛ, wèè yààrì tu Sibeɔ̃ɔ̃ Efiibɛ kó kubotí kou
1106	GEN 37:22	Ãnnɛ́nɛ̀ we tɛbintɛ tiɛ mmiɛkɛ! Di báá ò kùɔ. Ò do dɔ́ kóò dɛɛtɛ́mu kóò kpɛ̃nnɛ́ o cicɛ borɛ̀.
1125	GEN 38:5	kɛ́yíɛ́ kɛ́púó nkɛ́pɛitɛ́ dɛnitidabirɛ kɛ́ dɛ̀ yu kɛ dɔ̀ Sedaa. Ò do bo Kesibu nwe kóò pɛitɛ́.
1131	GEN 38:11	Kɛ̀ Sudaa nákɛ́ o cɔ̀kù Tamaa kɛ dɔ̀: Kò nha cicɛ borɛ̀ kɛ́mbaà Sedaa bo kótɛ́mɛ̀. Ò do yĩɛ̃̀kù Sedaa bo kúmɛ̀ mmɛ o kó bɛkótíbɛ̀ kɔ̃mɛ. Kɛ̀ Tamaa kò nho cicɛ cĩ́ɛ̃̀tɛ̀.
1146	GEN 38:26	Kɛ̀ Sudaa bantɛ́ tinɛntì, kɛ́bɛ́i nkɛ́ dɔ̀: Ò tũ̀nnɛmu ikuɔ́ kɛ m pɛ̃ɛ̃tɛ́, n do dò nkóò duɔ́mmu n kóo dapàà nSedaa kòo yenkɛ, m mɛ̀ nyí wè nhò duɔ́. Sudaa tɛ̃́nkɛ í nhò duɔ́nɛ̀.
1159	GEN 39:9	Ò í dɛu kɛ m pɛ̃ɛ̃tɛ́ tɛcĩ́ɛ̃̀tɛ̀ tiɛ mmiɛkɛ. Ò í n yetɛnɛ̀ dɛ̀marɛ̀ kɛ̀ dɛ̀ í tú fɔ̃́, kɛ yɛ̃́ a túmɛ̀ o pokù. Dɛ̀ bo yĩ́mɛ kɛ̀ n dɔɔ̀ mɛyɛi ndiɛmɛ̀ miɛ nkɛ́yetɛ́nɛ̀ Kuyie?
1204	GEN 41:8	Kɛ̀ dɛ̀ɛ ò di, kɛ̀ dɛ̀ɛ wentɛ́ kòo yú Esibiti ɛì kó bɛnitinɔ̀mbɛ̀ nɛ̀ mɛciì nyɛmbɛ̀, kɛ́ bɛ̀ nàkɛ́ o dɔuǹtì. Òmɔù mɛ nyí nna kóò nàkɛ́ dɛ kó tidɔuǹtì tu mù.
1257	GEN 42:4	Sakɔbu mɛ nyí nyie nkɛ̀ Bɛnsamɛɛ, Sosɛfu nantɛ̀ nnɛí. Ò do yĩɛ̃̀kù mɛyɛi mmamɛ̀ yàà bo ò tùɔ̀kɛnímɛ̀ mmɛ.
1347	GEN 44:22	Okótì, kɛ̀ ti da tɛ̃́nnɛ́ kɛ dɔ̀: Ò báá na kɛ́ítɛ́ o cicɛ borɛ̀, kòò ìtɛ́ o cicɛ yóó kúmu.
1558	EXO 2:3	Ò tɛ̃́nkɛ í nna kɛ bo ndɛ̀ sɔ̀rì, kɛ́tɛí dikũ̀mànnì kùtìnɔ́ɔ̀, kɛ́ dɛ̀ ãnnɛ́ di miɛkɛ, kɛ́ta kɛ́dɔú nkukó nNiidi tipèntì miɛkɛ.
1575	EXO 2:20	Kɛ̀ bɛ̀ cicɛ dɔ̀: Ò borɛ? Dɛ̀ dòmmɛ kɛ̀ di kɛ̀ nhò yóu? Kɔtɛnɛ̀ kóò yuní kòo di.
1616	EXO 4:14	Kɛ̀ ti Yiɛ̀ nKuyie mmiɛkɛɛ pɛikɛ Mɔyiisi mɛdiɛ̀. Kɛ̀ kù dɔ̀: Defii kó kuwuɔ nkou a kóo kótì Anɔɔ nɔmmu kɛ náá. Ò kèrínímu kɛ bo da co, kɛ da yà kòo yɛ̀mmɛ̀ɛ narikɛ.
1801	EXO 10:23	Òmɔù tɛ̃́nkɛ í nwúó nhotɔù, òmɔù í nyìtɛ́ o kàrì, kɛ̀ kuwenniku nɛ́ mbo Isidayɛɛribɛ kó dikarì.
1839	EXO 12:22	Dí waá ìsɔ́pù kó tifãã̀tì kɛ́pɔɔ̀tɛ̀ mɛyĩ̀ĩ̀ ndinaabuu miɛkɛ kɛ́níɛ́tɛ́ dibòrì tipíìtì tidɛ́ nɛ̀ dibòrì ĩ́nkɛ̀. Òmɔù báá yɛ̀ ditowaà kɛ̀ dɛ̀ yàa wentɛ́nɛ̀.
1967	EXO 16:19	Kɛ̀ Mɔyiisii bɛ̀ nàkɛ́ kɛ dɔ̀: Òmɔù báá súɔ́ mmudiì nankɛ dikṹnweńnì kpɛ́í.
2039	EXO 19:12	Á níɛ́tɛ́ kumànku, kɛ́fii nditã́rì kɛ́ bɛ̀ nàkɛ́ kɛ dɔ̀: Òmɔù báá dekɛ ditãrì yoo wèe dì kàákɛ́, kɛ̀ wèè dì kàákɛ́ bɛ̀ɛ ò kùɔ.
2086	EXO 21:8	Kòò mɛ nkù dontɛ́ kɛ yóó puokɛmu, kɛ tɛ̃́nkɛ í kù dɔ́, wèe wɛ̃tɛ kɛ́ kù fìtɛ́nɛ̀ ku cicɛ. Ò báá kù fìtɛ́nɛ̀ kubotí tɛkù. Kòò dɔ̀ɔ̀ mɛmmɛ wè kù yetɛ́nɛ̀mu.
2146	EXO 23:1	Òmɔù báá keè siyáàbìsí kɛ́ ntì sɔkɛ́nɛ̀. Òmɔù báá kónnɛ́ oyɛiwe.
2147	EXO 23:2	Òmɔù báá tũnnɛ kusṹkù kɛ́dɔɔ̀ mɛyɛi. Òmɔù báá yie nkusṹkù kpɛti kɛ́dɔɔ̀ dɛ̀ɛ̀ í wenni.
2148	EXO 23:3	Òmɔù báá kónnɛ́ òmɔù kòò í naati, bá kòò tu ocĩ̀rì.
2163	EXO 23:18	Òmɔù bá n féútɛ́ fɛɔ̃̀fɛ̀ kɛ́wɛ̃nnɛ́nɛ̀ fɛ yĩ̀ĩ̀ mpɛ̃́ɛ̃̀ wèè kɔɔrɛnɛ̀ mutie mùù muuti, fɛ kùɔ̀ mmɛ mbá nyĩ́ĩ́kú kɛyènkɛ̀ kɛ̀ dɛ̀ɛ wentɛ́nɛ̀.
2329	EXO 28:35	Anɔɔ yó ndáátí diì yaàbòrì kɛ pĩ́nnɛ̀ n kuɔ́ tɔ̃mmú. Ò tati dìì mɔ̀nni nɛ̀ ò yɛ̀tì dìì mɔ̀nnì bɛ̀ nyo idedekɛ́ kuɔ̀mmɛ̀ kɛ̀ dɛ̀ɛ yie kòò báá kú.
2420	EXO 30:37	Òmɔù báá kɔɔrɛ o kó tihúúntì mɛ botí. Tì yó ntú n kuɔ́ tɔ̃mmú máà kpɛti nti.
2500	EXO 34:3	Òmɔù báá da nɛinɛ̀ní, òmɔù mɛ m̀báá dekɛ ditãrì kupíkù makù. Inààkɛ nɛ̀ ipe mɛ m̀báá dekɛní.
2565	EXO 35:33	Kɛ nɔ nkɛ cɛ́ú yɛtã́sààyɛ̀ kɛ yɛ̀ dàrì ò yɛ̀ dɔ́nɛ̀ dɛ̀, kɛ nɔ nkɛ cɛ́ú idɛí. Ò do tú oyántì nwe.
2611	EXO 37:6	Ò dèè mɛmmɛ kɛ́dɔɔ̀ tɛ pòkù nɛ̀ mɛsɔɔ mmáà kɛ̀ ku okùmɛ̀ ḿbo mɛ́tìrì òmáà nɛ̀ sãntimɛ́tìrì sipísìdɛ́ nɛ̀ mɛ̀nùmmù, kɛ̀ ku pɛ̃kùmɛ̀ ḿbo sãntimɛ́tìrì sipísìyiekɛ̀ nɛ̀ mɛ̀nùmmù,
2741	EXO 40:33	Kɛ̀ Mɔyiisii fíí nyidɛí Kuyie ntaummɛ̀ tou nɛ̀ dihúúntɔ̀nnì kɛ́kpetínnɛ́ kudànkù kó dibòrì kuyààkù. Ò do mɛ ndèè o tɔ̃mmú.
2796	LEV 3:17	Òmɔù bá nyo mmɛkùɔ̀ nnɛ̀ mɛyĩ̀ĩ̀ mbá kɛ̀ di bo kɛ̀ɛ̀ bíɛ́kɛ̀, dɛ̀ tu ikuɔ́ nyi di kpɛ́í nnɛ̀ di yaàbío sã́ã̀.
2816	LEV 4:20	Ò baa do dɔ̀ɔ̀mɛ̀ o kó dinaadaà mɛyɛi ncĩ́ɛ̃́mmɛ̀ kpɛri ò yóó mɛ ndɔɔ̀ bɛ kpɛri, kɛ́ bɛ̀ dɔ̀ɔ̀ mɛyɛi ncĩ́ɛ̃́mmɛ̀ kó ikuɔ́, kɛ̀ m bɛ̀ cĩ̀ɛ̃́.
2949	LEV 8:31	Ò dèè mɛmmɛ kɛ́nákɛ́ Anɔɔ nɛ̀ o bí kɛ dɔ̀: Bénnɛ́nɛ̀ imaa mmɛtaummɛ̀ tou bòrìnùù kɛ́ dɛ nyì càákɛ́, kɛ́wɛ̃nnɛ́nɛ̀ ikuɔ́ kóo pɛ̃́ɛ̃̀, bɛ̀ ɔ̃ɔ̃ cã́nnɛ́nɛ̀ wè ikuɔ́ nìùbɛ̀, kù n nàkɛ́ kɛ yɛ̃ ndi níí dɛ̀ di mɛ̀ɛ̀ botí.
2969	LEV 9:15	Ò bɛnkɛ dìì mɔ̀nnì ti Yiɛ̀ nKuyie mbɛnìtìbɛ̀ kù pã yɛ̀ɛ̀ pãrɛ̀ kɛ́deè kɛ́túótɛ́ dibɔdaà mɛyɛi ncĩ́ɛ̃́mmɛ̀ kpɛri kɛ́ dì fèútɛ́ ò do fèútɛ́ mɛ̀ɛ̀ botí diketirì,
3121	LEV 14:9	Diyiè yiénnì yie kòo kuó o cìtì: O yùtì nɛ̀ o dɛɛ̀nfɛ̀ nɛ̀ o nɔncìtì, o cìtì timɔu cɛ̃́nkɛ, kɛ́ɔ́ú o yààtì, kɛ́wuɔ. Ò tɛ̃́nkɛ í sĩ̀.
3132	LEV 14:20	Kɛ̀ bɛ̀ɛ fɛ̀ wɛ̃nnɛ́nɛ̀ muyuo mbɛ̀ m pã mù kɛ́tuɔ, kóò dɔ̀ɔ̀ mɛyɛi ncĩ́ɛ̃́mmɛ̀ kó ikuɔ́. Ò tɛ̃́nkɛ í sĩ̀.
3150	LEV 14:38	Ò nyɛtìní dibòrì kɛ́duɔ́ nkɛ̀ bɛ̀ɛ tɛ̀ kpetínnɛ́ kɛ̀ tɛ̀ dɔ̀ yɛwe yɛ̀yiekɛ̀ kɛ kpetí.
3164	LEV 14:52	Ò dɔ̀ɔ̀ dìì mɔ̀nnì tɛcĩ́ɛ̃̀tɛ̀ mɛwénkùmɛ̀ kó ikuɔ́ nɛ̀ tɛnɔ̀tɛ̀ ò fèútɛ́ tɛ̀ mɛnɛ́sààmɛ̀ miɛkɛ tɛ kó mɛyĩ̀ĩ̀ nnɛ̀ sɛ́tìrì kó kudɔú nɛ̀ ìsɔ́pù kó tifãã̀tì nɛ̀ tipecìtì tìì to mmɛwũɔ̃̀.
3190	LEV 15:21	Kɛ̀ wèè kàákɛ́ o dɔ́ù wèe ɔ́ú o yààtì kɛ́wuɔ. Ò sĩ̀ntɛmu dɛ yiè kɛ́ntɔ kɛ́tuɔkɛnɛ̀ kuyuoku.
3219	LEV 16:17	Òmɔù bá mbo mɛtaummɛ̀ tou miɛkɛ ò tati dìì mɔ̀nnì kɛ bo dɔɔ̀ mɛyɛi nhũtímù kó ikuɔ́, nɛ̀ ò bo tamɛ̀ kɛ́yɛ̀nnɛ̀nní, kòò dɔ̀ɔ̀ o mɔ́mmuɔ nho kó mɛyɛi nhũtímù kó ikuɔ́ nɛ̀ o cĩ́ɛ̃̀tɛ̀ kɔbɛ kɔ̃mɛ nɛ̀ kubotí kɔ̃mɛ kpɛ́í nkɛ dèè.
3261	LEV 18:9	Òmɔù di miɛkɛ báá duɔ́nɛ̀ o tãũ̀, kɛ̀ bɛ̀ wɛ̃ mbɛ yɔ̃ yoo bá kòo yɔ̃ yanto kou nwe. Kɛ̀ bɛ̀ ò pɛitɛ́ tɛcĩ́ɛ̃̀tɛ̀ yoo bɛ̀ ò pɛitɛ́ kupíkù makù, ò báá ò duɔ́nɛ̀.
3263	LEV 18:11	Òmɔù báá duɔ́nɛ̀ o tãũ̀ nɛ̀ wè bɛ̀ wɛ̃ mbɛ cicɛ, o cicɛ birɛ ndɛ, kòò tu o tãũ̀, ò báá ò duɔ́nɛ̀.
3266	LEV 18:14	Òmɔù báá duɔ́nɛ̀ o cicɛ nantɛ̀ pokù, kɛ yɛ̃́ o cicɛ nantɛ̀ pokù nwemɛ̀.
3272	LEV 18:20	Òmɔù báá duɔ́nɛ̀ otɔù pokù, kòò ò duɔ́nɛ̀ ò sĩ̀ntɛmu.
3297	LEV 19:15	Òmɔù báá bekɛ́ tibeéntì mɛyɛi. Mɛbatimɛ̀ bá mbo, òmɔù báá kónnɛ́ ocĩ̀rì, òmɔù mɛ mbáá yɔtɛ okperì. Bá wè ò níí bekɛ́ tibeéntì tì dò nwèe tì bekɛ́ mɛ̀ɛ̀ botí.
3299	LEV 19:17	Òmɔù bá nníí nho kou tɔù, kɛ̀ dɛ̀ nɛ́ dò nha ò kpannɛ̀, a báá yóu a bo ò kpannɛ̀mɛ̀ kɛ̀ dɛ̀ɛ̀ yie nkàa báá tɔ mɛyɛi mmamɛ̀.
3301	LEV 19:19	Di ntũ n kuɔ́, òmɔù di miɛkɛ báá yóu kòo wũɔ̃ ìì cã̀ã́ nkubotí kɛ̀ ìì dekɛ itɔbɛ̀, òmɔù báá buɔtí kupaku kùmáà idibotí ìdɛ́ì ìì cã̀ã́. Òmɔù di miɛkɛ níí báá dáátí tiyààtì tìì dùɔ̀kɛnɛ̀ mupaàkómmú mùù cã̀ã́ nyibotí.
3308	LEV 19:26	Òmɔù báá cáákɛ́ fɛɔ̃̀fɛ̀ bɛ̀ í fèútɛ́ fɛ̀ kɛ̀ fɛ yĩ̀ĩ̀ ncòú. Òmɔù bá mpãũ̀ yoo wè ndɔɔri dɛnitinɔ̀nkpɛrɛ.
3311	LEV 19:29	Òmɔù báá duɔ́ nho birɛ tɛbɔɔcĩ́ɛ̃̀tɛ̀ kɛ́nte kɛ̀ dɛ̀ɛ tũnnɛ yɛbɔkɛ̀, kɛ́nte kɛ̀ dihɛì dimɔuu ndɛ dɔunɛ̀ kɛ dɔɔri isɔkɛ kpɛrɛ.
3328	LEV 20:9	Wèè sã̀ã́ nho cicɛ yoo o yɔ̃ bɛ̀ɛ ò kùɔ. Ò kùɔ omáà ndi kɛ yɛ̃́ o sã̀ã́mmɛ̀ o cicɛ nwe yoo o yɔ̃.
3338	LEV 20:19	Òmɔù báá duɔ́nɛ̀ o yɔ̃ nantɛ̀ yoo o yɔ̃ kóo kótì yoo o cicɛ tãũ̀. Di tú mɛyĩ̀ĩ̀ mmɛ̀máà kɔbɛ mbɛ, kòò mɛ̀ dɔ̀ɔ̀ bɛɛ̀ yóó tɔ dɛ kó mɛyɛi. Wèè mɛ̀ dɔ̀ɔ̀ wenwe nɛ̀ ò duɔ́nɛ̀ wè bɛ̀ tɔ bɛdɛ́ ndi dɛ kó mɛyɛi.
3346	LEV 20:27	Di miɛkɛ kòo nitidɔ̀ù mɔù yoo onitipòkù tu opãũ̀ yoo ò boorí tinubootì, bɛ̀ɛ ò bùɔ́tí yɛtã́rɛ̀ kɛ́kuɔ. Ò kùɔ omáà ndi.
3357	LEV 21:11	Ò báá tɔ́ɔ́nnɛ̀ ocíì kɛ́sĩnkùnnɛ omáà, bá kòo cicɛ nwe yoo o yɔ̃.
3358	LEV 21:12	Ò báá yɛ̀ mɛtaummɛ̀ tou, ò yàà bo dì sĩ̀nkùnnɛ mɛ̀ɛ̀ kpɛ́í. Bɛ̀ ò còú mmɛkùɔ̀ mmɛ koò cã̀ńnɛ́ mí nKuyie n kpɛ́í. Míì tu di Yiɛ̀ nKuyie.
3360	LEV 21:14	Ò báá puokɛ okúpokù yoo wèè yenkɛ kɛ yentɛ́ yoo wèè dɔuti dɔutinɛ̀ bɛnitidaabɛ̀ kɛ càkɛ omáà. Ikuɔ́ nìùbɛ̀ botí miɛkɛ nkɛ ò dò nkɛ́tããtɛ́mɛ̀ osapàà nwèè mu nyí yɛ̃́ onitidɔ̀ù, kɛ́puokɛ.
3361	LEV 21:15	Ò yàà bo sĩ̀nkùnnɛ o fuku. Mí ndi Yiɛ̀ nKuyie mmíì ò cã̀ńnɛ́.
3369	LEV 21:23	Ò mɛ mbáá ta mɛtaummɛ̀ tou kuyààkù kpetí dɛ̀ yoo wèe tɔ́ɔ́nnɛ̀ diwũɔ̃tɔ̀nnì, ò tu kuyɛ̀nkù yiɛ̀ nwe, ò yàà bo sĩnkùnnɛ mɛtaummɛ̀ tou nɛ̀ di nɛntì. N tú di Yiɛ̀ nKuyie nku kɛ míì dɛ̀ cã̀ńnɛ́.
3376	LEV 22:6	Kòò sĩ̀nkùnnɛ omáà mɛbotí ò sĩ̀mmu kɛ́ntɔ kɛ́tuɔkɛnɛ̀ kuyuoku. Ò báá na kɛ́di bɛ̀ m pã dɛ̀ kɛ́mbaanɛ̀ ò bo wuɔmɛ̀.
3378	LEV 22:8	Òmɔù di miɛkɛ báá di fɛɔ̃̀fɛ̀ fɛ̀ɛ̀ ku yoo musĩ̀mmù pĩ nfɛ̀. Kòò fɛ̀ di ò sĩ̀ntɛmu. Míì tu di Yiɛ̀ nKuyie.
3383	LEV 22:13	Kòo dɔù mɛ nku yoo bɛ̀ ò bɛ̀ti kòò konní bá ò í mɔkɛ dɛbirɛ, kɛ wɛ̃̀tɛní kɛ bo o cĩ́ɛ̃̀tɛ̀ ò do bɛ̀ bonɛ̀ kɛ dòmmɛ̀. Ò bo na kɛ́di o cicɛ yo ntìì diitì. Ikuɔ́ nìùtì cĩ́ɛ̃̀tɛ̀ kou í tú wè báá na kɛ́ tì di.
3493	LEV 25:23	Òmɔù báá fítɛ́ kɛtenkɛ̀ sã́ã̀ kɛ̀ dɛ̀ɛ deè kɛ yɛ̃́ míì temɛ̀ kɛtenkɛ̀ kɛ̀ di tú bɛpɔ̀ɔ̀bɛ̀ kɛ bo kɛ miɛkɛ.
3506	LEV 25:36	Ò bá nwanti mucɔ̃́ntimu o ĩ́nkɛ̀, ò bá nwanti kɛ bo ò di. Ò ndé mí ndi Yiɛ̀ nKuyie nkɛ̀ o kou nhò bonɛ̀.
3591	LEV 27:20	Kòo mɛ nyí kɛ̀ dontɛ́ o mɔ́mmuɔ nkòò kɛ̀ fìtɛ́nɛ̀ otɔù mɔù dɛ̀ dèèmu. Ò tɛ̃́nkɛ báá na kɛ́ kɛ̀ dontɛ́.
3597	LEV 27:26	Òmɔù bá m pã o ɔ̃̀fɛ̀ pɛitɛ́ fɛ̀ mɛketimɛ̀ kɛ̀ fɛ̀ tu fɛdaafɛ̀, fɛ̀ diɛ nkɛ tú n kɔfɛ nfɛ. Kòo nààfɛ̀ nfɛ yoo o pìèfɛ̀ yoo o buɔtɛ̀.
3827	NUM 6:3	Ò bá nyɔ̃̀ mmɛnaà mbɛ̀ tumɛ̀ difɛ̃́ɛ̃̀ nɛ̀ mɛtɛ̃mɛ̀ mɛ̀ɛ̀ muɔ̀, ò bá nyɔ̃ mmɛnacɛ́duo, kɛ̀ bɛ̀ nìú fínyĩ̀ kó yɛbɛ ò báá yã̀ dɛ kó dinaabɛ́nnì, ò mɛ mbáá cáákɛ́ fínyĩ̀ kó yɛbɛ sũ̀ũ̀yɛ̀ yoo yɛkperɛ̀.
3831	NUM 6:7	Kòo cicɛ nwe yoo o yɔ̃ yoo o kóo kótì yoo o nantɛ̀ yoo o tãũ̀ ò báá ò tɔ̀ɔ́nnɛ̀, kɛ́sĩnkùnnɛ omáà. Ò cã̀ã́mmu n kó mutɔ̃mmú kpɛ́í kɛ sokɛ́ tiyùtì.
3832	NUM 6:8	Ò sokɛ́ yɛ̀ɛ̀ we tiyùtì yɛ miɛkɛ ò cã̀ã́mmu n kó mutɔ̃mmú kpɛ́í.
3852	NUM 7:1	Mɔyiisi dèè dìì mɔ̀nnì mɛtaummɛ̀ tou kó mudɔɔ̀rìmù kɛ́ dì còú mmɛkùɔ̀ nkɛ́ dì cã̀ńnɛ́ nɛ̀ di nɛntì timɔu nɛ̀ diwũɔ̃tɔ̀nnì nɛ̀ di kó tinɛntì timɔu. Ò dɛ̀ còú ndìì mɔ̀nnì mɛkùɔ̀ nkɛ dɛ̀ cã̀ńnɛ́ kɛ dèè,